(September 24, 2025 – Iqaluit/Kangighinik, Nunavut) Piniahaaktitlugit tatvani Kanatamiut Ublutani tahaffuminga Ukpiriyaunikut Iliitagiyauninganiklo Taimani Ilihagiaktitaohimayot (September 30th) Nunavut Tunngavik Timingat Nunavumi aittuiniaktot tahapkuninga Aupayangayunik Illuvguanik inolgamiit angitilangitnik ihomagiyomavlugit tahapkua annaghimayot Taimani ilihagiaktitaohimavlutik ahinnut nunanut, tatvalu huli koviahutigiyomavlogit pinnikninganik hapkua nutagaotivut tatvalu iliitkuhiktutivut.
Tahapkua aupayangayut illuvguat titigaoyaghimayait uma Arviatmiutauyop hannauyaktioyok Nooks Lindell, tatvanga Hinaani Design-kuni. “Una Hakalikitaak titigauyakhimayok naunaipkutauyok pinniktok ingilgatiakhunilo. Unalo Inuk kitianiitok ihomagivlugo una Anaanatiaga tatvalu ayungitungmat titigauyaknikut.Unipkakatakpangmat tahaffuminga Inunnguinnikut pimagiuninganiklo pamikhaitnikmik nutakanik inniktitpaliagalititlogit innuhikmingnik,” ukkaktok Nooks. “Inniktitpaliagangat Inuinauvluni tukkikaktok iliitpalikpaliayok Inuit iliitkuhiitnik.
NTI-kut havaktiit aittuikatakniaktot tahapkuninga illuvguanik tahapkunani Iqalunni, Kanighinikmi havakvioyuni Tallimiutmi, September 26-mi pilliklutik 10:00 am ublami nunaliitni ublukhiotat atoktaulutik, Ikaluktutiami aittutighat tunniokhaktaotaakhimaliktot.
HUNNA: Aupayangayunik illuvguanik Aittuiniaktut (Inolgamiit attugaitnik (sm-xl)
NANNI: NTI-kut Havakviitni Iqalungni, Kangighinikmi
KAKUGU: Tallimiut, September 26th 10:00 AM ublumi Nunaliitni Ublukhiot Atoklugit
HUUK: Kanatamiut Ubluutat Ukpiriyaunikut Iliitagiyauninganiklo Taimani Ilihagiaktitaohimayot
Pivalialikinikut Tohakviuyok:
Ivaluarjuk Merritt
Ataniat Tohaktitilikiyiitkut
Nunavut Tunngavik
