Story of Perry River
ᐊᒥᓱᒐᓚᐅᓚᐅᖅᑐᑦ ᓱᕈᓰᑦ. ᒪᕐᕉᒃ ᐊᕐᓈᒃ ᓯᖓᐃᔫᒃ. ᐊᐅᑉᐸᓪᓕᐊᓕᖅᑐᖅ ᐊᒻᒪᓗ ᐱᔭᕆᐊᑐᓗᐊᓕᖅᑐᖅ ᐃᖏᕐᕋᕕᒋᓇᓱᐊᕐᓗᒍ. ᐃᑉᐱᓐᓂᐊᓂᒃᑯᑦᑕᐅᖅ, ᐆᒻᒪᑎᒃᑯᑦ ᐋᓐᓂᓇᖅᑐᒻᒪᕆᐅᔪᖅ ᓯᖁᑦᑎᕐᓇᖅ ᐃᓚᖏᓐᓄᑦ ᐊᕝᕗᑎᒋᐊᖃᓚᐅᖅᑐᓄᑦ ᓇᖕᒥᓂᕆᔭᒥᓂᒃ ᐃᓚᒥᓂᒃ. ᐋᓂ ᒪᒡᒐᒃᓇᒃ ᐃᖅᑲᐅᒪᑦᓯᐊᖅᑕᖓ ᐃᑉᐱᓐᓂᐊᓚᐅᖅᑕᓂ ᐃᑉᐱᓐᓂᐊᔫᔮᖅᑕᖓ; “ᐅᒥᖕᒪᒃᑑᒥᒃ ᐊᐅᓪᓚᓚᐅᖅᑐᖓ 19-ᓂᒃ ᐅᑭᐅᖃᓕᖅᑐᖓ. ᓯᖓᐃᓪᓗᖓ. ᒪᒃᑯᑐᒻᒪᕆᐅᓪᓗᖓ. ᐊᖏᔪᖅᑳᓐᓂᒃ ᕿᒪᐃᒋᐊᖃᓚᐅᖅᑐᖓ. ᕿᐊᖃᑦᑕᓚᐅᖅᑐᖓ ᐃᖏᕐᕋᓪᓗᑕ.” ᑕᒪᒃᑯᐊᖑᒐᓗᐊᖅᑎᓪᓗᒋᑦ ᐊᑦᓱᕈᕐᓇᑐᒃᑰᕐᓂᕆᓚᐅᖅᑕᖏᑦ, ᐱᕙᓪᓕᐊᓂᖃᑦᓯᐊᑐᒻᒪᕆᐅᓚᐅᖅᑐᑦ ᐱᒋᐊᓕᓵᖅᑐᑎᒃ. ᑭᓯᐊᓂᓕ ᑎᑭᑉᐸᓪᓕᐊᓕᕋᒥᒃ ᑐᓪᒍᖅᑎᑏᕕᒃ, ᓯᒻᓴᓐ ᑰᖓᑕ ᓯᕗᕌᓂ, ᐃᖏᕐᕋᓚᐅᖅᑐᑎᒃ 80 ᑭᓛᒥᑕᓂᒃ, ᓯᑯ ᐱᐅᒍᓐᓃᓚᐅᖅᑐᖅ ᐊᑐᖅᓴᐅᒍᓐᓃᖅᑐᓂ ᐅᖃᐅᓯᖏᒃ ᑯᑉᓗᒍᒃ ᐊᒻᒪᓗ ᐅᓕᑲᑦᑕᖅ ᒪᓕᓪᓗᒋᒃ ᐊᑦᑕᓇᓗᐊᕐᓂᕋᐃᓕᓚᐅᖅᑑᒃ ᐃᖏᕐᕋᒋᐊᒃᑲᓂᕐᕕᒃᓴᐅᒍᓐᓃᕐᓂᕋᐃᓪᓗᑎᒃ. ᑕᒻᒫᓕᓚᐅᖅᑐᑦ ᓯᑯᐃᖅᓰᓕᖅᑐᑎᒃ, ᐃᒪᕈᖅᑲᑦ ᐊᐅᓪᓚᕆᐊᖔᓛᓕᕋᒥᒃ ᐅᒥᐊᒃᑯᑦ.
ᑕᒪᓐᓇᑦᑕᐅᖅ ᖃᐅᔨᒪᓇᕈᑕᐅᔪᖅ ᐊᑦᑕᓇᖅᑐᒦᑦᑐᒻᒪᕆᐅᓕᓚᐅᕐᓂᖏᓐᓂᒃ, ᐊᑐᖅᓴᐅᒐᓂ ᐅᒥᐊᒃᑯᑦ ᓯᑯᖃᓗᐊᒧᑦ ᐊᐅᔭᒃᑯᑦ, ᐊᒻᒪᓗ ᐅᒥᐊᑦ ᓱᕋᖃᑦᑕᑐᒻᒪᕆᐅᖃᑦᑕᕐᓂᖏᓐᓄᑦ, ᐆᑦᑑᕝᕙᐅᓕᓚᐅᖅᑐᖅ ᓈᓚᕝᕕᖕᒧᑦ ᑎᑭᑦᑕᓯᓐᓇᓕᕋᒥᒃ ᑭᖕ ᐅᐃᓕᐊᒻ ᕿᑭᖅᑖᓂ.
