Story of Perry River
ᐃᓕᓐᓂᐊᖅᑏᑦᑕᐅᖅ ᐃᓚᖓ ᖃᖓᑕᔫᖃᑕᐅᓚᐅᖅᑐᖅ, ᐋᓚᓯ ᖃᑯᖅᑕᓕᒃ, 12-ᓂᒃ ᐅᑭᐅᓕᒃ ᒪᒃᑯᑦᑐᖅ, ᐅᑎᖅᐸᓪᓕᐊᔪᖅ ᑕᓪᓕᒪᖓᓂ ᐅᑭᐅᒥ ᐃᓅᕕᖕᒧᑦ ᐃᓕᓐᓂᐊᕆᐊᖃᑦᑕᖅᓯᒪᓕᖅᑐᖅ, ᐊᒻᒪᓗ ᓄᑲᓂ, ᑕᒪᒃᑮᒃ ᑖᒃᑯᐊ ᓯᕗᓪᓕᖅᐹᖑᓯᒪᔫᒃ ᑭᖑᕚᕇᓂ ᐃᓄᖕᓂᒃ ᐃᓕᓐᓂᐊᖅᓯᒪᔪᓂ ᐃᓕᓐᓂᐊᕕᖕᒥ. ᐊᖏᔪᖅᑳᖏᒃ, ᑖᒥ ᐊᒻᒪᓗ ᐄᒪᓕ ᖃᑯᖅᑕᓕᒃ, ᐸᓂᖕᒥᓐᓂᑦᑕᐅᖅ ᓂᕆᐅᑦᓯᐊᖅᑑᒃ ᑕᑯᓇᓵᕋᒥᒋᒃ ᐊᑯᓂᐊᓗᒃ ᐊᐅᓪᓚᖅᓯᒪᓲᔭᕐᒪᑎᒃ ᐊᒻᒪᓗ ᑭᖑᓂᖃᕆᒻᒪᕆᑦᑐᓂᒋᑦ ᐋᓐᓂᓇᖅᑐᒥᒃ. ᖃᐅᔨᒪᓚᐅᓐᖏᑐᓪᓕ ᑕᐃᑦᓱᒪᓂ, ᑭᖑᓪᓕᖅᐹᕆᓂᐊᓕᕐᓂᕐᒪᒍ ᐊᕐᕌᒍ ᐸᓂᖏᒃ ᐊᐅᓪᓚᕈᑎᖄᓛᕐᓂᖏᓐᓂᒃ ᐃᓕᓐᓂᐊᕆᐊᕐᓗᑎᒃ.
ᑕᐃᕕᑦ ᓯᒃᓯᒃ, ᐃᓐᓇᓵᖑᓕᖅᑐᖅ 25-ᓂᒃ ᐅᑭᐅᖃᓕᖅᑐᖅ 1967-ᒥ, ᓄᓕᐊᓂᕐᓂᐊᖅᑐᒥᓂᐅᑎᓪᓗᒍ ᐋᓚᓯ ᖃᑯᖅᑕᓕᒻᒥᒃ, ᐃᓕᔅ ᑰᖓᓂᒥᐅᑕᐅᖃᑎᓕᒃ ᐊᒃᑲᖕᒥᓂᒃ, ᑯᑉᓗᒍᖅ, ᐊᑖᑕᒋᓚᐅᖅᑖ ᑐᖁᖓᓕᖅᑎᓪᓗᒍ. ᑕᕝᕙᓂ ᒪᐃᒥ, ᒪᖃᐃᑦᑐᑦ ᓇᑦᓯᖅᓯᐅᕋᒥ ᐳᑐᓕᒻᒥ (Hᐊᑦ ᕿᑭᖅᑕᖅ), ᐅᖓᓯᓐᓂᓕᒃ 170 ᑭᓛᒥᑕᓂᒃ ᐅᐊᕐᓈᑕ ᐱᖓᓐᓈᓂ.
