ᒫᓐᓇᒧᑦ ᐊᐅᓚᔾᔭᒃᑕᐅᓯᐊᖅᓯᒪᔪᑦ

ᐅᒥᖕᒪᒃᑑᖅ

1998-ᒥ, ᐅᖅᓱᖅᑑᒥᐅᑕᕐᓂᒃ ᑎᑎᕋᖅᑐᖃᓚᐅᖅᑐᖅ ᓄᓇᕗᑦ ᑐᓐᖓᕕᒃᑯᑦ ᐊᖏᔪᖅᑳᑉ-ᑐᒡᓕᐊᓄᑦ ᔭᐃᒥᓯ ᐃᑦᑐᓗᒃ, “ᓂᐅᕕᖅᑎᒃᑯᑦ Hᐊᑦᓴᓐ ᐸᐃ ᑲᒻᐸᓂᒃᑯᑦ ᖃᓪᓗᓐᓂᐊᕐᕕᐅᕙᑦᑎᓪᓗᒋᑦ ᐅᒥᖕᒪᖅᑑᒥ ᑕᐃᔭᐅᓚᐅᖅᓯᒪᔪᖅ.” ᑎᑎᖅᑲᖅ ᐊᑎᓕᐅᖅᑕᐅᓯᒪᓪᓗᓂ ᐊᕐᕕᓂᓕᓐᓄᑦ ᐃᓄᖕᓄᑦ, ᑭᒡᒐᖅᑐᐃᔪᓄᑦ ᐅᓄᕐᓂᖅᓴᐅᓚᐅᖅᑐᓂᒃ, 1967-ᒥ, ᐅᒥᖕᒪᒃᑑᒥᒃ ᓅᑕᐅᓚᐅᖅᑐᓄᑦ ᐅᖅᓱᖅᑑᒧᑦ. ᑐᑭᓯᓇᖅᓯᑎᒋᐊᕐᓗᒍ, “ᑕᐃᑦᓱᒪᓂ ᐱᒡᒐᓇᖅᑐᓪᓚᕆᐊᓘᓚᐅᖅᑐᖅ ᐊᑦᓱᕈᕐᓇᖅᑐᓂ ᐅᒥᖕᒪᒃᑐᒥᐅᓄᑦ. ᓂᓐᖓᑦᓯᒪᓐᖏᒃᑲᓗᐊᖅᑐᒍᑦ ᑭᓯᐊᓂ ᖃᐅᔨᒪᔭᐅᔪᒪᑐᐃᓐᓇᖅᑐᒍᑦ ᐊᑐᓚᐅᖅᑕᑎᓐᓂᒃ, ᐊᒻᒪᓗ ᐊᑦᓱᕈᕐᓇᑐᒃᑰᒻᒪᕆᓚᐅᕐᓂᑎᓐᓂᒃ.”
2003-ᒥ, ᑐᓐᖓᕕᒃᑯᑦ ᐃᖅᑲᓇᐃᔭᖅᑎᑦᓯᓕᓚᐅᖅᑐᑦ ᐅᓂᒃᑳᑎᑦᓯᖃᑦᑕᑐᒃᓴᒥᒃ ᑕᐃᕕᑦ ᐱᐊᓕᒥᒃ ᖃᐅᔨᓇᓱᐊᑦᓯᐊᖁᓪᓗᒍ ᐊᐱᖅᓱᖃᑦᑕᕐᓗᓂ ᐅᖅᓱᖅᑑᒥ. ᑲᒪᒋᓚᐅᖅᑕᖓ ᐅᑭᐅᓐᓂᒃ ᒪᕐᕉᓐᓂᒃ ᐊᒻᒪᓗ ᓄᓇᓕᖕᓅᑲᑕᐃᓐᓇᕆᐊᖃᓚᐅᖅᑐᖅ, ᑲᑎᓯᔭᖅᑐᕆᐊᓐᖓᓚᐅᖅᑐᖅ ᐊᓐᓇᓯᒪᔪᓂᒃ ᐊᑦᓱᕈᕐᓇᑐᒃᑰᓚᐅᖅᑐᓂᒃ, ᐸᕐᓇᖃᑎᒋᔭᖅᑐᖅᓱᓂᒋᑦ, ᐊᐱᖅᓱᓛᕐᓂᐊᑐᐃᓐᓇᖅᑐᒋᑦ ᐊᒻᒪᓗ ᑭᖑᓂᐊᒍᑦ ᖃᐅᔨᒋᐊᖃᑦᑕᓛᕐᓂᐊᖅᓱᓂᒋᑦ, ᐊᓱᐃᓛᒃ ᑎᑎᕋᖅᐸᓪᓕᐊᓯᒪᔭᖏᑦ ᓇᓕᖅᑯᓯᑦᓯᐊᕋᓗᐊᕐᒪᖔᑕ ᖃᐅᔨᒋᐊᓕᓚᐅᕐᒥᔪᖅ ᑭᖑᓂᐊᒍᑦ. ᐊᓱᐃᓛᒃ ᓴᖅᑭᓚᐅᖅᑐᖅ ᐅᓂᒃᑳᓕᐊᕆᓪᓗᒍ 200-ᓂᒃ ᒪᑉᐱᒐᓕᒃ ᐊᐱᖅᓱᖅᓯᒪᔭᓂ ᑎᑎᕋᖅᐸᓪᓕᐊᓯᒪᓕᖅᑐᓂᒋᑦ ᐊᕐᕕᓂᓕᓐᓂᒃ ᐊᐱᖅᓱᖃᑦᑕᓚᐅᖅᑕᖏᓐᓂᒃ ᐊᑑᑎᓯᒪᔪᓂᒃ ᐱᖓᓱᓂᒃ ᐅᖃᐅᓯᕐᓂᒃ ᐊᑐᖅᓱᓂ: ᖃᓪᓗᓈᑎᑐᑦ, ᐃᓄᒃᑎᑐᑦ ᐊᒻᒪᓗ ᐃᓄᐃᓐᓇᖅᑐᓐ. ᐅᓂᒃᑳᖏᑦ, ᑕᐃᒪᐃᖁᔨᓚᐅᕐᒪᑕ, ᓂᐱᓕᐅᖅᓯᒪᑦᓯᐊᖅᑐᑦ. ᐃᓚᖓᓐᓂ ᑖᒃᑯᐊ ᑲᑎᒪᖃᑎᒋᓪᓗᓂᒋᑦ, ᐃᓱᓕᑉᐸᓪᓕᐊᓕᖅᑎᓪᓗᒍ, ᖁᕝᕕᐅᖃᑦᑕᓚᐅᖅᑐᑦ ᐊᒻᒪᓗ ᐃᕿᐅᑎᕙᑦᑐᑎᒃ, ᑭᓯᐊᓂᓕ ᐊᖏᓂᖅᐹᖑᓚᐅᖅᑐᖅ ᖁᕕᐊᓱᓐᓂᕐᒥᒍᑦ ᓇᑯᖅᓴᕐᓂᖏᑦ ᐃᓅᓯᖓᑕ ᐃᓚᖓᒍᑦ ᐊᖅᑯᓵᓚᐅᖅᑖ ᐊᓂᒍᕐᒪᑦ ᐃᖅᑲᐅᒪᔭᐅᖃᑦᑕᕈᓐᓇᕐᓂᐊᓕᖅᑐᓂᓗ ᐊᓯᖏᓐᓄᑦ ᐊᕐᕌᒍᕋᓴᓐᓂᒃ.


/* Style Definitions */
table.MsoNormalTable
{mso-style-name:”Table Normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-priority:99;
mso-style-parent:””;
mso-padding-alt:0cm 5.4pt 0cm 5.4pt;
mso-para-margin:0cm;
mso-para-margin-bottom:.0001pt;
mso-pagination:widow-orphan;
font-size:10.0pt;
font-family:”Times New Roman”,”serif”;}

ᑎᑎᕋᖅᑕᖓ ᑕᐃᕕᑦ ᐱᐊᓕ