Story of Perry River
ᐅᓪᓗᒐᓚᓐᓂᒃ, ᑐᓴᖅᑎᑕᐃᓐᓇᐅᓚᐅᖅᑐᑦ ᑖᒃᑯᐊᓕᒫᑦ ᖁᐊᖅᓵᓇᖅᑐᒥᒃ: ᐅᒥᖕᒪᒃᑑᒥ ᖃᓂᒋᔮᓂᓗ ᐊᓯᔾᔨᓕᖅᑐᖅ ᑕᐃᑲᓐᖓᑦ ᑕᐃᒪᐃᖏᓐᓇᕐᓂᐊᓕᖅᑐᓱᓂ – ᖃᓪᓗᓂᐊᕐᕕᐅᕙᑦᑐᖅ ᐅᒥᖕᒪᒃᑑᒥ ᒪᑐᓯᔪᒥᓂᐅᒻᒪᑦ ᐊᒻᒪᓗ ᔭᐃᒥᓯ ᓯᐊᑉᒪᓐ, ᑭᖑᓪᓕᖅᐹᖑᓚᐅᖅᑐᖅ ᐊᖏᔪᖅᑳᕆᔭᐅᓪᓗᓂ, ᐊᐅᓪᓚᖅᑐᒥᓂᖅ. “ᐳᑐᓕᖕᒦᑎᓪᓗᑕ, ᐋᐱᐊᓇ ᑎᑭᑦᑐᓂ ᐅᒥᖕᒪᒃᑐᒥᒃ ᐅᖃᓚᐅᖅᑐᖅ ᓂᐅᕕᕐᕕᒃ ᒪᑐᓐᓂᕆᐊᖓ,” ᐃᖅᑲᐅᒪᔪᖅ ᓯᒃᓯᒃ. ᐋᐱᐊᓇ ᐃᖅᑲᐅᒪᔭᖓ ᓴᑭᖓ ᑎᑭᑦᓱᓂ ᓄᓇᖓᓄᑦ ᐃᓕᔅ ᑰᖓᓄᑦ, ᐃᖃᓗᑦᑑᑦᑎᐊᓕᐊᖅᐸᓪᓕᐊᔪᖅ, ᑐᓴᖅᑎᑦᓯᔪᖅ ᖃᓪᓗᓂᐊᕐᕕᐅᕙᑦᑐᖅ ᒪᑐᓐᓂᕆᐊᖓ. ᐊᒥᓱᒐᓚᐃᑦ ᐃᓚᒋᑦ ᐃᖃᓗᑦᑑᑦᑎᐊᒨᓐᖓᓚᐅᖅᑐᑦ, ᐊᒻᒪᓗ ᐃᓘᓐᓇᒐᓚᑎᒃ ᐊᒻᒪᓗ ᑭᖑᕚᕆᔭᐅᔪᑦ ᓱᓕ ᑕᐃᑲᓂᒥᐅᑕᑦ. ᐋᐱᐊᓇ ᖃᓄᖅᑑᑲᓐᓂᕈᑎᒃᓴᖃᓚᐅᓐᖏᑦᑐᖅ ᑭᓯᐊᓂ, ᐃᓱᒪᒥᒍᑦ, “ᒪᓕᒋᐊᖃᓚᐅᖅᑐᖅ” ᓴᑭᒃᑯᒥᓂᒃ. ᓯᐅᕋ ᐅᓕᑲᑦᑕᖅ, ᐃᖕᒥᒍᓪᓕ, ᐃᖅᑲᐅᒪᔪᖅ ᑎᑭᒃᑲᒥ ᐅᖅᓱᖅᑑᒥᒃ ᐅᐃᓂᓗ ᕿᒧᑦᓯᒃᑯᑦ, ᖃᐅᔨᓚᐅᖅᑐᖅ ᐅᒥᖕᒪᒃᑑᖅ ᓂᐅᕕᕐᕕᖃᕈᓐᓃᖅᑐᓂ ᐃᓄᖃᕈᓐᓃᖅᑐᖅ.
