ᓄᓇᕗᑦ ᑐᙵᕕᒃ ᑎᒥᖓ ᑐᒃᓯᕋᐅᑎᓕᐅᖁᔨᔪᑦ ᐊᔪᙱᑦᑐᒥᒃ ᐱᓕᕆᔨᒻᒪᕆᒻᒥᒃ ᐅᕝᕙᓘᓐᓃᑦ ᐱᓕᕆᔨᒻᒪᕆᖕᓂᒃ ᐋᖅᑭᒃᓱᐃᒐᔭᕐᓗᑎᑦ ᐅᖃᐅᓯᕆᔭᐅᒐᔭᖅᑐᓂᑦ ᑎᑎᖅᑲᓂᑦ ᐊᒻᒪᓗ ᐱᓕᕆᕝᕕᒻᒧᑦ ᐸᕐᓇᐅᑎᖓᓂᒃ ᓇᓗᓇᐃᒐᔭᖅᑐᑦ ᐱᕙᓪᓕᐊᖑᑎᒋᔭᐅᓂᖏᑦ ᐊᒻᒪᓗ ᖃᓄᐃᓕᐅᖅᑕᐅᔭᕆᐊᓖᑦ ᐋᖅᑭᒃᓱᖅᑕᐅᖁᓪᓗᒍ ᖃᓄᐃᑦᑕᐃᓕᓂᕐᒧᑦ ᐃᓛᒃᑰᖓᔪᒥᒃ ᐋᔩᕋᖅᑎᑉ ᐊᓪᓚᕝᕕᐊ, ᐅᕝᕙᓘᓐᓃᑦ ᑎᒥᐅᔪᖅ ᐊᔾᔨᖃᐸᓗᒃᑐᒥᒃ ᐊᐅᓚᑦᑎᒐᔭᖅᑐᒥᒃ ᓄᓇᕗᒻᒥ. ᐱᔾᔪᑎᖓ ᑖᔅᓱᒪᑉ ᐊᓪᓚᕝᕕᐅᔫᑉ ᐊᑐᕈᓐᓇᑦᑎᐊᓂᖅᓴᐅᓕᒻᒪᕆᓪᓗᑎᑦ ᐃᑲᔫᑎᓂᑦ ᐃᓄᖕᓄᑦ ᑭᓇᐅᓂᖏᓐᓄᑦ ᐊᔾᔨᐅᙱᑦᑐᒃᑯᑦ ᑲᒪᒋᔭᐅᖃᑦᑕᕐᓂᖏᑦ, ᐅᕕᓂᖏᑦᑕ ᐊᒥᐊᖏᑦ ᒪᓕᑦᑐᒋᑦ ᐊᔾᔨᐅᙱᑦᑐᒃᑯᑦ ᑲᒪᒋᔭᐅᖃᑦᑕᓲᑦ ᐊᒻᒪᓗ ᐃᓕᖅᑯᓯᖏᓐᓅᖓᔪᓂᑦ ᐃᑲᔪᖅᑐᐃᔾᔪᑕᖃᐅᑦᑎᐊᙱᑦᑐᓂᑦ ᐃᓕᓐᓂᐊᕐᓂᕐᒥᒃ, ᐃᓚᒌᑦᑐᓄᑦ ᐱᔨᑦᑎᕋᕈᑎᓂᒃ ᐊᒻᒪᓗ ᐋᓐᓂᐊᖅᑕᐃᓕᒪᔪᓕᕆᕙᑦᑐᓂᒃ.
ᑐᒃᓯᕋᐅᑎᓕᐅᕐᓂᕐᒧᑦ ᑐᑭᓯᒋᐊᕈᑎᓕᒫᕆᒋᐊᓕᖏᑦ ᐊᑐᐃᓐᓇᐅᒪᔪᑦ ᖃᕋᓴᐅᔭᒃᑯᑦ ᐱᔭᐅᓗᑎᑦ ᐊᓪᓕᕐᒥ ᐅᖃᖅᓯᒪᔪᑦ ᐱᔭᐅᔪᓐᓇᕐᓂᖏᖕᓂᒃ.
ᓇᒻᒥᓂᖁᑎᒋᔭᐅᔪᒥᒃ ᐱᓕᕆᐊᖃᕈᒪᔪᖃᕈᓂ ᐅᕝᕙᓘᓐᓃᑦ ᐊᑐᓂ (ᑐᒃᓯᕋᐅᑎᓕᐅᖅᓯᒪᔪᖅ) ᑐᓂᓯᔪᓐᓇᖅᑐᑦ ᑎᑎᕋᖅᓯᒪᔪᓂᒃ ᐊᒻᒪᓗ/ᐅᕝᕙᓘᓐᓃᑦ ᖃᕋᓴᐅᔭᒃᑰᖓᔪᓂᑦ ᑐᒃᓯᕋᐅᑎᒥᓂᒃ. ᑎᑎᕋᖅᓯᒪᐅᖅᑐᑦ ᐴᖅᓯᒪᔭᕆᐊᓖᑦ ᓂᐱᑎᑦᑎᐊᖅᓯᒪᔪᒧᑦ ᐸᐃᑉᐹᑉ ᐴᖏᓐᓄᑦ, ᓇᓗᓇᐃᖅᓯᒪᑦᑎᐊᕐᓗᓂ ᑎᑎᖅᑲᓄᑦ ᐴᕐᒥᒃ/ᐴᕐᒥᒃ ᐊᑎᖃᕐᓗᒍ ᑖᔅᓱᒪᑉ ᑐᒃᓯᕋᐅᑎᓕᐅᖁᔨᔾᔪᑎᑉ. ᑐᒃᓯᕋᐅᑏᑦ ᑐᓂᔭᐅᔭᕆᐊᓖᑦ ᓄᓇᕗᑦ ᑐᙵᕕᒃ ᑎᒥᖓᓄᑦ ᐅᖓᑖᓅᙱᑦᑐᖅ 5:00 ᐅᓐᓄᓴᒃᑯᑦ ᑲᓇᓐᓇᑉ ᓯᕿᙳᔭᖓ ᒪᓕᓪᓗᒍ ᕖᕝᕗᐊᕆ 5, 2025 ᐊᓪᓚᕝᕕᐊᓄᑦ ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᑐᕌᕈᑎᖓᓄᑦ:
ᑎᑎᖅᑲᓂᐊᕐᕕᒃᑯᑎᒍᑦ ᐅᕝᕙᓘᓐᓃᑦ ᐃᓄᒃᑎᒍᑦ ᐋᑕᐅᓗᓂ ᐅᑯᓄᖓ:
ᓄᓇᕗᑦ ᑐᙵᕕᒃ ᑎᒥᖓ
ᐆᒧᖓ: ᐆᐳᓪ ᒥᑭᓂᔅ
ᐱᖓᔪᐊᑦ ᓇᑎᖓ, ᐃᒡᓗᕗᑦ, ᑎᑎᖅᑲᒃᑯᕕᖓ ᓈᓴᐅᑖ 638
ᐃᖃᓗᐃᑦ, ᓄᓇᕗᑦ X0A 0H0
ᖃᕋᓴᐅᔭᒃᑯᑦ ᐊᐅᓪᓚᖅᑎᑕᐅᓗᑎᑦ ᑐᒃᓯᕋᐅᑏᑦ ᐆᒧᖓ
