ᐱᔾᔪᑎᖓ ᑖᔅᓱᒪ ᐱᔪᒪᓂᖃᓐᓂᖅ ᐅᒃᑦᑑᑎᓕᐊᖑᓯᒪᔪᓂᒃ (RFP) ᐱᓇᓱᐋᕋᓱᒃᖢᑕ ᐅᒃᑑᑎᓕᐊᖑᔪᓂᒃ ᓇᓪᓕᖅᓯᓯᒪᔪᓂᒃ ᓂᐅᕕᐋᒃᓴᖃᓲᖑᔪᓂᒃ ᓂᐅᕕᕋᓐᓂᕐᒧᑦ ᑐᓐᓂᖅᓴᖅᑕᐅᓂᖏᑕᓗ ᓯᑭᑑᓐ ᐊᒻᒪᑦᑕᐅᖅ ᑎᓴᒪᓖᑦ (ᐱᓲᑎᓐ) ᑕᒪᐃᓐᓄᑦ 13 ᓄᓇᓕᖕᓄᑦ ᕿᑭᖅᑖᓗᒦᑦᑐᓄᑦ, ᐃᓚᒋᔭᐅᓪᓗᑎᒃ ᐅᑯᐊ ᐃᒃᐱᐊᕐᔪᒃ, ᑲᖏᖅᑐᒑᐱᒃ, ᐊᐅᓱᐃᑦᑐᖅ, ᐃᒡᓗᓕᒃ, ᐃᖃᓗᐃᑦ, ᑭᒻᒥᕈᑦ, ᑭᙵᐃᑦ, ᐸᖕᓂᖅᑑᖅ, ᒥᑦᑎᒪᑕᓕᒃ, ᕿᑭᖅᑕᕐᔪᐋᖅ, ᖃᐅᓱᐃᑦᑐᖅ, ᓴᓂᑭᓗᐋᖅ ᐊᒻᒪᑦᑕᐅᖅ ᓴᓂᕋᔭᒃ ᐸᕐᓈᖑᔪᑦ ᓄᓇᕘᑉ ᐅᓪᓗᖁᑎᒃᓵᑕ ᐊᒡᒋᖅᑐᖅ ᔪᓚᐄ 9 ᐅᓪᓗᐊᓄᑦ.
ᓄᓇᕗᑦ ᑐᙵᕕᒃ ᑎᒥᖑᑎᑕᖅ (ᑐᙵᕕᒃᑯᑦ) ᑭᒡᒐᖅᑐᐃᔨᐅᒻᒪᑦ ᑎᒥᐅᔪᓂᒃ ᓄᓇᕘᑉ ᐃᓄᖁᑎᖏᓄᑦ ᐊᑖᒍᑦ 1993 ᓄᓇᕘᑉ ᐊᖏᕈᑎᒻᒪᕆᐋᓄᑦ, ᐃᓗᐃᑦᑑᓂᖅᓴᖅ ᓄᓇᑖᕈᑎᒧᑦ ᐊᖏᖃᑎᒌᒍᑎᖓᑦ. ᑐᙵᕕᒃᑯᑦ ᑐᕌᒐᕆᔭᖓ ᐱᕚᓪᓕᕆᓂᖅ ᐃᓄᐃᑦ ᑮᓇᐅᔭᓕᐅᕈᓯᖏᑦ, ᐃᓅᖃᑎᒌᒍᓯᖏᑦ ᐊᒻᒪᑦᑕᐅᖅ ᐱᖅᑯᓯᒥᒍᑦ ᖃᓄᐄᙱᑦᑎᐊᕈᓯᖏᑦ ᐊᖅᑯᑎᒋᓪᓗᒍ ᐃᓗᐃᑦᑐᒃᑯᑦ ᐊᑐᓕᖅᑎᑦᑎᓂᖏᒍᑦ ᓄᓇᕘᑉ ᐊᖏᕈᑎᒻᒪᕆᐋᓂᒃ. ᑐᑭᓯᐅᒪᔾᔪᑎᒃᑲᓐᓂᕐᓄᑦ ᑖᔅᓱᒪ ᑐᙵᕕᒃᑯᑦ (ᐃᓚᖃᖅᑐᖅ ᑐᙵᕕᒃᑯᑦ ᓂᐅᕕᕋᕐᓂᕐᒧᑦ ᐊᑐᐊᒐᖓᓂᒃ) ᐊᒻᒪᓗ ᓄᓇᕘᑉ ᐊᖏᕈᑎᒻᒪᕆᐋᓄᑦ, ᐃᑭᐊᖅᑭᕕᒻᒨᐱᑦ www.tunngavik.com.
ᐅᓇ ᐱᔪᒪᔾᔪᑖ ᑮᓇᐅᔭᖃᖅᑎᑕᐅᔪᖅ ᐊᖅᑯᑎᒋᓪᓗᒍ ᓂᕿᑦᑎᐋᕙᓄᑦ ᐅᑭᐅᖅᑕᖅᑐᒥ ᑲᓇᑕᒥᑦ ᐊᖑᓇᓱᒃᑎᓄᑦ ᐃᑲᔫᑎ ᑐᓐᓂᖅᓴᒐᖓᓂᒃ, ᐊᖏᖅᑕᐅᓯᒪᓪᓗᓂ ᑐᙵᕕᒃᑯᑦ ᑲᑎᒪᔨᖏᓄᑦ ᐱᒋᐊᖅᓯᒪᓪᓗᓂ ᔮᓐᓄᐊᕆ 2026-ᒥ.
ᐱᔪᒪᓂᖃᖅᑐᖅ ᑎᒥᐅᔪᖅ ᐃᓄᒡᓘᓐᓃᑦ (ᐅᒃᑑᑎᖃᖅᑎ) ᑐᓂᓯᔪᓐᓇᖅᐳᖅ ᑎᑎᕋᖅᓯᒪᔪᒥᒃ ᐊᒻᒪ/ᐅᕝᕙᓘᓐᓃᑦ ᖃᕆᓴᐅᔭᑦ ᓴᓇᐅᒪᔭᖏᓂᒃ ᑎᑎᖅᑲᒥᒃ ᐅᒃᑑᑎᒋᔭᖓᑕ ᓇᓕᖅᑲᖓᓂᒃ. ᐸᐃᑉᐹᖑᔪᑦ ᑎᑎᕋᖅᓯᒪᔪᑦ ᑐᖅᑯᖅᓯᒪᔭᕆᐊᓖᑦ ᐃᓗᐊᓄᑦ ᓂᐱᑎᖅᓯᒪᔫᑉ ᑎᑎᖅᑲᒃᑯᕕᖓᓄᑦ ᐊᓯᐋᑕᓘᓐᓃᑦ ᓯᒥᒃᑐᖅᓯᒪᔫᑉ ᐴᑲᑕᖓᓄᑦ, ᑎᑎᖅᓯᒪᑦᑎᐋᕐᓗᓂ ᑎᑎᖅᑲᒃᑯᕕᐊ/ᐴᖓ ᐊᑎᕆᔭᖓᓅᑦ ᐱᔪᒪᓇᓲᑎᒋᔭᑦᑕ. ᐅᒃᑑᑎᓕᐊᓯ ᐱᓯᒪᔭᐅᔭᕆᐋᖃᖅᑐᖅ ᑐᙵᕕᒃᑯᓐᓄᑦ ᐅᖓᑖᓅᖏᑦᑐᖅ 5:00 ᐅᓐᓄᓴᒃᑯᑦ ᑲᓇᖕᓇᐅᑉ ᓯᕿᙳᔭᖓᑕ ᒪᐃ 26, 2026 ᐅᕗᖓ ᑎᑎᕋᕐᕕᐅᑉ ᐃᓂᖓᓄᑦ ᐃᑭᐊᖅᑭᕕᐅᓪᓘᓃᑦ ᑐᕌᒐᖓᓄᑦ:
ᓄᓇᕗᑦ ᑐᙵᕕᒃ ᑎᒥᖓ. ᑐᕌᖓᔪᖅ ᐆᒧᖓ: ᐋᓂ ᑕᒻᓕᓐᓴᓐ
(3) ᐱᖓᔪᐊ ᖃᓕᕇᖓᑕ, ᐃᒡᓗᕗᑦ ᐃᒡᓗᖁᑖ, 100-922 ᓯᕗᒧᒋᐊᖅ ᐊᖅᑯᑖ ᐃᖃᓗᐃᑦ, ᓄᓇᕗᑦ X0A 3H0
