ᓄᓇᕗᒥ ᐃᓄᐃᑦ ᐊᕙᑎᒦᓐᖔᖅᑐᓂᒃ ᑮᓇᐅᔭᖁᑎᖏᓐᓄᑦ ᐸᐸᑦᑎᔩᑦ ᕿᓂᖅᑐᑦ ᐊᑕᐅᓯᕐᒥᑦ ᐊᔪᖏᓐᓂᖃᑦᑎᐊᖅᑐᒥᑦ ᐃᓄᒃᒥᑦ ᐱᔨᑦᑎᕐᓂᐊᕐᓗᓂ ᐃᓛᒃᑯᖅᑐᒥᑦ ᐸᐸᑦᑎᔨᒃᓴᒥ ᑲᑎᒪᔨᐅᓂᕐᒧᑦ ᐅᑭᐅᓄᑦ ᐱᖓᓱᓄᑦ ᐊᑕᓗᓂ ᐃᓂᐊᓂ.

 

ᐃᓱᒪᒋᔭᐅᔪᑦ ᑲᑎᒪᔨᐅᓂᕐᒧᑦ ᒪᑯᓂᐊ ᐊᑐᖅᓯᒪᔭᕆᐊᖃᖅᑐᖅ ᖁᑦᑎᖕᓂᖅᓴᓄᑦ-ᐃᓕᓐᓂᐊᖅᓯᒪᓂᖃᕐᓗᓂ ᐊᒻᒪᓗ ᒫᓐᓇᐅᔪᖅ ᖃᐅᔨᒪᓂᖃᕐᓗᓂ ᑕᒪᑦᓱᒧᖓ ᑮᓇᐅᔭᓕᕆᓂᕐᒧᑦ, ᖃᖓᒍᑦ ᑮᓇᐅᔭᓕᐅᕋᓱᐊᖃᑦᑕᕐᓂᕐᒥᑦ, ᑮᓇᐅᔭᓕᕆᓂᕐᒧᑦ ᖃᐅᔨᒪᓗᓂ, ᓇᖕᒥᓂᖃᕐᓂᕐᒧᑦ, ᒪᓕᒐᑦ ᐅᕝᕙᓘᓐᓃᑦ ᐃᓕᑕᕆᔭᐅᓯᒪᔪᖅ ᐊᖓᔪᖃᑎᓗᑦ ᐊᐅᓚᑦᑎᓂᕐᒥᑦ. ᓯᕗᓕᐅᑎᑕᐅᓂᐊᖅᑐᖅ ᐃᓄᒃ ᐊᑎᓕᐅᖃᑕᐅᓯᒪᔪᖅ ᓄᓇᑖᖃᑕᐅᓯᒪᓂᕐᒧᑦ ᐅᓄᖓ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂ.

 

ᓄᓇᕗᒥ ᐃᓄᐃᑦ ᐊᕙᑎᒦᓐᖔᖅᑐᓂᒃ ᑮᓇᐅᔭᖁᑎᖏᓐᓄᑦ ᐸᐸᑦᑎᔩᑦ ᒪᑭᑎᑕᐅᓚᐅᖅᓯᒪᔪᖅ ᓄᓇᕗᑦ ᑐᓐᖓᕕᒃ ᑎᒥᖓᓐᓄᑦ ᐊᒻᒪᓗ ᐊᕕᒃᑐᖅᓯᒪᔪᓂ ᓄᓇᕗᒥ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᑮᓇᐅᔭᓕᐅᖃᓐᓂᕋᓱᐊᖅᑎᐅᓂᐊᕐᓗᓂ ᐊᒻᒪᓗ ᐊᐅᓚᑦᑎᓗᓂ ᑮᓇᐅᔭᓂᒃ ᐱᔭᐅᔪᓂᒃ ᐅᑯᓄᖓ ᓄᓇᕗᑦ ᑐᓐᖓᕕᒃ ᑎᒥᖓᓐᓄᑦ ᒪᓕᒃᖢᒋᑦ ᓄᓇᕗᒥ ᓄᓇᑖᕈᑏᑦ ᐊᖏᕈᑎᖏᑦ ᐊᒻᒪᓗ ᓄᓇᕗᑦ ᑐᓐᖓᑯᒃ ᑎᒥᖓᑕ ᓄᓇᕗᒥ ᐃᓄᐃᑦ ᐊᕙᑎᒦᓐᖔᖅᑐᓂᒃ ᑮᓇᐅᔭᖁᑎᖏᓐᓄᑦ ᐊᑐᐊᒐᑦ

 

ᓄᓇᕗᒥ ᐃᓄᐃᑦ ᐊᕙᑎᒦᓐᖔᖅᑐᓂᒃ ᑮᓇᐅᔭᖁᑎᖏᓐᓄᑦ ᐸᐸᑦᑎᔩᑦ ᐊᐅᓚᑕᐅᔪᑦ ᐅᓄᖓ 7-ᕙᓄᑦ ᐸᐸᑦᑎᔨᓄᑦ ᑲᑎᒪᔨᑦ, ᐱᖓᓱᐃᑦ ᐊᑐᓃᖅᑐᑦ ᐸᐸᑦᑎᔨᓄᑦ ᑲᑎᒪᔨᑦ.

 

ᐊᑐᓃᖅᑐᑦ ᐸᐸᑎᑦᔨᓄᑦ ᑲᑎᒪᔨᑦ ᐃᒪᓐᓇᐃᖁᔭᐅᒐᔪᒃᑐᑦ ᐃᓚᐅᖃᑦᑕᕐᓗᑎᒃ ᐊᑕᐅᓰᕐᓗᑎᒃ ᓵᓐᖓᐅᑎᓗᒃ ᑲᑎᒪᓂᕐᒥᑦ ᐊᒻᒪᓗ ᐊᑕᐅᓯᕐᒥᑦ ᒫᕐᕈᐃᓪᓗᑎᒃᓘᓐᓃᑦ ᐅᖄᓚᐅᑎᒃᑯᑦ ᑲᑎᒪᓂᕐᒥᑦ ᐅᑭᐅᑕᒫᑦ, ᐊᒻᒪᓗ ᐊᑭᓕᖅᑕᐅᖃᑦᑕᕐᓂᐊᖅᑐᖅ ᑲᑎᒪᔾᔪᓯᐊᒥᑦ ᐊᒻᒪᓗ ᐅᑎᖅᑎᕝᕕᐅᓗᓂ ᐊᑭᓕᖅᓯᒪᔭᖏᓐᓂᒃ ᑲᑎᒪᔭᖅᑐᕐᓂᕐᒧᑦ ᐱᓕᕆᖃᑕᐅᓂᐊᖅᑎᓗᑦ ᐸᐸᑎᔨᓄᑦ ᑲᑎᒪᔨᐅᓂᕐᒧᑦ .

 

ᐃᓱᒪᒍᕕᑦ ᑲᑎᒪᔨᖑᕐᓂᕐᒥᑦ. ᐊᑏ ᐊᐅᓪᓚᖅᑎᑦᑎᒋᑦ ᓇᐃᓈᖅᓯᒪᔪᒥᑦ ᑎᑎᖅᑲᒥᑦ ᐃᓱᒪᓂᕐᒥᑦ ᐊᒻᒪᓗ ᐃᖅᑲᓇᐃᔮᕕᓂᕐᓄᑦ ᓇᓗᓇᐃᖅᓯᒪᔪᓂᒃ ᑎᑎᖅᑲᑎᒍᑦ ᖃᕆᑕᐅᔭᑦ ᐊᑐᕐᓗᒋᑦ ᐅᕝᕙᓘᓐᓃᑦ ᓱᑲᔪᒃᑯᑦ ᐊᐅᓪᓚᖅᑎᓪᓗᒋᑦ ᐅᓪᓗ ᕼᐋᓐᓴᓐ-ᒧᑦ 5-ᐅᓐᓄᒃᓴᒃᑯᑦ ᖄᖏᓚᐅᖏᓐᓂᖓᓂ ᑲᓇᖕᓇᒥ ᖃᐅᔨᓴᐅᑎ ᒪᓕᒃᓗᒍ, ᑎᓴᑉᐸ 04, 2015-ᒥ ᐊᑏ ᓱᓕ ᐅᖃᕐᕕᒋᒍ ᐅᓪᓗ ᕼᐋᓐᓴᓐ ᐊᐱᖅᑯᑎᖃᕈᕕᑦ.

 

ᐊᔾᔨᐊ ᐸᐸᑦᑎᔨᑦ ᒪᓕᒐᑦ (ᐃᓗᓕᖃᖅᑐᑦ ᓱᓕ ᒪᓕᖁᔭᐅᔪᓂᒃ ᐅᕝᕙᓘᓐᓃᑦ ᐃᓱᓕᕝᕕᖏᓐᓂᒃ ᐊᒃᑐᐊᔪᑦ ᐃᓂᒧᑦ ᑲᑎᒪᔨᐅᓂᕐᒧᑦ ᐊᑐᓃᖅᑐᒥᑦ ᐸᐸᑦᑎᔨᓄᑦ ᑲᑎᒪᔨᐅᓂᕐᒧᑦ) ᐊᒻᒪᓗ ᑐᑭᓯᒋᐊᕈᑎᒃᓴᑦ ᐸᐃᑉᐹᖅ ᓇᓂᔪᓐᓇᖅᑕᐅᔪᖅ ᓄᓇᕗᑦ ᑐᓐᖓᕕᒃ ᑎᒥᖓᑕ ᐃᑭᐊᕿᔾᔪᑎᖏᓐᓂ ᑕᑯᓇᒡᕕᐊᓴ ᐅᕙᓂ, ᐊᒻᒪᓗ ᐊᑐᐃᓐᓇᐅᔪᖅ ᑐᒃᓯᕋᕈᕕᑦ.

 

ᐅᓪᓗ ᕼᐋᓐᓴᓐ, ᐊᓪᓚᒃᕕᖕᒥ ᐊᐅᓚᑦᑎᔨᒻᒪᕆᒃ

ᐅᖃᓘᑖ: (867) 975-4900

ᓱᑲᔪᒃᑯᑦ: (867) 975-4949

ᐊᑭᖃᖏᑦᑐᖅ: 1-888-646-0006

 

Download (PDF, 1.26MB)

Download (PDF, 140KB)

Download (PDF, 1.46MB)