ᑐᙵᕕᒃᑯᑦ ᐊᖓᔪᖅᑳᖓᑕ ᓵᓚᒃᓴᐅᓯᐊᖅᑎᑦᓯᒍᑎᖏᑦ

(ᓅᕙᐃᒻᕙ 15, 2021 – ᑲᖏᕐᖠᓂᖅ, ᓄᓇᕗᑦ) – ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓ ᑐᓂᓯᓚᐅᖅᑐᖅ ᖁᔭᒃᑯᓯᐊᖅᑎᑦᓯᓪᓗᓂ ᐱᖓᓱᓂᒃ ᐃᓄᓐᓂᒃ ᐅᔾᔨᓇᖅᑐᒥᒃ ᐃᑲᔫᑎᖃᖅᓯᒪᔪᓂᒃ ᐱᕚᓪᓕᑎᑦᓯᓂᕐᒧᑦ ᑮᓇᐅᔭᓕᐅᕋᓱᐊᕐᓂᕐᒧᑦ, ᐃᓅᓯᕐᒧᑦ, ᐊᒻᒪᓗ ᐱᖅᑯᓯᑐᖃᒃᑯᑦ ᖃᓄᐃᙱᑦᓯᐊᑲᓐᓂᕈᑎᒃᓴᓂᒃ ᐃᓅᖃᑎᖏᓐᓄᑦ. ᐊᑐᓂᑦ ᑐᓂᔭᐅᔪᑦ ᓵᓚᒃᓴᐅᓯᐊᖅᑐᑦ ᐊᒻᒪᓗ ᑮᓇᐅᔭᒃᓴᖅᑖᖅᑎᑕᐅᓪᓗᑎᒃ $500.00.
2021-ᒥ ᑐᙵᕕᒃᑯᑦ ᐊᕐᕌᒎᑕᒫᖅᓯᐅᒻᒥᒃ ᑲᑎᒪᓂᖓᓂ, ᐊᖓᔪᖅᑳᖅ ᐊᓗᑭ ᑰᑦᑎᖅ ᐃᓕᓴᖅᓯᓚᐅᖅᑐᖅ ᐅᑯᓂᖓ ᐃᓄᓐᓂᒃ ᐃᑲᔪᖃᑦᑕᖅᓯᒪᓂᖏᓐᓂᒃ:
ᓘᓯ ᓇᑦᓯᖅ, ᓴᓪᓕᖅ
ᓘᓯ ᓇᑦᓯᖅ ᐃᑲᔫᖃᑦᑕᖅᑐᖅ ᖃᓄᐃᙱᑦᓯᐊᑲᓐᓂᕈᑎᒃᓴᖏᓐᓂᒃ ᓄᓇᒥᓂ. ᐱᓕᕆᖃᑕᐅᖃᑦᑕᖅᑐᖅ ᐃᓄᐃᑦ ᐃᓕᖅᑯᓯᖓ ᐱᖅᑯᓯᖓᓗ ᐆᒪᑎᑕᐅᖏᓐᓇᖁᓪᓗᒍ ᐃᓕᓴᐃᓂᒃᑯᑦ ᒪᒃᑯᓂᖅᓴᓂᒃ ᐃᓄᓐᓂᒃ, ᐃᓕᓴᖅᑕᐅᒍᑎᒋᓚᐅᖅᑕᒥᑐᑦ, ᕿᓯᓕᕆᓂᕐᒥᒃ, ᑲᒻᒥᐅᓂᕐᒥᒃ ᐊᒻᒪᓗ ᐊᓯᖏᓐᓂᒃ ᐱᖅᑯᓯᒃᑯᑦ ᐊᓐᓄᕋᔾᔨᐅᖃᑦᑕᓂᕐᒥᒃ. ᓘᓯ ᐃᓅᓯᓕᕆᔨᒋᔭᐅᕙᒻᒥᔪᖅ ᒪᒃᑯᑦᑐᓄᑦ ᐊᒻᒪᓗ ᐊᓯᖏᓐᓄᑦ ᓄᓇᖅᑲᑎᒥᓄᑦ ᐊᑦᓱᕉᓐᓂᖓᔪᓄᑦ ᐊᒻᒪᓗ ᐊᑦᓱᕈᕐᓇᑐᒃᑰᖅᑐᓄᑦ. ᐱᓕᕆᖃᑕᐅᖃᑦᑕᓂᕐᒥᒍᑦ …

ᑐᓴᕋᑦᓴᖅ ᑭᖑᕝᕕᐅᑎᓯᒪᔪᒥᒃ ᐊᖓᔪᖅᑳᒧᑦ ᔭᐃᒥᓯ ᐃᑦᑐᓗᒃ ᓄᕙᔾᔪᐊᕐᓇᖅ−19 ᐱᔾᔪᑎᒋᓪᓗᒍ

ᐳᐃᒍᕐᒃᑕᐃᓕᒃᑭᑦ ᐊᑐᓪᓚᑦᑖᕐᑲᑦᑕᕆᐊᓖᑦ.

ᐳᐃᒍᕐᒃᑕᐃᓕᒃᑭᑦ ᐊᑐᓪᓚᑦᑖᕐᑲᑦᑕᕆᐊᓖᑦ. ᐊᑏ ᐱᓕᕆᕐᑲᑎᒌᓪᓗᑕ ᓄᓇᓕᕗᑦ ᕐᑲᓄᐃᙱᓯᐊᕐᒃᑎᓪᓚᕗᑦ ᐊᑦᑕᓇᕐᒃᓯᒪᓗᒋᓪᓗ

Itkaomaktataklogit hapkua atoloakpaklugit atogialit. Tammapta pikatigeklota pinnaguagiakaktugt nunnakatikput annialktailipkagajuaklogit kayangaitpaligahoaklugitlu

Remember to practice the basics. Let’s all do our part in keeping our communities healthy and safe

ᑐᙵᕕᒃᑯᑦ ᓂᕈᐊᖅᑎᑦᓯᓂᖓᓄᑦ ᓂᕈᐊᕋᑦᓴᓕᐅᕐᓇᖅ ᓇᓗᓇᐃᒃᑲᓂᖅᑕᐅᕗᖅ ᓅᕙᐃᒻᕙ 2- 13, 2020

ᓂᕈᐊᖅᑐᓕᕆᔨᒻᒪᕆᒃ (CRO) ᑳᑎᓖᓐ ᓯᒍᑦᓴᓐ ᑐᓴᖅᑎᓯᖅᑲᐅᔪᖅ ᐅᓪᓗᒥ ᓂᕈᐊᕋᑦᓴᓕᐅᕐᓇᖅ ᓂᕈᐊᕐᓂᐅᓂᐊᖅᑐᒧᑦ ᐊᖓᔪᖅᑳᑦᓴᒥᒃ ᓇᓗᓇᐃᖅᑕᐅᓯᒪᓂᖓ ᓅᕙᐃᒻᕙ 2-ᒥᒃ 13-ᒧᑦ, 2020, ᑎᑎᕋᖅᑕᐅᓯᒪᔪᓂ ᓂᕈᐊᕋᑦᓴᓄᑦ ᐊᑐᐊᒐᕐᓂ ᐊᒻᒪᓗ ᓂᕈᐊᕋᑦᓴᓕᐅᕈᑎᓂ ᑕᑕᑎᕆᐊᓕᓐᓂ. ᐅᐃᒍᔭᐅᓂᖓ ᐱᔪᓐᓇᑲᓐᓂᕈᑕᐅᓂᐊᖅᑐᖅ ᐃᓚᖏᓐᓄᑦ ᓂᕈᐊᕋᑦᓴᓄᑦ ᐱᒋᐊᖃᕐᓂᕐᒥᓂᒃ ᐱᕋᔭᓚᐅᖅᓯᒪᒻᒪᖔᖅ  ᑎᕋᖅᑕᐅᓯᒪᔪᒃᑯᑦ ᖃᐅᔨᓴᖅᑎᑦᓯᓂᕐᒧᑦ ᐸᓖᓯᒃᑯᓐᓂᒃ RCMP, ᐊᐅᓚᓂᖃᖅᑎᓪᓗᒋᑦ ᐃᓅᓴᓪᓕᒋᐊᖅᑕᐅᓯᒪᔪᒃᑯᑦ ᐋᖅᑭᑦᓯᒪᔭᐅᔪᓂᒃ ᐱᔾᔪᑕᐅᓪᓗᓂ ᓄᕙᔾᔪᐊᕐᓇᖅ−19, ᐊᒻᒪᓗ ᐋᖅᑭᒋᐊᕆᐊᓕᓐᓂᒃ ᓈᖕᒪᖏᓪᓕᐅᕈᑎᑕᖃᕐᓂᖅᐸᑦ ᓂᕈᐊᕐᓂᕐᒧᑦ ᑐᓴᖅᑎᑦᓯᒍᑕᐅᓯᒪᔪᓂ ᓱᓇᒃᑯᑖᓂᓘᓐᓃᑦ.
ᓂᕈᐊᕋᑦᓴᑦ ᑐᓂᓯᓯᒪᔭᕆᐊᓖᑦ ᓂᕈᐊᕋᑦᓴᙳᖅᑎᑕᐅᒍᑎᒥᓂᒃ ᓂᕈᐊᖅᑐᓕᕆᔨᒻᒪᕆᒻᒧᑦ ᑭᖑᓂᐊᓂᐅᙱᑦᑐᖅ ᓅᕙᐃᒻᕙ 13, 2020, ᑕᓪᓕᒪᓄᐊᖅᐸᑦ (5) ᐅᓐᓄᓴᒃᑯᑦ ᓄᓇᓖᑦ ᖃᐅᔨᓴᐅᑖᒍᑦ ᐊᒻᒪᓗ ᑲᒪᒋᔭᑦᓴᓖᑦ ᖃᐅᔨᒪᒋᐊᕈᑎᒃᓴᓂᒃ ᓂᕈᐊᕋᑦᓴᓕᐅᕈᑏᑦ ᐱᔭᐅᓯᒪᒐᓗᐊᕐᒪᖔᑕ. ᓂᕈᐊᕋᑦᓴᑦ ᐱᕕᒃᓴᓖᑦ ᓅᕙᐃᒻᕙ 16, 2020−ᒧᓄᑦ ᑕᓪᓕᒪᓄᐊᖅᓯᕐᓗᒍ (5) ᐅᓐᓄᓴᒃᑯᑦ ᓄᓇᓖᑦ ᖃᐅᔨᓴᐅᑖᒍᑦ ᓴᒃᑯᐃᒍᒪᒍᑎᒃ ᓂᕈᐊᕋᑦᓴᙳᖅᑎᑕᐅᒍᑎᒋᓯᒪᔭᒥᓂᒃ.
ᓂᕈᐊᕋᑦᓴᓕᐅᕈᑏᑦ …

ᑐᒃᓯᕋᐅᓯᐅᖁᔨᔾᔪᑎ – ᑲᑐᔾᔨᖃᑎᒌᑦ ᐊᒻᒪᓗ ᐊᐅᓚᑕᐅᓂᖏᑦ ᑐᙵᕕᒃᑯᑦ ᓂᕈᐊᕐᓂᖏᑦ 2020

Download (PDF, 283KB)

ᓄᓇᕗᑦ ᑐᖖᒐᕕᒃᑯᑦ ᑎᒥᖓᑦ ᐃᓐᕼᐋᐱᑦ ᒦᑎᐊᒃᑯᓪᓗ, ᐱᓕᕆᖃᑎᒌᑦᑐᑎᒃ ᓴᖅᑮᒻᒪᑕ ᐃᑭᐊᖅᑭᕕᒃᑯᑦ ᐊᖏᕐᕋᒥ ᐃᓕᓐᓂᐊᕈᑕᐅᔪᓐᓇᖅᑐᒥᒃ

ᓄᓇᕗᑦ ᑐᖖᒐᕕᒃᑯᑦ ᑎᒥᖁᑖ ᐃᓐᕼᐋᐱᑦ ᒦᑎᐊᒃᑯᓪᓗ ᐃᓄᖕᓂᒃ ᓱᕈᓯᕐᓂᒃ ᒪᒃᑯᒃᑐᓂᒡᓗ ᐊᑐᐃᓐᓇᖃᖁᔨᖕᒪᑕ ᐅᖃᓕᒫᒐᑦᑎᐊᕙᖕᓂᒃ ᐃᓕᓐᓂᐊᕐᓂᕐᒧᓪᓗ ᐱᓕᕆᔾᔪᑎᓂᒃ ᐊᖏᕐᕋᒥ ᐃᓕᓐᓂᐊᕈᓐᓇᖁᓪᓗᒋᑦ. ᑕᐃᒫᒃ ᐱᔭᕆᐊᖃᓪᓚᕆᓕᕐᒪᑕ  ᓄᕙᖕᓇᖅ-19 ᐱᔾᔪᑎᒋᓪᓗᒍ ᐃᓕᓐᓂᐊᕐᕖᓪᓗ ᒪᑐᔭᐅᓯᒪᓂᖏᑕ ᓄᓇᕗᒻᒥ, ᓄᓇᕗᑦ ᑐᖖᒐᕕᒃᑯᑦ ᑎᒥᖁᑖᑦ ᐃᓐᕼᐋᐱᑦ ᒦᑎᐊᒃᑯᓪᓗ ᐱᓕᕆᖃᑎᒌᑦᑐᑎᒃ ᐃᓄᒃᑑᖅᑐᓂᒃ ᐅᖃᓕᒫᒐᕐᓂᒃ ᐊᑐᐃᓐᓇᐅᑎᑦᑎᓕᕐᒪᑕ ᐃᑭᐊᖅᑭᕕᒃᑯᑦ ᐅᕘᓇ
https://nti-inhabit.com
ᓄᓇᕗᑦ ᑐᖖᒐᕕᒃ ᐱᓕᕆᖃᑎᖃᖅᑐᑎᒃ ᐃᓐᕼᐋᐱᑦ ᒦᑎᐊᒃᑯᓐᓂᒃ ᐃᓄᖕᓂᓪᓗ ᐃᓕᓐᓂᐊᖅᑎᑦᑎᔨᓂᒃ ᐃᓕᓐᓂᐊᕈᑎᓂᒃ ᐱᓕᕆᔾᔪᑎᓂᒃ ᐃᓄᒃᑎᑐᑦ ᑎᑎᖅᑭᕆᔾᔪᑎᓂᒡᓗ ᓴᓇᒻᒪᑕ ᐊᖏᕐᕋᒥ ᐱᓕᕆᐊᖑᔪᓐᓇᖅᑐᓂᒃ. ᐱᓇᓱᐊᕈᓯᑕᒫᑦ ᑕᒪᓐᓇ ᑐᐊᕕᕐᓇᖅᑐᖅ ᐊᑐᖅᑎᓪᓗᒍ ᓄᑖᓂᒃ ᐅᖃᓕᒫᒐᕐᓂᒃ ᐱᓕᕆᔾᔪᑎᓂᒡᓗ ᓴᑮᖃᑦᑕᕐᓂᐊᖅᑐᑦ ᐃᑲᔪᖅᓱᕈᒪᓪᓗᒋᑦ ᓄᓇᕗᒻᒥᐅᑦ ᐅᖃᐅᓯᖅᐳᑦ ᓴᖖᒋᔫᖏᓐᓇᕐᓂᐊᕐᒪᑦ.
“ᓄᓇᕗᑦ ᑐᖖᒐᕕᒃᑯᑦ ᑎᒥᖅᑯᑖᑦ ᐅᐱᒍᓱᒃᐳᑦ ᐃᑲᔪᕐᓂᐊᕐᒪᑕ ᐃᓄᒃᑐᑦ ᐃᓕᓐᓂᐊᕐᓂᕐᒥᒃ, ᐃᓚᒌᓂᒃ ᑲᑎᖖᒐᑎᑦᑎᒃᑲᓐᓂᕐᓗᑎᒃ ᐊᖏᕐᕋᖅᓯᒪᔪᓐᓇᑦᑎᐊᖁᓪᓗᑕ.” – …

ᓄᓇᕗᑦ ᑐᙵᕕᒃᑯᑦ ᑐᓴᕐᑕᐅᖁᔭᖏᑦ ᓇᓗᓇᐃᔭᕐᓯᒪᔪᑦ ᐱᓪᓗᒋᑦ ᑭᒃᑯᑐᐃᓐᓇᕐᓂᒃ ᐋᓐᓂᐊᕐᑖᑦᑕᐃᓕᒪᖁᔨᓪᓗᑎᒃ ᑐᐊᕕᓐᓇᕆᔭᐅᔪᑦ

ᓄᓇᕗᑦ ᑐᙵᕕᒃᑯᑦ ᑐᓴᕐᑕᐅᖁᔭᖏᑦ ᓇᓗᓇᐃᔭᕐᓯᒪᔪᑦ ᐱᓪᓗᒋᑦ ᑭᒃᑯᑐᐃᓐᓇᕐᓂᒃ ᐋᓐᓂᐊᕐᑖᑦᑕᐃᓕᒪᖁᔨᓪᓗᑎᒃ ᑐᐊᕕᓐᓇᕆᔭᐅᔪᑦ
ᓄᓇᕗᑦ ᑐᙵᕕᒃᑯᑦ ᑎᒥᖓ (ᑐᙵᕕᒃᑯᑦ) ᓈᖕᒪᓴᖅᐳᑦ ᐃᓱᒪᓕᐅᕈᑎᖓᓂᒃ ᓄᓇᕗᖕᒥ ᐊᐅᓚᑦᓯᔨᒻᒪᕆᖓᑦᑕ ᑭᓇᒃᑯᑐᐃᓐᓇᐃᑦ ᐋᓐᓂᐊᖃᖅᑕᐃᓕᒪᑎᑕᐅᓂᖏᓐᓄᒃ ᐱᓕᕆᔨᐅᑉ ᓇᓗᓇᐃᕆᓂᖓᓄᑦ ᑭᓇᒃᑯᑐᐃᓐᓇᕐᓂᒃ ᐋᓐᓂᐊᕐᑖᑦᑕᐃᓕᒪᖁᔨᓪᓗᑎᒃ ᑐᐊᕕᓐᓇᕆᔭᖃᓐᓂᖓᓄᑦ ᓄᓇᕗᖕᒥ ᑲᒪᒋᐊᕈᑕᐅᓪᓗᓂ ᓄᕙᒡᔪᐊᕐᓇᖅ−19 ᓯᐊᒻᒪᐸᓪᓕᐊᓂᖓᓄᑦ ᓄᓇᕐᔪᐊᕐᒥ.
ᑲᓇᑕᐅᑉ ᒐᕙᒪᒃᑯᖏᑦ ᖃᐅᔨᒪᓂᕋᕆᐊᖃᕐᒪᑕ ᐊᒻᒪ ᑲᒪᒋᐊᕈᑎᖃᓪᓗᑎᒃ ᓄᓇᕗᖕᒥ ᐊᑦᑐᕐᑕᐅᓴᕋᐃᒍᓐᓇᕐᓂᖓᓄᑦ ᓄᕙᒡᔪᐊᕐᓇᖅ−19-ᒧᑦ ᓄᓇᕐᔪᐊᕐᒥ ᓯᐊᒻᒪᐸᓪᓕᐊᓂᖃᖅᑎᓪᓗᒍ ᑲᒪᒋᔭᐅᒋᐊᑦᑕᐅᑎᒋᓗᑎᒃ ᐊᑦᑕᓐᓇᓗᐊᕐᑐᑦ, ᐊᒻᒪᓗᑦᑕᐅᖅ ᐃᓅᓇᓱᐊᕈᑎᑦ ᐊᒻᒪ ᑮᓇᐅᔾᔭᒃᓴᓂᒃᑯᑦ ᓇᓪᓕᖅᑰᑎᙱᒻᒪᑕ ᓄᓇᕗᖕᒥᐅᑦ ᐃᓄᐃᑦ ᐊᑦᑕᓐᓈᕿᓂᕐᓴᒦᒍᑎᒋᒻᒪᒍ.
ᐊᒥᓱᑦ ᐃᓄᐃᑦ ᐃᖕᒥᓄᑦ ᓴᐳᑎᓯᒪᔾᔪᑎᖃᙱᒻᒪᑕ ᑕᐃᒪᓐᓇ ᐊᑐᓕᖅᑕᐅᖁᓯᒪᔭᖓᑎᒍᑦ ᑲᓇᑕᒥ ᐊᐅᓚᑦᓯᔨᒻᒪᕆᖓᑦᑕ ᑭᓇᒃᑯᑐᐃᓐᓇᐃᑦ ᐋᓐᓂᐊᑖᖅᑕᐃᓕᒪᓂᖏᓐᓄᑦ. ᑭᓇᒃᑯᑐᐃᓐᓇᕐᓄᑦ ᐋᓐᓂᐊᑖᖅᑕᐃᓕᒪᓂᕐᒧᑦ ᑐᑭᓯᐅᒪᒍᑎᒃᓴᑦ ᐃᓄᒃᑑᖓᓗᑎᒃ ᓴᖅᑭᑕᐅᖃᑦᑕᙱᒻᒪᑕ, ᐃᓄᒋᐊᓐᓂᓴᐃᓪᓗ ᓄᓇᕗᖕᒥᐅᑦ ᐃᓄᒃᑐᑦ ᐅᖃᐅᓯᖃᖅᑐᑎᒃ. ᐃᒡᓗᒥᓗ ᐃᓄᒌᐊᓗᐊᕐᑐᑎᒃ, ᐊᒥᓱᑦ ᐃᓄᐃᑦ ᖃᓂᒃᓴᓗᐊᖅᑕᐃᓕᒪᒍᓐᓇᔮᙱᒻᒪᑕᓴ ᐃᓅᖃᑎᒥᓂᒃ …

ᐊᑐᓕᕆᐊᓐᓂᐊᕐᓗᓂ ᒪᑦᓯ 18, 2020, ᐊᒻᒪ ᖃᐅᔨᒃᑲᕐᑕᐅᒃᑲᓐᓂᓚᐅᒋᓂᑦᓯᓐᓂ, ᓄᓇᕗᑦ ᑐᙵᕕᒃᑯᑦ ᑎᒥᖓ (ᑐᙵᕕᒃ) ᑎᑎᕋᕐᕕᖓ ᒪᑐᓛᕐᑐᖅ ᐊᒻᒪ ᐃᖅᑲᓇᐃᔭᕐᑎᖏᑦ

ᐊᑐᓕᕆᐊᓐᓂᐊᕐᓗᓂ ᒪᑦᓯ 18, 2020, ᐊᒻᒪ ᖃᐅᔨᒃᑲᕐᑕᐅᒃᑲᓐᓂᓚᐅᒋᓂᑦᓯᓐᓂ, ᓄᓇᕗᑦ ᑐᙵᕕᒃᑯᑦ ᑎᒥᖓ (ᑐᙵᕕᒃ) ᑎᑎᕋᕐᕕᖓ ᒪᑐᓛᕐᑐᖅ ᐊᒻᒪ ᐃᖅᑲᓇᐃᔭᕐᑎᖏᑦ ᐊᖏᕐᕋᒥᓂ ᐃᖅᑲᓇᐃᔭᖃᑦᑕᓂᐊᕐᑐᑦ ᖃᓂᒃᓴᓗᐊᕐᑕᐃᓕᒪᓇᐅᓂᖓᓂ ᓄᕙᒡᔪᐊᓇᖅ−19-ᒥᒃ ᓄᓇᕐᔪᐊᓕᒫᕐᒥ ᓯᐊᒻᒪᐸᓪᓕᐊᓯᒪᓂᖃᖅᑎᓪᓗᒍ. ᑐᙵᕕᒃᑯᓐᓄᑦ ᐅᕝᕙᓗ ᐃᖅᑲᓇᐃᔭᕐᑎᖏᓐᓂᒃ ᐅᖃᖃᑎᖃᕈᒪᒍᕕᑦ:
• ᐊᑏᑦ ᐊᑑᑎᖃᖅᑎᒃᑭᑦ ᑐᙵᕕᒃᑯᑦ ᖃᕆᓴᐅᔭᒃᑯᑦ ᑎᑎᕋᖅᑕᐅᕕᐅᔪᓐᓇᕈᑎᖏᑦ ᐊᑐᓲᑎᑦ.
• ᑐᙵᕕᒃᑯᑦ−ᐊᐅᓚᑕᖏᑦ ᐱᓕᕆᔾᔪᑏᑦ:
o ᐊᑎᓕᐅᖅᑕᐅᓯᒪᒍᑏᑦ 1-888-236-5400
o ᓄᓇᕗᖕᒥ ᐊᖑᓇᓱᒃᑏᑦ ᐃᑲᔪᕐᑕᐅᒍᑎᖏᓐᓄᑦ ᐱᓕᕆᔾᔪᑏᑦ 1-888-236-5400
o ᐃᓕᓐᓂᐊᕐᑐᓄᑦ ᐃᑲᔪᕐᑕᐅᒍᑏᑦ 1-888-236-5400
o ᐃᓐᓇᕐᓄᑦ ᐃᑲᔪᕈᑕᐅᕙᒃᑐᑦ 1-888-236-5400
• ᐅᖄᓚᔭᕆᐊᖃᕈᕕᑦ ᑐᙵᕕᒃᑯᓐᓄᑦ, ᐅᕗᖓ ᐅᖄᓚᓗᑎᑦ 1-888-646-0006
 
Download (PDF, 135KB)

Katujjiqatigiinniq Protocol

ᓄᓇᕗᑦ ᒐᕙᒪᒃᑯᖏᑦ ᓄᓇᕗᑦ ᑐᙵᕕᒃᑯᓪᓗ ᐊᑎᓕᐅᕐᐳᑦ ᓄᑖᙳᕆᐊᖅᑕᒥᑦ ᒪᓕᒋᐊᓕᖓᓂᒃ ᐊᖏᕈᑎᒥᒃ

ᐃᖃᓗᐃᑦ, ᓄᓇᕗᑦ (ᔮᓄᐊᕆ 21, 2020) – ᓄᓇᕗᒻᒧᑦ ᓯᕗᓕᖅᑎ ᔫ ᓴᕕᑲᑖᖅ ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓᓗ ᐊᓗᑭ ᑰᑦᑎᖅ ᐊᑎᓕᐅᖅᑲᐅᕘᒃ ᑲᑐᔾᔨᖃᑎᒌᖕᓂᕐᒧᑦ ᒪᓕᒋᐊᓕᖓᓂᒃ ᐊᖏᕈᑎᒥᒃ ᐅᓪᓗᒥ, ᐃᑲᔫᑕᐅᓂᐊᕐᓗᓂ ᑲᑐᔾᔨᓗᑎᒃ ᐃᓄᐃᑦ−ᒐᕙᒪᒃᑯᓪᓗ ᑎᑭᓐᓇᓱᐊᖅᑕᖏᓐᓄᑦ ᐃᑲᔫᑕᐅᓂᐊᕐᓗᓂ ᓄᓇᕗᒻᒥᑦ ᐃᓄᖏᓐᓄᑦ.
ᐱᓗᐊᖅᑐᖅᒥᑦ, ᑲᑐᔾᔨᖃᑎᒌᖕᓂᖅ ᐃᑲᔫᑎᓂᐊᖅᑐᖅ ᐱᓕᕆᐊᖑᔪᓂᑦ ᐅᑯᓇᓂ:

ᑐᙵᕕᒋᔭᐅᔪᑦ, ᓯᕗᓪᓕᐅᔾᔭᒃᓴᐃᑦ ᖃᓕᕇᓕᖓᔪᑎᒍᓪᓗ ᐊᐅᓚᓐᓃᑦ ᐃᑲᔫᑎᓂᐊᕐᑐᑦ ᐱᓕᕆᑦᑎᐊᖃᑎᒌᖕᓂᖕᓂᑦ ᖃᓄᐃᓕᐅᖅᑕᓂᒡᓗ;
ᐱᓪᓚᑦᑖᖅᑐᓂᑦ ᐊᖏᖃᑎᒌᒃᓗᑎᒃ ᐱᔾᔪᑎᓖᑦ ᓯᕗᓕᖅᑎᐅᓂᖕᒥᑦ, ᑲᒪᑦᑎᐊᕐᓂᖕᓂᑦ, ᐱᓕᕆᐊᖑᓂᖏᓐᓂᒡᓗ ᐱᔾᔪᑎᖃᖕᓂᐊᖅᑐᑦ ᐱᐅᓯᕚᓪᓕᖅᑎᑦᑎᓂᖕᒥᑦ ᐱᓕᕆᖃᑎᒌᖕᓂᖕᓂᑦ ᖃᓄᐃᓕᐅᖅᑕᓂᒡᓗ; ᐊᒻᒪᓗ
ᓄᓇᕗᑦ ᒐᕙᒪᒃᑯᖏᑦ ᓄᓇᕗᑦ ᑐᙵᕕᒃᑯᓪᓗ ᐊᑐᓕᖅᑎᑉᐸᓪᓕᐊᖏᓐᓇᕐᑕᖏᑦ ᓄᓇᕗᑦ ᐊᖏᕈᒻᒥᑦ, ᐃᓚᐅᓪᓗᓂ ᑎᑎᕋᖅᓯᒪᔪᖅ ᐃᓗᐊᓂᑦ 32 ᐱᕙᓪᓕᐊᑎᑕᐅᓂᖓᓗ ᑎᑎᕋᖅᓯᒪᔪᖅ 32 ᐊᑐᐊᒐᖓ ᑲᑐᔾᔨᓪᓗᑎᒡᓗ ᑐᓴᐅᒪᖃᑎᒌᖕᓂᖕᒧᑦ …

ᐃᒻᒥᒃᑯᑦ ᐃᓱᒪᓕᐅᕈᓐᓇᕐᓂᖅ ᐅᖃᐅᓯᐅᕗᖅ 2019-ᒥ ᐊᕐᕌᒍᓕᒫᕐᓯᐅᑎᒥ ᑲᑎᒪᑎᓪᓗᒋᑦ

(ᐊᒃᑐᕙ 24, 2019 – ᑲᖏᖅᖠᓂᖅ, ᓄᓇᕗᑦ)  ᐱᔭᕇᕈᑕᐅᓪᓗᓂ 2019-ᒥ ᐊᕐᕌᒍᓕᒫᕐᓯᐅᑎᒥ ᑲᑎᒪᑎᓪᓗᒋᑦ ᓄᓇᕗᑦ ᑐᙵᕕᒃᑯᑦ, ᐊᖓᔪᖅᑳᖓᑦ ᐊᓗᑭ ᑰᑦᑎᖅ ᐃᓕᓴᕐᓯᓚᐅᕐᒪᑦ ᐃᓄᐃᑦ ᐱᔪᒥᒋᔭᖃᓐᓂᖏᓐᓂᒃ ᐃᒻᒥᒃᑯᑦ ᐃᓱᒪᓕᐅᕈᓐᓇᓂᕐᒥᒃ.
“ᑲᑎᒪᔩᑦ ᖁᓚᓕᙱᓚᑦ ᐃᓄᐃᑦ ᐃᓕᖅᑯᓯᕐᒥᒍᑦ ᐊᒻᒪᓗ ᐅᖃᐅᓯᕐᒥᒍᑦ ᐊᑑᑎᖃᑦᑎᑎᑦᑎᐊᓂᐊᕐᑐᑦ ᓄᓇᕗᖕᒥ, ᖃᐅᔨᒪᖁᔨᓪᓗᓂᓗ ᓯᕗᒧᒋᐊᓐᓂᐊᕐᓗᓂ ᖃᓄᖅᑑᕈᑎᖃᕆᐊᖃᓐᓂᐊᕐᒪᑦ ᐊᒻᒪᓗ ᑐᐊᕕᓐᓇᕐᓗᓂ ᐃᖅᑲᓇᐃᔮᖃᓐᓂᕐᒥᒃ,” ᐅᖃᖅᑐᖅ ᐊᖓᔪᖅᑳᖅ ᑰᑦᑎᖅ. “ᐃᓄᐃᑦ ᑎᓕᐅᕆᕗᑦ ᒐᕙᒪᒃᑯᓐᓂᒃ ᐃᖅᑲᓇᐃᔭᖃᑎᖃᕈᒪᓪᓗᑕ ᑲᒪᒋᔭᖃᕆᐊᖃᖅᑎᓪᓗᑕ ᐱᓪᓗᒋᑦ ᐃᓕᓐᓂᐊᕐᓂᓕᕆᓂᖅ, ᐃᓄᐃᑦ ᐃᖅᑲᓇᐃᔭᕐᑎᑕᐅᓂᖏᑦ, ᓱᕈᓯᓛᑦ ᐃᓕᓐᓂᐊᕐᓂᖏᑦ ᐊᒻᒪᓗ ᐃᖅᑲᖅᑐᐃᕕᓕᕆᓂᒃ. ᐃᓄᐃᑦ ᑕᒪᓐᓇᓪᓗᐊᖅ ᐱᔭᐅᔪᒪᒻᒪᑕ ᐊᒻᒪᓗ ᐱᖃᑎᒋᔭᐅᑦᑎᐊᕐᓗᑎᒃ ᐃᓱᒪᓕᐅᖃᑕᐅᓂᕐᒧᑦ ᐃᖕᒥᓐᓄᑦ ᐊᑦᑐᐃᔪᓂᒃ.”
ᐊᕐᕌᒍᓕᒫᕐᓯᐅᑎᒥ ᑲᑎᒪᑎᓪᓗᒋᑦ, ᑲᑎᒪᔩᑦ ᐱᖁᔨᕈᖔᕈᑎᒃᑯᑦ ᓈᖕᒪᓴᓚᐅᕐᒪᑕ, ᐅᑯᓂᖓ:

ᐃᓕᓐᓂᐊᕐᓂᓕᕆᓂᕐᒧᑦ, ᒪᓕᒐᓕᐅᖅᑏᑦ ᑲᑎᒪᔨᕋᓛᕆᓐᓇᕐᑕᖏᓐᓄᒃ, ᓄᓇᕗᑦ ᓯᕗᓕᖅᑎᖓᓄᑦ, ᐊᒻᒪᓗ ᒥᓂᔅᑕᖓᓐᓄᑦ ᐃᓕᓐᓂᐊᖅᑐᓕᕆᔨᓗᒃᑯᑦ ᐊᒻᒪᓗ ᒪᓕᒐᓕᐅᖅᑎᖏᓐᓄᑦ …

NTI statement on federal election results

ᐊᖓᔪᖅᑳᖅ ᐊᓗᑭ ᑰᑦᑎᖅ, ᐱᔾᔪᑎᓗᒋᑦ ᓄᓇᕗᖕᒥ ᐃᓄᖏᑦ, ᐅᐱᒍᓱᒃᐳᖅ ᒧᒥᓛᖅ ᖃᖅᑲᕐᒥ ᓂᕆᐊᖅᑕᐅᖕᒪᑦ ᑲᑎᒪᔨᐅᓂᐊᓕᕐᓗᓂ ᑲᓇᑕᐅᑉ ᑲᑎᒪᕕᔾᔪᐊᖓᓂ ᑭᒡᒐᑐᕐᑎᐅᓪᓗᓂ ᓄᓇᕗᖕᒥ ᐊᒻᒪᓗ ᑲᓇᑕᐅ ᐊᖓᔪᖅᑳᕐᔪᐊᖓ ᔭᔅᑕᓐ ᑐᕉᑐ ᐊᒻᒪᓗ ᓕᐳᕈᒃᑯᑦ ᓂᕈᐊᖅᑕᐅᖕᒪᑕ ᒐᕙᒪᒋᔭᐅᓂᐊᕐᓗᑎᒃ.
ᑲᑎᒪᔨ ᑲᓇᑕᐅᑉ ᑲᑎᒪᕕᔾᔪᐊᖓᓄᑦ ᓂᕈᐊᖅᑕᐅᔪᖅ ᖃᖅᑲᖅ, ᐊᖓᔪᖅᑳᖓᑦ ᑰᑦᑎᖅ ᐅᖃᓚᐅᕐᑐᑦ, “ᓂᕈᐊᖅᑕᐅᓯᒪᓂᕐᓄᑦ ᓄᑖᒥᒃ ᐱᓕᕆᓂᐊᕐᑎᓪᓗᑎᒃ, ᐃᖅᑲᓇᐃᔭᖃᑎᒋᓂᐊᕐᐸᑦᑎᒋᑦ ᐊᑐᓕᕐᑎᑕᐅᖁᓪᓗᒍ ᑕᒪᕐᒥᒃ ᓄᓇᕗᑦ ᐊᖏᕈᑎᖏᑦ. ᒪᒃᑯᑦᑐᑦ ᐃᓄᐃᑦ, ᓯᕗᓕᕐᑎᐅᓚᐅᕐᒪᑕ ᐊᐃᕙᔨᐅᓪᓗᑎᒃ ᐊᒻᒪ ᓄᓇᕗᑦ ᐊᖏᕈᑎᖓᓂᒃ ᐊᖅᑭᒃᓯᓚᐅᕐᑐᑦ. ᓱᓕ ᐊᖏᔪᒥᒃ ᐃᖅᑲᓇᐃᔮᒃᓴᖃᕋᑦᑕ ᑕᑯᓂᐊᕈᑦᑎᒍᑦ ᓄᓇᕘᒥ ᑕᑯᓐᓇᖑᐊᕐᓯᒪᔭᕗᑦ. ᓇᓗᖅᑯᑎᙱᓚᖓ ᑐᑭᓯᐊᑦᑎᐊᕋᕕᒋᑦ ᐱᔾᔪᑕᐅᔪᑦ ᐊᒻᒪ ᐃᓱᒫᓗᒍᑕᐅᔪᑦ ᐱᒻᒪᕆᐅᖕᒪᑕ ᐃᓄᖕᓄᑦ, ᐊᒻᒪ ᐃᖅᑲᓇᐃᔭᖃᑎᖃᕈᒪᓂᕗᑦ ᐊᒻᒪ ᐃᖅᑲᓇᐃᔭᖃᑎᒌᒍᓐᓇᕐᓂᕗᑦ ᐊᑑᑎᖃᑦᑎᐊᓂᐊᕐᐳᑦ ᑕᒪᑦᑎᓐᓄᑦ.”
ᓂᕈᐊᖅᑕᐅᓕᖅᑭᑦᑎᓪᓗᒋᑦ ᓕᐳᕈᒃᑯᑦ ᑰᑦᑎᖅ ᐅᖃᕆᓪᓗᓂ, “ᐃᓄᐃᑦ …

ᓄᓇᕗᑦ ᑐᙵᕕᒃᑯᑦ 2018-2019−ᒥ ᑮᓇᐅᔭᓕᕆᓂᕐᒧᑦ ᐱᒻᒪᕆᐅᓚᐅᕐᒪᑦ ᑮᓇᐅᔭᑦ ᐱᓪᓗᒋᑦ

ᓄᓇᕗᑦ ᑐᙵᕕᒃᑯᑦ 2018-2019−ᒥ ᑮᓇᐅᔭᓕᕆᓂᕐᒧᑦ ᐊᕐᕌᒍᖓᓂ ᐱᒻᒪᕆᐅᓚᐅᕐᒪᑦ ᑮᓇᐅᔭᑦ ᐱᓪᓗᒋᑦ. ᐊᑯᓂᐊᓗᑦ ᐊᑭᓕᒃᓴᕆᔭᐅᖓᔪᑦ ᓄᓇᕗᑦ ᐸᐸᑦᑎᔨᒃᑯᓐᓄᑦ ᐊᑭᓕᕐᑕᐅᔭᕇᓚᐅᕐᒪᑦ ᐊᒻᒪᓗ ᑮᓇᐅᔭᓂᒃ ᐊᑐᙱᓗᐊᕐᓯᒪᔪᓂᒃ ᐊᒥᐊᒃᑯᖃᕐᒪᑕ $27,275,520.
“ᑖᒃᓱᒪ ᐊᑭᓕᖅᑕᐅᔭᕆᕈᓐᓇᕐᓂᖓ ᑲᑐᔾᔭᐅᓯᒪᒻᒪᑦ ᓄᓇᕗᑦ ᐸᐸᑦᑎᔨᒃᑯᓐᓄᑦ, ᓄᓇᕗᑦ ᑐᙵᕕᒃᑯᓐᓄᑦ ᐊᒻᒪᓗ ᐱᖓᓱᐃᓄᑦ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓄᑦ,” ᐅᖃᖅᑐᖅ ᐊᖓᔪᖅᑳᖓᑦ ᓄᓇᕗᑦ ᑐᙵᕕᒃᑯᑦ ᐊᓗᑭ ᑰᑦᑎᖅ. “ᑲᑎᒪᔨᐅᖃᑕᐅᔪᑦ ᐃᓱᒪᓕᐅᖅᑲᐅᕗᑦ ᐅᓪᓗᒥ ᑖᒃᑯᐊ ᑮᓇᐅᔭᑦ ᓴᓂᕐᕙᕐᑕᐅᕗᑦ ᒪᕐᕈᐃᓕᖓᓂᐊᕐᓗᑎᒃ. ᐃᓄᐃᑦ ᓇᑉᐸᖏᓐᓂᒃ ᑮᓇᐅᔭᑦ ᓄᓇᕗᑦ ᑐᙵᕕᒃᑯᑦ ᐸᕐᓇᒍᑎᒋᓯᒪᔭᖏᓐᓄᑦ ᓯᕗᓪᓕᖅᐹᖑᑎᑕᖏᓐᓄᑦ, ᐊᕝᕙᖏᑦ ᓯᕗᓂᕐᒥ ᐊᑭᓕᒃᓴᓂᑦᑕᐃᓕᔾᔪᑎᒋᔪᓐᓇᕐᓂᐊᓕᕐᑐᑎᒍ ᐋᖅᑭᒃᓯᓗᑎᒃ ᐊᐅᓚᑦᑎᔾᔪᑎᓄᑦ ᑮᓇᐅᔭᖃᕈᑎᓂᒃ.”
ᓄᓇᕗᑦ ᑐᙵᕕᒃᑯᑦ ᓂᕆᐅᑦᑖᕆᔭᑦ ᐸᕐᓇᒍᑎᖏᑦ ᓯᕗᓪᓕᖅᐹᖑᑎᑕ ᐅᑯᐊᖑᕗᑦ ᐃᓄᐃᑦ ᐃᖅᑲᓇᐃᔭᕐᑎᑕᐅᓂᖏᑦ, ᓄᓇᕗᖕᒥ ᐃᓕᓐᓂᐊᕐᓂᓕᕆᔾᔪᓯᖅ ᐊᑑᑎᖃᖅᑎᑦᑎᔪᒥᒃ ᐃᓄᐃᑦ ᐃᓕᖅᑯᓯᖏᓐᓂᒃ, ᐃᓄᒃᑐᑦ ᓯᕗᓪᓕᐅᓗᓂ ᐅᖃᐅᓯ ᐊᑑᑎᖃᖅᑎᑕᐅᖁᓪᓗᒍ …

Expressions of Interest – 2 representatives to join the Nunavummi Nangminiqaqtunik Ikajuuti (NNI) Tribunal

ᐃᓚᐅᓂᐊᖅᑑᖕᓂᑦ ᐃᖕᒥᒃᑰᖅᑐᓄᑦ ᐊᖏᖃᑎᒌᒍᓐᓇᐃᓪᓕᔪᓄᑦ ᐊᖏᖃᑎᒌᒃᑎᑦᓯᒐᓱᐊᖅᑏᑦ ᑭᒡᒐᖅᑐᐃᔨᐅᓗᑎᒃ ᓇᓗᓇᐃᖅᑕᐅᓯᒪᔪᑦ ᑕᒡᕙᓂ ᓄᓇᕗᒥ ᓇᖕᒥᓂᖃᖅᑐᓄᑦ ᐃᑲᔫᑏᑦ (NNI) ᒪᓕᒋᐊᓖᑦ.
ᐃᖕᒥᒃᑰᖅᑐᓄᑦ ᐊᖏᖃᑎᒌᒍᓐᓇᐃᓪᓕᔪᓄᑦ ᐊᖏᖃᑎᒌᒃᑎᑦᓯᒐᓱᐊᖅᑏᑦ 1(ᐊᖏᖃᑎᒌᒐᓱᐊᖅᑏᑦ) ᓈᓚᖃᑦᑕᖅᑐᑦ ᐊᒻᒪ ᐃᓱᒪᓕᐅᕈᑎᖃᖅᑐᑎᒃ ᐅᓐᓂᕐᓘᑕᐅᔪᓂᒃ ᐱᔾᔪᑎᒋᓪᓗᒋᑦ ᑐᒃᓯᕋᐅᑕᐅᔪᑦ ᑖᒃᑯᑎᒎᓇᖅ ᓄᓇᕗᒥ ᓇᖕᒥᓂᖃᖅᑐᓄᑦ ᐃᑲᔫᑎᑎᒍᑦ ᑐᓂᔭᐅᔪᖃᖅᑎᓪᓗᒍ ᓇᓪᓕᐊᑐᐃᓐᓇᕐᓂᒃ ᑳᓐᑐᕌᓂᒃ ᐃᓚᐅᑎᑕᐅᔪᓂᒃ ᑕᒡᕙᓂ ᓄᓇᕗᒥ ᓇᖕᒥᓂᖃᖅᑐᓄᑦ ᐃᑲᔫᑎᓂ.
ᑖᒃᑯᐊ ᓄᓇᕗᒥ ᓇᖕᒥᓂᖃᖅᑐᓄᑦ ᐃᑲᔫᑎᓂ ᒪᓕᒋᐊᓖᑦ ᓄᓇᕗᑦ ᒐᕙᒪᖏᑦᑕ ᐊᒻᒪ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᓂᕈᐊᖅᓯᒍᑎᒋᕙᒃᑕᖏᑦ ᑳᓐᑐᕌᖅᑎᑦᓯᓂᕐᒧᑦ ᐊᑐᐊᒐᕐᓂ ᐋᖅᑭᒃᑕᐅᓯᒪᔪᑦ ᒪᓕᖁᓪᓗᒋᑦ ᑖᑦᓱᒥᖓ ᐋᑎᑯ 24 ᑕᒡᕙᓂ ᓄᓇᕗᒥ ᐊᖏᕈᑎᓂ.
ᐃᓚᐅᒍᒪᔪᑦ ᖃᐅᔨᒪᓂᖃᕆᐊᓖᑦ ᑖᑦᓱᒥᖓ ᐋᑎᑯ 24-ᒥᒃ ᑕᒡᕙᓂ ᓄᓇᕗᒥ ᐊᖏᕈᑎᓂ, ᑖᒃᑯᐊ ᓄᓇᕗᒥ ᓇᖕᒥᓂᖃᖅᑐᓄᑦ ᐃᑲᔫᑎᓂ ᒪᓕᒋᐊᓖᑦ ᐊᒻᒪ ᓄᓇᕗᒥ ᑳᓐᑐᕌᒃᑎᑦᓯᓂᕐᒧᑦ ᐃᓕᖅᑯᓯᐅᔪᑦ.
ᐄᕕ …

ᐊᑐᓕᕐᑕᐅᑲᓐᓂᐸᓪᓕᐊᓂᖓ ᐊᒻᒪᓗ ᐳᐃᒍᖅᑕᐅᖁᓇᒍ ᐃᓄᒃᑐᑦ ᐅᖃᐅᓯᐅᑉ ᓄᓇᕗᖕᒥ

ᓄᓇᕗᑦ, ᓯᑎᑉᐱᕆ 8, 2019
ᒐᕙᒪᒃᑯᖏᑦ ᑲᓇᑕᐃ, ᒐᕙᒪᒃᑯᖏᑦ ᓄᓇᕘᑉ, ᐊᒻᒪᓗ ᓄᓇᕗᑦ ᑐᙵᕕᒃᑯᑦ ᖁᕕᐊᒃᐳᑦ ᑐᓴᖅᑎᑦᑎᔭᕆᐊᒃᓴᖅ ᑲᔪᓯᑎᑦᑎᓂᐊᕋᒥᒃ ᐆᒃᑐᕋᕈᑕᐅᓪᓗᓂ ᐊᖏᕈᑎᒥᒃ ᐃᑲᔪᕐᓯᓂᖃᕈᑕᐅᓂᐊᕐᓗᓂ ᐊᑐᓕᖅᑎᑕᐅᒃᑲᓐᓂᕈᑎᒋᓂᐊᕐᑕᖏᓐᓂᒃ ᐊᒻᒪᓗ ᐊᑐᖅᑕᐅᓂᕐᓴᐅᓕᕈᑎᒋᐊᕐᑕᖏᓐᓂᒃ ᐃᓄᐃᒃᑐᑦ ᐅᖃᐅᓯᐅᑉ ᓄᓇᕗᖕᒥ.
ᒪᓕᓪᓗᒍ ᐃᓚᖓ 9 ᓄᓇᖃᖅᑳᖅᓯᒪᔪᑦ ᐅᖃᐅᓯᖏᓐᓂᒃ ᒪᓕᒐᖅ, ᐆᒃᑐᕋᕈᑕᐅᓪᓗᓂ ᐊᖏᕈᑦ ᐃᑲᔪᕐᓯᒍᑕᐅᕗᖅ:
– ᐊᑐᐃᓐᓇᐅᔪᕐᑕᖃᓐᓂᕐᓴᐅᓕᕐᓗᓂ ᐃᓄᒃᑐᑦ ᐅᖃᐅᖅ ᐃᓕᓴᐃᒍᑕᐅᓂᖓᓄᑦ ᓄᓇᕗᖕᒥ;
– ᐅᓄᕐᓯᒋᐊᖅᑕᐅᓗᑎᒃ ᐊᒻᒪ ᑐᖔᓅᖅᑕᐃᓕᒪᑎᑕᐅᓗᑎᒃ ᐅᖃᓪᓚᒍᓐᓇᑎᐊᕐᑐᑦ ᐃᓄᒃᑐᑦ ᐃᓄᐃᑦ ᐃᓕᓴᐃᔩᑦ;
– ᐅᓄᕐᓯᒋᐊᖅᑕᐅᓗᑎᒃ ᐅᓄᕐᓂᖏᑦ ᐅᖃᓪᓚᒍᓐᓇᑎᐊᖅᑐᑦ ᐃᓄᒃᑐᑦ ᓄᓇᕗᖕᒥ;
– ᓴᖅᑮᓗᑎᒃ ᓄᓇᕗᖕᒥ ᐱᓕᕆᖃᑎᒌᒃᑲᔭᕐᑐᓂᒃ ᑲᑎᒪᔨᓂᒃ ᐱᓪᓗᒋᑦ ᐅᖃᐅᓯᓕᕆᓂᖅ ᐊᒻᒪ ᐃᓕᓐᓂᐊᕐᓂᓕᕆᓂᖅ
ᐊᖏᕈᑏᑦ ᐱᔭᕇᖅᑕᐅᑦᑎᐊᕐᓂᐊᖅᑎᓪᓗᒍ, ᒐᕙᒪᒃᑯᖏᑦ ᑲᓇᑕᐅᑉ ᐊᓕᐊᓇᐃᒍᓱᒃᐳᑦ ᑐᓴᖅᑎᑦᑎᔭᕆᐊᒃᓴᖅ ᐱᓂᐊᕐᓂᖃᓪᓚᕆᖕᒪᑕ $42 ᒥᓕᓂᐊᓂᒃ ᐅᑭᐅᓄᑦ ᑕᓪᓕᒪᓅᖓᓗᑎᒃ ᐃᑲᔪᕐᓯᕈᑕᐅᔪᒃᓴᑦ ᑕᒪᑦᓱᒧᖓ ᐃᖅᑲᓇᐃᔮᒃᓴᒧᑦ.ᐅᑭᐅᑦ ᑖᒃᑯᐊ ᐊᑐᖅᑎᓪᓗᒋᑦ, …

ᓄᓇᕗᑦ ᑐᙵᕕᒃ ᑎᒥᖓ, ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᑦ ᐊᒻᒪ ᓄᓇᕗᑦ ᒐᕙᒪᒃᑯᖏᑦ ᐊᑎᓕᐅᕆᕗᑦ ᐃᓄᐃᑦ ᐊᑦᑐᖅᑕᐅᑐᐃᓐᓇᕆᐊᖃᓐᓂᖏᓐᓄᑦ ᐃᑲᔪᕈᑎᓄᑦ ᐊᖏᕈᑎᓂᒃ ᐅᑯᓄᖓ ᑲᓇᑕᐅᑉ ᒐᕙᒪᒃᑯᖏᑕ ᑲᒪᒋᔭᖏᓐᓄᑦ ᑰᓐᓄᑦ

ᑐᓴᕋᒃᓴᑦ ᓴᖅᑭᑕᐅᔪᑦ
ᓴᖅᑭᑕᐅᑦᑕᐅᑎᒋᔪᖅ
ᓄᓇᕗᑦ ᑐᙵᕕᒃ ᑎᒥᖓ, ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᑦ ᐊᒻᒪ ᓄᓇᕗᑦ ᒐᕙᒪᒃᑯᖏᑦ ᐊᑎᓕᐅᕆᕗᑦ ᐃᓄᐃᑦ ᐊᑦᑐᖅᑕᐅᑐᐃᓐᓇᕆᐊᖃᓐᓂᖏᓐᓄᑦ ᐃᑲᔪᕈᑎᓄᑦ ᐊᖏᕈᑎᓂᒃ ᐅᑯᓄᖓ ᑲᓇᑕᐅᑉ ᒐᕙᒪᒃᑯᖏᑕ ᑲᒪᒋᔭᖏᓐᓄᑦ ᑰᓐᓄᑦ
ᔪᓚᐃ 9, 2019 — ᖁᓪᓗᕐᑐᖅ, ᓄᓇᕗᑦ —
ᒐᕙᒪᑐᖃᒃᑯᑦ−ᓄᓇᖃᖅᑳᖅᓯᒪᔪᓪᓗ ᐱᓕᕆᖃᑎᒌᓐᓂᖏᓐᓄᑦ ᐊᒻᒪ ᐅᑭᐅᖅᑕᕐᑐᒥ ᑲᒪᒋᔭᓂᒃ
ᒐᕙᒪᒃᑯᖏᑦ ᓄᓇᕗᑦ
ᓄᓇᕗᑦ ᑐᙵᕕᒃ ᑎᒥᖓ
ᐅᓄᕐᑐᖅ ᑭᖑᕚᕇᑦ ᐃᓄᐃᑦ ᑕᑎᖃᐃᓐᓇᕐᓯᒪᒻᒪᑕ ᓄᓇᒥᒃ, ᐃᒪᕕᖕᒥᒃ ᐊᒻᒪᓗ ᑰᓂᒃ ᐸᐸᑦᑎᔨᐅᓪᓗᑎᒃ ᓄᓇᓂᒃ ᐊᒻᒪᓗ ᐃᒪᕐᒥᒃ ᓄᓇᕗᖕᒥ ᖃᓂᒋᔭᖏᓐᓂᓗ. ᓄᓇᕗᑦ ᓇᓪᓕᐅᓂᕐᓯᐅᑎᓪᓗᒍ ᐅᓪᓗᒥ, ᑲᓇᑕᐅᑉ ᒐᕙᒪᒃᑯᖏᑦ, ᓄᓇᕗᑦ ᒐᕙᒪᒃᑯᖏᑦ ᐊᒻᒪᓗ ᓄᓇᕗᑦ ᑐᙵᕕᒃ ᑎᒥᖓ ᐱᒻᒪᕆᐅᔪᒥᒃ ᓯᕗᒧᒋᐊᕈᑎᖃᕐᒪᑕ ᑲᒪᒋᔭᕆᐊᖃᖅᓯᒪᔭᒥᓂᒃ ᑕᐃᒪᓐᓇ ᓄᓇᕗᑦ ᐊᖏᕈᑎᖏᓐᓂ ᓇᓗᓇᐃᖅᑕᐅᓯᒪᒻᒪᑕ ᐊᑎᓕᐅᕆᕗᑦ ᐊᖏᕈᑎᒥᒃ ᖁᓚᓐᓇᖏᓪᓗᑎᒃ ᐃᓄᐃᑦ ᐱᖃᑕᐅᖏᓐᓇᕈᑎᒋᓂᐊᕐᑕᖏᓐᓂᒃ ᑲᒪᒋᔭᖃᑦᑎᐊᓂᕐᒥᒃ …

ᓇᓗᓇᐃᖅᓯᓂᖅ ᐱᔪᒪᔭᖏᓐᓂᒃ ᓄᓇᕗᑦ

(ᔪᓚᐃ 9, 2019 – ᖁᕐᓗᖅᑐᖅ, ᓄᓇᕗᑦ)
ᐱᔪᒪᔭᖏᑦ ᓄᓇᕗᑦ ᖃᒡᓕᒋᐊᕆᕗᑦ ᓄᓇᕗᑦ ᑐᓐᖓᕕᒃ ᑎᒥᖓᑦ ᕿᓂᓕᖅᑎᓪᓗᒋᑦ ᐱᓕᕆᐊᒃᓴᖏᓐᓄᑦ ᑕᓯᐅᖅᑕᐅᔾᔪᑎᒃᓴᖏᓐᓂᒃ ᓇᖕᒥᓂᖅ ᒐᕙᒪᖃᕐᓂᕐᒧᑦ ᐃᓄᐃᑦ ᐃᓐᓇᑐᖃᖏᓐᓂᑦ ᐊᒻᒪᓗ ᐊᖏᖅᓯᒪᑦᓯᐊᖅᑐᑦ ᐃᓄᒃᑐᑦ ᐅᖃᐅᓯᖅ ᐊᑐᖅᑕᐅᖁᓪᓗᒍ ᐃᖅᑲᓇᐃᔭᕐᕕᐅᑉ ᐃᓗᐊᓂ, ᑕᐃᒪᓐᓇ ᑐᓴᖅᑎᑦᓯᓚᐅᖅᑐᖅ ᐊᖓᔪᖅᑳᖅ ᐊᓗᑭ ᑰᑦᑎᖅ ᖁᕐᓗᖅᑐᕐᒦᓪᖢᓂ ᐅᓪᓗᒥ.
“ᐊᕐᕌᒍᑦ 50 ᐊᓂᒍᖅᓯᒪᓕᖅᑐᑦ, ᑕᒑᖅ ᑰᓕ ᑎᑎᕋᓚᐅᖅᓯᒪᔪᖅ ᐃᓐᓇᑐᖃᕐᓄᖅ ᕿᓂᕐᖢᓂ ᑕᐅᑐᓐᖑᐊᖅᑕᖏᓐᓂᒃ ᐊᒻᒪᓗ ᑐᕌᒐᕆᔪᒪᔭᖏᓐᓂᒃ,” ᑕᐃᒪᓐᓇ ᐅᖃᖃᐅᔪᖅ ᐊᖓᔪᖅᑳᖅ ᐊᓗᑭ ᑰᑦᑎᖅ. “ᑖᒃᑯᐊ ᑎᑎᖅᑲᐃᑦ ᐃᓗᓕᖃᓚᐅᖅᑐᑦ ᓂᕆᐅᖕᓂᕐᒥᒃ. ᐃᓄᐃᑦ ᐋᖅᑭᒡᓱᐃᓚᐅᖅᑐᑦ ᐊᒻᒪ ᐱᒋᐊᖅᑎᑦᓯᓚᐅᖅᑐᑦ ᐋᔨᖃᑎᖃᕐᓂᕐᒥᒃ ᑕᐃᒪᐃᒻᒪᑦ ᓴᖅᑭᓚᕿᓚᐅᖅᑐᖅ ᐊᑎᓕᐅᖅᑕᐅᓂᖓ ᓄᓇᕗᑦ ᐊᖏᕈᑎᖓ ᐊᕐᕌᒍᑦ 26 ᐊᓂᒍᖅᓯᒪᓕᖅᑎᓪᓗᒍ. ᐅᓪᓗᒥ, ᕿᓂᓕᕆᕗᒍᑦ ᑕᓯᐅᖅᑕᐅᔾᔪᑎᒃᓴᖏᓐᓂᒃ ᓇᖕᒥᓂᖅ ᒐᕙᒪᖃᕐᓂᕐᒧᑦ ᐊᒻᒪᓗ …

ᑐᓐᖓᕕᒃᑯᑦ ᓇᓪᓕᒍᓱᓐᓂᕐᒥᓂᒃ ᓂᓪᓕᐅᔾᔨᕗᑦ ᓘᑎ ᐸᓪᓗᖅ ᐃᓚᖏᓐᓂᒃ

(ᔪᓚᐃ 2, 2019 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᓐᖓᕕᒃᑯ ᑎᒥᖓᑕ (ᑐᓐᖓᕕᒃ) ᑲᑎᒪᔨᖏᑦ ᐊᒻᒪᓗ ᐊᖓᔪᖅᑳᖓ ᐊᓗᑭ ᑰᑦᑎᖅ, ᓇᓪᓕᒍᓱᓐᓂᕐᒥᓂᒃ ᓂᓪᓕᐅᔾᔨᓚᐅᕐᐳᑦ ᐃᓅᒍᓐᓃᕐᓂᕆᓚᐅᖅᑕᖓᓄᑦ ᓘᑎ ᐸᓪᓗᖅ, ᒥᑦᑎᒪᑕᓕᒻᒥᐅᑕᖅ, ᓄᓇᕗᒻᒥ.
 
ᐸᓪᓗᖅ ᒪᓕᒐᓕᐅᖅᑎᐅᒋᐊᓐᖓᓚᐅᖅᑐᖅ ᓄᓇᑦᓯᐊᒥ ᖁᑦᑎᑦᑐᖅ ᓂᕈᐊᖅᑕᐅᓯᒪᕕᖓᓂ 1975-ᒥ. ᐊᑯᓂᐊᓗᒃ ᓂᕈᐊᖅᑕᐅᒪᖃᑦᑕᕐᓯᒪᔪᖅ, ᓯᑕᒪᐃᕐᓱᖅᑐᓂ ᓂᕈᐊᖅᑕᐅᓕᖅᑭᖃᑦᑕᕐᓯᒪᓪᓗᓂ. ᐃᓐᓇᐅᓂᕐᒧᑦ ᓄᖅᑲᐅᑎᓚᐅᖅᑕᖓ ᒪᓕᒐᓕᐅᕐᕕᒃ 1995-ᒥ ᑭᒡᒐᖅᑐᐃᓚᐅᖅᑐᓂ 20-ᓂᒃ ᑭᖑᓕᕇᓂᒃ ᐊᕐᕌᒍᓂᒃ. ᐃᑲᔫᑎᒋᓚᐅᖅᑕᖏᑕ ᐃᓚᖏᑦ ᓄᓇᕗᒻᒥ ᐃᓄᐃᑦ ᑲᑎᒪᔨᖏᓐᓂ ᑲᑎᒪᔨᐅᖃᑕᐅᓪᓗᓂ ᐊᐃᕙᔾᔪᑕᐅᑎᓪᓗᒋᑦ ᓄᓇᕗᑦ ᐊᖏᕈᑎᖏᑦ ᐊᒻᒪᓗ ᐊᐅᓚᑦᓯᖃᑦᑕᓂᕐᒥᒍᑦ, ᐃᑲᔪᖃᑦᑕᕐᓯᒪᔪᖅ ᑲᑎᒪᔨᐅᓪᓗᓂ ᐅᓄᖅᑐᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ.
 
ᐸᓪᓗᖅ ᐃᓅᒍᓐᓃᓚᐅᖅᑐᖅ ᔪᓚᐃ 1, 2019 ᐃᖃᓗᓐᓂ ᐃᓚᖏᑦ ᓇᔫᑎᑎᓪᓗᒋᑦ. ᓘᑎᐅᑉ ᐃᖅᑲᖅᑕᐅᖃᑦᑕᓂᐊᕐᓂᖓ ᐃᑲᔪᖃᑦᑕᕐᓯᒪᓂᖏᓪᓗ ᓄᓇᕗᒻᒥᒃ ᖁᔭᒋᔭᒻᒪᕆᐅᕗᑦ, ᐳᐃᒍᖅᑕᐅᔾᔮᖏᓪᓚᑦ ᐊᒻᒪᓗ ᑭᖑᓂᖃᓈᖅᑕᐅᓂᐊᖅᑐᖅ.
 
-30-
ᑐᑭᓯᒋᐊᒃᑲᓂᕐᕕᒃᓴᖅ:
 
ᐆ …

ᐅᖃᐅᓯᒃᓴᑦ – ᐃᓅᒐᑦᑕ ᐃᓄᒃᑑᖅᑕ ᑲᑎᒪᕐᔪᐊᕐᓂᖅ

ᐅᖃᐅᓯᒃᓴᑦ – ᐃᓅᒐᑦᑕ ᐃᓄᒃᑑᖅᑕ ᑲᑎᒪᕐᔪᐊᕐᓂᖅ

ᓄᓇᕗᑦ ᑐᓐᖓᕕᒃ ᑎᒥᖓᓐᓄᑦ ᐊᖓᔪᖅᑳᖅ,
ᐊᓗᑭ ᑰᑦᑎᖅ ᑎᓴᒻᒥᖅ, ᒫᑦᓯ 28, 2019 ᑕᐅᑐᓐᖑᐊᖅᑕᖅ
“ᐃᓐᓇᑐᖃᕗᑦ ᐃᒃᐱᒍᓱᒃᐸᓪᓕᐊᓕᓚᐅᖅᓯᒪᖕᒪᑕ ᐃᓱᒫᓗᖕᓂᕐᒥᒃ: ᑲᑉᐱᐊᓇᓚᐅᖅᓯᒪᔪᖅ…ᐊᐱᖅᑯᑎᒐ ᐃᓐᓇᕐᓄᑦ ᐅᓇᐅᓚᐅᖅᓯᒪᔪᖅ:  “ᐊᑑᑎᖃᕋᔭᖅᐹ ᐃᓄᐃᑦ ᐃᓕᖅᑯᓯᖓᓂᒃ ᐆᒻᒪᖅᑎᑦᓯᒃᑲᓐᓂᕈᑦᑕ? ᐅᕝᕙᓘᓐᓃᑦ ᐃᒃᓯᓐᓇᑐᐃᓐᓇᕐᓗᒍ ᐃᓄᐃᑦ ᐃᓕᖅᑯᓯᖓᑦ ᐃᓕᓐᓂᐊᖔᕐᓗᑕ ᖃᓪᓗᓈᑦ ᐱᐅᓯᖏᓐᓂᒃ? ᐃᒪᓐᓇ ᑭᐅᓚᐅᖅᓯᒪᔪᖓ: ᐃᓄᐃᑦ ᐃᓕᖅᑯᓯᖓᓂᒃ ᐊᓯᐅᔨᔭᕆᐊᖃᖏᓐᓇᑦᑕ. ᐃᓄᐃᑦ ᐅᖃᐅᓯᖓᑦ ᐊᓯᐅᔨᔭᐅᔭᕆᐊᖃᖏᑦᑐᖅ.” – ᑕᒑᖅ ᑰᓕ
ᐅᖃᐅᓯᖅ ᐊᑐᖅᑕᐅᓪᓗᓂ ᓅᑉᐸᓪᓕᐊᔾᔪᑕᐅᓚᐅᖅᑐᖅ ᐃᓄᖕᓄᑦ ᐃᖅᑲᓇᐃᔭᖅᑎᓪᓗᒋᑦ ᓄᓇᑖᕈᑎᓄᑦ ᐊᖏᖃᑎᒌᒐᓱᐊᕐᓂᕐᒧᑦ ᓴᖅᑭᑦᑎᔾᔪᑕᐅᓚᕆᓪᓗᓂᓗ ᓄᓇᕗᒥᒃ.
ᒪᒃᑯᒃᑐᑦ ᐃᓄᐃᑦ ᐊᒃᓱᐊᓗᒃ ᑲᑉᐱᐊᓱᒐᑎᒃ ᑕᐅᑐᓐᖑᐊᖅᑕᖃᑕᓚᐅᖅᑐᑦ. ᑕᒪᓐᓇ ᐃᓱᒪᒋᑲᐃᓐᓇᕐᓚᕗᑦ. ᑕᐃᔅ)ᒪᓂ ᐃᓄᐃᑦ ᓄᓇᓕᖕᓄᑦ ᓅᕋᑖᕐᓂᑰᑎᓪᓗᒋᑦ, ᓱᒃᑲᔪᐊᓗᖕᒥᒃ ᐃᓅᓯᖓᑦ ᐊᓯᔾᔨᓚᐅᖅᓯᒪᖕᒪᑦ. ᕿᓚᒥᑯᓗᒃ, ᐃᓄᐃᑦ ᐃᓕᓚᐅᖅᑐᑦ ᓄᑖᒥᒃ ᐅᖃᐅᓯᕐᒥᒃ, ᓄᑖᓂᒃ ᒪᓕᒐᕐᓂᒃ ᐊᒻᒪ …

ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐃᖅᑲᓇᐃᔮᕆᔪᒪᔭᒥᓂᑦ ᑕᖕᒫᕐᕕᒃ ᒪᐃ 6-10, 2019 – ᕿᓂᖅᐳᑦ ᐃᑲᔪᖅᓱᐃᔨᐅᓇᔭᖅᑐᓂ ᐊᒻᒪ ᐃᓚᐅᔪᒃᓴᓂᑦ!

ᐱᓇᓱᐊᕈᓯᐅᔪᒥ ᒪᐃ 6, 2019−ᒥ, ᐃᖃᓗᐃᑦ ᑐᙵᓱᒃᑎᑦᑎᓂᐅᖅᐳᑦ ᐃᓕᓐᓂᐊᖅᑎᓂᑦ ᓄᓇᕗᓕᒫᒥ ᐃᓚᐅᖃᑕᐅᓂᕐᒧᑦ ᒪᕐᕈᖓᓂ ᐊᕐᕌᒍᑕᒫᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐃᖅᑲᓇᐃᔮᕆᔪᒪᔭᒥᓂᑦ ᑕᖕᒫᕐᕕᖕᒥᑦ. ᐃᓕᓐᓂᐊᖅᑎᓄᑦ ᐃᓱᒪᒋᔭᖃᖅᑐᒥ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐃᖅᑲᓇᐃᔮᕆᔪᒪᓇᔭᖅᑕᒥᓂᑦ ᐅᑭᐅᖃᖅᑐᓂ 15−ᓂ ᐅᖓᑖᓄᑦ ᐊᒻᒪ ᒫᓐᓇᐅᔪᒥ ᖁᑦᑎᒃᑐᒥ ᐃᓕᓐᓂᐊᕐᕕᖕᒥ ᐃᓕᓐᓂᐊᖅᑐᒥ ᓄᓇᕗᒻᒥ, ᐅᓇ ᑕᖕᒫᕐᕕᒃ ᐃᓕᖕᓅᑐᐃᓐᓇᕆᐊᖃᖅᐳᖅ!
ᖃᐃᖁᔨᕗᒍᑦ ᐱᔪᒪᓇᔭᖅᑐᓂ ᐃᑲᔪᖅᓱᐃᔨᐅᓇᔭᖅᑐᓂ ᐊᒻᒪ ᐃᓕᓐᓂᐊᖅᑎᓂᑦ ᐱᔭᕇᖅᓯᓂᖏᓐᓄᑦ ᑐᒃᓯᕋᐅᑎᓂᑦ ᐃᓚᐅᖃᑕᐅᓂᕐᒧᑦ ᐆᒥᖓ ᑕᖕᒫᕐᕕᖕᒥᑦ. ᐃᑲᔪᖅᓱᐃᔨᐅᓇᔭᖅᑐᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐱᓕᕆᔨᒻᒪᕆᐅᔪᓪᓇᖅᐳᑦ, ᐋᓐᓂᐊᖃᕐᓇᙱᑦᑐᓕᕆᓂᕐᒥ ᖁᕝᕙᖅᓴᐃᔨᐅᔪᑦ, ᐃᓕᓴᐃᔨᑦ ᐅᕝᕙᓘᓐᓃᑦ ᐊᓯᖏᑦ ᐊᑭᓕᖅᓱᖅᑕᐅᓇᑎᒃ ᐃᑲᔪᖅᑎᐅᔪᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐅᕝᕙᓘᓐᓃᑦ ᐱᔪᒪᓂᖃᖅᑐᒥ ᐊᐅᓪᓛᖃᑎᖃᕋᔭᖅᑐᓂ ᐃᓕᓐᓂᐊᖅᑎᓂᑦ ᐊᒻᒪ ᐃᑲᔪᖅᓱᐃᓗᓂ ᑐᓂᓯᓂᐅᔪᒥ ᑕᖕᒫᕐᕕᖕᒥ ᖃᓄᐃᓕᐅᕐᓂᐅᔪᓂᑦ ᐊᒻᒪ ᑲᒪᔨᒋᔭᐅᓗᓂ ᐃᓚᐅᖃᑕᐅᔪᓂᑦ. ᐅᐸᒍᒃ ᓄᓇᓕᖕᓂ ᑐᓴᐅᒪᑎᑦᑎᔨ ᑐᕌᖅᑎᑦᑎᔨ, ᐃᓕᓐᓂᐊᖅᑎᓄᑦ ᐃᑲᔪᖅᓱᐃᔨᐅᔪᖅ ᐃᓕᓴᐃᔨ ᐅᕝᕙᓘᓐᓃᑦ …

ᓂᕆᐅᖕᓂᖅ, ᓂᕆᐅᒋᔭᖃᑦᓯᐊᕐᓂᖅ ᐊᒻᒪᓗ ᐸᕐᓇᐅᑦ ᐳᕙᓪᓗᖕᓇᖃᕈᓐᓃᕈᑎᒃᓴᖓᓄᑦ ᓄᓇᕗᑦ

ᐃᕐᖐᓐᓇᖅ ᓴᖅᑭᖅᑕᐅᔭᕆᐊᓕᒃ
ᓂᕆᐅᖕᓂᖅ, ᓂᕆᐅᒋᔭᖃᑦᓯᐊᕐᓂᖅ ᐊᒻᒪᓗ ᐸᕐᓇᐅᑦ ᐳᕙᓪᓗᖕᓇᖃᕈᓐᓃᕈᑎᒃᓴᖓᓄᑦ ᓄᓇᕗᑦ
ᒫᑦᓯ 24 ᓄᓇᕐᔪᐊᒥ ᐳᕙᓪᓗᓂᕐᒧᑦ (TB) ᐅᓪᓗᖓ
“ᑖᓐᓇ ᓄᓇᕐᔪᐊᒥ ᐳᕙᓪᓗᓇᕐᒧᑦ ᐅᓪᓗᖅ ᓂᕆᐅᒋᔭᒃᓴᖃᕐᓂᕐᒧᑦ ᓂᕆᐅᒋᔭᖃᑦᓯᐊᓂᕐᒧᓪᓗ ᐳᕙᓪᓗᖕᓇᖃᕈᓐᓃᕈᑎᒃᓴᖓᓄᑦ ᓄᓇᕗᑦ ᐱᕕᒃᓴᑦᓯᐊᖑᕗᖅ − ᐅᕙᑦᑎᓐᓄᑦ, ᕿᑐᕐᖓᑎᓐᓄᑦ ᐊᒻᒪᓗ ᑭᖑᕚᕆᓂᐊᖅᑕᑎᓐᓄᑦ,” ᐅᖃᓚᐅᖅᑐᖅ ᓄᓇᕗᑦ ᑐᓐᖓᕕᒃ ᑎᒥᖓᑕ (ᑐᓐᖓᕕᒃ) ᐊᖓᔪᖅᑳᖓ ᐊᓗᑭ ᑰᑦᑎᖅ. “ᑕᒪᓐᓇ ᐱᓕᕆᐊᒃᓴᕆᒐᒃᑯ ᑲᒪᒋᓂᐊᕐᐸᕋ ᓇᓗᓇᐃᕐᓯᕕᒋᓗᒋᑦ ᓄᓇᕗᒻᒥ ᐃᓄᐃᑦ ᒫᓐᓇ ᐃᖅᑲᓇᐃᔭᐅᑎᒃᓴᖃᓕᕋᑦᑕ ᐳᕙᓪᓗᑦᑐᖃᕐᒪᖔᖅ ᖃᐅᔨᓴᕈᑎᒃᓴᒥᒃ ᐊᒻᒪᓗ ᒪᒥᓴᐅᑎᒃᓴᒥᒃ ᑕᒪᓐᓇ ᓄᓇᓕᖁᑎᑦᑎᓐᓂ ᓴᖅᑭᐅᒪᐃᓐᓇᑎᓪᓗᒍ, ᐊᑏ ᓄᖑᑎᓚᐅᕐᓚᕗᑦ ᐳᕙᓪᓗᓐᓂᖅ ᑲᑐᔾᔨᓂᒃᑯᑦ! ᓄᓇᕗᒻᒥᐅᑦ ᖃᐅᔨᓴᖅᑕᐅᖃᑦᑕᖁᕙᒃᑲ ᑖᑦᓱᒧᖓ ᒪᒥᓴᖅᑕᐅᒍᓐᓇᖅᑐᒧᑦ ᐋᓐᓂᐊᒧᑦ.”
ᑐᓐᖓᕕᒃᑯᑦ ᐊᖏᕈᑎᖃᕐᓯᒪᕗᑦ ᓯᕗᒧᐊᒃᑎᑦᑎᕙᓪᓕᐊᓂᕐᒥᒃ ᐃᖅᑲᓇᐃᔮᑦᑎᓐᓂᒃ ᐋᖅᑭᒍᑎᒃᓴᖓᓂᒃ ᓂᕆᔭᒃᓴᖃᑦᓯᐊᖃᑦᑕᖏᓐᓂᐅᑉ ᐅᑎᖅᑎᑦᓯᓂᒃᑯᑦ ᓂᕿᖃᖃᑦᑕᕈᑎᒋᓯᒪᔭᑦᑎᓐᓂᒃ, ᐃᓪᓗᓕᕆᓂᕐᒧᑦ ᐊᒻᒪᓗ ᐊᔪᕐᓴᕐᓂᖅ ᐃᑯᓪᓚᐅᒥᒍᑎᒃᓴᖏᓐᓂᒃ; ᑖᒃᑯᐊᓕᒫᑦ ᓇᓗᓇᐃᖅᑕᐅᓯᒪᕗᑦ …