Nonavumi Inoet Ihoakotinik Manikhaginik Tutkomavik kinikheayot ataohikmik inokmik ilikot tigomeakteoyokhamik inikhami pihahoni okeoni.

 

Ihoagiyaoyok oktoktok pikaktokhaogaloak ilihakpalikvikmi ilihakhimaloni atoknikakto-miklu ayoetot atokhimayaenik havaohikni manilikiyotinik, manikhakheogotini, manilikiyo-tini, havaohikni, maligani timeoyomilonet monagiyotini. Ihomagiyaoloakneaktot inoet ilaoyotikaktot Nonavumi Nonataknikot Agikatigegotaoyomi.

 

Nonavumi Inoet Ihoakotinik Manikhaginik Tutkomavik ihoakhaktaoyok Nunavut Tungavitkonit (NTI) Aviktokhimayonilo Inoet Katimayenit manikhakheogotigilogit monagilogilo manikhat oyagakheoktit ihoakotinik pivaleaniginit okonani Inoet Nanminik Nonagiyaeni aheniklo ihoakotinik manikhagiyaenik NTI-kot ilagagot Nonavumi Nonataknikot Agikatigegotaoyum NTI-kolo Ihoakotini Manikhanik Pitkoheanit.

 

Nonavumi Inoet Ihoakotinik Manikhaginik Tutkomavik monagiyaoyok saevanit tigoneaktinit, pihahut ilikok tigomeakteoyonit.

 

Ilikoktut Tigomeaktit piquyauginaqpaktut ilaoyagani takoyotilotik katimanikni ataohiklo malguklunet hivayaotikut katimaniknik okeotoagagat, pivakneakolo oblotoagagat katimanikmit manikhakhanik otiktitaoniginiklo akiligaoyonik monaginigagut havakhaenik Tutkomaveop.

 

Ilaoyomagovit, tonihiyavotit naetogaloamik titikamik havaohikniklo kagitaoyakot kayomiktokolonet omoga Udlu Hanson-mot 5-mogaktinago kigiktalokmi oblokheotagot, December 4-mi 2015-mi. Okakvigiyavalo Udlu Hanson apikotikhakagovit.

 

Ayikota Tutkomaveop Havaohea (pikaktok ilageagotinik atogeakaktonik atogeakagitoniklonet ilaoyonik inigiyani ilikot tigomeaktinit) Hivonikhiyotikhaniklo Titikamik naniyaolaktut NTI-kot kagiyaoyami kongeakhami ovani , penaklalo tukhiktaokpata.

 

Udlu Hanson, Aolanikut Ataniloak

Hivayaota: (867) 975-4900

Kayomiktokut: (867) 975-4949

Aketomik Hivayaotikut: 1-888-646-0006

 

Download (PDF, 1.46MB)

Download (PDF, 140KB)