ᒫᓐᓇᒧᑦ ᐊᐅᓚᔾᔭᒃᑕᐅᓯᐊᖅᓯᒪᔪᑦ

“ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ ᐱᓕᕆᔾᔪᑎᖏᑦ

Inuktuuqta!

ᑐᕌᒐᖓ
ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ ᖃᐅᔨᒪᒻᒪᑕ ᐱᒻᒪᕆᐅᓂᖓᓂᒃ ᐳᐃᒍᖅᑕᐅᑦᑕᐃᓕᒪᑎᑦᑎᓂᕐᒥᒃ, ᓴᖅᑭᔮᕐᑎᑦᑎᓂᕐᒥᒃ ᐊᒻᒪ ᐊᑑᑎᖃᓕᖅᑎᑕᐅᒃᑲᓐᓂᕆᐊᖃᓐᓂᖏᓐᓂᒃ ᐃᓄᒃᑐᑦ ᑎᑎᕋᖅᓯᒪᔪᓂᒃ ᐊᒻᒪ ᑲᔪᖏᓴᐃᒃᑲᓐᓂᕈᑎᖃᕈᒪᕗᑦ ᐊᒻᒪ ᑎᓕᐅᕆᔪᒪᓪᓗᑎᒃ ᐊᒥᓲᓂᕐᓴᐅᓕᒃᑲᓐᓂᖁᓪᓗᒋᑦ ᐃᓄᐃᑦ ᑎᑎᕋᕈᓐᓇᕐᑐᑦ ᐅᓂᒃᑳᖅᓯᒪᔪᓂᒃ ᐊᒻᒪ ᐊᒥᓱᕈᖅᑎᑕᐅᓗᑎᒃ ᐅᖃᓕᒫᒐᓕᐊᕆᓯᒪᔪᑦ ᐃᓄᒃᑐᑦ

ᐊᑑᑎᖓ
ᐊᑑᑎᖓ ᐃᓄᒃᑑᖅᑕ! ᐱᑕᖃᕈᑕᐅᓂᐊᕐᒪᑦ: a)ᑮᓇᐅᔭᓂᒃ ᐱᔾᔪᓯᐊᖅᑖᕋᑦᓴᕐᑕᖃᓪᓗᓂ ($80,000.00) ᐱᔪᓐᓇᕐᑎᑕᒧᑦ ᐃᓄᖕᒧᑦ ᓂᕈᐊᒐᕆᔭᐅᓯᒪᔪᒧᑦᐱᔭᐅᒐᔭᕐᓗᓂ ᐃᓄᒃᑑᖅᑕ! ᑐᓂᓯᓯᒪᔪᒧᑦ ᑎᑎᕋᖅᓯᒪᔪᓂᒃ ᐅᓂᒃᑳᓂᒃ ᐃᓄᒃᑐᑦ (“ᐱᔾᔪᓯᐊᕐᑖᖅᑐᖅ”); ᐊᒻᒪb)ᐱᕕᒃᓴᖃᕈᓐᓇᖁᓪᓗᒍ ᑎᑎᕋᖅᓯᒪᔪᓂᒃ ᐅᓂᒃᑳᓕᐅᕐᓂᕐᒧᑦ ᐃᓕᓐᓂᐊᓂᕐᒥᒃ ᑖᓐᓇ ᐱᔾᔪᓯᐊᕐᑖᖅᑐᖅ; ᐊᒻᒪc)ᐱᕕᖃᕈᓐᓇᖁᓪᓗᒍ ᐱᔾᔪᓯᐊᕐᑖᖅᓯᒪᔪᑦ ᐱᓕᕆᖃᑎᖃᕈᓐᓇᓂᐊᕐᒪᑦ ᐊᓯᖏᓐᓂᒃ ᐃᓄᖕᓂᒃ ᐅᓂᒃᑳᕐᓯᒪᔪᓂᒃᑎᑎᕋᓲᓂᒃ, ᐅᖃᐅᓯᓕᕆᔨᓂᒃ, ᐃᓕᓴᐃᔨᓂᒃ, ᐊᒻᒪ ᑎᑎᕋᖅᓯᒪᔪᓂᒃ ᓇᑲᑎᕆᔨᓂᒃ ᑕᒪᒃᑯᓂᖓᒐᓚᒃᑎᑎᕋᖅᓯᒪᔭᖏᑦ ᐅᓂᒃᑳᑦ ᐃᓂᕐᓯᒪᑦᑎᐊᓕᕐᓂᐊᕐᒪᑕ;d)ᑮᓇᐅᔭᑦ ᐱᔾᔪᓯᐊᖅᑖᕐᑐᑦ ᑎᓴᒪᐃᖑᓂᐊᕐᐳᑦ (4) (“ᐱᔾᔪᓯᐊᕐᑖᕆᔭᐅᒃᑲᓂᕐᑐᑦ”), ᑐᓂᓯᒪᔭᖏᑦᓄᐊᑕᐅᓂᐊᕐᓗᑎᒃ ᐊᒻᒪ ᐊᒥᓱᕈᖅᑎᑕᐅᓗᑎᒃ ᐅᖃᓕᒫᒐᒃᓴᑦ, ᐃᓚᓕᐅᑎᓂᐊᕐᒪᑕ ᐃᓄᐃᑦ ᐃᓄᒃᑐᑦᑎᑎᕋᖅᓯᒪᔭᖏᓐᓄᑦ ᐅᖃᓕᒫᒐᓄᑦ.

ᐅᓄᕐᓂᖏᑦ ᐱᔾᔪᓯᐊᕐᑖᑲᓐᓂᒃᓴᑦ ᓂᕈᐊᖅᑕᐅᔪᓄᑦᑕᐅᖅ ᐅᑯᐊᖑᓂᐊᕐᓗᑎᒃ:
$10,000.00 – ᑐᒡᓕᖓᑦ $5,000.00 – ᐱᖓᔪᐊᑦ 3,000.00 – ᑎᓴᒪᖓᑦ $2,000.00 – ᑕᓪᓕᒪᖓᑦ

ᐊᔪᙱᑎᑕᐅᔪᑦ
ᑭᓇᑐᐃᓐᓇᖅ ᐃᓄᒃ ᐊᑎᖃᖃᑕᐅᔪᖅ ᓄᓇᕗᑦ ᐊᖏᕈᑎᖏᑦᑎᒍᑦ ᐅᑭᐅᖃᖅᑐᖅ 18-ᓂᒃ ᐅᖓᑖᓄᑦ ᑐᓂᓯᔪᓐᓇᕐᐳᑦ ᐃᓄᒃᑐᑦ ᐅᖃᓕᒫᒐᓕᐊᕆᓯᒪᔪᓂᒃ ᐃᓱᒪᒋᔭᐅᖃᓯᐅᑎᔭᐅᔪᓐᓇᕐᓂᐊᕐᑐᓂᒃ, ᓇᓂᑐᐃᓐᓇ ᓄᓇᖃᕋᓗᐊᕐᐸᑦ. ᐊᑖᓂ ᑎᑎᕋᖅᓯᒪᔪᑦ, ᐊᒻᒪᓗ ᐅᕙᒍᒥᓂ ᐃᓚᖏᑦ, ᐆᒃᑐᖅᑎᑕᐅᔪᓐᓇᖏᓚᑦ; ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ ᑲᑎᒪᔨᖏᑕ ᐊᒻᒪ ᐃᖅᑲᓇᐃᔭᕐᑎᖏᑦ; ᐊᒻᒪ ᐃᓄᒃᑐᑦ ᐅᓂᒃᑳᓂᒃ ᑎᑎᕋᓐᓂᑭᓴᐅᑎᔪᓄᑦ ᓇᓖᕋᖅᑎᐅᔪᑦ ᑲᑎᒪᔨᕋᓛᖏᑦ ᐊᒻᒪ ᐊᔪᐃᓐᓇᕆᐊᒃᑲᓂᕐᑐᓄᑦ ᑲᑎᒪᔨᕋᓛᓄᑦ ᑲᑎᒪᔨᐅᖃᑕᐅᔪᑦ.

ᒪᓕᒐᑦᓴᓕᐊᖑᓯᒪᔪᑦ
ᐃᓱᒪᑦᓴᖅᓯᐅᕈᑕᐅᒍᒪᔪᑦ ᐃᓄᒃᑑᖅᑕ! ᑐᓂᔭᐅᔪᑦ ᑎᑎᕋᖅᓯᒪᔪᑦ ᐃᓄᒃᑑᖅᓯᒪᒋᐊᓖᑦ, ᐅᖃᐅᓯᕐᒥᒍᑦ ᐊᒻᒪᓗ ᑎᑎᕋᐅᓯᕐᒥᒍᑦ ᐅᓂᒃᑳᓕᐅᖅᑑᑉ ᐊᑐᕈᒪᔭᖓᒍᑦ ᑐᓂᔭᐅᔪᑦ ᑎᑎᕋᖅᓯᒪᒋᐊᓖᑦ ᓴᖅᑭᖅᑕᐅᓚᐅᓯᒪᙱᑦᑐᓂ