ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ (ᐃᑲᔫᑎᒃᓴᓕᕆᔨᒃᑯᑦ) ᑎᒥᙳᖅᑎᑕᐅᓚᐅᕐᓯᒪᒻᒪᑕ ᑲᒪᒋᔭᖃᓐᓂᐊᕐᓗᑎᒃ ᐊᑐᙱᓗᐊᕈᑕᐅᓯᒪᔪᓂᒃ ᑮᓇᐅᔭᓂ ᐅᕙᖔᖅᑐᓂᒃ ᐊᑭᓕᐅᑕᐅᔪᒃᓴᐅᔪᔪᓂᒃ ᐊᐅᓪᓚᕐᑎᑕᐅᓪᓗᑎᒃ ᐃᓕᓐᓂᐊᕆᐊᖅᑎᑕᐅᕙᓚᐅᕐᓯᒪᔪᓄᑦ ᐋᖅᑭᖃᑎᒌᓐᓂᕐᒧᑦ ᐊᖏᕈᑎᑎᒍᑦ. ᑐᙵᕕᒃᑯᑦ ᐃᓄᖕᓄᑦ ᐱᓕᕆᔾᔪᑎᓄᑦ ᐊᒻᒪ ᐱᔨᑦᑎᕈᑎᓄᑦ ᐱᓕᕆᕕᖓᑦ ᑲᒪᔨᐅᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ ᐃᓕᓐᓂᐊᕐᑐᓄᑦ ᐱᓕᕆᔾᔪᑎᓂᒃ ᐊᒻᒪ ᐃᓕᖅᑯᓯᓕᕆᓂᕐᒧᑦ ᐊᒻᒪ ᒪᒥᓴᕐᓂᕐᒧᑦ ᐱᓕᕆᔾᔪᑎᓂᒃ ᑲᒪᔾᔪᔾᔭᐅᓪᓗᑎᒃ ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ.
ᐃᑲᔫᑎᒃᓴᓕᕆᔨᒃᑯᑦ ᑲᒪᒋᔭᖃᕐᒪᑕ ᐱᖓᓱᓂᒃ ᐱᓕᕆᔾᔪᑏᓐᓂᒃ:
- ᑐᙵᕕᒃ ᐃᑲᔫᑎᑦ ᐃᓕᓐᓂᐊᕐᑎᓄᑦ ᐱᓕᕆᔾᔪᑎᖏᑦ ᐊᑐᐃᓐᓇᕈᐃᒍᑕᐅᕙᒃᐳᑦ ᑮᓇᐅᔭᓂᒃ ᐊᐅᓪᓚᕐᑎᐅᕙᓚᐅᕐᓯᒪᔪᓄᑦ ᐃᓕᓐᓂᐊᕆᐊᖅᑎᓴᑕᐅᓪᓗᑎᒃ, ᐃᓚᒥᓄᑦ ᐊᒻᒪ ᐃᓚᔮᒥᓄᑦ ᐊᒻᒪ/ᐅᕝᕙᓗ ᐃᕐᙳᑕᖏᓐᓄᑦ ᐃᓕᓐᓂᐊᑎᓪᓗᒋᑦ ᐊᑑᑎᖃᖅᑎᑕᐅᓂᐊᕐᓗᑎᒃ. ᒪᕐᕈᐃᑦ ᐃᓕᓐᓂᐊᕐᑐᓄᑦ ᑮᓇᐅᔭᕐᑖᒃᓴᑦ ᐊᑐᐃᓐᓇᐅᕘᒃ ᐃᓄᖕᓄᑦ ᐃᓕᓐᓂᐊᕐᑎᓄᑦ ᐊᑎᓕᐅᕐᑕᐅᖃᑕᐅᓯᒪᔪᓄᑦ ᓄᓇᕗᑦ ᐊᖏᕈᑎᖏᑦᑎᒍᑦ; ᓯᓚᑦᑐᓴᕐᕕᖕᒥ ᐃᓕᓐᓂᐊᕐᑐᓄᑦ ᐃᑲᔪᕈᑎᑦ ᐊᒻᒪ ᓴᓇᔭᕆᐅᕐᓴᔪᓄᑦ ᐊᒻᒪ ᐃᖅᑲᓇᐃᔮᖃᓕᕈᑎᒃᓴᕆᓗᒍ ᐃᓕᓐᓂᐊᕐᑐᓄᑦ ᐃᑲᔫᑕᐅᓲᑦ.
- ᐃᓕᖅᑯᓯᓕᕆᓂᕐᒧᑦ ᐊᒻᒪ ᒪᒥᓴᕐᓂᕐᒧᑦ ᐱᓕᕆᔾᔪᑏᑦ ᐱᕕᖃᕈᑕᐅᑎᑕᐅᕗᑦ ᐃᓄᖕᓄᑦ ᑐᒃᓯᕋᕈᑎᓕᐅᕈᑕᐅᔪᓐᓇᕐᑐᑎᒃ ᐱᓕᕆᐊᒃᓴᓄᑦ ᑮᓇᐅᔭᖃᕈᑎᒃᓴᓂᒃ 1) ᐱᓕᕆᔾᔪᑎᑦ ᑲᒪᒋᐊᓐᓂᖃᕈᑕᐅᔪᑦ ᐊᑦᑐᖅᑕᐅᓯᒪᔪᓄᑦ ᐊᒻᒪ ᑭᖑᕚᕆᔭᑦ ᐊᑦᑐᖅᑕᐅᓯᒪᓂᖏᓐᓄᑦ ᐊᐅᓪᓚᖅᑎᑕᐅᓪᓗᑎᒃ ᐃᓕᓐᓂᐊᕆᐊᖅᑎᑕᐅᕙᓚᐅᓯᒪᔪᓄᑦ 2) ᐱᖅᑯᓯᑐᖃᒃᑯᑦ ᓄᓇᒥ ᐊᐅᓪᓛᖅᓯᒪᓗᑎᒃ ᐱᓕᕆᔾᔪᑎᑦ 3) ᐃᓕᓴᐃᓂᐊᕐᑐᓄᑦ ᐃᓄᐃᑦ ᓯᕗᓕᑦᑕ ᐊᑐᕐᓯᒪᔭᖏᓐᓂᒃ, ᐃᓕᖅᑯᓯᖏᓐᓂᒃ, ᐅᖃᐅᓯᑦᑎᓐᓂᒃ, ᐊᒻᒪ ᐱᖅᑯᓯᑦᑎᓐᓂᒃ. ᐊᑕᐅᓯᐅᔪᓐᓇᕐᑐᑦ ᐅᕝᕙᓗ ᐃᓄᒋᖑᓗᑎᒃ ᐃᓄᐃᑦ ᐊᑎᓕᐅᕐᑕᐅᓯᒪᔪᑦ ᓄᓇᕗᑦ ᐊᖏᕈᑎᖏᑦᑎᒍᑦ, ᑮᓇᐅᔭᓕᐅᕈᑎᖃᕋᓱᐊᕋᑎᒃ ᑎᒥᐅᔪᑦ, ᐃᓕᓐᓂᐊᕐᕖᑦ, ᖃᓪᓗᓈ ᓄᓇᖓᓐᓂ ᑲᑎᕕᐅᕙᒃᑐᑦ ᐃᓄᖕᓄᑦ, ᐊᒻᒪᓗ ᓱᕈᓯᓛᓄᑦ ᐸᐃᕆᕖᑦ ᐊᔪᙱᑎᑕᐅᕗᑦ ᑐᒃᓯᕋᕈᑎᓕᐅᕐᓂᕐᒥᒃ ᑮᓇᐅᔭᓂᒃ ᐅᓄᕐᓂᖅᐹᕆᔪᓐᓇᕐᑐᒍᑦ $25,000 ᓇᓕᐊᓐᓄᑐᐃᓐᓇᖅ ᖁᓛᓂ ᐃᖅᑯᓪᓕᐅᑎᒋᔭᐅᓯᒪᔪᓄᑦ ᐱᓕᕆᔾᔪᑎᐅᓂᐊᕐᓗᑎᒃ.
- ᐃᓄᒃᑑᖅᑕ!
ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ ᖃᐅᔨᒪᒻᒪᑕ ᐱᒻᒪᕆᐅᓂᖓᓂᒃ ᐳᐃᒍᖅᑕᐅᑦᑕᐃᓕᒪᑎᑦᑎᓂᕐᒥᒃ, ᓴᖅᑭᔮᕐᑎᑦᑎᓂᕐᒥᒃ ᐊᒻᒪ ᐊᑑᑎᖃᓕᖅᑎᑕᐅᒃᑲᓐᓂᕆᐊᖃᓐᓂᖏᓐᓂᒃ ᐃᓄᒃᑐᑦ ᑎᑎᕋᖅᓯᒪᔪᓂᒃ ᐊᒻᒪ ᑲᔪᖏᓴᐃᒃᑲᓐᓂᕈᑎᖃᕈᒪᕗᑦ ᐊᒻᒪ ᑎᓕᐅᕆᔪᒪᓪᓗᑎᒃ ᐊᒥᓲᓂᕐᓴᐅᓕᒃᑲᓐᓂᖁᓪᓗᒋᑦ ᐃᓄᐃᑦ ᑎᑎᕋᕈᓐᓇᕐᑐᑦ ᐅᓂᒃᑳᖅᓯᒪᔪᓂᒃ ᐊᒻᒪ ᐊᒥᓱᕈᖅᑎᑕᐅᓗᑎᒃ ᐅᖃᓕᒫᒐᓕᐊᕆᓯᒪᔪᑦ ᐃᓄᒃᑐᑦ.
ᑐᑭᓯᒋᐊᕐᕕᒋᔪᓐᓇᕐᑕᐃᑦ
ᓘᓯ ᒥᓈᑦ
ᐱᓕᕆᔾᔪᑎᓂᒃ ᑲᒪᔨᐅᔪᖅ
ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ
ᑎᑎᖅᑲᖃᐅᑖ 280
ᑲᖏᖅᖠᓂᖅ, ᓄᓇᕗᑦ X0C 0G0
ᐅᖄᓚᐅᑖ: 867-645-5400
ᐊᑭᓕᕆᐊᖃᙱᑦᑐᖅ: 1-888-236-5400
ᓱᑲᔪᒃᑯᑦ: 867-645-5414
