ᓄᓇᕗᑦ ᑐᓐᖓᕕᒃ ᑎᒥᖓᑦ ᕿᒃᓵᖅᑐᑦ ᐃᓅᔪᓐᓇᐃᕐᓂᐊᓂᒃ ᓄᓇᕗᒥ ᐊᖏᕈᑎᓄᑦ ᐊᖏᖃᑎᒐᓱᐊᕐᓂᕐᒧᑦ ᐋᔨᖃᑕᐅᓚᐅᖅᓯᒪᔪᒥᑦ ᒦᑲ ᕿᓚᕝᕙᕐᒥᑦ ᐊᒻᒪᓗ ᑎᐅᕆ ᕕᓐᔾ-ᒥᑦ.

(ᓄᕕᐱᕆ 10, 2015 — ᐃᖃᓗᐃᑦ, ᓄᓇᕗᑦ)   ᓄᓇᕗᑦ ᑐᓐᖓᕕᒃ ᑎᒥᖓᑦ ᐅᑉᓗᒥ ᕿᒃᓵᖅᑐᑦ ᐃᓅᔪᓐᓇᐃᕐᓂᖏᓐᓂᒃ ᐱᓇᓱᐊᕈᓯᐅᑉ ᓄᓐᖑᐊᓂ ᖄᖏᓵᖅᑐᒥ ᒪᕐᕉᒃ ᑖᒃᑯᐊᒃ ᐱᓪᓗᒋᒃ – ᒦᑲ ᕿᓚᕝᕙᖅ ᐸᓐᓂᖅᑑᒥᐅᑕᖅ ᐊᒻᒪᓗ ᐃᖃᓗᖕᓂᑦ, ᐊᒻᒪᓗ ᑎᐅᕆ ᕕᓐᔾ ᐋᑐᐋᒥᐅᑕᖅ ─ ᐃᓚᐅᓂᖃᒻᒪᕆᒃᓯᒪᔫᒃ ᐱᒻᒪᕆᐅᑎᐊᓗᖕᓂᑦ ᐃᓚᖏᑦ ᑲᔪᓯᓯᒪᑦᑎᐊᓕᖅᑎᓪᓗᒋᑦ ᐊᐃᕙᓂᒃᑯᒃ ᐋᔩᖃᑎᒌᓂᒃᑯᑦ 1993-ᒥ ᓄᓇᕗᑦ ᐊᖏᕈᑎᖏᓐᓂᒃ, ᐊᖏᓂᖅᐹᖅ ᒫᓐᓇᐅᔪᖅ ᐊᖏᕈᑎᑦ ᑲᓇᑕᒥ ᑕᐃᒪᖓᓂᑦ.  ᑕᒪᒃᑮᒃ ᐱᔨᑦᑎᖅᓯᒪᔫᒃ ᐊᐃᕙᔨᒻᒪᕆᐅᖃᑕᐅᓪᓗᑎᒃ ᐋᔩᖃᑎᒌᒃᓂᒃᑯᑦ ᐅᑭᐅᓄᑦ ᐅᓄᖅᑐᓄᑦ, ᐊᒻᒪᓗ ᐊᔾᔨᒌᒃᑐᒥᑦ ᐱᓪᓗᕆᒃᓯᒪᓂᖃᖅᑑᒃ ᑕᒪᐃᓐᓂᒃ ᖃᐅᔨᓴᕐᓂᕐᒧᑦ, ᐊᑐᐊᒐᓕᕆᓂᕐᒧᑦ ᐊᐃᕙᓂᐅᔪᓂᒃ, ᓄᓇᓕᖕᓄᑦ ᐅᖃᖃᑎᖃᕆᐊᖅᑐᖅᓯᒪᓂᕐᒧᑦ, ᐊᒻᒪᓗ ᐊᖏᖅᑕᐅᓂᖏᓐᓂᒃ ᐊᑐᓕᖅᑎᑕᐅᑎᓪᓗᒋᑦ ᐱᓕᕆᐊᑦ ᑕᒪᒃᑯᐊ ᐃᓚᒋᓪᓗᒋᑦ ᐊᐃᕙᔾᔪᑕᐅᓯᒪᔪᑦ ᐋᔩᖃᑎᒌᒃᓂᒃᑯᑦ.
ᓱᓕᒃᑲᓐᓂᖅ ᒦᑲᐅᑉ ᐱᒃᑯᓇᕐᓂᖏᑦ ᐊᒻᒪᓗ ᐃᓚᐅᖏᓐᓇᕐᓂᐊ …

ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖓᔪᖅᑳᖓᑦ ᖁᕕᐊᓲᑎᖃᖅᑐᖅ ᒪᓕᒐᓕᐅᖅᑎᕐᔪᐊᓄᑦ ᒥᓂᔅᑕ ᕼᐊᓐᑕ ᑐᑐᒥᑦ

(ᓄᕕᐱᕆ 4, 2015 — ᐃᖃᓗᐃᑦ, ᓄᓇᕗᑦ)     ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖓᔪᖅᑳᖓᑦ ᑳᑎ ᑕᐅᑐᖏ ᖁᕕᐊᓲᑎᖃᖅᑐᖅ ᕼᐊᓐᑕ ᑐᑐᒥᑦ ᑎᒃᑯᐊᖅᑕᐅᑎᓪᓗᒍ ᒥᓂᔅᑕᐅᓂᕐᒧᑦ ᐃᒪᕐᒥᐅᑕᓕᕆᔨᓄᑦ ᐊᒻᒪᓗ ᑲᓇᑕᒥ ᓯᑯᓯᐅᖅᑎᓄᑦ.
 
“ᐱᒻᒪᕆᐅᖕᒪᑦ ᐃᓄᐃᑦ ᑲᔪᓯᓗᑎᒃ ᑕᐃᒪᓐᓇ ᖁᑦᑎᖕᓂᖅᓴᓄᑦ ᐃᓕᖓᓗᑎᒃ ᑭᒡᒐᖅᑐᐃᑎᓪᓗᒋᓪᓗ ᑲᓇᑕᐅᑉ ᒥᓂᔅᑕᐅᑎᖏᓐᓄᑦ ᑲᑎᒪᔨᐅᓂᕐᒥᑦ. ᑐᑐ ᐅᓄᖅᑐᓂᒃ ᐱᓕᕆᐊᖃᖅᓯᒪᔪᖅ ᒐᕙᒪᓕᕆᓂᕐᒧᑦ ᐅᑭᐅᖅᑕᖅᑐᒥ ᐊᑑᑎᖃᕐᓂᐊᖅᑐᑦ ᑕᒪᐃᓐᓄᑦ ᐃᓄᖕᓄᑦ ᐊᒻᒪᓗ ᑲᓇᑕᒥᐅᑕᓄᑦ ᐊᔾᔨᒌᒃᑐᒥᑦ” ᐅᖃᖅᑐᖅ ᑕᐅᑐᖏ. “ᐃᒪᓐᓇᐃᑦᑐᓐᓇᖅᓯᔪᒍᑦ ᐊᒃᓱᐊᓗᒃ ᑐᖓᓱᖕᓂᕐᒥᑦ ᑕᐃᒪᓐᓇ ᐃᓄᐃᑦ ᐱᔪᒪᔭᖏᓐᓄᑦ ᐊᒻᒪᓗ ᓯᕗᓪᓕᐅᑎᔪᒪᔭᖏᓐᓄᑦ ᐃᖃᓗᓕᕆᓂᕐᒧᑦ ᐃᒪᕐᒥᐅᑕᓕᕆᓂᕐᒧᑦ ᑲᓇᑕᒥᓗ ᓯᑯᓯᐅᑎᓕᕆᔨᓄᑦ ᓴᖏᓂᖅᓴᒥᑦ ᑭᒡᒐᖅᑐᐃᓂᐊᕐᓕᕐᒪᑦ ᒐᕙᒪᒋᔭᑦᑎᓐᓂ”
 
“ᑐᑐ ᐱᔨᑦᑎᖅᓯᒪᔪᑦ ᓄᓇᕗᑦ ᒪᓕᒐᓕᐅᕐᕕᐊᓂ ᐅᑭᐅᓄᑦ 14-ᓄᑦ ᐊᒻᒪᓗ ᑐᑭᓯᐊᓪᓗᓂ ᐱᒻᒪᕆᐅᔪᓂᒃ ᐊᑐᓕᖅᑎᑦᑎᕙᓪᓕᐊᓂᕐᒥᑦ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂᒃ. …

ᓄᓇᕗᑦ ᑐᙵᕕᒃᑯᑦ ᖁᕕᐊᓲᑎᖃᖅᐳᑦ ᑲᓇᑕᐅᑉ ᐊᖓᔪᖅᑳᕐᔪᐊᑖᖅᑲᐅᖓᓂᒃ ᑐᕉᑐᒥᒃ

ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓᑦ ᑳᑎ ᑕᐅᑐᙱ ᐅᑉᓗᒥ ᖁᕕᐊᓱᒍᑎᖃᖅᑲᐅᕗᖅ ᐅᐱᒍᓱᒃᑐᓂᓗ ᑲᓇᑕᐅᑉ ᐊᖓᔪᖅᑳᕐᔪᐊᑖᖅᑲᐅᖓᓂᒃ ᔭᔅᑕᓐ ᑐᕉᑐᒥᒃ ᓂᕈᐊᖅᑕᐅᒻᒪᑦ.
“ᑎᓕᐅᕐᐸᕋ ᐊᖓᔪᖅᑳᕐᔪᐊᑖᖅᑲᐅᖅ ᑐᕉᑐ ᐅᒃᑯᐃᖔᕐᑎᐊᖁᓪᓗᒍ ᐊᒻᒪ ᐃᒃᐱᒍᓱᑦᑎᐊᖁᓪᓗᒍ ᐃᖅᑲᓇᐃᔭᖃᑎᖃᓐᓂᒃᑯᑦ ᐃᓄᖕᓂᒃ ᐊᒻᒪᓗ ᓄᓇᕗᑦ ᑐᙵᕕᒃᑯᓐᓂᒃ, ᐊᒻᒪᓗ ᕿᓚᓈᖅᐳᖓ ᐊᑲᐅᔪᒥᒃ ᐱᓕᕆᖃᑎᒋᑦᑎᐊᕈᒪᓪᓗᒍ ᐱᓕᕆᐊᖃᐃᓐᓇᑎᓪᓗᑕ ᐊᑐᓕᕐᑎᑦᑎᓂᕐᒥᒃ ᓄᓇᕗᖕᒥ ᓄᓇᑖᕈᑏᑦ ᐊᖏᕈᑎᖏᓐᓂᒃ. ᓄᓇᕗᑦ ᑐᙵᕕᒃᑯᑦ ᑲᑎᒪᖃᑎᖃᕐᒪᑕ ᒥᔅᑕ ᑐᕉᑐᒥᒃ ᐊᕐᕌᒍᒋᐊᑦᑎᓐᓂ, ᑐᙵᓇᓚᐅᕐᒪᑦ ᐃᖅᑲᓇᐃᔭᖃᑎᖃᑦᑎᐊᕈᒪᓪᓗᓂ ᐃᓄᖕᓂᒃ ᑲᒪᒋᔭᐅᑦᑎᐊᕈᓐᓇᖁᓪᓗᒋᑦ ᓄᓇᑖᕈᑎᒋᓯᒪᔭᕗᑦ ᐊᒻᒪᓗ ᐱᔾᔪᑕᐅᔪᑦ ᓯᕗᓪᓕᕐᐹᖑᑎᑕᐅᓂᐊᕐᓗᑎᒃ ᒐᕙᒪᒋᔭᖓᓄᑦ,” ᐅᖃᖅᑐᖅ ᑕᐅᑐᙱ.
“ᖁᕕᐊᖕᒪᕆᒃᐳᖓ ᖃᐅᔨᓚᐅᕋᒪ ᓈᓚᓚᐅᕐᒪᑦ ᑲᓇᑕᒥᐅᑕᓂᒃ ᐊᒻᒪᓗ ᖃᐅᔨᓇᓱᐊᖁᔨᓂᐊᕐᓂᕋᖅᓯᒪᒻᒪᑦ ᐅᑎᖏᓐᓇᕐᓯᒪᔪᓂᒃ ᐊᒻᒪ ᐃᓄᐊᕐᑕᐅᓯᒪᔪᓂᒃ ᓄᓇᖃᖅᑳᖅᓯᒪᔪᓂᒃ ᐊᕐᓇᓂᒃ ᑲᓇᑕᒥ. ᖃᐅᔨᓇᓱᐊᑐᖃᕆᐊᖃᕐᒪᑦ ᐊᒻᒪ ᐱᒻᒪᕆᐅᓪᓗᓂ ᐱᕚᓪᓕᖁᓪᓗᒍ ᑲᓇᑕᐅᑉ ᑲᒪᓂᕆᕙᒃᑕᖏᑦ ᓄᓇᖃᖅᑳᖅᓯᒪᔪᓂᒃ ᐊᕐᓇᓂᒃ ᐊᒻᒪ ᐱᓂᕐᓗᒃᑕᐅᕙᓐᓂᖏᓐᓂᒃ …

ᓄᓇᕗᑦ ᑐᓐᖓᕕᒃ ᑎᒥᖓᑦ ᐊᒻᒪ ᓄᓇᕗᑦ ᒐᕙᒪᖏᑦ ᑎᒥᓐᖑᖅᑎᑦᓯᕗᑦ ᓄᓇᕗᒥ ᐃᓄᖕᓂᑦ ᐃᓕᓐᓂᐊᖅᑎᑦᓯᓂᕐᒧᑦ ᑯᐊᐳᕇᓴᒥᒃ

ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᑳᑎ ᑕᐅᑐᓐᖏ ᐊᒻᒪ ᓄᓇᕗᑦ ᓯᕗᓕᖅᑎᖓᑦ ᐲᑕ ᑕᑉᑑᓇ ᐅᓪᓗᒥ ᑐᓴᖅᑎᑦᓯᔪᑦ ᑖᒃᑯᐊ ᑎᒥᓐᖑᖅᑎᑕᐅᓂᖏᓐᓂᒃ ᓴᖅᑭᑎᑕᐅᓪᓗᑎᒃ ᑎᒥᓐᖑᖅᑎᑦᓯᕗᑦ ᓄᓇᕗᒥ ᐃᓄᖕᓂᑦ ᐃᓕᓐᓂᐊᖅᑎᑦᓯᓂᕐᒧᑦ ᑯᐊᐳᕇᓴᒥᒃ. ᑖᒃᑯᐊ ᓯᕗᓕᖅᑏᑦ ᑐᓴᖅᑎᑦᓯᖅᑲᐅᔪᑦ ᐅᓪᓗᒥ ᑎᒥᓐᖑᖅᑎᑦᓯᓂᕐᒥᓂᒃ ᑖᓐᓇ ᓯᕗᓕᖅᑎ ᑕᑉᑑᓇ ᐅᓂᒃᑳᕆᐊᖅᑲᐅᑎᓪᓗᒍ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᕐᕌᒍᑕᒫᖅᓯᐅᒻᒥᒃ ᑲᑎᒪᕕᒡᔪᐊᖅᑎᓪᓗᒋᑦ ᐃᖃᓗᖕᓂ.
ᑖᓐᓇ ᐃᓕᓐᓂᐊᖅᑎᑦᓯᓂᕐᒧᑦ ᑯᐊᐳᕇᓴᓐ, ᑎᒥᓐᖑᖅᑎᑕᐅᒻᒪᕆᓚᐅᖅᑐᖅ ᐊᒃᑑᕝᕙ 9, 2015, ᐃᓚᖓ ᑮᓇᐅᔭᖃᖅᑎᑕᐅᓂᐊᖅᑐᖅ ᑮᓇᐅᔭᓄᑦ ᑐᓂᔭᐅᓚᐅᖅᑐᓄᑦ ᓄᓇᕗᑦ ᑐᓐᖓᕕᒃᑯᑦ ᑎᒥᖓᓐᓄᑦ ᐋᖅᑭᒃᓯᖃᑎᒌᖕᓂᕐᒧᑦ ᐊᖏᖃᑎᒌᒍᒻᒥᒃ ᐊᑎᓕᐅᓚᐅᑎᓪᓗᒋᑦ ᐱᖃᑎᒋᓪᓗᒋᑦ ᓄᓇᕗᑦ ᒐᕙᒪᖏᑦ ᐊᒻᒪ ᒐᕙᒪᑐᖃᒃᑯᑦ ᑖᒃᑯᐊ ᐋᖅᑭᒃᑕᐅᖁᓪᓗᒋᑦ ᐃᖅᑲᖅᑐᐃᕕᒃᑰᖅᑎᑦᓯᓂᖏᑦ ᓄᓇᕗᑦ ᑐᓐᖓᕕᒃ ᑎᒥᖓᑦ ᑖᒃᑯᓂᖓ ᒐᕙᒪᑐᖃᒃᑯᓐᓂᒃ ᐊᕐᕌᒍᐊᓂ 2006 ᒪᓕᒃᓯᒪᓐᖏᓐᓂᖏᓐᓄᑦ ᐊᑐᓕᖅᑎᒋᐊᖃᖅᓯᒪᔭᒥᓂᒃ ᐃᓚᖏᓐᓂᒃ …

ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓ ᑐᓐᓂᐅᑎᖃᖅᐳᑦ ᐊᕐᕋᒍᑕᒫᑦ ᐱᔾᔪᓯᐊᖅᑖᖑᓲᓂᒃ.

(ᐊᒃᑐᕙ 21, 2015 –ᐃᖃᓗᖕᓂ, ᓄᓇᕘᒥ) ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓᑦ ᑳᑎ ᑕᐅᑐᙱ ᐱᔾᔪᓯᐊᖅᑖᑎᑦᑎᖃᐅᓄᑦ ᐱᖓᓱᓂᒃ ᐃᓄᖕᓂᒃ ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓᑦᑕ ᐱᔾᔪᓯᐊᖅᑖᑎᑦᑎᒍᑎᒌᓱᖏᓐᓂᒃ ᐅᓐᓅᓚᐅᕐᑐᖅ ᐊᕐᕋᒍᓕᒫᕐᓯᐅᑎᒥᓐᓂᒃ ᑲᑎᒪᓂᖃᓐᓂᕐᒥᓂ ᓂᕆᕕᔾᔪᐊᑎᑦᑎᑎᓪᓗᒋᑦ ᐃᖃᓗᓐᓂ.
ᐊᕐᕌᒍᑕᒫᑦ, ᐱᔾᔪᓯᐊᖅᑖᖅᑐᖃᓱᖑᒻᒪᑦ ᐱᖓᓱᓂᒃ ᑐᓂᔭᐅᔪᓂᒃ ᐱᒻᒪᕆᐅᔪᒥᒃ ᐃᑲᔪᓐᓂᖃᖅᓯᒪᔪᓄᑦ ᐃᓄᐃᑦ ᐃᓕᖅᑯᓯᖏᓐᓂᒃ ᐳᐃᒍᖁᔨᖏᑦᑐᓂᒃ ᐊᒻᒪᓗ ᓄᓇᓕᖕᓂ ᐱᒋᐊᖅᑎᑦᑎᓯᒪᔪᓂᒃ. ᑕᒪᑐᒪᓂ ᐊᕐᕌᒍᑦᑎᓐᓂ ᑐᓂᔭᐅᔪᑦ ᐊᐃᐅᓛ ᑕᖁᓕᒃ ᑕᓗᕐᔪᐊᕐᒥᐅᑕᖅ, ᕋᐃᒪᓐ ᓂᖏᐅᑦᓯᐊᖅ ᓴᓪᓕᒥᐅᑕᖅ ᐊᒻᒪᓗ ᓄᓇ ᐹ ᑭᙵᕐᒥᐅᑕᖅ.
ᑳᑎ ᑕᐅᑐᙵ ᐅᖃᓚᐅᕐᑐᖅ ᐊᐃᐅᓛ ᑕᖁᓕᒃ ᐊᑯᓂᐊᓗᒃ ᐱᓕᕆᖃᑕᐅᕙᓐᓂᐊᖓᓄᑦ ᐊᔾᔨᒌᖏᑦᑐᓄᑦ ᐱᓕᕆᖃᑎᒌᒃᑐᓄᑦ ᓄᓇᒥᖕᓂ ᑕᓗᕐᔪᐊᕐᒥ, ᐃᒡᓗᓕᕆᔨᒃᑯᓐᓂ, ᐃᓕᓐᓂᐊᕐᑐᓕᕆᔨᒃᑯᑦ ᑲᑎᒪᔨᖏᓐᓂ, ᐊᒻᒪᓗ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂ. …

Nunavut Tunngavik Inc. AGM

ᓄᓇᕗᑦ ᑐᙵᕕᒃ ᑎᒥᖓᑕ ᑲᑎᒪᔨᖏᑕ ᑲᑎᒪᓂᖓ ᐃᖃᓗᓐᓂ, ᓄᓇᕘᒥ ᐊᒃᑑᕙ 19, 2015

ᓄᓇᕗᑦ ᑐᙵᕕᒃ ᑎᒥᖓᑕ
ᑲᑎᒪᔨᖏᑕ ᑲᑎᒪᓂᖓ
ᐃᖃᓗᓐᓂ, ᓄᓇᕘᒥ
ᐊᒃᑑᕙ 19, 2015
• ᑲᑎᒪᒋᐊᖁᔨᓕᕐᓂᖅ
• ᑲᑎᒪᓂᐅᑉ ᑐᑦᓯᐅᔾᔭᐅᓂᖓ
• ᑐᙵᓱᒃᑎᑦᑎᒍᑏᑦ
• ᑲᒪᒋᔭᑦᑕᐅᑎᒋᔭᕆᐊᓖᑦ
1. ᓈᖕᒪᒋᔭᐅᓂᖏᑦ ᑲᑎᒪᔾᔪᑎᑦᓴᑦ
2. ᓈᖕᒪᒋᔭᐅᓂᖏᑦ ᑲᑎᒪᔾᔪᑎᒥᓃᑦ
3. ᐋᖅᑭᒋᐊᕈᑏᑦ ᐃᖏᕐᕋᔫᓕᕆᓂᕐᒧᑦ ᐊᑐᐊᒐᖅ
4. ᐋᖅᑭᒋᐊᕐᑕᐅᓂᖏᑦ ᑮᓇᐅᔭᕐᑎᒍᑦ ᐃᑲᔪᕐᕈᑎᓄᑦ ᐊᑐᐊᒐᑦ
5. ᓄᓇᕗᑦ ᑐᙵᕕᒃᑯᑦ ᐃᖅᑲᕐᑐᐃᕕᒃᑰᑎᑦᑎᒍᑎᒥᖑᑦ ᐋᖅᑭᖃᑎᒌᓐᓂᕐᒧᑦ ᐊᖏᖃᑎᒋᒍᑎᑖᖏᑦ ᐊᑐᓕᕐᑎᑕᐅᕙᓪᓕᐊᔪᑦ ᖃᓄᐃᓕᖓᓕᕐᒪᖓᑖ
6. ᑮᓇᐅᔭᕐᑎᒍᑦ ᑐᑦᓯᕋᕈᑎᑦ
7. ᑎᒃᑯᐊᖅᑕᐅᔪᑦ
a) ᓄᓇᕘᒥ ᐊᕙᑎᓕᕆᔨᒃᑯᑦ ᑲᑎᔨᖏᓐᓄᑦ
b) ᓄᓇᕘᒥ ᐸᕐᓇᐃᔩᑦ ᑲᑎᒪᔨᖏᓐᓄᑦ
c) ᓄᓇᕘᒥ ᐃᒪᓕᕆᔨᒃᑯᑦ ᑲᑎᒪᔨᖏᓐᓄᑦ
d) ᐃᓄᐃᑦ ᐱᖁᑎᑐᖃᖏᓐᓂᒃ ᑎᒍᒥᐊᖅᑏᑦ
8. ᐊᓯᖏᑦ ᐱᓕᕆᐊᒃᓴᑦ
• ᐃᓄᐃᑦ ᐅᖃᐅᓯᖏᓐᓂᒃ ᑕᐃᒎᓯᓕᐅᖅᑏᑦ
• ᐱᕈᕐᕕᒃ
• ᑭᖑᓪᓕᕐᒥᒃ ᑲᑎᒪᓂᐅᔪᒫᕐᑐᖅ ᐊᒻᒪ ᓇᓂ – ᒪᑦᓯ 15-ᒥᑦ 17-ᒧᑦ, 2016-ᒥ (ᖃᐅᔨᒃᑲᐃᔾᔪᑎᐅᔪᒫᕐᑐᖅ)
• ᑲᑎᒪᒌᖅᑎᓪᓗᒋᑦ ᐅᖃᐅᓯᒃᓴᑦ
• ᑲᑎᒪᔭᕇᓐᓂᖓ ᑐᑦᓯᐅᔾᔭᐅᔪᖅ
9. ᑲᑎᒪᔭᕇᓐᓂᖅ

ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᕐᕌᒍᑕᒫᖅᓯᐅᑎᓄᑦ ᑲᑎᒪᕕᒃᔪᐊᕐᓂᐊ ᖃᐅᑕᒫᑦ ᓄᓇᓯᐅᑎᑯᑖᒃᑯᑦ ᐱᔨᑦᑎᕋᕈᑏᑦ ᐊᒡᔭᖅᑐᐃᓂᕐᒥᑦ ᓇᓄᖅ ᐃᓕᓐᓂᐊᕐᕕᐊᓄᑦ – ᐊᒃᑐᕙ 19-22, 2015

ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᕐᕌᒍᑕᒫᖅᓯᐅᑎᓄᑦ ᑲᑎᒪᕕᒃᔪᐊᕐᓂᐊ
ᖃᐅᑕᒫᑦ ᓄᓇᓯᐅᑎᑯᑖᒃᑯᑦ ᐱᔨᑦᑎᕋᕈᑏᑦ ᐊᒡᔭᖅᑐᐃᓂᕐᒥᑦ ᓇᓄᖅ ᐃᓕᓐᓂᐊᕐᕕᐊᓄᑦ –
ᐊᒃᑐᕙ 19-22, 2015
8:15 ᐅᓪᓛᒃᑯᑦ –ᐊᐃᔭᐅᕙᒃᓗᓯ ᐋᒃᑎᒃ ᓯᓂᒃᑕᕐᕕᐊᓂᑦ ᐊᒻᒪᓗ ᐊᒡᔭᖅᑕᐅᓗᓯ ᓇᓄᖅ ᐃᓕᓐᓂᐊᕐᕕᖁᑎᐊᓄᑦ ᓂᐊᖁᓐᖒᒧᑦ
12:00 ᖁᓛᓂ – ᐊᐃᔭᐅᓗᓯ ᓇᓄᖅ ᐃᓕᓐᓂᐊᕐᕕᖁᑎᐊᓐᓂᑦ ᐊᒻᒪᓗ ᐅᑎᒧᑦ ᐊᒡᔭᖅᑕᐅᓗᓯ ᐋᒃᑎᒃ ᓯᓂᒃᑕᕐᕕᖁᑎᐊᓄᑦ
1:15 ᐅᓪᓗᒃᑯᑦ –ᐊᐃᔭᐅᓗᓯ ᐅᕙᖓᑦ ᓯᓂᒃᑕᕐᕕᖁᑎᐊᓐᓂᒃ ᐋᒃᑎᒃ ᐊᒻᒪᓗ ᐅᑎᒧᑦ ᐊᒡᔭᖅᑕᐅᓗᓯ ᓇᓄᖅ ᐃᓕᓐᓂᐊᕐᕕᖁᑎᐊᓄᑦ ᓂᐊᖁᓐᖒᒧᑦ
5:00 ᐅᓐᓄᒃᓴᒃᑯᑦ –ᐊᐃᔭᐅᓗᓯ ᓇᓄᖅ ᐃᓕᓐᓂᐊᕐᕕᖁᑎᐊᓐᓂᑦ ᐊᒻᒪᓗ ᐅᑎᒧᑦ ᐊᒡᔭᖅᑕᐅᓗᓯ ᐋᒃᑎᒃ ᓯᓂᒃᑕᕐᕕᖁᑎᐊᓄᑦ
** ᐊᑏ ᓇᓗᓇᐃᕈᕐ: ᑕᒪᕐᒥᒃ ᓄᓇᓯᐅᑎᖁᑖᑉ ᐃᖃᕐᕋᖏᑦ ᐊᓯᔾᔨᑐᐃᓐᓇᕆᐊᖃᖅᑐᑦ ᒪᓕᒃᓗᒋᑦ ᑲᑎᒪᓂᐅᔪᑦ ᐊᖅᑭᒃᓯᒪᔭᖏᑦ.

ᕿᑭᖅᑖᓗᖕᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᖏᑦ

ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓᑦᑕ ᑐᖏᓕᖓ ᔭᐃᒥᓯ ᐃᑦᑐᓗᒃ ᐅᐱᒍᓱᖅᑲᐅᕗᖅ ᐅᓪᓗᒥ ᕿᑭᖅᑖᓗᖕᒥᓐ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᒃᑯᓐᓂᒃ ᓂᐅᕕᓚᐅᕐᓂᖏᓐᓂᒃ ᐅᒥᐊᕐᔪᐊᒥᒃ ᐃᐊᒻᕖ ᓯᕗᓕᕐᒥᒃ ᑕᐃᔭᐅᔪᒥᒃ. ᐃᖃᓗᒐᓱᒍᓐᓇᕈᑎ ᐅᒥᐊᕐᔪᐊᖅ ᓇᖕᒥᓂᖅᑖᕆᔭᐅᔪᖅ ᐃᓄᖕᓄᑦ.
“ᓂᐅᕕᖅᑕᐅᖕᒪᑦ ᐅᒥᐊᕐᔪᐊᖅ ᐱᒻᒪᕆᖕᒥᒃ ᐊᑦᑐᐃᓂᖃᓐᓂᐊᕐᑐᖅ ᐅᑭᐅᒐᓴᓐᓄᑦ ᓄᓇᕘᑉ ᑮᓇᐅᔾᔭᒃᓴᕕᖃᕐᕕᒃᓴᖓᓄᑦ,” ᐅᖃᖅᑐᖅ ᐃᑦᑐᓗᒃ. “ᑖᓐᓇᓕ ᐃᓄᖕᓄᑦ ᐱᔪᓐᓇᕐᓯᒍᑕᐅᓂᐊᓕᖅᑐᖅ ᓇᖕᒥᓂᖅ ᐊᐅᓚᑦᑎᒍᑕᐅᒍᓐᓇᕐᓗᓂ ᐃᖃᓗᒐᓱᓐᓂᕐᒥᒃ ᐱᕙᒃᑕᑎᓐᓂᒃ ᐅᖁᒪᐃᓐᓂᕐᓂᒃ ᐃᖃᓗᒐᓱᒃᑕᐅᔪᓐᓇᕐᑐᓂᒃ ᐃᒪᕕᓐᓂ ᓄᓇᕘᑉ ᖃᓂᒋᔭᖓᓂ. ᓴᖅᑮᓂᐊᕐᑐᓂᓗ ᐃᖅᑲᓇᐃᔮᒃᓴᓂᒃ ᐱᔭᐅᔭᕆᐊᖃᓪᓚᕆᒃᑐᓂᒃ ᐊᒻᒪ ᐱᔪᓐᓇᕐᓯᒍᑕᐅᒃᑲᓂᕆᓪᓗᓂ ᐃᓄᐃᑦ ᐃᖃᓗᒐᓱᒍᓐᓇᖃᑕᐅᓂᖏᓐᓄᑦ ᓄᓇᕘᒥ ᑕᒪᓐᓇ ᐃᖃᓗᒐᓱᐊᕐᓂᖅ ᐱᕙᓪᓕᐊᓂᖃᖅᐸᓪᓕᐊᑎᓪᓗᒍ.”
ᑖᓐᓇ ᐅᒥᐊᕐᔪᐊᕐ ᖁᐊᒃᑯᕕᖃᕐᒪ ᖃᓕᕋᓕᓐᓂᐊᕈᑕᐅᔪᓐᓇᕐᑐᖅ ᐊᒻᒪ ᑭᖑᑉᐸᓐᓂᐊᕈᑕᐅᔪᓐᓇᕐᑐᓂ.
“ᓄᓇᕘᒥ ᓄᓇᑖᕈᑏᑦ ᐊᖏᕈᑎᖏᓐᓂ ᑎᑎᕋᖅᓯᒪᔪᖅ 15.3.7-ᒥ ᐅᖃᖅᓯᒪᒻᒪᑕ ᐃᓄᐃᑦ ᐅᖁᒪᐃᓐᓂᖏᑎᒍᑦ ᐃᑲᓗᒐᓱᐊᕈᓐᓇᕆᐊᖃᓐᓂᖏᓐᓂᒃ ᐃᒪᕕᖕᒥ ᖃᓂᒋᔭᖏᓐᓃᒃᑐᓂ ᓄᓇᕘᑉ ᐱᔪᓐᓇᕐᓯᒍᑕᐅᔪᓐᓇᖁᓪᓗᒍ …

ᓄᓇᕗᑦ ᑐᓐᖓᕕᒃᑯᑦ ᖁᕕᐊᓲᑎᖃᖅᐳᑦ ᓄᑖᒥᒃ ᐃᓄᐃᑦ ᑕᐱᕇᑦ ᑲᓇᑕᒥ ᐊᖓᔪᖅᑳᖅᑖᖓᓐᓄᑦ

ᓄᓇᕗᑦ ᑐᓐᖓᕕᒃᑯᑦ ᐊᖓᔪᖅᑳᖓᑦ ᑳᑎ ᑕᐅᑐᓐᖏ ᐅᓪᓗᒥ ᖁᕕᐊᓲᑎᖃᖅᑲᐅᔪᖅ ᓃᑕᓐ ᐅᕕᑦ ᓵᓚᒃᓴᕐᓂᖓᓄᑦ ᓂᕈᐊᖅᓯᖅᑎᓪᓗᒋᑦ ᐃᓄᐃᑦ ᑕᐱᕇᑦ ᑲᓇᑕᒥ ᐊᖓᔪᖅᑳᐊᖓᓐᓄᑦ. ᓃᑕᓐ ᓂᕈᐊᖅᑕᐅᓚᐅᖅᑐᖅ ᐊᖓᔪᖅᑳᖑᓂᕐᒧᑦ ᐃᒃᐸᒃᓴᖅ ᑖᒃᑯᐊ ᐃᓄᐃᑦ ᑕᐱᕇᑦ ᑲᓇᑕᒥ ᑲᑎᒪᕕᒡᔪᐊᕐᓂᖃᖅᑎᓪᓗᒋᑦ ᐃᖃᓗᒃᑑᑦᑎᐊᖅ, ᓄᓇᕗᒥ.
“ᐱᓕᕆᖃᑎᒋᓯᒪᒐᒃᑯ ᓃᑕ ᐊᕐᕌᒍᓄᑦ ᖃᑦᓯᑲᓪᓚᖕᓄᑦ ᑐᑭᒧᐊᒃᑎᒋᔭᐅᑎᓪᓗᒍ ᓄᓇᕗᑦ ᑐᓐᖓᕕᒃᑯᑦ ᐃᓄᓕᕆᓂᕐᒧᑦ, ᐃᓕᖅᑯᓯᓕᕆᓂᕐᒧᓪᓗ ᐱᓕᕆᕕᐊᓂ. ᓇᓪᓕᒍᓱᒻᒪᕆᒃᑐᖅ ᐃᓄᖕᓂᑦ ᐊᒻᒪ ᐊᑐᖅᐸᒃᑐᓂᐅᒃ ᓇᓪᓕᒍᓱᖕᓂᓂ ᐊᒻᒪ ᓴᓐᖏᔫᓪᓗᓂ ᓯᕗᓪᓕᖅᑎᐅᔪᓐᓇᖅᑐᖅ ᑐᒃᒧᐊᒃᑎᓪᓗᒍ ᑲᓇᑕᒥ ᐃᓄᐃᑦ ᑲᑐᔾᔨᖃᑎᒌᖓᑦ. ᐱᓕᕆᖃᑎᒋᑦᓯᐊᖏᓐᓇᕈᒪᓂᐊᖅᑕᕋ ᓃᑕᓐ,” ᐅᖃᖅᑐᖅ ᑕᐅᑐᓐᖏ.
ᐅᕕᑦ ᐃᓂᖃᖃᑦᑕᖅᓯᒪᔪᖅ ᐃᓄᐃᑦ ᑕᐱᕇᑦ ᑲᓇᑕᒥ ᐊᒻᒪ ᓛᕙᑐᐊᒥ ᐃᓄᐃᑦ ᑲᑐᔾᔨᖃᑎᒌᖏᓐᓂ, ᓄᓇᓯᐊᕗᑦ ᒐᕙᒪᑖᐅᖅᑎᓐᓇᒋᑦ. ᓄᖅᑲᐅᑎᔭᖓ ᐃᓂᓂ ᓄᓇᕗᑦ ᑐᓐᖓᕕᒃᑯᓐᓂ, ᐱᒋᐊᑲᐅᑎᒋᓪᓗᓂ …

ᖃᖓᓂᐊᓗᒃ ᑭᒡᓕᓯᓂᐊᖅᑕᐅᓯᒪᔪᑦ ᐃᓅᓯᕐᒥᑦ ᑭᐱᓯᓂᐅᓯᒪᔪᓄᑦ ᐅᓂᒃᑳᑦ

ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᑐᒡᓕᐊ ᐊᖓᔪᖅᑳᑉ ᔭᐃᒻᔅ ᐃᑦᑐᓗᒃ ᐅᓪᓗᒥ ᓴᖅᑭᑎᑦᓯᔪᖅ ᐅᓂᒃᑳᓂᒃ ᐅᓂᒃᑳᖅᑐᓂᒃ ᖃᖓᓂᐊᓗᒃ ᐃᓅᓯᕐᓂᒃ ᑭᐱᓂᐅᖃᑦᑕᖅᓯᒪᔪᑦ ᓄᓇᕗᒥ. ᑖᒃᑯᐊ ᐅᓂᒃᑳᑦ ᓴᖅᑭᑎᑕᐅᓚᐅᖅᑐᑦ ᓄᓇᕗᑦ ᑐᓐᖓᕕᒃᑯᓐᓄᑦ ᑖᒃᑯᐊ ᑐᖁᖓᔪᓕᕆᔩᑦ ᖃᐅᔨᒐᓱᐊᕐᓂᖃᖅᑎᓪᓗᒋᑦ ᑐᖁᖑᑕᐅᔪᓂᒃ ᐃᓅᓯᕐᒥᓂᒃ ᑭᐱᓯᓂᒃᑯᑦ ᓄᓇᕗᒥ ᒫᓐᓇ ᑭᒡᓯᓂᐊᖅᑐᑦ ᐃᖃᓗᖕᓂᑦ ᐱᓇᓱᐊᕈᓯᐅᓂᐊᖅᑑᖕᓂᑦ ᒪᕐᕉᖕᓄᑦ.
ᑕᐃᔭᐅᔪᖅ ᑭᒡᓕᓯᓂᐊᕈᑏᑦ ᑐᑭᓯᒋᐊᕈᑎᒃᓴᓂᒃ ᑐᖁᖃᑦᑕᖅᑐᓄᑦ ᐃᓅᓯᕐᒥᓂᒃ ᑭᐱᓯᓂᒃᑯᑦ ᓄᓇᕗᑦ ᐃᓄᖏᓐᓄᑦ, 1920 ᑎᑭᑦᑐᒍ 2014,” ᑖᒃᑯᐊ ᐅᓂᒃᑳᑦ ᐃᓚᒋᔭᖏᑦ ᓄᓇᕗᑦ ᑐᓐᖓᕕᒃᑯᑦ ᐱᓕᕆᐊᕇᓐᓇᖅᑕᖏᑕ ᐃᓅᓯᕐᒥᑦ ᑭᐱᓯᑎᑦᓯᑦᑕᐃᓕᒪᓂᖅ ᓄᓇᕗᒥ. ᑖᒃᑯᐊ ᐅᓂᒃᑳᑦ ᐱᑕᖃᖅᑎᑦᑎᔪᑦ ᖃᖔᓗᒃ ᐊᒻᒪ ᒫᓐᓇ ᐅᓄᕐᓂᐅᔪᑦ ᐃᓱᒪᒃᓴᖅᓯᐅᕈᑎᖃᖅᑐᑦ ᖃᓄᓕᒫᖅ ᑐᑭᓯᒋᐊᕈᑎᒃᓴᓂᒃ ᐱᔾᔪᑎᖃᖅᑐᑦ ᑐᖁᖃᑦᑕᖅᑐᓄᑦ ᐃᓅᓯᕐᒥᓂᒃ ᑭᐱᓯᓂᒃᑯᑦ ᓄᓇᕗᒥ ᐊᒻᒪ …

ᐃᓱᒪᓕᕆᓂᕐᒧᑦ ᐃᑲᔪᖅᑎᑦᓴᓂᒃ ᐊᑐᐃᓐᓇᐅᔪᖃᕐᓂᐊᖅᑐᑦ ᓄᓇᕗᒻᒥᐅᓄᑦ ᑐᖁᖓᔪᓕᕆᔨ ᖃᐅᔨᓴᖅᑎᓪᓗᒍ

Download (DOCX, 162KB)

(English) CITES Animal Committee Decides Trade in Polar Bears not Detrimental

Sorry, this entry is only available in English.

ᓄᓇᕗᑦ ᑐᙵᕕᒃᑯᑦ ᓱᓕ ᓈᖕᒪᓴᖏᑉᐳᒃ ᑕᕆᐅᑉ ᐊᑭᐊᓂᒃ ᔫᕋᑉᒥ ᑲᑎᒪᔨᕐᔪᐊᖏᑦ ᕿᓯᓐᓂᒃ ᓂᐅᕕᖁᔨᑦᑕᐃᓕᓂᖏᓐᓂᒃ

ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓᑦᑕ ᑐᖏᓕᖓ ᔭᐃᒥᓯ ᐃᑦᑐᓗᒃ ᐅᖃᐅᓯᖃᒃᑲᓐᓂᓕᓚᐅᕆᕗᑦ ᓈᖕᒪᒋᓂᕋᓐᓇᒋᑦ ᑕᕆᐅᑉ ᐊᑭᐊᓂ ᔫᕋᑉᒥ ᑲᑎᒪᔨᕐᔪᐊᖏᑦ ᑲᓇᑕᒥᐅᑕᓂᒃ ᕿᓯᓐᓂᒃ ᓂᐅᕕᖁᔨᑦᑕᐃᓕᓂᖏᓐᓂᒃ. ᐃᑦᑐᓗᒃ ᐅᖃᓚᐅᕐᑐᖅ ᑐᓴᕐᑎᑦᑎᓚᐅᕐᑎᓪᓗᒋᑦ ᑕᕆᐅᑉ ᐊᑭᐊᓂ ᔫᕋᑉᒥ ᑲᑎᒪᔨᕐᔪᐊᖏᑦ ᓈᖕᒪᒋᔭᖃᓚᐅᕐᓂᖏᓐᓂᒃ ᓄᓇᕗᑦ ᒐᕙᒪᒃᑯᖏᑕ ᓇᓗᓇᐃᒃᑯᓰᖃᑦᑕᓂᐊᕐᓂᖏᓐᓂᒃ ᕿᓯᓐᓂᒃ ᐅᕘᓇ ᓄᓇᖃᖅᑳᖅᓯᒪᔪᑦ ᓄᓇᕐᔪᐊᕐᒥ ᓱᖁᑎᒋᔭᐅᖏᓐᓂᑎᒍᑦ ᑕᕆᐅᑉ ᐊᑭᐊᓂ ᔫᕋᑉᒥ ᑲᑎᒪᔨᕐᔪᐊᖏᑕ ᑲᒪᒋᔭᖏᑎᒍᑦ.
“ᑭᓇᒃᑯᑐᐃᓐᓇᕐᓄ ᖃᐅᔨᒪᔭᐅᖁᓪᓗᒍ, ᓄᓇᕗᑦ ᑐᙵᕕᒃᑯᑦ ᑎᒥᖓ ᓱᓕ ᓈᖕᒪᓴᙱᒻᒪᑕ ᑕᕆᐅᑉ ᐊᑭᐊᓂ ᔫᕋᑉᒥ ᑲᑎᒪᔨᕐᔪᐊᖏᑕ ᓂᐅᕕᖅᑕᐃᓕᒪᓂᖏᓐᓂᒃ ᕿᓯᓐᓂᒃ. ᑲᓇᑕᒥ ᓇᑦᑎᕋᓱᒃᑎᐅᕙᒃᑐᑦ ᓇᓪᓕᓵᖅᑎᑦᑎᓇᑎᒃ ᐊᒻᒪᓗ ᓄᖑᓗᐊᖅᑕᐃᓕᒪᑎᑦᑎᓪᓗᑎᒃ ᓇᑦᑎᕋᓱᓲᖑᒻᒪᑕ. ᑕᕆᐅᑉ ᐊᑭᐊᓂ ᔫᕋᑉᒥ ᑲᑎᒪᔨᕐᔪᐊᖏᑦ ᕿᓯᓐᓂᒃ ᓂᐅᕕᖅᑕᐃᓕᒪᑎᑦᑎᒻᒪᑕ ᑐᑭᓯᑲᒻᒪᑎᑦᑎᓯᒪᓪᓗᑎᒃ ᐊᒻᒪᓗ ᑕᐃᒫᖑᙱᑦᑐᖅ ᐃᓄᖁᑎᒥᓂᒃ ᑐᓴᐅᒪᑎᑦᑎᓪᓗᑎᒃ, ᓄᖑᓗᐊᖅᑕᐃᓕᒪᑎᑦᑎᓂᕐᒨᖏᑦᑐᖅ. …

ᐹᑉ ᑲᑦᓗᓐ ᐊᔩᖅᑎᐅᓂᕐᒥᓂᒃ ᐱᒻᒪᕆᐅᑎᑦᑎᓚᐅᕐᑐᖅ

ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓᑦ ᑳᑎ ᑕᐅᑐᙱ ᐅᓪᓗᒥ ᐃᖅᑲᐅᒪᖅᑲᐅᕗᖅ ᓄᓇᕘᒥ ᓄᓇᑖᕈᑏᑦ ᐊᖏᖃᑎᒌᒍᑕᐅᕙᓪᓕᐊᑎᓪᓗᒋᑦ ᐊᔩᕐᑎᐅᓚᐅᕐᓯᒪᔪᒥᒃ ᐹᐱ ᑲᑦᓗᓐᒥᒃ, ᐃᓅᔪᓐᓃᓚᐅᕐᒪᑦ ᐱᓇᓱᐊᕈᓯᐅᑉ ᓄᙳᐊᓂ. ᑲᓪᓗᓐ ᐅᖃᐅᓯᐅᖃᑦᑕᕐᓯᒪᔪᖅ ᑕᒪᒃᑮᓐᓄᑦ ᐊᔩᖃᑎᒌᓚᐅᕐᓯᒪᔪᓄᑦ ᐊᒃᓱᒻᒪᕆᐊᓗᒃ ᐃᓱᒪᖓ ᓴᖑᑕᑦᓴᐅᖏᓐᓂᕋᖅᑕᐅᓪᓗᓂ ᐊᒻᒪᓗ ᐃᓕᕋᓱᒐᓂ ᐊᒻᒪᓗ ᐱᓂᐊᕐᓂᖃᕈᑎᖃᒻᒪᕆᓚᐅᕐᐳᖅ ᐃᓄᖕᓄᑦ ᐊᒻᒪᓗ ᓄᓇᑖᕈᑎᑦ ᐊᖏᕈᑕᐅᕙᓪᓕᐊᑎᓪᓗᒋᑦ.
“ᐱᓂᐊᕐᓂᕆᓯᒪᔭᖏᑦ ᐅᔾᔨᕆᔭᖃᑦᑎᐊᕐᑐᓂ ᓄᓇᑖᕈᑎᑎᒍᑦ ᐃᑲᔪᕐᓯᓂᖃᕆᐊᖃᓐᓂᖓᓂ ᐃᓄᖕᓄᑦ ᐅᓂᒃᑳᕆᔭᐅᓲᖑᓚᐅᕐᐳᖅ. ᑕᐃᒪᙵᓂᒃ ᐱᒋᐊᕋᒥ ᐃᓄᐃᑦ ᑕᐱᕇᒃᓴᒃᑯᑦ ᑲᓇᑕᒥ ᐊᒻᒪᓗ ᖃᐅᔨᒪᔨᒋᔭᐅᓚᐅᕐᓂᖓᓂᒃ ᓯᕗᓕᕐᑎᐅᓪᓗᓂ ᓴᖅᑭᑕᐅᕙᓪᓕᐊᓕᕐᑎᓪᓗᒍ ᑐᙵᕕᒃ ᐃᓚᒌᒃᓴ ᓄᓇᕘᒧᒃᑯᓐᓂ, ᐹᐱ ᖃᐅᔨᒪᔭᐅᑦᑎᐊᒪᐅᕐᑐᖅ ᐊᔩᕐᑎᐅᓂᖓᓂᒃ ᐱᔪᒪᒋᔭᒥᓂᓪᓗ ᐱᕙᓚᐅᕐᑐᓂ,” ᐅᖃᖅᑐᖅ ᑕᐅᑐᙱ. “ᐱᓗᐊᕐᑐᒥᒃ ᐱᒻᒪᕆᐅᑎᑦᑎᓚᐅᕐᐳᖅ ᐅᔾᔨᕐᑐᖅᑎᐊᕐᑐᓂᐅᒃ ᓄᓇᕗᑦ ᐱᙳᖅᑎᑕᐅᔭᕆᐊᖃᓐᓂᖓ ᓄᓇᕘᒥ ᓄᓇᑖᕈᑏᑦ ᐊᖏᕈᑎᖏᑎᒎᖅᓯᒪᓗᓂ.”
“ᐱᒡᒍᑎᓗᒋᑦ ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᑦ, ᓇᓪᓕᒋᕙᕗᑦ ᐹᐱᐅᑉ ᕿᒪᒃᑕᖏᑦ …

ᓄᓇᕗᑦ ᐅᖃᐅᓯᕐᓴᖃᕐᕕᒋᔭᖓ ᐊᑲᕐᕆᔾᔪᑏᑦ ᐊᑭᑐᔪᑦ ᑐᓴᕐᑎᑦᑎᕈᑕᐅᓚᐅᕐᑎᓪᓗᒋᑦ

ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓᑦ ᑳᑎ ᑕᐅᑐᙱ ᐅᓪᓗᒥ ᐅᖃᖅᑲᐅᔪᖅ ᑐᓴᖅᑎᑦᑎᒍᑎᐅᖅᑲᐅᔪᑦᖅ $63.7 ᒥᓕᐊᓐ ᑐᕌᖅᑐᑦ ᐃᖃᓗᓐᓂ ᑐᓚᒃᑕᕐᕕᒃᓴᓄ ᐊᒻᒪ ᓂᐅᕋᐃᕕᒃᓴᐅᓗᓂᓗ ᐊᒃᓱᐊᓗᒃ ᑐᓴᕈᒥᓇᖅᑐᖅ ᐃᖃᓗᖕᒥᐅᓄᑦ ᐊᒻᒪᓗ ᑕᒪᐃᓐᓄᑦ ᓄᓇᕗᖕᒥᐅᓄᑦ. ᒐᕙᒪᑐᖃᒃᑯᑦ ᒥᓂᔅᑕᖓᑦ ᓕᐅᓇ ᐊᒡᓘᒃᑲᖅ ᑐᓴᖅᑎᑎᒍᑎᖃᖅᑲᐅᔪᖅ ᐅᓪᓗᒥ ᑎᑎᕋᕐᕕᖕᒥᓂᒃ ᐃᖃᓗᓐᓂ.
“ᓄᓇᕗᑦ ᑐᙵᕕᒃᑯᑦ ᐱᓕᕆᖃᑕᐅᓯᒪᒻᒪᕆᒻᒪᑕ ᓄᓇᕘᒥ ᐅᓄᕐᓯᒋᐊᖁᔭᐅᓪᓗᑎᒃ ᐊᑲᕐᕆᔾᔪᑏᑦ ᐊᑭᑐᔪᑦ ᐅᑭᐅᓂ ᖃᑦᑎᑲᓪᓚᒻᒪᕆᓐᓂ ᐊᓂᒍᖅᑐᓂ. ᐊᒃᓱᐊᓗᒃ ᖁᕕᐊᕐᐳᖓ ᑐᓴᕋᒃᑯ ᐊᑲᕐᕆᔾᔪᑎᓂᒃ ᐊᑭᑐᔪᓂᒃ ᐊᒥᒐᖅᓯᓂᕗᑦ ᑲᒪᒋᔭᐅᒋᐊᕈᑎᖃᕐᒪᑕ ᐅᓪᓗᒥᐅᔪᖅ ᒐᕙᒪᒋᔭᐅᔪᓄᑦ,” ᐅᖃᖅᑐᖅ ᑕᐅᑐᙱ. “ᓄᓇᕗᑦ ᑐᙵᕕᒃᑯᑦ ᐱᒻᒪᕆᒋᔭᖃᖅᑎᓪᓗᒋᑦ ᒐᕙᒪᑐᖃᒃᑯᓐᓂᒃ ᐱᔭᕆᐊᖃᓪᓚᕆᓐᓂᑎᓐᓂᒃ ᑮᓇᐅᔭᓂᒃ ᓄᓇᕘᒥ ᐱᕙᓪᓕᐊᓂᖃᕈᑕᐅᔪᓐᓇᕐᑐᓂᒃ, ᓱᓕ ᓄᓇᕗᑦ ᓯᕕᑐᓂᕐᓴᒧᑦ ᐸᕐᓇᒍᑎᓕᐅᕆᐊᖃᕐᒪᑕ ᐊᑲᕐᕆᔾᔪᑎᓄᑦ ᐊᑭᑐᔪᓄᑦ ᐸᕐᓇᒍᑎᓂᒃ ᑲᒪᒋᐊᕈᑕᐅᒍᓐᓇᕋᔭᕐᑐᓂᒃ ᓄᓇᕘᑉ ᐊᖃᕐᕆᔾᔪᑎᓂᒃ …

ᓄᓇᕗᑦ ᑐᙵᕕᒃᑯᑦ ᑐᙵᓱᒃᑎᑦᑎᕗᑦ ᐋᖅᑭᒋᐊᕈᑎᖏᓐᓂᒃ ᓂᕿᑦᑎᐊᕙᑦ ᐅᑭᐅᖅᑕᕐᑐᒥ ᑲᓇᑕᒥ

ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓᑦ ᑳᑎ ᑕᐅᑐᙱ ᖁᕕᐊᖅᑲᐅᕗᖅ ᑐᓴᖅᑕᐅᒃᑲᑦᑕᐅᒻᒪᑕ ᐋᖅᑭᒋᐊᕈᑕᐅᓯᒪᔪᑦ ᓂᕿᑦᑎᐊᕙᓄᑦ ᐅᑭᐅᖅᑕᖅᑐᒥ ᑲᓇᑕᒥ ᐱᓕᕆᔾᔪᑎᐅᕙᒃᑐᓂᒃ ᑕᒪᑐᒪᓂ ᐱᓇᓱᐊᕈᓯᐅᑉ ᐱᒋᐊᙵᓐᓂᐊᓂ. ᐃᓄᓕᕆᔨᑐᖃᒃᑯᑦ ᒥᓂᔅᑕᖓ ᐳᓈᑦ ᕚᓪᑯᐊᑦ ᑐᓴᖅᑎᑦᑎᓚᐅᕐᒪᑦ ᐊᑐᓕᕆᐊᓛᖅᑐᓂᒃ ᐃᐱᕆ 1, 2016-ᒥ, ᓂᐅᕕᕐᕖᑦ ᐊᑐᓕᕐᑎᑦᑎᒋᐊᖃᓛᕐᑐᑦ ᓂᐅᕕᖅᑐᑦ ᓂᐅᕕᕈᑎᖏᑦ ᓇᓕᖅᑲᖏᑎᒍᑦ ᑕᑯᒃᓴᐅᑎᑦᑎᒋᐊᖃᓕᕐᓗᑎᒃ ᓂᐅᕕᖅᑐᒧᑦ ᑖᒃᑯᐊ ᓂᕿᓄᑦ ᒐᕙᒪᑐᖃᒃᑯᑦ ᐃᑲᔪᕈᑎᒋᕙᒃᑕᖏᑦ ᐊᑑᑎᖃᖅᑎᑕᐅᓂᖏᓐᓂᒃ ᓂᐅᕕᖅᑕᐅᔪᓄᑦ. ᒐᕙᒪᑐᖃᒃᑯᑦ ᐅᖃᓚᐅᕐᑐᑦ ᑖᓐᓇ ᓄᑖᖅ ᐱᐅᓯᐅᔪᒫᕐᑐᖅ ᖃᐅᔨᒪᒍᑕᐅᓂᕐᓴᐅᓂᐊᕐᒪᑦ ᓂᐅᕕᖅᐸᒃᑐᓄᑦ ᐊᒻᒪᓗ ᑕᐃᒫᒃᑎᐊᖅ ᐱᔭᕆᐊᖃᓐᓂᖏᓐᓄᑦ ᑕᑯᔪᓐᓇᓂᐊᕐᒪᑕ ᓂᐅᕕᖅᐸᒃᑐᑦ ᓂᐅᕕᕈᑎᖏᑕ ᓇᓕᖅᑲᖏᓐᓂ ᑕᑯᒃᓴᐅᓗᑎᒃ ᓂᕿᑦᑎᐊᕙᑦ ᐅᑭᐅᖅᑕᖅᑐᒥ ᒐᕙᒪᑐᖃᒃᑯᑦ ᐃᓚᖓᒍᑦ ᐊᑭᓕᖅᐸᑦᑕᖏᑦ ᖃᓄᖅ ᐊᑑᑎᖃᖅᑎᑕᐅᖕᒪᖔᑖ.
ᑕᐅᑐᙱ ᐅᖃᓚᐅᕐᑐᖅ ᓄᓇᕗᑦ ᑐᙵᕕᒃᑯ ᓴᖅᑭᔮᕐᑎᐊᕐᓯᒪᒻᒪᑕ ᐊᒻᒪᓗ ᐃᒻᒥᒍᐃᓐᓇᖅ ᒐᕙᒪᒃᑯᓐᓂᒃ ᐋᖅᑭᒃᓯᖃᑦᑕᖁᔨᓯᒪᒻᒪᑕ ᐱᖁᔭᓂᒃ ᓂᕿᑦᑎᐊᕙᓕᕆᔾᔪᑎᓄᑦ …

ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖓᔪᖅᑳᖓ ᐅᖃᖅᐳᑦ ᐃᒃᐱᒍᓱᖕᓂᕐᒥᑦ ᕿᒪᒃᑕᐅᔪᓄᑦ

 
(ᔪᓚᐃ 24, 2015 – ᑲᖏᖅᖠᓂᖅ, ᓄᓇᕗᑦ)     ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖓᔪᖅᑳᖓᑦ ᑳᑎ ᑕᐅᑐᖏ ᐅᑉᓗᒥ ᐅᖃᖅᑐᖅ ᐊᓱᒃᐊᓗ ᓂᑲᓪᓗᕐᓂᕐᒥᑦ ᐃᓅᔪᓐᓂᖅᑎᓪᓗᒍ ᑕᖑᓛᖅ ᓵᓐᑎ, ᐊᑯᓂᐊᓗᑦ ᐃᓚᒋᔭᐅᖃᑦᑕᖅᓯᒪᔪᖅ ᑲᑎᒪᔨᓂ ᐅᑯᓄᖓ ᓄᓇᕗᑦ ᑐᓐᖓᕕᒃ ᑎᒥᖓᓐᓄᑦ ᑲᑎᒪᔨᐅᓂᕐᒥᑦ ᐊᒻᒪᓗ ᐊᖓᔪᖅᑳᖑᓂᕐᒥᑦ ᑭᕙᓪᓕᖅ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ.
 
“ᑭᒡᒐᖅᑐᖅᓗᒋᑦ ᑲᑎᒪᔨᑦ, ᑐᓂᓯᔪᒪᕗᖓ ᐆᒻᒪᑎᒃᑯᑦ ᐃᒃᐱᒍᓱᖕᓂᕐᒥᑦ ᐅᑯᓄᖓ ᑕᖑᓛᑉ ᓄᓕᐊᖓᓄᑦ ᐊᒻᒪᓗ ᓄᑕᕋᖏᓐᓄᑦ ᐊᒻᒪᓗ ᐊᒥᓱᐊᓗᐃᑦ ᐃᓚᒋᓐᓄᑦ ᓄᓇᕗᒥ. ᑕᖑᓛᖅ ᐃᓄᑦᑎᐊᕌᓘᓚᐅᖅᑐᖅ ᐊᖑᑎᐅᓂᕐᒥᑦ ᐊᒻᒪᓗ ᐆᒻᒪᕆᒃᑎᑦᑎᓪᓗᓂ ᓯᕗᓕᖅᑎᐅᓂᕐᒥᑦ ᐊᒃᓱᐊᓗᒃᓗ ᐱᒻᒪᕆᕆᔭᐅᓪᓗᓂ ᐃᓚᖏᓐᓄᑦ ᐊᒻᒪᓗ ᓄᓇᓕᖕᒧᑦ, ᐊᒻᒪᓗ ᖃᐅᔨᒪᕗᒍᑦ ᑐᖓᑎᒋᒐᑦᑎᒍ ᖃᐅᔨᒪᓂᐊ ᐊᒻᒪᓗ ᕿᒪᐃᓂᐊ ᐃᖅᑲᐅᒪᔭᒃᓴᑦᑎᐊᖑᓂᕐᒧᑦ ᑲᔪᓯᓂᐊᕐᒪᑕ ᐆᒪᓗᑎᒃ ᓄᑕᕋᖏᓐᓄᑦ ᐊᒻᒪᓗ ᐃᓐᖑᑕᖏᓐᓄᑦ,” ᐅᖃᖅᑐᖅ ᐊᖓᔪᖅᑳᖅ …

(English) NNI Policy Appeals Board Nominations – Extended

ᓄᓇᕗᑦ ᑐᓐᖓᕕᒃ ᑎᒥᖓᑦ ᑐᓴᖅᑎᑦᑎᕗᖅ 2015-ᒥ ᔫᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᒃᑲᓐᓂᕈᑎᒃᓴᓄᑦ ᑐᓂᔭᐅᔪᑦ

ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᑳᑎ ᑕᐅᑐᓐᖏ ᐅᓪᓗᒥ ᑐᓴᖅᑎᑦᓯᔪᖅ ᑐᓂᔭᐅᔪᓂᒃ ᑖᒃᑯᓂᖓ ᔫᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᒃᑲᓐᓂᕈᑎᒃᓴᑦ ᐊᕐᕌᒍᐊᓄᑦ 2015. ᑳᓚᐃ ᐊᐃᐱᓕ-ᕿᐊᑦᓱᒃ ᐃᖃᓗᖕᒥᐅᖅ ᐊᒻᒪ ᒦᕕᔅ ᐃᐅᓪ ᓴᓪᓕᕐᓂᑦ ᐊᑐᓂ ᑐᓂᔭᐅᓂᐊᖅᑐᑦ $5,000 ᐃᓕᓐᓂᐊᕈᑎᒃᓴᖏᓐᓄᑦ. ᐊᐃᐱᓕ ᕿᐊᑦᓱᒃ ᐃᓕᑕᕆᔭᐅᔾᔪᑎᑖᕋᓱᐊᖅᑐᖅ ᓄᓇᕗᒥ ᐃᓕᓴᐃᔨᓄᑦ ᐃᓕᓐᓂᐊᕐᓂᕐᒧᑦ ᐊᒻᒪ ᐃᐅᓪ ᐋᓐᓂᐊᓯᐅᖅᑎᕈᕋᓱᐊᖅᑐᖅ. ᑕᒪᒃᑮᒃ ᐃᓕᓐᓂᐊᖅᑏᑦ ᐃᓕᓐᓂᐊᖅᑑᒃ ᓄᓇᕗᑦ ᓯᓚᑦᑐᖅᓴᕐᕕᖕᒥ.
“ᖁᕕᐊᓲᑎᕙᒃᑲᒃ ᑳᓚᐃ ᐊᒻᒪ ᒦᕕᔅ ᐱᑎᑕᐅᓂᖏᓐᓂᒃ ᑖᑦᓱᒥᖓ ᔫᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᒃᑲᓐᓂᕈᑎᒃᓴᑦ. ᑖᓐᓇ ᐊᑑᓯᖃᑦᓯᐊᖅᑐᖅ ᐊᔪᓐᖏᑎᑦᓯᔪᓐᓇᖃᑦᑕᖅᑐᖅ ᔫᓯᐅᑉ ᐊᒃᓱᕉᑎᒋᓚᐅᖅᑕᖏᓐᓂᒃ ᐃᓕᓐᓂᐊᕐᓂᕐᒧᑦ ᐊᒻᒪ ᐃᓄᐃᑦ ᐅᖃᐅᓯᖏᓐᓄᑦ ᓱᓕ ᓴᓐᖏᔫᔪᑦ ᐃᓕᓐᓂᐊᖅᑏᑦ ᐃᓕᓐᓂᐊᒃᑲᓐᓂᕐᓂᐊᖅᑐᑦ. …

(English) NTI Nunavut Day Inuktitut Film Festival All Languages

(English) Nunavut Day Schedule Inuinnaqtun French

(English) Nunavut Day Schedule All Languages Inuktitut English

ᒐᕙᒪᒃᑯᓐᓂ ᐃᖅᑲᓇᐃᔭᕐᓂᕐᒧᑦ ᓄᓇᕗᒥ ᐅᖄᓚᐅᑎᑎᒍᑦ ᖃᐅᔨᓴᕈᑎᖏᑦ

ᒐᕙᒪᒃᑯᓐᓂ ᐃᖅᑲᓇᐃᔭᕐᓂᕐᒧᑦ ᓄᓇᕗᒥ ᐅᖄᓚᐅᑎᑎᒍᑦ ᖃᐅᔨᓴᕈᑎᖏᑦ
· ᑲᓇᑕᐅᑉ ᒐᕙᒪᒃᑯᖏᑦ, ᐃᑲᔪᖅᑐᖅᑕᐅᓪᓗᑎᒃ ᓄᓇᕗᑦ ᑐᓐᖓᕕᒃ ᑎᒥᖓᓐᓄᑦ ᐊᒻᒪᓗ ᓄᓇᕗᑦ ᒐᕙᒪᒃᑯᖏᓐᓄᑦ, ᐃᖅᑲᓇᐃᔭᖅᑎᑖᖅᓯᒪᔪᑦ ᓂᐅᕕᐊᒃᓴᖃᕐᓂᕐᒧᑦ ᖃᐅᔨᓴᕐᓂᕐᒧᑦ ᑲᒻᐸᒥ .R.A Malatest and Associates Ltd. ᐊᒻᒪᓗ ᐱᓕᕆᖃᑎᖏᑦ ᓕᒥᑦ ᑲᑎᑦᑎᓂᐊᕐᓗᑎᒃ ᑐᑭᓯᒋᐊᕈᑎᒃᓴᓂᒃ ᐱᓪᓗᒋᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᑦᑎᓂᐊᑦ ᓄᓇᕗᒥ.
· ᑕᖅᑭᓕᒫᖓᓂ ᔪᓚᐃ 2015, ᑲᒻᐸᓂ ᐱᓕᕆᐊᖃᕐᓂᐊᖅᑐᑦ ᐊᐅᓪᓗᔾᔨᓗᑎᒃ ᐊᒥᓱᓂᒃ ᐊᒻᒪᓗ ᐅᖄᓚᐅᑎᑎᒍᑦ ᖃᐅᔨᓴᕐᓂᕐᒥᑦ ᐃᓄᖕᓂᑦ ᐊᑎᓕᐅᖃᑕᐅᓯᒪᔪᑦ ᓄᓇᑖᖃᑕᐅᓯᒪᓂᕐᒧᑦ ᐃᓗᐊᓂ ᐅᑯᐊ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑏᑦ ᐊᒻᒪᓗ ᐊᑯᓐᓂᖏᓐᓂ ᐅᑭᐅᖃᖅᑐᑦ 18 ᐊᒻᒪᓗ 64.
· ᐃᓚᐅᔪᑦ ᑕᒪᑦᓱᒧᖓ ᖃᐅᔨᓴᕐᓂᕐᒧᑦ ᐃᓗᐃᑦᑐᒥᑦ ᐃᓱᒪᖅᓱᖅᑐᑦ ᐊᒻᒪᓗ ᐊᑎᖏᑦ ᐅᖃᖅᑕᐅᔾᔮᖏᑦᑐᑦ. ᑭᐅᔾᔪᑎᑦ ᑐᓂᔾᔪᑕᐅᔪᑦ ᐊᒃᓱᐊᓗᒃ ᐊᑑᑎᖃᕐᓂᐊᖅᑐᑦ ᒐᕙᒪᒃᑯᑦ ᑎᒥᖁᑎᖏᓐᓄᑦ ᑐᑭᓯᐊᓂᕐᒥᑦ ᖃᓄᖅ ᓴᖅᑭᑦᑎᔪᓐᓇᕐᒪᖔᑕ …

ᐊᑐᖅᑕᐅᑲᐃᓐᓇᕐᓂᐊᖅᑐᑦ ᕿᓚᓗᒐᕐᓄᑦ ᓂᕕᑲᑖᑦ ᐊᑐᐊᒐᑦ ᐊᖏᖅᑕᐅᔪᑦ

ᓄᓇᕗᑦ ᑐᓐᖓᕕᒃ ᑎᒥᖓᑦ (ᑐᓐᖓᕕᒃᑯᑦ) ᑐᒡᓕᐊ ᐊᖓᔪᖅᑳᑉ ᔭᐃᒻᔅ ᐃᑦᑐᓗᒃ ᐅᓪᓗᒥ ᑐᓴᖅᑎᑦᑎᔪᖅ ᑖᒃᑯᐊ ᓄᒃᑎᕆᔪᓐᓇᕐᓂᕐᒧᑦ ᐊᑐᐊᒐᑦ ᐊᑐᓕᖅᑎᑕᐅᔪᑦ ᐃᓚᒋᓪᓗᓂᒋᑦ ᑲᑎᑕᐅᓯᒪᔪᑦ ᐃᖃᓗᓕᕆᓂᕐᒧᑦ ᐊᐅᓚᑦᓯᔾᔪᑕᐅᓂᐊᖅᑐᑦ ᐸᕐᓇᐅᑏᑦ ᕿᓚᓗᒐᕐᓄᑦ ᐅᖓᕝᕙᕆᐊᖅᑕᐅᔪᑦ ᑕᐃᑯᖓ ᓄᒃᑎᖅᑕᐅᓪᓗᑎᒃ 2015 ᐊᐅᔭᖓᓂ ᕿᓚᓗᒐᕐᓇᖓᓄᑦ ᑕᐃᑲᓐᖓᑦ ᑕᓯᐅᔭᕐᔪᐊᑉ ᕿᓚᓗᒐᖏᓐᓂᒃ.
ᓄᓇᕗᑦ ᑐᓐᖓᕕᒃᑯᑦ, ᓄᓇᓖᑦ ᐊᖑᓇᓱᐊᕐᓂᕐᒧᑦ ᑲᑐᔾᔨᖃᑎᒌᖏᑦ ᐊᒻᒪ ᐊᕕᒃᑐᖅᓯᒪᔪᓂ ᐆᒪᔪᓕᕆᔩᑦ ᑲᑐᔾᔨᖃᑎᒌᖏᑦ ᐱᓕᕆᖃᑎᖃᖅᑐᑦ ᓄᓇᕗᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᓐᓂᒃ ᐊᒻᒪ ᐃᖃᓗᓕᕆᔨᓂᒃ, ᐃᒪᕐᒥᐅᑕᐅᑕᓕᕆᔨᒃᑯᓐᓂᓪᓗ ᑕᓪᓕᒪᓄᑦ ᐊᕐᕌᒎᓂᐊᖅᑐᓄᑦ ᐋᖅᑭᒃᓱᐃᓗᑎᒃ ᑲᑎᑎᖅᓯᒪᔪᓂᒃ ᐃᖃᓗᓕᕆᓂᕐᒧᑦ ᐊᐅᓚᓯᔾᔪᑎᒃᓴᓂᒃ ᐸᕐᓇᐅᑎᓂᒃ.
“ᓴᖅᑭᑎᑦᓯᒍᒪᔪᑦ ᑖᒃᑯᐊ ᐸᕐᓇᐅᑏᑦ ᐃᒃᐱᒍᓱᑦᓯᐊᕐᓗᑎᒃ ᐱᔪᓐᓇᐅᑎᓂᒃ ᐊᒻᒪ ᐊᔪᓐᖏᔾᔪᑕᐅᔪᓂᒃ ᐃᓄᖕᓄᑦ ᐊᑖᒍᑦ ᓄᓇᕗᒥ ᓄᓇᑖᕐᓂᕐᒧᑦ ᐊᖏᕈᑎᓂ ᐊᒻᒪ ᐃᓚᓕᐅᔾᔨᓪᓗᑎᒃ ᑐᓐᖓᕕᒋᓪᓗᒋᑦ ᐃᓄᐃᑦ ᖃᐅᔨᒪᔭᑐᖃᖏᑦ ᐊᒻᒪ ᖃᓪᓗᓈᑦ ᖃᐅᔨᓴᕈᓯᖏᑦ,” …

ᓄᓇᕗᑦ ᑐᓐᖓᕕᒃ ᑎᒥᖓᑕ ᓂᑉᓕᖅᑐᖅ ᐃᑲᔪᖅᑐᐃᓂᐊᑦ ᑲᓇᑕᓕᒫᒥ ᖃᐅᔨᓇᓱᐊᕐᓂᕐᒧᑦ

ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖓᔪᖅᑳᑉ ᑐᖏᓕᐊ ᔭᐃᒻᔅ ᐃᑦᑐᓗᒃ ᐅᓪᓗᒥ ᓇᓗᓇᐃᖅᓯᔪᖅ ᐃᑲᔪᐃᓂᕐᒥᑦ ᑲᓇᑕᓕᒫᒥ ᖃᐅᔨᓇᓱᐊᕐᓂᕐᒥᑦ ᓇᓂᔭᐅᓚᐅᖅᓯᒪᖏᑦᑐᓂᒃ ᐊᒻᒪᓗ ᐃᓄᐊᖅᑕᐅᓂᒃᑯᓂ ᓄᓇᖃᖅᑳᖅᓯᒪᒧᑦ ᐊᕐᓇᖏᓐᓂᒃ ᐊᒻᒪᓗ ᓂᕕᐊᖅᓵᓂᒃ ᑲᓇᑕᒥ.
“ᓄᓇᕗᑦ ᑐᓐᖓᕕᒃ ᑎᒥᖓᑦ ᑲᓇᑕᓕᒫᒥ ᖃᐅᔨᓇᓱᐊᕐᓂᐅᔪᓂᒃ ᐃᑲᔪᖅᑐᐃᔪᑦ. ᖃᐅᔨᓇᓱᐊᕐᓂᖅ ᐱᔭᕆᐊᖃᖅᑐᖅ ᐊᒻᒪᓗ ᐊᑦᑕᓇᖅᖢᓂ ᐊᑉᓗᕆᐊᕐᓂᖅ ᐃᒪᓐᓇ ᐊᖅᑭᒃᐹᓪᓕᕋᓱᒃᖢᒋᑦ ᐱᖅᑯᓯᖏᑦ ᑲᓇᑕᐅᑉ ᑲᒪᓂᕆᕙᒃᑕᖏᓐᓄᓪᓗ ᖃᓄᑎᒋᑦ ᓄᓇᖃᖅᑳᖅᓯᒪᔪᑦ ᐊᕐᓇᖏᓐᓂᒃ ᐊᒻᒪᓗ ᐱᕋᔭᖕᓂᐅᔪᑦ ᓄᓇᖃᖅᑳᖅᓯᒪᔪᑦ ᐊᕐᓇᖏᓐᓂᒃ,”. “ᐅᖃᖅᑐᖅ ᐃᑦᑐᓗᒃ. “ᓂᑯᕕᑦᑐᒍᑦ ᐊᑕᐅᓯᒃᑯᑦ ᑲᑐᔾᔨᓂᒃᑯᓪᓗ ᐃᓚᒋᓪᓗᒋᑦ ᑎᒥᐅᔪᑦ ᐊᒻᒪᓗ ᓂᐱᖃᖅᓕᕐᓗᑕ ᐅᖃᕐᓂᒃᑯᑦ ᖃᐅᔨᓇᓱᐊᕐᓂᕐᒥᑦ ᐃᒪᓐᓇ ᓇᓂᓯᓗᑕ ᐊᖅᑭᒍᑕᐅᓂᐊᖅᑐᓂᑦ ᐊᒻᒪᓗ ᑲᒪᒋᓗᒋᑦ ᑐᑭᖏᑕ ᐱᔾᔪᑎᖏᑦ ᐱᑎᑦᑎᕙᖕᓂᖏᑦ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ  ᓱᒃᑯᔨᐊᖃᖃᑦᑕᕐᓂᖅ ᐋᓐᓂᖅᑎᕆᓂᒃᑯᑦ ᐊᖏᔪᐊᓗᖕᒥᑦ ᐊᒥᓲᓂᖅᓴᐃᑦ ᓄᓇᖃᖅᑳᖅᓯᒪᖏᑦᑐᑦ ᐊᕐᓇᖏᓐᓂᒃ.”
ᑲᓇᑕᓕᒫᒥ ᐊᐅᓚᑎᓂᕐᒧᑦ …

ᓄᓇᕗᑦ ᑐᙵᕕᒃᑯᑦ ᐅᐱᒍᓱᒃᐳᒃ ᓱᓕᔪᓂᒃ ᐊᒻᒪ ᓴᐃᒻᒪᖃᑎᒌᓐᓂᕐᒧᑦ ᑭᓪᓕᓯᓂᐊᕐᑏᑦ ᑭᖑᓪᓕᖅᐸᑦ ᐅᓂᒃᑲᓕᐊᕆᔭᖏᓐᓂᒃ

ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᑳᑎ ᑕᐅᑐᙱ ᐅᐱᒋᔭᖃᖅᑲᐅᕗᑦ ᓱᓕᔪᓂᒃ ᐊᒻᒪ ᓴᐃᒻᒪᖃᑎᒌᓐᓂᕐᒧᑦ ᑭᓪᓕᓯᓂᐊᕐᑎᒃᑯᑦ ᑭᖑᓪᓕᖅᐹᓂᒃ ᐅᓂᒃᑳᓕᐊᕆᔭᒥᓐᓂᒃ ᑐᓂᓯᑎᓪᓗᒋᑦ ᐅᑉᓗᒥ ᐊᑑᕚᒥ ᑭᓪᓕᓯᓂᐊᖅᑏᑦ ᐱᔭᕇᕈᑎᒋᔭᖏᓐᓂᒃ. ᐅᓂᒃᑳᓕᐊᕆᔭᖏᑦ ᑐᓂᔭᐅᔪᑦ ᐃᖅᑲᖅᑐᐃᑉ ᒨᕆ ᓯᓐᑭᓕᐅᑉ, ᐊᑯᓂᑲᓪᓚᒃ ᖃᐅᔨᓇᓱᒍᑎᐅᓯᒪᔪᑦ ᐊᒻᒪᓗ ᐊᐅᓪᓚᕐᑎᑕᐅᓪᓗᑎᒃ ᐃᓕᓐᓂᐊᕆᐊᖅᑎᑕᐅᕙᓚᐅᕐᓯᒪᔪᑦ ᐃᒃᐱᓇᕐᑐᒻᒪᕆᐅᓪᓗᑎᒃ ᐅᓂᒃᑳᕆᓯᒪᔭᖏᑦ ᓄᐊᑕᐅᓚᐅᕐᒪᑕ ᐅᑭᐅᓂ ᐊᕐᕕᓂᓕᓐᓂ. ᐃᓚᖃᕆᓪᓗᑎᒃ ᐊᑐᓕᖁᔭᓕᐊᓂᒃ ᖃᓄᖅ ᓴᐃᒻᒪᖃᑎᒌᒍᓐᓇᕈᑎᒃᓴᓂᒃ ᓄᓇᖃᖅᑳᖅᓯᒪᔪᓄᒃ ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᓐᓄᑦ.
 
“ᐊᒃᓱᒻᒪᕆᐊᓗᒃ ᐱᒻᒪᕆᐅᕗᖅ ᑖᑦᓱᒪ ᐃᖅᑲᖅᑐᐃᔨᑉ ᓯᓐᑭᓕᐅᑉ ᐅᓂᒃᑳᖏᑦ, ᓇᓗᓇᐃᔭᐃᓯᒪᑦᑎᐊᕐᒪᑕ ᑲᒪᓇᕐᑐᓂᒃ ᐊᑑᑎᔭᐅᕙᓐᓂᑯᓂᒃ ᐊᐅᓪᓚᕐᑎᑕᐅᓪᓗᑎᒃ ᐃᓕᓐᓂᐊᕆᐊᖅᑎᑕᐅᕙᓚᐅᕐᓯᒪᔪᓄᑦ, ᐅᖃᓪᓚᒍᓐᓇᕈᑕᐅᓕᕈᓐᓇᕐᐸᑕ ᑲᓇᑕᒥᐅᓄᑦ ᐅᕙᒍᒋᔭᒥᓐᓂ. ᑕᒪᕐᒥᒃ ᑲᓇᑕᒥᐅᑕ ᐃᒻᒥᒃᑯᑦ ᑲᒪᒋᔭᖃᕆᐊᖃᕐᒪᑕ ᖃᐅᔨᕚᓪᓕᕈᑎᒋᓗᒋᑦ ᑲᓇᑕᒥ ᖃᓄᐃᓕᐅᕈᑕᐅᕙᓐᓂᑯᓂᒃ ᑐᑭᓯᑦᑎᐊᕈᓐᓇᓂᐊᕐᒪᑕ ᐅᑭᐅᒐᓴᓐᓄᑦ ᐊᑦᑐᐃᓯᒪᓂᖓᓂᒃ ᐊᐅᓪᓚᖅᑎᑕᐅᓪᓗᑎᒃ ᐃᓕᓐᓂᐊᕆᐊᖅᑎᑕᐅᕙᓚᐅᕐᓯᒪᔪᓄᑦ ᓱᓕ ᐅᑉᓗᒥ ᐊᑦᑐᐃᓯᒪᓂᖃᕐᒪᑦ ᐊᒥᓱᒻᒪᕆᓄᑦ …

ᔫᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᖅᑐᒧᑦ ᐃᑲᔫᑎᒃᓴᑦ ᐃᓱᓕᕝᕕᐊ ᐅᓪᓗᐊᑕ ᖃᒡᓕᓕᕐᑐᖅ

ᓄᓇᕗᑦ ᑐᓐᖓᕕᒃ ᑎᒥᖓᑦ ᐅᓪᓗᒥ ᐃᖅᑲᐃᑎᑦᑎᔪᑦ ᐃᓗᖕᓂᑦ ᐃᓱᓕᕝᕕᒃᓴᖓ ᑕᑕᑎᕈᑎᓄᑦ ᑐᒃᓯᕋᐅᑎᓄᑦ ᖃᒡᓕᓕᕐᓂᐊᓂᒃ ᐅᑯᓄᖓ ᔫᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᖅᑐᒧᑦ ᐃᑲᔫᑎᒃᓴᑦ ᒪᐃ, 31, 2015.
ᓄᓇᕗᑦ ᑐᓐᖓᕕᒃ ᑎᒥᖓᑦ ᑐᓂᓯᓂᐊᖅᑐᑦ ᐊᐃᑦᑐᐃᓗᑎᒃ ᒪᕐᕉᖕᓄᑦ ᐃᖕᓄᑦ ᐃᓕᓐᓂᐊᖅᑎᐅᑎᓪᓗᒋᑦ ᐊᑐᓂᑦ $5,000-ᓂᑦ ᐃᓕᓐᓂᐊᖅᑐᒧᑦ ᐃᑲᔫᑎᒃᓴᓂᒃ ᐱᓇᓱᐊᖅᑎᓪᓗᒋᑦ ᖁᑦᑎᖕᓂᖅᓴᓄᑦ-ᐃᓕᓐᓂᐊᕐᕕᓂ ᑕᒪᑦᓱᒧᖓ ᐊᒃᑐᐊᔪᓂᒃ ᐃᓕᓐᓂᐊᓂᕐᒧᑦ ᐊᒻᒪᓗ ᐃᓄᐃᑦ ᐅᖃᐅᓯᐊᓐᓂᒃ, ᐅᕝᕙᓗ ᐊᓯᖏᓐᓂᑦ ᐃᓕᓐᓂᐊᕈᑎᒃᓴᓂᑦ ᐊᒃᑐᐊᓂᖃᖅᐸᑕ ᐊᑯᓐᓂᖓᓂ ᐃᓕᓐᓂᐊᖅᑕᖏᓐᓄᑦ ᐊᒻᒪᓗ ᐊᔭᐅᖅᑐᐃᓗᓂ ᐃᓄᐃᑦ ᐱᔪᓐᓇᐅᑎᖏᓐᓂᒃ. ᐱᔪᓐᓇᖅᑎᑕᐅᔪᑦ ᐊᔪᖏᑎᑕᐅᓂᕐᒧᑦ ᖁᑦᑎᖕᓂᖅᓴᓄᑦ-ᐃᓕᓐᓂᐊᕐᕕᓂ ᖃᓪᓗᓈᑦ ᓄᓇᖓᓂ ᐃᓚᒋᔭᐅᓗᓂ ᓄᓇᕗᒥ ᐅᑭᐅᖅᑕᖅᑐᒥ ᓯᓚᑦᑐᖅᓴᕐᕕᒃ ᐅᕝᕙᓗ ᐊᓯᖏᓐᓂᒃ ᐃᓕᓐᓂᐊᕐᕕᐅᔪᓂᑦ ᑕᐅᓇᓂ ᖃᓪᓗᓈᑦ ᓄᓇᖓᓐᓂ ᑲᓇᑕᒥᓗ. ᓄᓇᕗᑦ ᑐᓐᖓᕕᒃ ᑎᒥᖓᑕ ᕿᒥᕐᕈᔨᖏᑦ ᕿᒥᕐᕈᐃᕙᒃᑐᑦ …

2014-15 ᐅᖃᐅᓯᓕᕆᓂᕐᒧᑦ ᐊᖏᕈᑎ

ᐃᖃᓗᐃᑦ, ᓄᓇᕗᑦ (ᒪᐃ 8, 2015) – ᒥᓂᔅᑕ ᓕᐅᓇ ᐊᒡᓗᒃᑲᖅ ᐱᖓᔪᐊᓐᓂᐅᑎᓪᓗᒍ ᐊᖏᕈᑎᒥᑦ ᑲᔪᓯᑦᑎᑦᑎᓂᕋᓚᐅᖅᑐᖅ 2014-15 ᐅᖃᐅᓯᓕᕆᓂᕐᒧᑦ ᑮᓇᐅᔭᖃᖅᑎᑦᑎᓂᕐᒧᑦ ᑲᓇᑕᐅᑉ ᒐᕙᒪᒃᑯᖏᓐᓃᖔᖅᑐᒥᑦ. ᑮᓇᐅᔭᐃᑦ $2.7-ᒥᓕᐊᓐ ᐅᖃᐅᓯᓕᕆᓂᕐᒧᑦ ᐊᔭᐅᖅᑐᐃᒍᑎᒃᓴᓂᒃ ᓴᖅᑭᑦᑎᓂᕐᒧᑦ ᐊᑐᖅᑕᐅᓂᖏᑕ. ᐊᖏᓂᐊ, $1.625-ᒥᓕᐊᓐ ᑐᕌᕐᓗᑎᒃ ᐅᐃᕖᑦ ᐅᖃᐅᓯᖏᓐᓄᑦ ᐊᒻᒪᓗ $1.1-ᒥᓕᐊᓐ ᐃᓄᐃᑦ ᐅᖃᐅᓯᖏᓐᓄᑦ ᐊᑐᕐᓗᑎᒃ.
“ᑮᓇᔭᖃᖅᑎᑕᐅᓂᖅ ᐊᓯᔾᔨᖅᑕᐅᓚᐅᖅᓯᒪᖏᑦᑐᑦ ᑕᐃᒪᓐᖔᓗᓂᑦ ᐅᑭᐅᑦ ᖁᓖᑦ ᐅᖓᑖᓄᑦ, ᑮᓇᐅᔭᒃᓴᐃᑦ ᐃᓄᐃᑦ ᐅᖃᐅᓯᖏᓐᓄᑦ ᓱᕐᕋᓚᐅᖅᓯᒪᖏᑦᑐᑦ” ᐅᖃᖅᑐᖅ ᐅᖃᐅᕐᓄᑦ ᑲᒥᓯᓇ ᓵᓐᑐᕋ ᐃᓅᑎᖅ. “ᐅᖃᐅᓰᑦ ᓇᓕᒧᑎᑕᐅᒋᐊᓖᑦ ᑮᓇᐅᔭᑦ ᐱᑕᖃᒃᑲᓐᓂᑎᑕᐅᓂᖓᒍᑦ ᐊᑐᖅᑕᐅᓂᐊᖅᑐᓄᑦ ᐃᓄᐃᑦ ᐅᖃᐅᓯᖏᓐᓄᑦ ᑐᕌᖅᑐᓂᒃ, ᐊᒻᒪᓗ ᑮᓇᐅᔭᖅᑖᖑᕙᒃᑐᑦ ᐅᐃᕖᑦ ᐅᖃᐅᓯᖏᓐᓄᑦ ᓈᒻᒪᓗᑎᒃ” ᑲᔪᓯᔪᖅ ᐅᖃᖅᑐᓂ.
“ᐃᓅᓱᑦᑐᑦ ᐊᒥᓱᐊᓘᑎᓪᓗᒋᑦ, ᐅᔾᔨᕐᓇᖅᑐᖅ ᓱᑲᑦᑐᒥᒃ ᐅᖃᐅᓯᖅ ᔭᒐᑉᐸᓪᓕᐊᔪᑦ ᐊᓯᐅᕙᓪᓕᐊᔪᑦ. ᓴᐳᑎᔭᐅᓯᒪᔭᕆᐊᖃᕐᓂᖓ ᐅᖃᐅᓯᕗᑦ …

ᐋᖅᑭᑲᑎᒌ ᓐᓂᕐᒧᑦ ᐊᖏᖃᑎᒌᒍᑎᑦ ᐊᑎᓕᐅᖅᑕᐅᔪᑦ ᓄᓇᕗᑦ ᑐᙵᕕᒃᑯᑦ ᐃᖅᑲᖅᑐᐃᕕᒃᑰᑎᑦᑎᒍᑎᒋᓯᒪᔭᖓᓄᑦ

(ᒪᐃ 4, 2015 – ᐃᖃᓗᐃᑦ, ᓄᓇᕗᑦ)     ᓄᓇᕗᑦ ᑐᙵᕕᒃᑯᑦ ᐊᖏᔪᖅᑳᖓᑦ ᑳᑎ ᑕᐅᑐᙱ ᑐᓴᖅᑎᑎᖅᑲᐅᕗᑦ ᐅᓪᓗᒥ ᑖᒃᑯᐊ ᐋᖅᑭᖃᑎᒌᓐᓂᕐᒧᑦ ᐊᖏᖃᑎᒌᒍᑎᓕᐅᕈᓐᓇᓚᐅᕐᒪᑕ ᑕᒪᕐᒥᒃ ᐊᑎᓕᐅᖃᑕᐅᓯᒪᔪᑦ ᓄᓇᑖᕈᑎᓄᑦ ᐊᖏᕈᑎᓂᒃ ᑕᐃᒪ ᓄᓇᕗᑦ ᑐᙵᕕᒃᑯᑦ ᐃᖅᑲᖅᑐᐃᕕᒃᑰᕈᔾᔨᓚᐅᕐᓯᒪᒻᒪᑕ ᑲᓇᑕᐅᑉ ᒐᕙᒪᒃᑯᖏᓐᓂᒃ ᐊᑐᓕᕐᑎᑦᑎᕙᓪᓕᐊᓯᒪᙱᓐᓂᖏᓐᓄᑦ ᐊᔾᔨᒌᙱᑦᑐᓂᒃ ᐱᓂᐊᕐᓂᕋᕈᑕᐅᓯᒪᔪᓂᒃ 1993-ᒥ ᓄᓇᕘᒥ ᓄᓇᑖᕈᑎ ᐊᖏᖃᑎᒌᒍᑕᐅᑎᓪᓗᒋᑦ ᐱᓂᐊᕐᓂᕋᕈᑎᓕᐊᕆᔭᐅᓚᐅᕐᓯᒪᔪᓄᑦ. ᐊᒥᓱᑲᓪᓚᐃᑦ ᓄᓇᕘᒥ ᓄᓇᑖᕈᑏᑦ ᐊᖏᕈᑎᖏᓐᓃᒃᑐᑦ ᒪᓕᒃᑕᐅᓯᒪᙱᒻᒪᑕ 1993-ᒥᓂᑦ. ᐋᖅᑭᖃᑎᒌᓐᓂᕐᒧᑦ ᐊᖏᖃᑎᒌᒍᑦ ᑕᒪᒃᑮᓐᓂᒃ ᐋᖅᑭᒍᑕᐅᖕᒪᑦ ᐃᖅᑲᖅᑐᐃᕕᒃᑰᑎᑦᑎᒍᑎᐅᓯᒪᔪᒧᑦ ᐊᒻᒪᓗ ᓯᕗᒧᒋᐊᒃᑲᓐᓂᕈᑕᐅᔪᓐᓇᕐᓂᐊᓕᖅᑐᓂ ᐊᒥᓱᑲᓪᓚᓐᓂᒃ ᐱᒻᒪᕆᐅᔪᓂᒃ ᐊᑐᓕᖅᑎᑕᐅᕙᓪᓕᐊᔭᕆᐊᖃᖅᑐᓂᒃ. ᐋᖅᑭᖃᑎᒌᓐᓂᕐᒧᑦ ᐊᖏᖃᑎᒌᒍᑦ ᐊᑎᓕᔭᐅᓚᐅᕐᓯᒪᒻᒪᑦ ᑭᒡᒐᑐᖅᑎᖏᓐᓄᑦ ᓄᓇᕗᑦ ᑐᙵᕕᒃᑯᑦ, ᒐᕙᒪᒃᑯᖏᓐᓂᒃ ᑲᓇᑕᐅᑉ ᐊᒻᒪᓗ ᒐᕙᒪᒃᑯᖏᓐᓂᒃ ᓄᓇᕘᑉ ᒪᑦᓯ 5, 2015-ᖑᑎᓪᓗᒍ, ᐊᑎᓕᐅᖅᑕᐅᓚᐅᕐᐳᖅ …

ᐋᖅᑭᖃᑎᒌᓐᓂᕐᒧᑦ ᐊᖏᖃᑎᒌᒍᑏᑦ ᐊᑎᓕᐅᕐᑕᐅᓂᖏᑦ

(ᒪᐃ1, 2015 – ᐃᖃᓗᐃᑦ, ᓄᓇᕗᑦ)     ᓄᓇᕗᑦᑐᙵᕕᒃᑯᑦᑎᒥᖓᐅᓪᓗᒥᑐᓴᕐᑎᑎᖅᑲᐅᕗᑦᐃᖅᑲᖅᑐᐃᕕᐅᑉᓯᓚᑖᒍᑦᐋᖅᑭᖃᑎᒌᓐᓂᕐᒧᑦᐊᖏᖃᑎᒌᒍᑎᖃᕐᒪᑕᓄᓇᕗᑦᑐᙵᕕᒃᑯᑦᑎᒥᖓᑦᐃᖅᑲᖅᑐᐃᕕᒃᑯᑦᑲᒪᒋᐊᓐᓂᖃᖅᓯᒪᑎᓪᓗᒋᑦᑲᓇᑕᐅᑉᒐᕙᒪᒃᑯᖏᓐᓂᒃ  ᐊᑐᓕᕐᑎᑦᑎᓯᒪᙱᓂᖏᓐᓄᑦᐊᑐᓕᕐᑎᑦᑎᓂᐊᕐᓂᕋᕈᑎᒋᓯᒪᔭᕐᒥᓂᒃ 1993-ᒥᓄᓇᕗᑦᓄᓇᑖᕈᑏᑦᐊᖏᖃᑎᒌᒍᑕᐅᖕᒪᑕᑕᐃᒪᐋᖅᑭᖃᑎᒌᓐᓂᕐᒧᑦᐊᖏᖃᑎᒌᒍᑏᑦᐊᑎᓕᐅᖅᑕᐅᓛᖅᑐᑦᐃᖃᓗᓐᓂᒪᐃ
4, 2015 10-ᒥᐅᓪᓛᒃᑯ.
 
ᐋᖅᑭᖃᑎᒌᓐᓂᕐᒧᑦᐊᖏᖃᑎᒌᒍᑏᑦᐊᑎᓕᐅᖅᑕᐅᓛᕐᑐᑦᓄᓇᕗᑦᑐᙵᕕᒃᑯᑦᑎᒥᖓᑕᐊᖏᔪᖅᑳᖓᓄᑦᑳᑎᑕᐅᑐᙱᒧᑦ, ᐃᓄᓕᕆᔨᑐᖃᒃᑯᓪᓗᒥᓂᔅᑕᖓᓐᓄᑦᐳᕐᓈᑦᕚᓪᑯᐊᑦᒧᑦᐊᒻᒪᓗᓄᓇᕗᑦᒐᕙᒪᒃᑯᖏᑕᓯᕗᓕᖅᑎᖓᓐᓄᑦᐲᑕᑕᑉᑑᓇᒧᑦ 10-ᒧᐊᖅᐸᑦᐅᓪᓛᖓᓂᓄᓇᕗᑦᑐᙵᕕᒃᑯᑦᑲᑎᒪᕕᖓᓂᐃᖃᓗᓐᓂ. ᓄᓇᕗᑦᑐᙵᕕᒃᑯᑦᐊᖏᔪᖅᑳᖓᑦᑕᑐᖏᓕᖓᔭᐃᒥᓯᐃᑦᑐᓗᒃᐊᒻᒪᐊᕙᑎᓕᕆᓂᕐᒧᑦᒥᓂᔅᑕᖓᓕᐅᓇᐊᒡᓘᒃᑲᖅᐆᐸᒍᑎᓯᒪᓛᕐᒥᔫᒃ.
 
ᐋᖅᑭᖃᑎᒌᓐᓂᕐᒧᑦᐊᖏᖃᑎᒌᒍᑏᑦᐃᕐᖏᓐᓇᖅᐊᑐᓕᕐᓴᐃᓐᓇᓐᓂᐊᖅᑐᑦᐊᑎᓕᐅᖅᑕᐅᑐᐊᖅᐸᑕ. ᐃᖅᑲᖅᑐᐃᕕᒃᑯᑎᑦᓯᓂᐊᔪᔪᖅᑎᓯᑉᐱᕆ 2006-ᒥᓄᓇᕗᑦᐃᖅᑲᖅᑐᐃᕕᖏᑦᑎᒍᑦᓄᖅᑲᖅᑎᑕᐅᓂᐊᖅᑐᓂ.
 
ᓇᓗᓇᐃᔭᕐᓯᒪᓂᖏᑦᐋᖅᑭᖃᑎᒌᓐᓂᕐᒧᑦᐊᖏᖃᑎᒌᒍᑏᑦᓴᖅᑭᑕᐅᔪᒫᕐᑐᑦᐊᑎᓕᐅᖅᑕᐅᓂᖏᓐᓄᑦᖁᕕᐊᓱᒍᑎᖃᓕᕐᐸᑕ..
 
-30-
ᑐᑭᓯᒋᐊᑲᓐᓂᕈᓐᓇᖅᐳᑎᑦ:
 
ᑮᐅᕆᒪᑲᓪᔅᑭ
ᑐᑭᒧᐊᒃᑎᑦᑎᔨᑐᓴᐅᒪᖃᑦᑕᐅᑎᓕᕆᔨᒃᑯᓐᓂ
ᓄᓇᕗᑦᑐᙵᕕᒃᑯᑦᑎᒥᖓᑦ
ᐅᖄᓚᐅᑖ: (867) 975-4914 ᐅᖄᓚᐅᑎᕋᓛᖓ: (867) 222-2893 ᐊᑭᓕᕆᐊᖃᙱᑦᑐᖅ: 1- 888-646-0006

www.tunngavik.com

NTI ᑲᑎᒪᔨᖏᑦ ᐊᖏᖅᓯᔪᑦ ᑮᓇᐅᔭᓂᑦ ᐊᑐᖅᑐᔅᓴᓂᑦ

ᓄᓇᕗᑦ ᑐᓐᖓᕕᒃ ᑎᒥᖓᑦ (NTI) ᑲᑎᒪᔨᖏᑦ ᐊᖏᖅᓯᔪᑦ ᐊᐅᓚᔾᔪᑎᖏᓐᓄᑦ ᐊᑐᖅᑐᔅᓴᓂᑦ 2015/16 ᑮᓇᐅᔭᓕᕆᓂᕐᒧᑦ ᐊᕐᕌᒍᒧᑦ ᑲᑎᒪᓂᖃᖅᑎᓪᓗᒋᑦ ᖃᒪᓂᑦᑐᐊᒥᑦ ᑕᒫᓂ ᐱᓇᓱᐊᕈᓯᕐᒥᑦ. ᑐᓐᖓᕕᒃᑯᑦ ᐊᖏᔪᖅᑳᖓᑦ ᑳᑎ ᑕᐅᑐᓐᖏ ᐅᖃᖅᑐᖅ ᑮᓇᐅᔭᑦ ᐊᑐᖅᑐᔅᓴᐃᑦ, ᑮᓇᐅᔭᖅᑖᖑᕙᑦᑐᑦ ᕿᑐᓐᖏᐅᕈᑎᖏᓐᓂ ᓴᖅᑭᖅᑎᑕᐅᔪᑦ ᓄᓇᑖᓂᕐᒧᑦ ᑮᓇᖑᔭᓂ ᓄᓇᕗᑦ ᐸᐸᑦᓯᔨᒃᑯᓐᓂᑦ, ᑐᓐᖓᕕᒃᑯᓐᓂᑦ ᐊᒻᒪ ᐊᓯᖏᑦ ᐃᓄᐃᑦ ᑲᑐᔾᔨᖃᑎᒌᑦ (DIOs) ᐱᔨᑦᑎᖅᑐᑎ ᐱᔪᒪᔭᖏᓐᓂᑦ ᐃᓄᐃᑦ ᑮᓇᐅᔭᖅᑐᕈᑎᐅᔪᑦ ᐊᑐᖅᑕᐅᑦᑎᐊᓇᓱᐊᖅᑐᑎᑦ ᑮᓇᐅᔭᓕᕆᓂᑦᑎᒍᑦ ᑲᒪᒋᔭᖃᓂᕐᒥᑦ. ᑕᒪᑐᒪᓂ ᐊᕐᕌᒍᒥ ᑐᓂᐅᖅᑲᖅᑕᐅᔪᑦ ᓄᓇᕗᑦ ᐸᐸᑦᓯᔨᒃᑯᓐᓂ ᖁᕝᕙᕆᐊᖅᑐᖅ 3 ᐳᓴᓐᑎᓂᑦ ᓴᓂᐊᓂ ᐊᕐᕌᓂᐅᓚᐅᖅᑐᒥᑦ ᐊᑐᖅᑐᔅᓴᐅᓚᐅᖅᑐᓂᑦ.
“ᓄᓇᕗᑦ ᑐᓐᖓᕕᒃᑯᑦ ᑲᑎᒪᔨᖏᑦ ᑲᔪᖏᖅᓯᒪᔪᑦᑮᓇᐅᔭᖅᑐᕈᑎᐅᔪᑦ ᑲᑐᔾᔨᖃᑎᒌᒋᔭᑦᑎᓐᓄᑦ ᐸᕐᓇᑕᐅᓯᒪᑦᑎᐊᖅᑐᑦ ᐊᒻᒪ ᐱᒋᐊᖅᑎᑕᐅᓪᓗᑎ ᐊᑕᖐᔪᒥᑦ ᐊᑐᓕᖅᑎᑕᐅᓂᖓᓂᑦᓄᓇᕗᒻᒥ ᓄᓇᑖᕈᒻᒥ ᐊᖏᕈᒻᒥᑦ,” ᐅᖃᖅᑐᖅ ᑕᐅᑐᓐᖏ.
ᐊᖏᖅᑕᐅᓯᒪᔪᑦ ᑮᓇᐅᔭᖃᖅᑎᑕᐅᓂᕐᒧᑦ ᓄᓇᕗᒻᒥ …

ᓄᓇᕗᑦ ᑐᙵᕕᒃᑯᑦ ᖃᐅᔨᒃᑲᐃᕗᑦ ᔫᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᕐᑎᓄᑦ ᐃᑲᔪᕈᑕᐅᓲᑦ ᐅᑉᓗᖓ ᐊᓯᔾᔨᑕᐅᖕᒪᑦ NTI

ᓄᓇᕗᑦ ᑐᙵᕕᒃᑯᑦ ᐅᓪᓗᒥ ᖃᐅᔨᒃᑲᐃᕗᑦ ᑐᒃᓯᕋᕈᑎᓕᐊᓄᑦ ᑎᑭᓯᒪᔭᕆᐊᖃᖅᕕᖏᑦ ᔪᓯ ᐊᒪᐅᔭᖅ ᑯᓱᒐᖅ ᐃᓕᓐᓂᐊᕐᑎᓄᑦ ᐃᑲᔪᕈᑎᐅᓲᖅ ᐅᑉᓗᖓ ᐊᓯᔾᔨᑕᐅᖕᒪᑦ ᐃᐱᕆ 1-ᒥᒃ ᒪᐃ 31-ᒧᑦ ᐊᕐᕋᒍᑕᒫᑦ. ᓄᓇᕗᑦ ᑐᙵᕕᒃᑯᑦ ᐊᖏᔪᖅᑳᖓᑦ ᑐᓴᖅᑎᑦᑎᔪᒫᖅᐳᖅ ᑭᓇ ᓵᓚᒃᓴᕐᒪᖔᑦ ᓄᓇᕘᑉ ᐅᑉᓗᖓᓂ ᖁᕕᐊᓱᒍᑎᖃᖅᑎᓪᓗᒋᑦ.
ᐃᓕᓐᓂᐊᕐᑐᓄᑦ ᐱᔾᔪᓯᐊᖅᑖᕆᔭᐅᓲᖅ ᒪᕐᕉᓐᓄᑦ ᐊᑐᓂᒃ $5,000-ᓂᒃ ᑐᓂᔭᐅᓗᑎᒃ ᐃᓕᓐᓂᐊᓂᐊᖅᑐᓄᑦ ᓯᓚᑦᑐᓴᕐᕕᖕᒥ ᐃᓕᓐᓂᐊᕐᓂᓕᕆᓂᕐᒥᒃ ᐊᒻᒪ ᐃᓄᐃᑦ ᐅᖃᐅᓯᖏᓐᓂᒃ ᐃᓕᓐᓂᐊᖅᑐᓄᑦ, ᐅᕝᕙᓘᓐᓃᑦ ᐊᓯᖏᓐᓂᒃ ᑖᒃᑯᐊ ᐃᓕᓐᓂᐊᕐᑕᐅᔪᑦ ᐊᑦᑐᐊᓂᖃᖅᐸᑕ ᐊᒻᒪᓗ ᓴᖅᑮᔮᕐᑎᑦᑎᒍᑕᐅᒍᑎᒃ ᐃᓄᐃᑦ ᐱᔪᓐᓇᐅᑎᖏᓐᓂᒃ. ᐊᔪᖏᑎᑕᐅᔪᑦ ᐃᓕᓐᓂᐊᕐᑏᑦ ᐃᓕᓐᓂᐊᕐᑐᑦ ᓄᓇᕘᑉ ᓯᓚᑦᑐᓴᕐᕕᖓᓂ ᐅᕝᕙᓘᓐᓃᑦ ᓯᓚᑦᑐᓴᕐᕕᓂ ᖃᓪᓗᓈ ᓄᓇᖓᓐᓂ. ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᕿᒥᕐᕈᔨᖃᖅᐳᑦ ᑐᒃᓯᕋᕈᑎᓂᒃ ᐊᒻᒪ ᓂᕈᐊᖅᐸᒃᖢᑎᒃ ᒪᓕᒃᑐᒋᑦ ᑭᓱᓂᒃ ᐃᓕᓐᓂᐊᕐᓂᖏᓐᓂᒃ, ᑎᑎᕋᖅᓯᒪᔭᖏᑦ …

ᐃᓱᒪᒃᓴᕐᓯᐅᕈᑕᐅᒃᑲᓐᓂᕆᐊᓕᖕᒥᑦ ᐊᖏᕈᑎᑖᖅᑐᑦ ᐃᖅᑲᖅᑐᐃᕕᒃᑰᕈᑕᐅᓯᒪᔪᑦ

(ᒪᑦᓯ9, 2015 — ᐃᖃᓗᐃᑦ, ᓄᓇᕗᑦ)       ᓄᓇᕗᑦᑐᙵᕕᒃᑯᑦᑎᒥᖓᑦᑕᐊᖏᔪᖅᑳᖓᑳᑎᑕᐅᑐᙱᑐᓴᕐᑎᑎᖅᑲᐅᕗᑦᐃᓱᒪᒃᓴᕐᓯᐅᕈᑕᐅᒃᑲᓐᓂᕆᐊᓕᖕᒥᒃᐊᖏᕈᑎᑖᕐᒪᑕᑖᒃᑯᐊᐊᔩᕐᑎᐅᔪᑦᐃᖅᑲᖅᑐᐃᕕᒃᑰᑦᑲᒪᒋᔭᐅᑎᑕᐅᓯᒪᑎᓪᓗᒋᑦᑲᓇᑕᐅᑉᒐᕙᒪᒃᑯᑦᐱᔾᔪᑎᒋᓪᓗᒋᑦᐊᑐᓕᕐᑎᑦᑎᒍᑏᑦ 1993-ᒥᓄᓇᕘᒥᓄᓇᑖᕈᑎᓄᑦᐊᖏᕈᑎᓕᐊᕆᔭᐅᓚᐅᕐᓯᒪᓂᖏᑦ.
ᓇᓗᓇᐃᔭᕐᓯᒪᔪᑦᐊᔩᕈᑕᐅᔪᑦᓴᖅᑭᑕᐅᔪᒫᕐᐳᑦᐊᖏᕈᑎᓕᐊᕆᔭᖅᐃᓱᒪᒃᓴᕐᓯᐅᕈᑕᐅᓚᐅᕐᑎᓪᓗᒍᐊᒻᒪᓈᖕᒪᒋᔭᐅᓯᒪᓕᖅᐸᑦᓄᓇᕗᑦᑐᙵᕕᒃᑎᒥᖓᓄᑦᐊᒻᒪᒐᕙᒪᒃᑯᖏᓐᓄᑦᑲᓇᑕᐅᐊᒻᒪᓗᒐᕙᒪᒃᑯᖏᓐᓄᕐᓄᓇᕘᑉ.
ᓈᖕᒪᒋᔭᐅᖄᓚᐅᕐᑎᓪᓗᒍᐊᖏᕈᑦᑖᒃᑯᓄᖓᐱᖓᓱᐃᓄᑦᑎᒥᓄ, ᐃᖅᑲᖅᑐᐃᕕᒃᑰᕈᑕᐅᓂᐊᓚᐅᕐᓯᒪᔪᖅᒪᑦᓯ 9, 2015-ᒥᓄᖅᑲᖅᑎᑕᐅᕗᖅ.

ᐃᓕᓐᓂᐊᕐᓂᐊᕐᓗᓂ ᐊᑭᓕᐅᑕᐅᔪᓐᓇᕐᑐᑦ ᐅᓪᓗᖓᑕ ᐃᓱᓕᒃᕕᖓ ᐅᖓᕙᕆᐊᖅᑕᖅ

ᐃᓱᓕᒃᕕᒃᓴᖓ ᑕᑕᑎᕆᓂᐊᕐᓗᓂ ᐊᐅᓪᓚᕐᑎᑕᐅᓪᓗᑎᒃ ᐃᓕᓐᓂᐊᕆᐊᖅᑎᑕᐅᕙᓚᐅᕐᓯᒪᔪᓄᑦ ᐊᖏᕈᑎᐅᓯᒪᔪᑦ ᐃᓕᓐᓂᐊᕐᓂᐊᕐᓗᓂ ᐊᑭᓕᐅᑕᐅᔪᓐᓇᕐᑐᑦ ᐅᖓᕙᕆᐊᖅᑕᐅᓯᒪᓕᖅᑐᖅ. ᐊᐅᓪᓚᕐᑎᑕᐅᓪᓗᑎᒃ ᐃᓕᓐᓂᐊᕆᐊᖅᑎᑕᐅᕙᓚᐅᕐᓯᒪᔪᑦ ᑮᓇᐅᔭᖅᑖᓚᐅᕐᓯᒪᔪᑦ ᓱᓕ ᐱᔪᓐᓇᕐᑎᑕᐅᕗᑦ ᐃᓕᓐᓂᐊᕐᓂᐊᕐᓗᓂ ᐊᑭᓕᐅᑕᐅᔪᓐᓇᕐᑐᓂᒃ ᐃᓕᓐᓂᐊᕐᕕᒋᔪᒪᔭᖓᓄᑦ ᐅᕝᕙᓘᓐᓃᑦ ᐃᓚᒥᓄᑦ ᐱᔭᐅᑎᖔᕈᓐᓇᕐᑐᓂᐅᒃ. ᓄᑖᑦ ᐃᓱᓕᒃᕕᒃᓴᖏᑦ ᑕᑕᑎᕐᓯᒪᔪᓂᒃ ᐊᐅᓪᓚᐃᓂᐊᕐᓗᓂ ᐅᑯᐊᖑᕗᑦ:

March 9, 2015  – ᖃᐅᔨᒃᑲᐃᔾᔪᑏᑦ ᑕᑕᑎᕆᐊᓖᑦ
June 8, 2015 – ᐊᑭᓖᒍᑕᐅᓂᐊᕐᑐᓄᑦ ᑕᑕᑎᕆᐊᓕᒃ

ᐊᐅᓪᓚᕐᑎᑕᐅᓪᓗᑎᒃ ᐃᓕᓐᓂᐊᕆᐊᖅᑎᑕᐅᕙᒪᐅᕐᓯᒪᔪᑦ ᐃᓚᒋᔭᖏᓪᓘᓐᓂᑦ ᐱᕕᒃᓴᖃᖅᑎᑕᐅᕗᑦ ᐊᒡᒋᓯ 31, 2015-ᒧᑦ ᐃᓕᓐᓂᐊᕇᕈᓐᓇᕐᑎᑕᐅᕗᑦ ᐅᕝᕙᓘᓐᓃᑦ ᐱᖅᑯᓯᑐᖃᕐᒥᒃ ᐃᓕᓐᓂᐊᕐᓂᖓ ᐊᖏᑕᐅᒍᑎᒋᓯᒪᔭᕇᖅᑕᒥᓄᑦ.ᐱᓯᒪᙱᒃᑯᕕᑦ ᐅᕝᕙᓘᓐᓃᑦ ᐊᓯᐅᔨᓐᓂᕈᕕᐅᒃ ᖃᐅᔨᒃᑲᐃᒍᑕᐅᓯᒪᔪᖅ ᑕᑕᑎᕋᒃᓴᖅ ᓇᑦᓯᐅᔾᔭᐅᓚᐅᕐᓯᒪᔪᑦ Crawford Class Action Services −ᑯᓐᓂᒃ, ᐅᕝᕙᓘᓐᓃᑦ ᐊᐱᖅᑯᑎᒃᓴᖃᕈᕕᑦ ᑖᒃᑯᐊ ᐱᔾᔪᑎᒋᓗᒋᑦ, ᖃᐅᔨᒃᑲᐃᒍᓐᓇᖅᐳᑎᑦ ᓄᓇᕗᑦ ᑐᙵᕕᒃᑯᑦ ᐃᖅᑲᓇᐃᔭᕐᑎᖓᓂᒃ ᓵᑐᕋ ᐆᒥᒃᒧᑦ ᐅᕗᖓ 1-888-646-0006 ᐅᕝᕙᓘᓐᓃᑦ …

ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᓂᕈᐊᒐᒃᓴᓕᐅᖁᔨᔪᑦ

.ᐃᓱᓕᒃᕕᒃᓴᓕᒃ ᐆᒃᑐᕈᒪᔪᓄᑦᔮᓐᓄᐊᕆ 30, 2015.

ᓄᓇᕗᒻᒥ ᐸᕐᓇᐃᔩᑦ ᓂᕈᐊᒐᒃᓴᓕᐅᖁᔨᔪᑦ

.ᐃᓱᓕᒃᕕᒃᓴᓕᒃ ᐆᒃᑐᕈᒪᔪᓄᑦᔮᓐᓄᐊᕆ 30, 2015.

ᐱᔪᓐᓇᐅᑎᓄᑦ ᐋᖅᑭᒋᐊᒃᑲᐃᔩᑦ ᓂᕈᐊᒐᒃᓴᓕᐅᖁᔨᔪᑦ

.ᐃᓱᓕᒃᕕᒃᓴᓕᒃ ᐆᒃᑐᕈᒪᔪᓄᑦᔮᓐᓄᐊᕆ 30, 2015.

ᓄᓇᕗᑎ ᑐᙵᕕᒃᑯᑦ ᑐᓴᕐᑎᑦᑎᕗᑦ 2014-ᒥ ᑭᒃᑯᑦ ᐊᔾᔨᓕᐅᑕᒥᓂᕐᒥᓄᑦ ᓵᓚᒃᓴᕐᒪᖔᑖ

(ᔭᓐᓄᐊᕆ 6, 2015 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃᑯᑦ ᐅᓪᓗᒥ ᑐᓴᖅᑎᑎᖅᑲᐅᕗᖅ 2014-ᒥ ᑭᒃᑯ ᐊᔾᔨᓕᐅᑕᒥᓂᕐᒥᓄᑦ ᓵᓚᒃᓴᕐᒪᖔᑖ. ᐊᐃᓕᓐ ᐊᔭᒍᑕᐃᓐᓇᖅ ᓴᓂᑭᓗᐊᕐᒥᐅᖅ ᑐᓂᔭᐅᔪᖅ $1,000-ᓂ ᓵᓚᒃᓴᐅᓯᐊᒥᓂᒃ ᐊᔾᔨᓕᐅᕐᑕᒥᓂᕐᒥᓄᑦ. ᐊᔭᒍᑕᐃᓐᓇᖅ ᐊᖏᓪᓕᑎᖅᓯᒪᔪᒥᒃ ᐊᔾᔨᖓᓂ ᐊᔾᔨᓕᐅᕐᑕᒥᓂᕐᒥᑕ ᑐᓂᔭᐅᓚᐅᕐᒥᔪ, ᐊᒻᒪᓗ ᐊᔾᔨᓕᐅᕐᑕᒥᓂᖓ ᐊᑐᖅᑕᐅᓂᐊᕐᑐᓂ ᓄᓇᕗᑦ ᑐᙵᕕᒃᑯᑦ ᐊᕐᕌᒍᓕᒫᒥ ᐅᓂᒃᑳᓕᐊᖏᓐᓄᑦ ᖃᓕᕐᐹᕆᔭᐅᓂᐊᕐᑐᓂ ᐊᒻᒪᓗ ᐊᑐᖅᑕᐅᕙᓐᓂᐊᕐᑐᖅ ᓴᖅᑭᔮᕐᑎᑕᓄᑦ ᑲᔪᖏᓴᐃᒍᑎᓄᑦ.
ᒨᓯᓯᐃᑭᓪᓗᖅ ᐃᖃᓗᖕᒥᐅᖅ ᑐᖏᓕᕆᓚᐅᕐᑕᖓ ᐊᔾᔨᓕᐅᕐᑕᒥᓂᕐᒥᓄᑦ $500-ᑖᖅᑐᓂ ᐊᒻᒪ ᐊᔾᔨᖓᓂᒃ ᐊᔾᔨᓕᐅᕐᑕᒥᓂᖓᑕ. ᒨᕆᔅ ᑰᓂᓗᓯ ᕿᑭᒃᑕᕐᔪᐊᕐᒥᐅᑦ ᐱᖓᔪᒋᔭᐅᓚᐅᕐᑐᖅ ᐊᔾᔨᓕᐅᕐᑕᒥᓂᕐᒥᓄᑦ $250-ᑖᖅᑐᓂ.
ᑕᒪᑐᒪᓂ 9-ᒋᓕᖅᑕᖓ ᐊᕐᕌᒍᑕᒫᑦ ᓄᓇᕗᑦ ᑐᙵᕕᒃᑯᑦ ᐊᔾᔨᓕᐅᕐᑕᒥᓂᓐᓂᒃ ᐊᔾᔨᖑᐊᖑᐊᑎᒍᑦ ᐊᑭᑦᑐᕋᐅᑎᑎᑦᑎᖃᑦᑕᕐᓂᖓᑦ. ᐃᓄᐃᑦ ᑎᓕᐅᕐᑕᐅᕗᑦ ᐱᖃᑕᐅᖃᑦᑕᖁᔭᐅᓪᓗᑎᒃ. ᓇᓗᓇᐃᔭᕐᓯᒪᔪᑦ ᐊᒻᒪ ᐊᑭᑦᑐᕋᐅᑎᖃᑕᐅᔪᒪᔪᓄᑦ ᑕᑯᔭᐅᔪᓐᓇᕐᐳᑦ ᐅᕙᓂ http://photocontest.tunngavik.com.

ᓄᓇᕗᑦ ᑐᓐᖓᕕᒃ ᑎᒥᖓᑦ ᐃᑲᔪᖅᑐᐃᔪᑦ ᕿᕿᖅᑕᓂ ᑐᒃᑐᐃᑦ ᐱᑕᖅᑕᐅᕙᖕᓂᖏᑦ ᓄᖅᑲᖅᑎᑕᐅᔪᑦ

ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᑉ-ᑐᖏᓕᐊ ᔭᐃᒻᔅ ᐃᑦᑐᓗᒃ ᐅᖃᖅᑐᖅ ᓄᓇᕗᑦ ᑐᓐᖓᕕᒃ ᑎᒥᖓᑦ ᐃᑲᔪᖅᑐᐃᔪᖅ ᓄᓇᕗᑦ ᒐᕙᒪᒃᑯᑦ ᓄᖅᑲᖅᑎᑦᑎᓯᒪᓂᐊᕐᒪᑕ ᐊᖑᓇᓱᐊᕐᓂᕐᒥᑦ ᑐᒃᑐᓂᒃ ᕿᑭᖅᑕᓂ. ᐊᕙᑎᓕᕆᓂᕐᒧᑦ ᒥᓂᔅᑕ ᔮᓂ ᒪᐃᒃ ᑐᓴᖅᑎᑦᑎᕋᑖᓚᐅᖅᑐᖅ ᐃᓱᒪᓕᐅᕈᑎᐅᓯᒪᑲᐃᓐᓇᕐᑐᑦ ᓄᓇᕗᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ ᐃᑲᔪᕐᑐᐃᓯᒪᓂᖏᑦ ᒪᓕᒃᑐᒋᑦ. ᖃᐅᔨᒪᔨᕐᔪᐊᖑᓂᕋᖅᑕᑦ ᖃᖓᑕᓲᒃᑯᑦ ᓈᓴᐃᒍᑕᐅᓯᒪᔪᑦ ᖃᐅᔨᓇᕐᓯᒍᑎᐅᓚᐅᕐᒪᑕ ᕿᑭᖅᑕᓂ ᑐᒃᑐᐃᑦ ᐊᒥᓲᓂᖏᑦ ᓇᓚᐅᑦᑕᖅᑕᐅᓯᒪᔪᑦ ᐊᑯᓐᓂᖓᓂ ᐅᓄᕐᓂᖃᕐᓂᖏᑦ 3,462 ᑎᑭᐅᑎᓪᓗᒋᑦ 6,250 ᑐᒃᑐᐃᑦ ᐱᑕᖃᓕᕐᓂᖏᑦ, ᖃᑦᓯᓐᓇᕈᖅᐹᓪᓕᕐᓯᒪᒻᒪᑕ 90-ᐳᓴᓐᑎᒥᑦ ᑕᐃᒪᖓᓂᑦ 1990s.
“ᑕᒪᓐᓇ ᐃᓱᒪᓕᐊᕆᒋᐊᖅ ᐊᔪᕐᓇᓚᐅᖅᑐᖅ, ᑭᓯᐊᓂ ᐃᓱᒪᓕᐊᖑᔪᖅ ᑕᐃᒪᓐᓇ ᑭᓯᐊᓂᐅᓕᓚᐅᖅᑐ ᕿᑭᖅᑕᓂ ᑐᒃᑐᐃᑦ ᐊᒥᓲᓂᖏᑦ ᐅᓄᖅᓯᒋᐊᒃᑲᓐᓂᖁᓪᓗᒋᑦ. ᑭᓯᐊᓂ ᖃᓄᖅᑑᕆᐊᕈᑎᒋᙱᑯᑦᑎᒍ ᐃᓐᖐᓐᓇᖅ, ᐅᓄᕐᓯᕙᓪᓕᐊᓂᖃᕋᔭᓚᐅᕐᒪᑕ ᐅᑭᐅᒐᓴᐅᓂᖅᓴᓂᒃ ᐅᖃᖅᑐᖅ ᐃᑦᑐᓗᒃ.
ᒥᓂᔅᑕᐅᑉ ᐃᓱᒪᓕᐅᕈᑎᒋᓯᒪᑲᐃᓐᓇᖅᑕᖓ ᐱᕕᒃᓴᖃᓕᒃᑲᓐᓂᕈᑎᐅᓂᐊᖅᑐᖅ ᐆᒪᔪᓕᕆᔨᓄᑦ ᐊᐅᓚᑦᑎᔨᑦ ᑲᑐᔾᔨᓪᓗᑎᒃ ᑲᒪᑦᑎᐊᕈᑎᒃᓴᓂᒃ …

ᔭᐃᒥᓯ ᐃᑦᑐᓗᒃ ᓂᕈᐊᖅᑕᐅᔪᖅ ᓄᓇᕗᑦ ᑐᙵᕕᒃᑯᑦ ᑎᒥᖓᑕ ᐊᖏᔪᖅᑳᑉ ᑐᖏᓕᐊᓄᑦ

ᓄᓇᕗᑦ ᑐᙵᕕᒃ ᑎᒥᖓᓄᑦ ᓂᕈᐊᖅᑐᓕᕆᔩᑦ ᐊᖏᔪᖅᑳᖓᑦ ᓈᓐᓯ ᖃᕆᑕᖅ − ᓕᓐᑎᐊᓪ ᐅᓪᓗᒥ ᑐᓴᖅᑎᑎᖅᑲᐅᔪᑦ ᑖᓐᓇ ᔭᐃᒥᓯ ᐃᑦᑐᓗᒃ  ᓂᕈᐊᖅᑕᐅᖕᒪ ᐊᖏᔪᖅᑳᑉ ᑐᖏᓕᓐᐊᓄᑦ ᓄᓇᕗᑦ ᑐᙵᕕᒃᑯᑦ ᑎᒥᖓᓄᑦ ᓂᕈᐊᓐᓂᖃᖅᑎᓪᓗᒋᑦ ᐅᓪᓗᒥ.
ᔭᐃᒥᓯ ᐃᑦᑐᓗᒃ  ᑐᖏᓕᕆᓂᐊᖅᑕᖓ ᐊᖏᔪᖅᑳᑉ 2018 ᑎᑭᓪᓗᒍ ᔭᐃᒥᓯ ᐃᑦᑐᓗᒃ  ᑲᑎᒪᔨᐅᖃᑕᐅᓂᐊᕐᒥᔪᖅ ᓄᓇᕗᑦ ᑐᙵᕕᒃᑯᑦ ᑎᒥᖓᑕ ᓯᕗᓕᖅᑏᑦ ᑲᑎᒪᔨᕋᓛᖏᓐᓄᑦ, ᑲᑎᒪᔨᖏᓐᓄᑦ, ᐊᒻᒪ ᐃᒃᓯᕙᐅᑕᕆᔭᐅᓂᐊᖅᖢᓂ ᓄᓇᕗᑦ ᑐᙵᕕᒃᑯᑦ ᑎᒥᖓᑕ ᐃᓅᓯᓕᕆᓂᕐᒧᑦ ᐊᒻᒪ ᐱᖅᑯᓯᓕᕆᓂᕐᒧᑦ ᖃᐅᔨᒪᔨᒋᔭᐅᓪᓗᑎᒃ ᑲᑎᒪᔨᕋᓛᖏᓐᓄᑦ ᐊᒻᒪᓗ ᐃᓄᐃᑦ ᐆᒪᔪᓕᕆᓂᕐᒧᑦ ᐊᒻᒪᓗ ᐊᕙᑎᓕᕆᓂᕐᒧᑦ ᖃᐅᔨᒪᔨᖏᑕ ᑲᑎᒪᔨᕋᓛᖏᓐᓄᑦ.
ᑕᒐᓚᒡ ᐊᒡᒑᖅ (ᐃᒡᓗᓕᒑᕐᔪᖕᒥᐅᑕ), ᔭᐃᒥᓯ ᐃᑦᑐᓗᒃ (ᑕᓗᕐᔪᐊᕐᒥᐅᑕᖅ), ᐊᒻᒪᓗ ᔨᐊᓯ ᒪᐃᒃ (ᐃᖃᓗᖕᒥᐅᑕ) ᐆᒃᑐᕐᑐᐃᓐᓇᐅᕗᑦ ᐊᖏᔪᖅᑳᑉ ᑐᖏᓕᖓᓄᑦ.
ᓂᕈᐊᕆᐊᖅᑐᖅᑐᑦ 31 ᐳᓴᖑᓚᐅᖅᑐᑦ. ᐃᓄᐃᑦ ᑲᓇᑕᒥᐅᑕᐅᔪᑦ, 16 …

ᓂᕈᐊᕐᓇᐅᑎᓪᓗᒍ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᓂᕈᐊᖅᑎᑦᑎᓂᐊᓐᓂ

ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᐅᓚᑦᑎᔨᒻᒪᕆᐊᑦ ᓂᕈᐊᖅᑐᓕᕆᓂᕐᒧᑦ ᑲᒪᔨ ᓈᓐᓯ ᖃᕆᑕᖅ ᓕᓐᑎᐅᓪ ᐅᖃᖅᑐᖅ ᐅᑉᓗᒥ ᓂᕈᐊᕐᕕᒃᓴᐃᑦ ᐅᒃᑯᐃᕐᓂᐊᕐᓂᖏᓐᓂᒃ ᓂᕈᐊᕐᓇᐅᓕᖅᐸᑦ ᐅᑉᓗᐊᓂ ᓂᕕᐊᕐᓂᐊᖅᑎᓪᓗᒋᑦ ᐊᖓᔪᖅᑳᖅ-ᑐᖏᓕᐊᓄᑦ ᑎᓴᑉᐸ 8, 2014, 10:00-ᒥ ᐅᑉᓛᒃᑯᑦ – 7:00-ᒧᑦ ᐅᓐᓄᒃᓴᒃᑯᑦ ᐃᓱᓕᓪᓗᓂ ᓄᓇᓕᐅᑉ ᖃᐅᔨᓴᐅᑎᖏᑦ ᒪᓕᒃᓗᒋᑦ.
ᑕᒃᓚᔅ ᐊᒡᒑᖅ (ᐃᒡᓗᓕᒑᕐᔪᖕᒥᐅᑕᖅ), ᔭᐃᒻᔅ ᐃᑦᑐᓗᒃ (ᑕᓗᕐᔪᐊᕐᒥᐅᑕᖅ) ᐊᒻᒪᓗ ᔨᐊᓯ ᒪᐃᒃ )ᐃᖃᓗᖕᒥᐅᑕᖅ) ᑐᓂᓯᓯᒪᔪᑦ ᓇᖕᒥᓂᒻ ᓂᕈᐊᒐᒃᓴᐅᔾᔪᑎᖏᓐᓂᒃ ᐸᐃᑉᐹᑎᒍᑦ ᓂᕈᐊᕐᓂᐊᖅᑎᓪᓗᒋᑦ ᐊᖓᔪᖅᑳᑉ-ᑐᖏᓕᐊᓄᑦ.
ᐃᓄᐃᑦ ᑲᓇᑕᒥᐅᑕᐃᑦ, 16-ᓂᒃ ᐅᑭᐅᖃᕐᓗᑎᒃ ᐅᕝᕙᓘᓐᓃᑦ ᐅᑭᐅᖁᖅᑐᓂᖅᓴᐅᓗᑎᒃ, ᐊᒻᒪᓗ ᐊᑎᓕᐅᖃᑕᐅᓯᒪᓗᑎᒃ ᐃᓗᐊᓂ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂ ᐱᔪᓐᓇᖅᑎᑕᐅᔪᑦ ᐊᔪᖏᑦᑕᐅᓪᓗᑎᒃᓗ ᓂᕈᐊᕐᓂᕐᒥᑦ ᓂᕈᐊᕐᓇᐅᓛᖅᑐᒥ ᒫᓐᓇᓵᖅ. ᓂᕈᐊᕐᕕᒃᓴᐃᑦ ᐊᑐᐃᓐᓇᐅᓕᐊᖅᑐᑦ 25-ᓂᒃ ᓄᓇᓕᖕᓂᑦ ᓄᓇᕗᒥ, ᔭᓗᓇᐃᒥ, ᐃᐊᓐᒪᓐᑕᒥ, ᕕᓂᐲᖕᒥ ᐊᒻᒪᓗ ᐋᑐᕚᒥ.
ᑐᑭᓯᒋᐊᒃᑲᓐᓂᕈᒪᒍᕕᑦ:
ᓈᓐᓯ …

ᒐᕙᒪᒃᑯᑦ ᓄᓇᕗᒻᒥᑦ ᓄᓇᕗᒻᒥᓪᓗ ᑐᙵᕕᒃᑯᑦ ᑲᑐᔾᔨᖃᑎᒌᑦᑐᑦ ᐋᖅᑭᒋᐊᕆᓂᕐᒥᑦ ᓄᓇᕗᒻᒥ ᓇᒻᒥᓂᖃᖅᑐᓂᒃ ᐃᑲᔫᑏᑦ ᐊᑐᐊᒐᖓᓂᑦ

ᓄᓇᕗᒻᒥᑦᒥᓂᔅᑕᖓ ᐱᕙᓪᓕᐊᔪᓕᕆᔨᒃᑯᓐᓄᑦ ᐃᖏᕐᕋᔪᓕᕆᔨᒃᑯᓐᓄᓪᓗ ᔪᐊᔨᖁᒃᓱᒃᓄᓇᕗᒻᒥᓪᓗᑐᙵᕕᒃᑯᑦ ᐊᖓᔪᖅᑳᖓᑳᑎ ᑕᐅᑐᖏᐊᑎᓕᐅᖅᓯᒪᓕᖅᑐᑦ ᑎᑎᕋᖅᓯᒪᔪᓂᑐᑭᓯᐅᒪᖃᑦᑕᐅᑎᓂᕐᒧᑦ ᐱᓕᕆᔾᔪᓯᖓᓂᑦᐋᖅᑭᒋᐊᕆᓂᕐᒥᑦ ᓄᓇᕗᒻᒥᓇᒻᒥᓂᖃᖅᑐᓂᑦ ᐃᑲᔫᑏᑦ ᐊᑐᐊᒐᖓᓂᑦ.
ᑐᕌᒐᕆᔮ ᓄᓇᕗᒻᒥ ᓇᒻᒥᓂᖃᖅᑐᓂᑦ ᐃᑲᔫᑏᑦ ᐊᑐᐊᒐᖓᓂᑦ ᐅᓄᖅᓯᑎᑦᓯᓂᕐᒥᑦ ᐃᓚᒋᔭᐅᓂᖏᓐᓂᑦ ᓄᓇᕗᑦ,ᐃᓄᐃᑦ ᓄᓇᓕᓐᓂᓪᓗᓇᒻᒥᓂᖃᖅᑐᐃᑦ ᒐᕙᒪᒃᑯᓐᓄᑦ ᓄᓇᕗᒻᒥᑦ ᑳᓐᑐᕌᓕᕆᓂᕐᒥᑦ,ᑕᐃᒫᒃ ᐱᔭᕆᐊᖃᕐᒪᑕᑎᑎᕋᖅᓯᒪᓂᐅᔪᒥᑦ24ᓄᓇᕗᒻᒥᑦ ᓄᓇᑖᕐᓂᕐᒧᑦᐊᖏᖃᑎᒌᒍᑎᓂᑦ.
ᑎᑎᕋᖅᓯᒪᔪᓂ ᑐᑭᓯᐅᒪᖃᑦᑕᐅᑎᓂᕐᒧᑦ ᐊᑎᓕᐅᖅᑕᐅᓚᐅᖅᑐᖅ ᓯᕗᒧᑦ IVᑲᑎᒪᓂᖃᖅᑎᓪᓗᒋᑦᐃᖃᓗᓐᓂᑦ.
“ᓇᒻᒥᓂᖃᖅᑐᓂᑦ ᓄᓇᕗᒻᒥᑦᐱᕚᓪᓕᕈᑎᖃᕐᓂᕐᒥᑦ ᒐᕙᒪᒃᑯᓐᓂᑦ ᑳᓐᑐᕌᓕᕆᓂᕐᒥᑦ,“ᐅᖃᖅᑐᖅ ᒥᓂᔅᑕᖁᒃᓱᒃ.“ᑲᑐᔾᔨᖃᑎᖃᕐᓂᕐᒥᑦᓄᓇᕗᑦᑐᙵᕕᒃᑯᓐᓂᑦ,ᐋᖅᑭᒋᐊᕆᓂᐊᖅᑐᒍᑦᓄᓇᕗᒻᒥᓇᒻᒥᓂᖃᖅᑐᓂᑦ ᐃᑲᔫᑏᑦ ᐱᖁᔭᖓᓂᑦᐊᐅᓚᑦᓯᓂᕐᒧᑦᐱᓕᕆᖃᑎᖃᕐᓗᑎᓪᓗᓇᓗᓇᐃᖅᓯᓂᕐᒥᑦ ᓄᑖᖅ ᐊᑐᐊᒐᖅ ᐃᓚᒋᔭᐅᑎᑦᓯᓂᖏᓐᓂᑦ ᑕᒪᒃᑮᓐᓂᑦ ᐱᓕᕆᖃᑎᒌᓐᓂᒃ.”
“ᑐᕌᒐᕗᑦ ᐱᔾᔪᓯᖓᓐᓂᑦ ᐆᒻᒪᕆᐊᖅᑎᑦᓯᓂᕐᒥᑦ ᐱᖁᔭᕐᒥᑦ ᖃᓄᐃᓕᐅᖅᐸᓪᓕᐊᑲᓐᓂᓂᕐᒧᑦ ᐊᑦᑐᐃᓂᖃᑦᓯᐊᕐᓗᓂᓗ ᐃᓄᐃᑦᓇᒻᒥᓂᖁᑎᖏᓐᓂᑦ ᐅᓄᖅᓯᑎᑦᓯᓂᕐᒥᑦ ᐃᖅᑲᓇᐃᔮᓂᑦ ᐱᕕᖃᖅᑎᑦᓯᓂᕐᒥᑦ ᐃᓘᓐᓈᒍᓪᓗ ᐱᐅᓯᕚᓪᓕᑎᑦᓯᓂᕐᒥᑦ ᐃᖅᑲᓇᐃᔭᖅᑎᑖᕐᓂᕐᒥᑦᐃᓄᓐᓂᑦ ᒪᓕᓪᓗᒋᑦ ᓄᓇᕗᒻᒥᑦᓄᓇᑖᕐᓂᕐᒧᑦ ᐊᖏᖃᑎᒌᒍᑎᓂᑦ, “ᐅᖃᖅᑐᖅ ᓄᓇᕗᑦ ᑐᙵᕕᒃᑯᑦᐊᖓᔪᖅᑳᖓᑳᑎ ᑕᐅᑐᖏ.
ᑎᑎᕋᖅᓯᒪᔪᓂ ᑐᑭᓯᐅᒪᖃᑦᑕᐅᑎᓂᕐᒧᑦᐋᖅᑭᑦᓯᔪᑦ ᐱᓕᕆᔾᔪᓯᕐᒥᑦ ᑐᑦᓯᕋᐅᑎᖃᕐᓂᕐᒥᑦ ᓴᖅᑎᑦᓯᓂᕐᒥᓪᓗ ᐋᖅᑭᒋᐊᖅᑕᐅᔪᓂᑦ ᓄᓇᕗᒻᒥᓇᒻᒥᓂᖃᖅᑐᓂᑦ ᐃᑲᔫᑏᑦ ᐊᑐᐊᒐᖓᓂᑦ.
ᑐᕌᒐᕆᔮ ᓄᑖᓂᑦ ᐊᑐᐊᒐᖃᕐᓂᕐᒥᑦ ᐅᐱᕐᖔᑦᓴᖓᓂᑦ ᐊᕐᕌᒍ.
###
ᑐᑭᓯᒋᐊᑲᓐᓂᕈᒪᒍᕕᑦ …

ᓄᑖᑦ ᖃᐅᔨᓴᕈᑕᐅᓯᒪᔪᑦ ᑭᕙᓪᓕᐅᑉ ᐃᒪᖓᓂ ᓇᓄᐃᑦ ᓄᖑᓐᓂᐅᓴᖏᓐᓂᕋᖅᑕᐅᔪᑦ

ᓄᓇᕗᑦ ᑐᙵᕕᒃᑯᑦ ᐊᖏᔪᖅᑳᖓ ᑳᑎ ᑕᐅᑐᙱ ᐅᑉᓗᒥ ᐅᖃᖅᑲᐅᔪᑦ ᓄᑖᒡᒍᖅ ᐊᕙᑎᓕᕆᔨᒃᑯᑦ ᑲᓇᑕᒥ ᖃᐅᔨᓴᕈᑕᐅᓯᒪᔪᓂᒃ ᓇᓗᓇᐃᕆᓚᐅᕐᐳᑦ ᑭᕙᓪᓕᐅᑉ ᐃᒪᖓᓂ ᓇᓄᐃᑦ ᓄᖑᒃᐸᓪᓕᐊᓂᕋᖅᑕᐅᓇᑎᒃ. ᑕᐅᑐᙱ ᐅᖃᓚᐅᖅᑐᖅ ᑲᑎᒪᔭᕇᖅᑎᓪᓗᒋᑦ ᑲᖏᖅᖠᓂᕐᒥ ᓄᓇᕗᖕᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ, ᑲᑎᒪᑎᓪᓗᒋᑦ ᐅᓂᒃᑳᕐᕕᐅᓚᐅᕐᒪᑕ ᐅᑯᓄᖓ ᐊᕙᑎᓕᕆᔨᒃᑯᑦ ᑲᓇᑕᒥ ᐱᔾᔪᑎᒋᓪᓗᒋᑦ ᓇᓄᐃᑦ ᐅᓄᕐᓂᖏᑦ ᑭᕙᓪᓕᕐᒥ. ᒪᓐᓇᕐᓂᓴᐅᓂᖅᐹᑦ ᖃᐅᔨᓴᖅᑎᓄᑦ ᖃᐅᔨᓴᕈᑎᒥᓃᑦ ᖃᐅᔨᓇᕐᓯᒍᑎᐅᓯᒪᒻᒪᑕ ᓇᓄᐃᑦ ᓄᖑᒃᐸᓪᓕᐊᓯᒪᙱᓐᓂᖏᓐᓂᒃ ᐅᑭᐅᓂ ᖁᓕᓂ ᐊᓂᒍᖅᑐᓂ. ᓄᓇᕗᑦ ᒐᕙᒪᒃᑯᑦᑕᐅᖅ ᐅᓂᒃᑳᓚᐅᕆᓪᓗᑎᒃ ᑎᖕᒥᓲᒃᑯᑦ ᖃᐅᔨᓴᕈᑎᒥᓂᕐᒥᓂᒃ ᖃᐅᔨᓇᕐᓯᒍᑕᐅᓚᐅᕐᑐᓂᓪᓗ ᓇᓄᐃᑦ ᐅᓄᕐᓂᖏᑦ ᖃᓂᒋᔭᖓᓃᓐᓇᓱᒋᔭᐅᓪᓗᑎᒃ 1,030 ᓇᓄᐃᑦ.
“ᑭᕙᓪᓕᕐᒥ ᓇᓄᐃᑦ ᐅᓄᕐᓂᖏᑦ ᓄᖑᓛᓐᓂᐊᕐᓂᕋᖅᑕᐅᖃᑦᑕᕐᓯᒪᒻᒪᑕ ᓯᓚᐅᑉ ᐆᒃᑯᓯᕙᓪᓕᐊᓂᖓᓂᒃ ᐱᔾᔪᑎᖃᓐᓂᕋᖅᑕᐅᓪᓗᑎᒃ. ᓇᓪᓕᒍᓱᒃᑏᑦ ᐊᑐᕋᓱᖃᑦᑕᕐᓯᒪᒻᒪᑕ ᑭᕙᓪᓕᕐᒥ ᓇᓄᕐᓂᒃ ᖃᓄᕈᓗᔮᓗᒃ ᐊᑦᑐᐃᓂᖃᕈᑕᐅᔪᓂᒃ ᐅᑭᐅᖅᑕᕐᑐᒥ ᐊᒻᒪ ᑕᒪᐃᓐᓂᒃ ᐆᒪᔪᓂᒃ, …

ᓄᓇᕗᑦ ᑐᓐᖓᕕᒃ ᑎᒥᖁᑎᐊᑦᑕ ᐊᖓᔪᖅᑳᖓᑦ ᐅᖃᖅᑐᖅ ᑕᑯᒃᓴᐅᓂᖅᓴᐅᖁᓪᓗᒋᑦ ᓄᓇᕗᒥ ᓇᖕᒥᓂᖃᖅᑐᓄᑦ ᐃᑲᔫᑏᑦ ᐱᓕᕆᐊᖓᑎᒍᑦ

ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖓᔪᖅᑳᖓᑦ ᑳᑎ ᑕᐅᑐᖏ ᐅᑉᓗᒥ ᐅᖃᖅᑐᖅ ᐱᓕᕆᕕᐊᑦ ᐃᓄᓕᕆᔨᑐᖃᒃᑯᑦ ᐃᓐᖐᓐᓇᖅ ᐊᓯᔩᖁᓪᓗᒋᑦ ᑕᒪᑦᓱᒧᖓ ᓂᕿᑦᑎᐊᕙᓕᕆᓂᕐᒧᑦ ᐅᑭᐅᖅᑕᑦᑐᒧᑦ ᑲᓇᑕᒥ ᐱᓕᕆᐊᑎᒍᑦ ᐃᒪᓐᓇᓗ ᑕᑯᒃᓴᐅᑦᑎᐊᕐᓗᑎᒃ ᐊᒻᒪᓗ ᓱᓕᓂᖃᑦᑎᐊᖁᓪᓗᒋᑦ ᑕᑎᒋᔭᐅᔪᓐᓇᕐᓂᕐᒥᑦ ᐃᓄᖕᓄᑦ. ᑕᐅᑐᖏ ᐅᖃᖅᑐᖅ ᑭᖑᓂᐊᒍᑦ ᐅᑉᓗᒥ ᓴᖅᑭᑎᑕᐅᔪᑦ ᐅᑯᐊ ᐅᓂᒃᑳᓕᐊᖏᑦ ᑮᓇᐅᔭᓂ ᑕᒻᒪᖅᓯᒪᔪᖅᓯᐅᖅᑏᑦ ᓈᓴᐃᔨᑦ ᑲᓇᑕᒥ ᓵᑉᑕᖓᓂ 6 ᐊᐅᓪᓗᔾᔨᔪᑦ ᐃᓄᓕᕆᔨᑐᖃᒃᑯᑦ ᓂᕿᑦᑎᐊᕙᓕᕆᓂᕐᒥᑦ ᐅᑭᖅᑕᖅᑐᒥ ᐱᓕᕆᐊᑎᒍᑦ.
“ᓄᓇᕗᑦ ᑐᓐᖓᕕᒃ ᑎᒥᖓᑦ ᐃᓱᒫᓘᑎᓕᒃ ᐱᓪᓗᒋᑦ ᓂᕿᑦᑎᐊᕙᓕᕆᓂᕐᒧᑦ ᐅᑭᐅᖅᑕᑦᑐᒧᑦ ᐱᓕᕆᐊᑦ ᐊᒻᒪᓗ ᑕᐃᓱᒪᓂ ᓯᕗᓪᓕᒥ ᐊᑐᖅᑕᐅᒋᐊᒪᐅᖅᓯᒪᔪᖅ ᑎᑭᓴᐃᔪᓐᓇᕐᓂᒥ ᓂᖅᑭᑎᐊᕙᓂᒃ ᐱᓕᕆᐊᑐᖃᐃᑦ ᑕᑯᒃᓴᐅᓂᖅᓴᐅᖏᓐᓇᓚᐅᖅᑐᑦ ᐊᒻᒪᓗ ᓱᓕᓂᖃᑦᑎᐊᖁᓪᓗᒋᑦ ᑕᑎᒋᔭᐅᓂᕐᒧᑦ ᐃᓄᖕᓄᑦ. ᐱᖁᔭᐅᕗᑦ ᒪᓕᖁᔭᐅᓪᓗᑎᒃ ᑎᑎᕋᖅᓯᒪᔪᐊᓂ 32 ᐅᑯᐊ ᐃᓗᐊᓂ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂ, ᐃᓄᐃᑦ …

ᓯᕗᓂᐊᓂ ᓂᕈᐊᕐᕕᒃᓴᑦ ᐅᒃᑯᐃᖓᔪᑦ ᓄᓇᕗᑦ ᑐᓐᖓᕕᒃ ᑎᒥᖓᑦ ᓂᕕᐊᖅᑎᑦᑎᓂᐊᓐᓄᑦ

ᓇᕗᑦ ᑐᓐᖓᕕᒃ ᑎᒥᖓᑦᑕ ᓂᕈᐊᖅᑐᓕᕆᔨᒻᒪᕆᐊᑦ ᑲᒪᔨ ᓈᓐᓯ ᖃᕆᑕᖅ ᓕᓐᑎᐅᓪ ᐅᖃᖅᑐᖅ ᐅᑉᓗᒥ ᑕᒪᓐᓇ ᓯᕗᓂᐊᒍᑦ ᓂᕈᐊᖅᑎᑦᑎᓂᖅ ᓂᕈᐊᕐᓂᐊᖅᑎᓪᓗᒋᑦ ᐊᖓᔪᖅᑳᑉ-ᑐᖏᓕᐊᓄᑦ ᐅᒃᑯᐃᕐᓂᐊᖅᑐᖅ ᑎᓴᑉᐸ 1, 2014, 10:00-ᒥ ᐅᑉᓛᒃᑯᑦ – 7:00-ᒥ ᐅᓐᓄᒃᓴᒃᑯᑦ ᐅᒃᑯᐊᕐᓗᓂ ᓄᓇᓕᐅᑉ ᖃᐅᔨᓴᐅᑎᖏᑦ ᒪᓕᒃᓗᒋᑦ.
ᑕᒃᓚᔅ ᐊᒡᒑᖅ (ᐃᒡᓗᓕᒑᕐᔪᖕᒥᐅᑕᖅ), ᔭᐃᒻᔅ ᐃᑦᑐᓗᒃ (ᑕᓗᕐᔪᐊᕐᒥᐅᑕᖅ) ᐊᒻᒪᓗ ᔨᐊᓯ ᒪᐃᒃ )ᐃᖃᓗᖕᒥᐅᑕᖅ) ᑐᓂᓯᓯᒪᔪᑦ ᓇᖕᒥᓂᒻ ᓂᕈᐊᒐᒃᓴᐅᔾᔪᑎᖏᓐᓂᒃ ᐸᐃᑉᐹᑎᒍᑦ ᓂᕈᐊᕐᓂᐊᖅᑎᓪᓗᒋᑦ ᐊᖓᔪᖅᑳᑉ-ᑐᖏᓕᐊᓄᑦ.
ᓂᕈᐊᖅᑏᑦ ᒫᓐᓇ ᐊᑐᕈᓐᓇᖅᑐᑦ ᑕᓪᓕᒪᓂᒃ 5 ᓂᕈᐊᕈᓐᓇᕈᑎᓂᒃ ᓄᓇᕗᑦ ᑐᓐᖓᕕᒃ ᑎᒥᖓᓐᓂ ᓂᕈᐊᕐᓇᐅᓂᐊᓄᑦ. ᓂᕈᐊᖅᑏᑦ ᓂᕈᐊᕈᓐᓇᖅᑐᑦ ᓯᕗᓂᐊᒍᑦ ᑎᓴᑉᐸ 1, ᓂᕈᐊᕐᓇᐅᑎᓪᓗᒍ ᑎᓴᑉᐸ 8, ᐅᐸᒃᑕᐅᓗᑎᒃᓘᓐᓃᑦ ᓄᓇᓯᐅᑎᒧᑦ ᓂᕈᐊᕐᕕᐅᓂᐊᖅᑐᒧᑦ, ᑎᓕᓯᓗᓂ ᓂᕈᐊᖅᑎᒋᓂᐊᖅᑕᖓᓂ ᑎᓕᔭᖓᓂᒃ ᐅᕝᕙᓘᓐᓃᑦ ᑎᑎᖅᑲᑎᒍᑦ ᓂᕈᐊᕐᓗᑎᒃ. ᑕᒪᕐᒥᒃ …

ᓄᓇᕗᑦ ᑐᙵᕕᒃᑯᑦ ᓂᕈᐊᕐᓂᖓᑦ ᐊᖓᔪᖅᑳᑉ ᑐᒡᓕᒃᓴᖓᓂ – ᓂᕈᐊᕐᕕᒃᓴᑦ

ᐅᐱᒋᑦᑎᐊᕐᓗᒍ ᐃᓄᐃᑦ ᐅᑉᓗᕆᔭᖓᑦ – #inuujunga

2006-ᒥ ᐃᓄᐃᑦ ᓄᓇᕐᔪᐊᕐᒥ ᑲᑎᒪᔨᖏᑦ ᑲᑎᒪᕕᒡᔪᐊᕐᓂᖃᖅᑎᓪᓗᒋᑦ ᐹᕈ, ᐊᓛᔅᑲᒥ, ᓄᕕᐱᕆ 7 ᓇᓗᓇᐃᖅᑕᐅᓯᒪᓕᓚᐅᕐᒪᑦ ᐃᓄᐃᑦ ᐅᑉᓗᕆᔭᖓᓂᒃ ᐅᐱᒍᓱᒍᑎᒋᓪᓗᒍ ᐃᓄᐃᑦ ᓄᓇᕐᔪᐊᕐᒥ ᑲᑎᒪᔨᖏᑕ ᓂᕆᐅᒋᔭᒥᓂᒃ ᐅᓂᒃᑳᖅᑎᐅᔪᑉ ᐃᓅᓕᕐᕕᐊᓂᒃ, ᐄᐱᓐ ᕼᐋᑉᓴᓐ ᐊᖓᔪᒃᖠᖅ.
ᐃᓄᐃᑦ ᐅᑉᓗᖓᑦ ᐊᑐᖅᑎᓪᓗᒍ ᐃᑲᔪᖅᑐᐃᓂᖃᕈᑎᐅᖕᒪᑦ “ᑕᒪᕐᒥᒃ ᐃᓄᐃᑦ ᒐᕙᒪᒋᔭᖏᑦ, ᓴᓇᕝᕕᒋᔭᖏᑦ, ᐊᒻᒪᓗ ᓄᓇᓕᒋᔭᖏᑦ ᐅᑭᐅᑕᒫᑦ ᓇᓗᓇᐃᖅᓯᔨᐅᖃᑦᑕᖁᓪᓗᒋᑦ ᑖᔅᓱᒥᖓ ᐅᑉᓗᕐᒥᒃ ᐃᓄᐃᑦ ᐅᑉᓗᕆᖕᒪᒍ, ᐊᒻᒪᓗ ᓈᒻᒪᒃᑐᑎᒍᑦ ᖁᕕᐊᓱᒍᑎᖃᖅᑎᑦᑎᕙᒃᓗᑎᒃ ᖃᓄᐃᓕᐅᖅᑎᑦᑎᓂᖃᖅᐸᒃᓗᑎᒃᓗ.”
ᑕᕝᕙᓂ ᐅᑭᐅᕆᔭᑦᑎᓐᓂ, ᐃᓕᑦᓯᓐᓂᑦ ᑐᓴᖅᑎᑕᐅᔪᒪᕗᒍᑦ! ᓄᕕᐱᕆ 7-ᒥ, ᐊᑐᕐᓗᓯᐅᒃ ᖃᕆᑕᐅᔭᑎᒍᑦ ᐅᖃᓘᑎᐊᓛᑎᒍᓪᓗ ᐅᓇ #inuujunga ᐃᓚᒋᔭᐅᖃᑕᐅᓕᖅᓯᒪᖁᓪᓗᓯ, ᐊᑐᕐᓗᓯᐅᒃ ᑐᓴᐅᒪᖃᑦᑕᐅᑎᓕᕆᔾᔪᑎᓯ – ᓲᕐᓗ Facebook-ᑯᑎᒍᑦ, Twitter-ᑯᑎᒍᑦ ᐊᓯᖏᑎᒍᓪᓗ… – ᐅᖃᓯᖃᕐᓗᓯ ᐱᔾᔪᑎᖃᖅᑐᓂᒃ ᐃᓄᖕᓂᒃ, ᐅᓂᒃᑳᕐᑐᐊᓂᒃ, ᐊᔾᔨᓕᐅᖅᓯᒪᔭᑦᓯᓐᓂᒃ, ᖃᓄᐃᓪᓚᕆᒃᑑᓂᕐᓂᒃ ᓱᓕᔫᓪᓗᑎᒃ, ᖁᕕᐊᓱᒍᑎᖃᕐᓂᕐᓂᒃ ᐅᕝᕙᓘᓐᓃᑦ …

ᓄᓇᕗᑦ ᑐᙵᕕᒃᑯᑦ ᑐᓴᖅᑕᐅᑎᑕᖓᑦ ᑭᓇᒃᑯᑐᐃᓐᓇᕐᓂ ᐱᔨᑦᑎᓂᕐᒧᑦ ᐱᒡᒍᓴᐅᑎᑎᓪᓗᒋᑦ ᓵᓚᑦᓴᕐᑐᑦ

1st Place Video
ᓄᓇᕗᑦ ᑐᙵᕕᒃᑯᑦ ᐊᖏᔪᖅᑳᖓᑦ ᑳᑎ ᑕᐅᑐᙱ ᐅᓪᓗᒥ ᑐᓴᖅᑎᑎᖅᑲᐅᕗᑦ ᑭᒃᑯᒻᒪᖔᑕ ᓵᓚᒃᓴᕐᑐᑦ ᐱᒡᒍᓴᐅᑎᑎᓪᓗᒋᑦ ᓄᓇᕗᑎ ᑐᙵᕕᒃᑯᑦ ᑎᒥᖓᑦ ᓂᕈᐊᖅᑐᓕᕆᓂᕐᒧᑦ 2014-ᒥ ᑭᓇᒃᑯᑐᐃᓐᓇᕐᓂᖅ ᑐᓴᖅᑎᑦᑎᓂᕐᒧᑦ
ᐱᒡᒍᓴᐅᓐᓂᖃᖅᑎᓪᓗᒋᑦ ᐃᓕᓐᓂᐊᖅᑏᑦ ᒍᕋᐃ 9-ᒥ ᓄᓇᕐᔪᐊᓕᕆᓂᕐᒥᑦ ᐃᓕᓐᓂᐊᓐᓂᖃᖅᑐᓂᒃ. ᐱᒡᒍᓴᐅᓐᓂᖃᖅᑎᑕᐅᔪᑦ ᐃᓚᒋᒻᒪᒋᑦ ᐃᓕᓐᓂᐊᕈᑎᒃᓴᓂ ᓴᖅᑭᑕᐅᓚᐅᕐᓯᒪᔪᑦ ᓄᓇᕗᑦ ᑐᙵᕕᒃᑯᓐᓂᒃ ᐊᒻᒪ ᓄᓇᕗᑦ ᒐᕙᒪᒃᑯᓐᓂᒃ ᑕᒪᑐᒪᓂ ᐅᑭᐅᑦᑎᓐᓂ.
ᐃᓕᓐᓂᐊᕐᑏᑦ ᐊᔾᔨᓕᐅᕆᖁᔭᐅᓚᐅᕐᒪᑕ ᑭᓇᒃᑯᑐᐃᓐᓇᕐᓄᑦ ᑐᓴᕋᒃᓴᓂᒃ ᑎᓕᐅᕆᔾᔪᑎᐅᓪᓗᓂ ᐃᓅᓱᒃᑐᓂᒃ ᐃᓄᖕᓂᒃ ᓂᕈᐊᕆᐊᖅᑐᖁᔨᔪᓂᒃ ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᓂᕈᐊᖅᑎᑦᑎᓕᕐᐸᑕ. ᐃᓕᓐᓂᐊᕐᑏᑦ ᒍᓚᐃ 9-ᒥᒃ ᐃᓅᔭᖅ ᐃᓕᓐᓂᐊᕐᕕᖓᓂ ᐃᒃᐱᐊᕐᔪᖕᒥ ᓵᓚᒃᓴᓚᐅᕐᐳᑦ $2,500-ᓂᒃ ᓯᕗᓪᓕᕐᐹᖑᓪᓗᑎᒃ ᐱᒡᒍᓴᐅᔾᔪᐊᕈᑎᒥᓄᑦ. ᑐᓴᕐᕕᒃ ᐃᓕᓐᓂᐊᕐᕕᖓᓂᖔᕐᑐᑦ ᒍᓚᐃ 9−ᒥᒃ ᐃᓕᓐᓂᐊᕐᑏᑦ ᓇᐅᔮᓂ ᑐᖏᓕᕆᔭᐅᓪᓗᑎᒃ ᐊᒻᒪ $1,000-ᓂᒃ ᓵᓚᒃᓴᓚᐅᕐᐳᑦ. ᐊᔾᔨᓕᐅᕐᑕᒥᓃᑦ ᑕᑯᒃᓴᐅᑎᑕᐅᓛᕐᑐᑦ …

ᓂᕈᐊᖅᑐᓕᕆᔨᒻᒪᕆᒃ ᑲᒪᔨᐊᑦ ᖃᐅᔨᒃᑲᐃᕗᖅ ᑭᒃᑯᑦ ᓂᕈᐊᕋᒃᓴᐅᖕᒪᖔᑕ

ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᓂᕈᐊᖅᑐᓕᕆᔨᒻᒪᕆᒃ ᑲᒪᔨᐊ ᓈᑦᓯ ᖃᕆᑕᖅ−ᓕᓐᑎᐅᓪ ᐅᓪᓗᒥ ᖃᐅᔨᒃᑲᐃᕗᖅ ᑭᒃᑰᒻᒪᖓᑖ ᓂᕈᐊᕋᒃᓴᓂᒃ ᓂᕈᐊᕋᒃᓴᐅᓂᐊᖅᑐᓂᒃ ᓄᓇᕗᑦ ᑐᙵᕕᒃᑯ ᑎᒥᖓ ᐊᖓᔪᖅᑳᑉ−ᑐᖏᓕᐊᓄᑦ.
ᑕᒃᓚᔅ ᐊᒡᒑᖅ (ᐃᒡᓗᓕᒑᕐᔪᒃ), ᔭᐃᒥᓯ ᐃᑦᑐᓗᒃ (ᑕᓗᕐᔪᐊᖅ) ᐊᒻᒪ ᔨᐊᓯ ᒪᐃᒃ (ᐃᖃᓗᐃᑦ) ᑐᓂᓯᓯᒪᓕᖅᐳᑦ ᓂᕈᐊᒐᒃᓴᐅᓂᕐᒧᑦ ᐸᐃᒃᐹᖁᑎᖏᓐᓂᒃ ᓂᕈᐊᒐᒃᓴᐅᓂᕐᒧᑦ ᐊᖓᔪᖅᑳᑉ ᑐᖏᓕᐊᓄᑦ. ᓂᕈᐊᒐᒃᓴᐃᑦ ᐱᕕᒃᓴᖃᖅᑐᑦ ᓱᓕ ᓄᕕᐱᕆ 3, 2014, 5-ᒥ ᐅᓐᓄᒃᓴᒃᑯᑦ ᖃᐅᔨᓴᐅᑎᖏᑦ ᓄᓇᓕᐅᑉ ᒪᓕᒃᓗᒋᑦ ᓴᑐᐃᓂᕐᒥᑦ ᐊᐃᑉᐹᖁᑎᖏᓐᓂᒃ ᓂᕈᐊᒐᒃᓴᐅᓂᕐᒧᑦ.
ᓂᕈᐊᖅᑏᑦ ᒫᓐᓇ ᐊᑐᕈᓐᓇᖅᑐᑦ ᑕᓪᓕᒪᓂᒃ 5 ᓂᕈᐊᕈᓐᓇᕈᑎᓂᒃ ᓄᓇᕗᑦ ᑐᓐᖓᕕᒃ ᑎᒥᖓᓐᓂ ᓂᕈᐊᕐᓇᐅᓂᐊᓄᑦ. ᓂᕈᐊᖅᑏᑦ ᓂᕈᐊᕈᓐᓇᖅᑐᑦ ᓯᕗᓂᐊᒍᑦ ᑎᓴᑉᐸ 1, ᓂᕈᐊᕐᓇᐅᑎᓪᓗᒍ ᑎᓴᑉᐸ 8, ᐅᐸᒃᑕᐅᓗᑎᒃᓘᓐᓃᑦ ᓄᓇᓯᐅᑎᒧᑦ ᓂᕈᐊᕐᕕᐅᓂᐊᖅᑐᒧᑦ, ᑎᓕᓯᓗᓂ ᓂᕈᐊᖅᑎᒋᓂᐊᖅᑕᖓᓂ ᑎᓕᔭᖓᓂᒃ ᐅᕝᕙᓘᓐᓃᑦ ᑎᑎᖅᑲᑎᒍᑦ …