ᐊᑯᓂᐅᓂᖓ ᒫᑦᓯ 31st 2034−ᒧᑦ
ᐃᓅᓯᓕᕆᔨᒃᑯᑦ ᐃᓕᖅᑯᓯᓕᕆᔨᒃᑯᓪᓗ ᐱᓕᕆᕝᕕᐊ
ᓄᓇᕗᑦ ᑐᙵᑯᒃ ᑎᒥᖓ
ᐃᖃᓗᐃᑦ, ᓄᓇᕗᒻᒥ ᐃᖅᑲᓇᐃᔭᕋᔭᖅᑐᖅ
ᑐᑭᒧᐊᑦᑎᑕᐅᓗᓂ ᐃᓄᐃᑦ ᐱᓕᕆᐊᖏᑦ ᐊᒻᒪᓗ ᐱᔨᑦᑎᖅᑕᐅᓂᖏᑕ ᑐᑭᒧᐊᑦᑎᑦᑎᔨᑉ ᑐᖏᓕᐊᑕ, ᐊᐅᓚᑦᓯᔨ ᑲᒪᒋᔭᖃᕋᔭᖅᑐᖅ ᓂᐅᕕᖃᑦᑕᕐᓗᓂ ᐊᒻᒪᓗ ᑳᓐᑐᕌᒃᑦ−ᓯᖃᑦᑕᕐᓗᓂ ᐃᓅᓯᓕᕆᔨᒃᑯᑦ ᐃᓕᖅᑯᓯᓕᕆᔨᒃᑯᓪᓗ ᐱᓕᕆᕝᕕᐊᓄᑦ. ᑖᓐᓇ ᐱᓕᕆᐊᒃᓴᖃᕋᔭᖅᑐᖅ ᐅᖃᐅᔾᔨᒋᐊᖃᑦᑕᕐᓗᓂ ᐊᒻᒪᓗ ᐊᐅᓚᓂᖃᑦᑎᐊᖅᑐᒃᑯᑦ ᐱᓕᕆᔩᑦ ᐃᖅᑲᓇᐃᔭᖃᑎᒌᒋᐊᓯᑎᑦᑎᖃᑦᑕᕐᓗᓂ ᐃᖅᑲᓇᐃᔭᖃᑎᖃᖃᑦᑕᕐᓗᓂᓗ ᐱᔨᑦᑎᖅᑕᐅᔪᓄᑦ, ᑮᓇᐅᔭᖃᖅᑎᑦᑎᔨᓄᑦ, ᐊᒻᒪᓗ ᐃᖅᑲᓇᐃᔭᖃᑎᒋᔭᐅᓲᓄᑦ, ᓴᐳᒻᒥᐅᓯᖅᓯᓯᓐᓈᑦ ᐱᓕᕆᕝᕕᑉ ᓵᑕᐅᓯᒪᔭᕆᐊᖃᕐᓂᖓᓂᒃ, ᓴᖅᑭᔮᖅᑐᒃᑯᑦ ᐃᖅᑲᓇᐃᔭᕆᐊᖃᕐᓂᖏᓐᓂᒃ ᐊᒻᒪᓗ ᓱᓕᔪᕆᔭᐅᔪᓐᓇᕐᓂᖓᓂᒃ. ᑳᓐᑐᕌᒃᑦ−ᓂᕐᒧᑦ ᐊᐅᓚᑦᓯᔨ ᐃᑲᔪᖅᑐᐃᒐᔭᖅᑐᖅ ᐱᒻᒪᕆᐅᔪᓄᑦ ᐱᓕᕆᐊᕐᓄᑦ ᐊᒻᒪᓗ ᑲᒪᒋᔭᐅᔪᓄᑦ, ᐱᓕᕆᖃᑎᒋᔭᐅᓪᓗᐊᓲᓂᒃ ᐅᖃᖃᑎᖃᖃᑦᑕᕐᓗᓂ ᐊᒻᒪᓗ ᑎᒍᒥᐊᖅᑎᐅᔪᓂᒃ ᐊᕕᑦᑐᖅᓯᒪᔪᒥ. ᐱᕕᖃᖅᑎᑕᐅᒐᔭᕆᕗᑎᑦ ᐊᓯᔾᔩᑦᑎᐊᕐᓗᑎᑦ ᐱᕙᓪᓕᐊᔪᓕᕆᓂᖏᓐᓂᒃ ᐊᒻᒪᓗ ᐃᓅᓯᖃᑦᓯᐊᓕᕐᓗᑎᑦ ᐃᓄᐃᑦ.
ᐊᐱᖅᓱᖅᑕᐅᔪᓐᓇᖁᓪᓗᑎᑦ ᐅᑯᓂᖓ ᐊᑐᕐᓂᑰᔭᕆᐊᖃᖅᑐᑎᑦ; ᑐᖔᓂᐅᙱᑦᑐᖅ ᐱᓕᕆᐊᒥᒃ ᐊᐅᓚᑦᓯᔨᓂᕐᒧᑦ ᓇᓗᓇᐃᒃᑯᑕᖅ ᐅᕝᕙᓘᓐᓃᑦ ᐱᖓᓱᓄᑦ ᐊᕐᕌᒍᓄᑦ ᓯᓚᑦᑐᖅᓴᕐᕕᕐᔪᐊᕐᒥ ᐃᓕᓐᓂᐊᕇᖅᓯᒪᓗᑎᑦ ᓇᓗᓇᐃᒃᑯᑕᖃᕐᓗᑎᑦ ᑖᔅᓱᒧᖓ ᐃᖅᑲᓇᐃᔮᕐᒧᑦ ᑐᕌᖓᔪᒧᑦ, ᐅᕝᕙᓘᓐᓃᑦ ᐱᖓᓱᑦ ᐊᕐᕌᒍᓄᑦ ᓇᓕᒧᓐᓂᖃᖅᑐᒥᒃ ᐃᖅᑲᓇᐃᔮᖃᕐᓂᑰᓗᑎᑦ ᐊᐅᓚᑦᓯᔨᐅᓗᑎᑦ. ᖃᐅᔨᒪᓂᖃᕐᓗᑎᑦ ᓄᓇᕗᑦ ᓄᓇᑖᕈᑕᐅᓂᖓᓄᑦ ᐊᖏᕈᑎᒥᒃ ᐊᒻᒪᓗ ᓄᓇᕗᑦ ᑐᙵᕕᒃ ᑎᒥᖓᑕ ᐱᓇᓱᐊᒐᖓᓂᒃ ᑎᓕᔭᐅᔾᔪᑎᒋᓯᒪᔭᖓᓂᒃ. ᖃᐅᔨᒪᓂᖃᕐᓗᑎᑦ ᐊᕕᑦᑐᖅᓯᒪᔪᒥ, ᓄᓇᕗᑦ, ᑲᓇᑕᒥ, ᐊᒻᒪᓗ ᓄᓇᕐᔪᐊᕐᒥ ᐃᓄᐃᑦ ᑲᑐᔾᔨᖃᑎᒌᖏᖕᓂᒃ. ᖃᐅᔨᒪᓂᖃᕐᓗᑎᑦ ᒐᕙᒪᒃᑯᑦ ᐊᐅᓚᔾᔪᓯᖏᓐᓂᒃ ᐊᒻᒪᓗ ᐅᑭᐅᖅᑕᖅᑐᒥᐅᑕᐅᓯᒪᓗᑎᑦ ᑲᒪᒋᔭᖃᕐᓂᑰᓗᑎᑦ ᒐᕙᒪᒃᑯᓐᓂ. ᖃᐅᔨᒪᓂᖃᕐᓗᑎᑦ ᐃᓄᐃᑦ ᐃᓅᓯᖏᑕ ᐃᓕᖅᑯᓯᖏᑕ ᐱᔾᔪᑎᖏᓐᓂᒃ (ᐱᒻᒪᕆᒋᔭᖏᑦ, ᑐᙵᕕᖏᑦ, ᑐᑭᓯᐅᒪᓂᖏᑦ ᑕᐅᑐᓐᓂᖏᓪᓗ ᓄᓇᕐᔪᐊᕐᒥ).
ᑕᑯᒃᓴᐅᑎᑦᑎᓯᒪᔪᒃᑯᑦ ᐅᔾᔨᖅᓱᕈᓐᓇᕐᓗᓂ ᐊᒻᒪᓗ ᐃᑉᐱᒍᓱᑦᑎᐊᕈᓐᓇᕐᓗᓂ ᐃᓄᐃᑦ ᐱᔾᔪᑎᖏᓐᓂᒃ. ᐃᖅᑲᓇᐃᔮᖃᖃᑦᑕᕐᓂᑰᓗᓂ ᐋᖅᑭᒃᓱᐃᓗᓂ ᐊᐅᓚᑦᑎᓗᓂᓗ ᑮᓇᐅᔭᖅᑐᕈᑎᒃᓴᓂᒃ. ᑎᒥᐅᔪᑦ ᓯᓚᑖᓃᑦᑐᓂᒃ ᑮᓇᐅᔭᖃᖅᑎᑦᑎᕙᑦᑐᓂᒃ ᐱᓕᕆᐊᕐᓂᓗ ᐊᐅᓚᑦᑎᓂᑰᖃᑦᑕᕐᓗᓂ. ᐅᖃᐅᔾᔨᒋᐊᖅᑎᑦᑎᖃᑦᑕᕐᓂᑰᓗᓂ ᐅᕝᕙᓘᓐᓃᑦ ᐊᑐᓕᖁᔭᓕᐅᖃᑦᑕᕐᓗᓂ ᐊᐅᓚᑦᑎᔨᒃᑯᓐᓄᑦ ᐃᑲᔪᖅᑐᖅᑕᐅᖁᓪᓗᒍ ᐱᓕᕆᐊᖅ ᐅᕝᕙᓘᓐᓃᑦ ᑲᒪᒋᔭᐅᔪᑦ ᐊᐅᓚᑕᐅᑎᓪᓗᒋᑦ. ᑕᑎᒋᔭᒃᓴᐅᑦᑎᐊᕐᓗᓂ ᐊᒻᒪᓗ ᐅᑉᐱᕆᔭᐅᔪᓐᓇᕐᓗᓂ ᑲᒪᔪᓐᓇᕐᓂᐊᕐᓂᖓᓂᒃ. ᐃᒻᒥᓂᒃ ᐱᒋᐊᖅᑎᑦᑎᓲᖑᓗᓂ ᑲᒪᒋᔭᕆᐊᓕᓐᓂᒃ ᓯᕗᒃᑲᖅᑕᕈᒪᓂᖃᑦᑎᐊᒻᒪᕆᓪᓗᓂ ᐱᒻᒪᕆᐅᔪᓂᒃ ᐃᓅᓯᕐᒧᑦ ᐃᓕᖅᑯᓯᕐᒧᓪᓗ ᑲᒪᒋᔭᒃᓴᒥᓂᒃ. ᑕᑯᒃᓴᐅᑎᑦᑎᓗᓂ ᑲᒪᒋᔭᖃᖃᑦᑕᕐᓂᑯᕆᒻᒪᒋᑦ ᐊᑕᐅᑦᑎᒃᑯᑦ ᐱᓕᕆᐊᖃᕐᓗᓂ ᐊᒥᓱᓂᒃ ᓯᕗᓪᓕᐅᔾᔭᐅᖁᔭᐅᔪᓂᒃ ᐊᒃᓱᕈᕐᓇᖅᑑᒐᓗᐊᖅᑎᓪᓗᒍ ᐊᔭᐅᖅᑕᐅᒐᓗᐊᖅᑎᓪᓗᒍᓗ ᐊᓯᖏᖕᓄᑦ ᐱᔭᕇᖅᓯᑎᑦᑎᖁᔨᔪᓄᑦ.
ᐃᖅᑲᓇᐃᔭᖅᑎᑖᕆᔭᐅᖅᑳᕋᔭᖅᑐᑦ ᐃᓄᐃᑦ ᐊᑎᓕᐅᖅᓯᒪᔪᑦ ᓄᓇᕗᑦ ᐊᖏᕈᑎᖓᓄᑦ.
ᐱᒋᐊᕐᓗᒍ ᑮᓇᐅᔾᔭᒃᓵᖓ ᐃᒪᓐᓇᐅᓗᑎᑦ $121,200.00 ᐊᕐᕌᒍᒧᑦ (ᐊᒥᓲᓂᖏᑦ ᒪᓕᒃᑲᔭᖅᑐᑦ ᐃᖅᑲᓇᐃᔮᕆᖃᑦᑕᕐᓂᑯᒥᓂᖓᓂᒃ) ᐃᑲᔫᓯᐊᕐᓂᕐᒧᑦ ᑲᑎᖅᓱᖅᑕᐅᓯᒪᔪᑦ ᐱᖃᑦᑕᕐᓗᓂ ᐱᖃᓯᐅᑎᓪᓗᒋᑦ ᐃᖅᑲᓇᐃᔭᖅᑏᑦ ᐃᖅᑲᓇᐃᔭᕈᓐᓃᕈᑎᒋᓛᖅᑕᖏᑦ, ᐃᖅᑲᓇᐃᔭᖅᑏᑦ ᓇᓪᓕᐅᒃᑯᒫᑦ ᐊᒻᒪᓗ ᕿᑲᕆᐊᕐᓂᕐᒧᑦ ᐃᑲᔫᑏᑦ.
ᐃᒡᓗᒧᑦ ᐃᑲᔫᑏᑦ $35,865.00
ᐃᖅᑲᓇᐃᔮᑉ ᓇᓗᓇᐃᔭᖅᓯᒪᓂᖏᓐᓂᒃ ᐱᔪᒪᒍᕕᑦ, ᖃᐅᔨᒃᑲᕐᓗᒋᑦ:
ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᕗᑦ ᑐᙵᕕᒃ ᑎᒥᖓ
ᑲᖏᖅᖠᓂᖅ, ᓄᓇᕗᑦ X0C-0G0
ᐅᖄᓚᐅᑎᖓ: 867-645-5408
ᓱᑲᑦᑐᒃᑯᑦ 867-645-3872
ᒪᑐᕕᒃᓴᖓ ᐅᓪᓗᖅ: ᔪᓚᐃ 10, 2026
ᐱᓇᓱᐊᒐᕗᑦ: ᐃᓄᐃᑦ ᐱᕙᓪᓕᐊᔪᓕᕆᓂᖏᑦ, ᐃᓅᓯᖏᑦ, ᐊᒻᒪᓗ ᐃᓕᖅᑯᓯᖏᑦ ᖃᓄᐃᑦᑕᐃᓕᒪᑎᑕᐅᓗᑎᑦ ᐊᑐᓕᖅᑎᑕᐅᓂᖓᑎᒍᑦ ᓄᓇᕗᑦ ᐊᖏᕈᑎᖓ.
LOCATION: IqaluitCLOSING DATE: July 10, 2026
