ᐅᖃᕐᕕᒋᑎᒍᑦ

Job Openings

ᐆᒪᔪᓕᕆᓂᕐᒧᑦ ᖃᐅᔨᒪᔨᑕᖅ

ᐆᒪᔪᓕᕆᓂᕐᒧᑦ ᖃᐅᔨᒪᔨᑕᖅ
ᐆᒪᔪᓕᕆᓂᕐᒧᑦ ᐊᕙᑎᓕᕆᓂᕐᒧᓪᓗ ᐱᓕᕆᕝᕕᐊᓂ
ᓄᓇᕗᑦ ᑐᙵᕕᒃ ᑎᒥᖓ
ᐃᖃᓗᐃᑦ, ᓄᓇᕗᑦ
 
ᑐᑭᒧᐊᒃᑎᑦᑎᔨᖃᕐᓗᓂ ᐆᒪᔪᓕᕆᓂᕐᒧᑦ ᑐᑭᒧᐊᒃᑎᑦᑎᔨᖓᓂᒃ, ᐆᒪᔪᓕᕆᓂᕐᒧᑦ ᖃᐅᔨᒪᔨᑕᖅ ᐅᖃᐅᔾᔨᒋᐊᖅᑎᐅᖃᑦᑕᓂᐊᖅᑐᖅ ᑲᔪᓯᑎᑦᓯᓂᕐᒥᒃ ᐃᓄᐃᑦ ᐆᒪᔪᓕᕆᓂᕐᒧᑦ ᐊᖑᓇᓱᓐᓂᕐᒧᑦ ᐱᔪᓐᓇᐅᑎᖏᓐᓂᒃ ᐊᒻᒪᓗ ᐃᓄᐃᑦ ᐱᓕᕆᐊᒃᓴᖏᓐᓂᒃ ᐊᒃᑐᐊᔪᓂᒃ ᐆᒪᔪᓕᕆᓂᕐᒧᑦ ᐊᒻᒪᓗ ᓄᓇᒦᙶᖅᑐᓕᕆᓂᕐᒧᑦ ᓴᓇᕕᓐᓂ ᓄᓇᕗᒻᒥ ᓄᓇᕗᑦ ᐊᖏᕈᑎᖓᒍᑦ. ᖃᐅᔨᒪᔨᑕᖅ ᐃᓚᒋᔭᐅᖃᑦᑕᓂᐊᖅᑐᖅ ᐸᕐᓇᐅᑎᓕᐅᕐᓂᒧᑦ, ᐊᑐᐊᒐᕐᓂᒃ ᐊᐅᓚᑦᓯᔾᔪᑎᓂᓪᓗ ᓇᓗᓇᐃᕈᑎᒃᓴᓂᒃ ᓄᓇᕗᑦ ᓂᕐᔪᑎᖏᑦ ᐊᒻᒪᓗ/ᐅᕝᕙᓘᓐᓃᑦ ᓄᓇᒦᙶᖅᑐᑦ ᐊᐅᓚᑕᐅᑦᓯᐊᖁᓪᓗᒋᑦ ᐊᐅᓚᑕᐅᓗᑎᒃ ᐱᕕᓕᒫᖓᒍᑦ ᐃᑲᔫᑎᖃᕈᓐᓇᖁᓪᓗᒋᑦ ᐃᓄᓐᓄᑦ ᓄᓇᕗᒻᒥ.
 
ᐃᖅᑲᓇᐃᔮᖅᑖᖅᑎᑕᐅᔪᖅ ᐃᓕᓐᓂᐊᖅᓯᒪᒋᐊᓕᒃ ᐃᓕᓴᕆᔭᐅᔾᔪᑎᑖᕈᑎᒋᓯᒪᓗᓂᐅᒃ ᐅᕝᕙᓘᓐᓃᑦ ᓯᓚᑦᑐᓴᕐᕕᒻᒥ ᓇᓗᓇᐃᒃᑯᑕᒻᒪᕆᒻᒥᒃ ᐊᒃᑐᐊᔪᒥᒃ ᐊᐅᓚᑕᐅᔪᒧᑦ; ᒥᑭᓂᖅᐹᕆᒍᓐᓇᖅᑕᖓ (3) ᐊᕐᕌᒍᑦ ᖃᐅᔨᓴᖅᑐᓕᕆᓂᕐᒧᑦ ᐊᑐᐊᒐᓕᕆᓂᕐᒧᓪᓗ ᑲᒪᒋᔭᖃᖅᓯᒪᓗᓂ ᐊᒻᒪᓗ 5 ᐊᕐᕌᒍᑦ ᐆᒪᔪᓕᕆᓯᒪᓗᓂ ᐊᒻᒪᓗ/ᐅᕝᕙᓘᓐᓃᑦ ᐆᒪᔪᓕᕆᓂᕐᒧᑦ ᒪᓕᒐᕐᓄᑦ ᐸᓖᓯᐅᓯᒪᓗᓂ. ᐃᖅᑲᓇᐃᔮᖅᑖᖅᑎᑕᐅᔪᖅ ᖃᐅᔨᒪᓂᖃᑦᓯᐊᕆᐊᓕᒃ ᓄᓇᕗᑦ ᐊᖏᕈᑎᖏᓐᓂᒃ ᐊᒻᒪᓗ …

>> Read More

ᐱᓕᕆᐊᒃᓴᓕᕆᔨ − ᐳᕙᓪᓗᓂᖅ ᓄᖑᑎᑕᐅᖁᓪᓗᒍ

ᐱᓕᕆᐊᒃᓴᓕᕆᔨ − ᐳᕙᓪᓗᓂᖅ ᓄᖑᑎᑕᐅᖁᓪᓗᒍ
ᐃᓅᓯᓕᕆᔨᒃᑯᑦ
ᓄᓇᕗᑦ ᑐᙵᕕᒃ ᑎᒥᖓ
ᐃᖃᓗᐃᑦ, ᓄᓇᕗᑦ
ᐱᖓᓱᓄᑦ (3) ᐊᕐᕌᒍᓄᑦ ᐃᓱᓕᕝᕕᓕᒃ
ᐱᓕᕆᐊᒃᓴᓕᕆᔨ ᐳᕙᓪᓗᓐᓂᖅ ᓄᖑᑎᑕᐅᖁᓪᓗᒍ (TB) ᐱᓕᕆᐊᒃᓴᓪᓗᐊᑕᖓ ᓯᕗᓕᕐᓂᕐᒥᒃ ᑲᔪᓯᑎᑦᓯᓂᕐᒥᒃ ᐊᕕᑦᑐᖅᓯᒪᓃᑦ ᐊᐅᓚᔾᔭᐃᓂᕐᒧᑦ ᐸᕐᓇᐅᑎᖏᓐᓂᒃ (RAP) ᐊᐅᓚᑕᐅᔪᓂᒃ ᐃᑲᔪᖅᑕᐅᓂᒃᑯᑦ ᑐᙵᕕᒃᑯᑦ ᐃᓅᓯᓕᕆᔨᒃᑯᖏᓐᓂᒃ (SDC) ᐊᒻᒪᓗ TB ᓄᖑᑎᑕᐅᖁᓪᓗᒍ ᐱᓇᓱᐊᖃᑕᐅᔪᓂᒃ. ᐱᓕᕆᐊᒃᓴᓕᕆᔨ ᐱᓕᕆᖃᑎᖃᕐᓂᐊᖅᑐᖅ ᑲᑐᔾᔨᖃᑎᖃᑦᓯᐊᕐᓗᓂ ᓄᓇᕗᒻᒥ ᐳᕙᓪᓗᓂᕐᒧᑦ ᖃᐅᔨᒪᔨᑕᑦ ᑲᑎᒪᔨᕋᓛᖏᓐᓂᒃ, ᓄᓇᕗᑦ ᒐᕙᒪᒃᑯᖏᓐᓂᒃ, ᐊᕕᑦᑐᖅᓯᒪᓃᑦ ᐃᓄᐃᑦ ᑲᑐᔾᔨᖃᑎᒌᑦ, ᐃᓄᐃᑦ ᑕᐱᕇᑦ ᑲᓇᑕᒥ, ᐊᒻᒪᓗ ᐊᓯᖏᓐᓂᒃ ᐱᓇᓱᐊᖃᑕᐅᔪᓂᒃ ᓯᕗᒧᐊᒃᑎᑕᐅᕙᓪᓕᐊᓂᖓᓄᑦ ᓄᖑᑎᑕᐅᓂᖓᓂᒃ TB ᓄᓇᕗᑦ ᓄᓇᓕᖏᓐᓂ.
ᐱᓕᕆᔨᐅᔪᖅ ᐊᔾᔨᒌᙱᑦᑐᓂᒃ−ᐱᓕᕆᒍᓐᓇᕆᐊᓕᒃ. ᑐᑦᑕᕐᕕᐅᓗᓂ ᑐᙵᕕᒃᑯᑦ ᐃᓅᓯᓕᕆᔨᒃᑯᖏᓐᓄᑦ, ᐊᓯᖏᓐᓄᑦ ᑐᙵᕕᒃᑯᓐᓂ ᐱᓕᕆᕝᕕᓐᓄᑦ, ᐊᕕᑦᑐᖅᓯᒪᓃᑦ ᐃᓄᐃᑦ ᑲᑐᔾᔨᖃᑎᒌᓄᑦ ᐊᒻᒪᓗ ᓯᓚᑖᓃᙶᖅᑐᓄᑦ ᐱᓇᓱᐊᖃᑕᐅᔪᓄᑦ ᓲᕐᓗ ᓄᓇᕗᑦ ᒐᕙᖓᒪ, ᓄᓇᓕᑦᑎᒍᑦ ᖃᓄᐃᙱᓯᐊᖅᑐᓕᕆᔩᑦ, …

>> Read More

ᑐᓴᐅᒪᔾᔪᑎᓕᕆᔨ

ᑐᓴᐅᒪᔾᔪᑎᓕᕆᔨ
ᑐᓴᐅᒪᔾᔪᑎᓕᕆᔨᒃᑯᑦ ᐱᓕᕆᕝᕕᐊᑦ
ᓄᓇᕗᑦ ᑐᓐᖓᕕᒃ ᑎᒥᖓ
ᐃᖃᓗᐃᑦ, ᓄᓇᕗᑦ
ᑐᑭᒧᐊᒃᑎᑦᓯᒍᑎᖓᒍᑦ ᑐᑭᒧᐊᒃᑎᑦᑎᔨᖓᑕ ᑐᓴᐅᒪᔾᔪᑎᓕᕆᔨᒃᑯᑦ ᓄᓇᕗᑦ ᑐᙵᕕᒃ ᑎᒥᖓᓂ (ᑐᙵᕕᒃ), ᑐᓴᐅᒪᔾᔪᑎᓕᕆᔨ ᐱᓕᕆᐊᒃᓴᕆᓂᐊᖅᑕᖏᑦ ᐊᐅᓚᑦᓯᓂᖅ, ᐋᖅᑭᐅᒪᑦᓯᓂᖅ ᐊᒻᒪᓗ ᐃᑲᔪᖅᑎᐅᓂᖅ ᐱᓕᕆᐊᖑᔪᓂᒃ ᓄᓇᕗᑦ ᑐᙵᕕᒃ ᑎᒥᖓᓂ ᓯᕗᓕᖅᑏᑦ ᑲᑎᒪᔨᕋᓛᖏᓐᓄᑦ, ᑲᑎᒪᔩᑦ, ᑮᓇᐅᔭᓕᕆᔨᒃᑯᑦ ᑲᑎᒪᔨᕋᓛᑦ, ᑎᒥᖁᑎᖏᓐᓄᑦ ᐊᒻᒪᓗ ᐊᓯᖏᓐᓄᑦ ᑎᒥᐅᔪᓄᑦ ᓄᐊᖃᑦᑕᕐᓗᒋᑦ ᑲᑎᖅᓱᕐᓗᒋᓪᓗ ᑐᓴᐅᒪᔾᔪᑏᑦ ᐱᕕᒃᓴᖃᑦᓯᐊᖁᓪᓗᒋᑦ ᐃᑲᔫᑎᖃᕐᓗᑎᓪᓗ ᐃᓱᒪᓕᐅᕈᑕᐅᒋᐊᓕᓐᓄᑦ.
ᐃᖅᑲᓇᐃᔭᖅᑎᑖᕆᔭᐅᒍᒪᔪᖅ ᓇᓗᓇᐃᒃᑯᑕᖅᑖᖅᓯᒪᒋᐊᓕᒃ ᐅᕝᕙᓘᓐᓃᑦ ᐊᐅᓚᑦᓯᔨᐅᓂᕐᒧᑦ ᓇᓗᓇᐃᒃᑯᑕᒻᒪᕆᒻᒥᒃ ᐅᕝᕙᓘᓐᓃᑦ ᐊᔾᔨᐸᓗᐊᓂᒃ ᓇᓗᓇᐃᒃᑯᑕᕐᒥᒃ/ᐃᓕᓐᓂᐊᖅᓯᒪᓂᒃᑯᑦ ᐅᖃᓕᒫᓕᕆᔨᐅᓂᕐᒥᒃ, ᐊᒻᒪᓗ ᖃᐅᔨᒪᔭᐅᔾᔪᑎᖃᕐᓗᓂ ᐃᓕᓴᕆᔭᐅᓯᒪᔪᒃᑯᑦ ᐱᓕᖕᒪᒃᓴᖅᓯᒪᓂᖓᓂᒃ ᖃᕆᓴᐅᔭᓕᕆᔾᔪᑎᓂᒃ ᐅᑯᓂᖓ SharePoint. ᐃᖅᑲᓇᐃᔮᑦᓴᖅᑖᕋᓱᐊᖅᑐᖅ ᑎᑎᕋᕈᓐᓇᖅᓯᐊᕆᐊᓕᒃ, ᑲᑎᒪᔾᔪᑎᓕᕆᒍᓐᓇᕐᓗᓂ, ᐱᓕᕆᐊᖃᕈᓐᓇᕐᓗᓂ ᐊᒥᓱᓂᒃ ᐊᔾᔨᒌᙱᑦᑐᓂᒃ ᐱᓕᕆᐊᒃᓴᓂᒃ ᑭᖑᕙᕆᐊᖃᙱᑦᑐᓂᒃ ᐃᓱᓕᕝᕕᓕᓐᓂᒃ ᐊᒻᒪᓗ ᖃᐅᔨᒪᔭᐅᔾᔪᑎᖃᕐᓗᓂ ᐃᓱᕐᕆᐅᑎᓕᕆᓂᕐᒥᒃ ᖃᐅᔨᒪᓂᕐᒥᒃ ᐅᓪᓗᒥᓯᐅᑎᓂᒃ ᑐᖅᑯᐃᕕᓐᓂᒃ ᐱᑐᖃᕐᓂᖅ ᐊᒻᒪᓗ ᑎᑎᖅᑭᕆᓂᕐᒧᑦ ᑐᙵᕕᒋᔭᐅᒋᐊᓕᓐᓂᒃ …

>> Read More

ᑐᓴᐅᒪᔾᔪᑎᓕᕆᔨ ᓄᓇᕗᑦ ᑐᓐᖓᕕᒃ ᑎᒥᖓ ᐃᖃᓗᐃᑦ, ᓄᓇᕗᑦ

ᑐᑭᒧᐊᒃᑎᑦᓯᒍᑎᖓᒍᑦ ᑐᑭᒧᐊᒃᑎᑦᑎᔨ ᑐᓴᐅᒪᔾᔪᑎᓕᕆᔨᒃᑯᓐᓂ, ᑐᑦᑕᕕᓪᓗᐊᑕᐅᓂᐊᖅᑐᑎᑦ ᖃᐅᔨᒋᐊᕐᕕᐅᖃᑦᑕᓂᕐᒧᑦ ᑐᓴᐅᒪᔾᔪᑎᓂᒃ ᑭᒃᑯᑐᐃᓐᓇᕐᓂᒃ, ᑲᒪᖃᑦᑕᕐᓗᑎᓪᓗ ᐊᑐᖅᑕᐅᒋᐊᓕᓐᓂᒃ ᐊᒻᒪᓗ ᖃᓄᐃᓕᐅᕈᑕᐅᓂᐊᖅᑐᓂᒃ ᐸᕐᓇᖃᑦᑕᕐᓗᑎᑦ ᑲᑐᔾᔨᖃᑎᒌᓄᑦ ᑭᒃᑯᑐᐃᓐᓇᕐᓄᑦ ᖃᓄᐃᓕᐅᕈᑕᐅᓂᐊᖅᑐᓂᒃ ᐊᒻᒪᓗ ᑲᑎᒪᓂᓕᒫᓄᑦ. ᐱᓕᕆᐊᕆᖃᑦᑕᓂᐊᖅᑕᑎᑦ ᐊᓯᖏᑦ ᐋᖅᑭᐅᒪᑦᓯᓂᖅ ᐋᖅᑭᑦᓱᐃᖃᑦᑕᓂᕐᓗ ᓱᓇᑐᐃᓐᓇᕐᓂᒃ, ᐃᓚᒋᔭᐅᓗᑎᒃ ᑐᓴᕈᑎᓕᐅᖃᑦᑕᕐᓂᖅ, ᐊᐅᓚᑦᓯᓂᖅ ᑐᓂᐅᖅᑲᖅᑕᐅᒋᐊᖃᕐᓂᖏᓐᓂᒃ ᑕᒪᒃᑯᐊ ᐊᒻᒪᓗ ᖃᓄᐃᓕᐅᕈᑕᐅᕙᓪᓕᐊᔪᓂᒃ. ᐱᓕᕆᐊᕆᖃᓯᐅᑎᖃᑦᑕᕐᓗᒋᑦᑕᐅᖅ ᐊᓯᖏᑦ ᐱᓕᐊᒃᓴᑦ, ᐃᓚᒋᔭᐅᓪᓗᑎᒃ ᐋᖅᑭᐅᒪᑦᓯᓂᖅ ᓴᖅᑮᖃᑦᑕᓂᒃᑯᑦ ᖃᐅᔨᔭᐅᕙᓪᓕᐊᒍᑎᒃᓴᓂᒃ, ᐊᐅᓚᑦᓯᓗᑎᒃ ᐱᓕᕆᐊᒃᓴᓂᒃ ᑲᑎᒪᔩᑦ ᑲᑎᒪᓂᖏᓐᓄᑦ ᐊᒻᒪᓗ ᐊᕐᕌᒍᑕᒫᕐᓯᐅᒻᒥᒃ ᑲᑎᒪᓂᕐᓄᑦ, ᐃᓚᒋᔭᐅᓗᑎᒃ ᑲᒪᒋᔭᖃᖃᑦᑕᕐᓂᖅ ᐊᐅᓪᓚᖅᑎᖃᑦᑕᕆᐊᓕᓐᓂᒃ ᓂᐱᓕᕆᔾᔪᑎᓂᒃ.  ᑲᒪᒋᖃᓯᐅᑎᖃᑦᑕᓂᐊᕐᒥᔭᑎᑦ ᐊᑭᓕᒐᑦᓴᑦ ᐊᑭᓕᖅᑕᐅᒋᐊᓖᑦ, ᓂᐅᕕᕈᑎᓕᕆᓂᖅ ᐊᒻᒪᓗ ᐋᖅᑭᐅᒪᑦᓯᓂᖅ ᑎᑎᕋᕐᓯᒪᔪᓂᒃ RIM−ᒥ.
ᑖᓐᓇ ᐱᓕᕆᐊᒃᓴᖅ ᐊᔪᙱᓐᓂᖃᕆᐊᓕᒃ ᐊᐅᓚᑦᓯᒍᓐᓇᓂᕐᒥᒃ ᐊᑕᐅᓯᐅᙱᑦᑐᒥᒃ ᐱᓕᕆᐊᓂᒃ, ᓴᖅᑭᕆᐊᓕᓐᓂᒃ ᐊᒻᒪᓗ ᖃᓄᐃᓕᐅᕈᑕᐅᓂᐊᖅᑐᓂᒃ ᐊᑕᐅᑦᓯᒃᑯᑦ ᑲᒪᒋᒍᓐᓇᕐᓗᒋᑦ, ᐋᖅᑭᐅᒪᑦᓯᓯᓐᓈᑦ ᑲᒪᒋᔭᕆᐊᓕᓐᓂᒃ ᐱᕙᓪᓕᐊᑎᑦᓯᓂᕐᒥᒃ, ᑐᓂᐅᖅᑲᐃᓂᕐᒥᒃ, ᐊᒻᒪᓗ …

>> Read More

ᐱᓕᕆᐊᖑᑲᐃᓐᓇᖅᑐᓄᑦ ᑐᑦᑕᕐᕕᒃ – ᒪᑭᒋᐊᖅᑕ ᐃᓄᐃᑦ ᐃᓕᓐᓂᐊᕐᓂᖏᓐᓄᑦ ᑯᐊᐳᕇᓴᓐ

ᑐᑭᒧᐊᒃᑎᑕᐅᓗᑎᒃ ᓄᓇᕗᑦ ᑐᙵᕕᒃ ᑎᒥᖓᑦᑕ ᑐᑭᒧᐊᒃᑎᑦᑎᔨᐊᓐᓄᑦ ᒪᑭᒋᐊᖅᑕ ᐃᓄᐃᑦ ᐃᓕᓐᓂᐊᕐᓂᖏᓐᓄᑦ ᑯᐊᐳᕇᓴᓐ, ᐱᓕᕆᐊᖑᑲᐃᓐᓇᕐᓂᐊᖅᑐᓄᑦ ᑐᑦᑕᕐᕕᒃᓴᖅ ᐱᑕᖃᖅᑎᑦᓯᖁᓪᓗᒍ ᐊᐅᓚᑕᐅᓂᖏᓐᓄᑦ ᐃᑲᔪᖅᓱᐃᔾᔪᑎᓂᒃ ᐱᓕᕆᕕᐊᓛᖓᓄᑦ ᒪᑭᒋᐊᖅᑕ ᐃᓄᐃᑦ ᐃᓕᓐᓂᐊᕐᓂᖏᓐᓄᑦ ᑯᐊᐳᕇᓴᓐ. ᑖᓐᓇ ᑐᑦᑕᕐᕕᐅᔪᖅ ᐱᓕᕆᐊᖃᕐᓂᐊᖅᑐᖅ ᑕᒪᒃᑯᐊ ᐊᑭᓕᖅᑐᕆᐊᓖᑦ ᐊᑭᓕᖅᑕᐅᑦᓯᐊᖃᑦᑕᕋᓗᐊᕐᒪᖔᑕ ᑭᖑᕙᓗᐊᓐᖏᓪᓗᑎᒃ, ᑳᓐᑐᕌᑦ ᑎᑎᖅᑕᐅᖃᑦᑕᕐᓗᑎᒃ ᖃᕆᓴᐅᔭᒃᑯᑦ ᐃᓂᖓᓄᑦ ᐊᒻᒪ ᐱᓕᕆᖃᑎᖃᕐᓗᓂ ᐊᔾᔨᒌᓐᖏᑦᑐᓂᒃ ᑲᑐᔾᔨᖃᑎᒌᓂᒃ ᑕᒪᒃᑯᐊ ᑎᑎᖅᑲᖁᑕᐅᔪᑦ ᐱᐊᓂᒃᑕᐅᓯᒪᑦᓯᐊᖁᓪᓗᒋᑦ ᑕᒻᒪᖅᓯᒪᓐᖏᓪᓗᑎᒃ ᓲᕐᓗ ᑐᒃᓯᕋᐅᑏᑦ, ᕿᑎᐊᓂ ᐅᓂᒃᑳᓕᐅᖅᓯᒪᒋᐊᓖᑦ ᐊᒻᒪ ᑮᓇᐅᔭᓕᕆᔾᔪᑎᕕᓂᕐᒧᑦ ᐅᓂᒃᑳᕈᑏᑦ ᑎᑎᕋᖅᓯᒪᔪᑦ.  ᐊᒻᒪ ᑐᑦᑕᕐᕕᐅᓗᓂ ᑲᒪᒋᔭᖃᕐᓂᐊᖅᑐᖅ ᐃᖏᕐᕋᔾᔪᑎᒃᓴᖏᓐᓂᒃ ᐊᒻᒪ ᖃᐅᑕᒫᖅᓯᐅᑏᑦ ᐊᑭᓕᖅᑑᑎᒃᓴ ᐃᖅᑲᓇᐃᔭᖅᑎᓄᑦ ᐊᒻᒪ ᑲᑎᒪᔨᖏᓐᓄᑦ ᑖᒃᑯᐊ ᐅᖃᐅᔾᔨᒋᐊᕆᓂᕐᒧᑦ ᑲᑎᒪᔩᑦ.  ᐋᖅᑭᒃᐸᓪᓕᐊᖃᑦᑕᕐᓗᒋᑦ ᑲᑎᒪᓂᒃᓴᑦ ᐱᓕᕆᕕᐊᓛᕐᒧᑦ ᐃᓚᐅᓗᑎᒃ ᐃᓂᒃᓴᖅᑖᕐᓂᖅ ᑲᑎᒪᕕᒃᓴᒥᒃ ᐊᒻᒪ ᐃᑲᔪᕐᓗᓂ ᑎᑎᕋᖅᑕᐅᓂᖏᓐᓂᒃ ᑲᑎᒪᔾᔪᑕᐅᔪᑦ ᑕᐃᒪᓐᓇᒋᐊᖃᖅᐸᑦ.
 
ᑖᓐᓇ …

>> Read More

Assistant Director of Implementation

ᑐᑭᒧᐊᒃᑎᑦᑎᔨᒧᑦ ᐃᑲᔪᖅᑎ ᐊᑐᓕᖅᑎᑦᑎᕙᓪᓕᐊᔪᓕᕆᔨᒃᑯᓐᓂ
ᓄᓇᕗᑦ ᑐᙵᕕᒃ ᑎᒥᖓ
ᐃᖃᓗᐃᑦ, ᓄᓇᕗᑦ
ᑐᑭᒧᐊᒃᑎᑦᑎᔨᖃᕐᓗᓂ ᐊᑐᓕᖅᑎᑦᑎᕙᓪᓕᐊᔪᓕᕆᔨᒃᑯᑦ ᑐᑭᒧᐊᒃᑎᑦᑎᔨᖓᓂᒃ, ᐃᑲᔪᖃᑦᑕᓂᐊᖅᑐᑎᑦ ᑐᑭᒧᐊᒃᑎᑕᐅᒋᐊᓕᓐᓂᒃ ᐊᑐᓕᖅᑎᑦᑎᕙᓪᓕᐊᔪᓕᕆᔨᒃᑯᑦ ᐱᓕᕆᕝᕕᐊᓂᒃ ᐊᒻᒪᓗ ᐸᕐᓇᓂᕐᒧᑦ ᐊᑐᓕᖅᑎᑦᑎᓂᕐᒧᓪᓗ ᓄᓇᕗᑦ ᑐᙵᕕᒃ ᑎᒥᖓᑕ (ᑐᙵᕕᒃ) ᐱᓕᕆᐊᖏᓐᓂᒃ ᐊᐅᓚᑕᖏᓐᓂᓪᓗ. ᓯᕗᓕᖃᑦᑕᕐᓗᑎᓪᓗ ᐊᑐᓕᖅᑎᑕᐅᕙᓪᓕᐊᓂᖏᓐᓂᒃ ᐊᑐᐊᒐᑦ, ᐸᕐᓇᐅᑎᑦ ᐊᒻᒪᓗ ᐊᑐᖅᑕᐅᕙᑦᑐᑦ ᑐᙵᕕᒃᑯᓐᓂ.
ᐊᔪᙱᓐᓂᕆᖃᓯᐅᑎᒋᐊᓕᑎᑦ ᐱᓕᕆᐊᖃᖅᓯᒪᓂᖅ ᐋᖅᑭᑦᓱᐃᓂᕐᒥᒃ ᐊᐅᓚᑦᓯᓂᕐᒥᓪᓗ ᐱᓕᕆᐊᓂᒃ ᐊᒻᒪᓗ ᑮᓇᐅᔭᖅᑑᑎᒃᓴᓂᒃ, ᐊᒻᒪᓗ ᓱᖅᑯᐃᖅᑕᐅᓯᒪᓗᑎᑦ ᐊᔪᙱᓐᓂᕐᓂᒃ ᑲᑦᓱᖓᐃᓕᖅᑎᑦᓯᖃᑦᑕᓂᕐᒥᒃ ᐊᐅᓚᑦᓯᓂᕐᒥᓪᓗ ᐃᖅᑲᓇᐃᔭᖅᑎᓂᒃ ᑳᓐᑐᓛᒃᑕᐅᓯᒪᔪᓂᓪᓗ. ᖃᐅᔨᒪᓂᖃᕆᐊᖃᖅᑐᑎᑦ ᓄᓇᕗᑦ ᐊᖏᕈᑎᖏᓐᓂᒃ, ᑐᙵᕕᒃᑯᑦ ᐱᓂᐊᕐᓂᕋᐅᑎᖏᓐᓂᒃ, ᐱᓕᕆᐊᒃᓴᖏᓐᓂᒃ ᐊᐅᓚᑕᖏᓐᓂᓪᓗ. ᐱᓕᕆᐊᓂᒃ ᐊᐅᓚᑦᓯᖃᑦᑕᖅᓯᒪᒋᐊᖃᖅᑐᑎᑦ ᐊᒻᒪᓗ ᖃᐅᔨᓴᕈᓐᓇᕐᓗᑎᑦ ᐊᒻᒪᓗ ᑐᑭᓕᐅᕆᒍᓐᓇᕐᓗᑎᑦ ᐊᑐᐊᒐᕐᓂᒃ, ᒪᓕᒐᑦᓴᓂᒃ ᐊᒻᒪᓗ ᐊᐅᓚᑦᓯᔾᔪᑎᓂᒃ. ᐱᓕᕆᐊᖃᖃᑦᑕᕐᓗᑎᓪᓗ ᐅᓄᖅᑐᓂᒃ ᐊᐅᓚᑕᐅᒋᐊᓕᓐᓂᒃ, ᐃᓱᓕᑦᑕᕐᕕᓕᓐᓂᒃ ᐱᓕᕆᐊᖑᓯᒪᔭᕆᐊᖃᖅᑐᓂᒃ ᐊᑦᓱᕈᐊᖃᖃᑦᑕᕐᓗᑎᑦ, ᐊᒻᒪᓗ ᐃᖅᑲᓇᐃᔭᕈᓐᓇᓯᐊᕐᓗᑎᑦ ᐊᒻᒪᓗ ᐃᖅᑲᓇᐃᔭᖃᑎᖃᕈᓐᓇᓯᐊᕐᓗᑎᑦ ᓇᑭᑐᐃᓐᓈᖅᓯᒪᔪᓂᒃ ᑲᑐᔾᔨᖃᑎᒌᑦᑐᓂᒃ …

>> Read More

ᐃᓄᐃᑦ ᖃᐅᔨᓴᖅᑕᐅᓂᖏᓐᓄᑦ ᖃᐅᔨᒪᔨᑕᖅ ᑐᑭᓯᓇᓱᐊᕐᓂᖅ, ᖃᐅᔨᓴᕐᓂᖅ ᐊᒻᒪᓗ ᓱᖅᑯᐃᖅᓯᓇᓱᐊᕐᓂᖅ ᓄᓇᕗᑦ ᑐᙵᕕᒃ ᑎᒥᖓ ᐃᖃᓗᐃᑦ, ᓄᓇᕗᑦ

ᐃᓄᐃᑦ ᖃᐅᔨᓴᖅᑕᐅᓂᖏᓐᓄᑦ ᖃᐅᔨᒪᔨᑕᖅ ᓯᕗᒧᐊᒃᑎᑦᓯᓂᐊᖅᑐᖅ ᑐᙵᕕᒃᑯᑦ ᖃᐅᔨᓴᕐᓂᕐᒧᑦ ᑲᒪᒋᔭᒃᓴᖏᓐᓂᒃ ᐃᓚᒋᔭᐅᓂᕐᒥᓄᑦ ᐅᑯᓄᖓ, ᐋᖅᑭᐅᒪᑦᓯᓂᖅ, ᖃᐅᔨᓴᕐᓂᕐᓗ ᑐᑭᓯᔭᐅᓇᓱᐊᖅᓯᒪᔪᓂᒃ ᓄᓇᕗᒻᒥ. ᐃᖅᑲᓇᐃᔮᒃᑯᑦ ᐱᓇᓱᐊᖅᑎᐅᓂᐊᖅᑐᖅ ᐱᒻᒪᕆᐅᔪᒥᒃ ᓇᓗᓇᐃᕈᑎᒃᓴᒥᒃ ᐃᓄᐃᑦ ᐱᖕᒪᕆᐅᔪᖁᑎᖏᑦ ᐃᓱᒫᓘᑎᖏᓪᓗ ᐃᓱᒪᒃᓴᖅᓯᐅᕈᑕᐅᖃᑦᑕᖁᓪᓗᒋᑦ ᑐᑭᓯᓇᓱᐊᕈᑕᐅᔪᓕᒫᓂ ᓄᓇᕗᒻᒥ ᐊᒻᒪᓗ ᓇᓗᓇᐃᕈᑕᐅᓗᓂ ᓂᕆᐅᒃᑖᑦᓴᑦ ᐊᒻᒪᓗ ᐃᓱᒫᓘᑏᑦ ᐃᓄᐃᑦ ᐱᔪᓐᓇᐅᑎᖏᓐᓄᑦ ᑎᒍᒥᐊᖅᑎᓂᒃ ᑎᒍᒥᐊᖅᑎᐅᖃᑕᐅᔪᓂᓪᓗ ᓄᓇᕗᒻᒥ ᑲᒪᒋᔭᐅᖁᓪᓗᒋᑦ.
ᐃᓄᐃᑦ ᖃᐅᔨᓴᖅᑕᐅᓂᖏᓐᓄᑦ ᖃᐅᔨᒪᔨᑕᖅ ᐃᑲᔪᖅᑎᐅᓂᐊᖅᑐᖅ ᑐᑭᓯᓇᓱᐊᕐᓂᕐᒧᑦ ᖃᐅᔨᒪᔨᑕᒻᒪᕆᐅᔪᒧᑦ ᐋᖅᑭᐅᒪᓂᖏᓐᓂᒃ ᕿᒥᕐᕈᓇᑦᑕᐅᓂᖏᓐᓂᓪᓗ ᑐᑭᓯᓇᓱᐊᕈᒪᔪᑦ ᑐᒃᓯᕋᐅᑎᖏᓐᓂᒃ. ᐃᖅᑲᓇᐃᔮᖅᑖᕋᓱᐊᖅᑐᖅ ᓯᕗᓕᕐᓂᐊᖅᑐᖅ ᐋᖅᑭᐅᒪᑦᓯᔨᐅᓗᓂᓗ ᐊᕕᑦᑐᖅᓯᒪᓂᖅᑎᒍᑦ ᕿᒥᕐᕈᓇᓐᓂᕐᒥᒃ ᐅᑭᐅᖅᑕᖅᑐᒥ ᑐᑭᓯᓂᐊᖅᑏᑦ ArcticNet ᐊᒻᒪᓗ ᐅᑭᐅᖅᑕᖅᑐᒥᐅᑕᑦ North by North ᑐᑭᓯᓇᓱᐊᕈᒪᓂᕐᒧᑦ ᑐᒃᓯᕋᐅᑎᖏᓐᓂᒃ ᐊᒻᒪᓗ ᐅᓂᒃᑳᖏᓐᓂᒃ ᐊᒻᒪᓗ ᑭᒡᒐᖅᑐᐃᓗᓂ ᑐᙵᕕᒃᑯᓐᓂᒃ ᑐᒡᓕᐅᓂᕐᒧᑦ ᐃᓚᒋᔭᐅᔪᓄᑦ ᐃᓄᐃᑦ ᖃᐅᔨᒪᔨᑕᑦ ᑲᑎᒪᔨᕋᓛᖏᓐᓄᑦ.
ᓱᓕᒃᑲᓐᓂᖅ, ᐃᓄᐃᑦ ᖃᐅᔨᓴᖅᑕᐅᓂᖏᓐᓄᑦ …

>> Read More

ᑐᑭᒧᐊᒃᑎᑦᑎᔨ ᖃᐅᔨᓴᕈᑎᓂᒃ, ᐅᔾᔨᑐᕐᕈᑎᓂᒃ ᐊᒻᒪ ᖃᐅᔨᔭᐅᓇᓱᐊᕐᑐᓂᒃ ᓄᓇᕗᑦ ᑐᙵᕕᒃᑯᑦ ᑎᒥᖓ ᓄᓇᕗᑦ

ᑐᑭᒧᐊᒃᑎᑦᑎᔨ ᖃᐅᔨᓴᕈᑎᓂᒃ, ᐅᔾᔨᑦᑐᕈᑎᓂᒃ ᐊᒻᒪ ᖃᐅᔨᔭᐅᓇᓱᐊᕐᑐᓂᒃ ᑲᒪᒋᔭᖃᓐᓂᐊᕐᑐᖅ ᐋᖅᑭᒃᓱᐃᕙᓪᓗᓂ ᐱᓕᕆᕕᖓᑦᑕ ᖃᐅᔨᓴᕈᑎᓂᒃ, ᐅᔾᔨᑦᑐᕈᑎᓂᒃ ᐊᒻᒪ ᖃᐅᔨᔭᐅᓇᓱᐊᕐᑐᓂᒃ. ᑲᒪᒋᔭᖃᓪᓗᓂ ᐱᓕᕆᖃᑎᖃᑦᑎᐊᓂᕐᒥᒃ, ᐱᕆᖃᑎᒌᒃᑎᐊᓂᕐᒥᒃ ᐊᒻᒪ ᑮᓇᐅᔭᓂᒃ ᐊᑑᑎᖃᕈᒫᕐᓂᐊᕐᑐᓂᒃ. ᑐᑭᒧᐊᒃᑎᑦᑎᔨ ᓯᕗᓕᕐᑎᒋᔭᐅᓗᓂ ᖃᐅᔨᕐᑐᓕᕆᓂᕐᒥᒃ, ᖃᐅᔨᓇᓱᐊᕈᑎᓂᒃ, ᖃᐅᔨᕕᖃᕆᐊᕐᓂᒥᓪᓗ, ᐊᒻᒪ ᐱᔭᕇᔭᐃᕙᓪᓗᓂ ᐊᑐᐊᒐᓂᒃ ᐊᑐᓕᖁᔭᓕᐅᕐᐸᓪᓗᓂ ᑐᕌᖓᔪᓂᒃ ᑐᙵᕕᒃᑯᑦ ᑲᑎᒪᔨᖏᑕ ᖃᐅᔨᓴᕋᒃᓴᓂᒃ ᓯᕗᓪᓕᕐᐹᖑᑎᑕᖏᓐᓂᒃ ᐊᒻᒪ ᐱᓗᐊᖅᑐᒥᒃ ᐃᒻᒥᒃᑯᑦ ᐃᓱᒪᓕᐅᕈᓐᓇᓂᕐᒥᒃ ᐱᓗᐊᖅᑐᒍ. ᑐᑭᒧᐊᒃᑎᑦᑎᔨ ᑲᒪᒋᔭᖃᓐᓂᐊᕐᒥᔪᖅ ᐅᔾᔨᑐᑦᑎᐊᑲᓐᓂᕐᓗᓂ ᐊᒻᒪ ᖃᐅᔨᓇᓱᐊᕐᐸᓪᓗᓂ ᑐᙵᕕᒃᑯᑦ ᐃᖅᑲᓇᐃᔮᖏᓐᓂᒃ. ᐱᓕᕆᖃᑎᖃᓐᓂᖅ ᐱᒻᒪᕆᐅᕗᖅ ᑲᒪᒋᔭᖏᓐᓂ, ᐊᒻᒪ ᑕᐃᒪᐃᓐᓂᖓᓄᑦ, ᑐᑭᒧᐊᒃᑎᑦᑎᔨ ᐱᕚᓪᓕᕐᑎᑦᑎᕙᓪᓕᐊᒋᐊᖃᖅᐳᖅ ᐃᖅᑲᓇᐃᔭᖃᑎᖃᑦᑎᐊᓂᕐᒥᒃ ᑐᙵᕕᒃᑯᑦ ᐱᓕᕆᕕᖏᓐᓂ, ᐃᓄᐃᑦ ᑲᑐᔾᔨᖃᑎᒌᖏᓐᓂᒃ, ᐃᓄᐃᑦ ᑕᐱᕇᑦ ᑲᓇᑕᒥ, ᐃᓄᐃᑦ ᓄᓈᓐᓂ ᑲᑎᒪᔨᖏᓐᓂᒃ, ᐅᑭᐅᖅᑕᖅᑐᒥ ᑲᑎᒪᔨᖏᓐᓂᒃ, ᓄᓇᕗᑦ ᒐᕙᒪᒃᑯᖏᓐᓂᒃ ᐊᒻᒪ ᓄᓇᕗᖕᒥ …

>> Read More

ᑐᑭᒧᐊᒃᑎᑦᑎᔨᒧᑦ ᑐᓴᐅᒪᖃᑦᑕᐅᑎᓕᕆᔨᒃᑯᓐᓂ ᐃᑲᔪᖅᑎ ᓄᓇᕗᑦ ᑐᓐᖓᕕ ᑎᒥᖓ (NTI) ᐃᖃᓗᐃᑦ, ᓄᓇᕗᑦ

ᒪᓕᒃᖢᒋᑦ ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓕᕆᔨᒃᑯᓐᓂ, ᐃᑲᔪᖅᑎ ᑐᑭᒧᐊᒃᑎᑦᑎᔨᒧᑦ ᑐᓴᐅᒪᖃᑦᑕᐅᑎᓕᕆᔨᒃᑯᓐᓂ ᓯᕗᒻᒧᒃᓯᖃᑦᑕᓚᖓᔪᖅ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᐅᓚᑕᖏᓐᓂᒃ ᑐᓴᐅᒪᖃᑦᑕᐅᑎᓕᕿᓂᕐᒧᑦ ᐱᓕᕆᐊᓂᒃ ᐊᒻᒪᓗ ᐊᐅᓚᑕᐅᔪᓂᒃ. ᐱᔭᒃᓴᖃᖃᑦᑕᕐᓂᐊᖅᑐᑎᑦ ᓴᖅᑭᑦᑎᓂᕐᒥᐅᑯᓂᖓ ᑕᖅᑭᑕᒫᑦ ᓇᓃᓕᖅᐃᑕ ᑐᓴᒐᒃᓴᓂᒃ, ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᕐᕌᖑᑕᒫᑦ ᐅᓂᒃᑳᓂᒃ ᖃᓄᐃᓕᖓᓕᕐᓂᖏᓐᓂᒃ ᐃᓄᐃᑦ ᐱᖅᑯᓯᖏᑦ ᐊᒻᒪᓗ ᐃᓄᖏᑦᑕ ᐊᒻᒪᓗ ᐸᕐᓇᐃᓂᕐᒥᑦ ᐃᖅᑲᐅᒪᖃᑦᑕᕈᑎᓂᒃ ᐊᔾᔨᐅᖏᑦᑐᓂᒃ ᐅᑉᓗᓂᒃ ᐊᒻᒪᓗ ᐊᐅᓚᑕᐅᔪᓂᒃ ᐱᓕᕆᐊᖑᑎᓪᓗᒋᑦ ᒪᑯᐊ ᓲᕐᓗ ᓄᓇᕗᒥ ᐅᑉᓗᖏᑦ ᓇᓪᓕᕌᖓᑕ. ᐊᐅᓚᓂᖏᓐᓂᒃ ᑐᓴᐅᒪᖃᑦᑕᐅᑎᓕᕆᒃᑯᑦ ᐃᓚᒋᓪᓗᒋᑦ ᒪᑯᐊ ᓇᓗᓇᐃᔭᐃᑦᑎᐊᕐᓂᖅ ᐃᓄᐃᑦ ᖃᓄᑦ ᐱᓕᕆᐊᓄᑦ ᐊᒻᒪᓗ ᐱᔨᑦᑎᕋᕕᑎᓄᑦ ᐊᑐᐃᓐᓇᐅᕕᐅᑉᒪᖔᑕ, ᐱᒪᑐᑦᑎᐊᕐᓗᒋᑦ ᑎᒥᐅᔫᑉ ᖃᕆᑕᐅᔭᖏᑦᑕ ᐃᓗᓕᖏᑦ ᐊᒻᒪᓗ ᑭᒃᑯᑐᐃᓐᓇᓄᑦ ᑐᓴᕐᕕᐅᓂᕐᒧᑦ ᐊᑐᖅᑕᐅᕙᒃᑐᑦ. ᐃᑲᔪᖅᑎ ᑐᑭᒧᐊᒃᑎᑦᑎᔨᒧᑦ ᐊᐅᓚᑎᖃᑦᑕᕐᓗᓂ ᑐᓴᐅᒪᖃᑦᑕᐅᑎᓕᕆᔨᒃᑯᑦ ᐃᖅᑲᓇᐃᔭᖅᑎᖏᓐᓂᒃ ᐊᒻᒪᓗ ᑳᓐᑐᕌᖅᑎᑕᐅᔪᓂᒃ ᐃᖅᑲᓇᐃᔭᖅᑎᓪᓪᓗᒋᑦ …

>> Read More

ᑐᑭᒧᐊᒃᑎᑦᑎᔨ ᑮᓇᐅᔭᓕᕆᔨᒃᑯᓐᓄᑦ – ᓴᖅᑭᔮᓕᖅᑭᑦᑎᑕᐅᔪᖅ ᓄᓇᕗᑦ ᑐᙵᕕᒃ ᑎᒥᖓ ᑲᖏᖅᖠᓂᖅ, ᓄᓇᕗᑦ

ᐃᓱᒪᑕᖃᓪᓗᑎᒃ ᐃᓱᒪᖓᓐᓂᒃ ᑮᓇᔭᓕᕆᔨᐅᑉ, ᐸᕐᓇᐃᔭᐃᕙᓐᓂᐊᕐᐳᑎᑦ, ᐋᖅᑭᒃᓱᐃᓗᑎᑦ, ᑐᑭᒧᐊᒃᑎᑦᑎᕙᓪᓗᑎᒃ ᐊᒻᒪ ᐊᐅᓚᑦᑎᕙᓪᓗᑎᒃ ᑲᒪᒋᔭᐅᑦᑎᐊᕈᑎᖏᓐᓂᒃ ᓄᓇᕗᑦ ᑐᙵᕕᒃ ᑎᒥᖓᑕ (“ᑐᙵᕕᒃᑯᑦ”) ᑮᓇᐅᔭᖁᑎᖏᓐᓂᒃ. ᐋᖅᑭᒃᓱᐃᕙᓐᓂᐊᕐᓗᑎᒡᓗ, ᐊᑐᓕᕐᑎᑦᑎᕙᓪᓗᑎᒃ ᐊᒻᒪ ᐅᔾᔨᕐᑐᖅᐸᓪᓗᒋᑦ ᑮᓇᐅᔭᓕᕆᔾᔪᑎᓄᑦ ᐊᑐᐊᒐᑦ ᐊᒻᒪ ᑲᒪᔾᔪᓰᑦ ᒪᓕᓪᓗᒋᑦ ᑮᓇᐅᔭᓕᕆᔨᒻᒪᕆᓄᑦ ᐊᑐᖅᑕᐅᒐᔪᒃᑐᑦ ᒪᓕᒐᖏᑦ.
ᑲᒪᒋᔭᕆᐊᖃᖅᑕᑎᑦ ᐱᖃᓯᐅᔾᔨᕗᑦ ᑮᓇᐅᔭᑦ ᐊᑑᑎᖃᕈᒫᕐᓂᐊᕐᑐᑦ ᐊᒻᒪ ᑕᒻᒪᕐᓯᒪᔪᕐᓯᐅᖅᑕᐅᔪᒃᓴᑦ ᐱᔭᕇᔭᕐᐸᓪᓗᒋᑦ, ᐃᑲᔪᕐᐸᓪᓗᑎᑦ ᓇᓚᐅᑦᑖᕈᑎᖃᖅᑎᓪᓗᒋᑦ ᑮᓇᐅᔭᓂᒃ ᐃᓯᖅᑐᒃᓴᓂᒃ ᐊᒻᒪ ᑮᓇᐅᔭᐃᕈᑕᐅᓛᕐᑐᓂᒃ, ᐊᒻᒪ ᑮᓇᐅᔭᓕᕆᔾᔪᑎᓂᒃ ᑲᓐᑐᕌᑎᒍᑦ ᒪᓕᒃᑲᓗᐊᕐᒪᖔᑖ. ᑲᒪᒋᔭᖃᑦᑎᐊᕐᑎᐅᓂᐊᕐᓗᑎᒃ ᑮᓇᐅᔭᓕᕆᔨᒃᑯᑦ ᐱᓕᕆᕕᖓᓐᓂᒃ ᐊᒻᒪ ᐅᔾᔨᑐᑦᑎᐊᐸᓪᓗᑎᒃ ᑮᓇᐅᔭᓕᕆᔨᒃᑯᑦ ᐱᓕᕆᕕᖓᑕ ᐊᑐᐊᒐᖏᑦ ᐊᒻᒪ ᑲᒪᔾᔪᓯᖏᑦ ᑐᑭᓯᐊᔭᐅᑦᑎᐊᕋᓗᐊᕐᒪᖔᑖ ᐊᒻᒪ ᒪᓕᑦᑕᐅᑦᑎᐊᕋᓗᐊᕐᒪᖔᑖ ᑐᙵᕕᒃᑯᓐᓄᑦ; ᐊᒻᒪᓗᑦᑕᐅᖅ ᑲᒪᒋᑦᑎᐊᕐᓗᒋᑦ ᑐᙵᕕᒃᑯᑦ ᐊᒻᒪ ᑎᒥᖁᑎᖏᑦᑕ ᑮᓇᐅᔭᒃᑯᕕᖕᒦᑎᑕᖏᓐᓂᒃ, ᑮᓇᐅᔭᓕᕆᔾᔪᑎᖏᓐᓂᒃ, ᖃᐅᔨᒪᓂᖃᖅᑐᑦ ᐊᒻᒪ ᐊᓯᖏᑦ ᐱᓕᕆᖃᑕᐅᔪᑦ.
ᐃᒪᓐᓇᐃᖃᑦᑕᕐᓯᒪᔭᕆᐊᖃᖅᑐᑎᑦ ᖃᐅᔨᒪᓇᕐᑐᒃᑯᑦ …

>> Read More

ᑎᑎᕋᕐᕕᖕᒥ ᑐᙵᓱᒃᑎᑦᑎᔨ ᐱᓕᕆᕕᖓᓐᓂ ᑮᓇᐅᔭᓕᕆᔨᒃᑯᑦ ᓄᓇᕗᑦ ᑐᙵᕕᒃ ᑎᒥᖓ ᑲᖏᖅᖠᓂᖅ, ᓄᓇᕗᑦ

ᐃᓱᒪᑕᖃᓐᓂᐊᕐᓗᓂ ᐃᓱᒪᑕᖓᓄᑦ ᑎᑎᕋᕐᕕᖓᑦᑕ ᑎᑎᕋᕐᕕᖕᒥ ᑐᙵᓱᒃᑎᑦᑎᔨ ᐃᓯᖅᑐᓂᒃ ᐱᔨᑦᑎᐸᓐᓂᐊᕐᐳᖅ ᑐᙵᓱᒃᑎᓪᓗᓂᒋᑦ, ᐊᒻᒪ ᑕᑯᔭᕐᑐᖅᑕᖓᓅᕈᑎᕙᓪᓗᒋᑦ ᐅᕝᕙᓗ ᐅᖄᓚᐅᑎᒃᑯᑦ; ᑭᐅᔨᐅᓗᓂ ᐊᒻᒪ ᖃᐅᔨᒋᐊᖅᑐᖃᖅᑎᓪᓗᒍ; ᖃᐅᔨᒃᑲᐃᕙᓪᓗᓂ ᑐᙵᕕᒃᑯᑦ ᐃᖅᑲᓇᐃᔭᕐᑎᖏᓐᓂᒃ ᐅᐸᒃᑕᐅᑎᓪᓗᒋᑦ; ᐃᑲᔪᕐᐸᓪᓗᓂ ᑎᑎᖅᑲᓕᕆᔾᔪᑎᓂᒃ ᑐᙵᕕᒃᑯᓐᓄᑦ ᐊᒻᒪᓗ ᑎᒥᖁᑎᖏᓐᓄᑦ ᐊᒻᒪ ᐃᑲᔪᕐᐸᓪᓗᓂ ᑎᑎᕋᕐᕕᐅᑉ ᐃᓱᑕᖓᓂᒃ ᐊᐅᓚᓂᖃᑦᑎᐊᓂᐊᕐᒪᑦ ᑐᙵᕕᒃᑯᑦ ᖃᖏᖅᖠᓂᕐᒥ ᑎᑎᕋᕐᕕᖓ.
ᐱᔪᒥᒋᔭᐅᓂᕐᓴᐅᕗᑦ ᐃᓕᓐᓂᐊᕇᖅᓯᒪᔪᑦ ᐃᓕᓐᓂᐊᕐᕕᐊᓗᖕᒥ ᒍᕋᐃᑦ 12-ᓖᑦ ᐅᑭᐅᒥ ᐊᑕᐅᓯᕐᒥ ᑎᑎᕋᕐᕕᖕᒥ ᐃᖅᑲᓇᐃᔭᖃᑦᑕᓕᒪᓂᐅᔪᑦ (ᐊᔾᔨᐸᓗᑲᓴᖓᓂᒃ ᐃᖅᑲᓇᐃᔮᖃᖅᓯᒪᔪᑦ ᐃᓱᒪᒋᔭᐅᖃᓯᐅᔾᔭᐅᓂᐊᕐᐳᑦ). ᑐᑭᓯᓇᑦᑎᐊᕆᐊᖃᖅᐳᑎᖅᑦ ᐊᒻᒪ ᐅᖃᓕᒫᕈᓐᓇᑎᐊᕐᓗᑎᒃ, ᑎᑎᕋᕈᓐᓇᑎᐊᕐᓗᑎᒃ ᐊᒻᒪ ᐃᓄᒃᑐᑦ ᐅᖃᓪᓚᒍᓐᓇᑎᐊᕐᓗᑎᒃ ᐊᒻᒪ ᖃᓪᓗᓈᑎᑐᑦ, ᐊᒻᒪᓗᑦᑕᐅᖅ ᖃᕆᑕᐅᔭᓕᕆᔪᓐᓇᕐᑎᐊᕐᓗᑎᑦ. ᐸᕐᓇᐃᔭᕐᑎᐊᕈᓐᓇᕆᐊᖃᖅᐳᑎᑦ, ᓯᕗᓪᓕᐅᔾᔭᐅᔭᕆᐊᓕᖕᓂᒃ ᑲᒪᔪᓐᓇᑎᐊᕐᓗᑎᒃ ᐊᒻᒪ ᐋᖅᑭᓱᐃᑦᑎᐊᕈᓐᓇᕐᓗᑎᒃ ᐱᓕᕆᐊᒃᓴᓂᒃ ᐊᒻᒪ ᖃᓄᐃᓕᐅᕈᑕᐅᓂᐊᕐᒃᑐᓂᒃ ᐊᒻᒪ ᐃᖅᑲᓇᐃᔭᖃᑎᖃᑦᑎᐊᕈᓐᓇᕆᐊᖃᖅᑐᑎᑦ ᐊᔾᔨᒌᙱᑦᑐᓂᒃ. ᐱᔪᒥᒋᔭᐅᓂᕐᓴᐅᓂᐊᖅᐳᑦ ᐃᓄᐃᑦ ᐊᑎᓕᐅᖅᑕᐅᓯᒪᔪᑦ ᓄᓇᕗᑦ …

>> Read More

ᐃᓄᖕᓂᒃ ᐃᖅᑲᓇᐃᔭᕐᑎᑦᑎᓂᕐᒥᒃ ᑲᒪᔨ ᐱᓕᕆᕕᖓᓐᓂᒃ ᐃᓄᖕᓂᒃ ᐃᖅᑲᓇᐃᔭᕐᑎᑦᑎᓂᕐᒥᒃ ᓄᓇᕗᑦ ᑐᙵᕕᒃ ᑎᒥᖓ ᐃᖃᓗᐃᑦ, ᓄᓇᕗᑦ

ᐃᓱᒪᑕᖃᓪᓗᓂ ᑐᑭᒧᐊᒃᑎᑦᑎᔨᖓᓂᒃ ᐃᓄᖕᓂᒃ ᐃᖅᑲᓇᐃᔭᕐᑎᑦᑎᓂᕐᒥᒃ, ᐃᓄᖕᓂᒃ ᐃᖅᑲᓇᐃᔭᕐᑎᑦᑎᓂᕐᒥᒃ ᑲᒪᔨ ᐃᖅᑲᓇᐃᔮᖃᑉᐸᓂᐊᖅᑐᖅ ᕿᒥᕐᕈᕙᓪᓗᓂ ᑮᓇᐅᔭᖃᕈᑎᒃᓴᓂᒃ ᑐᒃᓯᕋᕈᑎᓕᐊᓂᒃ, ᐅᔾᔨᑐᕐᐸᓪᓗᓂ, ᖃᐅᔨᓴᕐᐸᓪᓗᓂ ᐊᒻᒪ ᑲᒪᔨᐅᓗᓂ ᐃᖅᑲᓇᐃᔮᕆᔭᐅᔪᓂᒃ ᐱᔾᔪᑎᖃᖅᑐᓂᒃ ᐃᓄᖕᓂᒃ ᐃᖅᑲᓇᐃᔭᕐᑎᑦᑎᓂᕐᒥᒃ ᐊᒻᒪ ᐃᓛᒃᑯᖓᔪᖅ 23-ᒥᒃ ᓄᓇᕗᑦ ᐊᖏᕈᑎᖏᓐᓂ. ᑐᕌᒐᕆᔭᐅᓗᐊᕐᑐᖅ ᐅᓄᕐᓯᓂᕐᓴᐅᖁᓪᓗᒋᑦ ᐃᓄᐃᑦ ᐃᖅᑲᓇᐃᔭᕐᑐᑦ ᒐᕙᒪᒃᑯᓐᓂ ᓄᓇᕗᖕᒥ ᓄᓇᑖᕐᕕᐅᓯᒪᔪᒥᒃ, ᐊᒻᒪᓗᑦᑕᐅᖅ ᑲᑎᒪᖃᑎᖃᕐᐸᓪᓗᓂ ᐊᒻᒪ ᐃᖅᑲᓇᐃᔭᖃᑎᖃᖅᐸᓪᓗᓂ ᐊᑦᑐᐊᔭᓂᒃ, ᒐᕙᒪᒃᑯᓐᓂᑦ, ᐃᓕᓴᐃᓂᕐᒧᑦ ᑎᒥᐅᔪᓂᒃ ᐊᒻᒪ ᐊᓯᖏᓐᓂᒃ ᒐᕙᒪᒃᑯᓐᓄᑦ ᐱᓕᕆᕕᐅᔪᓂᒃ. ᑖᓐᓇ ᐃᖅᑲᓇᐃᔮᖅ ᐋᖅᑭᓯᓯᒪᓂᐊᕐᐳᖅ ᐱᐅᓂᖃᖅᑐᓂᒃ ᐱᓕᕆᔾᔪᑎᓂᒃ, ᓇᓗᓇᖏᒍᑎᐅᔪᑦ ᐊᒻᒪ ᓴᖅᑭᒃᑐᑦ, ᐋᖅᑭᒃᓯᕙᓪᓗᓂ ᐱᐅᔪᓂᒃ ᐸᕐᓇᒍᑎᓂᒃ ᐊᒻᒪ ᐱᓕᕆᖃᑎᖃᑦᑎᐊᖏᓐᓇᕐᓗᓂ ᐱᓕᕆᐊᒃᓴᑎᒍᑦ ᐱᓕᕆᖃᑕᐅᔪᓂᒃ.
ᐃᓄᖕᓂᒃ ᐃᖅᑲᓇᐃᔭᕐᑎᑦᑎᓂᕐᒥᒃ ᑲᒪᔨ ᐃᓕᓐᓂᐊᕇᕈᑎᖃᖅᓯᒪᔭᕆᐊᓕᒃ 12 ᐃᖅᑲᓇᐃᔭᓕᒪᓯᒪᓗᓂᒃ 3 – 4 ᐅᑭᐅᓂᒃ ᐃᖅᑲᓇᐃᔮᒃᓴᓕᕆᓂᕐᒧᑦ ᐅᕝᕙᓗ ᐊᔾᔨᐸᓗᑲᓴᖓᓂᒃ. …

>> Read More

ᑐᑭᒧᐊᒃᑎᑦᑎᔨ ᑮᓇᐅᔭᓕᕆᔨᒃᑯᓐᓄᑦ ᓄᓇᕗᑦ ᑐᙵᕕᒃ ᑎᒥᖓ ᑲᖏᖅᖠᓂᖅ, ᓄᓇᕗᑦ

ᐃᓱᒪᑕᖃᓪᓗᑎᒃ ᐃᓱᒪᖓᓐᓂᒃ ᑮᓇᔭᓕᕆᔨᐅᑉ, ᐸᕐᓇᐃᔭᐃᕙᓐᓂᐊᕐᐳᑎᑦ, ᐋᖅᑭᒃᓱᐃᓗᑎᑦ, ᑐᑭᒧᐊᒃᑎᑦᑎᕙᓪᓗᑎᒃ ᐊᒻᒪ ᐊᐅᓚᑦᑎᕙᓪᓗᑎᒃ ᑲᒪᒋᔭᐅᑦᑎᐊᕈᑎᖏᓐᓂᒃ ᓄᓇᕗᑦ ᑐᙵᕕᒃ ᑎᒥᖓᑕ (“ᑐᙵᕕᒃᑯᑦ”) ᑮᓇᐅᔭᖁᑎᖏᓐᓂᒃ. ᐋᖅᑭᒃᓱᐃᕙᓐᓂᐊᕐᓗᑎᒡᓗ, ᐊᑐᓕᕐᑎᑦᑎᕙᓪᓗᑎᒃ ᐊᒻᒪ ᐅᔾᔨᕐᑐᖅᐸᓪᓗᒋᑦ ᑮᓇᐅᔭᓕᕆᔾᔪᑎᓄᑦ ᐊᑐᐊᒐᑦ ᐊᒻᒪ ᑲᒪᔾᔪᓰᑦ ᒪᓕᓪᓗᒋᑦ ᑮᓇᐅᔭᓕᕆᔨᒻᒪᕆᓄᑦ ᐊᑐᖅᑕᐅᒐᔪᒃᑐᑦ ᒪᓕᒐᖏᑦ.
ᑲᒪᒋᔭᕆᐊᖃᖅᑕᑎᑦ ᐱᖃᓯᐅᔾᔨᕗᑦ ᑮᓇᐅᔭᑦ ᐊᑑᑎᖃᕈᒫᕐᓂᐊᕐᑐᑦ ᐊᒻᒪ ᑕᒻᒪᕐᓯᒪᔪᕐᓯᐅᖅᑕᐅᔪᒃᓴᑦ ᐱᔭᕇᔭᕐᐸᓪᓗᒋᑦ, ᐃᑲᔪᕐᐸᓪᓗᑎᑦ ᓇᓚᐅᑦᑖᕈᑎᖃᖅᑎᓪᓗᒋᑦ ᑮᓇᐅᔭᓂᒃ ᐃᓯᖅᑐᒃᓴᓂᒃ ᐊᒻᒪ ᑮᓇᐅᔭᐃᕈᑕᐅᓛᕐᑐᓂᒃ, ᐊᒻᒪ ᑮᓇᐅᔭᓕᕆᔾᔪᑎᓂᒃ ᑲᓐᑐᕌᑎᒍᑦ ᒪᓕᒃᑲᓗᐊᕐᒪᖔᑖ. ᑲᒪᒋᔭᖃᑦᑎᐊᕐᑎᐅᓂᐊᕐᓗᑎᒃ ᑮᓇᐅᔭᓕᕆᔨᒃᑯᑦ ᐱᓕᕆᕕᖓᓐᓂᒃ ᐊᒻᒪ ᐅᔾᔨᑐᑦᑎᐊᐸᓪᓗᑎᒃ ᑮᓇᐅᔭᓕᕆᔨᒃᑯᑦ ᐱᓕᕆᕕᖓᑕ ᐊᑐᐊᒐᖏᑦ ᐊᒻᒪ ᑲᒪᔾᔪᓯᖏᑦ ᑐᑭᓯᐊᔭᐅᑦᑎᐊᕋᓗᐊᕐᒪᖔᑖ ᐊᒻᒪ ᒪᓕᑦᑕᐅᑦᑎᐊᕋᓗᐊᕐᒪᖔᑖ ᑐᙵᕕᒃᑯᓐᓄᑦ; ᐊᒻᒪᓗᑦᑕᐅᖅ ᑲᒪᒋᑦᑎᐊᕐᓗᒋᑦ ᑐᙵᕕᒃᑯᑦ ᐊᒻᒪ ᑎᒥᖁᑎᖏᑦᑕ ᑮᓇᐅᔭᒃᑯᕕᖕᒦᑎᑕᖏᓐᓂᒃ, ᑮᓇᐅᔭᓕᕆᔾᔪᑎᖏᓐᓂᒃ, ᖃᐅᔨᒪᓂᖃᖅᑐᑦ ᐊᒻᒪ ᐊᓯᖏᑦ ᐱᓕᕆᖃᑕᐅᔪᑦ.
ᐃᒪᓐᓇᐃᖃᑦᑕᕐᓯᒪᔭᕆᐊᖃᖅᑐᑎᑦ ᖃᐅᔨᒪᓇᕐᑐᒃᑯᑦ …

>> Read More

ᐊᐅᓚᑦᑎᔾᔪᑎᓂᒃ ᐊᐅᓚᑦᑎᔨᒻᒪᕆᒃ ᓯᕗᓕᖅᑏᑦ ᐱᔨᑦᑎᕋᕐᕕᐊᑦ, ᓄᓇᕗᑦ ᑐᓐᖓᕕᒃ ᑎᒥᖓᑦ ᐃᖃᓗᐃᑦ, ᓄᓇᕗᑦ

ᐊᐅᓚᑦᑎᔾᔪᑎᓂᒃ ᐊᐅᓚᑦᑎᔨᒻᒪᕆᒃ ᐱᓕᕆᐊᖃᑦᐸᒃᑐᖅ ᐱᓪᓗᕆᖕᓇᖅᑐᓂᒃ ᐊᒻᒪᓗ ᐊᒃᓱᕈᕐᓇᖅᑐᓂᒃ ᐃᓄᐃᑦ ᑎᒥᖁᑎᐊᓂ.
ᐊᐅᓚᑦᑎᔾᔪᑎᓄᑦ ᐃᑲᔪᖅᑐᐃᕙᒃᑐᖅ ᐊᐅᓚᑦᑎᔨᒻᒪᕆᖕᒥᒃ ᑎᒥᐅᔪᒥ ᐱᐊᓂᒃᓯᓇᓱᒃᑎᓪᓗᒋᑦ ᐅᐸᓗᖓᐃᔭᐅᑎᓂᒃ ᓴᖅᑭᑎᑦᑎᓂᕐᒥᑦ ᐊᖅᑭᒃᑕᐅᓯᒪᑎᓪᓗᒋᑦ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᑲᑎᒪᔨᖏᓐᓄᑦ ᐊᑐᐊᒐᑦ; ᑎᓕᓯᖃᑦᑕᖅᖢᓂ ᑎᒥᐅᔪᒥᑦ ᐊᐅᓚᑦᑎᐊᕐᓂᕐᒧᑦ ᐊᒻᒪᓗ ᓈᒻᒪᑦᑎᐊᖅᑐᓂᑦ ᑐᓗᖅᑕᕈᑎᖃᖅᑕᐃᓕᒪᓂᒃᑯᑦ ᐊᒻᒪᓗ ᑲᔪᖏᑦᑎᐊᖅᑐᓂᑦ ᐃᓚᒋᓪᓗᒍ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐱᒃᑯᒋᔭᖏᑦ, ᐱᔭᕆᐊᖃᖅᑕᖏᑦ ᐊᒻᒪᓗ ᐊᑐᐊᒐᓕᕆᓂᖅ; ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᑐᐊᒐᖏᑦ ᐊᒻᒪᓗ ᐊᑐᖅᑕᐅᔪᑦ ᑎᑎᕋᕐᕕᖕᒥ ᐊᐅᓚᑕᐅᓂᖏᑦᑎᒍᑦ ᐱᓕᕆᐊᖑᕙᒃᑐᑦ ᐅᓪᓗᒥᒨᖓᓕᖅᑐᓂᒃ ᐊᒻᒪᓗ ᑐᓂᓯᖃᑦᑕᖅᑐᑦ ᑕᒪᐃᓐᓄᑦ ᑲᑎᒪᔨᓄᑦ ᐊᒻᒪ ᐃᓚᒋᔭᐅᔪᓄᑦ, ᐃᖅᑲᓇᐃᔭᖅᑏᑦ ᐊᒻᒪᓗ ᑳᓐᑐᕌᖅᑏᑦ ᐱᓕᕆᔪᑦ; ᓇᓗᓇᐃᖅᓯᒪᑦᑎᐊᖅᖢᒋᑦ ᓄᓇᕗᑦ ᑐᓐᖓᖕᕕᒃ ᐱᐊᓂᒋᐊᖃᖅᑕᖏᑦ ᓇᖕᒥᓂᖅ ᒪᓕᒐᑎᒍᑦ/ᑮᓇᐅᔭᑎᒍᑦ ᐱᔭᕆᐊᖃᖅᑕᖏᓐᓂᒃ ᐊᒻᒪᓗ ᑭᒡᒐᖅᑐᐃᓪᓗᑎᓂ ᑎᒥᐅᔪᑦ ᑭᒃᑲᓕᒫᑦ ᓵᖓᓐᓂ. ᐱᓕᕆᐊᕆᓗᐊᖅᑕᖏᑦ …

>> Read More

ᓴᖅᑭᖅᑕᐅᑲᓐᓂᖅᑐᖅ ᐃᖃᓗᓕᕆᓂᕐᒧᑦ ᖃᐅᔨᒪᔨᑕᖅ

ᓴᖅᑭᖅᑕᐅᑲᓐᓂᖅᑐᖅ
ᐃᖃᓗᓕᕆᓂᕐᒧᑦ ᖃᐅᔨᒪᔨᑕᖅ
ᐊᐅᓚᑦᓯᔩᑦ, ᐊᑐᐊᒐᓕᕆᔩᑦ ᐸᕐᓇᓂᕐᒧᓗ ᐱᓕᕆᑉᕕᒃ
ᓄᓇᕗᑦ ᑐᓐᖓᕕᒃ ᑎᒥᖓ
ᐃᖃᓗᐃ,ᑦ ᓄᓇᕗᑦ
ᐅᓂᒃᑳᑕᕐᕕᖃᕐᓗᓂ ᑐᑭᒧᐊᒃᑎᑦᑎᔨᖓᓄᑦ ᐊᑐᐊᒐᕐᓄᑦ ᐸᕐᓇᓂᕐᒧᓪᓗ ᐱᓕᕆᑉᕕᐊᓂ, ᐋᖅᑭᐅᒪᑎᑦᓯᓗᑎᑦ ᐃᓚᒋᔭᐅᖃᑦᑕᕐᓗᑎᓪᓗ ᐊᑐᓕᖅᑎᑕᐅᕙᓪᓕᐊᓂᖏᓐᓄᑦ ᐃᓄᐃᑦ ᐱᓕᕆᐊᒃᓴᖏᑦ ᑐᕋᐃᓐᓇᖅᑐᒥᒃ ᐊᒃᑐᐊᔪᓂᒃ ᐊᐅᓚᑕᐅᓂᖏᓐᓄᑦ ᓄᓇᕗᒻᒥ ᐃᖃᓗᓕᕆᓂᕐᒧᑦ ᐊᐅᓚᑕᐅᔪᑦ ᓄᓇᕗᑦ ᐊᖏᕈᑎᖏᑎᒍᑦ (NA). ᐋᖅᑭᑦᓱᐃᖃᑦᑕᕐᓗᑎᓪᓗ ᐸᕐᓇᐅᑎᓂᒃ, ᐊᑐᐊᒐᕐᓂᒃ ᐊᐅᓚᑦᓯᔾᔪᓯᕐᓂᓪᓗ ᑮᓇᐅᔭᓕᐅᕈᑕᐅᕙᑦᑐᑦ ᐊᐅᓚᑕᐅᑦᓯᐊᖁᓪᓗᒋᑦ ᐊᒻᒪᓗ ᐃᑲᔫᓯᐊᕈᓐᓇᕐᕕᓕᒫᖏᑎᒍᑦ ᐱᔪᓐᓇᖁᓪᓗᒋᑦ ᐃᓄᐃᑦ ᓄᓇᕗᒻᒥ.
ᐊᔪᓐᖏᓐᓂᕆᔭᕆᐊᓕᑎᑦ, ᖃᐅᔨᒪᓂᕆᔭᕆᐊᓕᑎᑦ ᐊᒻᒪᓗ ᐱᔪᓐᓇᕆᐊᓕᑎᑦ ᓴᖅᑭᔮᖅᑎᑦᓯᓂᖅ ᐱᓇᓱᐊᒐᐅᔪᒥᒃ ᐊᒻᒪᓗ ᓇᖕᒥᓂᖅ ᐊᐅᓚᑦᓯᒍᓐᓇᕐᓗᑎᑦ; ᖃᐅᔨᓴᕈᓐᓇᕐᓗᑎᑦ ᑐᑭᓕᐅᕆᒍᓐᓇᕐᓗᑎᓪᓗ ᐱᔭᕆᐊᑭᑦᑐᑯᓘᓐᖏᑦᑐᓂᒃ ᐊᑐᐊᒐᕐᓂᒃ, ᒪᓕᒐᕐᓂᒃ ᐊᐅᓚᑦᓯᔾᔪᑎᓂᓪᓗ. ᐅᖃᐅᓯᒃᑯᑦ ᑎᑎᖅᑲᑯᓪᓗ ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐊᔪᓐᖏᓐᓂᖃᕆᐊᖃᖅᑐᑎᑦ, ᐊᒻᒪᓗ ᐅᓂᒃᑳᖃᑦᑕᕈᓐᓇᕐᓗᑎᑦ ᐊᔾᔨᒌᓐᖏᑦᑐᓄᑦ ᐱᓇᓱᐊᒐᖃᖅᑐᓄᑦ ᐊᒻᒪᓗ ᖃᐅᔨᒪᓂᖃᒻᒪᕆᓪᓗᑎᑦ ᐊᑐᐊᒐᓕᐅᕐᓂᕐᒥᒃ ᖃᐅᔨᓴᕐᓂᒥᓪᓗ.
ᖃᐅᔨᒪᓂᖃᕆᐊᖃᖅᑐᑎᑦ ᑐᑭᓯᒪᓗᒋᓪᓗ ᓄᓇᕗᑦ ᐊᖏᕈᑎᖏᑦ, ᐃᖃᓗᓕᕆᓂᕐᒧᑦ ᐱᖁᔭᖅ ᐊᒻᒪᓗ ᐊᓯᖏᑦ …

>> Read More

ᓄᑕᖅᑲᑦ ᒥᑭᓂᖏᓐᓂ ᐃᓕᓐᓂᐊᕈᑎᒃᓴᓄᑦ ᐊᑐᐊᒐᕐᓂᒃ ᖃᐅᔨᓴᖅᑎ

ᓄᑕᖅᑲᑦ ᒥᑭᓂᖏᓐᓂ ᐃᓕᓐᓂᐊᕈᑎᒃᓴᓄᑦ ᐊᑐᐊᒐᕐᓂᒃ ᖃᐅᔨᓴᖅᑎ
ᓄᓇᕗᑦ ᑐᓐᖓᕕᒃ ᑎᒥᖓ
ᐃᖃᓗᐃᑦ, ᓄᓇᕗᑦ
ᐊᑕᐅᓯᕐᒧᑦ ᐊᕐᕌᒍᒧᑦ ᐱᓕᕆᐊᒃᓴᖅ
ᐅᓂᒃᑳᑕᕐᕕᖃᕐᓗᓂ ᑐᑭᒧᐊᒃᑎᑦᑎᔨᖓᓂᒃ ᐃᓅᓯᓕᕆᔨᒃᑯᑦ ᐱᓕᕆᒡᕕᖓᑕ, ᓄᑕᖅᑲᑦ ᒥᑭᓂᖏᓐᓂᒃ ᐃᓕᓐᓂᐊᕈᑎᒃᓴᓄᑦ ᐊᑐᐊᒐᕐᓂᒃ ᖃᐅᔨᓴᖅᑎ ᓂᕆᐅᒡᕕᐅᔪᖅ ᐃᑲᔪᖃᑦᑕᓂᐊᕐᓂᖓᓂᒃ, ᐊᑐᐊᒐᑦᓴᓕᐅᕐᓗᓂ ᐊᒻᒪᓗ ᖃᐅᔨᓴᕐᓗᒋᑦ ᐃᓄᐃᑦ ᓄᑕᖅᑲᑦ ᒥᑭᓐᓂᖏᓐᓂ ᐱᕙᓪᓕᐊᒍᑎᒃᓴᖏᓐᓂᒃ ᓄᓇᕗᒻᒥ ᐃᓚᒋᔭᐅᓪᓗᑎᒃ: ᐃᓄᐃᑦ ᓄᑕᖅᑲᑦ ᒥᑭᓂᖏᓐᓂ ᐃᓕᓐᓂᐊᓵᓕᓂᖏᓐᓂᒃ ᐊᒻᒪᓗ ᓄᑕᖅᑲᑦ ᐸᖅᑭᔭᐅᔾᔪᑎᖏᑦ, ᐃᓄᐃᑦ ᓄᑕᖅᑲᑦ ᐸᖅᑭᔭᐅᓂᖏᓐᓄᑦ ᐃᑲᔫᑎᒃᓴᑦ ᐊᒻᒪᓗ ᐃᓄᐃᑦ ᓄᑕᖅᑲᑦ ᒥᑭᓂᖏᓐᓂ ᖃᓄᐃᓐᖏᓯᐊᑲᓐᓂᕈᑎᒃᓴᖏᑦ ᐃᓗᓯᒃᑯᑦ ᖃᓄᐃᓐᖏᑦᓯᐊᓂᒃᑯᓪᓗ. ᑖᓐᓇ ᐃᖅᑲᓇᐃᔮᒃᓴᖅ ᐱᖕᒪᕆᐅᓂᖓᓄᑦ ᐱᓕᕆᐊᕆᔭᐅᓂᖓ ᑐᓂᓯᓵᓕᖃᑦᑕᓂᕐᒥᒃ, ᐊᓐᖑᑎᓯᒪᑦᓯᐊᖅᑐᓂᒃ, ᐃᑲᔫᑎᕈᓐᓇᖅᑐᓂᒃ ᑐᓴᐅᒪᔾᔪᑎᓂᒃ ᑐᓐᖓᕕᖃᑦᓯᐊᖅᑐᓂᒃ ᐃᓄᐃᑦ ᓯᕗᓪᓕᐅᔾᔭᐅᖁᔭᖏᓐᓂᒃ ᐊᒃᑐᐊᓂᖓᓄᑦ ᐃᓄᐃᑦ ᓄᑕᖅᑲᑦ ᒥᑭᓂᖏᓐᓂ ᐱᕙᓪᓕᐊᔾᔪᑎᒃᓴᖏᓐᓄᑦ.
ᐃᖅᑲᓇᐃᔮᖅᑖᖅᑐᖅ ᐱᓇᓱᖃᑎᖃᕐᓂᐊᖅᑐᖅ ᒐᕙᒪᓂᒃ, ᐃᓄᐃᑦ ᑲᑐᔾᔨᖃᑎᒌᖏᓐᓂᒃ ᐊᒻᒪᓗ ᐊᓯᖏᓐᓂᒃ ᓄᓇᓕᓐᓂ …

>> Read More

ᑐᑭᒧᐊᒃᑎᑦᑎᔨ ᐃᓄᐃᑦ ᐱᓕᒻᒪᓴᕐᓂᕐᒧᑦ ᐱᓕᕆᐊᒃᓴᓄᑦ (ᒪᑭᒋᐊᖅᑕ ᐃᓄᐃᑦ ᐱᓕᒻᒪᓴᕐᓂᕐᒧᑦ ᑯᐊᐳᕇᓴᓐ)

ᑐᑭᒧᐊᒃᑎᑦᑎᔨ ᐃᓄᐃᑦ ᐱᓕᒻᒪᓴᕐᓂᕐᒧᑦ ᐱᓕᕆᐊᒃᓴᓄᑦ
(ᒪᑭᒋᐊᖅᑕ ᐃᓄᐃᑦ ᐱᓕᒻᒪᓴᕐᓂᕐᒧᑦ ᑯᐊᐳᕇᓴᓐ)
ᓄᓇᕗᑦ ᑐᓐᖓᕕᒃ ᑎᒥᖓ
ᐃᖃᓗᐃᑦ, ᓄᓇᕗᑦ
ᐱᓕᕆᒡᕕᖓᓂ ᐃᓄᐃᑦ ᐱᓕᒻᒪᓴᕐᓂᕐᒧᑦ ᐱᓕᕆᐊᒃᓴᓄᑦ (ᒪᑭᒋᐊᖅᑕ ᐃᓄᐃᑦ ᐱᓕᒻᒪᓴᕐᓂᕐᒧᑦ ᑯᐊᐳᕇᓴᓐ) ᑕᑯᓇᑦᑎᐅᔪᖅ ᑮᓇᐅᔭᓕᑕᐅᓯᒪᔾᔪᑎᓂᒃ ᐊᒻᒪᓗ ᐊᓯᖏᓐᓂᒃ ᐃᑲᔫᑎᓂᒃ ᐱᓕᒻᒪᓴᕐᓂᕐᒧᑦ ᐊᒻᒪᓗ ᐱᓇᓱᐊᒐᑦᓴᐅᔪᓂᒃ ᐊᔪᕈᓐᓃᕐᓴᐅᑎᒃᓴᓄᑦ ᐊᒻᒪᓗ ᐊᔪᓐᖏᔾᔪᑎᑖᕈᑎᒃᓴᓄᑦ ᐸᕐᓇᓯᒪᑦᓯᐊᖁᓪᓗᒋᑦ ᓄᓇᕗᒻᒥ ᐃᓄᐃᑦ ᒐᕙᒪᒃᑯᓐᓄᑦ ᐊᒻᒪᓗ ᐊᓯᖏᓐᓄᑦ ᐃᖅᑲᓇᐃᔮᒃᓴᓄᑦ. ᐱᓕᕆᒡᕕᒃ ᑮᓇᐅᔭᓖᖃᑦᑕᖅᑐᖅ ᐱᓕᒻᒪᒃᓴᐅᑎᓄᑦ ᐱᓇᓱᐊᒐᑦᓴᐅᔪᓂᒃ ᐊᑐᕐᖢᑎᒃ ᐱᓕᒻᒪᒃᓴᐅᑎᒃᓴᑦ ᑮᓇᐅᔭᑦ ᓴᖅᑭᖅᑕᐅᓯᒪᔪᑦ ᑐᓐᖓᕕᒃᑯᓐᓂᒃ ᒪᑭᒋᐊᖅᑕ ᐃᓄᐃᑦ ᐱᓕᒻᒪᓴᕐᓂᕐᒧᑦ ᑯᐊᐳᕇᓴᒃᑯᖏᑎᒍᑦ (ᒪᑭᒋᐊᖅᑕ), ᓄᓇᕗᒻᒥ ᑮᓇᐅᔭᓕᑕᐅᓂᕐᒧᑦ ᐊᖏᖃᑎᒌᒍᑎᒃᑯᑦ.
ᐃᖅᑲᓇᐃᔮᖅᑖᖅᑐᖅ ᐱᓕᕆᐊᒃᓴᖃᕐᓂᐊᖅᑐᖅ ᐅᑯᓂᖓ, ᑲᑐᔾᔨᖃᑎᖃᕐᓗᓂ ᐊᓯᖏᓐᓂᒃ ᑐᓐᖓᕕᒃᑯᑦ ᐱᓕᕆᒡᕕᖏᓐᓂᒃ, ᖃᐅᔨᓇᓱᐊᕐᓂᕐᒧᑦ, ᖃᐅᔨᓴᕐᓂᕐᒧᑦ, ᑐᓴᕆᐊᕐᕕᖃᕐᓂᕐᒧᑦ, ᐊᒻᒪᓗ ᐸᕐᓇᓂᕐᒧᑦ ᐱᓕᒻᒪᒃᓴᐅᑎᒃᓴᓂᒃ ᐃᓄᓐᓄᑦ ᐃᓕᓐᓂᐊᖅᑐᓄᑦ ᑐᕌᒐᕆᔭᐅᔪᒧᑦ ᑭᒡᒐᑐᖅᑕᐅᓂᖏᓐᓄᑦ ᐃᓄᐃᑦ ᐃᖅᑲᓇᐃᔮᒧᑦ …

>> Read More

ᐊᖓᔪᖅᑳᖅ ᓄᓇᕗᖕᒥ ᐊᖑᓇᓱᒃᑎᓄᑦ ᐃᑲᔫᑎᒃᓴᓕᕆᔨᒃᑯᓐᓄᑦ

ᐊᖓᔪᖅᑳᖅ
ᓄᓇᕗᖕᒥ ᐊᖑᓇᓱᒃᑎᓄᑦ ᐃᑲᔫᑎᒃᓴᓕᕆᔨᒃᑯᓐᓄᑦ
ᑲᖏᖅᖠᓂᖅ, ᓄᓇᕗᑦ
 
ᐊᖓᔪᖅᑳᖃᓪᓗᓂ ᑐᑭᒧᐊᒃᑎᑦᑎᔨᖓᓐᓂᒃ ᐃᓄᖕᓂᒃ ᐱᔨᑦᑎᕈᑎᓄᑦ, ᐊᖓᖅᑳᖓᑦ ᓄᓇᕗᖕᒥ ᐊᖑᓇᓱᒃᑎᓄᑦ ᐃᑲᔪᑎᒃᓴᓕᕙᕆᔨᒃᑯᑦ, ᐃᒪᓐᓇᐃᐸᓐᓂᐊᕐᑐᑎᒃ ᐸᕐᓇᐃᕐᓯᓗᑎᒃ, ᑲᒪᒋᔭᖃᑦᑎᐊᕐᓗᑎᑦ ᐊᒻᒪ ᑐᑭᒧᐊᒃᑎᑦᑎᔨᐅᓗᑎᒃ ᓄᓇᕗᖕᒥ ᐊᖑᓇᓱᒃᑎᓄᑦ ᐃᑲᔪᑎᒃᓴᓕᕙᕆᔨᒃᑯᓐᓂᑦ. ᐊᖓᔪᖅᑳᖅ ᐋᖅᑭᒃᓱᐃᕙᓪᓗᓂ ᐊᒻᒪ ᐊᑐᓕᕐᑎᑦᑎᕙᓪᓗᓂ ᑐᓴᐅᒪᔾᔪᑎᒃᓴᓂᒃ ᐸᕐᓇᓯᒪᒍᑎᓂᒃ, ᖃᐅᔨᓴᐃᓐᓇᐸᓪᓗᓂ ᐊᒻᒪ ᐊᖏᖅᑎᐅᕙᓪᓗᓂ ᑐᒃᓯᕋᕈᑎᓂᒃ ᐃᑲᔪᕐᑕᐅᒍᒪᔾᔪᑎᓂᒃ, ᑲᒪᕙᓪᓗᓂ ᓂᐅᕕᖅᑕᐅᑎᓪᓗᒋᑦ ᓱᓇᒃᑰᑖᓂᒃ, ᐱᓕᕆᕕᖓᑦᑕ ᐱᓕᕆᔾᔪᑎᖏᓐᓄᑦ ᑮᓇᐅᔭᐃᕈᑎᓂᒃ, ᐊᑐᐊᒐᓕᐅᕐᐸᓪᓗᓂ ᐊᒻᒪ ᓴᖅᑮᕙᓪᓗᓂ ᐊᑐᐊᒐᓄᑦ ᐋᖅᑭᒋᐊᕈᑎᓂᒃ ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᓐᓄᑦ ᑲᒪᔾᔪᑎᖏᓐᓂᒃ ᓄᓇᕗᖕᒥ ᐊᖑᓇᓱᒃᑎᓄᑦ ᐃᑲᔫᑎᒃᓴᓕᕆᔨᒃᑯᑦ.
 
ᐊᖓᔪᖅᑳᖅ ᑲᒪᒋᔭᖃᖅᐳᖅ ᑲᒪᔾᔪᓯᓂᒃ ᐊᒻᒪᓗ ᐱᓕᕆᔾᔪᑎᓄᑦ ᐱᓕᕆᐊᖑᒍᑎᖏᓐᓂᒃ ᐱᖃᑎᖃᓪᓗᑎᒃ ᓴᖅᑮᓂᕐᒥᒃ ᐊᒻᒪ ᑲᒪᒋᔭᖃᑦᑎᐊᓂᕐᒥᒃ ᐊᑐᐊᒐᓂᒃ, ᑲᒪᔾᔪᓯᓂᒃ, ᐃᓱᒪᓕᐅᕈᑎᓄᒃ ᐃᑲᔪᕈᑎᓂᒃ ᐊᒻᒪ ᐊᑐᐊᖅᑕᐅᔪᒃᓴᓂᒃ ᐊᐅᓚᑦᓯᒍᑎᓄᑦ, ᐅᔾᔨᕐᑐᕈᑎᓄᑦ ᐱᓕᕆᐊᒃᓴᓄᑦ. ᐊᖓᔪᖅᑳᖅ ᐋᖅᑭᒃᓱᐃᓯᒪᓗᓂ ᐊᒻᒪ ᑐᓴᐅᒪᑎᑦᑏᓐᓇᖃᑦᑕᕐᓗᓂ …

>> Read More

ᐃᓄᐃᑦ ᐱᓕᒻᒪᓴᕐᓂᖏᓐᓄᑦ ᐊᐅᓚᑦᓯᔨ

ᐃᓄᐃᑦ ᐱᓕᒻᒪᓴᕐᓂᖏᓐᓄᑦ ᐊᐅᓚᑦᓯᔨ
ᓄᓇᕗᑦ ᑐᓐᖓᕕᒃ ᑎᒥᖓ
ᐃᖃᓗᐃᑦ, ᓄᓇᕗᑦ
 
ᐅᓂᒃᑳᑕᕐᕕᖃᕐᓗᓂ ᐃᓄᐃᑦ ᐃᖅᑲᓇᔭᕐᓂᖏᓐᓄᑦ ᐱᓕᒻᒪᓴᕐᓂᒧᓪᓗ ᑐᑭᒧᐊᒃᑎᑦᑎᔨᖓᓂᒃ, ᐊᐅᓚᑦᓯᔨ ᑎᑎᖅᑭᕆᐊᖑᒋᐊᓕᖕᓄᑦ ᐃᑲᔪᖃᑦᑕᑐᒃᓴᒫᖅ ᐊᓪᓚᑉᕕᖓᒍᑦ ᐊᒻᒪᓗ ᒪᑭᒋᐊᖅᑕ ᐃᓄᐃᑦ ᐱᓕᒻᒪᓴᕐᓂᕐᒧᑦ ᑯᐊᐳᕇᓴᖏᓐᓄᑦ (MITC). ᐊᐅᓚᑦᓯᔨ ᐱᓕᕆᐊᖃᕐᓂᐊᖅᑐᖅ ᐊᑭᓕᒐᑦᓴᓕᐊᒥᓂᕐᓂᒃ ᐊᑭᓕᕐᓱᐃᓂᕐᒥᒃ, ᑳᓐᑐᓛᓂᒃ ᖃᕆᓴᐅᔭᒨᖅᑲᐃᓗᓂ, ᐊᒻᒪᓗ ᐃᖅᑲᓇᐃᔭᖃᑎᖃᕐᓗᓂ ᐊᔾᔨᒌᓐᖏᑦᑐᓂᒃ ᑲᑐᔾᔨᖃᑎᒌᓂᒃ ᓱᖅᑯᐃᒪᒋᐊᖅᑎᐅᓗᓂ ᑐᒃᓯᕋᐅᑏᑦ, ᐊᑯᓐᓈᕿᔪᒥᒃ−ᐅᓂᒃᑳᓕᐊᖑᒋᐊᓕᖕᓂᒃ ᐊᒻᒪᓗ ᑮᓇᐅᔭᓕᕆᓂᕐᒧᑦ ᐅᓂᒃᑳᑦ ᐃᓂᖅᓯᒪᑦᓯᐊᕋᓗᐊᕐᒪᖔᑕ. ᐱᓇᓱᐊᖃᓯᐅᑎᓗᓂᒋᑦ ᐊᐅᓚᑦᓯᓂᖅ ᖃᖓᑦᑕᐅᑎᓂᒃ ᐃᖅᑲᓇᐃᔭᖅᑎᓄᑦ ᐃᓚᒋᔭᐅᔪᓄᓪᓗ ᖃᐅᔨᒪᔨᑕᑦ ᑲᑎᒪᔨᖏᓐᓄᑦ ᐊᒻᒪᓗ ᑲᑎᒪᕕᒃᓴᖏᓐᓂᒃ ᐃᓂᒃᓴᓕᐅᖃᑦᑕᓂᕐᒥᒃ ᐊᑐᕆᐊᓕᖕᓂᓪᓗ ᐱᔭᕆᐊᖃᕋᐃᑉᐸᑦ.
 
ᐃᓱᒪᒃᓴᕐᓯᐅᕈᑕᐅᒍᓐᓇᖁᓪᓗᑎᑦ ᑖᑦᓱᒧᖓ ᐱᓕᕆᐊᒃᓴᒧᑦ, ᐃᖅᑲᓇᐃᔮᖅᑖᕋᓱᐊᖅᑐᖅ ᐃᓕᓐᓂᐊᕌᓂᒃᓯᒪᒋᐊᓕᒃ 12-ᒥᒃ ᒪᕐᕉᓐᓂᒃ ᐊᕐᕌᒎᓐᓂᒃ ᐱᓕᕆᐊᖃᕐᓯᒪᓗᓂ ᐊᒃᑐᐊᔪᒥᒃ ᐱᓕᖕᒪᓴᕐᓂᒃᑯᑦ, ᐃᖅᑲᓇᐃᔮᒃᑯᑦ, ᐅᑉᕙᓘᓐᓃᑦ ᐱᓕᕆᐊᒃᓴᓂᒃ/ᐱᓕᕆᐊᓂᒃ ᐊᐅᓚᑦᓯᓂᕐᒥᒃ. ᑖᒃᑯᓄᖓ ᐃᓚᒋᔭᐅᓂᐊᖅᑐᖅ ᑲᒪᒋᔭᖃᕐᓯᒪᓂᖅ ᖃᐅᔨᓴᕐᓂᕐᒥᒃ ᑐᒃᓯᕋᐅᑎᓂᒃ ᐊᒻᒪᓗ ᐃᖅᑲᓇᐃᔭᖃᑎᖃᕐᓂᖅ …

>> Read More

ᓴᖅᑭᐅᒪᑎᑕᐅᒃᑲᓂᖅᑐᖅ – ᐊᐅᓚᑦᑎᔨᒻᒪᕆᐅᑉ ᐃᑲᔪᖅᑎᖓ, ᐊᖏᔪᖅᑳᖃᕐᕕᐅᑉ ᐱᔨᑦᑎᕋᕐᕕᐊᓂ

 
ᓴᖅᑭᐅᒪᑎᑕᐅᒃᑲᓂᖅᑐᖅ 
ᐊᐅᓚᑦᑎᔨᒻᒪᕆᐅᑉ ᐃᑲᔪᖅᑎᖓ, ᐊᖏᔪᖅᑳᖃᕐᕕᐅᑉ ᐱᔨᑦᑎᕋᕐᕕᐊᓂ
ᓄᓇᕗᑦ ᑐᙵᕕᒃ ᑎᒥᖓ
ᐃᖃᓗᐃᑦ, ᓄᓇᕗᑦ
ᐊᖏᔪᖅᑳᖃᕐᓗᑎᑦ ᐊᐅᓚᑦᑎᔨᒻᒪᕆᒻᒥᑦ (CEO), ᐃᑲᔪᖅᑎᐅᒐᔭᖅᑐᑎᑦ ᐊᖏᔪᖅᑲᐅᑎᐅᖃᑕᐅᓗᑎᑦ ᒪᑯᓂᖓᓗᐊᙳᐊᖅ ᐱᓕᕆᐊᖃᖃᑦᑕᕐᓗᑎᑦ ᐱᔭᐅᔭᕆᐊᓕᓐᓂᑦ:

ᐊᐅᓚᓂᖓᑕ ᐊᐅᓚᑦᑎᔨᒻᒪᕆᐅᑉ ᐱᓕᕆᒡᕕᖓᓂ;
ᐋᖅᑭᑦᓱᐃᓂᕐᒧᑦ ᐸᕐᓇᓯᒪᓇᓱᖃᑦᑕᕐᓂᖅ;
ᐋᖅᑭᒋᐊᕆᐊᓕᓐᓂᑦ ᐊᐅᓚᑦᓯᓂᖅ;
ᐱᓕᕆᖃᑎᑦᓯᐊᖏᓐᓇᕋᓱᖃᑦᑕᕐᓗᑎᑦ;
ᑎᑎᕋᐅᓯᒃᑯᑦ ᐊᐅᓚᑦᓯᑦᓯᐊᕐᓂᖅ;
ᐃᓄᓕᕆᓂᖅ ᐱᓕᕆᒡᕕᒻᒥ;
ᐅᖃᖅᑕᐅᔪᑦᓴᓂ ᑎᑎᕋᖃᑦᑕᕐᓗᑎᑦ;
ᒐᕙᒪᓕᕆᓂᕐᒧᑦ ᐅᖃᐅᔾᔨᔨᐅᓯᓈᕐᓗᑎᑦ ᐃᑲᔪᖅᓱᐃᓗᑎᓪᓗ;
ᒐᕙᒪᓕᕆᓂᕐᒧᑦ ᐸᕐᓇᓯᒪᓂᖅ ᐃᓚᐅᖃᑕᐅᓂᕐᓗ;
ᑮᓇᐅᔭᓕᕆᓂᕐᒥᑦ ᐊᐅᓚᑦᑎᖃᑦᑕᕐᓂᖅ;
ᒪᓕᒐᓕᕆᖃᑦᑕᕐᓂᖅ;
ᐱᓕᕆᔭᐅᔭᕆᐊᓕᓐᓂᓪᓗ ᐊᓯᖏᓐᓂᑦ

ᖃᐅᔨᒪᓂᖃᑦᑎᐊᕆᐊᖃᕋᔭᖅᑐᑎᑦ ᓄᓇᕘᑉ ᐊᖏᕈᑎᖓᓐᓂᑦ, ᓄᓇᕗᑦ ᑐᙵᕕᐅᑉ ᑐᕌᕈᑎᖏᓂᑦ ᐊᐅᓚᓂᐅᔫᑉ ᒪᓕᒐᑦᓴᔭᖏᓐᓂᓪᓗ, ᐃᓄᓐᓄᑦ ᐊᑦᑐᐊᓗᐊᙳᐊᖅᑐᓂᑦ ᖃᐅᔨᒪᒐᓱᐊᕐᓂᖃᕐᓗᑎᑦ ᐱᓕᕆᒍᓐᓇᑦᓯᐊᕐᓗᑎᓪᓗ ᒐᕙᒪᓕᕆᓂᐅᓴᔪᑕᖃᖃᑦᑕᑎᓪᓗᒍ. ᐅᖃᕈᓐᓇᑦᑎᐊᕐᓗᑎᑦ ᐃᓄᒃᑐᑦ/ᐃᓄᐃᓐᓇᖅᑐᓐᓗ ᑎᑎᕋᕈᓐᓇᑦᑎᐊᕐᓗᑎᓪᓗ ᖃᓪᓗᓈᑦᑎᑐᑦ ᐃᓄᒃᑐᑦ/ᐃᓄᐃᓐᓇᖅᑐᓐᓗ, ᓇᒻᒥᓂᖅ ᐱᒋᐊᖃᑦᑕᑦᑎᐊᕈᓐᓇᕐᓗᑎᑦ ᐱᔪᒪᓂᖃᑦᑎᐊᕐᓗᑎᓪᓗ, ᓴᖅᑭᔮᖅᑎᑦᓯᑦᑎᐊᕈᓐᓇᕐᓗᑎᑦ ᐱᓕᕆᐊᖃᕈᓐᓇᕆᐊᖅ ᐅᓄᖅᑐᓂᑦ ᐱᓕᕆᔭᐅᔭᕆᐊᓕᓐᓂᑦ, ᐱᓕᕆᐊᖃᕈᓐᓇᑦᑎᐊᕐᓗᑎᑦ ᐱᐊᓂᑦᑕᐅᔭᕇᒋᐊᓕᓐᓂᑦ ᐱᒡᒐᓇᕐᓂᐅᓴᔪᒥᓗ, ᖃᓄᖅᑑᕈᓐᓇᑦᑎᐊᕐᓗᑎᑦ ᐊᒻᒪᓗ ᑎᑎᕋᖅᑐᓕᕆᓂᕐᒥ ᐱᔪᓐᓇᑦᑎᐊᕐᓂᖃᕐᓗᑎᓪᓗ ᖃᐅᔨᒪᔭᖃᖅᓰᓐᓈᕐᓗᑎᑦ ᑮᓇᐅᔭᓕᕆᓂᐅᑉ ᒥᑦᓵᓄᑦ. ᖃᐅᔨᓴᕐᓂᖃᕈᓐᓇᑦᑎᐊᕐᓗᑎᑦ ᐱᓕᕆᖃᑎᑦᓴᓂᓐᓗ ᐅᖃᖃᑎᖃᑦᑎᐊᕈᓐᓇᕐᓗᑎᑦ, ᖃᐅᔨᒪᓂᖃᕐᓗᑎᑦ ᒐᕙᒪᒃᑯᑦ ᐊᐅᓚᓂᖏᓐᓂᑦ ᐊᒻᒪᓗ ᖃᕆᓴᐅᔭᓕᕆᒍᓐᓇᑦᑎᐊᕐᓗᑎᑦ. ᐱᔪᒪᓂᖃᕐᓂᖅᓴᐅᒐᔭᖅᑯᒍᑦ …

>> Read More

ᐊᐅᓚᑦᑎᔨᒻᒪᕆᐅᑉ ᐃᑲᔪᖅᑎᖓ, ᐊᖏᔪᖅᑳᖃᕐᕕᐅᑉ ᐱᔨᑦᑎᕋᕐᕕᐊᓂ

ᐊᐅᓚᑦᑎᔨᒻᒪᕆᐅᑉ ᐃᑲᔪᖅᑎᖓ, ᐊᖏᔪᖅᑳᖃᕐᕕᐅᑉ ᐱᔨᑦᑎᕋᕐᕕᐊᓂ
ᓄᓇᕗᑦ ᑐᙵᕕᒃ ᑎᒥᖓ
ᐃᖃᓗᐃᑦ, ᓄᓇᕗᑦ
ᐊᖏᔪᖅᑳᖃᕐᓗᑎᑦ ᐊᐅᓚᑦᑎᔨᒻᒪᕆᒻᒥᑦ (CEO), ᐃᑲᔪᖅᑎᐅᒐᔭᖅᑐᑎᑦ ᐊᖏᔪᖅᑲᐅᑎᐅᖃᑕᐅᓗᑎᑦ ᒪᑯᓂᖓᓗᐊᙳᐊᖅ ᐱᓕᕆᐊᖃᖃᑦᑕᕐᓗᑎᑦ ᐱᔭᐅᔭᕆᐊᓕᓐᓂᑦ:
• ᐊᐅᓚᓂᖓᑕ ᐊᐅᓚᑦᑎᔨᒻᒪᕆᐅᑉ ᐱᓕᕆᒡᕕᖓᓂ;
• ᐋᖅᑭᑦᓱᐃᓂᕐᒧᑦ ᐸᕐᓇᓯᒪᓇᓱᖃᑦᑕᕐᓂᖅ;
• ᐋᖅᑭᒋᐊᕆᐊᓕᓐᓂᑦ ᐊᐅᓚᑦᓯᓂᖅ;
• ᐱᓕᕆᖃᑎᑦᓯᐊᖏᓐᓇᕋᓱᖃᑦᑕᕐᓗᑎᑦ;
• ᑎᑎᕋᐅᓯᒃᑯᑦ ᐊᐅᓚᑦᓯᑦᓯᐊᕐᓂᖅ;
• ᐃᓄᓕᕆᓂᖅ ᐱᓕᕆᒡᕕᒻᒥ;
• ᐅᖃᖅᑕᐅᔪᑦᓴᓂ ᑎᑎᕋᖃᑦᑕᕐᓗᑎᑦ;
• ᒐᕙᒪᓕᕆᓂᕐᒧᑦ ᐅᖃᐅᔾᔨᔨᐅᓯᓈᕐᓗᑎᑦ ᐃᑲᔪᖅᓱᐃᓗᑎᓪᓗ;
• ᒐᕙᒪᓕᕆᓂᕐᒧᑦ ᐸᕐᓇᓯᒪᓂᖅ ᐃᓚᐅᖃᑕᐅᓂᕐᓗ;
• ᑮᓇᐅᔭᓕᕆᓂᕐᒥᑦ ᐊᐅᓚᑦᑎᖃᑦᑕᕐᓂᖅ;
• ᒪᓕᒐᓕᕆᖃᑦᑕᕐᓂᖅ;
• ᐱᓕᕆᔭᐅᔭᕆᐊᓕᓐᓂᓪᓗ ᐊᓯᖏᓐᓂᑦ
ᖃᐅᔨᒪᓂᖃᑦᑎᐊᕆᐊᖃᕋᔭᖅᑐᑎᑦ ᓄᓇᕘᑉ ᐊᖏᕈᑎᖓᓐᓂᑦ, ᓄᓇᕗᑦ ᑐᙵᕕᐅᑉ ᑐᕌᕈᑎᖏᓂᑦ ᐊᐅᓚᓂᐅᔫᑉ ᒪᓕᒐᑦᓴᔭᖏᓐᓂᓪᓗ, ᐃᓄᓐᓄᑦ ᐊᑦᑐᐊᓗᐊᙳᐊᖅᑐᓂᑦ ᖃᐅᔨᒪᒐᓱᐊᕐᓂᖃᕐᓗᑎᑦ ᐱᓕᕆᒍᓐᓇᑦᓯᐊᕐᓗᑎᓪᓗ ᒐᕙᒪᓕᕆᓂᐅᓴᔪᑕᖃᖃᑦᑕᑎᓪᓗᒍ. ᐅᖃᕈᓐᓇᑦᑎᐊᕐᓗᑎᑦ ᐃᓄᒃᑐᑦ/ᐃᓄᐃᓐᓇᖅᑐᓐᓗ ᑎᑎᕋᕈᓐᓇᑦᑎᐊᕐᓗᑎᓪᓗ ᖃᓪᓗᓈᑦᑎᑐᑦ ᐃᓄᒃᑐᑦ/ᐃᓄᐃᓐᓇᖅᑐᓐᓗ, ᓇᒻᒥᓂᖅ ᐱᒋᐊᖃᑦᑕᑦᑎᐊᕈᓐᓇᕐᓗᑎᑦ ᐱᔪᒪᓂᖃᑦᑎᐊᕐᓗᑎᓪᓗ, ᓴᖅᑭᔮᖅᑎᑦᓯᑦᑎᐊᕈᓐᓇᕐᓗᑎᑦ ᐱᓕᕆᐊᖃᕈᓐᓇᕆᐊᖅ ᐅᓄᖅᑐᓂᑦ ᐱᓕᕆᔭᐅᔭᕆᐊᓕᓐᓂᑦ, ᐱᓕᕆᐊᖃᕈᓐᓇᑦᑎᐊᕐᓗᑎᑦ ᐱᐊᓂᑦᑕᐅᔭᕇᒋᐊᓕᓐᓂᑦ ᐱᒡᒐᓇᕐᓂᐅᓴᔪᒥᓗ, ᖃᓄᖅᑑᕈᓐᓇᑦᑎᐊᕐᓗᑎᑦ ᐊᒻᒪᓗ ᑎᑎᕋᖅᑐᓕᕆᓂᕐᒥ ᐱᔪᓐᓇᑦᑎᐊᕐᓂᖃᕐᓗᑎᓪᓗ ᖃᐅᔨᒪᔭᖃᖅᓰᓐᓈᕐᓗᑎᑦ ᑮᓇᐅᔭᓕᕆᓂᐅᑉ ᒥᑦᓵᓄᑦ. ᖃᐅᔨᓴᕐᓂᖃᕈᓐᓇᑦᑎᐊᕐᓗᑎᑦ ᐱᓕᕆᖃᑎᑦᓴᓂᓐᓗ ᐅᖃᖃᑎᖃᑦᑎᐊᕈᓐᓇᕐᓗᑎᑦ, ᖃᐅᔨᒪᓂᖃᕐᓗᑎᑦ ᒐᕙᒪᒃᑯᑦ ᐊᐅᓚᓂᖏᓐᓂᑦ ᐊᒻᒪᓗ ᖃᕆᓴᐅᔭᓕᕆᒍᓐᓇᑦᑎᐊᕐᓗᑎᑦ. ᐱᔪᒪᓂᖃᕐᓂᖅᓴᐅᒐᔭᖅᑯᒍᑦ …

>> Read More

ᓄᑕᖅᑲᑦ ᒥᑭᓂᖏᓐᓂ ᖃᓄᐃᓐᖏᑦᓯᐊᕈᑎᒃᓴᖏᓐᓂᒃ ᐊᐅᓚᑦᓯᔨ

ᓄᑕᖅᑲᑦ ᒥᑭᓂᖏᓐᓂ ᖃᓄᐃᓐᖏᑦᓯᐊᕈᑎᒃᓴᖏᓐᓂᒃ ᐊᐅᓚᑦᓯᔨ
ᓄᓇᕗᑦ ᑐᓐᖓᕕᒃ ᑎᒥᖓ
ᐃᓱᓕᑉᕕᒃᓴᓕᒃ ᐃᖅᑲᓇᐃᔮᖅ
ᐊᖓᔪᖅᑳᖃᕐᓗᓂ ᑐᑭᒧᐊᒃᑎᑦᑎᔨᖓᓂᒃ ᐃᓅᓯᓕᕆᔨᒃᑯᑦ ᐱᓕᕆᒡᕕᐊᓂ, ᓄᑕᖅᑲᑦ ᒥᑭᓂᖏᓐᓂ ᖃᓄᐃᓐᖏᓯᐊᕈᑎᒃᓴᖏᓐᓄᑦ ᐊᐅᓚᑦᓯᔨ ᓂᕆᐅᒋᔭᐅᕗᖅ ᐃᑲᔪᖃᑦᑕᓂᐊᕐᓂᕐᒥᒃ, ᐊᑐᐊᕐᓯᔾᔪᑎᓕᕆᓂᕐᒥᒃ ᐊᒻᒪᓗ ᖃᐅᔨᓴᖃᑦᑕᓂᕐᒥᒃ ᐊᒃᑐᐊᔪᓂᒃ ᐃᓄᐃᑦ ᓄᑕᖅᑲᑦ ᒥᑭᓂᖏᓐᓂ ᐃᓕᑉᐸᓪᓕᐊᓂᖏᓐᓂ ᐊᒻᒪᓗ ᓄᑕᖅᑲᑦ ᐸᖅᑭᔭᐅᑦᓯᐊᕈᑎᒃᓴᖏᓐᓂᒃ (IELCC) ᐊᒻᒪᓗ ᐃᓄᐃᑦ ᓄᑕᖅᑲᑦ ᖃᓄᐃᓐᖏᓯᐊᕈᑎᒃᓴᖏᓐᓂᒃ ᐱᕙᓪᓕᐊᑎᑦᓯᓂᕐᒥᒃ ᓄᓇᕗᒻᒥ. ᑖᓐᓇ ᐱᓕᕆᐊᒃᓴᖅ ᐱᖕᒪᕆᐊᔪᒥᒃ ᐱᓇᓱᐊᒐᑦᓴᖃᕐᓂᐊᕐᐳᖅ ᑐᓂᓯᖃᑦᑕᓂᒃᑯᑦ ᕿᓚᒥᐅᔪᒥ, ᐊᓐᖑᑎᓯᒪᑦᓯᐊᖅᑐᓂᒃ, ᐊᑑᑎᖃᕈᓐᓇᖅᑐᓂᒃ ᑐᓴᐅᒪᔾᔪᑎᓂᒃ ᑐᓐᖓᕕᓕᓐᓂᒃ ᐃᓄᐃᑦ ᓯᕗᓪᓕᐅᔾᔭᐅᖁᔭᖏᓐᓂᒃ ᐊᒃᑐᐊᓂᖓᓄᑦ ᐃᓄᐃᑦ ᓄᑕᖅᑲᑦ ᒥᑭᓂᖏᓐᓂ ᐱᕈᕐᓴᕐᓂᖏᓐᓄᑦ.
ᓄᑕᖅᑲᑦ ᒥᑭᓂᖏᓐᓂ ᖃᓄᐃᓐᖏᑦᓯᐊᕈᑎᒃᓴᖏᓐᓄᑦ ᐊᐅᓚᑦᓯᔨ ᐃᖅᑲᓇᐃᔭᖃᑎᖃᕐᓂᐊᖅᑐᑦ ᐱᓇᓱᐊᖃᑎᒋᓗᒋᑦ ᒐᕙᒪᑦ, ᐃᓄᐃᑦ ᑲᑐᔾᔨᖃᑎᒌᑦ ᐊᒻᒪᓗ ᓄᓇᓖᑦ ᐃᖢᐊᕐᓴᐃᔾᔪᑎᓄᑦ ᑲᑎᑕᐅᓯᒪᔪᓄᑦ ᑮᓇᐅᔭᖃᖅᑎᑕᐅᓂᒃᑯᑦ (HSIF) ᓇᓗᓇᐃᕐᓗᒋᑦ ᐋᖅᑭᑦᓱᕐᓗᒋᓪᓗ ᐊᑐᕆᐊᓕᖏᑦ ᓄᑕᖅᑲᑦ ᒥᑭᓂᖏᓐᓂ …

>> Read More

ᑐᑭᓄᒧᐊᑦᑎᑎᔨᐅᑉ ᑐᖏᓕᐊ, ᐊᑐᐊᒐᓕᕆᔩᑦ ᐸᕐᓇᐃᔩᓪᓗ

ᑐᑭᓄᒧᐊᑦᑎᑎᔨᐅᑉ ᑐᖏᓕᐊ
ᐊᑐᐊᒐᓕᕆᔩᑦ ᐸᕐᓇᐃᔩᓪᓗ
ᓄᓇᕗᑦ ᑐᙵᕕᒃ ᑎᒥᖓ
ᐃᖃᓗᐃᑦ, ᓄᓇᕗᑦ
ᐊᖏᔪᖅᑳᖃᕐᓗᓂ ᑐᑭᓄᒧᐊᑦᑎᑎᔨᐅᔪᒥᑦ ᐊᑐᐊᒐᓕᕆᔩᑦ ᐸᕐᓇᐃᔩᓪᓗ ᐊᓪᓚᕝᕕᐊᓂ, ᑐᑭᓄᒧᐊᑦᑎᑎᔨᐅᑉ ᑐᖏᓕᐊ ᐃᑲᔪᖅᑎᒋᔭᐅᓂᐅᓴᔪᖅ ᐅᓪᓗᑕᒫᑦ ᐊᐅᓚᓂᖏᓐᓂ ᑲᒪᒋᔭᐅᔭᕆᐊᓕᓐᓂᓗ ᐱᓕᕆᕕᒻᒥ ᐱᓕᕆᓂᖃᓗᐊᙳᐊᕐᓗᓂ ᖃᐅᔨᒪᔭᐅᔭᕆᐊᓕᓐᓂ ᓯᕗᓪᓕᐅᔾᔭᐅᔭᕆᐊᓕᓐᓂᓗ ᐃᒪᓕᕆᓂᕐᒨᖓᔪᓂᑦ.
ᓂᕈᐊᖅᓯᔪᒪᓇᔭᖅᑐᒍᑦ ᐃᓕᓐᓂᐊᕇᖅᓯᒪᔪᒥᒃ ᐃᓕᓴᕆᔭᐅᔾᔪᑎᑖᖅᓯᒪᔪᒥᑦ ᐊᑐᐊᒐᓕᕆᓂᒃᒧᑦ, ᐸᕐᓇᐃᓂᕐᒧᑦ ᓄᓇᓕᕆᓂᕐᒥ, ᐊᕙᑎᓕᕆᓂᕐᒧᑦ ᓯᓚᓕᕆᓂᕐᒧᓗ, ᓄᓇᕐᔪᐊᓕᕆᓂᕐᒧᑦ, ᐊᑐᓕᕐᓂᓕᕆᓂᐅᑉ ᐊᐅᓚᓂᖓᓄᑦ, ᑎᒥᒻᒧᑦ ᖃᐅᔨᓴᕐᓂᕐᒨᖓᔪᒥᑦ, ᐊᕙᑎᓕᕆᓂᕐᒧᑦ ᓯᓚᓕᕆᓂᕐᒧᓗ ᒪᓕᒐᓕᕆᓂᕐᒧᓘᓐᓃᑦ ᐅᕝᕙᓘᓐᓃᑦ ᑕᒪᒃᑯᓄᖓ ᖃᓂᒋᔭᐸᓗᖓᓄᑦ ᐃᓕᓐᓂᐊᖅᓯᒪᔭᕆᐊᓕᒃ.
ᐱᓇᓱᐊᕈᒪᔪᑦ ᓂᕈᐊᖅᑕᐅᔪᑦᓴᒫᖑᔪᑦ ᐊᑐᐊᒐᓕᐅᕈᓐᓇᕆᐊᖃᕋᔭᖅᑐᑦ ᐊᓯᔾᔩᒍᓐᓇᕐᓗᑎᓘᓐᓃᑦ ᐊᑐᐊᒐᓕᐅᖅᑕᐅᒌᖅᓯᒪᔪᓂ, ᓄᓇᕗᒻᒨᓕᖓᔪᓂ ᐃᒪᓕᕆᓂᕐᒧᑦ ᐊᑐᐊᒐᙳᖅᑎᑦᑎᒍᓐᓇᕋᔭᕐᓗᓂ ᖃᐅᔨᓴᕈᓐᓇᕋᔭᖅᑐᒥᓘᓐᓃᑦ ᐊᑐᐊᒐᐅᔪᓂ ᐃᒪᓕᕆᓂᕐᒧᑦ ᐱᓕᕆᐊᕆᔭᐅᔪᒪᔪᓂᓪᓗ, ᐃᓱᒪᒋᔭᖃᕈᓐᓇᖅᑐᒥᑦ ᐱᓕᕆᐊᕆᔭᐅᔪᒪᔪᓄᑦ ᓇᓕᐊᓐᓄᑦ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ, ᐱᙳᖅᑎᑦᑎᖃᑕᐅᔪᓐᓇᕋᔭᖅᑐᒥ ᐸᕐᓇᐃᓂᒃᑯᑦ ᐱᖃᑕᐅᔪᓐᓇᖅᓯᓂᕐᒧᑦ, ᐱᖃᑕᐅᑎᓪᓗᒍ ᐱᓕᕆᖃᑎᖃᒋᐊᓪᓚᒃᑲᓂᕐᓂᖅ ᐊᐅᓚᓂᐅᔪᓂ ᐅᒥᐊᕐᔪᐊᒃᑯᑦ ᓇᒃᓯᐅᔾᔭᐅᕙᑦᑐᑦ, ᐆᑦᑑᑎᒋᓗᒍ ᐱᙳᖅᑎᑦᑎᓂᖅ ᐊᑐᓕᖅᑕᐅᓂᖏᑕᓗ ᓱᕐᕋᐃᑦᑕᐃᓕᓗᐊᕋᔭᙱᑦᑐᓂᑦ …

>> Read More

ᒪᒃᑯᑦᑐᓕᕆᔨ

ᐊᖓᔪᖅᑳᖃᕐᓗᓂ ᑐᑭᒧᐊᒃᑎᑦᑎᔨᖓᓂᒃ ᐃᓄᓐᓅᖓᔪᑦ ᐱᓕᕆᐊᒃᓴᑦ ᐱᔨᑦᓯᕈᑏᓪᓗ, ᒪᒃᑯᑦᑐᓕᕆᔨ ᑲᒪᒋᔭᖃᕐᓂᐊᖅᑐᖅ ᐋᖅᑭᐅᒪᑦᓯᓂᕐᒥᒃ ᐃᖅᑲᓇᐃᔮᒃᓴᓂᒃ ᒪᒃᑯᑦᑐᓅᖓᔪᓂᒃ ᐊᒻᒪᓗ ᐱᓇᓱᐊᒐᑦᓴᐅᔪᓂᒃ. ᐃᖅᑲᓇᐃᔮᖅᑖᕋᓱᐊᖅᑐᖅ ᐱᓕᕆᖃᑎᖃᖃᑦᑕᓂᐊᖅᑐᖅ ᒪᒃᑯᑦᑐᓕᕆᔨᖏᓐᓂᒃ ᐊᕕᑦᑐᕐᓯᒪᔪᑦ ᐃᓄᐃᑦ ᑲᑐᔾᔨᖃᑎᒌᑦ ᐸᕐᓇᓪᓗᑎᒃ ᐃᓄᐃᑦ ᒪᒃᑯᑦᑐᑦ ᐃᓕᖅᑯᓯᕐᒥᓂᒃ ᑕᐅᖅᓰᖃᑦᑕᐅᑎᒍᑎᖏᓐᓂᒃ ᐊᒻᒪᓗ ᐊᓯᖏᓐᓂᒃ ᐊᒃᑐᐊᔪᓂᒃ ᐊᐅᓚᓂᐅᔪᓂᒃ. ᐃᖅᑲᓇᐃᔭᖃᑎᖃᖃᑦᑕᕐᓗᓂ ᐱᓇᓱᐊᖃᑎᒋᓗᒋᑦ ᐃᓅᓯᓕᕆᔨᒃᑯᑦ ᐱᓕᕆᒡᕕᐊᒍᑦ ᐱᕙᓪᓕᐊᑎᑦᓯᓂᕐᒥᒃ ᓄᓇᕗᒻᒥ ᒪᒃᑯᑦᑐᑦ ᑲᑎᒪᔨᖏᓐᓂᒃ ᐊᒻᒪᓗ ᐃᓱᒪᒃᑯᑦ ᖃᓄᐃᓐᖏᓯᐊᕐᓂᕐᒨᖓᔪᓂᒃ ᐊᐅᓚᑕᐅᔪᓂᒃ. ᒪᒃᑯᑦᑐᓕᕆᔨ ᐱᓕᕆᐊᒃᓴᖃᕐᓂᐊᕐᒥᔪᖅ ᐃᑲᔪᕐᓂᕐᒥᒃ ᐃᓘᓐᓈᒍᑦ ᐱᓂᐊᕐᓂᕋᐅᑎᓂᒃ ᑐᕌᒐᖏᓐᓂᓪᓗ ᐱᓕᕆᒡᕕᐅᑉ ᐃᓄᓐᓅᖓᔪᓂᒃ ᐱᓕᕆᐊᒃᓴᓂᒃ ᐱᔨᑦᓯᕈᑎᓂᓪᓗ.
ᑖᓐᓇ ᐱᓕᕆᐊᒃᓴᖅ ᑲᑦᓱᖓᐃᑦᑐᒥᒃ ᐃᕿᐊᑦᑖᖓᐃᑦᑐᒥᒃ ᐃᖅᑲᓇᐃᔭᕐᕕᐅᒋᐊᓕᒃ ᖃᓄᑐᐃᓐᓇᖅ ᓇᖕᒥᓂᖅ− ᐱᒋᐊᖅᑎᑦᓯᒍᓐᓇᖅᑐᒥᒃ, ᐱᓕᕆᓯᒪᓗᓂ ᐱᓕᕆᐊᒃᓴᓕᕆᓂᕐᒥᒃ ᐱᕙᓪᓕᐊᑎᑦᓯᓂᕐᒥᓪᓗ ᒪᒃᑯᑦᑐᓄᑦ, ᓴᕐᖏᓂᖃᕐᓗᓂ ᑎᑎᕋᕈᓐᓇᕐᓂᖓ ᐅᖃᓕᒪᒍᓐᓇᕐᓂᖓᓗ ᐅᖃᖃᑎᖃᕈᓐᓇᓯᐊᕐᓗᓂ, ᐸᕐᓇᒍᓐᓇᕐᓗᓂ ᖃᐅᔨᓇᓱᐊᕈᓐᓇᕐᓗᓂᓗ. ᓯᕗᓕᕈᓐᓇᑦᓯᐊᕆᐊᓕᒃ ᐊᒻᒪᓗ ᐃᖅᑲᓇᐃᔭᖃᑎᖃᕈᓐᓇᕐᓗᓂ ᐱᓕᕆᖃᑎᖃᑦᓯᐊᕐᓗᓂ …

>> Read More

ᐊᖓᔪᖅᑳᖑᓂᕐᓴᖅ ᐃᓄᒃᑐᑦ ᐊᑐᐊᒐᓂᒃ ᖃᐅᔨᒪᔨ, ᐃᖃᓗᖕᓂ, ᓄᓇᕗᖕᒥ

ᓴᖅᑭᔮᓕᖅᑭᑦᑎᑕᐅᔪᖅ
ᐊᖓᔪᖅᑳᖑᓂᕐᓴᖅ ᐃᓄᒃᑐᑦ ᐊᑐᐊᒐᓂᒃ ᖃᐅᔨᒪᔨ
ᐱᓕᕆᕕᖓᑦ ᐃᓅᓯᓕᕆᔨᒃᑯᑦ ᐊᒻᒪ ᐃᓕᖅᑯᓯᓕᕆᔨᒃᑯᑦ
ᓄᓇᕗᑦ ᑐᙵᕕᒃ ᑎᒥᖓ
ᐃᖃᓗᖕᓂ, ᓄᓇᕗᖕᒥ
ᐊᖓᔪᖅᑳᖃᓐᓂᐊᕐᓗᓂᐃᓅᓯᓕᕆᔨᒃᑯᑦ ᐊᒻᒪ ᐃᓕᖅᑯᓯᓕᕆᔨᒃᑯᑦ ᑐᑭᒧᐊᒃᑎᑦᑎᔨᖓᓂ, ᐊᖓᔪᖅᑳᖑᓂᕐᓴᖅ ᐃᓄᒃᑐᑦ ᐊᑐᐊᒐᓂᒃ ᖃᐅᔨᒪᔨ ᐃᑲᔪᕐᐸᓂᐊᕐᐳᖅ, ᐅᖃᐅᔨᒋᐊᕐᑎᐅᓗᓂ ᐊᒻᒪᓗ ᐅᔨᕆᔭᖃᑦᑎᐊᐸᓪᓗᓂ ᑐᕌᖓᓂᖃᖅᑐᓂᒃ ᐅᖃᐅᓯᓕᕆᓂᕐᒧᑦ ᐊᑐᐊᒐᓂᒃ ᐊᒻᒪ ᒪᓕᒐᓐᓂᒃ ᓄᓇᕗᖕᒥ. ᑖᓐᓇ ᐃᖅᑲᓇᐃᔭᖃᑎᖃᕐᐸᓂᐊᕐᑐᖅ ᓄᓇᕗᑦ ᑐᙵᕕᒃᑯᑦ ᐃᓕᓐᓂᐊᕐᓂᓕᕆᓂᕐᒧᑦ ᐊᒻᒪ ᐅᖃᐅᓯᓕᕆᓂᕐᒧᑦ ᐊᑐᐊᖏᓐᓂᒃ ᖃᐅᔨᒪᔨᐅᑉ ᐊᒻᒪ ᐃᖅᑲᓇᐃᔭᖃᑎᖃᕐᐸᓪᓗᓂ ᐱᖓᓱᐃᓂᒃ ᓄᓇᕗᖕᒥ ᐃᓄᐃᑦ ᑲᑐᔾᔨᖃᑎᒌᖏᓐᓂ, ᓄᓇᕗᖕᒥ ᑎᑎᕋᕐᕕᖓᓂᒃ ᐅᖃᐅᓯᓕᕆᓂᕐᒧᑦ ᑲᒥᓴᓇᒥᒃ, ᐃᓄᐃᑦ ᑕᐱᕇᒃ ᑲᓇᑕᒥ, ᒐᕙᒪᒃᑯᓃᖔᖅᓯᒪᙱᑦᑐᓂᒃ ᑎᒥᐅᔪᓂᒃ, ᒐᕙᒪᑐᖃᒃᑯᑦ/ᓄᓇᕗᑦ ᒐᕙᒪᒃᑯᖏᑦ ᐅᖃᐅᓯᓕᕆᓂᕐᒥᒃ ᐱᐊᓕᕆᐊᖃᖅᑐᓂᒃ ᐊᒻᒪᓗ ᐊᓯᖏᓐᓂᒃ ᐱᓕᕆᖃᑎᒌᖃᑕᐅᔪᓂᒃ ᑖᒃᑯᐊ ᑐᕌᒐᐅᔪᑦ ᐊᒻᒪ ᐊᑑᑎᒃᓴᒫᖏᑦ ᑲᒪᒋᔭᐅᒐᓗᐊᕐᒪᖔᑕ.
ᑖᓐᓇ ᐃᖅᑲᓇᐃᔮᒃᓴᖅ ᐅᑭᐅᓂᒃ ᐱᖓᓱᓂᒃ ᑐᖔᓂᐅᙱᑦᑐᖅ ᐃᖅᑲᓇᐃᔭᖃᑦᑕᓕᒪᓂᐅᔭᕆᐊᓕᒃ ᐅᖃᐅᓯᓕᕆᓂᕐᒥᒃ ᐅᕝᕙᓗᑦ …

>> Read More

ᓂᕈᐊᖅᑐᓕᕆᔨ ᓄᓇᕗᑦ ᑐᙵᕕᒃ ᑎᒥᖓ

ᓄᓇᕗᑦ ᑐᙵᕕᒃᑯᑦ ᑎᒥᖓ ᓂᕈᐊᖅᑎᑦᑎᔪᒫᓕᕐᒥᒻᒪᑕ ᐃᓂᖓᓄᑦ ᑐᖏᓕᖓᑕ ᐊᖓᔪᖅᑳᑉ ᑎᓯᑉᐱᕆ 10, 2018-ᒥ. ᓄᓇᕗᑦ ᑐᙵᕕᒃᑯᑦ ᕿᓂᖅᑐᑦ ᓂᕈᐊᖅᑐᓕᕆᔨᒃᓴᒥᒃ ᑲᒪᒋᔭᖃᓛᕐᑐᒥᒃ ᓂᕈᐊᓕᖅᑎᓪᓗᒋᑦ ᒪᓕᓪᓗᒋᑦ ᓄᓇᕗᑦ ᑐᙵᕕᒃᑯᑦ ᑎᒥᖓᑕ ᓂᕈᐊᕐᓂᕐᒧᑦ ᒪᓕᒃᑕᐅᔭᕆᐊᖃᖅᑐᖁᑎᖏᑦ ᐊᒻᒪᓗ ᑲᒪᔾᔪᓯᐅᓅᓱᑦ.
ᓂᕈᐊᖅᑐᓕᕆᔨ ᑲᒪᒋᔭᖃᕋᔭᕐᑐᖅ ᖃᓄᐃᓕᐅᕆᐊᖃᕈᑕᐅᔪᓂᒃ ᐊᒻᒪᓗ ᐅᔾᔨᑐᖅᑎᐅᓗᓂ ᐊᐅᓚᑦᓯᔾᔪᑎᓂᒃ ᓂᕈᐊᕐᓇᑎᓪᓗᒍ ᐊᒻᒪ ᒪᓕᒃᑕᐅᔭᕆᐊᓕᖕᓂᒃ ᒪᓕᒃᑕᐅᑎᑦᑎᓗᓂ, ᓂᕈᐊᖅᑐᓕᕆᔨᓄᑦ, ᐃᓚᐃᓐᓈᖏᓪᓗᓂ ᐊᒻᒪᓗ ᑕᑉᐲᖃᑦᑕᖏᓪᓗᓂ ᐊᒻᒪ ᒪᓕᓪᓗᓂᒋᑦ ᓄᓇᕗᑦ ᑐᙵᕕᒃᑯᑦ ᑎᒥᖓᑕ ᓂᕈᐊᖅᑐᓕᕆᓂᕐᒧᑦ ᒪᓕᒐᖏᑦ ᐊᒻᒪᓗ ᑲᒪᔾᔪᓯᐅᔪᑦ.
ᓄᓇᕗᑦ ᑐᙵᕕᒃᑯᑦ ᓂᕈᐊᖅᑐᓕᕆᔨᖓᓄᑦ ᑐᒃᓯᕋᕈᑎᓕᐅᕈᑎᓕᐅᕈᑎᓄᑦ ᐊᒻᒪ ᓂᕈᐊᖅᑐᓕᕆᓂᕐᒧᑦ ᒪᓕᒃᑕᐅᔭᕆᐊᓖᑦ ᑲᒪᔾᔪᓯᐅᔪᓪᓗ ᐊᔾᔨᖏᑦ ᐊᑐᐃᓐᓇᐅᕗᑦ ᐅᕙᓂ www.tunngavik.com.
ᐊᑭᓕᖅᑕᐅᒍᑎᖏᑦ ᒪᓕᓐᓂᖃᓪᓗᑎᒃ ᐊᔪᙱᓐᓂᖏᖃᓐᓂᖓᓂᒃ ᐊᒻᒪ ᓂᕈᐊᖅᑐᓕᕆᔨᐅᖃᑦᑕᕐᓯᒪᓂᖓᓂᒃ.
ᑐᓂᔪᓐᓇᕐᐸᑎᑦ ᓂᕈᐊᖅᑐᓕᕆᔨᐅᔪᒪᔾᔪᑎᑎᑦ ᐊᒻᒪᓗ ᑮᓇᐅᔭᑦ ᐊᑑᑎᖃᕈᒫᕐᓂᐊᕐᑐᑦ ᔫᓂ …

>> Read More

ᓂᕈᐊᖅᑐᓕᕆᔩᑦ ᑲᒥᓴᓇᖓ

ᓄᓇᕗᑦ ᑐᙵᕕᒃᑯᑦ ᕿᓂᕐᒪᑕ ᐊᔪᙱᓐᓂᖃᖅᑐᒥᒃ ᓂᕈᐊᖅᑐᓕᕆᓂᕐᒧᑦ ᑲᒥᓴᓇᐅᒐᔭᕐᑐᒥᒃ ᓂᕈᐊᖅᑎᑦᑎᓂᖃᓛᖅᑎᓪᓗᒋᑦ ᑎᓯᑉᐱᕆ 10, 2018-ᒥ.
ᓂᕈᐊᖅᑐᓕᓂᕐᒧᑦ ᑲᒥᓴᓇᓕ ᑲᒪᒋᔭᖃᕋᔭᕐᑐᖅ ᖃᐅᔨᓴᕐᐸᓪᓗᓂ ᓈᖕᒪᓴᙱᒍᑕᐅᔪᓂᒃ ᓂᕈᐊᖅᑐᓕᕆᓂᕐᒧᑦ ᐊᑐᐊᒐᓐᓂᒃ ᒪᓕᒃᑐᖃᙱᓐᓂᕋᐃᔪᖃᖅᑎᓪᓗᒍ, ᐊᒻᒪᓗ ᐊᑐᓕᖁᔭᓕᐅᕋᓴᕐᑐᓂ ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᓐᓄᑦ ᓈᖕᒪᒃᑐᓂᒃ ᐋᖅᑭᒃᓯᒋᐊᕈᑕᐅᒐᔭᕐᑐᓂᒃ ᐅᕝᕙᓗ ᐱᓂᕐᓗᕐᓂᕋᐃᔪᓂᒃ. ᓂᕈᐊᖅᑐᓕᕆᓂᕐᒧᑦ ᑲᒥᓴᓇ ᐃᖅᑲᓇᐃᔭᖃᑎᖃᕋᔭᕐᑐᖅ ᓂᕈᐊᖅᑐᓕᕆᔨᒥᒃ.
ᓈᖕᒪᓴᙱᑦᑐᖃᓐᓂᕐᐸᑦ ᐊᒻᒪᓗ ᑲᒪᔭᕆᐊᖃᖅᑎᑕᐅᓐᓂᕈᕕᑦ, ᐊᑭᓕᖅᓱᕐᑕᐅᒐᔭᕐᑐᑎᒃ ᓯᕗᓂᐊᒍᑦ ᐊᖏᖃᑎᒌᒍᑎᒋᓯᒪᔭᓯ ᓄᓇᕗᑦ ᑐᙵᕕᒃᑯᓪᓗ ᐊᑐᕐᓗᒋᑦ.
ᓄᓇᕗᑦ ᑐᙵᕕᒃᑯᑦ ᓂᕈᐊᖅᑐᓕᕆᔨᖓᓄᑦ ᑐᒃᓯᕋᕈᑎᓕᐅᕈᑎᓕᐅᕈᑎᓄᑦ ᐊᒻᒪ ᓂᕈᐊᖅᑐᓕᕆᓂᕐᒧᑦ ᒪᓕᒃᑕᐅᔭᕆᐊᓖᑦ ᑲᒪᔾᔪᓯᐅᔪᓪᓗ ᐊᔾᔨᖏᑦ ᐊᑐᐃᓐᓇᐅᕗᑦ ᐅᕙᓂ www.tunngavik.com.
ᐊᔪᙱᓐᓂᖃᖅᑐᑦ ᓂᕈᐊᖅᑐᓕᕆᓂᕐᒧᑦ ᑲᒥᓴᓇ ᐃᖅᑲᓇᐃᔮᖃᓚᐅᕐᓯᒪᖁᒥᓇᕐᐳᖅ ᐅᑯᓂᖓ: ᓂᕈᐊᖅᑐᓕᕆᔨᐅᓯᒪᔪᖅ (ᑲᓇᑕᐅᑉ ᒐᕙᒪᒃᑯᖏᓐᓄᑦ, ᓄᓇᕗᑦ ᒐᕙᒪᒃᑯᖏᓐᓄᑦ, ᕼᐊᒻᓚᒃᑯᓐᓄᑦ ᐅᕝᕙᓗ ᐃᓄᐃᑦ ᑎᒥᖁᑎᖏᓐᓄᑦ), ᒐᕙᒪᒃᑯᓐᓄᑦ ᐊᐅᓚᑦᓯᔨᐅᓂᕐᒧᑦ ᐊᒻᒪ/ᐅᕝᕙᓗ ᒪᓕᒐᓕᕆᔨᐅᓂᕐᒧᑦ. ᓯᕗᓪᓕᖅᐹᖑᑎᑕᐅᓂᐊᖅᑐᑦ ᐊᑎᖃᖃᑕᐅᔪᑦ …

>> Read More