ᒪᓕᒃᖢᒋᑦ ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓕᕆᔨᒃᑯᓐᓂ, ᐃᑲᔪᖅᑎ ᑐᑭᒧᐊᒃᑎᑦᑎᔨᒧᑦ ᑐᓴᐅᒪᖃᑦᑕᐅᑎᓕᕆᔨᒃᑯᓐᓂ ᓯᕗᒻᒧᒃᓯᖃᑦᑕᓚᖓᔪᖅ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᐅᓚᑕᖏᓐᓂᒃ ᑐᓴᐅᒪᖃᑦᑕᐅᑎᓕᕿᓂᕐᒧᑦ ᐱᓕᕆᐊᓂᒃ ᐊᒻᒪᓗ ᐊᐅᓚᑕᐅᔪᓂᒃ. ᐱᔭᒃᓴᖃᖃᑦᑕᕐᓂᐊᖅᑐᑎᑦ ᓴᖅᑭᑦᑎᓂᕐᒥᐅᑯᓂᖓ ᑕᖅᑭᑕᒫᑦ ᓇᓃᓕᖅᐃᑕ ᑐᓴᒐᒃᓴᓂᒃ, ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᕐᕌᖑᑕᒫᑦ ᐅᓂᒃᑳᓂᒃ ᖃᓄᐃᓕᖓᓕᕐᓂᖏᓐᓂᒃ ᐃᓄᐃᑦ ᐱᖅᑯᓯᖏᑦ ᐊᒻᒪᓗ ᐃᓄᖏᑦᑕ ᐊᒻᒪᓗ ᐸᕐᓇᐃᓂᕐᒥᑦ ᐃᖅᑲᐅᒪᖃᑦᑕᕈᑎᓂᒃ ᐊᔾᔨᐅᖏᑦᑐᓂᒃ ᐅᑉᓗᓂᒃ ᐊᒻᒪᓗ ᐊᐅᓚᑕᐅᔪᓂᒃ ᐱᓕᕆᐊᖑᑎᓪᓗᒋᑦ ᒪᑯᐊ ᓲᕐᓗ ᓄᓇᕗᒥ ᐅᑉᓗᖏᑦ ᓇᓪᓕᕌᖓᑕ. ᐊᐅᓚᓂᖏᓐᓂᒃ ᑐᓴᐅᒪᖃᑦᑕᐅᑎᓕᕆᒃᑯᑦ ᐃᓚᒋᓪᓗᒋᑦ ᒪᑯᐊ ᓇᓗᓇᐃᔭᐃᑦᑎᐊᕐᓂᖅ ᐃᓄᐃᑦ ᖃᓄᑦ ᐱᓕᕆᐊᓄᑦ ᐊᒻᒪᓗ ᐱᔨᑦᑎᕋᕕᑎᓄᑦ ᐊᑐᐃᓐᓇᐅᕕᐅᑉᒪᖔᑕ, ᐱᒪᑐᑦᑎᐊᕐᓗᒋᑦ ᑎᒥᐅᔫᑉ ᖃᕆᑕᐅᔭᖏᑦᑕ ᐃᓗᓕᖏᑦ ᐊᒻᒪᓗ ᑭᒃᑯᑐᐃᓐᓇᓄᑦ ᑐᓴᕐᕕᐅᓂᕐᒧᑦ ᐊᑐᖅᑕᐅᕙᒃᑐᑦ. ᐃᑲᔪᖅᑎ ᑐᑭᒧᐊᒃᑎᑦᑎᔨᒧᑦ ᐊᐅᓚᑎᖃᑦᑕᕐᓗᓂ ᑐᓴᐅᒪᖃᑦᑕᐅᑎᓕᕆᔨᒃᑯᑦ ᐃᖅᑲᓇᐃᔭᖅᑎᖏᓐᓂᒃ ᐊᒻᒪᓗ ᑳᓐᑐᕌᖅᑎᑕᐅᔪᓂᒃ ᐃᖅᑲᓇᐃᔭᖅᑎᓪᓪᓗᒋᑦ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᑲᑎᒪᔨᖏᓐᓂᒃ ᐊᒻᒪᓗ ᐊᓯᖏᓐᓂᒃ ᑲᑎᒪᔪᖃᖅᑎᓪᓗᒍ ᐊᒻᒪᓗ ᓇᓗᓴᐃᖅᓯᑦᑎᐊᖅᐊᒃᓗᓂ ᐱᐅᔪᓂᒃ ᓄᓇᕗᑦ ᑐᓐᖓᑯᒃ ᑐᒥᖓᑦᑕ ᑐᓴᐅᒪᖃᑦᑕᐅᑎᓕᕆᔨᒃᑯᖏᓐᓂᒃ ᐃᓄᒃᑐᑦ ᐊᑐᕐᓗᑎᒃ, ᐃᓄᐃᓐᓇᖅᑐᑦ ᐊᒻᒪᓗ ᖃᑉᓗᓈᑐᑦ. ᐃᖅᑲᓇᐃᔭᖅᑎᐅᓂᐊᖅᑐᖅ ᐃᓚᐅᖃᑦᑕᓚᖓᔪᖅ ᑐᑭᓯᒍᑎᒃᓴᓂᑦ ᐱᖁᑎᑎᒍᑦ ᐅᑯᓇᓂ ᓄᓇᕗᑦ ᑐᓐᖓᕕᒃ ᑎᒥᖓᓐᓂ, ᓇᓄᓇᐃᑦᑎᐊᖃᑦᑕᕐᓗᖏᑦ ᐅᑯᐊ ᓄᓇᕗᑦ ᑐᓐᖓᑯᒃ ᑎᒥᖓᑦᑕ ᓯᕗᓕᖅᑎᖏᑦ ᐊᒻᒪᓗ ᐃᖅᑲᓇᐃᔭᖅᑏᑦ ᐃᑲᔪᖅᑐᖅᑕᐅᓗᑎᒃ ᒪᑯᑎᒎᓇᖅ ᐊᐅᓚᔪᑎᒍᑦ ᖃᕆᑕᐅᔭᓄᑦ ᐊᒃᑐᐊᔪᓂᒃ ᐱᖁᑎᖏᑦᑎᒍᑦ, ᐊᖅᑯᑎᒋᓗᒋᑦ ᐅᖓᓯᒃᑐᒧᑦ ᐊᑐᖅᑕᐅᕙᒃᑐᑦ, ᖃᕆᑕᐅᔭᑎᒍᑦ ᑐᑭᓯᒍᑎᒃᓴᑦ ᐊᐅᓚᑦᑎᓂᕐᒧᑦ ᐊᒻᒪᓗ ᑲᑎᒪᔪᑎᒍᑦ.
ᐊᔪᖏᓐᓂᖏᑦ ᒪᑯᐊᖑᓗᑎᒃ: ᓯᓚᑦᑐᖅᓴᕐᕕᒃᔪᐊᒥᑦ ᐃᓕᑕᕆᔭᐅᔾᔪᑎᖃᕐᓗᓂ ᐅᕝᕙᓗ ᐅᑭᐅᖅᑕᑐᒥᑦ ᓯᓚᑦᑐᖅᓴᕐᕕᖕᒥᑦ ᐃᓕᑕᕆᔭᐅᔾᔪᑎᖃᕐᓗᓂ ᑕᒪᑦᓱᒧᖓ ᑐᓴᐅᒪᖃᑦᑕᐅᑎᓂᕐᒧᑦ−ᐊᒃᑐᐊᔪᓂᒃ ᐃᓕᓴᕐᓯᒪᓗᓂ, ᐅᕝᕙᓗ ᐊᔾᔨᕐᓚᖏᑦ ᖃᓄᖏᑦᑐᑦ ᐃᓕᓯᒪᔭᖏᑦ ᐱᓕᒻᒪᒃᓯᒪᓗᓂᒋᑦ ᐊᐅᓚᑦᑎᓂᕐᒥᑦ ᐃᖅᑲᓇᐃᔭᖅᑎᓂᒃ ᐊᒻᒪᓗ ᕿᑎᐊᓂ ᐅᑭᐅᖕᓄᑦ ᐱᓕᕆᐊᕆᓯᒪᓗᒋᑦ ᖃᐅᔨᒪᔨᑕᐅᓂᕐᒧᑦ ᑐᓴᐅᒪᖃᑦᑕᐅᑎᓂᕐᒧᑦ ᐃᓂᒧᑦ ᐊᒃᑐᐊᔪᑦ. P ᓂᕈᖅᑕᐅᓇᔭᖅᑐᖅ ᐆᒃᑐᖅᑐᖅ ᐱᓕᕆᐊᒧᑦ ᓂᐅᕕᖃᑦᑕᖅᑕᓯᒪᓗᓂ ᐱᔭᐅᔭᕆᐊᖃᖅᑐᓂᑦ ᖃᐅᔨᒪᓗᒋᑦ ᐊᒻᒪᓗ ᑮᓇᐅᔭᓕᕆᓂᖅ ᐊᒻᒪᓗ ᑮᓇᐅᔭᖁᑎᐅᔪᓂᒃ ᐊᐅᓚᑦᑎᖃᑦᑕᖅᓯᒪᔪᓂ ᐱᓕᕆᓂᒃᑯᑦ ᓯᕗᓂᒥ. ᐊᓯᖏᓪᓗ ᐱᓕᒻᒪᒃᓯᒪᔭᖏᑦ ᐊᔪᖏᑦᑕᖏᑦ ᐱᒻᒪᕆᐅᔪᑦ ᐱᓕᕆᐊᒃᓴᒧᑦ ᒪᑯᐊᖑᕗᑦ:
• ᐃᓗᐃᑦᑐᒥᑦ ᖃᐅᔨᒪᑦᑎᐊᕐᓗᓂ ᐅᑯᓂᐊᖓ ᓄᓇᕗᑦ ᐊᖏᕈᑎᖏᓐᓂᒃ.
• ᐱᖃᓐᓂᑦᑎᐊᕐᓗᓂ ᐃᖅᑲᓇᐃᔭᖃᑎᖏᓐᓂᒃ, ᓇᖕᒥᓂᕐᓗ−ᐱᒋᐊᕈᓐᓇᕐᓗᓂ ᐊᒻᒪᓗ ᓇᖕᒥᓂᖅ ᑐᑭᓕᐅᕆᔪᓐᓇᕐᓗᓂ.
• ᐱᓕᕆᐊᓂᑦ ᐊᐅᓚᑦᑐᓂᕐᒥᒻᑦ ᐊᑐᖅᓯᒪᓗᓂ ᐱᓕᕆᓯᒪᓂᒃᑯᑦ ᐱᔭᕆᐊᖃᒻᒪᕆᒃᑐᖅ.
• ᐱᔪᓐᓇᑦᑎᐊᕐᓗᓂ ᖃᐅᔨᓇᓱᐊᖃᑦᑕᕐᓂᕐᒥᑦ ᐊᒻᒪᓗ ᑐᑭᓕᐅᑦᑎᐊᕈᓐᓇᕐᓗᒋᑦ ᐊᑐᐊᒐᑦ, ᒪᓕᒐᒃᓴᑦ ᐊᒻᒪᓗ ᒪᓕᒃᑕᐅᔪᒃᓴᑦ ᒪᓕᒐᓄᑦ.
• ᐊᔪᖏᑦᑎᐊᕐᓗᓂ ᐅᖃᕈᓐᓇᕐᓂᕐᒥᑦ ᐊᒻᒪ ᑎᑎᕋᕈᓐᓇᕐᓗᓂ ᑐᓴᐅᒪᖃᑦᑕᐅᑎᓕᕆᓂᕐᒧᑦ ᖃᐅᔨᒪᓂᐊ ᒪᓕᒃᓗᒍ.
• ᐊᔪᖏᓪᓗᓂ ᐅᖃᕈᓐᓇᕐᓂᕐᒥᑦ ᐃᓄᒃᑐᑦ ᐅᕝᕙᓗ ᐃᓄᐃᓐᓇᖅᑐᑦ, ᐅᕝᕙᓗ ᐱᔪᒪᓂᖃᕐᓗᓂ ᐃᓕᓐᓂᐊᕐᓂᕐᒥᑦ ᐅᖃᐅᓯᓂᒃ ᑕᒪᓐᓇ ᐱᖁᔭᐅᔪᑎ ᐱᓕᕆᐊᖓᓂ
• ᐱᐅᔪᓂᒃ ᓈᒪᑦᑎᐊᕐᒃᑐᓂ. ᐅᓂᒃᑳᕈᓐᓇᕐᓗᓂ ᐊᔾᔨᒌᖏᑦᑐᓂᒃ ᐊᒻᒪᓗ ᐊᔾᔨᒌᖏᑦᑐᓄᑦ ᐃᓄᖕᒧᑦ
• ᐱᔪᓐᓇᕐᓗᓂ ᐱᓕᕆᖃᑎᖃᕈᓐᓇᕐᓂᕐᒥᑦ ᐊᔾᔨᒌᖏᑦᑑᑎᓄᑦ ᐃᓄᖕᓄᑦ ᐊᒻᒪᓗ ᐊᒥᓱᐃᑦ ᑲᑎᒪᑎᓪᓗᖏᑦ, ᑕᒪᕐᒥᒃ ᒐᕙᒪᒃᑯᓐᓄᓪᓗ, ᑎᒥᐅᔪᓄᑦ ᒐᕙᒪᒃᑯᓄᑦ ᐊᐅᓚᑕᐅᖏᑦᑐᓄᑦ ᑎᒥᐅᔪᓄᑦ ᐊᒻᒪᓗ ᐃᓄᒻᒪᕆᖕᓄᑦ.
• ᐃᒃᐱᒍᓱᒍᓐᓇᑦᑎᐊᕐᓗᓂ ᓄᓇᓕᖕᒥᐅᓄᑦ, ᒐᕙᒪᓕᕿᓂᕐᒧᑦ ᐊᒻᒪᓗ ᐱᖅᑯᓯᓕᕆᓂᕐᒧᑦ ᐱᔾᔪᑎᐅᔪᓂᒃ ᐊᒻᒪᓗ ᑕᐅᑐᖅᑰᖅᑕᐅᔪᓂᒃ ᑭᒃᑯᑐᐃᓐᓇᓄᑦ.
• ᑐᑭᓯᐊᒥᖃᕐᓄᒥ ᓄᓇᓕᖕᒥᐅᑦ ᐱᔪᒪᔭᖏᓐᓂᒃ ᓄᓇᕗᒥ.
• ᐊᔾᔨᒌᖏᑦᑐᑦ ᐱᖅᑯᓯᑐᖃᒃᑯᑦ ᖃᐅᔨᒪᓂᖃᕐᓗᓂ ᐊᒻᒪᓗ ᐊᑐᖅᓯᒪᓗᒋᑦ.
• ᐊᔪᖏᒻᒪᕆᕐᓗᓂᓗ ᖃᕆᑕᐅᔭᓕᕆᓂᕐᒧᑦ ᐱᓕᒻᒪᒃᓴᖅᓯᒪᓂᒃᑯᑦ.
• ᐊᔪᖏᑦᑎᐊᕐᓗᓂ ᐊᒥᓱᓂᒃ ᐊᑕᐅᑎᒃᑯᑦ ᐱᓕᕆᔪᓐᓇᕐᓂᕐᒥᑦ.
• ᐅᔾᓕᖅᑐᕈᓐᓇᑦᑎᐊᕐᓗᓂ ᓇᓗᓇᐃᔭᑯᓘᔭᕆᐊᖃᖅᑐᓂᒃ
ᐱᒋᐊᕈᑎᒋᓂᐊᖅᑕᖏᑦ ᑮᓇᐅᔭᓕᐊᖏᑦᑕ ᐃᒪᓐᓇ $92,745 ᐅᑭᐅᓕᒫᖅ (ᒪᓕᒃᓗᒋᑦ ᐱᓕᕆᓂᕆᓯᒪᔭᖏᑦ) ᐃᓚᒋᓗᒍ $24,000 ᐅᑭᐅᖅᑕᖅᑐᒦᓐᓂᐊᓄᑦ ᐊᒻᒪᓗ ᐃᒡᓗᕐᔪᐊᒧᑦ ᐃᑲᔫᑏᑦ ᐅᑭᐅᑕᒫᑦ ᐊᒻᒪᓗ ᐃᓗᐃᑦᑐᑦ ᐃᑲᔫᑎᒃᓴᑦ ᐃᓚᒋᓪᓗᒋᑦ ᐃᖅᑲᓇᐃᔭᖅᑎᑦ ᓄᖅᑲᖅᑐᖅᓯᐅᑎᖏᓐᓄᑦ ᐸᕐᐃᓇᐅᑎᑎᒍᑦ ᓇᓪᓕᐅᑯᒫᑦ ᐊᒥᓱᓄᑦ ᑲᑎᑕᐅᓯᒪᔪᑦ ᐱᕝᕕᐅᖃᑦᑕᖅᑐᑦ ᐊᒻᒪᓗ ᕿᑲᕐᓂᕐᒧᑦ ᐃᖏᕐᕋᔾᔪᑎᒃᓴᑦ ᐃᑲᔪᕈᑎᖏᓗᒋᑦ.
ᐃᓄᐃᑦᑐᓯᑦ ᐃᑦᑲᓇᐃᔮᒧᑦ ᓇᓗᓇᐃᔭᖅᓯᒪᔪᑦ ᐅᓂᒃᑳᑦᑎᐊᖅᓯᒪᔪᑦ, ᐊᑏ ᐅᖃᕐᕕᒋᒍᒃ;
Human Resources ᐆᖄᓚᐅᑎ: (867) 645-5440
Nunavut Tunngavik Inc. ᓱᑲᔪᒃᑯᑦ: (867) 645-3872
Rankin Inlet, NU
ᒪᑐᕝᕕᒃᓴᖓ ᐆᒃᑐᖅᑐᓄᑦ: ᔫᓐ 26, 2020
ᓇᖕᒥᓂᖅ ᐱᓂᐊᕐᓂᕋᕈᑎᕗᑦ: ᐃᓄᐃᑦ ᒪᑭᒪᐅᑎᒃᓴᓄᑦ ᐊᒻᒪᓗ ᐃᓅᓯᕐᒧᑦ ᐊᒻᒪᓗ ᐱᖅᑯᓯᒃᑯᑦ ᖃᓄᐃᖏᑦᑎᐊᖁᓪᓗᖏᑦ ᐊᑐᓕᖅᑎᑦᑎᕙᓪᓕᐊᓂᒃᑯᑦ ᐅᑯᓂᓐᖓ ᓄᓇᕗᒥ ᐊᖏᕈᑎᖏᑦᑎᒍᑦ,
CLOSING DATE: June 26, 2020
