(ᔪᓚᐃ 9, 2019 – ᖁᕐᓗᖅᑐᖅ, ᓄᓇᕗᑦ)
ᐱᔪᒪᔭᖏᑦ ᓄᓇᕗᑦ ᖃᒡᓕᒋᐊᕆᕗᑦ ᓄᓇᕗᑦ ᑐᓐᖓᕕᒃ ᑎᒥᖓᑦ ᕿᓂᓕᖅᑎᓪᓗᒋᑦ ᐱᓕᕆᐊᒃᓴᖏᓐᓄᑦ ᑕᓯᐅᖅᑕᐅᔾᔪᑎᒃᓴᖏᓐᓂᒃ ᓇᖕᒥᓂᖅ ᒐᕙᒪᖃᕐᓂᕐᒧᑦ ᐃᓄᐃᑦ ᐃᓐᓇᑐᖃᖏᓐᓂᑦ ᐊᒻᒪᓗ ᐊᖏᖅᓯᒪᑦᓯᐊᖅᑐᑦ ᐃᓄᒃᑐᑦ ᐅᖃᐅᓯᖅ ᐊᑐᖅᑕᐅᖁᓪᓗᒍ ᐃᖅᑲᓇᐃᔭᕐᕕᐅᑉ ᐃᓗᐊᓂ, ᑕᐃᒪᓐᓇ ᑐᓴᖅᑎᑦᓯᓚᐅᖅᑐᖅ ᐊᖓᔪᖅᑳᖅ ᐊᓗᑭ ᑰᑦᑎᖅ ᖁᕐᓗᖅᑐᕐᒦᓪᖢᓂ ᐅᓪᓗᒥ.
“ᐊᕐᕌᒍᑦ 50 ᐊᓂᒍᖅᓯᒪᓕᖅᑐᑦ, ᑕᒑᖅ ᑰᓕ ᑎᑎᕋᓚᐅᖅᓯᒪᔪᖅ ᐃᓐᓇᑐᖃᕐᓄᖅ ᕿᓂᕐᖢᓂ ᑕᐅᑐᓐᖑᐊᖅᑕᖏᓐᓂᒃ ᐊᒻᒪᓗ ᑐᕌᒐᕆᔪᒪᔭᖏᓐᓂᒃ,” ᑕᐃᒪᓐᓇ ᐅᖃᖃᐅᔪᖅ ᐊᖓᔪᖅᑳᖅ ᐊᓗᑭ ᑰᑦᑎᖅ. “ᑖᒃᑯᐊ ᑎᑎᖅᑲᐃᑦ ᐃᓗᓕᖃᓚᐅᖅᑐᑦ ᓂᕆᐅᖕᓂᕐᒥᒃ. ᐃᓄᐃᑦ ᐋᖅᑭᒡᓱᐃᓚᐅᖅᑐᑦ ᐊᒻᒪ ᐱᒋᐊᖅᑎᑦᓯᓚᐅᖅᑐᑦ ᐋᔨᖃᑎᖃᕐᓂᕐᒥᒃ ᑕᐃᒪᐃᒻᒪᑦ ᓴᖅᑭᓚᕿᓚᐅᖅᑐᖅ ᐊᑎᓕᐅᖅᑕᐅᓂᖓ ᓄᓇᕗᑦ ᐊᖏᕈᑎᖓ ᐊᕐᕌᒍᑦ 26 ᐊᓂᒍᖅᓯᒪᓕᖅᑎᓪᓗᒍ. ᐅᓪᓗᒥ, ᕿᓂᓕᕆᕗᒍᑦ ᑕᓯᐅᖅᑕᐅᔾᔪᑎᒃᓴᖏᓐᓂᒃ ᓇᖕᒥᓂᖅ ᒐᕙᒪᖃᕐᓂᕐᒧᑦ ᐊᒻᒪᓗ ᑎᑎᕋᓚᐅᖅᑐᖓ ᐃᓐᓇᕐᓄᑦ ᑕᒪᓐᓇ ᐱᓪᓗᒍ.”
ᐊᕐᕌᒍᐊᓂ 1970, ᐃᓐᓇᑐᖃᐃᑦ ᑭᐅᔾᔪᑎᒋᓚᐅᖅᓯᒪᔭᖏᑦ ᑕᒑᖅ ᑰᓕᒧᑦ ᐱᓪᓗᒋᑦ ᑲᑎᒪᕐᔪᐊᓚᕿᓕᓚᐅᖅᓯᒪᔪᑦ ᐅᑭᐅᖅᑕᖅᑐᕐᒥ ᐃᓄᐃᑦ ᖁᕐᓗᖅᑐᕐᒥ, ᑕᐃᔭᐅᓪᓗᓂ Coppermine-ᒥ ᑲᑎᒪᕐᔪᐊᕐᓂᕐᒥᒃ. ᐅᓪᓗᒥ ᐃᓄᐃᓐᓇᖅᑐᑦ ᐊᑐᖃᓕᖅᑐᖅ ᖁᕐᓗᖅᑐᕐᒥᒃ.
“ᐃᓚᖓᑦ ᐱᔪᒪᔭᐅᓚᐅᖅᓯᒪᔪᖅ ᓄᓇᕗᒥ ᐃᓄᒃᑐᑦ ᐅᖃᐅᓯᖅ ᐊᓯᐅᔨᔭᐅᖁᓇᒍ ᐅᓄᕐᓂᖅᓴᐅᔪᑦ ᐃᓄᒃᑎᑐᑦ ᐅᖃᓪᓚᖃᑦᑕᕐᓂᖏᓐᓄᑦ ᐃᖅᑲᓇᐃᔭᕐᕕᖕᒥ, ᐃᓕᓐᓂᐊᕐᕕᖕᒥ ᐊᒻᒪᓗ ᑕᖅᑳᓂ ᓇᓂᑐᐃᓐᓇᖅ,” ᑕᐃᒪᓐᓇ ᐅᖃᓚᐅᖅᑐᖅ ᐊᖓᔪᖅᑳᑉ ᑐᖏᓕᖓ ᔭᐃᒥᓯ ᐃᑦᑐᓗᒃ. “ᓯᕗᒃᑲᖅᑕᖅᑎᐅᕗᒍᑦ ᐆᒃᑑᑎᐅᓪᓗᑕ ᐊᒻᒪ ᓯᕗᓪᓕᖅᐹᖑᓂᐊᖅᐳᒍᑦ ᐃᓄᒃᑐᑦ ᐅᖃᐅᓯᖅ ᐊᑐᖅᑕᐅᑎᓪᓗᒍ ᐃᖅᑲᓇᐃᔭᕐᕕᖕᒥ.
ᐃᓄᒃᑐᑦ ᐅᖃᐅᓯᕐᒧᑦ ᖃᐅᔨᓴᕈᑎᑦ ᓴᓇᔭᐅᓯᒪᓕᕇᖅᑐᑦ ᐱᔭᕇᖅᑕᐅᓯᒪᓪᓗᑎᒃ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐃᖅᑲᓇᐃᔭᖅᑎᖏᓐᓄᑦ. ᐃᓘᓐᓇᖏᓪᓗ ᐃᖅᑲᓇᐃᔭᖅᑎᐅᔪᑦ ᐃᓕᓐᓂᐊᖅᑎᑕᐅᓂᐊᖅᑐᑦ ᐃᖅᑲᓇᐃᔭᖅᑎᓪᓗᒋᑦ ᐊᒻᒪᓗ ᐃᑲᔪᖅᑕᐅᖃᑦᑕᕐᓂᐊᖅᑐᑦ ᐱᔭᕆᐊᖃᖅᑕᖏᑦ ᒪᓕᒡᓗᒋᑦ. ᓄᑖᑦ ᑕᐃᒎᓯᐅᔪᑦ ᐱᔭᕐᓂᖏᑦᑐᓂ, ᑮᓇᐅᔭᓕᕆᔪᓂ ᐊᒻᒪᓗ ᐱᖁᔭᓕᕆᓂᕐᒧᑦ ᓴᓇᔭᐅᓂᐊᖅᑐᑦ. ᐅᖓᑖᓃᑦᑐᑦ 200 ᐃᑲᕐᕋᐃᑦ ᐃᓄᒃᑐᑦ ᐃᓕᓐᓂᐊᕈᑎᒃᓴᐃᑦ ᐃᓕᓴᐅᑕᐅᓯᒪᓕᖅᑐᑦ ᐃᓄᖕᓄᑦ ᐃᖅᑲᓇᐃᔭᖅᑎᐅᔪᓄᑦ ᑐᓐᖓᕕᒃᑯᓐᓂ ᐊᕐᕌᒎᒃ ᒪᕐᕉᒃ ᐊᓂᒍᖅᑑᒃ ᐃᓗᐊᓂ.
“ᒪᓕᒡᓗᒋᑦ ᓇᓗᓇᐃᖅᑕᐅᓯᒪᔪᑦ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᒫᓐᓇᕐᓂᓴᐅᔪᑦ ᖃᐅᔨᓴᕈᑕᐅᓚᐅᖅᑐᑦ ᐅᖃᐅᓯᕐᓄᑦ ᐊᑐᖅᑕᐅᖃᑦᑕᖅᑐᓄᑦ ᓄᓇᕗᑦ ᐃᓕᓐᓂᐊᕐᕕᖏᑕ ᐃᓗᐊᓂ, ‘ᓄᓇᕗᑦ ᑭᖑᓂᑦᑎᓐᓂ ᐃᓕᖅᑯᓯᖓᑦ ᓄᖑᑎᖅᑕᐅᒐᓱᐊᖅᓯᒪᕗᖅ, ᐅᖃᐅᓯᖏᑦ, ᑮᓇᐅᔭᓕᐅᕈᑎᖏᑦ ᐊᒻᒪᓗ ᑭᖑᓂᑦᑎᓐᓂ ᐊᑐᖅᓯᒪᔭᖏᑦ, ᐅᓪᓗᒥᒧᑦ ᑕᒪᓐᓇ ᓄᓇᕗᑦ ᑐᓐᖓᕕᒃ ᑎᒥᖓᑦ ᐱᕙᓪᓕᐊᔪᑦ ᓴᖅᑭᑕᑦ
ᓱᓕ ᑲᔪᓯᔪᖅ,” ᑕᐃᒪᓐᓇ ᐅᖃᓚᐅᖅᑐᖅ ᑰᑦᑎᖅ. “ᐅᑕᖅᑭᑐᐃᓐᓇᕆᐊᖃᕈᓐᓃᕋᑦᑕ ᒐᕙᒪᒃᑯᓐᒃᓂ ᐱᔨᑦᓯᕈᑎᖃᕋᓱᐊᖅᑎᓪᓗᒋᑦ ᐊᖏᕈᑎᒋᓯᒪᔭᖏᓐᓂᒃ. ᐊᐅᓚᔾᔭᐃᒋᐊᖃᓕᖅᑐᒍᑦ.”
ᑐᓴᕆᐊᒃᑲᓐᓂᕈᒪᒍᕕᒃ:
ᑭᓕᒃᕙᒃ ᑉᓗᓈ
ᐊᐅᓚᑦᓯᔨᒻᒪᕆᒃ
ᓄᓇᕗᑦ ᑐᓐᖓᕕᒃ ᑎᒥᖓᑦ
ᖃᔮᖅ ᐃᐅᔅᕗᐊᑦ
ᐊᖓᔪᖅᑳᖅ ᑐᓴᐅᒪᑎᑦᓯᓂᕐᒧᑦ ᐅᖃᐅᔾᔨᒋᐊᖅᑎ
ᑎᑎᕋᕐᕕᖓ ᐊᖓᔪᖅᑳᖅ ᐊᓗᑭ ᑰᑦᑎᖅ
