ᓴᖅᑭᖅᑕᐅᑲᐅᑎᒋᔭᕆᐊᓖᑦ
(ᒪᐃ 27, 2026 – ᐃᖃᓗᐃᑦ, ᓄᓇᕗᑦ) ᐅᓪᓗᒥ, ᓄᓇᕗᑦ ᑐᓐᖓᕕᒃ ᑎᒥᖓᑦᑕ (NTI) ᐊᖓᔪᖅᑳᖅ ᓂᕈᐊᖅᑐᓕᕆᓂᕐᒧᑦ ᔫ ᑯᓄᒃ ᑐᓴᖅᑎᑦᑎᖅᑲᐅᔪᖅ ᐅᓇ ᐊᑦᑕᓄᐊᖅ ᐅᓗᖅᓯ ᓂᕈᐊᖅᑕᐅᓂᖓᓂᒃ ᐊᖓᔪᖅᑳᖓᓐᓄᑦ ᓄᓇᕗᑦ ᑐᓐᖓᕕᒃ ᑎᒥᖓᑦᑕ 19.6%−ᓂᒃ ᓂᕈᐊᖅᑕᐅᓂᖃᓚᐅᖅᑐᖅ.
ᐊᑦᑕᓄᐊᖅ ᐅᓗᖅᓯ ᐊᖓᔪᖅᑳᖑᓂᐊᖅᑐᖅ ᑎᑭᒐᓱᐊᕐᓂᖓᓂ ᑎᓯᐱᕆ 2028.
ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᐃᓚᒋᔭᐅᕗᖅ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᑲᑎᒪᔨᖏᓐᓄᑦ ᐊᒻᒪᓗ ᐊᐅᓚᑦᓯᔨᑦ ᑲᑎᒪᔨᕋᓛᖏᓐᓄᑦ, ᐃᒃᓯᕙᐅᑕᐅᓯᓐᓈᑦ, ᑲᑎᒪᔨᐅᓯᓐᓈᑦ ᐊᒻᒪ/ᐅᕝᕙᓘᓐᓃᖅ ᐸᐸᑦᑎᔨᐅᔪᓄᑦ ᐊᒻᒪᓗ ᑎᒥᐅᔪᓄᑦ ᑲᑎᒪᔨᐅᖃᑕᐅᓪᓗᓂ ᐅᑯᓄᖓ:
- ᒪᑭᒋᐊᖅᑕ ᐃᓄᐃᑦ ᐱᓕᒻᒪᒃᓴᐃᔩᑦ ᑯᐊᐳᕇᓴᖓᓐᓄᑦ: ᐃᓕᓐᓂᐊᖅᑎᑦᓯᓂᕐᒧᑦ ᐱᓕᕆᔾᔪᑎᓄᑦ ᐊᒃᑐᐊᓂᖃᖅᑐᑦ ᐃᓄᐃᑦ ᐱᓕᒻᒪᒃᓴᖅᑕᐅᓂᖏᓐᓄᑦ ᐊᒻᒪᓗ ᐃᓕᓐᓂᐊᖅᑎᑕᐅᓂᖏᓐᓄᑦ
- ᓄᓇᕗᑦ ᐃᓄᐃᑦ ᓄᓇᒥᓐᖔᖅᑐᓂᑦ ᑮᓇᐅᔭᓕᐅᕈᑎᓂᒃ ᐸᐸᑦᓯᔨᖏᑦ: ᐊᐅᓚᑕᐅᓂᖏᑦ ᓄᓇᒥ ᑮᓇᐅᔭᓕᐅᕈᑕᐅᔪᑦ ᐱᔭᐅᓯᒪᓂᑯᑦ ᐃᓄᐃᑦ ᓇᖕᒥᓂᕆᓗᒋᑦ ᓄᓇᖁᑎᑖᕆᓯᒪᔭᖏᑕ ᐃᓗᐊᓂᑦ.
- ᓄᓇᕗᒥ ᐃᓐᓇᐃᑦ ᐃᑲᔫᓯᐊᕆᕙᒃᑕᖏᓐᓄᑦ ᐸᐸᑦᓯᔨᑦ: ᑖᒃᑯᐊ ᑐᓂᓯᕙᒃᑐᑦ ᐊᑭᓕᐅᑎᓂᒃ ᑕᖅᑭᑕᒫᓐ ᐃᓐᓇᐅᔪᓄᑦ ᓄᓇᕗᑦ ᑐᓐᖓᕕᒃᑯᑦ ᑎᒥᖁᑎᖓᑦᑕ ᑮᓇᐅᔭᖁᑎᖏᑕ ᐃᓚᖏᓐᓂᑦ ᓂᖏᖅᑕᖅᑕᐅᓯᒪᔪᓂᑦ, ᐱᓕᕆᐊᖑᔪᖅ ᑕᒪᑐᒧᖓ ᑕᐃᔭᐅᓪᓗᓂ ᐅᖅᑯᔾᔭᐃᑦ ᐃᓐᓇᕐᓄᑦ.
- ᓄᓇᕗᒥ ᐃᓄᓕᓯᕐᒧᑦ ᐱᕙᓪᓕᐊᑎᑦᓯᕐᓂᒧᑦ ᑲᑎᒪᔨᖏᑦ: ᓴᖅᑭᑕᐅᓚᐅᖅᓯᒪᔪᖅ ᑎᑎᕋᖅᓯᒪᓂᖓᒍᑦ 32ᓄᓇᕗᒥ ᐊᖏᕈᑎᓂ ᑐᑭᒧᐊᒃᑎᑦᓯᖁᓪᓗᒋᑦ ᐃᓄᐃᑦ ᐃᓚᐅᑎᑕᐅᖁᓪᓗᒋᑦ ᐃᓅᓯᕐᒥ ᐊᒻᒪ ᐃᓕᖅᑯᓯᒃᑯᑦ ᐱᕙᓪᓕᐊᑎᑦᓯᓂᕐᒧᑦ (ᐊᐅᓚᑕᐅᔪᑦ ᑖᒃᑯᐊ ᓄᓇᕗᒥ ᑐᓐᖓᕕᒃᑯᑦ ᑎᒥᖓᓐᓄᑦ)
- ᓄᓇᕗᑦ ᑐᓐᖓᕕᒃ ᑮᓇᐅᔭᐃᑦ ᑐᓂᕐᕈᑎᒃᓴᖁᑎᖏᑦ: ᐱᔨᑦᓯᕈᑕᐅᔪᑦ ᐱᓕᕆᔾᔪᑕᐅᓂᐊᕐᓗᑎᒃ ᐊᒃᑐᐊᓂᖃᖅᑐᓄᑦ ᑲᔪᖏᖅᓴᐃᔾᔪᑎᖃᕐᓂᕐᒧᑦ ᐃᓄᐃᑦ ᐅᖃᐅᓯᖏᓐᓂᒃ, ᐃᓕᖅᑯᓯᖏᓐᓂᒃ ᐊᒻᒪᓗ ᒪᒥᓴᕐᓂᖏᓐᓄᑦ ᓱᕈᓯᒃᑯᕕᖕᒥ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᓄᑦ.
ᐃᓚᒋᓪᓗᒋᑦ, ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦᑕ ᐊᖓᔪᖅᑳᖓᑦ ᐃᒃᓯᕙᐅᑕᐅᖃᑦᑕᖅᑐᖅ ᑲᑎᒪᔨᖁᑎᖏᑦ ᑲᑎᒪᓕᕌᖓᑕ ᐅᑯᓇᓂ ᑎᒥᐅᔪᓂ ᐊᑐᕐᓗᒍ ᓄᓇᕗᑦ ᑐᓐᖓᕕᒃᑯᑦ ᑎᒥᖓᓐᓄᑦ ᐃᓚᒋᔭᐅᓂᕆᔭᖓ ᐅᑯᓄᖓ ᑎᒥᐅᔪᓄᑦ:
- ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᑮᓇᐅᔭᓕᐅᕋᓱᐊᕐᓂᕐᒧᑦ ᐃᓅᓯᕆᓂᕐᒧᓪᓗ ᐱᒋᐊᖅᑎᑦᓯᔾᔪᑏᑦ ᑎᒥᖁᑎᖓᑦ: ᑎᒍᒥᐊᖅᑎᐅᓪᓗᑎᒃ ᑲᒻᐸᓂᑦ ᐊᑐᖅᑐᐊᕐᕕᒃ ᑯᐊᐳᕇᓴᒃᑯᓐᓄᑦ ᑮᓇᐅᔭᖃᖅᑎᑦᓯᔨᐅᔪᑦ ᑖᒃᑯᐊ ᐃᓄᐃᑦ ᐱᓕᕆᕕᖁᑎᖏᓐᓄᑦ ᓇᖕᒥᓂᕆᔭᐅᔪᓄᑦ.
- ᐃᒡᓗᕗᑦ ᑯᐊᐳᕇᓴᓐ: ᑐᕌᒐᖃᖅᑐᑦ ᐊᑐᐃᓐᓇᐅᑎᑦᓯᓂᕐᒧᑦ ᓄᑖᓂᒃ ᐊᑭᑐᓗᐊᖏᑦᑐᓂᒃ ᐊᖏᕐᕋᐅᔪᓂᒃ ᐊᒻᒪ ᐊᑭᑐᓗᐊᖏᓐᓂᖅᓴᓂᒃ ᐃᒡᓗᖃᖅᑎᑦᓯᓂᕐᒧᑦ ᐱᓕᕆᐊᖑᔪᖅ ᐃᓄᖕᓄᑦ ᑐᕌᖓᓪᓗᓂ.
- ᐊᖅᑯᓴᕆᐊᖅ: ᐃᑲᔪᖅᑐᐃᖃᑦᑕᖅᑐᑦ ᒪᒥᓴᐃᓂᕐᒥᒃ ᓄᓇᕗᒥ ᐱᓕᕆᐊᖃᖅᑐᑦ ᑭᐅᓂᕐᒥᒃ ᐱᒋᐊᕈᑎᒋᓯᒪᔭᖏᓐᓂᒃ ᖁᐊᖅᓵᓯᒪᓂᖏᑕ ᐊᒃᓱᕈᖅᓯᒪᓂᕆᔭᖏᑕᓗ ᐊᒻᒪ ᐊᔪᓕᕈᑕᐅᕙᒃᑐᓂ ᐊᑐᕐᓂᕐᒧᑦ ᒪᒥᓴᐃᓪᓗᑎᒃ ᐊᑐᕐᓗᑎᒃ ᐃᓗᐃᑦᑑᓈᓯᒪᓪᓗᒍ, ᐃᓕᖅᑯᓯᕐᒧᑦ ᑐᓐᖓᕕᖃᖅᑐᑎᒃ, ᐊᒻᒪ ᐱᖃᓯᐅᔾᔨᓯᒪᓂᒃᑯᑦ ᐸᖅᑭᒡᓯᔾᔪᑎᖃᖅᑐᑎᒃ.
ᓂᕈᐊᕆᐊᖅᑐᓚᐅᖅᑐᑦ ᐅᓄᕐᓂᖏᑦ 72.4%.−ᓗᐊᕆᓚᐅᖅᑕᖏᑦ ᐃᓄᒋᐊᖕᓂᕆᔭᖏᑦ ᒪᓕᒡᓗᒋᑦ. ᐊᒡᒍᖅᑐᖅᓯᒪᐅᖅᑐᑦ ᓂᕈᐊᕈᑕᐅᔪᑦ ᑕᑯᒃᓴᐅᑎᑕᐅᕗᑦ ᐅᕙᓂ ᐊᑐᐃᓐᓇᐅᓪᓗᑎᒃ: elections.tunngavik.com.
ᑐᓴᕆᐊᒃᑲᓐᓂᕈᒪᒍᕕᑦ ᐅᑯᐊ ᑐᓴᖅᑎᓪᓗᒋᑦ:
ᐊᖓᔪᖅᑳᖅ ᓂᕈᐊᖅᑐᓕᕆᓂᕐᒧᑦ (CRO) ᑎᑎᕋᕐᕕᖓ ᐊᖓᔪᖅᑳᖓᑦᑕ ᓂᕈᐊᖅᑐᓕᕆᔨᑦ
ᔫ ᐊᓪᓚ ᑯᓄᒃ ᔭᐃᓴᓐ ᕌᐳᑦᔅ
ᐅᖄᓚᐅᑦ: 867-222-3634 ᐅᖄᓚᐅᑦ: 867-202-3696
