ᓄᓇᕗᒻᒥ ᐃᓄᐃᑦ ᑮᓇᐅᔭᖁᑎᖏᓐᓂᒃ ᐃᓵᔪᓂᒃ ᐸᐸᑦᑎᔩᑦ
ᓇᖕᒥᓂᖅᓱᖅᑐᖅ ᐸᐸᑦᑎᔨ
ᐊᐅᒡᒍᓯ 2023
ᓄᓇᕗᒻᒥ ᐃᓄᐃᑦ ᑮᓇᐅᔭᖁᑎᖏᓐᓂᒃ ᐃᓵᔪᓂᒃ ᐸᐸᑦᑎᔩᑦ (NIRRT) ᒪᕐᕉᓐᓂᒃ (2) ᐊᔪᙱᔾᔪᑎᓖᓐᓂᒃ ᕿᓂᖅᑐᑦ ᓇᖕᒥᓂᖅᓱᖅᑐᓂᒃ ᐸᐸᑦᑎᔨᐅᓂᐊᖅᑑᓐᓂᒃ ᐊᕐᕌᒍᓄᑦ: ᓅᕙᐃᒻᕙ 30, 2023-ᓅᕙᐃᒻᕙ 30, 2027 ᐊᒻᒪᓗ ᓅᕙᐃᒻᕙ 30, 2024 − ᓅᕙᐃᒻᕙ 30, 2028.
ᐱᓇᓱᐊᕈᓐᓇᖅᑐᑦ ᐊᔪᙱᔾᔪᑎᑖᖅᓯᒪᒋᐊᓖᑦ ᐃᓕᓐᓂᐊᑲᓐᓂᖅᓯᒪᓂᕐᒥᒍᑦ ᐃᓕᓐᓂᐊᕈᑎᓂ ᐊᒻᒪᓗ ᐊᑦᑐᐊᓂᓕᓐᓂᒃ ᐊᔪᙱᔾᔪᑎᖃᕐᓂᕐᒥᒍᑦ ᐱᓇᓱᐊᖅᓯᒪᓗᑎᒃ ᑮᓇᐅᔭᓕᕆᓂᕐᒥᒃ, ᑮᓇᐅᔭᓕᐅᕋᓱᐊᕐᓂᕐᒥᒃ, ᑮᓇᐅᔭᓕᕆᔾᔪᑎᓂᒃ, ᐱᓕᕆᐊᑦᓴᓂᒃ, ᒪᓕᒐᕐᓂᒃ ᐅᕝᕙᓘᓐᓃᑦ ᑯᐊᐳᕇᓴᓂᒃ ᐊᐅᓚᑦᓯᓂᕐᒥᒃ. ᓯᕗᓪᓕᐅᔾᔭᐅᓂᐊᖅᑐᑦ ᐊᑎᖃᖃᑕᐅᔪᑦ ᓄᓇᕗᑦ ᐊᖏᕈᑎᖏᓐᓂ.
NIRRT ᓴᖅᑭᖅᓯᒪᔭᖓ ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᐊᒻᒪᓗ ᐊᕕᑦᑐᖅᓯᒪᓂᐅᔪᑦ ᐃᓄᐃᑦ ᑲᑐᔾᔨᖃᑎᒌᓂᒃ ᑮᓇᐅᔭᓕᐅᕋᓱᐊᖅᑎᐅᖁᓪᓗᒋᑦ ᐊᐅᓚᑦᓯᓗᑎᓪᓗ ᐃᓵᔪᓂᒃ ᐅᔭᕋᓐᓂᐊᕕᖕᓂᒃ ᑲᒪᒋᔭᐅᔪᓂᒃ ᐃᓄᐃᑦ ᓄᓇᖁᑎᖏᓐᓂ, ᐊᒻᒪᓗ ᐊᓯᖏᓐᓂᒃ ᐃᓵᔪᓂᒃ ᑐᙵᕕᒃᑯᓅᖅᑲᖅᑐᓂᒃ ᓄᓇᕗᑦ ᐊᖏᕈᑎᖓᒍᑦ ᐊᒻᒪᓗ ᑐᙵᕕᒃᑯᑦ ᑮᓇᐅᔭᓕᐊᖑᔪᓂᒃ ᐃᓵᔪᓄᑦ ᐊᑐᐊᒐᖏᓐᓂ.
NIRRT ᐊᐅᓚᑕᐅᔪᖅ 7-ᓄᑦ ᐸᐸᑦᑎᔨᓄᑦ, ᐱᖓᓱᑦ ᓇᖕᒥᓂᖅᓱᖅᑐᑎᒃ ᐸᐸᑦᑎᔩᑦ. ᓇᖕᒥᓂᖅᓱᖅᑐᑦ ᐸᐸᑦᑎᔩᑦ ᑲᑎᒪᖃᑕᐅᖃᑦᑕᕆᐊᓖᑦ ᐊᑕᐅᓯᐊᕐᓗᑎᒃ ᐊᕐᕌᒍᒥ, ᑲᑎᙵᓗᑎᒃ ᖃᕆᓴᐅᔭᒃᑯᓘᓐᓃᑦ, ᐊᒻᒪᓗ ᑲᑎᒪᐅᓯᐊᖅᑕᕐᓗᑎᒃ ᐅᑎᖅᑎᑦᓯᕕᐅᖃᑦᑕᕐᓗᑎᓪᓗ ᐊᑭᓕᖅᓲᑎᒥᓂᕐᒥᓂᒃ ᐱᓇᓱᐊᒐᕐᒥᓄᑦ ᐱᓕᕆᔭᖅᑐᖅᓯᒪᑎᓪᓗᒋᑦ ᐸᐸᑦᑎᔩᑦ.
ᖃᐅᔨᓴᐅᑦ 5-ᒨᖏᓐᓂᖓᓂ ᐅᓐᓄᓴᒃᑯᑦ ᑲᓇᓐᓇᕐᒥ, ᓯᑉᑎᒻᐱᕆ 8, 2023.ᓇᓕᖅᑲᓂᒃ ᐱᕕᑦᓴᖅ ᐸᐸᑦᑎᔨᓄᑦ ᐊᖏᕈᑎᓂᒃ ᑐᓴᐅᒪᔾᔪᑎᓂᓪᓗ ᐊᑐᖅᑕᐅᖃᓯᐅᑎᒋᐊᓕᓐᓂᒃ, ᒪᓕᒐᐅᑎᑕᐅᔪᓂᒃ ᐊᒻᒪᓗ ᑐᓴᕈᑎᓂᒃ ᐊᑦᑐᐊᔪᓂᒃ ᐱᓇᓱᐊᒐᑦᓴᖏᓐᓄᑦ ᓇᖕᒥᓂᖅᓱᖅᑐᑦ ᐸᐸᑦᑎᔩᑦ ᑐᑦᓯᕋᕐᓗᑎᒃ.
ᐊᐱᕆᕕᑦᓴᖅ, ᖃᐅᔨᒋᐊᕐᓗᓂ ᐅᕗᖓ:
ᒪᕇ ᕘᓕᐅ, ᒪᓕᒐᓕᕆᔨ
ᐅᖄᓚᐅᑖ: (867) 975-4900
ᓱᒃᑲᔪᒃᑰᕈᑖ: (867) 975-4949
ᐊᑭᖃᙱᑦᑐᖅ: 1-888-646-0006
CLOSING DATE: September 29, 2023
