ᐃᓱᓕᕝᕕᒃᓴᓕᒃ ᒫᑦᓯ 31, 2028
ᐅᖃᐅᓯᕐᖓᖅ ᐱᓕᕆᐊᒃᓴᓄᑦ ᐊᐅᓚᑦᑎᔨ
ᐃᓅᓯᓕᕆᓂᕐᒧᑦ ᐃᓕᖅᑯᓯᓕᕆᓂᕐᒧᓪᓗ ᐱᕙᓪᓕᐊᑎᑦᑎᓂᖅ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᐃᓂᖃᖅᑐᖅ ᐃᖃᓗᐃᑦ, ᓄᓇᕗᑦ
ᑐᑭᒧᐊᒃᑎᑕᐅᕙᒡᓗᓂ ᑐᑭᒧᐊᒃᑎᑦᑎᔨᐅᑉ ᐃᑲᔪᖅᑎᖓᓄᑦ − ᐃᓅᖃᑎᒌᓄᑦ, ᐅᖃᐅᓯᕐᙵᖅ ᐱᓕᕆᐊᒃᓴᓄᑦ ᐊᐅᓚᑦᑎᔨ ᐊᐅᓚᑦᑎᖃᑦᑕᕐᓂᐊᖅᐳᖅ ᐅᖃᐅᓯᕐᙵᖅ ᑮᓇᐅᔭᖃᖅᑎᑦᑎᓂᕐᒧᑦ ᐱᓕᕆᐊᖑᕙᒃᑐᒥᒃ ᐃᑲᔪᖅᑐᐃᕙᒡᓗᓂᓗ ᐱᓕᕆᕝᕕᒋᔭᐅᔪᒥᒃ ᐃᓄᐃᑦ ᐅᖃᐅᓯᖏᓐᓄᑦ ᐱᓕᕆᐊᖑᕙᓪᓕᐊᔪᒪᔪᓄᑦ, ᑕᐃᒪᐃᑦᑕᕆᐊᖃᕌᖓᑦ. ᑖᓐᓇ ᐃᓂᒋᔭᐅᔪᖅ ᐱᑕᖃᖅᐳᖅ ᐃᒪᐃᓕᐅᕐᓂᐊᕐᓗᓂ:
- ᐊᐅᓚᑦᑎᕙᒡᓗᓂ ᐊᕐᕌᒍᓕᒫᖅᓯᐅᒻᒥᒃ ᑐᒃᓯᕋᐅᑎᓕᐅᖁᔨᓂᕐᒥᒃ
- ᐱᓕᕆᖃᑎᒋᓗᒋᑦ ᐊᕕᒃᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᑦ ᕿᒥᕐᕈᓗᑎᒃ ᑐᒃᓯᕋᐅᑎᓂᒃ ᐱᔭᐅᔪᓂᒃ ᐅᖃᐅᓯᕐᙵᖅ ᑮᓇᐅᔭᖁᑎᖏᑦ ᐊᑐᕐᓗᒋᑦ
- ᑐᓂᓯᓗᑎᒃ ᑮᓇᐅᔭᖃᖅᑎᑕᐅᓂᕐᒧᑦ ᐊᖏᕈᑎᓂᒃ ᖃᐅᔨᓴᕐᓗᒋᓪᓗ ᐱᓕᕆᐊᒃᓴᑦ ᖃᓄᐃᓕᖓᓕᕐᓂᖏᑦ
- ᐅᔾᔨᕐᓇᖅᓯᑎᒃᑲᓐᓂᕐᓗᒍ ᐅᖃᐅᓯᕐᖓᖅ ᑮᓇᐅᔭᖁᑎᒋᔭᐅᔪᖅ ᐅᑯᑎᒎᓇᖅ, ᓄᓇᓕᖕᓂ ᐃᓚᐅᑎᑦᑎᓂᕐᒧᑦ ᐱᓕᕆᐊᖑᕙᓪᓕᐊᔪᒪᔪᑎᒍᑦ
- ᐅᔾᔨᖅᓱᕐᓗᒍ ᑲᔪᓯᓂᖃᑦᑎᐊᕐᓂᖓ ᐅᖃᐅᓯᕐᙵᖅ ᑮᓇᐅᔭᖃᖅᑎᑕᐅᓂᕐᒧᑦ ᐱᓕᕆᐊᖑᕙᒃᑐᖅ
- ᐃᓚᐅᑎᓪᓗᒋᑦ ᐊᕕᒃᑐᖅᓯᒪᔪᑦ ᐃᓄᐃᑦ ᑲᑐᔾᔨᖃᑎᒌᖏᑦ ᕿᒥᕐᕈᑎᓪᓗᒋᑦ ᐊᒃᑐᐊᓂᓕᖕᓂᒃ ᐱᓕᕆᐊᒃᓴᓂᒃ, ᐊᑐᐊᒐᕐᓂᒃ ᐊᒻᒪ ᖃᐅᔨᒪᔾᔪᑎᓂᒃ, ᑕᐃᒪᐃᑦᑕᕆᐊᖃᕌᖓᑦ
- ᑲᑎᒪᖃᑕᐅᕙᒡᓗᓂ ᒐᕙᒪᑐᖃᒃᑯᓐᓂ ᐱᓕᕆᖃᑎᖏᓐᓂᒃ, ᑕᐃᒪᐃᑦᑕᕆᐊᖃᕌᖓᑦ.
ᑐᙵᓱᒃᑎᑕᐅᔪᒪᓗᓂ ᐊᐱᖅᓱᖅᑕᐅᓂᕐᒧᑦ; ᐅᓄᙱᓐᓂᖅᐹᖃᕐᓗᓂ ᐱᖓᓱᓂᒃ ᐊᕐᕌᒍᓂᒃ ᐱᓕᕆᖃᑦᑕᖅᓯᒪᓂᑰᓗᓂ ᑲᒪᒋᔭᖃᕐᓂᕐᒥᒃ ᐃᓄᐃᑦ ᐅᖃᐅᓯᖏᓐᓂᒃ/ᐃᓕᓐᓂᐊᕐᓂᓕᕆᓂᕐᒧᑦ ᐃᓱᒪᒋᔭᒃᓴᓂᒃ ᓇᓕᒧᒃᓱᖅᑐᒥᒡᓘᓐᓃᑦ ᐱᓕᕆᓂᕆᔭᐅᕙᒃᑐᒥᒃ; ᐅᓄᙱᓐᓂᖅᐹᖃᕐᓗᓂ ᐱᖓᓱᓂᒃ ᐊᕐᕌᒍᓂᒃ ᐱᓕᕆᖃᑦᑕᖅᓯᒪᓂᑰᓗᓂ ᑲᔪᓯᑎᑦᑎᓂᕐᒥᒃ, ᖃᐅᔨᓴᓂᕐᒥᒃ, ᐅᓂᒃᑲᐅᓯᖃᕐᓂᕐᒥᒡᓗ ᑲᔪᓯᓂᖃᑦᑎᐊᖅᑐᓂᒃ ᖃᐅᔨᓴᓂᕐᒧᑦ ᐱᓕᕆᐊᖑᔪᓂᒃ; ᑎᑎᕋᕈᓐᓇᑦᑎᐊᕐᓂᕐᒥᒃ ᑐᓴᐅᒪᑎᑦᑎᔪᓐᓇᑦᑎᐊᕐᓂᕐᒥᒡᓗ; ᖃᐅᔨᒪᓂᖃᑦᑎᐊᕐᓗᓂ ᓄᓇᕗᒻᒥ ᐊᖏᖃᑎᒌᒍᑕᐅᓯᒪᔪᒥᒃ ᓄᓇᕗᑦ ᑐᙵᕕᒃᑯᓪᓗ ᑐᕌᕆᔭᖏᓐᓂᒃ, ᐱᓗᐊᙳᐊᖅᖢᓂ ᑎᑎᕋᖅᓯᒪᓂᓕᒃ 32−ᒥ; ᖃᐅᔨᒪᓂᖃᕐᓂᖅ ᖃᓄᐃᓕᐅᖅᑕᐅᕙᓪᓕᐊᔪᓂᒃ ᐊᒃᑐᐊᓂᓕᖕᓂᒃ ᐃᓄᒃᑐᑦ/ᐃᓄᐃᑦ ᐃᓕᓐᓂᐊᕐᓂᖏᓐᓄᑦ ᓄᓇᕗᒻᒥ − ᑕᐃᔅᓱᒪᓂᓕᓴᕐᓂᒃ ᒫᓐᓇᓕᓴᕐᓂᓪᓗ; ᐅᔾᔨᕈᓱᖕᓂᖅ ᐃᒃᐱᒋᔭᖃᑦᑎᐊᕐᓂᕐᓗ ᐃᓄᐃᑦ ᐃᓱᒪᒋᔭᒃᓴᖏᓐᓂᒃ; ᑕᑯᑎᑦᑎᔪᓐᓇᕐᓗᓂ ᐱᓕᕆᖃᑎᖃᕈᓐᓇᑦᑎᐊᕐᓂᕐᒥᒃ ᐱᓕᕆᖃᑎᒌᒃᑐᓂᒃ, ᑲᒪᒋᔭᖃᕈᓐᓇᕐᓂᕐᒥᒃ ᐊᑕᐅᑦᑎᒃᑯᑦ ᖃᔅᓯᑲᓪᓚᖕᓂᒃ ᐱᓕᕆᐊᒃᓴᓂᒃ, ᐊᖑᒻᒪᑎᕙᒡᓗᓂ ᐱᔭᕆᑐᔪᓂᒃ ᐃᓱᓕᕝᕕᒃᓴᓕᖕᓂᒃ, ᐃᖅᑲᓇᐃᔭᕈᓐᓇᑦᑎᐊᕐᓂᕐᒥᒃ ᒐᕙᒪᓕᕆᓂᕐᒧᑦ ᐊᒃᑐᖅᑕᐅᓴᕋᐃᑦᑐᒥ ᐊᕙᑎᓕᖕᒥ, ᐱᓕᕆᕙᒡᓗᓂ ᐊᒃᓱᕈᕐᓇᕐᔪᐊᖅᑐᒥ/ᐊᒃᓱᕈᕐᓇᖅᑐᖃᖅᑎᓪᓗᒍ, ᑲᔪᓯᑎᑦᑎᕙᒡᓗᓂ ᑮᓇᐅᔭᖃᖅᑎᑦᑎᓂᕐᒧᑦ ᐱᓕᕆᐊᒃᓴᓂᒃ; ᐅᓂᒃᑲᐅᓯᖃᕈᓐᓇᑦᑎᐊᕐᓗᓂ ᐅᖃᕈᓐᓇᑦᑎᐊᕐᓗᓂᓗ ᐃᓄᒃᑎᑐᑦ ᐃᓄᐃᓐᓇᖅᑐᓪᓘᓐᓃᑦ ᐱᕚᓪᓕᕈᑕᐅᓯᒪᓂᐊᖅᐳᖅ.
ᓯᕗᓪᓕᖅᐸᐅᔾᔭᐅᓂᐊᖅᑐᑦ ᐃᓄᐃᑦ ᐊᑎᓕᐅᖅᑕᐅᓯᒪᔪᑦ ᓄᓇᕗᒻᒥ ᐊᖏᕈᑎᑎᒍᑦ.
ᑮᓇᐅᔾᔭᒃᓴᓯᒋᐊᕋᔭᖅᑐᖅ $126,500.00 ᐊᕐᕌᒍᒧᑦ (ᐃᖅᑲᓇᐃᔭᓕᒪᓂᖓ ᒪᓕᒡᓗᒍ) ᓈᒪᔪᓂᒃ ᐱᕚᓪᓕᕈᑎᒃᓴᓂᒃ ᑲᑎᖅᓱᖅᓯᒪᔪᓂᒃ ᐅᑯᓂᖓᓗ ᐃᖅᑲᓇᐃᔭᖅᑎᑦ ᐃᓐᓇᖅᓯᐅᑎᒃᓴᓄᑦ ᐸᕐᓇᐅᑎᑦ, ᑲᑎᙵᔪᓄᑦ ᓇᓪᓕᐅᒃᑯᒫᑦ ᐊᒻᒪ ᕿᑲᕆᐊᕈᑎᓄᑦ ᖃᖓᑦᑕᐅᑎᓄᑦ ᐃᑲᔫᑎᑦ.
ᐃᒡᓗᒧᑦ ᐃᑲᔫᓯᐊᑦ $35,865.00
ᐃᖅᑲᓇᐃᔮᑉ ᓇᓗᓇᐃᔭᖅᓯᒪᓂᖓ ᑕᑯᔪᒪᒍᕕᐅᒃ, ᐅᕗᖓ ᖃᐅᔨᒋᐊᕈᓐᓇᖅᐳᑎᑦ:
ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᑲᖏᖅᖠᓂᖅ, ᓄᓇᕗᑦ X0C-0G0
ᐅᖄᓚᐅᑎᖓ: 867-645-5408
ᓱᒃᑲᔪᒃᑰᕈᑎᖓ: 867-645-3872
ᒪᑐᕝᕕᒃᓴᖓ: ᓯᑎᐱᕆ 18, 2026
ᐱᓕᕆᐊᒃᓴᕗᑦ: ᐃᓄᐃᑦ ᑮᓇᐅᔭᓕᐅᕋᓱᖕᓂᕐᒧᑦ ᐱᕙᓪᓕᐊᓂᕐᒧᓪᓗ, ᐃᓅᖃᑎᒌᒃᐸᖕᓂᕐᒧᑦ, ᐃᓕᖅᑯᓯᑐᖃᕐᓄᓪᓗ ᖃᓄᐃᙱᑦᑎᐊᕈᓐᓇᕐᓂᕐᒧᑦ ᐊᑐᓕᖅᑎᑦᑎᓂᒃᑯᑦ ᓄᓇᕗᒻᒥ ᐊᖏᖃᑎᒌᒍᑕᐅᓯᒪᔪᒥᒃ.
LOCATION: ᐃᖃᓗᐃᑦCLOSING DATE: September 18, 2026
