ᐊᖓᔪᖅᑳᖃᕐᓗᓂ ᑐᑭᒧᐊᒃᑎᑦᑎᔨᖓᓂᒃ ᑐᓴᐅᒪᔾᔪᑎᓕᕆᔨᒃᑯᑦ, ᑎᑎᕋᖅᑎᒻᒪᕆᐅᓂᖅᓴᖅ ᓄᓇᕗᑦ ᑐᙵᖁᕕᒃ ᑎᒥᖓᓂ (ᑐᙵᕕᒃ) ᐱᓕᕆᐊᒃᓴᓕᒃ ᐊᑐᐃᓐᓇᐅᑎᑦᓯᓂᕐᒥᒃ ᑐᑭᒧᐊᒍᑎᒃᓴᓂᒃ ᑐᓴᐅᒪᔾᔪᑎᒃᓴᓂᒃ ᐊᒻᒪᓗ ᑎᑎᕋᖃᑦᑕᓂᕐᒥᒃ ᑐᓴᐅᒪᔾᔪᑎᓕᕆᔨᒃᑯᑦ ᐱᓕᕆᕝᕕᐊᓄᑦ ᐊᒻᒪᓗ ᑲᑐᔾᔨᖃᑎᒌᓕᒫᓄᑦ. ᐱᓕᕆᐊᒃᓴᖃᕐᓂᐊᖅᑐᖅ ᓯᕗᓕᖃᑦᑕᓂᕐᒥᒃ ᐱᕙᓪᓕᐊᑎᑦᓯᓂᕐᒥᒃ ᐊᑐᓕᖅᑎᑦᓯᕙᓪᓕᐊᓂᕐᒥᓪᓗ ᑐᑭᒧᐊᒍᑎᒃᓴᖏᓐᓂᒃ ᑐᓴᐅᒪᔾᔪᑎᒃᓴᓂᒃ −− ᓲᕐᓗ, ᑭᓯᐊᓂ ᑖᒃᑯᑑᖏᑦᑐᑦ ᓄᓇᕐᔪᐊᒥ ᖁᓕᓄᑦ ᐊᕐᕌᒍᓄᑦ ᓄᓇᖃᖅᑳᖅᓯᒪᔪᑦ ᐅᖃᐅᓯᖏᓐᓂᒃ, ᖃᓄᐃᓕᖏᓐᓂᖏᓐᓂᒃ ᐃᓄᐃᑦ ᐃᓕᖅᑯᓯᖓ ᐃᓅᓯᖓᓗ, ᑐᙵᕕᒃᑯᑦ ᐊᕐᕌᒍᑕᒫᖅᓯᐅᑎᖓ ᐅᓂᒃᑳᖅ ᐊᒻᒪᓗ ᓇᖕᒥᓂᖅ−ᒐᕙᒪᖃᓂᕐᒥᒃ ᕿᒥᕐᕈᓂᕐᒥᒃ. ᐱᓕᕆᐊᑦᓴᖃᕐᓂᐊᖅᑐᖅ ᑐᓴᐅᒪᔾᔪᑎᓕᕆᓂᕐᒧᑦ ᐸᕐᓇᓂᕐᒥᒃ, ᑐᓴᐅᒪᔾᔪᑎᓂᒃ ᖃᐅᔨᓴᕐᓂᕐᒥᒃ, ᑐᑭᒧᐊᒍᑎᒃᓴᓂᒃ ᑐᓴᐅᒪᔾᔪᑎᒃᓴᓄᑦ ᐊᒻᒪᓗ ᑎᑎᕋᕐᓂᕐᒥᒃ.
ᐊᐱᖅᓱᖅᑕᐅᔪᓐᓇᖁᓪᓗᑎᑦ; ᐃᓕᓐᓂᐊᕕᔾᔪᐊᒥ ᓇᓗᓇᐃᒃᑯᑕᒻᒪᕆᑦᑖᖅᓯᒪᓗᑎᑦ ᑐᓴᐅᒪᔾᔪᑎᓕᕆᓂᕐᒧᑦ, ᐱᕙᓪᓕᐊᔪᓕᕆᓂᕐᒥᒃ, ᐅᕝᕙᓘᓐᓃᑦ ᐊᒃᑐᐊᔪᓂᒃ ᐃᓕᓐᓂᐊᖅᓯᒪᓂᒃᑯᑦ, ᐱᓕᖕᒪᒃᓴᐅᑎᒃᑯᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᓯᒪᓂᒃᑯᑦ. ᖃᐅᔨᓴᕈᓐᓇᕆᐊᓕᒃ ᑐᓴᐅᒪᔾᔪᑎᓅᖓᔪᓂᒃ/ᐊᑐᕆᐊᓕᖕᓂᒃ ᐊᒻᒪᓗ ᐊᑐᓕᖁᔨᔾᔪᑎᓕᐅᖃᑦᑕᕐᓗᓂ ᐱᖁᔨᕗᖔᕈᑎᓄᑦ. ᐱᓕᕆᓯᒪᓂᖃᒻᒪᕆᒋᐊᓕᒃ ᐱᐊᓂᖃᑦᑕᓂᕐᒥ ᐱᓕᕆᐊᓂᒃ ᐃᓱᒪᒃᓴᖅᓯᐅᕈᑎᖃᕐᓂᕐᒥᒃ ᐱᐊᓂᒡᓗᒋᑦ ᐊᒻᒪᓗ ᑭᖑᓪᓕᐹᖅᓯᐅᑎᓂᒃ ᐅᓂᒃᑳᓕᐅᕐᓂᕐᒥᒃ. ᐱᓕᕆᐊᖃᕈᓐᓇᓯᐊᕐᓗᓂ ᐊᒻᒪᓗ ᓇᓕᖅᑯᑦᑐᓂᒃ ᐊᐅᓚᑦᓯᓂᕐᒥᒃ ᐱᓕᕆᐊᓂᒃ ᓇᓗᓇᐃᕈᑎᓂᒃ ᐱᓕᕆᖃᑎᒌᑦᑐᑦ ᐃᓚᒋᔭᐅᓗᑎᒃ ᐊᖓᔪᖅᑲᐅᑏᑦ ᐊᒻᒪᓗ ᑲᑎᒪᔩᑦ ᑐᓂᔭᐅᓯᒪᖁᓪᓗᒋᑦ ᓇᓕᖅᑯᑦᑐᓂᒃ ᑐᓴᕈᑎᓂᒃ ᐅᖃᐅᓯᒃᓴᖏᓐᓂᒃ ᑭᒃᑯᑐᐃᓐᓇᕐᓄᑦ ᓈᓚᑦᑕᐅᓗᑎᒃ ᐊᒻᒪᓗ ᐱᕙᓪᓕᐊᔪᓕᕆᔨᓄᑦ ᐱᕙᓪᓕᐊᔪᓕᕆᔨᒃᑯᑎᒍᓪᓗ. ᐱᓕᕆᓕᒻᒪᓗᓂ ᐋᖅᑭᐅᒪᑦᓯᓂᕐᒥᒃ ᑎᑎᕋᕐᓂᒥᓪᓗ ᑐᓴᐅᒪᔾᔪᑎᒃᓴᓕᕆᓂᕐᒧᑦ ᑐᑭᒧᐊᒍᑎᒃᓴᓂᒃ, ᐸᕐᓇᐅᑎᓂᒃ ᐊᒻᒪ ᐊᑐᕋᑦᓴᓂᒃ. ᖃᓪᓗᓈᑎᑐᑦ/ᐃᓄᒃᑎᑐᑦ (ᐱᔪᒐᕆᔭᐅᓂᖅᓴᐅᔪᖅ), ᐃᓕᖅᑯᓯᕐᒥ ᑕᐸᓱᑐᐃᓐᓇᖏᓪᓗᓂ ᐊᒻᒪᓗ ᐅᔾᔨᕈᓱᑦᓯᐊᕐᓗᓂ ᐃᓄᓐᓅᖓᔪᓂᒃ. ᐃᓅᖃᑕᐅᔪᓐᓇᕐᓗᓂ/ᐱᓇᓱᐊᖃᑎᖃᕈᓐᓇᕐᓗᓂ. ᐅᔾᔨᖅᑐᑦᑎᐊᕐᓗᓂ, ᖃᕿᐊᖅᓯᖃᑦᑕᖏᓪᓗᓂ ᐊᒻᒪᓗ ᐃᑉᐱᒍᓱᑦᓯᐊᕐᓗᓂ ᑲᙳᓇᖅᑐᓂᒃ ᐊᒻᒪᓗ ᑲᙳᓇᖅᑎᑕᐅᔪᓂᒃ. ᐱᓇᓱᐊᓕᒻᒪᑦᓯᒪᒋᐊᓕᒃ ᓄᓇᖃᖅᑳᖅᓯᒪᔪᑦ ᑲᑐᔾᔨᖃᑎᒌᖏᓐᓂ.
ᐱᔪᒐᕆᔭᐅᓂᖅᓴᐅᓂᐊᖅᑐᑦ ᐃᓄᐃᑦ ᐊᑎᖃᖃᑕᐅᔪᑦ ᓄᓇᕗᑦ ᐊᖏᕈᑎᖏᓐᓂ.
ᐱᒋᐊᕐᕕᖓ ᑮᓇᐅᔾᔭᒃᓴᐅᑎᐅᑉ $126,768.00 ᐊᕐᕌᒍ ᐊᑕᐅᓯᖅ (ᑮᓇᐅᔾᔭᓴᕐᓂᖅᓴᐅᒍᓐᓇᖅᑐᖅ ᐱᓇᓱᐊᖅᓯᒪᓂᖓᒍᑦ) ᐃᓚᖃᕐᓗᓂ ᐊᑕᖏᖅᑐᓂᒃ ᐃᑲᔫᑎᓂᒃ ᐃᓚᒋᔭᐅᓗᑎᒃ ᐃᖅᑲᓇᐃᔭᖅᑎᓄᑦ ᐃᑦᑐᖅᓯᐅᑎᑖᕈᑎᒃᓴᓄᑦ ᐲᔭᐃᓂᖅ, ᑲᑐᔾᔨᖃᑎᒌᑦ ᓇᓪᓕᐅᒃᑯᒫᖏᑦ ᐊᒻᒪᓗ ᕿᑲᕐᓂᕐᒧᑦ ᐃᑲᔫᑏᑦ.
ᑐᙵᕕᒃᑯᑦ ᐃᑲᔫᑎᖃᓲᑦ ᐊᔾᔨᒌᙱᑐᖅᑎᒍᑦ ᐃᓪᓗᒧᑦ ᐃᑲᔫᑎᓂᒃ ᐃᖅᑲᓇᐃᔭᖅᑎᓄᑦ ᐃᓚᒋᔭᐅᓗᑎᒃ ᐃᓪᓗᒥᒃ ᑎᒍᓯᔾᔪᑎᒃᓴᒧᑦ ᐃᑲᔫᑎ ᐊᒻᒪᓗ ᐃᓪᓗᒧᑦ ᐃᑲᔪᖅᑕᐅᔾᔪᑎᑦ $27,600.
ᐊᑕᖏᖅᑐᒥᒃ ᓇᓪᓕᖅᑲᑖᕈᒪᒍᕕᑦ ᐃᖅᑲᓇᐃᔮᒧᑦ ᓇᓗᓇᐃᔭᐅᑎᒥᒃ ᖃᐅᔨᒃᑲᕐᓗᒍ;
ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᕗᑦ ᑐᙵᕕᒃ ᑎᒥᖓ
ᑲᖏᕐᖠᓂᖅ, ᓄᓇᕗᑦ
ᐅᖄᓚᐅᑖ: (867) 645-5440
ᓱᒃᑲᔪᒃᑰᕈᑖ: (867) 645-5414
ᒪᑐᕕᑦᓴᖓ ᐅᓪᓗᖅ: ᒪᐃ 20, 2022
ᐱᓂᐊᕐᓂᕋᐅᑎᕗᑦ: ᐃᓄᖕᓄᑦ ᐱᕚᓪᓕᕈᑎᒃᓴᐅᔪᑦ ᐃᓅᓯᒃᑯᑦ, ᐱᖅᑯᓯᑐᖃᒃᑯᑦ, ᐱᕙᓪᓕᐊᔪᓕᕆᓂᒃᑯᑦ ᐊᖏᖃᑎᒌᒍᑦ ᐊᑐᕐᓗᒍ
LOCATION: Iqaluit, NunavutCLOSING DATE: May 20, 2022
