ᖃᐅᔨᒪᔨᑕᒻᒪᕆᒃ, ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᓂᒃ ᐊᐅᓚᑦᓯᔾᔪᑎᓂᓪᓗ ᕿᒥᕐᕈᓃᑦ
ᓯᕗᓕᖅᑏᑦ ᐊᓪᓚᕝᕕᖏᑦ
ᓄᓇᕗᑦ ᑐᙵᕕᒃ ᑎᒥᖓ
ᑲᖏᕐᖠᓂᖅ, ᐃᖃᓗᑦᑑᑦᑎᐊᖅ ᐅᕝᕙᓘᓐᓃᑦ ᐃᖃᓗᐃᑦ, ᓄᓇᕗᑦ
ᓄᓇᕗᑦ ᑐᙵᕕᒃᑯᑦ ᑎᒥᖓᓂ ᐃᓚᒋᔭᐅᔪᒪᕕᑦ? ᐅᕝᕙ ᐃᖅᑲᓇᐃᔮᒃᓴᖅ ᐃᓕᖕᓄᑦ.ᑐᑭᒧᐊᒃᑎᑕᐅᓗᓂ ᐊᐅᓚᑦᑎᔨᓪᓗᐊᑕᕐᒧᑦ (COO); ᓯᕗᓕᖅᑎᐅᓂᐊᖅᐳᑎᑦ ᑕᒪᐃᓐᓂᒃ ᐱᕙᓪᓕᐊᑎᑕᐅᔪᓂᒃ ᐊᒻᒪ ᐊᐅᓚᑕᐅᔪᓂᒃ ᓄᓇᕗᑦ ᑐᙵᕕᒃᑯᑦ ᑎᒥᖓᑦᑕ ᐃᓚᐅᓂᖏᓐᓂᒃ, ᐃᖅᑲᓇᐃᔮᒃᓴᓂᒃ ᐊᒻᒪ ᐱᓕᕆᐊᒃᑯᒥᒋᔭᐅᔪᓂᒃ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᓂᒃ, ᒪᓕᒋᐊᓕᖕᓂᒃ ᕿᒥᕐᕈᔪᓂᒃ, ᐱᓕᕆᐊᒃᓴᓂᒃ ᖃᐅᔨᓴᖅᑕᐅᔪᓂᒃ ᐊᒻᒪ ᐊᒃᑐᐊᓂᓕᖕᓂᒃ ᐱᓕᕆᐊᒃᓴᓂᒃ. ᓄᓇᕗᒻᒥ ᐊᐅᓚᑦᑎᔾᔪᑎᖏᑦ ᓇᓗᓇᐃᖅᑕᐅᓯᒪᕗᑦ ᓄᓇᕗᒻᒥ ᐊᖏᕈᑎᒥᒃ, ᓄᓇᕗᒻᒥ ᐱᓕᕆᐊᒃᓴᓕᕆᔨᒃᑯᑦ ᐊᒻᒪ ᐸᕐᓇᐃᔨᑦ ᖃᐅᔨᓴᖅᑎᑦᑎᓂᕐᒧᑦ ᐱᖁᔭᖅ (NUPPAA), ᓄᓇᕗᒻᒥ ᐃᒪᖏᑦ ᐊᒻᒪ ᓄᓇᕗᒻᒥ ᓄᓇᐅᑉ ᖄᖓᓃᑦᑐᖅ ᐱᔪᓐᓇᐅᑎᓕᕆᔨᒃᑯᑦ ᐱᖁᔭᖓᓂ. ᐃᕝᕕᑦ ᓂᕈᐊᖅᑕᐅᓯᒪᒍᕕᑦ ᐊᐅᓚᑦᑎᖃᑦᑕᕐᓂᐊᖅᐳᑎᑦ ᐊᒻᒪ ᑲᑎᒪᑎᑦᑎᔨᐅᖃᑕᐅᓗᑎᑦ ᓄᓇᕗᑦ ᑐᙵᕕᒃᑯᑦ ᐅᖃᐅᔾᔨᒋᐊᖅᑎᖏᓐᓂᒃ ᐅᕝᕙᓘᓐᓃᑦ ᐱᓕᕆᖃᑎᒌᓂᒃ ᐅᑯᓂᖓ ᐃᓚᖃᑐᐃᓐᓇᕆᐊᖃᖅᑐᓂᒃ ᐊᕕᒃᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᓂᒃ ᐅᕝᕙᓘᓐᓃᑦ ᐊᓯᖏᓐᓂᒃ ᑎᒃᑯᐊᖅᑕᐅᓯᒪᔪᓂᒃ ᐃᓄᐃᑦ ᑲᑐᔾᔨᖃᑎᒌᓂᒃ.
ᐊᐱᖅᓱᖅᑕᐅᔪᓐᓇᖁᓪᓗᑎᑦ; ᑐᑭᓯᐅᒪᓂᖃᑦᑎᐊᕆᐊᖃᖅᐳᑎᑦ ᓄᓇᕗᑦ ᐊᖏᕈᑎᒥᑦ, ᓄᓇᕗᒻᒥ ᒪᓕᒐᖅᑎᒍᑦ ᐊᑐᐊᒐᓕᕆᓂᕐᒥ, ᐊᒻᒪᓗ ᐊᒃᑐᐊᓂᓕᖕᓂᑦ ᐱᖁᔭᑦ/ᒪᓕᒋᐊᓖᑦ/ᐊᑐᐊᒐᐃᑦ. ᑕᑯᒃᓴᐅᑎᑦᑎᔭᕆᐊᖃᖅᐳᑎᑦ ᖃᐅᔨᒪᓂᕆᔭᕐᓂᒃ ᐃᒃᐱᒋᔭᖃᑦᑎᐊᕐᓂᕐᓂᒡᓗ ᐃᓄᐃᑦ ᐱᔪᓐᓇᐅᑎᒋᔭᖏᓐᓂᒃ, ᐃᓱᒪᒋᕙᒃᑕᖏᓐᓂᒃ ᐊᒻᒪ ᐱᔾᔪᖏᓐᓂᒃ. ᑕᑯᒃᓴᐅᑎᑦᑎᔭᕆᐊᖃᖅᐳᑎᑦ ᖃᐅᔨᓴᕈᓐᓇᕐᓂᕐᒥᒃ, ᐸᕐᓇᐃᓂᕐᒥᒃ, ᓯᕗᓪᓕᐅᑎᔭᕆᐊᓕᖕᓂᒃ ᐊᒻᒪ ᑭᒡᒐᖅᑐᐃᔪᓐᓇᕐᓂᕐᒥᒃ ᐊᒻᒪᓗᑦᑕᐅᖅ ᓇᓗᓇᐃᖅᓯᒪᓗᑎ ᐊᔪᙱᑕᖃᕐᓂᕐᒥᒃ ᐋᔩᖃᑎᒌᖕᓂᕐᒧᑦ ᐊᒻᒪ ᓴᙱᔪᓂᒃ ᑐᓴᐅᒪᖃᑎᒌᒍᓐᓇᕐᓂᕐᒥᒃ. ᑎᑎᖅᑲᑎᒍᑦ ᑎᑎᕋᕈᓐᓇᑦᑎᐊᕐᓗᓂ, ᑐᓴᐅᒪᑎᑦᑎᔪᓐᓇᑦᑎᐊᕐᓗᓂ ᐊᒻᒪ ᐅᓂᒃᑲᐅᓯᖃᕈᓐᓇᑦᑎᐊᕐᓗᓂ. ᐃᖅᑲᓇᐃᔮᖅᑖᕋᓱᐊᖅᑐᖅ ᐱᓕᕆᖃᑦᑕᕐᓂᑰᔭᕆᐊᖃᖅᑐᑎᑦ ᑲᑎᒪᔨᓂᑦ ᐊᒻᒪᓗ/ᐅᕝᕙᓘᓐᓃᑦ ᑲᑎᒪᔨᕋᓛᓂᑦ, ᐱᔪᒪᓂᖃᑦᑎᐊᕐᓗᑎ, ᐊᑲᐅᙱᓪᓕᐅᕈᑎᓂᑦ ᐋᖅᑭᑦᓯᒍᓐᓇᓂᕐᒥᑦ, ᐱᔪᓐᓇᕐᓂᖃᑦᓯᐊᕐᓗᑎᓗ ᐃᖅᑲᓇᐃᔭᕐᓂᕐᒥᑦ ᐃᓕᖅᑯᓯᖃᑎᒌᖏᑦᑐᓂᑦ.
ᓯᕗᓪᓕᖅᐸᐅᔾᔭᐅᓂᐊᖅᑐᑦ ᐃᓄᐃᑦ ᐊᑎᓕᐅᖅᑕᐅᓯᒪᔪᑦ ᓄᓇᕗᒻᒥ ᐊᖏᕈᑎᒥᑦ.
ᑮᓇᐅᔾᔭᒃᓴᓯᒋᐊᕈᑎᖓ ᒪᓕᖕᓂᐊᖅᑐᖅ ᐊᑐᕐᓂᑯᓄᑦ, ᐊᑕᖐᑦᑎᐊᖅᑐᓂᑦ ᐃᑲᔫᓯᐊᓂᑦ ᐃᓚᐅᓪᓗᓂ ᐃᖅᑲᓇᐃᔭᖅᑏᑦ ᐃᓐᓇᑐᖃᐅᔾᔪᓯᐊᒃᓴᖏᓐᓄᑦ ᐱᕙᒌᔭᐅᑦ, ᑲᑎᙵᔪᓄᑦ ᓇᓪᓕᐅᒃᑯᒫᑦ ᐊᒻᒪ ᕿᑲᕆᐊᕐᓂᕐᒧᑦ ᐊᐅᓪᓚᕐᓂᕐᒧᑦ ᐃᑲᔫᑎᑦ.
ᐃᒡᓗᒧᑦ ᐃᑲᔫᓯᐊᑦ $34,192.00
ᐃᖅᑲᓇᐃᔮᑉ ᓇᓗᓇᐃᔭᖅᓯᒪᓂᓕᒫᖓᓂᒃ ᐱᔪᒪᒍᕕᑦ, ᖃᐅᔨᒋᐊᕐᕕᒋᒍᒃ:
ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᑲᖏᖅᖠᓂᖅ, ᓄᓇᕗᑦ X0C-0G0
ᐅᖄᓚᐅᑦ: 867-645-5440
ᓱᒃᑲᔪᒃᑯᑦ ᓈᓴᐅᑖ 867-645-5414
ᒪᑐᕝᕕᒃᓴᖓ: ᒪᐃ 17, 2024
ᑐᕌᒐᕆᔭᕗᑦ: ᐃᓄᐃᑦ ᒪᑭᒪᓇᓱᐊᕈᑎᖏᑦ, ᐃᓅᓯᖏᑦ, ᐃᓕᖅᑯᓯᖏᓪᓗ ᖃᓄᐃᙱᑦᑎᐊᕐᓂᖏᑦ ᐊᑐᓕᖅᑎᑦᑎᓂᒃᑯᑦ ᓄᓇᕗᒻᒥ ᐊᖏᕈᑎᒥᒃ.
LOCATION: ᑲᖏᕐᖠᓂᖅ, ᐃᖃᓗᑦᑑᑦᑎᐊᖅ ᐅᕝᕙᓘᓐᓃᑦ ᐃᖃᓗᐃᑦ, ᓄᓇᕗᑦ
CLOSING DATE: May 17, 2024
