ᖃᐅᔨᒪᔨᑕᖅ, ᓄᓇᒥ ᐊᑐᕐᓂᕐᒧᑦ ᐸᕐᓇᐃᓂᕐᒧᑦ ᐊᒻᒪ ᒪᓕᒋᐊᓕᖕᓂᒃ ᕿᒥᕐᕈᔨᓄᑦ
ᐊᐅᓚᑦᑎᔨᒻᒪᕆᐅᑉ ᐊᒡᓚᕝᕕᐊ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᑲᖏᖅᖠᓂᕐᒥ, ᐃᖃᓗᒃᑑᑦᑎᐊᒥ ᐅᕝᕙᓘᓐᓃᑦ ᐃᖃᓗᖕᓂ, ᓄᓇᕗᑦ
ᑐᑭᒧᐊᒃᑎᑕᐅᕙᒡᓗᓂ ᐊᐅᓚᑦᑎᔨᒻᒪᕆᖕᒧᑦ, ᑖᓐᓇ ᐃᖅᑲᓇᐃᔮᖅ ᓯᕗᒃᑲᖅᑕᐃᖃᑦᑕᕐᓂᐊᖅᐳᖅ ᑕᒪᐃᓐᓂᒃ ᐱᕙᓪᓕᐊᑎᑦᑎᓂᕐᒥᒃ ᐊᐅᓚᑦᑎᓂᕐᒥᒡᓗ ᓄᓇᕗᑦ ᑐᙵᕕᒃᑯᑦ ᐃᓚᐅᓂᖏᓐᓂᒃ, ᐃᖅᑲᓇᐃᔮᖏᓐᓂᒃ ᐊᒻᒪ ᐱᓕᕆᐊᒃᑯᒥᒋᔭᖏᓐᓂᒃ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐃᓂᕐᒥᒃ, ᒪᓕᒋᐊᓕᖕᓂᒃ ᕿᒥᕐᕈᓂᕐᒥᒃ, ᐱᓕᕆᐊᒃᓴᓂᒃ ᖃᐅᔨᓴᕐᓂᕐᒥᒃ ᐊᒃᑐᐊᓂᓕᖕᓂᓪᓗ ᐱᓕᕆᐊᒃᓴᓂᒃ. ᓄᓇᕘᑉ ᒪᓕᒐᓕᕆᔾᔪᑎᖏᑦ ᓇᓗᓇᐃᖅᓯᒪᔪᑦ ᓄᓇᕗᒻᒥ ᐊᖏᕈᑎᒥ, ᓄᓇᕗᒻᒥ ᐱᓕᕆᐊᒃᓴᓄᑦ ᐸᕐᓇᐃᓂᕐᒧᓪᓗ ᖃᐅᔨᓴᕐᓂᕐᒧᑦ ᐱᖁᔭᕐᒥ, ᓄᓇᕗᒻᒥ ᐃᒪᓕᕆᔨᑦ ᐊᒻᒪ ᓄᓇᕗᒻᒥ ᓄᓇᐅᑉ ᖄᖓᓂ ᐱᔪᓐᓇᐅᑎᑦ ᑲᑎᒪᔩᑦ ᐱᖁᔭᖓᓂ ᐊᒻᒪ ᓄᓇᕗᒻᒥ ᐊᖏᕈᑎᒥ. ᐊᒃᑐᐊᓂᓖᑦ ᐱᓕᕆᐊᒃᓴᑦ ᐅᑯᓂᖓ ᐃᓚᖃᑐᐃᓐᓇᕆᐊᖃᖅᐳᑦ, ᑭᓯᐊᓂ ᑭᒡᓕᖃᙱᖦᖢᑎᒃ ᐅᑯᓄᖓ, ᒐᕙᒪᒃᑯᑦ ᐊᑐᐊᒐᖏᑦ/ᒪᓕᒋᐊᓕᖏᑦ/ᒪᓕᒐᓕᐊᖑᔪᒪᔪᑦ, ᓄᓇ/ᐃᒪᖅ/ᓯᑯ ᐊᑐᖅᑕᐅᓂᖓ ᐊᒻᒪ ᐱᓕᕆᐊᖑᔪᑦ ᓲᕐᓗ ᓯᑯᐃᔭᐃᓂᖅ, ᐅᒥᐊᕐᔪᐊᒃᑰᖅᑎᑦᑎᓂᖅ, ᕿᓂᕐᓂᖅ ᐊᒻᒪ/ᐅᕝᕙᓘᓐᓃᑦ ᐅᔭᕋᖕᓂᐊᕐᓂᖅ ᐊᒻᒪ ᐊᒃᑐᐊᓂᕆᔭᖏᑦ ᒪᓕᒋᐊᓕᖕᓄᑦ. ᑖᒃᑯᐊ ᐃᓚᖃᕈᓐᓇᕐᒥᔪᑦ ᓄᓇᕗᑦ ᑐᙵᕕᒃᑯᑦ ᑎᒥᖓᑕ ᖃᓄᐃᓕᖓᓂᖓᓂᒃ ᖃᓄᐃᓕᖓᓂᕆᔭᖓᓂᒡᓘᓐᓃᑦ ᐱᔾᔪᑎᓕᖕᓂᒃ ᑐᓐᓂᖅᑯᑕᐅᔪᓂᒃ ᐱᓕᕆᕝᕕᒋᔭᐅᔪᓄᑦ ᑭᒃᑯᑐᐃᓐᓇᓄᑦ ᒐᕙᒪᒋᔭᐅᔪᓄᑦ ᐱᔾᔪᑎᖃᖅᑐᓪᓗ ᑖᒃᑯᓇᓂᑦᑕᐃᓐᓇᖅ ᑲᔪᓯᓂᕆᔭᐅᕙᒃᑐᓂᒃ ᐱᓕᕆᕝᕕᒋᔭᐅᔪᓄᑦ ᑭᒃᑯᑐᐃᓐᓇᓄᑦ ᒐᕙᒪᒋᔭᐅᔪᓄᑦ. ᐃᖅᑲᓇᐃᔭᖅᑎᙳᖅᑐᖅ ᓯᕗᓕᖅᑎᒋᔭᐅᓂᐊᖅᐳᖅ ᑎᑎᕋᖅᑎᐅᓗᓂ ᓄᓇᕗᑦ ᑐᙵᕕᒃᑯᑦ ᑎᒥᖓᓄᑦ ᑐᓐᓂᖅᑯᑕᐅᔪᓂᒃ ᐃᑲᔪᖅᓱᖅᑕᐅᕙᒡᓗᓂ ᐊᔾᔨᒌᙱᑦᑐᓄᑦ ᓄᓇᕗᑦ ᑐᙵᕕᒃᑯᑦ ᐱᓕᕆᕝᕕᖏᓐᓄᑦ, ᐃᓛᓐᓂᒃᑯᓪᓗ ᓯᕗᓕᖅᑎᒋᔭᐅᓗᓂ ᑎᑎᕋᖅᑎᐅᓗᓂ ᑲᑐᔾᔨᓗᑎᒃ ᑐᓐᓂᖅᑯᑕᐅᔪᓂᒃ ᐊᕕᒃᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᓂᒃ ᓈᒻᒪᒃᑳᖓᑦ.
ᑐᙵᓱᒃᑎᑕᐅᔪᒪᓗᓂ ᐊᐱᖅᓱᖅᑕᐅᓂᕐᒧᑦ, ᐱᓇᔪᒃᑐᑦ ᓇᓗᓇᐃᒃᑯᑕᖃᓪᓗᐊᖅᐳᑦ ᐊᒃᑐᐊᓂᓕᖕᓂᒃ ᐱᓕᕆᕝᕕᖕᓂ ᑕᑯᒃᓴᐅᑎᑦᑎᔪᓐᓇᕐᓗᓂᓗ ᖃᐅᔨᒪᑦᑎᐊᕐᓂᕐᒥᒃ ᓄᓇᕗᒻᒥ ᐊᖏᕈᑖᓂᒃ, ᓄᓇᕗᑦ ᑐᙵᕕᒃᑯᑦ ᑎᒥᖓᑕ ᐱᓕᕆᐊᒃᓴᕆᑎᑕᐅᔭᖏᓐᓂᒃ, ᐱᓕᕆᕝᕕᒋᔭᐅᔪᒥ ᐊᐅᓚᑦᑎᕝᕕᖃᖅᐸᖕᓂᕐᒧᑦ ᐊᑐᖅᑕᐅᕙᒃᑐᓂᒃ, ᑲᑎᒪᔨᓪᓗ ᐊᑐᐊᒐᖏᓐᓂᒃ; ᐱᓕᕆᖃᑦᑕᖅᓯᒪᓂᑰᓗᓂ ᐊᑐᐊᒐᕐᓂᒃ ᖃᐅᔨᓴᖅᓯᓂᕐᒥᒃ, ᐱᕙᓪᓕᐊᑎᑦᑎᓂᕐᒥᒃ, ᐊᑐᓕᖅᑎᑦᑎᓂᕐᒥᒃ, ᖃᐅᔨᓴᖅᓯᓂᕐᒥᒡᓗ; ᑕᑯᑎᑦᑎᔪᓐᓇᕐᓗᓂ ᐋᔩᖃᑎᒌᖕᓂᕐᒥᒃ ᐱᓕᕆᖃᑎᒌᒃᐸᖕᓂᕐᒧᓪᓗ ᐊᔪᕈᓐᓃᖅᑕᐅᕙᒃᑐᓂᒃ; ᓴᙱᔪᓂᒃ ᖃᐅᔨᓴᖅᓯᔪᓐᓇᕐᓂᕐᒥᒃ, ᐱᕙᒌᔭᕐᓂᕐᒥᒃ, ᓯᕗᓪᓕᖅᐸᐅᑦᑎᐅᔾᔨᔪᓐᓇᕐᓂᕐᒥᒃ, ᐋᖅᑭᒃᓱᐃᔪᓐᓇᕐᓂᕐᒥᒃ, ᑎᓕᓯᔪᓐᓇᕐᓂᕐᒥᒡᓗ ᐊᔪᙱᓐᓂᖃᕐᓂᕐᒥᒃ; ᐊᔪᙱᓐᓂᖃᕐᓗᓂᓗ ᐊᐅᓚᑦᑎᔪᓐᓇᕐᓂᕐᒥᒃ ᖃᔅᓯᑲᓪᓚᖕᓂᒃ ᑐᖅᑯᖅᑕᐅᓯᒪᔪᓂᒃ, ᐱᔭᕐᓂᖅᑐᓂᒃ ᐃᓱᓕᕝᕕᒃᓴᓕᖕᓂᒃ, ᐊᒃᓱᕈᕐᓇᖅᑐᓂᒡᓗ ᖃᓄᐃᓕᖓᓂᕆᔭᐅᔪᓂᒃ. ᐱᓇᔪᒃᑐᑦ ᐱᓕᕆᖃᑦᑕᖅᓯᒪᓂᑰᔭᕆᐊᖃᕆᕗᑦ ᑲᑎᒪᔨᓂᒃ ᑲᑎᒪᔨᕋᓛᓂᒡᓘᓐᓃᑦ, ᐱᔪᒪᓂᖃᑦᑎᐊᕐᓂᕐᒥᒃ ᐊᑲᐅᙱᓕᐅᕈᑎᒋᔭᐅᔪᓂᒡᓗ ᐋᖅᑭᒃᓯᒪᓕᖅᑎᑦᑎᔪᓐᓇᕐᓗᓂ, ᐱᓕᕆᖃᑦᑕᖅᓯᒪᓂᑰᓗᓂ ᒐᕙᒪᓕᕆᓂᕐᒧᑦ ᐊᒃᑐᖅᑕᐅᓴᕋᐃᑦᑐᓂᒃ ᐊᕙᑎᓕᖕᓂᒃ, ᑐᑭᓯᐅᒪᓂᖃᕐᓗᓂ ᐃᓄᐃᑦ ᐃᓱᒪᒋᔭᒃᓴᖏᓐᓂᒃ ᐊᒃᑐᐊᓂᓕᖕᓂᒡᓗ ᐃᓕᖅᑯᓯᑐᖃᕐᓄᑦ ᒐᕙᒪᓕᕆᓂᕐᒧᓪᓗ ᐊᒃᑐᖅᑕᐅᓴᕋᐃᑦᑐᓄᑦ, ᑎᑎᕋᕈᓐᓇᑦᑎᐊᕐᓗᓂᓗ, ᑐᓴᐅᒪᑎᑦᑎᔪᓐᓇᑦᑎᐊᕐᓗᓂ, ᐅᓂᒃᑲᐅᓯᖃᕈᓐᓇᑦᑎᐊᕐᓗᓂᓗ. ᐊᔪᙱᓐᓂᖃᑦᑎᐊᕐᓂᖅ ᐃᓄᒃᑐᑦ ᐃᓱᒪᒋᔭᐅᓂᐊᖅᐳᖅ ᐱᕚᓪᓕᕈᑕᐅᓯᒪᓪᓚᕆᖕᓂᖓᓂᒃ. ᓇᓕᒧᒃᓱᖅᑐᓂᒃ ᐃᓕᓐᓂᐊᖅᓯᒪᓂᕐᒥᒃ ᐱᓕᕆᖃᑦᑕᖅᓯᒪᓂᑰᓂᕐᒥᒡᓗ ᐃᓱᒪᒋᔭᐅᓂᐊᖅᐳᑦ
ᓯᕗᓪᓕᖅᐸᐅᔾᔭᐅᓂᐊᖅᑐᑦ ᐃᓄᐃᑦ ᐊᑎᓕᐅᖅᑕᐅᓯᒪᔪᑦ ᓄᓇᕗᒻᒥ ᐊᖏᕈᑎᑎᒍᑦ.
ᑮᓇᐅᔾᔭᒃᓴᓯᒋᐊᕋᔭᖅᑐᖅ $155,200.00 ᐊᕐᕌᒍᒧᑦ (ᐃᖅᑲᓇᐃᔭᓕᒪᓂᖓ ᒪᓕᒡᓗᒍ) ᓈᒪᔪᓂᒃ ᐃᑲᔫᓯᐊᓂᒃ ᑲᑎᖅᓱᖅᓯᒪᔪᓂᒃ ᐅᑯᓂᖓᓗ ᐃᖅᑲᓇᐃᔭᖅᑎᑦ ᐃᓐᓇᖅᓯᐅᑎᒃᓴᓄᑦ ᐸᕐᓇᐅᑎᑦ, ᑲᑎᙵᔪᓄᑦ ᓇᓪᓕᐅᒃᑯᒫᑦ, ᐊᒻᒪ ᕿᑲᕆᐊᕈᑎᓄᑦ ᖃᖓᑦᑕᐅᑎᓄᑦ ᐃᑲᔫᑎᑦ.
ᓄᓇᕗᑦ ᑐᙵᕕᒃᑯᑦ ᐊᔾᔨᒌᙱᑦᑐᓂᒃ ᐃᒡᓗᖃᖅᑎᑦᑎᕙᒃᐳᑦ ᐃᖅᑲᓇᐃᔭᖅᑎᓄᑦ ᐅᑯᓂᖓᓗ ᐊᑭᓖᕙᒌᕐᓂᕐᒧᑦ ᐃᑲᔫᑎᓂᒃ ᐊᒻᒪ ᐅᑭᐅᖅᑕᖅᑐᒥᐅᑕᐅᓂᕐᒧᑦ + ᐃᒡᓗᒧᑦ ᐃᑲᔫᓯᐊᓂᒃ $35,865.00−ᓂᒃ
ᐃᖅᑲᓇᐃᔮᑉ ᓇᓗᓇᐃᔭᖅᓯᒪᓂᖓ ᑕᑯᔪᒪᒍᕕᐅᒃ, ᐅᕗᖓ ᖃᐅᔨᒋᐊᕈᓐᓇᖅᐳᑎᑦ:
ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᑲᖏᖅᖠᓂᖅ, ᓄᓇᕗᑦ X0C-0G0
ᐅᖄᓚᐅᑎᖓ: 867-645-5411
ᓱᒃᑲᔪᒃᑰᕈᑎᖓ: 867-645-3872
ᒪᑐᕝᕕᒃᓴᖓ: ᐊᒃᑑᕝᕙ 2, 2026
ᐱᓕᕆᐊᒃᓴᕗᑦ: ᐃᓄᐃᑦ ᑮᓇᐅᔭᓕᐅᕋᓱᖕᓂᕐᒧᑦ ᐱᕙᓪᓕᐊᓂᕐᒧᓪᓗ, ᐃᓅᖃᑎᒌᒃᐸᖕᓂᕐᒧᑦ, ᐃᓕᖅᑯᓯᑐᖃᕐᓄᓪᓗ ᖃᓄᐃᙱᑦᑎᐊᕈᓐᓇᕐᓂᕐᒧᑦ ᐊᑐᓕᖅᑎᑦᑎᓂᒃᑯᑦ ᓄᓇᕗᒻᒥ ᐊᖏᖃᑎᒌᒍᑕᐅᓯᒪᔪᒥᒃ.
LOCATION: (English) Nunavut
CLOSING DATE: October 2, 2026
