ᑮᓇᐅᔭᓕᕆᔨᒃᑯᑦ ᐱᓕᕆᕝᕕᖓ
ᓄᓇᕗᑦ ᑐᙵᕕᒃ ᑎᒥᖓ
ᓄᓇᖓᓐᓂ ᑲᖏᖅᖠᓂᖅ, ᓄᓇᕗᑦ
ᑐᑭᒧᐊᑎᑦᑎᔨᖃᕐᓗᓂ ᑮᓇᐅᔭᓕᕆᓂᕐᒧᑦ ᐊᐅᓚᑦᑎᔨᒻᒪᕆᖓᓐᓂᒃ (CFOᓱ, ᑖᓐᓇ ᐅᖃᐅᔾᔨᒋᐊᖅᑏᑦ ᐊᖓᔪᖅᑳᖅ − ᑮᓇᔭᐅᓕᕆᔨᒃᑯᓐᓄᑦ ᑲᒪᒋᔭᖃᖅᑐᖅ (1) ᐃᑲᔪᕐᓗᒍ ᑮᓇᐅᔭᓕᕆᓂᕐᒧᑦ ᐊᐅᓚᑦᑎᔨᒻᒪᕆᖓ ᐊᐅᓚᑦᑎᓂᕐᒥᑦ ᑮᓇᐅᔭᓕᕆᔾᔪᑎᖏᓐᓂᑦ ᓄᓇᕗᑦ ᑐᙵᕕᒃ ᑎᒥᖓᑕ ᑳᒻᐸᓂᖁᑎᒋᔭᖏᓐᓂᑦ, ᑖᒃᑯᐊ ᑮᓇᐅᔭᓕᕆᓂᕐᒧᑦ ᑐᖅᑯᖅᑐᖅᑕᐅᓯᒪᔪᑦ ᑐᑭᓯᔾᔪᑎᔅᓴᖏᑦ ᑕᒻᒪᖅᓯᒪᖁᓇᒋᑦ ᐊᒻᒪᓗ ᑭᖑᕙᖅᓯᒪᙱᓪᓗᑎᑦ; (2) ᐃᑲᔪᕐᓗᒋᑦ ᑲᑎᒪᔩᑦ ᑮᓇᐅᔭᓕᕆᓂᕐᒧᑦ ᐊᐅᓚᓂᖏᑦ, ᑖᓐᓇ ᐃᓚᖃᖅᑐᖅ ᑮᓇᐅᔭᓂᑦ ᑲᒪᔨᐅᓂᕐᒥᑦ, ᑮᓇᐅᔭᓕᐅᕋᓱᐊᕈᑎᓄᑦ ᐊᒻᒪᓗ ᐊᑐᖅᑐᑐᐊᕐᓂᕐᒥᑦ; ᑕᒪᒃᑯᐊ ᑎᑭᐅᑎᔭᐅᔪᓐᓇᖅᑐᑦ ᐃᑲᔪᕐᓂᒃᑯᑦ ᑮᓇᐅᔭᓕᓂᕐᒧᑦ ᐊᐅᓚᑦᑎᔨᒻᒪᕆᐅᔪᒥᑦ ᐱᓕᕆᐊᖑᔪᓂᑦ (3) ᐃᖅᑲᓇᐃᔭᖅᑎᖏᓐᓂᑦ ᑲᒪᔨᐅᓂᕐᒧᑦ. ᑖᓐᓇ ᐅᖃᐅᔾᔨᒋᐊᖅᑎ ᐊᖓᔪᖅᑳᖅ − ᑮᓇᐅᔭᓕᕆᓂᔨᒃᑯᓐᓄᑦ ᐱᓕᕆᔨᒻᒪᕆᐅᓂᕐᒧᑦ ᐊᒻᒪᓗ ᐊᐅᓚᑦᑎᓂᒃᑯᑦ ᓯᕗᓕᖅᑎᐅᓂᕐᒥᑦ ᑖᔅᓱᒪ ᑮᓇᐅᔭᓕᕆᓂᕐᒧᑦ ᐊᐅᓚᑦᑎᔨᒻᒪᕆᖓᑕ ᐱᓕᕆᖃᑎᒌᑦᑐᖁᑎᖏᓐᓂᑦ ᑎᓕᔭᐅᓯᒪᓗᑎᑦ ᑮᓇᐅᔭᓕᕆᓂᕐᒧᑦ ᐊᐅᓚᑦᑎᔨᒻᒪᕆᖓᓐᓄᑦ ᐱᔭᕆᐊᖃᖅᐸᑦ, ᐱᔪᓐᓇᐅᑎᖃᖅᑎᑕᐅᓂᕐᒧᑦ ᐱᓕᕆᖃᑦᑕᕐᓗᓂ ᑮᓇᐅᔭᓕᕆᓂᕐᒧᑦ ᐊᐅᓚᑦᑎᔨᒻᒪᕆᒻᒧᑦ ᑐᑭᒧᐊᒍᑎᖏᑎᒍᑦ.
ᐊᐱᖅᓱᖅᑕᐅᓂᐊᖅᑐᓄᑦ ᐱᖃᑕᐅᔪᓐᓇᖁᓪᓗᑎᑦ; ᐊᐅᓚᑦᑎᔪᓐᓇᕐᓂᕐᒥᑦ ᐃᓕᓐᓂᐊᖅᓯᒪᓂᕐᒧᑦ ᐃᓕᓴᕆᔭᐅᔾᔪᑎᖃᕐᓗᑎᑦ ᐊᔾᔨᐸᓗᖓᓂᓪᓘᓐᓃ; ᐊᕐᕌᒍᐃᑦ ᑕᓪᓕᒪᑦ (5) ᑮᓇᔭᐅᓕᕆᓂᕐᒧᑦ ᐊᖓᔪᖅᑳᖑᓂᕐᒥᑦ ᐃᖅᑲᓇᐃᔮᖃᖅᓯᒪᓗᑎᑦ; ᑐᑭᓯᐅᒪᓂᖃᑦᑎᐊᕐᓗᑎᑦ ᑮᓇᐅᔭᓕᐅᕋᓱᐊᖅᑎᐅᖏᑦᑐᑦ ᑮᓇᐅᔭᖃᐅᑎᖏᓐᓂᑦ ᐊᒻᒪᓗ ᖃᐅᔨᓴᖅᑕᐅᔭᕆᖃᕐᓂᖏᓐᓄᑦ ᐱᓕᕆᔾᔪᓯᖏᓐᓂᑦ; ᐱᓕᕆᔪᓐᓇᑦᑎᐊᕐᓗᑎᑦ ᐊᒻᒪᓗ ᐱᔪᒪᓂᖃᑦᑎᐊᕐᓗᑎᑦ ᐅᓪᓗᖏᑎᒍᑦ ᐃᓱᓕᑦᑕᕐᕕᖏᓐᓂᑦ ᐊᙴᒪᑦᑎᓇᓱᐊᕈᓐᓇᕐᓂᕐᒥᑦ; ᐃᓅᖃᑎᓐᓂᑦ, ᐱᓕᕆᕝᕕᒻᒥᑦ ᐊᒻᒪᓗ ᐱᓕᕆᖃᑎᒌᑦᑐᑦ-ᐱᕙᓪᓕᐊᔪᓐᓇᕐᓂᖏᓐᓂᑦ ᐊᔪᕈᓐᓃᖅᓴᖅᑎᑦᑎᔪᓐᓴᕐᓂᕐᒥᑦ ᑖᒃᑯᐊ ᐊᑐᕈᓐᓇᕆᐊᖃᖅᑐᑦ; ᐅᖃᓪᓚᒍᓐᓇᕐᓂᕐᒥᑦ ᑎᑎᕋᕈᓐᓇᑦᑎᐊᕐᓂᕐᒥᑦ ᖃᓪᓗᓈᑎᑐᑦ, ᐃᓄᒃᑎᑐᑦ ᐊᒻᒪᓗ ᐃᓄᐃᓐᓇᖅᑐᑦ ᐊᔪᙱᓪᓗᓂᒋᑦ; ᖃᕆᓴᐅᔭᓕᕆᔪᓐᓇᕐᓂᕐᒥᑦ ᐱᓕᕆᔾᔪᑎᖏᓐᓂᑦ ᐃᓚᖃᖅᑐᑦ ᑖᒃᑯᓂᖓ ᓴᐃᔾ (Sage) 50, ᓴᐃᔾ (Sage) 300, ᐊᒻᒪᓗ ᒪᐃᑯᓵᕝ ᑎᑎᕋᕈᓐᓇᐅᑎᖏᓐᓂᒃ.
ᐱᔪᒐᕆᔭᐅᓂᖅᓴᐅᓂᐊᖅᑐᑦ ᐃᓄᐃᑦ ᐊᑎᖃᖃᑕᐅᔪᑦ ᓄᓇᕗᑦ ᐊᖏᕈᑎᖏᓐᓂ.
ᑮᓇᐅᔾᔭᒃᓵᖏᑕ ᐱᒋᐊᕐᕕᖓ $159,300 ᐊᕐᕌᒍᓕᒫᒥ (ᐋᖅᑭᒋᐊᖅᑕᐅᓗᓂ ᖃᐅᔨᒪᓂᖓ ᒪᓕᓪᓗᒍ) ᐊᑕᖐᓯᒪᔪᓂᑦ ᐃᑲᔫᓯᐊᔅᓂᑦ ᐱᖃᑕᐅᓗᓂ ᐃᖅᑲᓇᐃᔭᖅᑎᐅᓂᕐᒧᑦ ᐃᓐᓇᖅᓯᐅᑎᑖᔅᓴᖏᑦ, ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᑦ ᐊᒻᒪᓗ ᕿᑲᕆᐊᕐᓂᕐᒧᑦ ᖃᖓᑦᑕᐅᑎᖏᓐᓄᑦ ᐃᑲᔫᑏᑦ.
ᐃᓪᓗᒧᑦ ᐃᑲᔪᖅᑕᐅᔾᔪᑎᑦ $35,865.00
ᐊᑕᖏᖅᑐᒥᒃ ᓇᓪᓕᖅᑲᑖᕈᒪᒍᕕᑦ ᐃᖅᑲᓇᐃᔮᒧᑦ ᓇᓗᓇᐃᔭᐅᑎᒥᒃ ᖃᐅᔨᒃᑲᕐᓗᒍ; ᐃᖅᑲᓇᐃᔭᖅᑐᓕᕆᔨᒃᑯᑦ ᓄᓇᕗᑦ ᑐᙵᕕᒃ ᑎᒥᖓ
ᑲᖏᕐᖠᓂᖅ, ᓄᓇᕗᑦ
ᐅᖄᓚᐅᑖ: (867) 645-5408
ᓱᒃᑲᔪᒃᑰᕈᑖ: (867) 645-5414
ᒪᑐᕕᔅᓴᖓᑕ ᐅᓪᓗᖓ: ᒪᐃ 15, 2026
ᐱᓂᐊᕐᓂᕋᐅᑎᕗᑦ: ᐃᓄᖕᓄᑦ ᐱᕚᓪᓕᕈᑎᒃᓴᐅᔪᑦ ᐃᓅᓯᒃᑯᑦ, ᐱᖅᑯᓯᑐᖃᒃᑯᑦ, ᐱᕙᓪᓕᐊᔪᓕᕆᓂᒃᑯᑦ ᐊᖏᖃᑎᒌᒍᑦ ᐊᑐᕐᓗᒍ.
LOCATION: ᑲᖏᕐᖠᓂᖅ, ᓄᓇᕗᑦ
CLOSING DATE: May 15, 2026
