ᐃᖅᑲᓇᐃᔮᑉ ᑕᐃᒎᓯᐊ: ᓄᓇᓂ ᐊᕕᒃᑐᖅᓯᒪᔪᓂ ᑲᒪᔨ (1 ᐃᖅᑲᓇᐃᔮᑦ)
ᓇᓂ: ᑭᕙᓪᓕᕐᒥ
ᑮᓇᐅᔾᔭᒃᓵᑦ: $145,000 ᐊᕐᕌᒍᑕᒫᑦ ᑮᓇᐅᔾᔭᒃᓵᖅ
ᐊᑯᓂᐅᓂᖓ: ᓴᓈᒃᓴᐅᔪᖅ ᒫᑦᓯ 2025 ᑎᑭᓐᓇᓱᒡᓗᒍ
ᐃᓕᓐᓂᐊᕐᓂᖅ: ᐱᔭᕆᐅᖅᓴᔭᐅᓂᐊᖅᑐᓯ
ᐃᖅᑲᓇᐃᔮᒥ ᑲᒪᒋᔭᒃᓴᑦ:
• ᑲᑎᒪᖃᑕᐅᓗᓂ ᖃᐅᔨᑎᑦᑎᓂᕐᒥ ᖃᕋᓴᐅᔭᑎᒍᑦ ᐊᒻᒪᓗ ᐃᑲᔪᕐᓗᓂ ᖃᐅᔨᑎᑦᑎᓂᕐᒥ ᑲᑎᒪᓂᐅᔪᓂᑦ
• ᑐᓂᓯᕙᒡᓗᓂ ᐱᓇᓱᐊᕈᓯᑕᒫᑦ ᐃᑲᕐᕋᓕᐊᓂ ᓴᓇᓂᕆᔭᐅᔪᓂᑦ ᐊᒻᒪᓗ ᐱᔭᒃᓴᓂ ᓴᓇᔨᓄᑦ ᓄᓇᓂ
ᐊᕕᒃᑐᖅᓯᒪᔪᓂᙶᖅᑐᓂ
• ᓴᓇᖃᑎᖃᕐᓗᓂ ᐱᓕᕆᖃᑎᒌᓂᑦ ᑳᓱᒦᓐᒃᑯᓐᓂ ᐊᒻᒪᓗ ᓄᓇᕗᑦ ᑐᙵᕕᒃᑯᓐᓂ (NTI) ᓴᓇᔭᒃᓴᐃᑦ ᐱᓕᕆᐊᕆᓇᓱᒡᓗᒋ
ᐱᓕᕆᔭᕆᐊᖃᕈᓂ; ᐃᓚᖃᖅᖢᓂ ᑲᑎᒪᖃᑕᐅᓗᓂ ᐱᓇᓱᐊᕈᓯᑕᒫᑦ ᐱᓕᕆᖃᑎᒌᖑᔪᓂ
• ᐃᓚᐅᓗᓂ ᐊᒻᒪᓗ ᐃᑲᔪᕐᓗᓂ ᐃᓕᓐᓂᐊᖅᑎᑦᑎᓂᕐᓂᒃ ᐊᑐᐃᓐᓇᐅᑎᑕᐅᓂᐊᖅᑐᓂᒃ ᓄᓇᓂ ᐊᕕᒃᑐᖅᓯᒪᔪᓂ
ᓇᔪᖅᑕᕐᓂᒃ ᐊᔪᕐᓇᙱᒃᑳᖓᑦ (ᐊᐅᓪᓚᖃᑦᑕᕆᐊᖃᕐᓂᐊᖅᑐᑦ ᐃᓗᐊᓂ ᓄᓇᓂ ᐊᕕᒃᑐᖅᓯᒪᔪᓂ)
• ᐃᓚᐅᓗᓂ, ᑐᓴᐅᒪᔾᔪᑎᓂᒃ ᐅᓂᒃᑳᕐᓗᓂ ᑐᑭᓯᒋᐊᕐᓂᐅᑉ ᒥᒃᓵᓄᑦ ᐊᒻᒪᓗ ᖁᕝᕙᖅᓴᐃᓗᓂ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ
ᖃᓄᐃᓐᓂᖏᓐᓂᒃ ᑐᑭᓯᒋᐊᕐᓂᕐᒥ ᓄᓇᓕᖕᓂ ᖃᓄᐃᓕᐅᖅᑎᓪᓗᒋ
• ᐃᓚᐅᓗᓂ ᑐᑭᓯᒋᐊᕐᓂᕐᒧᑦ ᑲᑎᒪᓂᐅᔪᓂᑦ ᓄᓇᓂ ᐊᕕᒃᑐᖅᓯᒪᔪᓂ ᓇᔪᖅᑕᕐᓂ (ᐊᐅᓪᓚᖃᑦᑕᕆᐊᖃᕐᓂᐊᖅᑐᑦ ᐃᓗᐊᓂ
ᓄᓇᓂ ᐊᕕᒃᑐᖅᓯᒪᔪᓂ)
• ᐊᑐᐃᓐᓇᐅᑎᑦᑎᓗᓂ ᐱᓗᐊᖅᑕᐃᓕᑎᑦᑎᓂᕐᒥᒃ ᐃᑲᔪᖅᑐᐃᓗᓂ ᐊᐱᖅᓱᕐᑎᓪᓗᒋᑦ
• ᑲᒪᖃᑦᑕᕐᓗᓂ ᖃᖓᑦᑕᐅᑎᒃᓴᓂᒃ ᐋᖅᑭᒃᓱᐃᓂᕐᒥᒃ ᐱᓕᕆᖃᑎᒌᓄᑦ 2-16 ᐃᓄᖕᓄᑦ
• ᐱᓕᕆᖃᑎᒌᓂ ᓯᕗᓕᖅᑎᒥ ᐊᒻᒪᓗ ᑲᑎᒪᔪᒥ ᓯᕗᓕᖅᑎᒥ ᓄᑖᓂᑦ ᑐᓴᐅᒪᑎᑦᑎᓗᓂ ᓄᓇᓕᖕᓄ ᐊᐅᓪᓚᖅᕕᒃᓴᖏᑕ
ᐅᓪᓗᖏᓐᓂ
• ᐋᖅᑭᐅᒪᑎᑦᑏᓐᓇᕐᓗᓂ ᑐᓴᐅᒪᖃᑎᒌᖏᓐᓇᕐᓂᕐᒥᒃ ᓄᓇᓕᖕᓂ ᑲᒪᔨᓂᑦ ᐊᒻᒪᓗ ᐊᐱᖅᓱᖅᑎᓂ; ᐱᓕᕆᐊᒃᓴᖃᕐᓗᓂ
ᐊᐅᓚᓪᓗᒋᑦ ᓄᓇᓕᖕᓂ ᑲᒪᔩᑦ ᐊᒻᒪᓗ ᓂᐅᕐᕈᑲᑕᒃᑐᓂᒃ ᐊᐱᖅᓱᖅᑏᑦ
• ᖃᐅᔨᒪᓗᓂ ᐊᐱᖅᓱᖅᑏᑦ ᑕᒪᐃᓐᓂᓗᒃᑖᖅ ᐃᑲᔫᑎᒃᓴᓂᒃ ᐊᒻᒪᓗ ᓴᓇᕐᕈᑎᓂᒃ ᐱᔭᐅᔭᕆᐊᓕᖕᓂᒃ ᐱᓯᒪᓂᖏᓐᓂ
ᓄᓇᓕᖕᓃᑎᓪᓗᒋᑦ
• ᑲᒪᒋᓗᒋᑦ ᓄᓇᓕᖕᓂᑦ ᑲᒪᔩᑦ ᐅᓪᓗᒃᓴᓕᐅᕐᓗᒋᑦ ᐊᒻᒪᓗ ᐋᖅᑭᒃᓱᕐᓗᒋᑦ ᓄᓇᓕᖕᓄᑦ ᓂᐅᕐᕈᑲᑕᖕᓃᑦ ᐱᖃᓯᐅᑎᓪᓗᖏᑦ
ᓄᓇᓕᖕᓂ ᐱᓕᕆᓃᑦ ᐊᒻᒪᓗ ᐊᐱᖅᓱᐃᓂᕐᓂᒃ
• ᖃᐅᔨᒪᓗᓂ ᓄᓇᓕᖕᓂ ᐃᑲᔪᖅᑐᐃᔨ ᐃᖅᑲᓇᐃᔭᖅᑏᑦ ᐱᓕᕆᖃᑎᒌᑦ ᐊᑭᓕᖅᑕᐅᓂᖏᓐᓂ; ᑐᑭᓯᐅᒪᓗᓂ ᐊᑭᓕᖅᑕᐅᓂᐅᑉ
ᐱᓕᕆᔾᔪᓯᖏᓐᓂ ᓄᓇᓕᖕᓃᑎᓪᓗᒍ ᐊᒻᒪᓗ ᐊᐱᖅᑯᑎᓂᑦ ᑭᐅᕙᒡᓗᓂ
• ᐱᕙᒌᔭᕐᓗᒋᑦ ᑎᑎᕋᖅᓯᒪᔪᑦ ᐅᓂᒃᑳᑦ ᑎᑎᖅᑲᖁᑏᓪᓘᓐᓃᑦ ᐱᔭᐅᔭᕆᐊᓖᑦ
• ᐃᓚᐅᖃᑦᑕᕐᓗᓂ ᐃᖅᑲᓇᐃᔭᓕᖅᑎᑦᑎᓇᓱᒃᑎᓪᓗᒋᑦ ᐊᒻᒪᓗ ᐃᖃᓇᐃᔭᓕᖅᐸᓪᓕᐊᑎᓪᓗᒋᑦ ᐱᓕᕆᖃᑎᒌᓂ ᐃᓚᒋᔭᐅᔪᑦ
• ᖃᐅᔨᓴᕈᑏᑦ ᑎᑎᖅᑲᖁᑎᖏᑕ ᑲᑎᑕᐅᓂᖏᓐᓄᑦ ᐱᓕᕆᔾᔪᓰᑦ ᐊᒻᒪᓗ ᒪᓕᒋᐊᓖᑦ ᒪᓕᒃᑕᐅᓪᓚᑦᑖᖅᑎᑉᐸᒡᓗᓂᒋᑦ
• ᐃᑲᔪᖃᑦᑕᕐᓗᓂ ᐱᓕᕆᖃᑎᒌᓪᓚᑦᑖᖅᑐᑦ ᖃᓄᐃᓕᐅᕐᓂᐅᔪᓂ
• ᓴᖅᑭᔮᖅᑎᑦᑎᓗᓂ ᐃᓕᖅᑯᓯᑦᑎᐊᕙᖕᒥᒃ ᐊᒻᒪᓗ ᐃᒃᐱᒍᓱᑦᑎᐊᕐᓗᓂ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ
• ᐱᓕᕆᖃᑦᑕᕐᓗᓂ ᐊᓯᖏᓐᓂᒃ ᐱᓕᕆᐊᒃᓴᓂᒃ ᑎᓕᔭᐅᔭᕌᖓᑦ
ᐊᔪᙱᓕᖅᑕᐅᕙᒃᑐᑦ
• ᑐᓴᐅᑲᖃᑎᒌᖕᓂᖓᑕ ᐊᔪᖏᓐᓂᖓ ᓴᙱᔫᓗᓂ
• ᐊᕕᒃᑐᖅᓯᒪᔪᓂ ᖃᐅᔨᒪᓂᖃᕐᓗᓂ
• ᕿᓄᐃᓵᕈᓐᓇᕐᓗᓂ, ᖁᕕᐊᓇᖅᑐᒥ ᐃᓕᖅᑯᓯᖃᕐᓗᓂ ᐃᒃᐱᒍᓱᑦᑎᐊᖅᑐᒥ ᐊᒻᒪᓗ ᐃᑲᔪᕈᒪᓂᖃᕐᓗᓂ
• ᐱᔭᕇᖅᓯᔪᓐᓇᕐᓗᓂ ᐱᓕᕆᐊᒃᓴᓂᒃ ᐅᓪᓗᖅ ᐃᓱᓕᕝᕕᖓ ᑎᑭᖅᑳᖅᑎᓐᓇᒍ
• ᑭᖑᓂᖔᑦᑎᓐᓂ ᐱᓕᕆᓂᕐᓄ ᑲᒪᖃᑦᑕᕐᓂᑰᒍᓂ ᐊᑲᐅᓇᔭᖅᑐᖅ
• ᖁᓱᙱᓪᓗᓂ ᐱᓕᕆᖃᑕᐅᔭᕆᐊᒃᓴᖅ ᐱᓕᕆᖃᑎᒌᓄᑦ ᐊᒻᒪᓗ ᒪᓕᒃᑕᐅᔪᒃᓴᓂ ᐅᖃᖅᐸᒡᓗᓂ ᐊᓯᖏᓐᓄᑦ
ᐱᓕᕆᖃᑕᐅᔪᓄᑦ
• ᐅᖃᐅᓯᒃᑯᑦ ᑎᑎᖅᑲᑎᒍᓪᓗ ᑐᓴᐅᒪᖃᑎᒌᖕᓂᖅ ᖃᓪᓗᓈᑐᑦ, ᐃᓄᒃᑐᑦ ᐊᑲᐅᓇᔭᖅᖢᓂ
• ᓱᖏᐅᙵᓗᓂ ᖃᕆᓴᐅᔭᓕᕆᔾᔪᑎᒥᒃ Microsoft 365 (Word, Excel, Outlook, Teams)
• ᐊᐅᓪᓚᑲᑕᒍᓐᓇᕐᓗᓂ ᓄᓇᕗᒻᒥ
ᐱᔭᔪᒪᓂᖅᓴᐅᓂᐊᖅᑐᑦ ᐃᓄᐃᑦ ᐊᑎᓕᐅᖅᑕᐅᓯᒪᔪᑦ
ᐊᑐᖅᖢᒋᑦ ᓄᓇᕗᒻᒥ ᐊᖏᕈᑎ.
ᓄᓇᕗᑦ ᑐᙵᕕᒃ ᑎᒥᖁᑖ ᐱᓕᕆᐊᒃᓴᓕᒃ ᑲᒪᒋᔭᖃᕐᓗᑎᒃ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᖃᓄᐃᓐᓂᖏᓐᓂᒃ ᑐᑭᓯᒋᐊᕐᓂᖅ
ᓄᓇᕗᒻᒥ.
ᓄᓇᕗᑦ ᑐᙵᕕᒃ ᑎᒥᖓᑦ ᐃᖅᑲᓇᐃᔭᖃᑎᖃᖅᑐᑦ ᑳᓱᒪᓐ ᐃᑲᔪᕐᓗᑎ ᐃᖅᑲᓇᐃᔭᖅᑎᑦᑎᓂᕐᒧᑦ, ᐃᓕᓐᓂᐊᓂᕐᒧᑦ, ᐸᕐᓇᐃᓂᕐᒧᑦ
ᐊᒻᒪ ᖃᐅᔨᓴᖅᑎᑦᑎᓂᕐᒧᑦ ᖃᐅᔨᓴᕐᓂᐅᔪᒥᑦ. ᑳᓱᒪᓐᑯᓐᓄᑦ ᐃᒻᒥᒃᑰᖅᑑᓪᓗᑎᒃ ᐅᖃᐅᔾᔨᒋᐊᖅᑏᑦ ᑎᒥᖁᑖ ᐱᔨᑦᑎᕋᖅᑐᑦ
ᓄᓇᖃᖅᑳᖅᓯᒪᔪᓂᒃ, ᓄᓇᓕᖕᓂᒃ ᐊᒻᒪᓗ ᐃᓄᖕᓂᒃ ᖃᐅᔨᒪᓂᖃᖅᖢᑎᒃ ᐊᐅᓚᑦᑎᓂᕐᒥᒃ, ᐋᔩᖃᑎᖃᕐᓂᕐᒥᒃ, ᒪᑭᒪᔾᔪᑎᑦ
ᐱᕙᓪᓕᐊᖁᓪᓗᒋᑦ, ᓄᓇ, ᐱᖁᑎᕐᔪᐊᑦ ᐊᒻᒪᓗ ᖃᓄᖅᑑᕈᑕᐅᔪᑦ ᑲᑎᖃᑎᖃᕐᓃᑦ, ᑐᓴᐅᒪᔪᓕᕆᓃᑦ ᐱᔨᑦᑎᕋᕐᓂᕐᒧᓪᓗ ᓴᓇᓯᒪᔪᑦ
ᐊᑐᓕᖅᑎᑕᐅᓂᖏᓐᓄᓪᓗ. ᑖᓐᓇ ᐱᓕᕆᐊᖃᕆᐊᓕᒃ ᐃᖅᑲᓇᐃᔭᖅᑎᑕᐅᓂᐊᖅᑐᖅ ᑳᓱᒪᓐᑯᓐᓄᑦ.
ᒥᒃᓵᓄᑦ ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᖃᓄᐃᓐᓂᖏᓐᓂᒃ ᑐᑭᓯᒋᐊᕐᓂᐅᑉ
ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᖃᓄᐃᓐᓂᖏᓐᓂᒃ ᑐᑭᓯᒋᐊᕐᓂᖅ ᑲᔪᓰᓐᓇᖅᖢᓂ ᐃᓄᖕᓄᓪᓗ ᐱᒋᔭᐅᓪᓗᓂ ᑐᑭᓯᒋᐊᕐᓂᐅᕗᖅ
ᐊᕐᕌᒍᑦ ᑕᓪᓕᒪᑦ ᐊᓂᒍᕌᖓᑕ ᐱᓇᓱᐊᕆᔭᐅᖃᑦᑕᕐᓂᐊᖅᖢᓂ. ᓄᓇᕗᒻᒧᑦ ᐃᓗᓕᖏᑦ ᐊᐱᖅᓱᕐᓂᕐᒥ ᐱᒋᐊᓛᖅᑐᑦ 2024−ᒥ.
ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᖃᓄᐃᓐᓂᖏᓐᓂᒃ ᑐᑭᓯᒋᐊᕐᓂᖅ ᑕᒪᐃᓐᓅᖓᔪᒥᒃ ᐅᓂᒃᑳᕋᔭᖅᑐᑦ ᐋᓐᓂᐊᖃᖅᑕᐃᓕᒪᓂᕐᒧᑦ
ᐊᒻᒪᓗ ᖃᓄᐃᙱᑦᑎᐊᕐᓂᕐᒧᑦ ᐃᓄᓗᒃᑖᓄᑦ ᑕᒪᐃᓐᓂᓗᒃᑖᖅ ᓄᓇᓂ ᐊᕕᒃᑐᖅᓯᒪᔪᓂ ᓄᓇᓂ, ᑭᓱᑦ ᐊᐅᓚᓂᖃᑦᑎᐊᖅᐸᑦ
ᐊᒻᒪᓗ ᑭᓱᑦ ᐱᐅᓯᒋᐊᖅᑕᐅᔭᕆᐊᖃᖅᐸᑦ. ᐊᐱᖅᓱᕐᓂᖅ ᐊᐱᕆᓂᐊᖅᑐᖅ ᑐᕌᒐᖃᖅᑐᓂᒃ ᐊᒥᓱᓂ ᐅᖃᐅᓯᐅᔪᓂ
ᐱᖃᓯᐅᑎᓪᓗᖏᑦ ᓂᕿ ᐊᒻᒪᓗ ᓂᕿᑦᑎᐊᕙᑦ, ᐃᓱᒪᒧᑦ ᖃᓄᐃᙱᑦᑎᐊᕐᓃᑦ, ᐋᖓᔮᕐᓇᖅᑐᓂᒃ ᐊᑐᕐᓂᖅ, ᐊᒻᒪᓗ ᐱᖅᑯᓯ
ᑭᓇᐅᓂᕐᓗ, ᐊᓯᖏᓪᓗ.
ᖃᓄᐃᑉᐱᑕ? ᑲᓇᑕᒥ ᐃᓄᐃᑦ ᖃᓄᐃᓐᓂᖏᓐᓂᒃ ᑐᑭᓯᒋᐊᕐᓂᖅ ᐊᐱᖅᓱᕐᓂᖏᑦ ᐊᑐᖅᑕᐅᓂᐊᖅᑐᑦ ᐊᑐᓂ ᓄᓇᓕᖕᓂ
ᑕᒪᐃᓐᓂ ᐃᓄᐃᑦ ᓄᓇᖓᓐᓂ – ᓄᓇᕗᑦ, ᐃᓄᕕᐊᓗᐃᑦ ᓄᓇᑖᕐᕕᒋᓯᒪᔭᖏᓐᓂ ᓄᓇᓂ ᐊᕕᒃᑐᖅᓯᒪᔪᓂ, ᓄᓇᕕᒃ ᐊᒻᒪᓗ
ᓄᓇᑦᓯᐊᕗᑦ. ᐊᐱᖅᓱᕐᓂᖅ ᐊᐱᕆᓂᐊᖅᑐᑦ ᑖᒃᑯᓂᖓᔅᓴᐃᓐᓇᖅ ᐊᐱᖅᑯᑎᓂ ᑕᒪᒃᑯᓇᓂ ᑕᒪᐃᓐᓂᒃ ᓄᓇᓂ ᐊᕕᒃᑐᖅᓯᒪᔪᓂ
ᐃᓄᐃᑦ ᓄᓇᖓᓐᓂ, ᐊᒻᒪᓗᑦᑕᐅᖅ ᐊᐱᖅᑯᑏᑦ ᓄᓇᕗᒻᒨᖓᓪᓚᑦᑖᖅᑐᓂᒃ. ᐃᓚᐅᔪᒃᓴᑦ ᓂᕈᐊᖅᑕᐅᑐᐃᓐᓇᕐᓂᐊᖅᑐᑦ ᐊᒻᒪᓗ
ᑭᒡᒍᖅᑐᐃᓂᐊᖅᖢᑎᒃ ᐃᓄᓕᒫᓂᒃ ᓄᓇᕗᒻᒥ.
ᐃᖅᑲᓇᐃᔮᒥᒃ ᐱᓇᔪᒍᒪᒍᕕᑦ ᑎᑎᕋᕐᕕᒋᓗᒍ ᐃᕐᖐᓈᖅᑕᐅᑎᒃᑯᑦ ᐅᕗᖓ
ᐅᕝᕙᓘᓐᓃᑦ ᑕᑯᒋᐊᕐᓗᒍ QNIHS.ca ᐱᓇᔪᒍᒪᒍᕕᑦ.
CLOSING DATE: August 30, 2024
