ᒪᑭᒋᐊᖅᑕ ᐃᓄᐃᑦ ᐱᓕᒻᒪᒃᓴᖅᑕᐅᓂᖏᑦ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᐃᖃᓗᐃᑦ, ᓄᓇᕗᑦ
ᑐᑭᒧᐊᒃᑎᑕᐅᓗᓂ ᑐᑭᒧᐊᒃᑎᑦᑎᔨᐅᑉ ᐃᑲᔪᖅᑎᖓᓄᑦ, ᐃᓄᐃᑦ ᐱᓕᒻᒪᒃᓴᖅᑕᐅᓂᖏᓐᓄᑦ ᐱᓕᕆᐊᒃᓴᑦ, ᐱᓕᕆᐊᒃᓴᓕᕆᔨ ᐱᓕᕆᐊᖃᕐᓂᐊᖅᑐᖅ ᕿᒥᕐᕈᓗᓂ ᑮᓇᐅᔭᖃᖅᑎᑕᐅᔾᔪᑎᓄᑦ ᑐᒃᓯᕋᐅᑎᓂᒃ, ᖃᐅᔨᓴᐃᓐᓇᕐᓂᕐᒥᒃ, ᖃᐅᔨᓴᕐᓂᕐᒥᒃ ᐊᐅᓚᑦᑎᓂᕐᒥᒡᓗ ᐱᓕᕆᐊᓂᒃ ᐊᒃᑐᐊᓂᓕᖕᓂᒃ ᒪᑭᒋᐊᖅᑕ ᐃᓄᖕᓂᑦ ᐱᓕᒻᒪᒃᓴᐃᓂᕐᒧᑦ ᐱᓕᕆᖃᑎᒌᓂᒃ. ᑲᑎᒪᖃᑎᖃᖅᐸᒡᓗᓂ ᐱᓕᕆᖃᑎᖃᖅᐸᒡᓗᓂᓗ ᐱᖃᖃᑕᐅᔪᓂᒃ, ᒐᕙᒪᓂᒃ, ᐊᔪᕈᓐᓃᖅᓴᖅᑎᑦᑎᓂᕐᒧᑦ ᑲᑐᔾᔨᖃᑎᒌᓂᒃ ᐊᓯᖏᓐᓂᒡᓗ ᐱᓕᕆᕝᕕᒋᔭᐅᕙᒃᑐᓂᒃ. ᑖᓐᓇ ᐃᓂᒋᔭᐅᔪᖅ ᐋᖅᑭᒃᓯᒪᓕᖅᑎᑦᑎᕙᒃᐳᖅ ᐱᓕᕆᐊᖃᕐᓂᕐᒧᑦ ᐊᑐᖅᑕᐅᖃᑦᑕᕋᔭᖅᑐᒥᒃ, ᖃᐅᔨᓴᖅᓯᓂᕐᒥᒃ ᖃᐅᔨᔾᔪᑕᐅᔪᓐᓇᖅᑐᓂᒃ ᖃᓄᐃᓕᖓᓕᕐᓂᕆᔭᐅᔪᓂᒡᓗ, ᐋᖅᑭᒃᓱᐃᕙᒃᐳᖅ ᐱᐅᔪᓂᒃ ᓇᓗᙱᑦᑎᐊᕐᓂᕐᒧᑦ ᖃᓄᐃᓕᐅᖅᑕᐅᕙᓪᓕᐊᓇᔭᖅᑐᓂᒃ ᑲᔪᓯᑎᑦᑎᕙᒃᖢᓂᓗ ᐃᓅᖃᑎᖃᖅᐸᖕᓂᕐᓂᒃ ᐱᓕᕆᐊᒃᓴᓄᑦ ᐱᓕᕆᖃᑎᒋᔭᐅᕙᒃᑐᓄᑦ. ᑖᓐᓇ ᐃᖅᑲᓇᐃᔮᖅ ᐊᑐᐃᓐᓇᐅᑎᑦᑎᓂᐊᖅᑐᖅ ᑐᓴᐅᒪᑦᑎᐊᖅᑐᒥᒃ ᐊᒻᒪ ᓇᓗᓇᐃᕈᑎᒃᓴᖃᑦᑎᐊᖅᑐᒥᒃ ᐃᑲᔪᖅᓱᐃᔪᒥᒃ ᑐᙵᕕᖃᕐᓗᓂ ᐃᓱᒪᓕᐅᕆᓂᕐᒧᑦ ᐋᖅᑭᒋᐊᖅᑕᐅᔭᕆᐊᓕᖕᓂᒃ ᐊᒻᒪ ᐱᐅᓯᒋᐊᕈᑎᓂᒃ ᐱᓕᕆᐊᒃᓴᓄᑦ ᐊᒻᒪ ᐃᒃᐱᒍᓱᑦᑎᐊᕐᓗᓂ ᐱᓕᕆᐊᒃᓴᓄᑦ ᒪᓕᒃᑕᐅᔭᕆᐊᓕᖕᓂᒃ, ᓇᓗᓇᐃᖅᓯᕙᒡᓗᓂ ᐊᑑᑎᖃᑦᑎᐊᖅᑐᓂᒃ ᑐᓐᓂᖅᓴᐃᓂᕐᒥᒃ ᑮᓇᐅᔭᓂᒃ ᓄᓇᓕᖕᓄᑦ/ᑲᑎᒪᔨᕋᓛᓄᑦ ᐊᖏᓛᒃᑰᖅᑎᑦᑎᖁᓪᓗᒋᑦ ᓴᖅᑭᖁᔭᐅᔪᓂᒃ, ᐱᔪᓐᓇᕐᓂᖅᑖᖅᑎᑦᑎᕙᓪᓕᐊᓗᓂ ᐊᒻᒪ ᓇᓗᓇᐃᖅᓯᕙᒡᓗᓂ ᐱᓕᕆᐊᖑᓂᐊᕐᓂᕋᖅᓯᒪᔪᓂᒃ ᑐᕌᒐᕆᔭᐅᔪᓂᒃ ᐊᓂᒍᖅᑎᑕᐅᒐᓗᐊᕐᒪᖔᑕ.
ᑖᓐᓇ ᐃᖅᑲᓇᐃᔮᒃᓴᖅ ᐱᔭᕆᐊᓕᒃ ᐃᓄᖕᒥᒃ ᖁᑦᑎᖕᓂᓕᖕᒥᒃ 12 ᐃᓕᓐᓂᐊᕌᓂᒍᓯᐊᖃᕐᓗᓂ ᐊᒻᒪ 1-3 ᐊᕐᕌᒍᓄᑦ ᐊᑐᕐᓂᑰᓗᓂ ᐊᒃᑐᐊᓂᓕᖕᒥᒃ ᐃᓂᖃᖅᑐᓂ; ᐃᖅᑲᓇᐃᔮᖅᑖᕋᓱᐊᖅᑐᖅ ᐊᑲᐅᙱᓪᓕᐅᕈᑎᓂᑦ-ᐋᖅᑭᑦᓯᒍᓐᓇᑦᓯᐊᕆᐊᓕᒃ. ᓇᖕᒥᓂᖅ−ᐱᒋᐊᖅᑎᑦᑎᔨᐅᕗᖅ ᐱᔪᒃᓯᓂᖃᑦᑎᐊᕐᓗᓂ ᐊᒻᒪ ᐱᓕᕆᔪᓐᓇᕐᓗᓂ ᐊᒃᓱᕈᕐᓇᖅᑐᒃᑯᑦ ᐊᒻᒪ ᐊᒃᓱᕈᕐᓇᖅᑐᒃᑯᑦ ᐊᒻᒪᓗᑦᑕᐅᖅ ᐱᓕᕆᔪᓐᓇᕐᓗᓂ ᐃᓱᓕᕝᕕᒃᓴᕆᑎᑕᐅᔪᓂᒃ. ᐃᖅᑲᓇᐃᔭᕈᓐᓇᕆᐊᓕᒃ ᒐᕙᒪᓕᕆᓂᒃᑯᑦ ᐃᒃᐱᒍᓱᑦᑎᐊᕐᓗᓂ ᐊᒻᒪ ᑕᑯᒃᓴᐅᑎᑦᑎᓗᓂ ᐃᒃᐱᒍᓱᑦᑎᐊᕐᓂᕐᒥᒃ ᐃᓄᐃᑦ ᐱᓕᕆᐊᒃᓴᖏᓐᓂᒃ. ᐃᖅᑲᓇᐃᔮᖅᑖᕋᓱᐊᖅᑐᖅ ᖃᐅᔨᒪᓂᖃᕐᓂᐊᖅᑐᖅ ᓄᓇᕗᒻᒥ ᐊᖏᕈᑎᒥᑦ ᓄᓇᕗᑦ ᑐᙵᕕᒃᑯᑦ ᑎᒥᖓᑦᑕ ᐱᓕᕆᐊᑦᓴᖏᓐᓂᑦ, ᐊᒻᒪ ᒐᕙᒪᑐᖃᒃᑯᓐᓂᑦ ᓄᓇᕗᒻᒥᓪᓗ ᒐᕙᒪᓂᑦ ᐱᓕᕆᔾᔪᑎᓂᑦ ᐊᒻᒪᓗ ᓄᓇᕗᒻᒥ ᐃᓕᓐᓂᐊᑎᑦᓯᔩᑦ ᑲᑐᔾᔨᖃᑎᒌᒃᑯᖏᑕ ᐊᐅᓚᑦᓯᓂᕐᒧᑦ ᐊᑐᖅᑕᐅᖃᑦᑕᖅᑐᓂᑦ. ᐅᖃᕈᓐᓇᑦᑎᐊᕈᓂ ᐃᓄᒃᑎᑐᑦ/ᐃᓄᐃᓐᓇᖅᑐᑦ ᐅᖃᐅᓯᕐᒥᑦ ᐊᑲᐅᒻᒪᕆᒐᔭᖅᑐᖅ.
ᓯᕗᓪᓕᖅᐸᐅᔾᔭᐅᓂᐊᖅᑐᑦ ᐃᓄᐃᑦ ᐊᑎᓕᐅᖅᑕᐅᓯᒪᔪᑦ ᓄᓇᕗᒻᒥ ᐊᖏᕈᑎᒥᑦ
ᑮᓇᐅᔾᔭᒃᓴᓯᒋᐊᕋᔭᖅᑐᖅ $95,810.00 ᐊᕐᕌᒍᒧᑦ (ᒪᓕᒡᓗᒍ ᐱᓕᕆᓂᑰᓂᖓ) ᐃᑲᔫᓯᐊᑦᑎᐊᕆᖕᓂᕐᒧᑦ ᑲᑎᓯᒪᔪᑦ ᐅᑯᓂᖓᓗ ᐃᖅᑲᓇᐃᔭᖅᑏᑦ ᐃᓐᓇᖅᓯᐅᑎᒃᓴᖏᓐᓄᑦ ᐸᕐᓇᐅᑎᑦ, ᑲᑎᙵᔪᑦ ᓇᓪᓕᐅᒃᑯᒫᑦ ᐊᒻᒪ ᕿᑲᕆᐊᕐᓂᕐᒧᑦ ᖃᖓᑦᑕᐅᑎᓄᑦ ᐃᑲᔫᑎᑦ.
ᐃᒡᓗᒧᑦ ᐃᑲᔫᓯᐊᑦ $35,232.00
ᐃᖅᑲᓇᐃᔮᑉ ᓇᓗᓇᐃᔭᖅᓯᒪᓂᓕᒫᖓᓄᑦ, ᖃᐅᔨᒋᐊᕐᕕᒋᔪᓐᓇᖅᑕᑦ:
ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᑲᖏᖅᖠᓂᖅ, ᓄᓇᕗᑦ X0C-0G0
ᐅᖃᓘᑦ: 867-645-5408
ᓱᒃᑲᔪᒃᑯᑦ: 867-645-5414
ᒪᑐᕝᕕᒃᓴᖓ: ᐅᑭᐅᓕᑦ 4, 2024
ᐃᒡᓗᒃᓴᖅᑕᖃᙱᑦᑐᖅ
ᑐᕌᒐᕆᔭᕗᑦ: ᐃᓄᐃᑦ ᒪᑭᒪᓇᓱᐊᕈᑎᖏᑦ, ᐃᓅᖃᑎᒌᖕᓂᕐᒧᑦ ᐃᓕᖅᑯᓯᑐᖃᒃᑯᓪᓗ ᖃᓄᐃᙱᑦᑎᐊᕐᓂᖅ ᐊᑐᓕᖅᑎᑦᑎᓂᒃᑯᑦ ᓄᓇᕗᒻᒥ ᐊᖏᕈᑎᒥᒃ.
LOCATION: ᐃᖃᓗᐃᑦ, ᓄᓇᕗᑦCLOSING DATE: October 4, 2024
