ᐃᖅᑲᓇᐃᔮᑦᓴᑦ

ᖃᐅᔨᓴᖅᑐᓕᕆᔨᒃᑯᑦ, ᓇᐅᑦᑎᖅᓱᖅᑏᑦ ᐊᒻᒪ ᖃᐅᔨᓴᖅᑏᑦ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᐃᓂᖃᖅᑐᖅ ᐃᖃᓗᐃᑦ, ᓄᓇᕗᑦ

ᑐᑭᒧᐊᒃᑎᑕᐅᕙᒡᓗᓂ ᐊᐅᓚᑦᑎᔨᒻᒪᕆᖕᒧᑦ, ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᐅᔨᓴᕈᑎᓄᑦ; ᐊᐅᓚᑦᑎᔨ ᖃᐅᔨᓴᕐᓂᕐᒧᑦ ᐃᓚᐅᑎᑦᓯᓂᕐᒧᑦ ᓄᓇᕗᑦ ᑐᙵᕕᒃᑯᓐᓂ ᐱᓕᕆᔨᓪᓗᐊᑕᐅᕗᖅ ᓯᕗᒻᒧᐊᒃᑎᑦᓯᓂᕐᒥᒃ ᓄᓇᕗᑦ ᑐᙵᕕᒃᑯᑦ ᐱᓕᕆᐊᒃᓴᖏᑦᓂᒃ ᑐᕌᒐᖏᓐᓂᒡᓗ ᓯᕗᓕᖅᑎᐅᓂᒃᑯᑦ ᐃᓚᐅᑎᑦᓯᓂᕐᒥᒃ, ᑐᓴᐅᒪᖃᑎᒌᖕᓂᕐᒥᒃ, ᐊᒻᒪ ᖃᐅᔨᒪᓂᕆᔭᐅᔪᓂᒃ−ᐊᒥᖅᑳᖃᑎᖃᕐᓂᕐᒥᒃ ᐱᓕᕆᐊᒃᓴᓂᒃ ᖃᐅᔨᓴᖅᑐᓕᕆᔨᒃᑯᑦᓄᑦ, ᓇᐅᑦᑎᖅᓱᕐᓂᕐᒧᑦ ᐊᒻᒪ ᖃᐅᔨᓴᕐᓂᕐᒧᑦ. ᑖᒻᓇ ᐃᓂᒋᔭᐅᔪᖅ ᐃᓚᓕᐅᔾᔨᑦᑕᕐᓂᐊᖅᐳᖅ ᖃᐅᔨᓴᕐᓂᕐᒧᑦ ᐃᓚᐅᕙᖕᓂᕐᒥᒃ ᑐᓴᐅᒪᑎᑦᓯᓂᕐᒧᑦ ᐱᐅᓛᒃᑯᑦ ᐊᑐᖅᑕᐅᕙᒃᑐᓂᒃ ᓇᓗᙱᑦᑎᐊᕈᒪᓂᕐᒧᑦ ᖃᐅᔨᓴᕐᓂᕐᒧᑦ ᐱᒋᐊᖅᑕᐅᓯᒪᔪᑦ ᑐᓴᐅᒪᑎᑦᓯᔾᔪᑕᐅᕙᒃᑲᓗᐊᕐᒪᖔᑕ ᑐᑭᓯᓇᑦᑎᐊᕐᓗᑎᒃ, ᑕᒻᒪᖅᑕᖅᓯᒪᙱᓪᓗᑎᒃ ᑐᙵᕕᖃᖅᑎᑕᐅᓗᑎᒡᓗ ᐊᒃᑐᐊᓂᖃᖅᑐᓂᒃ ᐃᓄᐃᑦ ᐊᑦᓂᕆᔭᖏᑦᓂᒃ ᓯᕗᓪᓕᖅᐸᐅᑦᑎᐅᑎᓯᒪᔭᖏᑦᓂᒡᓗ. ᐊᐅᓚᑦᑎᔨ ᐋᕿᒃᓱᐃᕙᒃᐳᖅ ᑲᒪᒋᔭᖃᖅᐸᒃᖢᓂᓗ ᐃᓚᐅᑎᑦᓯᓂᕐᒧᑦ ᖃᓄᐃᓕᐅᖅᑕᐅᕙᓪᓕᐊᔪᒪᔪᓂᒃ, ᐊᐅᓚᑦᑎᕙᒃᖢᓂ ᑐᓴᐅᒪᑎᑦᓯᓂᕐᒧᑦ ᐱᕙᒌᔭᕐᓂᕐᒥᒃ ᑲᔪᓯᑎᑦᓯᓂᕐᒥᒡᓗ, ᑲᒪᒋᔭᖃᖅᐸᒃᖢᓂ ᑐᓴᐅᒪᑎᑦᓯᓂᕐᒧᑦ ᐃᖃᓇᐃᔭᖅᑎᒋᔭᐅᔪᓂᒃ, ᓇᓗᙱᑦᑎᐊᕋᓱᒃᐸᒃᖢᓂᓗ ᐊᑕᐅᑦᑎᒃᑰᖃᑎᖃᕋᓗᐊᕐᒪᖔᑦ ᓄᓇᕗᑦ ᑐᙵᕕᒃᑯᑦ ᐊᖏᓂᖅᓴᒥᒃ ᑐᓴᐅᒪᑎᑦᓯᓂᕐᒧᑦ ᐊᑐᖅᑕᐅᕙᒃᑐᓂᒃ, ᓇᓗᓇᐃᒃᑯᑦᑎᖅᓯᓂᕐᒥᒃ ᑐᕌᕆᔭᐅᔪᓂᒡᓗ.

ᑐᙵᓱᒃᑎᑕᐅᔪᒪᒍᕕᑦ ᐊᐱᖅᓱᖅᑕᐅᓂᕐᒧᑦ; ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᑐᓴᐅᒪᔪᓕᕆᓂᕐᒧᑦ, ᑭᒃᑯᑐᐃᓐᓇᓂᒃ ᑐᓴᐅᒪᑎᑦᓯᓂᕐᒧᑦ, ᐱᕙᓪᓕᐊᔪᓕᕆᓂᕐᒧᑦ, ᓂᐅᕐᕈᑎᖃᕐᓂᕐᒧᑦ, ᐊᒃᑐᐊᓂᓕᖕᒧᓪᓘᓐᓃᑦ. ᑲᑎᓪᓗᒋᑦ ᐃᓕᓐᓂᐊᖅᓯᒪᔭᖏᑦ ᐊᒻᒪ ᐊᔾᔨᐸᓗᖏᓐᓂᒃ ᐱᓕᕆᑦᑕᖅᓯᒪᓂᑰᓗᓂ ᐃᓱᒪᒋᔭᐅᓂᐊᕐᒥᔪᑦ. ᐱᓕᕆᑦᑕᖅᓯᒪᓂᑰᓗᓂ (7+ ᐊᕐᕌᒍᓄᑦ) ᐱᕙᓪᓕᐊᑎᑦᓯᓂᕐᒥᒃ ᐊᑐᓕᖅᑎᑦᓯᓂᕐᒥᒡᓗ ᑲᔪᓯᓂᖃᑦᑎᐊᖅᑐᓂᒃ ᐃᓗᐊᓂ ᓯᓚᑖᓂᓗ ᐃᓚᐅᑎᑦᓯᓂᕐᒥᒃ ᑐᓴᐅᒪᔪᓕᕆᓂᕐᒧᓪᓗ ᖃᓄᐃᓕᐅᕈᑕᐅᔪᒪᔪᓂᒃ, ᐱᔪᒥᓇᕋᔭᖅᖢᓂ ᑮᓇᐅᔭᓕᐅᕋᓱᐊᖅᑎᐅᙱᑦᑐᓂ, ᒐᕙᒪᒃᑯᓐᓂ, ᓄᓇᖃᖅᑳᖅᓯᒪᔪᓂᒡᓘᓐᓃᑦ ᑲᑐᔾᔨᖃᑎᒌᓂᒃ. ᑐᑭᓯᐅᒪᓂᖃᑦᑎᐊᕐᓗᓂ ᓄᓇᕘᑉ ᐃᓕᖁᓯᖓᑕ ᐃᓗᓕᖏᑦᓂᑦ, ᐃᓄᐃᑦ ᐊᑐᖅᐸᓚᐅᖅᑕᖏᑦᓂᒃ, ᓄᓇᖃᖄᖅᑐᓪᓗ ᐱᔪᖕᓇᐅᑎᖏᑦᓂᑦ. ᑎᑎᕋᕈᖕᓇᑦᑎᐊᕐᓗᓂ ᐅᖃᓪᓚᒍᖕᓇᑦᑎᐊᕐᓗᓂᓗ, ᑐᓴᖅᑎᑦᓯᔪᖕᓇᑦᑎᐊᕐᓗᓂᓗ ᐱᔭᕆᑐᔪᓂᒃ ᖃᐅᔨᓴᕈᑎᓂᒃ, ᑎᑎᖅᑲᓂᒃ ᐊᒻᒪ ᐊᑐᐊᒐᕐᓂᒃ ᑐᑭᓯᒋᐊᒐᒃᓴᓂᒃ ᑐᑭᓯᓇᑦᑎᐊᖅᑐᓂᒃ ᐊᑑᑎᖃᑦᑎᐊᖅᑐᓂᒡᓗ ᐊᔾᔨᒌᙱᑦᑐᓄᑦ ᓈᓚᒃᑎᓄᑦ. ᑕᑯᑎᑦᓯᓯᒪᓗᓂ ᐱᓕᕆᖃᑦᑕᖅᓯᒪᓂᑰᓂᕐᒥᒃ ᐊᐅᓚᑦᑎᓂᕐᒥᒃ ᐱᓕᕆᖃᑎᒌᒃᑐᓂᒃ ᑐᓴᐅᒪᑎᑦᑎᓂᕐᒧᑦ ᐱᓕᕆᔨᓪᓚᕆᖕᓂᒃ ᐊᐅᓚᑦᑎᓂᕐᒥᒡᓗ ᐱᓕᕆᐊᒃᓴᖏᓐᓂᒃ ᐊᖑᒻᒪᑎᔪᒪᓂᕐᒧᑦ ᑲᑐᔾᔨᖃᑎᒌᒡᕕᖕᒥ ᑐᕌᕆᔭᐅᔪᓂᒃ. ᐊᔪᙱᓐᓂᖃᑦᑎᐊᕐᓗᓂ ᖃᕆᑕᐅᔭᒃᑯᑦ ᑐᓴᐅᒪᑎᑦᑎᓂᕐᒧᑦ ᐊᑐᖅᑕᐅᕙᒃᑐᓂᒃ, ᑭᒃᑯᑐᐃᓐᓇᓄᑦ ᑐᓴᐅᒪᑎᑦᓯᕙᖕᓂᕐᒧᑦ ᐃᓚᐅᕙᖕᓂᕐᒥᒃ, ᐃᓗᓕᖏᑦᓂᒃ ᓴᖅᑭᑎᑦᓯᓂᕐᒥᒃ, ᐃᑭᐊᖅᑭᕕᖕᒥᒡᓗ ᐊᐅᓚᑦᑎᕝᕕᖃᕐᓂᕐᒥᒃ. ᐃᓄᒃᑎᑐᑦ/ᐃᓄᐃᓐᓇᖅᑐᓐ ᐅᖃᓪᓚᒍᓐᓇᕐᓗᓂ ᑎᑎᕋᕈᓐᓇᕐᓗᓂᓗ ᐱᔪᒥᓇᖅᐳᖅ ᐃᓕᑦᑎᔪᒪᓂᖃᑦᑎᐊᕐᓗᓂᓗ.

ᓯᕗᓪᓕᖅᐸᐅᔾᔭᐅᓂᐊᖅᑐᑦ ᐃᓄᐃᑦ ᐊᑎᓕᐅᖅᑕᐅᓯᒪᔪᑦ ᓄᓇᕗᒻᒥ ᐊᖏᕈᑎᑎᒍᑦ.

ᑮᓇᐅᔾᔭᒃᓴᓯᒋᐊᕋᔭᖅᑐᖅ $126,500.00 ᐊᕐᕌᒍᒧᑦ (ᐃᖃᓇᐃᔭᓕᒪᓂᖓ ᒪᓕᒡᓗᒍ) ᓈᒪᔪᓂᒃ ᐱᕚᓪᓕᕈᑎᒃᓴᓂᒃ ᑲᑎᖅᓱᖅᓯᒪᔪᓂᒃ ᐅᑯᓂᖓᓗ ᐃᖃᓇᐃᔭᖅᑎᑦ ᐃᓐᓇᖅᓯᐅᑎᒃᓴᓄᑦ ᐸᕐᓇᐅᑎᑦ, ᑲᑎᙵᔪᓄᑦ ᓇᓪᓕᐅᒃᑯᒫᑦ ᐊᒻᒪ ᕿᑲᕆᐊᕈᑎᓄᑦ ᖃᖓᑦᑕᐅᑎᓄᑦ ᐃᑲᔫᑎᑦ.

ᐃᒡᓗᒧᑦ ᐃᑲᔫᓯᐊᑦ $35,865.00

ᐃᖃᓇᐃᔮᑉ ᓇᓗᓇᐃᔭᖅᓯᒪᓂᖓ ᑕᑯᔪᒪᒍᕕᐅᒃ, ᐅᕗᖓ ᖃᐅᔨᒋᐊᕈᓐᓇᖅᐳᑎᑦ:
ᐃᖃᓇᐃᔭᖅᑐᓕᕆᔨᒃᑯᑦ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᑲᖏᖅᖠᓂᖅ, ᓄᓇᕗᑦ X0C-0G0

ᐅᖄᓘᑎᖓ: 867-645-5408
ᓱᒃᑲᔪᒃᑰᕈᑎᖓ: 867-645-3872

ᒪᑐᕝᕕᒃᓴᖓ: ᔪᓚᐃ 17, 2026

ᐱᓕᕆᐊᒃᓴᕗᑦ: ᐃᓄᐃᑦ ᑮᓇᐅᔭᓕᐅᕋᓱᖕᓂᕐᒧᑦ ᐱᕙᓪᓕᐊᓂᕐᒧᓪᓗ, ᐃᓅᖃᑎᒌᒃᐸᖕᓂᕐᒧᑦ, ᐃᓕᖅᑯᓯᑐᖃᕐᓄᓪᓗ ᖃᓄᐃᙱᑦᑎᐊᕈᓐᓇᕐᓂᕐᒧᑦ ᐊᑐᓕᖅᑎᑦᑎᓂᒃᑯᑦ ᓄᓇᕗᒻᒥ ᐊᖏᖃᑎᒌᒍᑕᐅᓯᒪᔪᒥᒃ.