ᐃᖅᑲᓇᐃᔮᑦᓴᑦ

ᐊᐅᓚᑦᓯᔨ – ᓄᓇᓕᕆᓂᕐᒧᑦ ᑐᑭᓯᒋᐊᕈᑎᒃᓴᓕᕆᔨᑦ ᐱᑐᒃᓯᒪᒍᑎᒃᑯᑦ ᖃᕆᑕᐅᔭᓕᕆᓕᔨᒃᑯᓪᓗ
ᓄᓇᓕᕆᔨᑦ ᓄᓇᒥᐅᑕᓕᕆᔨᓪᓗ
ᓄᓇᕗᑦ ᑐᓐᖓᕕᒃ ᑎᒥᖓᑦ
ᐃᖃᓗᒃᑑᑦᓯᐊᖅ, ᓄᓇᕗᑦ

ᑐᑭᒧᐊᒃᑎᑕᐅᓗᓂ ᐅᖃᐅᔾᔨᒋᐊᖅᑎᒻᒪᕆᖕᒧᑦ− ᓄᓇᓕᕆᓂᕐᒧᑦ ᐸᕐᓇᐃᓂᕐᒧᑦ ᐊᐅᓚᑦᑎᓂᕐᒧᓪᓗ; ᐊᑐᖃᑦᑕᕐᓂᐊᖅᐳᑎᑦ ᓯᕗᓕᖅᑎᐅᓗᑎᑦ ᓄᓇᙳᐊᓕᕆᔾᔪᑎᓂᒃ (GIS), ᐃᑭᐊᖅᑭᕕᒃᑯᑦ, ᐊᒻᒪ ᖃᕆᓴᐅᔭᒃᑯᑦ ᑐᖅᑯᖅᑐᐃᕕᖕᒥ ᐱᓕᕆᔾᔪᑎᓂᒃ, ᐋᖅᑭᒃᓱᐃᓂᐊᕐᓗᑎᑦ, ᓴᖅᑭᑦᑎᓂᐊᕐᓗᑎᑦ, ᐊᐅᓚᑦᑎᓂᐊᕐᓗᑎᓪᓗ DLR−ᑯᑦ ᐃᓄᐃᑦ ᓇᖕᒥᓂᖁᑎᖏᓐᓂᒃ ᓄᓇᓂᒃ ᐊᐅᓚᑦᑎᔾᔪᑎᓂᒃ ᖃᕆᓴᐅᔭᒃᑯᑦ (IOLMIS). ᓇᐅᑦᑎᖅᓱᖃᑦᑕᕐᓂᐊᖅᐳᑎᑦ GIS-ᑯᑦ ᐱᓕᕆᐊᖏᓐᓂᒃ ᓄᓇᕘᓕᒫᒥ ᒪᓕᒡᓗᒋᓪᓗ ᓄᓇᕗᑦ ᑐᙵᕕᒃᑯᑦ ᖃᕆᓴᐅᔭᓕᕆᔾᔪᑎᓄᑦ ᐊᒻᒪ ᖃᕆᓴᐅᔭᕐᒧᑦ ᐊᑐᒐᐃᑦ ᐊᑐᖅᑕᐅᔭᕆᐊᓖᑦ ᐊᒻᒪ ᐱᕙᓪᓕᐊᑎᑕᐅᓗᑎᑦ ᐱᔭᕆᐊᖃᕈᑎᒃ. ᑕᑎᒋᔭᐅᔪᓐᓇᕐᓂᖅ ᑖᔅᓱᒧᖓ ᐃᖅᑲᓇᐃᔮᒧᑦ ᐃᓄᐃᑦ ᓇᖕᒥᓂᖁᑎᖏᑦ ᓄᓇᓂᒃ ᐊᐅᓚᑦᑎᓂᕐᒧᑦ ᑐᑭᓯᒋᐊᕈᑎᓄᑦ ᐊᑐᖃᑦᑕᖅᑐᓂ (IOLMIS), ᓄᓇᖑᐊᓕᐅᕐᓂᖅ ᓄᓇᓕᕆᓂᕐᒧᓪᓗ ᑐᑭᓯᒋᐊᕈᑎᒃᓴᓕᕆᓂᖅ.

ᐱᔪᒥᓇᖅᑐᖅ ᐱᓇᔪᒃᓯᒪᔪᖅ ᓯᓚᑦᑐᖅᓴᕐᕕᖕᒥ ᓇᓗᓇᐃᒃᑯᑕᖅᑖᖅᓯᒪᔭᕆᐊᖃᖅᐳᖅ ᐊᒃᑐᐊᓂᓕᖕᒥᒃ ᖃᕆᑕᐅᔭᓕᕆᓂᕐᒧᑦ ᐱᓕᕆᐊᖑᕙᒃᑐᓄᑦ ᖃᕆᑕᐅᔭᒃᑯᑦ ᐊᑐᖅᑕᐅᕙᒃᑐᓂᒃ ᐊᑐᖅᑕᐅᕙᒃᑐᓂᒡᓗ ᓄᓇᓕᕆᓂᕐᒧᑦ ᑐᑭᓯᒋᐊᕈᑎᒃᓴᓕᕆᔨᑦ ᐱᑐᒃᓯᒪᒍᑎᒃᑯᑦ ᐃᑭᐊᖅᑭᕕᒃᑯᓪᓘᓐᓃᑦ ᐱᕙᓪᓕᐊᑎᑦᑎᓂᕐᒥᒃ. ᑕᓪᓕᒪᓂᒃ (5) ᐅᑭᐅᓂᒃ ᐱᓕᕆᓯᒪᓗᓂ ᑕᒪᒃᑯᓂᖓ, ᐱᖓᓱᓂᒃ (3) ᐅᑭᐅᓂᒃ ᐱᓕᕆᓯᒪᓗᓂ ᐊᑐᕐᓗᓂ ᖃᕆᑕᐅᔭᒃᑰᑎᓂᒃ ArcGIS Desktop,  ᐅᑭᐅᑦ ᒪᕐᕉᒃ (2) ᐋᖅᑭᒃᓱᐃᓂᖅ ᐱᓕᕆᐊᖃᐃᓐᓇᕐᓂᕐᒥᒡᓗ ᑎᑎᖃᖁᑎᒋᔭᐅᔪᓂᒃ. ᖃᕆᑕᐅᔭᓕᕆᔪᓐᓇᕐᓗᓂ ᑕᒪᒃᓂᑯᓂᖓ Windows ᐊᒻᒪ Linus ᖃᖅᑐᓂᒃ, ᐋᖅᑭᒃᓱᐃᓂᖅ ᐊᐅᓚᑦᓯᒍᑎᒃᓴᓂᒃ, ᖃᕆᑕᐅᔭᒃᑯᑦ ᐱᓕᕆᒍᑎᓂᒃ ᐊᐅᓚᑦᓯᓂᖅ, ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᒍᑎᓂᒃ ᐊᐅᓚᑦᓯᓂᖅ, vSphereᓂᒃ ᐊᐅᓚᑦᓯᓂᖅ. ᖃᕆᑕᐅᔭᒃᑯᑦ ᑐᑭᓯᐅᒪᔭᐅᔪᓂᒃ ᐋᖅᑭᒃᓱᐃᔪᓐᓇᕐᓂᖅ (VISUAL BASIC, C#,C++, AML, JavaScript, Perl). ᖃᐅᔨᒪᓗᓂᓗ ᐱᓕᕆᓯᒪᓗᓂ ᑐᑭᓯᒋᐊᕈᑎᓂᒃ ᑐᑭᓯᐅᒪᔭᐅᔪᓂᒃ ᖃᕆᑕᐅᔭᓄᑦ ᐊᑐᕐᓗᓂ HTML, Cold Fusion, JavaScript, ASP ᐅᕙᓘᓐᓃᑦ PHP. ᖃᕆᑕᐅᔭᓕᕆᔪᓐᓇᕐᓗᓂ (ᐊᔪᖏᓪᓗᓂ ᐋᖅᑭᒃᓱᐃᓂᕐᒥᒃ, ᐱᓕᕆᐊᖃᕐᓂᕐᒥᒃ ᓄᑖᖑᖅᑎᕆᓂᕐᒥᒡᓗ ᖃᕆᑕᐅᔭᓂᒃ ᐃᓗᓕᖏᓐᓂᒡᓗ). ᐅᖃᐅᓯᒃᑯᑦ ᑎᑎᖃᑎᒍᓪᓗ ᑐᓴᖅᑎᑎᒍᑎᖃᕈᓐᓇᕐᓗᓂ ᐱᓕᕆᖃᑎᒥᓂᒡᓗ ᑐᓴᐅᒪᑎᑦᓯᑦᓯᐊᕈᓐᓇᕐᓗᓂ. ᖃᐅᔨᒪᓗᓂ ᐃᓄᐃᑦ ᐃᓕᖁᓯᖏᓐᓂᒃ ᐱᖅᑯᓯᖏᓐᓂᒃ ᐅᑭᐅᖅᑕᖅᑐᒥᐅᓪᓗ ᐃᓅᓯᖏᓐᓂᒃ ᐱᒍᒪᔭᖏᓐᓂᒡᓗ; ᐱᔪᓐᓇᕐᓗᓂ ᐱᓕᕆᐊᕆᓂᐊᖅᑕᒥᓂᒃ ᐱᓯᒪᑦᓯᖏᓐᓇᕐᓗᓂᓗ, ᐱᓕᕆᕕᐅᑉ ᖃᕆᑕᐅᔭᒃᑰᕈᑎᖏᓐᓂᒡᓗ, ᑎᑎᕋᕐᕕᐅᑉᓗ ᑎᑎᖃᖁᑎᖏᓐᓂᒃ ᐊᑐᐊᒐᕐᓂᒃ ᑐᑭᑖᖅᑎᑎᔪᓐᓇᕐᓗᓂᓗ, ᒪᓕᓗᒐᕐᓂᒃ ᐱᖁᔭᖏᓐᓂᒡᓗ. ᖃᐅᔨᒪᓗᓂ ᓄᓇᕗᒥ ᓄᓇᑖᕈᑕᐅᓯᒪᔪᓂᒃ ᐊᖏᕈᑎᓂᒃ;  ᐊᔪᖏᑉᐸᑦ ᐃᓄᒃᑎᑐᑦ ᐃᓄᐃᓐᓇᖅᑐᓪᓗ ᐊᑲᐅᓂᖅᓴᐅᓇᔭᖅᐳᖅ ᐅᖃᐅᓯᕐᓂᒃ ᖃᐅᔨᒪᒃᐸᑦ ᐃᓕᓐᓂᐊᕈᒪᒃᐸᓪᓗ ᐃᓕᓐᓂᐊᕈᓐᓇᕆᐊᖃᖅᐳᖅ. ᐱᓕᕆᖃᑎᖃᕈᓐᓇᕐᓗᓂᓗ ᐊᔾᔨᒌᖏᑦᑐᓂᒃ ᐃᓄᖕᓂᒃ ᑎᒥᐅᔪᓂᒡᓗ, ᑕᒪᐃᓐᓂ ᒐᕙᒪᑯᓐᓂᒃ ᓄᓇᑖᖃᑕᐅᓯᒪᔪᓂᒡᓗ. ᑕᐃᒪᓐᓇ ᐊᔪᖏᕐᓚᒃᐸᑦ ᐊᑲᐅᓂᖅᓴᐅᔪᓐᓇᖅᐳᖅ. 

ᓯᕗᓪᓕᖅᐸᐅᔾᔭᐅᓂᐊᖅᑐᑦ ᐃᓄᐃᑦ ᐊᑎᓕᐅᖅᑕᐅᓯᒪᔪᑦ ᓄᓇᕗᒻᒥ ᐊᖏᕈᑎᒥᑦ.

ᑮᓇᐅᔾᔭᒃᓴᓇᔭᖅᑐᖅ $94,778.00 ᐊᒻᒪ ᐊᑕᖐᔪᒥᒃ ᐃᑲᔫᓯᐊᓂᒃ ᑲᑎᖅᓱᖅᓯᒪᔪᑦ ᐃᓚᓕᐅᔾᔭᐅᓪᓗᑎᒃ ᐃᖅᑲᓇᐃᔭᖅᑎᑦ ᐃᓐᓇᖅᓯᐅᑎᒃᓴᓄᑦ ᐸᕐᓇᐅᑎᑦ, ᑲᑎᙵᓗᑎᒃ ᓇᓪᓕᐅᒃᑯᒫᑦ ᐊᒻᒪ ᕿᑲᕆᐊᕐᓂᕐᒧᑦ ᖃᖓᑦᑕᐅᑎᓄᑦ ᐃᑲᔫᑎᑦ. 

ᐃᖅᑲᓇᐃᔭᖅᑎᐅᑉ ᐃᒡᓗᖁᑎᖓ ᒪᓂᒪᑎᑕᐅᑐᐃᓐᓇᕆᐊᖃᖅᐳᖅ ᑖᔅᓱᒧᖓ ᐃᓂᒧᑦ.

ᓄᓇᕗᑦ ᑐᙵᕕᒃᑯᑦ ᐊᔾᔨᒌᙱᑦᑐᓂᒃ ᐃᒡᓗᓕᕆᓂᕐᒧᑦ ᐃᑲᔪᖅᓱᐃᓲᖑᕗᑦ ᐃᖅᑲᓇᐃᔭᖅᑎᓄᑦ ᐃᓚᓕᐅᔾᔭᐅᓪᓗᑎᒃ ᐊᑭᓖᕙᒌᕐᓂᕐᒧᑦ ᐃᑲᔫᑎᑦ ᐊᒻᒪ ᐃᒡᓗᒧᑦ ᐃᑲᔫᓯᐊᑦ $31,632.

 ᐃᖅᑲᓇᐃᔮᑉ ᓇᓗᓇᐃᔭᖅᓯᒪᓂᓕᒫᖓᓄᑦ, ᖃᐅᔨᒋᐊᕐᕕᒋᔪᓐᓇᖅᑕᑦ:
ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᑲᖏᖅᖠᓂᖅ, ᓄᓇᕗᑦ X0C-0G0

ᐅᖄᓚᐅᑦ: 867-645-5408
ᓱᒃᑲᔪᒃᑯᑦ ᓈᓴᐅᑖ: 867-645-5414

ᒪᑐᕝᕕᒃᓴᖓ: ᔫᓂ 21, 2024

Download (PDF, 248KB)

ᑐᕌᒐᕆᔭᕗᑦ: ᐃᓄᐃᑦ ᒪᑭᒪᓇᓱᐊᕈᑎᖏᑦ, ᐃᓅᓯᖏᑦ, ᐃᓕᖅᑯᓯᖏᓪᓗ ᖃᓄᐃᙱᑦᑎᐊᕐᓂᖏᑦ ᐊᑐᓕᖅᑎᑦᑎᓂᒃᑯᑦ ᓄᓇᕗᒻᒥ ᐊᖏᕈᑎᒥᒃ.