ᐃᖅᑲᓇᐃᔮᑦᓴᑦ

ᐊᐅᓚᑦᓯᔨ, ᕿᕕᐅᑕᖅ ᐊᓪᓚᕕᐊᓂ

ᐱᓕᕆᕕᐊᓂ ᑲᒪᔨᒻᒪᕆᐅᑉ
ᓄᓇᕗᑦ ᑐᓐᖓᕕᒃ
ᑲᖏᖅᖠᓂᖅ, ᓄᓇᕗᑦ

ᑲᒪᒋᔭᐅᓪᓗᑎᒃ ᐱᓕᕆᐊᓂᒃ ᑲᒪᔨᒻᒪᕆᒻᒧᑦ, ᐊᐅᓚᑦᓯᔨ – ᕿᕕᐅᑕᒃᑯᓐᓂᒃ ᐳᕐᑐᔪᒃᑯᑦ ᑲᒪᒋᔭᖃᕆᐊᖃᒪᑦ ᑲᔪᓯᑎᑦᓯᒋᐊᖅ ᐊᒻᒪ ᓴᓐᖏᓕᕐᑎᑦᓯᒋᐊᖅ ᓄᓇᕗᑦ ᑐᓐᖓᕕᒃᑯᑦ ᐱᓕᕆᖃᑎᖃᓂᖓᓂᒃ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ ᓇᓗᓇᐃᔭᕐᑕᐅᓯᒪᔪᒥᒃ ᐅᕙᓂ ᐊᕕᑦᑐᖅᓯᒪᓂᖓ 5 ᐊᖏᖃᑎᒌᒍᑎᒥᒃ, ᐱᓕᕆᖃᑎᖏᓪᓗ, ᒐᕙᒪᖏᓐᓂᒃ, ᐊᒻᒪ ᓄᓇᓕᓐᓂᒃ. ᐊᐅᓚᑦᓯᕕᒃᑯᑦ ᑲᒪᕕᐅᒻᒪᑦ ᕿᕕᐅᑕᕐᒥᒃ – ᑎᒥᐅᔪᒥᒃ ᓄᓇᕗᑦ ᑐᓐᖓᕕᒃᑯᑦ ᑲᑎᒪᔨᖏᓐᓄᑦ ᐃᑲᔪᕐᑎᐅᓪᓗᑎᒃ ᐃᓱᒪᓕᐅᕐᓂᒃᑯᑦ.

ᑎᓕᔭᐅᓯᒪᓂᒃᑯᑦ ᐃᑲᔪᕐᓯᔪᑦ ᓇᓗᓇᐃᕐᑕᐅᓯᒪᔪᑦ ᐃᓄᐃᑦ ᑲᑐᔾᔨᖃᑎᒌᖏᑕ ᐊᑐᓕᕐᑎᑦᓯᒋᐊᖃᓂᖏᓐᓂᒃ ᑐᕌᕐᑕᐅᔪᓂᒃ ᐊᒻᒪ ᐃᓄᐃᑦ ᐱᒻᒪᕆᐅᑎᑕᖏᓐᓂᒃ ᐊᒻᒪ ᓇᒻᒥᓂᖅ ᐊᐅᓚᑦᓯᒍᒪᓂᖏᓐᓂᒃ ᐊᒻᒪ ᖃᓄᐃᖏᑦᓯᐊᕋᓱᐊᕐᓂᒃᑯᑦ ᑲᔪᓯᑎᑦᓯᒐᓱᐊᕐᑎᓪᓗᒋᑦ. ᐊᐅᓚᓯᔨ ᓯᕗᓕᐅᕆᕙᓪᓗᓂ ᑲᑎᒪᓂᒍᓯᒃᓴᓂᒃ, ᒪᓕᒐᓕᕆᓂᕐᒥᒃ, ᐊᒻᒪ ᖃᓄᖅ ᖃᐅᔨᓴᕆᐊᖃᓂᕐᒥᒃ ᐱᓕᕆᐊᒃᓴᓕᐊᖑᓯᒪᔪᓂᒃ, ᐱᓕᕆᖃᑎᖃᑦᓯᐊᕐᓗᑎᒃ ᐃᓄᓐᓂᒃ, ᕿᕕᐅᑕᕐᒥᒃ, ᐊᖓᔪᖅᑳᖏᓐᓂᓪᓗ ᑐᓐᖓᕕᒃᑯᑦ ᓯᕗᓕᐅᕐᑎᐅᓂᐊᓂᒃ ᐊᒻᒪ ᓄᓇᕗᑦ ᑐᓐᖓᕕᒃᑯᓐᓂᒃ, ᒐᕙᒪᑐᖃᑯᓐᓂᓪᓗ. ᐊᒻᒪᓗ, ᐊᐅᓚᑦᓯᔨ ᐱᓕᕆᐊᖃᑕᐅᒋᐊᖃᒻᒪᕆᑦᑦᑐᖅ ᑐᐊᕕᕐᓇᕐᑐᖃᓕᕐᓂᕐᐸᑦ ᐸᕐᓇᓇᐃᕐᓯᒪᒋᐊᖃᓂᕐᒧᑦ, ᐋᖅᑭᐅᒪᖃᑎᖃᓂᒃᑯᑦ ᐱᓕᕆᖃᑎᒥᓂᒃ ᐊᒻᒪ ᓄᓇᓕᓐᓂᒃ ᑲᔪᓯᑦᓯᐊᖁᓪᓗᒋᑦ ᑲᒪᒋᔭᖏᑦ ᐊᒻᒪ ᐃᓄᐃᑦ ᑐᓴᐅᒪᑎᑕᐅᖁᓪᓗᒋᑦ ᑐᐊᕕᕐᓇᕐᑐᖃᓕᕐᓂᕐᐸᑦ.

ᐃᓱᓴᕐᓱᕐᑎᑕᐅᓂᖅ ᐊᐱᕐᓱᕐᑕᐅᒍᓐᓇᕐᓂᕐᒧᑦ;

  • ᐃᓕᓐᓂᐊᕇᕐᓯᒪᓂᕐᒧᑦ ᑎᑯᕇᖃᕆᐊᓕᒃ ᐅᑯᓄᖓ (ᓲᕐᓗ ᑭᒃᑯᑐᐃᓐᓇᕐᓄᖓᔪᓂᒃ ᐊᐅᓚᑦᓯᓂᖅ, ᐆᒪᔪᓕᕆᓂᕐᒥᒃ ᒥᐊᓂᕐᓯᓂᖅ, ᓄᓇᖃᖅᑳᕐᓯᒪᔪᑦ ᒥᒃᓵᓄᑦ ᐃᓕᓐᓂᐊᕐᓯᒪᓂᖅ, ᓇᒻᒥᓂᖃᓂᕐᒥᒃ ᐊᐅᓚᑦᓯᓂᖅ) ᐅᕝᕙᓘᓐᓃᑦ ᐊᔾᔨᑲᓴᖏᓐᓂᒃ ᐊᑐᕐᓯᒪᓂᖅ
  • ᐅᓄᖏᓐᓂᕐᐹᖓᓄᑦ ᑎᓴᒪᓄᑦ ᐱᓕᒻᒪᒃᓴᕐᓯᒪᓂᑰᓗᓂ ᓯᕗᓕᐅᕐᑎᐅᓂᕐᒧᑦ ᐱᓕᕆᖃᑎᖃᓂᒃᑯᑦ ᓇᓗᓇᐃᕐᑕᐅᓯᒪᔪᓂᒃ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ. ᐱᓕᒻᒪᒃᓴᕐᓯᒪᒋᐊᖃᒻᒪᕆᑦᑐᖅ ᑐᐊᕕᕐᓇᕐᑐᖃᑐᐃᓐᓇᕆᐊᖃᓂᕐᒧᑦ ᒥᐊᓂᕐᓯᓂᕐᒧᑦ.
  • ᖃᐅᔨᒪᔭᖃᑦᓯᐊᕐᓗᓂ ᓄᓇᖃᖅᑳᖅᓯᒪᔪᑦ ᐱᔪᓐᓇᐅᑎᖏᓐᓂᒃ ᐊᒻᒪ ᓄᓇᕗᒻᒥ ᐊᖏᖃᑎᒌᒍᑕᐅᓯᒪᔪᒥᒃ ᐊᑑᑎᖃᓗᐊᕋᔭᕐᑐᖅ.
  • ᑐᑭᓯᐊᓂᖃᑦᓯᐊᕐᓗᓂ ᓄᓇᐅᑉ ᐊᑐᕐᑕᐅᓂᖓᓄᑦ ᐊᒻᒪ ᐆᒪᔪᓕᕆᓂᕐᒧᑦ ᒥᐊᓂᕐᓯᓂᒍᑎᓂᒃ ᐊᒻᒪ ᐱᓕᕆᒍᓯᖏᓐᓂᒃ, ᖃᐅᔨᒪᓂᖃᓗᓂᓗ ᑮᓇᐅᔭᓂᒃ ᒥᐊᓂᕐᓯᓂᕐᒧᑦ ᑲᔪᓯᑦᓯᐊᖁᓪᓗᒋᑦ ᐱᓕᕆᐊᒃᓴᖏᑦ ᐊᐅᓚᓯᓂᒃᑯᑦ ᑮᓇᐅᔭᐃᑦ ᐸᕐᓇᒃᑕᐅᓯᒪᓂᖏᓐᓂᒃ.
  • ᐱᓕᕆᖃᑦᖃᖃᑦᑕᕐᓯᒪᓗᓂ ᐊᕙᑎᓕᕆᔪᓂᒃ ᐊᒻᒪ ᐊᓯᖏᓐᓂᓪᓗ, ᐱᓕᒻᒪᒃᓴᕐᓯᒪᓗᓂᓗ ᐋᖅᑭᒃᓱᐃᕙᓪᓕᐊᒋᐊᖅ ᐊᒻᒪ ᓴᖅᑭᑎᑦᓯᒋᐊᖅ ᐱᓕᕆᐊᓂᒃ ᐃᓄᓐᓂᐊᖓᔪᓂᒃ.
  • ᐅᖃᓕᒪᒍᓐᓇᑦᓯᐊᕐᓗᓂ ᐊᒻᒪ ᑎᑎᕋᕈᓐᓇᑦᓯᐊᕐᓗᓂ.
  • ᐊᔪᖏᓐᓂᖃᑦᓯᐊᕐᓗᓂ ᐅᖃᓕᒪᕕᖃᕆᐊᖅ ᖃᓄᐃᑦᑐᑐᐃᓐᓇᕐᓂᒃ ᑲᑎᖓᔪᓂᒃ, ᐱᓕᕆᖃᑎᖃᑦᓯᐊᕈᓐᓇᕐᓗᓂᓗ ᐊᔾᔨᒌᖏᑦᑐᓂᒃ ᑭᒃᑯᑐᐃᓐᓇᕐᓂᒃ ᐊᒻᒪ ᑎᒥᐅᔪᓂᒃ, ᑕᒪᐃᓐᓂᓗ ᒐᕙᒪᓂᒃ, ᐃᓄᐃᑦ ᒐᕙᒪᑐᖃᓂᒃ, ᐃᓄᐃᑦ ᑲᑐᔾᔨᖃᑎᒌᖏᓐᓂᒃ ᐊᒻᒪ ᓯᓚᕐᔪᐊᒥ ᑎᒥᐅᔪᓂᒃ.
  • ᑐᑭᓯᒋᐊᕐᕕᒃᓴᕐᓯᐅᕈᓐᓇᕐᓗᓂ, ᕿᒥᕐᕈᒍᓐᓇᕐᓗᓂ ᐊᒻᒪ ᑐᑭᓕᐅᕆᒍᓐᓇᕐᓗᓂ ᒪᓕᒐᕐᓂᒃ, ᐊᑐᐊᒐᕐᓂᒃ ᐊᒻᒪ ᐊᑐᕆᐊᓕᓐᓂᒃ ᒪᓕᒐᕐᓂᒃ.
  • ᖃᐅᔨᒪᓂᖃᓗᓂ ᓄᓇᕗᒻᒥ ᐃᓄᐃᑦ ᑭᓐᖑᒪᔭᖏᓐᓂᒃ ᑕᑯᔪᒪᔭᖏᓐᓂᒃ.
  • ᑭᒃᑯᑐᐃᓐᓇᕐᓂᒃ ᐅᖃᖃᑎᖃᕈᓐᓇᑦᓯᐊᕐᓗᓂ, ᑐᐅᒪᐅᑎᓕᕆᒍᓐᓇᕐᓗᓂ, ᐊᒻᒪ ᑎᒥᐅᔪᓕᕆᓂᕐᒧᑦ ᖃᐅᔨᒪᓂᖃᓗᓂ.

ᐅᓇᒻᒥᒋᔭᐅᓂᕐᓴᐅᒐᔭᕐᑐᑦ ᐃᓄᐃᑦ ᐊᑎᓕᐅᕐᓯᒪᔪᑦ ᓄᓇᕘᑦᑕᕐᓂᕐᒧᑦ ᐊᖏᖃᑎᒌᒍᑎᓂ.   

ᓯᕗᓪᓕᕐᐹᒥᒃ ᑮᓇᐅᔭᓕᐅᕐᓕᖃᓗᓂ $157,068.00,ᓂᒃ ᐊᕐᕌᒍᒥ (ᐊᑭᓕᕐᓱᕐᑕᐅᓂᐊ ᒪᓕᓪᓗᓂ ᐱᓕᒻᒪᒃᓴᕐᓯᓴᓂᖓᓂᒃ ᖃᓄᑎᒋᖅ) ᐊᑭᓕᕐᑐᕐᑕᐅᓗᓂᓗ ᐃᓐᓇᐅᓂᕐᒧᑦ ᐊᑭᓕᐅᑎᒃᓴᓂᒃ, ᓇᓪᓕᐅᒃᑯᒫᓂᒃ ᐊᒻᒪ ᓄᖅᑲᖓᓂᕐᒧᑦ ᐃᑲᔪᕐᑕᐅᓗᓂ.

ᐃᓪᓗᖓᓄᑦ ᐃᑲᔪᓯᐊᕐᓗᓂ  $35,865.00,ᓂᒃ 

 ᖃᓄᐃᑦᑐᓂᐊᓄᑦ ᐃᖅᑲᓇᐃᔭᒃᓴᐅᑉ, ᐅᓇ ᐅᖃᕕᒋᓗᒍ:
ᐃᖅᑲᓇᐃᔭᕐᓂᓕᕆᓂᒃᑯᑦ
ᓄᓇᕗᑦ ᑐᓐᖓᕕᒃ
ᑲᖏᖅᖠᓂᖅ, ᓄᓇᕗᑦ X0C-0G0

ᐅᖄᓚᐅᑎᐊ: 867-645-5408
ᓱᒃᑲᔪᒃᑯᒃ 867-645-3872

ᐅᓪᓗᖓ ᐃᓱᓕᕕᐊᑕ: ᔭᓄᐊ 30, 2026

ᑐᕌᕐᑕᕗᑦ: ᐃᓄᐃᑦ ᑮᓇᐅᔭᓕᐅᕈᑎᒃᓴᓕᕆᓂᐊ, ᐃᓅᓯᓕᕆᓂᖅ,ᐊᒻᒪ ᐃᓕᖅᑯᓯᑎᒍᑦ ᖃᓄᐃᖏᑦᓯᐊᕐᓂᖅ ᐊᕐᓂᒃᑯᑦ ᐊᑐᓕᕐᑎᑕᐅᓂᐊᓂᒃ ᓄᓇᕗᑦᑕᕐᓂᕐᒧᑦ ᐊᖏᐊᑎᒌᒍᑕᐅᓯᒪᔫᑉ. 

Download (PDF, 589KB)

LOCATION: Rankin Inlet
CLOSING DATE: January 30, 2026