ᐃᖅᑲᓇᐃᔮᑦᓴᑦ

ᑐᑭᒧᐊᑦᑎᑦᓯᔨ ᐃᒪᕐᒥᐅᑕᓕᕆᓂᕐᒧᑦ – ᓴᖅᑭᔮᖅᑎᑕᐅᒃᑲᓐᓂᖅᑐᖅ

ᑐᑭᒧᐊᑦᑎᑦᓯᔨ ᐃᒪᕐᒥᐅᑕᓕᕆᓂᕐᒧᑦ
ᐃᒪᕐᒥᐅᑕᓕᕆᔨᒃᑯᑦ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᐃᖃᓗᐃᑦ, ᓄᓇᕗᑦ

ᑐᑭᒧᐊᑦᑎᑦᓯᔨ ᐃᒪᕐᒥᐅᑕᓕᕆᓂᕐᒧᑦ ᑲᒪᒋᔭᖃᕐᓂᐊᖅᑐᖅ ᓴᖅᑭᑎᑦᓯᓂᕐᒥᑦ ᐃᒪᕐᒥᐅᑕᓕᕆᔨᒃᑯᓐᓂᑦ. ᑕᒪᓐᓇ ᐃᓚᖃᕐᓂᐊᖅᑐᖅ ᐊᑐᓕᖅᑎᑦᓯᓂᕐᒥᑦ ᐃᒪᕐᒥᐅᑕᓕᕆᓂᕐᒧᑦ ᖃᓄᐃᓕᐅᕐᓂᕐᒧᑦ ᐱᕙᒌᔭᕐᓂᕐᒥᑦ, ᐱᓕᕆᖃᑎᒌᓐᓂᕐᒥᑦ, ᐱᕙᓪᓕᐊᑎᑦᓯᓂᕐᒥᑦ ᐱᓕᕆᖃᑎᒌᓐᓂᕐᒥᑦ ᐱᓕᕆᕝᕕᐅᓪᓗ ᑮᓇᐅᔭᖅᑑᑎᑦᓴᖏᓐᓂᑦ. ᐊᖓᔪᖅᑳᖃᕐᓗᓂ ᐊᐅᓚᑦᓯᔨᒻᒪᕆᒻᒥᑦ, ᑐᑭᒧᐊᑦᑎᑦᓯᔨ ᑲᒪᒋᔭᖃᕐᓂᐊᖅᑐᖅ ᑲᔪᓯᑎᑦᓯᓂᕐᒥᑦ ᓴᖅᑭᖅᑐᓂᑦ ᐱᓪᓗᐊᑕᐅᔪᓂᑦ: ᐱᕈᖅᓴᐃᓂᕐᒥᑦ ᐱᔪᓐᓇᕐᓂᐅᔪᓂᑦ ᐊᑦᑐᐊᓂᓕᓐᓂᑦ ᐃᒪᕐᒥᐅᑕᓕᕆᓂᕐᒧᑦ ᐱᕕᖃᕐᓂᐅᔪᓂᑦ ᓄᓇᕗᒻᒥ; ᐃᑲᔪᖅᑐᕐᓂᕐᒥᑦ ᐱᐅᓯᕚᓪᓕᑎᑦᓯᓂᕐᒥᓪᓗ ᐃᓄᐃᑦ ᐃᒪᕐᒥᐅᑕᓕᕆᓂᕐᒧᑦ ᐊᐅᓚᑦᓯᓂᕐᒥᑦ ᑕᐅᑐᙳᐊᖅᑕᐅᔪᓂᑦ ᓄᓇᕗᒻᒥ ᐊᖏᖃᑎᒌᒍᑎᒥᑦ; ᐱᐅᓯᕚᓪᓕᑎᑦᓯᓂᕐᒥᑦ ᐃᒪᕐᒥᐅᑕᓂᑦ ᐃᓂᒋᔭᐅᔪᓂᑦ ᐱᕙᒌᔭᕐᓂᕐᒥᑦ ᓄᓇᕗᒻᒥᑦ; ᐃᑲᔪᖅᑐᕐᓂᕐᒥᑦ ᐃᓄᓐᓄᑦ ᐊᐅᓚᑕᐅᔪᓂᑦ ᓴᖅᑭᑎᑦᓯᓂᕐᒥᑦ ᐃᒪᕐᒥᐅᑕᓂᑦ ᐱᐅᖅᓱᐊᕐᓂᕐᒥᑦ; ᐃᑲᔪᖅᑐᕐᓂᕐᒥᑦ ᐃᖃᓗᓕᕆᓂᕐᒧᑦ ᐋᖅᑭᒋᐊᕐᓂᕐᒥᑦ ᓄᓇᕗᒻᒥᑦ; ᐱᐅᓯᕚᓪᓕᑎᑦᓯᓂᕐᒥᑦ ᐅᒥᐊᕐᔪᐊᒃᑰᖅᑎᑦᓯᓂᕐᒧᑦ ᑲᔪᓯᑦᓯᐊᕐᓂᕐᒥᑦ ᐊᑐᐃᓐᓇᐅᓂᕐᒥᓪᓗ ᓄᓇᕗᒻᒥᑦ; ᐱᕚᓪᓕᑎᑦᓯᓂᕐᒥᑦ ᐃᒪᕐᒥᐅᑕᓂᑦ ᐊᑦᑕᕐᓇᖅᑕᐃᓕᒪᓂᕐᒥᑦ ᐊᑦᑕᕐᓇᖅᑐᒦᑎᑦᓯᑦᑕᐃᓕᒪᓂᕐᒥᓪᓗ ᓄᓇᕗᒻᒥᑦ; ᐃᑲᔪᖅᑐᕐᓂᕐᒥᓪᓗ ᓄᓇᖃᖅᑳᖅᓯᒪᔪᓂᑦ ᓄᓇᓕᓐᓂᓪᓗ ᖃᐅᔨᒪᓂᕐᒥᑦ ᐱᐅᖅᓱᐊᕐᓂᕐᒧᑦ ᐊᐅᓚᑦᓯᓂᕐᒧᓪᓗ ᐊᑐᖅᑕᐅᔪᓂᑦ ᕿᑎᖅᐸᓯᐊᓂ ᐅᑭᐅᖅᑕᖅᑑᑉ ᑕᕆᐅᕐᔪᐊᖓᓂ.

ᐃᓕᓐᓂᐊᖅᓯᒪᔭᑎᑦ, ᐊᔪᙱᑦᑕᕆᐊᖃᖅᑕᑎᑦ, ᐱᓕᕆᔪᓐᓇᖅᑕᑎᑦ ᐊᒻᒪ ᐱᓕᕆᔪᓐᓇᕆᐊᖃᖅᑕᑎᑦ ᐅᑯᓂᖓ ᐃᓚᖃᖅᐳᑦ:

· ᓯᕗᕙᓯᖕᓂᖅᓴᒥᒃ ᓯᓚᑦᑐᖅᓴᕐᕕᒡᔪᐊᕐᒥ ᐃᓕᑕᕆᔭᐅᔾᔪᑎᑖᖅᓯᒪᓗᓂ ᐃᓕᑕᕆᔭᐅᓯᒪᔪᒥᒃ ᓯᓚᑦᑐᖅᓴᕐᕕᒡᔪᐊᕐᒥ

· ᐊᕐᕌᒍᓐᓄᑦ ᑕᓪᓕᒪᓄᑦ ᐃᒪᕐᒥᐅᑕᓕᕆᓂᕐᒧᑦ ᐊᑐᐊᒐᕐᓂᑦ ᖃᐅᔨᓴᖅᑐᓕᕿᓂᖅ ᕿᒥᕐᕈᔭᐅᓂᖓ;

· ᐊᕐᕌᒍᒥᑦ ᐊᑕᐅᓯᕐᒥᑦ ᐱᓕᕆᓯᒪᓂᑰᓗᓂ ᑮᓇᐅᔭᓕᕆᓂᕐᒥᑦ ᑮᓇᐅᔭᓂᓪᓗ ᐊᑐᖅᑐᑦᓴᓂᑦ ᐊᐅᓚᑦᓯᓂᕐᒥᑦ ᖃᐅᔨᓴᕐᓂᕐᒧᓪᓗ ᐊᐃᑦᑑᑎᓂᑦ;

· ᐱᓕᕆᖃᑦᑕᖅᓯᒪᓂᑰᓗᓂ ᐱᓕᕆᖃᑎᒌᒃᑐᓂᒃ ᐊᔾᔨᒌᙱᕈᓘᔭᖅᑐᓂᒡᓗ ᑕᐅᑐᖅᑰᖅᑕᐅᔪᓂᒃ;

· ᐱᓕᕆᖃᑦᑕᖅᓯᒪᓂᑰᓗᓂ ᑲᔪᓯᑎᑦᑎᓂᕐᒥᒃ ᐱᕙᓪᓕᐊᑎᑦᑎᓂᕐᒥᒡᓘᓐᓃᑦ ᐃᓄᖕᓂᒃ ᐊᔪᕈᓐᓃᖅᓴᕐᓂᕐᒧᑦ ᐱᓕᕆᐊᖑᕙᒃᑐᓂᒃ;

· ᐃᖅᑲᓇᐃᔭᖃᑎᒌᒍᓐᓇᑦᑎᐊᕐᓗᓂ, ᐃᒻᒥᓂᒃ ᐱᓇᔪᒍᓐᓇᑦᑎᐊᕐᓗᓂ ᑐᑭᒧᐊᒃᑎᑦᑎᔪᓐᓇᕐᓗᓂᓗ;

· ᐅᖃᖃᑎᖃᕈᓐᓇᑦᑎᐊᕐᓗᓂ ᑎᑎᕋᕈᓐᓇᑦᑎᐊᕐᓗᓂᓗ;

· ᐊᔪᙱᓐᓂᖃᕐᓗᓂ ᑲᔪᓯᓂᖃᑦᑎᐊᖅᑐᓂᒃ ᐅᓂᒃᑲᐅᓯᖃᕈᓐᓇᕐᓂᕐᒥᒃ ᐊᔾᔨᒌᙱᕈᓘᔭᖅᑐᓄᑦ ᐊᑐᖅᑕᐅᔪᓐᓇᖅᑐᓄᑦ ᓈᓚᒃᑎᓄᓪᓗ;

· ᐱᓕᕆᖃᑎᖃᕈᓐᓇᕐᓗᓂ ᐊᔾᔨᒌᙱᑦᑑᑎᓂᑦ ᐃᓄᖕᓂᑦ ᑲᑎᙵᔪᓂᒡᓗ, ᑕᒪᐃᓐᓂᑦ ᒐᕙᒪᒃᑯᓐᓂᑦ, ᐃᓄᐃᑦ ᑲᑐᔾᔨᖃᑎᒌᖏᓐᓂᑦ ᓄᓇᕐᔪᐊᒥᓗ ᑐᑦᑕᕐᕕᐅᔪᓂᑦ;

· ᖃᐅᔨᓴᖅᑐᓕᕆᓂ, ᖃᐅᔨᓴᕈᓐᓇᕐᓗᓂ ᐊᒻᒪ ᑐᑭᓕᐅᕆᔪᓐᓇᕐᓗᓂ ᐊᑐᐊᒐᕐᓂᑦ, ᒪᓕᒐᕐᓂᑦ ᐊᒻᒪ ᐊᑐᐊᒐᕐᓂᑦ;

· ᐅᔾᔨᕈᓱᖕᓂᖅ ᓄᓇᕗᒻᒥ ᐃᓄᐃᑦ ᐱᔪᒪᔭᖏᓐᓂᒃ;

· ᐅᔾᔨᕈᓱᒡᓗᓂ ᑐᑭᓯᐅᒪᓗᓂᓗ ᐊᒃᑐᐊᓂᓕᖕᓂᑦ ᐅᑭᐅᖅᑕᖅᑐᒥᑦ/ᑲᓇᑕᒥᑦ/ᓄᓇᕐᔪᐊᒥᑦ ᒪᓕᒐᓕᐊᓂᑦ, ᐊᑐᐊᒐᓂᑦ ᒪᓕᒋᐊᓕᖕᓂᒡᓗ;

· ᖃᐅᔨᒪᓂᖃᑦᑎᐊᕐᓗᓂ ᑮᓇᐅᔭᓂᒃ ᐊᐅᓚᑦᑎᓂᕐᒧᑦ ᑲᔪᓯᐊᔾᔪᑕᐅᕙᒃᑐᓂᒃ ᑲᔪᓯᑎᑦᑎᓂᐊᕐᓗᓂ ᑲᒪᒋᔭᒃᓴᕆᔭᐅᔪᓂᒃ ᐊᐅᓚᑦᑎᓂᐊᕐᓗᓂ ᐊᖏᔪᓂᒃ ᑮᓇᐅᔭᖁᑎᒋᔭᐅᔪᓂᒃ;

· ᐱᐅᔪᒻᒪᕆᖕᓂᒃ ᐃᓅᖃᑎᖃᖅᐸᖕᓂᕐᒧᑦ, ᑐᓴᐅᒪᑎᑦᑎᔪᓐᓇᕐᓂᕐᒧᑦ, ᐋᖅᑭᒃᓱᐃᔪᓐᓇᕐᓂᕐᒧᓪᓗ ᐊᔪᕈᓐᓃᖅᑕᐅᕙᒃᑐᓂᒃ;

· ᐃᓄᒃᑎᑐᑦ ᐃᓄᐃᓐᓇᖅᑐᓪᓘᓐᓃᑦ ᐅᖃᓪᓚᒍᓐᓇᕐᓗᓂ, ᐃᓕᑦᑎᔪᒪᓂᖃᕐᓗᓂᓘᓐᓃᑦ.

· ᐊᔾᔨᑲᓴᖏᓐᓂᑦ ᐱᓕᕆᓂᑰᒍᕕᑦ ᐃᓱᒪᒋᔭᐅᑦᑎᐊᕋᔭᖅᑐᑦ.

ᓯᕗᓪᓕᖅᐸᐅᔾᔭᐅᓂᐊᖅᑐᑦ ᐃᓄᐃᑦ ᐊᑎᓕᐅᖅᑕᐅᓯᒪᔪᑦ ᓄᓇᕗᒻᒥ ᐊᖏᕈᑏᑦ ᐊᑖᒍ

ᑮᓇᐅᔾᔭᒃᓴᓯᒋᐊᕋᔭᖅᑐᖅ $172,000.00 ᐊᕐᕌᒍᒧᑦ (ᐃᖅᑲᓇᐃᔭᓕᒪᓂᖓ ᒪᓕᒡᓗᒍ) ᓈᒪᔪᓂᒃ ᐃᑲᔫᓯᐊᓂᒃ ᑲᑎᖅᓱᖅᓯᒪᔪᓂᒃ ᐅᑯᓂᖓᓗ ᐃᖅᑲᓇᐃᔭᖅᑎᑦ ᐃᓐᓇᖅᓯᐅᑎᒃᓴᓄᑦ ᐸᕐᓇᐅᑎᑦ, ᑲᑎᙵᔪᓄᑦ ᓇᓪᓕᐅᒃᑯᒫᑦ ᐊᒻᒪ ᕿᑲᕆᐊᕐᓂᕐᒧᑦ ᖃᖓᑦᑕᐅᑎᓄᑦ ᐃᑲᔫᑎᑦ.

ᐃᖅᑲᓇᐃᔭᖅᑎᐅᓂᕐᒧᑦ ᐃᒡᓗᖃᖅᑎᑕᐅᓂᖅ ᒪᓂᒪᑎᑕᐅᕗᖅ ᑖᔅᓱᒧᖓ ᐃᓂᒧᑦ.

ᓄᓇᕗᑦ ᑐᙵᕕᒃᑯᑦ ᐊᔾᔨᒌᙱᑦᑐᓂᒃ ᐃᒡᓗᖃᖅᑎᑦᑎᕙᒃᐳᑦ ᐃᖅᑲᓇᐃᔭᖅᑎᓄᑦ ᐅᑯᓂᖓᓗ ᐊᑭᓖᕙᒌᕐᓂᕐᒧᑦ ᐃᑲᔫᑎᓂᒃ ᐊᒻᒪ ᐅᑭᐅᖅᑕᖅᑐᒥᐅᑕᐅᓂᕐᒧᑦ ᐃᑲᔫᓯᐊᓂᒃ $14,613.12−ᓂᒃ

ᐊᑕᖐᔪᒥᒃ ᐃᖅᑲᓇᐃᔮᑉ ᓇᓗᓇᐃᔭᖅᓯᒪᓂᖓᓂᒃ ᑕᑯᔪᒪᒍᕕᑦ, ᐅᓇ ᖃᐅᔨᒋᐊᕐᕕᒋᓗᒍ:

ᑐᑭᒧᐊᒃᑎᑦᑎᔨ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᑲᖏᖅᖠᓂᖅ, ᓄᓇᕗᑦ X0C 0G0

ᐅᖄᓚᐅᑖ: 867 645 5408
ᓱᒃᑲᔪᒃᑯᑦ: 867 645 3872

ᒪᑐᕝᕕᒃᓴᖓ: ᐅᑐᐱᕆ 9, 2026

LOCATION: Iqaluit
CLOSING DATE: October 10, 2026