ᐃᒪᓕᕆᔨᒃᑯᑦ
ᓄᓇᕗᑦ ᑐᓐᖓᕕᒃ ᑎᒥᖓᑦ
ᐃᖃᓗᐃᑦ, ᓄᓇᕗᑦ
ᑐᑭᒧᐊᖅᑎᑦᑎᔨ ᐃᒪᕐᓄᑦ ᑐᑭᒧᐊᖅᑎᑦᑎᓂᐊᖅᑐᖅ ᐃᒪᓕᕆᔨᒃᑯᓐᓂᑦ ᐊᒻᒪ ᑲᒪᒋᔭᖃᓂᐊᖅᑐᖅ ᐊᑐᓕᖅᑎᑕᐅᓂᖓᓄᑦ ᐃᒪᕐᒥ ᖃᓄᐃᓕᓯᒋᐊᓂᕐᒧᑦ ᐸᕐᓇᐅᒥᑦ, ᐊᑐᖅᑕᐅᓂᐊᖅᑐᓂᑦ ᐱᓕᕆᐊᑎᒌᓕᐅᕐᓗᓂ, ᓴᖅᑭᑎᑦᑎᓂᕐᒥᑦ ᐊᒻᒪ ᑐᑭᒧᐊᖅᑎᑦᑎᓂᕐᒥᑦ ᐃᖅᑲᓇᐃᔭᕐᓂᖃᑦᑎᐊᖅᑐᓂᑦ ᐃᖅᑲᓇᐃᔭᖅᑎᓂᑦ, ᐊᒻᒪ ᐊᐅᓚᑦᑎᓗᓂ ᐱᓕᕆᕕᒻᒧᑦ ᐊᑐᖅᑐᔅᓴᖏᓐᓂ. ᐊᖏᔪᖅᑳᖃᖅᑐᓂ ᐃᖅᑲᓇᐃᔭᖅᑎᓄᑦ ᐊᖏᔪᖅᓯᓚᐱᐊᕈᑎᖓ ᖓᓐᓂ ᐊᐅᓚᑦᑎᔨᒻᒪᕆᒃ, ᑐᑭᒧᐊᖅᑎᑦᑎᔨ ᐊᐅᓚᓂᐊᖅᑕᖏᑦ ᖃᓄᐃᓐᓂᕆᔭᖏᑦᐊᒥᓱᒐᓚᓐᓂᑦ ᓯᕗᓪᓕᐅᔾᔭᐅᔭᕆᐊᓕᓐᓂᑦ, ᐱᖃᓯᐅᑎᓪᓗᑎ ᐱᓕᕆᐊᖃᕈᓐᓇᓂᓕᕐᒧᑦ ᓯᕗᒧᑦᑎᒋᐊᕐᓗᒍ ᐃᒪᕐᒥ ᐱᕕᔅᓴᐅᔪᓐᓇᖅᑐᓂᑦ ᓄᓇᕗᒻᒥ; ᐃᑲᔪᓂᕐᒥᑦ ᐊᒻᒪ ᓴᓐᖓᑎᑦᑎᒋᐊᓂᐃᕐᒥᑦ ᐃᓄᐃᑦ ᐃᒪᕐᒥ ᐊᐅᓚᑦᑎᓂᕐᒧᑦ ᑕᑯᓐᓇᖅᑕᐅᔪᓂᑦ ᐅᕙᓂ ᓄᓇᕗᒻᒧᑦ ᐊᖏᕈᑦ; ᓯᕗᒧᑦᑎᒋᐊᖅᑐᒋᑦ ᐃᒪᕐᒥ ᑭᓱᓕᕆᔾᔪᑎᓂᑦ ᐸᕐᓇᐃᓂᕐᒧᑦ ᐱᓕᕆᔭᐅᔪᓂᑦ ᓄᓇᕗᒻᒥ; ᐃᑲᔪᕐᓗᓂ ᐃᓄᓐᓄᑦ ᑐᑭᒧᐊᖅᑎᑕᐅᔪᑦ ᐃᒪᕐᒥ ᓴᐳᒻᒥᑦᑎᓂᕐᒧᑦ ᐊᒻᒪ ᐊᐅᓚᑦᑎᓂᕐᒧᑦ ᐊᑐᖅᑕᐅᔪᓂᑦ; ᓯᕗᒧᒋᐊᖅᑎᑦᑎᓗᓂ ᐃᖃᓗᓕᕆᓂᕐᒥᑦ ᐋᖅᑭᒍᑎᖃᓂᕐᒧᑦ ᓄᓇᕗᒻᒥ; ᐱᐅᓯᑎᒋᐊᕐᓗᒍ ᒪᑭᒪᑎᑕᔅᓴᐅᓂᖓ ᐊᒻᒪᐱᔭᐅᔪᓐᓇᕐᓂᖏᓐᓄᑦ ᐅᒥᐊᕐᔪᐊᓕᕆᓂᕐᒧᑦ ᓄᓇᕗᒻᒥ; ᐊᒻᒪ ᐃᑲᔪᕐᓗᓂ ᐃᓚᒋᓕᐅᔾᔭᐅᓂᖏᓐᓄᑦ ᐃᓄᐃᑦ ᖃᐅᔨᒪᔭᖏᑦ ᓴᐳᒻᒥᑦᑎᓂᕐᒧᑦ ᐊᒻᒪ ᐊᐅᓚᑦᑎᓂᕐᒧᑦ ᐊᑐᖅᑕᐅᔪᓂᑦ ᕿᑎᐊᓂ ᐅᑭᐅᑕᖅᑐᒥ ᐃᒪᖓᓂ. ᐃᖅᑲᓇᐃᔮᑖᖅᑐᖅ ᐊᑐᖅᑕᐅᓂᐊᖅᑐᓂᑦ ᓯᕗᓕᖅᑎᐅᓂᐊᖅᑐᖅ, ᐱᕈᖅᑎᓪᓗᒍ ᐱᓕᕆᖃᑎᖃᕐᓂᐅᔪᓂᑦ ᐱᓕᕆᖃᑎᖏᓐᓂ ᐊᒻᒪ ᑎᒍᒥᐊᖅᑎᐅᖃᑕᐅᔪᓂᑦ, ᐊᒻᒪ ᕋᓗᓇᐃᕐᓗᒍ ᐱᓕᕆᕕᒻᒧᑦ ᐃᖅᑲᓇᐃᔮᖑᔪᑦ ᓯᕗᒧᒋᐊᖅᑎᑦᑎᓗᑎ ᐃᓄᐃᑦ ᓯᕗᓪᓕᐅᑎᔭᕆᐊᓕᖏᓐᓂ ᐊᒻᒪ ᒪᑭᒪᑎᑕᔅᓴᐅᔪᒥᑦ ᐃᒪᕐᒥ ᐱᕙᓪᓕᐊᑎᑦᑎᓂᕐᒧᑦ ᓄᓇᕗᓕᒫᒥᑦ.
ᐃᖅᑲᓇᐃᔮᖅᑖᖁᒥᓇᖅᑐᖅ ᑎᒍᒥᐊᓂᐊᖅᑐᖅ ᓯᕗᒧᒋᐊᖅᓯᒪᔪᓂᑦ ᓯᓚᑦᑐᓴᕐᕕᒃᔪᐊᒥᑦ ᓇᓗᓇᐃᒃᑯᑕᒥᑦ ᐃᓕᓴᕆᔭᐅᑎᔪᒥᑦ ᐱᓕᕆᕕᒻᒥᑦ ᐊᒻᒪ ᑕᓪᓕᒪᓂᑦ ᐊᕐᕌᒍᓂᑦ ᐃᖅᑲᓇᐃᔭᖃᑦᑕᖅᓯᒪᓗᓂ ᐃᒪᕐᒥ ᐊᑐᐊᒐᕐᓄᑦ ᖃᐅᔨᓴᓂᕐᒥᑦ ᐊᒻᒪ ᖃᐅᔨᓴᐃᓂᕐᒥᑦ, ᐃᓚᒋᓗᒍ ᐊᑕᐅᓯᕐᒥᑦ ᐊᕐᕌᒍᒥᑦ ᑮᓇᐅᔭᓕᕆᓂᕐᒧᑦ ᐊᐅᓚᑦᑎᓂᕐᒥᑦ, ᐊᑐᖅᑐᔅᓴᓕᐅᓂᕐᒥᑦ, ᐅᕝᕙᓘᓐᓃᑦᖃᐅᔨᓴᓂᕐᒧᑦ ᑐᓂᔭᐅᔪᓂᑦ ᐊᐅᓚᑦᑎᓂᕐᒥᑦ. ᐱᓕᕆᐊᕆᒋᐊᓕᖏᑦ ᐱᑕᖃᕆᐊᖃᖅᑎᑦᑎᔪᑦ ᐃᖅᑲᓇᐃᔭᖃᑦᑕᖅᓯᒪᓗᓂ ᐱᓕᕆᖃᑎᒌᓐᓂᖃᖅᑐᓂᑦ ᐊᔾᔨᒌᖏᑦᑐᓂᑦ ᐃᖅᑲᓇᐃᔭᖅᑎᓂᑦ, ᐱᖃᓯᐅᑎᓪᓗᑎ ᒐᕙᒪᒃᑯᑦ, ᐃᓄᐃᑦ ᑲᑐᔾᔨᖃᑎᒌᖏᑦ, ᐊᒻᒪ ᓯᓚᕐᔪᐊᒥᑦ ᑎᒥᐅᔪᑦ, ᐊᒻᒪᓗᑦᑕᐅᖅ ᑕᑯᔅᓴᐅᑎᑦᑎᓯᒪᔪᒥ ᐃᖅᑲᓇᐃᔭᖃᑦᑕᖅᓯᒪᓂᕐᒧᑦ ᓴᑦᑭᑎᑦᑎᓂᕐᒥᑦ ᐊᒻᒪ ᑐᓂᔭᐅᓂᖏᓐᓂ ᐃᓄᐃᑦ ᐃᓕᓐᓂᐊᖅᑎᑕᐅᓂᖏᓐᓄᑦ ᐱᓕᕆᐊᓂᑦ. ᐃᖅᑲᓇᐃᔮᖅᑖᕋᓱᐊᖅᑐᑦ ᖃᐅᔨᒪᓂᖃᑦᑎᐊᕆᐊᓖᑦ ᖃᐅ+ᔨᓴᓂᕐᒥᑦ, ᖃᐅᔨᓴᐃᓂᕐᒥᑦ, ᐊᒻᒪ ᓇᓗᓇᐃᔭ.ᖅᑕᐅᓂᖏᓐᓄᑦ ᐊᑐᐊᒐᐃᑦ, ᒪᓕᒐᐃᑦ, ᐊᒻᒪ ᒪᓕᑦᑕᐅᔭᕆᐊᓖᑦ, ᖃᐅᔨᒪᓂᖃᕐᓗᓂ ᓄᓇᕗᒻᒥ, ᒐᕙᒪᑐᖃᒃᑯᓐᓂ, ᐊᒻᒪ ᓯᓚᕐᔪᐊᒥᑦ ᓴᓇᓯᒪᓂᖏᓐᓄᑦ, ᐊᒻᒪᓗᑦᑕᐅᖅ ᐅᔾᔨᕈᓱᓐᓂᖃᕐᓗᓂ ᓄᓇᕗᒻᒥ ᐃᓄᐃᑦ ᐱᔪᒪᓂᕆᔭᖏᓐᓂ. ᑮᓇᐅᔭᓕᕆᓂᕐᒧᑦ ᐊᐅᓚᑦᑎᓂᕐᒧᑦ ᐱᓕᕆᐊᖃᕈᓐᓇᕐᓗᓂ, ᐱᖃᓯᐅᑎᓪᓗᑎ ᐊᖏᔪᓂᑦ ᐊᑐᖅᑐᔅᓴᓂᑦ, ᐱᑕᖃᕆᐊᖃᖅᑎᑕᐅᔪ. ᐃᖅᑲᓇᐃᔮᔅᓴᖅ ᐱᑕᖃᕆᐊᖃᖅᑎᑎᒻᒥᔪᖅ ᐅᖃᐅᓯᒃᑯᑦ, ᑎᑎᕋᖅᓯᒪᔪᓂᑦ, ᐊᒻᒪ ᑐᓂᓯᓂᕐᒧᑦ ᖃᐅᔨᒪᓂᐅᔪᓂᑦ, ᑐᓴᐅᒪᔾᔪᑎᓕᕆᔪᓐᓇᑎᐊᕐᓗᓂ ᐊᔾᔨᒌᖏᑦᑐᓄᑦ ᑐᕌᖅᑕᐅᔪᓄᑦ, ᐃᓚᒋᓗᒍ ᐃᖅᑲᓇᐃᔭᖃᑎᒌᓐᓂᕐᒥᑦ, ᑲᑐᔾᔨᖃᑎᒌᒥᑦ, ᐃᖅᑲᓇᐃᔭᖅᑏᑦ ᐃᖅᑲᓇᐃᔭᖃᑎᒌᓐᓂᖏᓐᓄᑦ, ᐊᒻᒪ ᓇᒻᒥᓂᖅ ᑲᔪᖏᖅᓯᒪᓗᓂ ᖃᐅᔨᒪᓂᐅᔪᓂᑦ. ᐊᑐᕈᓐᓇᕐᓗᓂ ᐊᒥᓱᓂᑦ ᑐᓂᔭᐅᔪᓂᑦ ᐊᑐᖅᑕᐅᔪᓂᑦ ᐱᒻᒪᕆᐅᔪᖅ. ᐃᓄᑦᑎᑑᕈᓐᓇᕐᓗᓂ, ᐅᕝᕙᓘᓐᓃᑦ ᐃᓕᒍᒪᓂᖃᕐᓗᓂ, ᐱᑕᖃᕆᐊᖃᖅᑎᑕᐅᔪᖅ. ᐊᔾᔨᐸᓗᖏᓐᓂ ᐱᓯᒪᑦᑎᔪᑦ ᐃᓱᒪᒋᔭᐅᓂᐊᖅᑐᑦ.
ᑮᓇᐅᔭᔅᓵᖓ ᐊᑯᓐᓂᖏᓐᓂ $172,000 ᑎᑭᑦᑐᒍ $206,300 ᐊᑕᐅᓯᕐᒥᑦ ᐊᕐᕌᒍᒥᑦ (ᐱᒋᐊᕐᓂᖃᖅᑐᖅ ᐃᖅᑲᓇᐃᔭᖃᑦᑕᖅᓯᒪᓂᖓᓄᑦ). ᐊᑕᖐᔪᓂᑦ ᐃᑲᔫᓯᐊᑦ ᑲᑎᓱᖅᓯᒪᔪᑦ ᐱᖃᓯᐅᑎᓪᓗᑎ ᐃᖅᑲᓇᐃᔭᑦᑎᒧᑦ ᓄᖅᑲᕕᑦᑐᖅᓯᐅᑎᓄᑦ ᐸᕐᓇᐅᑦ, ᑲᑎᓐᖓᔪᓄᑦ ᓇᓪᓕᐅᒃᑯᒫᑦ ᐊᒻᒪ ᕿᑲᕆᐊᓂᕐᒧᑦ ᐃᑲᔫᓯᐊᑦ.
ᐃᓪᓗᖃᓂᕐᒧᑦ ᐃᑲᔫᓯᐊᑦ $35,865.00
ᐊᑕᖏᖅᑐᓂ ᐃᖅᑲᓇᐃᔮᒧᑦ ᓇᓗᓇᐃᔭᖅᓯᒪᓂᖏᓐᓄᑦ, ᖃᐅᔨᒋᐊᕐᕕᒋᓗᒍ:
ᑐᑭᒧᐊᖅᑎᑦᑎᔨ ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᕗᑦ ᑐᓐᖓᕕᒃ ᑎᒥᖓᑦ
ᑲᖏᕐᖠᓂᖅ, ᓄᓇᕗᑦ, X0C 0G0
ᐅᖄᓚᐅᑎᖓ: 867 645 5408
ᓱᑲᔪᒃᑯᑦ: 867 645 3872
ᒪᑐᕕᔅᓴᖓ ᐅᓪᓗᖓ: ᔫᓂ 12, 2026
ᑐᕌᖅᑕᕗᑦ: ᐃᓄᐃᑦ ᑮᓇᐅᔭᓕᕆᓂᕐᒥᑦ, ᐃᓅᖃᑎᒌᓐᓂᕐᒧᑦ ᐊᒻᒪ ᐱᖅᑯᓯᓄᑦ ᖃᓄᐃᖏᑎᐊᓂᕐᒧᑦ ᐊᑐᓕᖅᑎᑕᐅᓂᖓᒍᑦ ᓄᓇᕗᒻᒧᑦ ᐊᖏᕈᑦ.
LOCATION: ᐃᖃᓗᐃᑦ, ᓄᓇᕗᑦ
CLOSING DATE: June 12, 2026
