ᐃᖅᑲᓇᐃᔮᑦᓴᑦ

ᑐᑭᒧᐊᑦᑎᑦᑎᔨ ᖃᕋᓴᐅᔭᓕᕆᓂᕐᒧᑦ ᐊᒻᒪᓗ ᖃᕋᓴᐅᔭᕐᓅᖓᔪᓄᑦ ᐊᑐᖅᑕᐅᓲᓂᑦ

2023-12-05

ᑐᑭᒧᐊᑦᑎᑦᑎᔨ ᖃᕋᓴᐅᔭᓕᕆᓂᕐᒧᑦ ᐊᒻᒪᓗ ᖃᕋᓴᐅᔭᕐᓅᖓᔪᓄᑦ ᐊᑐᖅᑕᐅᓲᓂᑦ

ᖃᕋᓴᐅᔭᓕᕆᔨᒃᑯᑦ ᐱᓕᕆᕝᕕᐊ

ᓄᓇᕗᑦ ᑐᙵᕕᒃ ᑎᒥᖓ

ᐃᖅᑲᓇᐃᔮᖅ ᐃᖃᓗᐃᑦ, ᓄᓇᕗᒻᒦᑦᑐᖅ

ᑐᑭᒧᐊᑦᑎᑕᐅᓗᓂ ᐊᖓᔪᖅᑳᖅ ᐊᐅᓚᑦᑎᔨᒻᒪᕆᒻᒧᑦ ᓄᓇᕗᑦ ᑐᙵᕕᒃ ᑎᒥᖓᓂ, ᑐᑭᒧᐊᑦᑎᑦᑎᔨᐅᔪᖅ ᖃᕋᓴᐅᔭᓕᕆᓂᕐᒧᑦ ᐊᒻᒪᓗ ᖃᕋᓴᐅᔭᓅᖓᔪᓂᑦ ᐊᑐᖅᑕᐅᓲᓂᑦ ᑲᒪᒋᔭᖃᕋᔭᖅᑐᖅ ᐸᕐᓇᐅᑎᓕᐅᖃᑦᑕᕐᓗᓂ, ᐃᖏᕐᕋᑎᑦᑎᓗᓂ ᐊᒻᒪᓗ ᐊᐅᓚᑦᑎᓗᓂ ᖃᓄᐃᓕᐅᕈᑕᐅᔪᓂᑦ ᐊᒻᒪᓗ ᐃᖏᕐᕋᓂᖏᖕᓂᑦ ᖃᕋᓴᐅᔭᓕᕆᔨᒃᑯᖏᑦ ᐊᒻᒪᓗ ᖃᕋᓴᐅᔭᕐᒧᑦ ᐊᑐᖅᑕᐅᓲᓂᑦ ᐊᒻᒪᓗ ᐅᐸᓗᖓᐃᔭᐃᖃᑦᑕᕐᓗᓂ ᑐᑭᒧᒋᐊᕈᑎᓂᑦ ᖃᓄᐃᓕᐅᕈᑕᐅᓲᓂᑦ ᐊᓯᖏᖕᓂᑦ ᐱᓕᕆᕝᕕᓂ, ᐊᕕᑦᑐᖅᓯᒪᔪᓂ ᐊᒻᒪᓗ ᓯᓚᑖᓃᑦᑐᓂᑦ ᑎᒥᐅᔪᓂᑦ. ᑐᑭᒧᐊᑦᑎᑦᑎᔨᐅᔪᖅ ᐅᖃᐅᔾᔨᒋᐊᖃᑦᑕᕋᔭᖅᑐᖅ ᐊᖓᔪᖅᑳᖅ ᐊᐅᓚᑦᑎᔨᒻᒪᕆᒥᒃ ᐊᒻᒪᓗ ᐊᓯᖏᑦ ᐊᖓᔪᖅᑳᒡᒍᑎᓂᑦ ᐊᐅᓚᑦᑎᔨᓂᑦ ᐊᑦᑐᐃᓂᖃᕈᓐᓇᕐᓂᖏᑦ ᖃᓄᐃᓕᐅᕈᑕᐅᔪᒪᔪᑦ ᐊᒻᒪᓗ ᐃᓱᒪᓕᐅᕈᑕᐅᔪᑦ ᖃᕋᓴᐅᔭᓕᕆᔨᒃᑯᑦ ᐱᓕᕆᕝᕕᐊᓄᑦ.

ᐊᐱᖅᓱᖅᑕᐅᒍᒪᒐᔭᖅᑐᑦ, ᐅᑯᓂᖓ ᐃᓕᓐᓂᐊᖅᓯᒪᔭᕆᐊᖃᕋᔭᖅᑐᑦ, ᐊᔪᙱᓐᓂᖃᕐᓗᑎᑦ ᐊᒻᒪᓗ ᐱᓕᕆᐊᖃᕈᓐᓇᕐᓗᑎᑦ;

ᓯᓚᑦᑐᓴᕐᕕᕐᔪᐊᕐᒥ ᓇᓗᓇᐃᒃᑯᑕᖃᕐᓗᑎᑦ ᑐᑭᓯᒋᐊᕈᑎᓕᕆᓂᕐᒧᑦ ᖃᐅᔨᓴᕐᓂᕐᒥᒃ, ᖃᕋᓴᐅᔭᓕᕆᓂᕐᒥᒃ, ᐅᕝᕙᓘᓐᓃᑦ ᑖᒃᑯᓄᖓ ᑐᕌᖓᔪᓂᑦ (ᑎᓴᒪᓄᑦ ᐊᕐᕌᒍᓄᑦ ᐊᑯᓂᐅᑎᒋᔪᖅ ᐃᓕᓐᓂᐊᖅᓯᒪᓂᑰᒍᕕᑦ ᓈᒻᒪᒋᔭᐅᓂᖅᓴᐅᒐᔭᖅᑐᓂ ᖃᕋᓴᐅᔭᓕᕆᓂᕐᒥᒃ, ᐅᕝᕙᓘᓐᓃᑦ ᑐᕌᖓᔪᒧᑦ).
ᑕᓪᓕᒪᑦ ᐊᕐᕌᒍᑦ ᑐᖔᓂᐅᙱᑦᑐᖅ ᐃᖅᑲᓇᐃᔮᖃᖃᑦᑕᕐᓂᑰᓯᒪᓗᑎᑦ ᖃᕋᓴᐅᔭᓕᕆᓂᕐᒥᒃ ᐅᕝᕙᓘᓐᓃᑦ ᐊᔾᔨᒌᙱᑦᑐᓂᑦ ᑐᕌᖓᔪᓂᑦ ᐃᖅᑲᓇᐃᔮᖃᖃᑦᑕᕐᓂᑰᓗᑎᑦ ᑕᒪᒃᑯᓄᖓ ᖃᕋᓴᐅᔭᕐᓅᖓᔪᓕᕆᓂᕐᒥᒃ.
ᐱᖓᓱᓄᑦ ᑎᑭᓪᓗᒍ ᑕᓪᓕᒪᓄᑦ ᐊᕐᕌᒍᓄᑦ ᐅᑭᐅᓂᑦ ᑐᖔᓂᐅᙱᑦᑐᖅ ᐃᖅᑲᓇᐃᔮᖃᕐᓂᑰᓗᑎᑦ ᐊᐅᓚᑦᑎᓂᕐᒥᒃ ᐃᖅᑲᓇᐃᔭᖅᑎᓂᑦ.
ᐱᖓᓱᓄᑦ ᑎᑭᓪᓗᒍ ᑕᓪᓕᒪᓄᑦ ᐊᕐᕌᒍᓄᑦ ᑐᖔᓂᐅᙱᑦᑐᖅ ᐃᖅᑲᓇᐃᔮᖃᕐᓂᑰᓯᒪᓗᑎᑦ ᑮᓇᐅᔭᓕᕆᖤᕐᒥᒃ ᐊᒻᒪᓗ ᑮᓇᐅᔭᖅᑐᕈᑎᒃᓴᓂᑦ ᐊᐅᓚᑦᑎᓂᕐᒥᒃ.
ᐊᐅᓚᑦᑎᓂᑰᓯᒪᔪᒻᒪᕆᐅᓗᑎᑦ ᐱᔭᕆᐊᑐᔪᓂᑦ ᐊᒻᒪᓗ ᐱᔾᔪᑎᓂᑦ ᐊᑦᑐᐃᓂᖃᕈᓐᓇᒻᒪᕆᑦᑐᓂᑦ.
ᖃᐅᔨᒪᓂᖃᑦᑎᐊᕐᓗᑎᑦ ᓄᓇᕗᑦ ᐊᖏᕈᑎᖓᓂᒃ.
ᐅᖃᓪᓚᑦᑎᐊᕈᓐᓇᕐᓗᑎᑦ ᑎᑎᕋᑦᑎᐊᕈᓐᓇᕐᓗᑎᓪᓗ.
ᐅᓂᒃᑳᕈᓐᓇᑦᑎᐊᕐᓗᑎᑦ ᐊᔾᔨᒌᙱᑦᑐᑎᒍᑦ ᐊᒻᒪᓗ ᐊᔾᔨᒌᙱᑦᑐᓄᑦ ᐃᓄᖕᓄᑦ.
ᐱᓕᕆᖃᑎᖃᕈᓐᓇᑦᑎᐊᕐᓗᑎᑦ ᐊᔾᔨᒌᙱᑦᑐᓂᑦ ᐃᓄᖕᓂᑦ ᑲᑐᔾᔨᔨᐅᔪᓂᓪᓗ, ᒐᕙᒪᒃᑯᓐᓂ, ᒐᕙᒪᒃᑰᙱᑦᑐᑦ ᑲᑐᔾᔨᖃᑎᒌᖏᓐᓂᒃ, ᐊᒻᒪᓗᑦᑕᐅᖅ ᐃᓄᐃᑦ ᑲᑐᔾᔨᖃᑎᒌᖏᖕᓂᒃ.
ᑐᑭᓯᐅᒪᓂᖃᑦᑎᐊᕐᓗᑎᑦ ᓄᓇᓖᑦ ᐱᔭᕆᐊᓕᖏᖕᓂᑦ ᓄᓇᕗᒻᒥ.
ᐊᓯᖏᖕᓂᑦ ᐃᓕᖅᑯᓯᖃᐅᖅᑐᓂᑦ ᖃᐅᔨᒪᓂᖃᑦᑎᐊᕐᓗᑎᑦ ᐊᒻᒪᓗ ᐃᓅᖃᑎᖃᖃᑦᑕᕐᓂᑰᓗᑎᑦ ᐃᓕᖅᑯᓯᖃᖃᑎᒋᙱᑕᕐᓂᒃ.
ᖃᕋᓴᐅᔭᓕᕆᔪᓐᓇᑦᑎᐊᕐᓗᑎᑦ ᐊᒥᓱᓂᑦ ᐊᑐᕈᓐᓇᕐᓗᑎᑦ ᖃᕋᓴᐅᔭᕐᓅᖅᑕᐅᓲᓂᑦ ᐊᒻᒪᓗ ᖃᕋᓴᐅᔭᓕᕆᔪᓐᓇᑦᑎᐊᕐᓗᑎᑦ.
ᑕᑯᒃᓴᐅᑎᑦᑎᓗᑎᑦ ᐃᑭᐊᖅᑭᕕᒻᒥ ᐊᑐᕈᓐᓇᕐᓂᑰᓯᒪᒐᕕᑦ ᐊᐅᓚᓂᖃᑦᑎᐊᖅᑐᒃᑯᑦ ᑐᓴᐅᒪᖃᑎᒌᒍᑕᐅᒍᓐᓇᕐᓗᓂ.
ᐊᒥᓱᓂᑦ ᐱᓕᕆᐊᖃᖃᑦᑕᕈᓐᓇᕐᓗᑎᑦ ᐊᑕᐅᑦᑎᒃᑰᖅᑕᕐᓗᒋᑦ.
ᓇᓗᓇᐃᔭᑦᑎᐊᖅᓯᒪᔪᑯᓗᓐᓂᒃ ᐅᔾᔨᖅᓱᑦᑎᐊᕈᓐᓇᕐᓗᑎᑦ.
ᐅᖃᓪᓚᒍᓐᓇᖅᑐᑦ ᐊᒻᒪᓗ ᑎᑎᕋᕈᓐᓇᖅᑐᑦ ᐃᓄᒃᑐᑦ ᐃᖅᑲᓇᐃᔭᖅᑎᑖᕆᔭᐅᔪᒪᕗᑦ ᐅᕝᕙᓘᓐᓃᑦ ᐃᓕᓐᓂᐊᕈᒪᓂᖃᕆᐊᓖᑦ.

ᐃᓄᐃᑦ ᐊᑎᓕᐅᖅᑕᐅᖃᑕᐅᓯᒪᔪᑦ ᓄᓇᕗᑦ ᐊᖏᕈᑎᖓᓄᑦ ᐃᖅᑲᓇᐃᔭᖅᑎᑖᕆᔭᐅᖅᑳᕈᒪᒐᔭᖅᑐᑦ.

ᐱᒋᐊᕐᕕᒃᓴᖓ ᑮᓇᐅᔾᔭᒃᓵᕆᔭᐅᓗᓂ ᐅᕝᕙᐅᕗᖅ $145,562.00 ᐊᕐᕌᒍᒧᑦ (ᐃᖅᑲᓇᐃᔮᕆᖃᑦᑕᕐᓂᑯᒥᓂᖏᑦ ᒪᓕᓪᓗᒋᑦ) ᐃᑲᔫᓯᐊᖅᑖᕈᑏᑦ ᐊᒥᓲᓪᓗᑎᑦ ᐱᖃᓯᐅᑎᓪᓗᒋᑦ ᐃᖅᑲᓇᐃᔭᖅᑏᑦ ᐃᖅᑲᓇᐃᔭᕈᓐᓃᖅᑎᓪᓗᒋᑦ ᐃᑲᔫᑎᖏᑦ, ᓇᓪᓕᐅᒃᑯᒫᖃᖅᑐᑎᑦ ᐃᖅᑲᓇᐃᔭᖅᑏᑦ ᐊᒻᒪᓗ ᕿᑲᕆᐊᕐᓗᓂ ᐊᐅᓪᓚᕈᑏᑦ ᐃᑲᔫᓯᐊᖏᑦ.

ᐃᒡᓗᒧᑦ ᐃᑲᔫᑏᑦ ᐃᒪᓐᓇᐅᓪᓗᑎᑦ $34,192.00

ᐃᖅᑲᓇᐃᔮᑉ ᓇᓗᓇᐃᔭᖅᓯᒪᓂᖏᓐᓂᒃ ᐱᔪᒪᓐᓂᕈᕕᑦ, ᖃᐅᔨᒃᑲᕐᓗᒍ:

ᐃᖅᑲᓇᐃᔭᖅᑐᓕᕆᔨᒃᑯᑦ

ᓄᓇᕗᑦ ᑐᙵᕕᒃ ᑎᒥᖓ

ᑲᖏᖅᖠᓂᖅ,ᓄᓇᕗᑦ X0C-0G0

ᐅᖄᓚᐅᑎᖓ: 867-645-5440

ᓱᑲᑦᑐᒃᑯᑦ 867-645-5414