ᐃᓚᐅᕝᕕᒋᒃᑭᑦ ᐊᒥᓱᕈᖅᐸᓪᓕᐊᑐᐃᓐᓇᖅᑐᑦ ᐃᖅᑲᓇᐃᔭᖅᑎᕗᑦ
ᑐᑭᒧᐊᑦᑎᑦᑎᔨ ᐃᖅᑲᓇᐃᔭᖅᑐᓕᕆᓂᕐᒧᑦ
ᐃᖅᑲᓇᐃᔭᖅᑐᓕᕆᔨᒃᑯᑦ ᐱᓕᕆᕝᕕᐊ
ᓄᓇᕗᑦ ᑐᙵᕕᒃ ᑎᒥᖓ
ᑲᖏᖅᖠᓂᖅ, ᓄᓇᕗᑦ
ᑐᑭᒧᐊᑦᑎᑦᑎᔨ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᖃᐅᔨᒪᓂᖃᕆᐊᓕᒃ ᑕᒪᐃᓐᓂ ᐃᖅᑲᓇᐃᔭᖅᑐᓕᕆᓂᕐᒧᑦ ᐊᐅᓚᑦᑎᓂᕐᒥᒃ. ᐃᖅᑲᓇᐃᔮᖅᑖᖅᑐᖅ ᐋᖅᑭᒃᓱᐃᒐᔭᖅᑐᖅ ᐊᒻᒪᓗ ᖃᓄᖅᑑᕐᓂᕐᒧᑦ ᐃᖅᑲᓇᐃᔭᖅᑐᓕᕆᓂᕐᒥᒃ ᓯᕗᓕᖅᑎᐅᓗᓂ ᓄᓇᕗᑦ ᑐᙵᕕᒃ ᑎᒥᖓᓂᒃ. ᓯᕗᓕᖅᑎᐅᓪᓗᐊᑕᕋᔭᖅᑐᑎᑦ ᐱᕙᓪᓕᐊᓂᖃᐃᓐᓇᕈᑎᓂᒃ, ᐱᐅᓯᑎᑦᑎᒋᐊᖃᑦᑕᕐᓗᑎᑦ, ᐋᖅᑮᒋᐊᖃᑦᑕᕐᓗᑎᑦ ᐊᒻᒪᓗ ᐋᖅᑭᐅᒪᑎᓪᓗᒍ ᐃᓄᖁᑎᑦᑎᓐᓄᑦ ᖃᓄᖅᑑᕈᑎᒥᒃ ᓇᓕᒧᓐᓂᖃᕐᓗᒋᑦ ᑕᒪᐃᓐᓂ ᑎᒥᐅᔫᑉ ᖃᓄᖅᑑᕈᑎᖓᓄᑦ ᐊᒻᒪᓗ ᐱᓇᓱᐊᒐᑦᑎᓐᓄᑦ, ᐱᒻᒪᕆᒋᔭᑦᑎᓐᓄᑦ, ᑎᑭᓐᓇᓱᐊᖅᑕᑦᑎᓐᓄᑦ ᐊᒻᒪᓗ ᑎᓕᔭᐅᔾᔪᑎᒋᓯᒪᔭᑦᑎᓐᓄᑦ. ᐅᖃᐅᔾᔨᒋᐊᖃᑦᑕᕋᔭᕐᒥᔪᑎᑦ ᐊᐅᓚᑦᑎᔨᐅᔪᑦ ᑲᑎᒪᔨᖏᖕᓄᑦ ᐊᒻᒪᓗ ᑐᑭᒧᐊᑦᑎᑦᑎᔨᓄᑦ ᐋᖅᑭᒃᓱᖅᑕᐅᓂᖓᓂᒃ ᑕᒪᐃᓐᓂ ᑎᒥᐅᔫᑉ ᖃᓄᖅᑑᕈᑎᖓᓂᒃ, ᐱᓗᐊᕐᓗᒋᑦ ᐃᓄᓕᕆᒋᐊᖃᕈᑎᖏᑦ ᐱᓕᕆᕝᕕᒻᒥ ᐊᐅᓚᑦᑎᓗᓂ ᖃᐅᔨᒪᓂᒃᑯᑦ ᑐᑭᓯᐅᒪᓂᒃᑯᓪᓗ ᐊᑐᕐᓗᑎᑦ ᓄᓇᕗᑦ ᑐᙵᕕᒃ ᑎᒥᖓᑕ ᐊᐅᓚᓂᖏᓐᓂᒃ, ᑎᒥᐅᔫᑉ ᐃᓕᖅᑯᓯᖓᓂᒃ ᐊᒻᒪᓗ ᐃᖅᑲᓇᐃᔭᖅᑎᐅᔪᓂᒃ ᑐᙵᕕᖃᕈᑎᓂᒃ ᐊᑐᕐᓗᑎᑦ, ᐊᒻᒪᓗᑦᑕᐅᖅ ᖃᐅᔨᒪᓂᖃᕐᓗᑎᑦ ᐊᑐᖅᑕᐅᕙᓪᓕᐊᔪᓂᒃ ᐃᖅᑲᓇᐃᔭᖅᑐᓕᕆᓂᕐᒥ ᐱᐅᓛᓂᒃ ᐊᑐᖅᑕᐅᕙᑦᑐᓂᑦ ᐊᒻᒪᓗ ᓯᓚᑖᓃᑦᑐᑦ ᓴᓇᕕᓕᕆᓂᕐᒧᑦ ᐱᓇᓱᐊᒐᕆᔭᐅᓲᓂᒃ ᓲᕐᓗᒃ ᐅᑯᓂᖓ ᐱᖁᔭᓕᕆᓂᕐᒥᒃ, ᐃᓅᓯᓕᕆᓂᕐᒥᒃ, ᐃᓄᐃᑦ ᖃᓄᐃᑦᑑᓂᖏᑦ ᐊᒻᒪᓗ ᐊᖏᓂᖅᓴᐃᓂᒃ ᐱᕙᓪᓕᐊᔪᓕᕆᔭᐅᓲᑦ ᑕᒪᒃᑯᐊ ᑕᐅᑐᓐᓂᕆᔭᖏᑎᒍᑦ.
ᑕᐃᒪᐃᓕᐅᕈᓐᓇᖁᓪᓗᑎᑦ ᐅᑯᓂᖓ ᑲᒪᒋᐊᖃᖃᑦᑕᕋᔭᖅᑐᑎᑦ, ᑭᓯᐊᓂᓕ ᑖᒃᑯᑑᒻᒥᒐᑎᑦ: ᐸᕐᓇᓪᓗᑎᑦ, ᐅᐸᓗᖓᐃᔭᐃᓗᑎᑦ, ᑐᑭᒧᐊᑦᑎᑦᑎᓗᑎᑦ, ᐊᑐᓕᖅᑎᑦᑎᓗᑎᑦ ᐊᒻᒪᓗ ᖃᐅᔨᓴᖃᑦᑕᕐᓗᑎᑦ ᐊᐅᓚᓂᐅᔪᓂᒃ ᐃᖅᑲᓇᐃᔭᖅᑐᓕᕆᔨᒃᑯᑦ ᐱᓕᕆᕝᕕᐊᓂ; ᐋᖅᑭᒃᓱᐃᖃᑦᑕᕐᓗᑎᑦ ᓇᐅᑦᓯᖅᑐᐃᓗᑎᓪᓗ ᑮᓇᐅᔭᖅᑐᕈᑎᒃᓴᓂᒃ; ᐅᐊᑦᑎᖃᑦᑕᕐᓗᑎᑦ ᐃᖅᑲᓇᐃᔭᖅᑐᓕᕆᔨᒃᑯᑦ ᐃᖅᑲᓇᐃᔭᖅᑎᖏᓐᓂᒃ (5); ᐃᖅᑲᓇᐃᔮᕆᔭᐅᔪᑦ ᖃᓄᐃᑦᑑᓂᖏᑦ; ᐃᖅᑲᓇᐃᔭᖅᑎᑖᕐᓂᕐᒧᑦ, ᓄᖅᑲᖅᑎᑦᑎᑦᑕᐃᓕᓂᕐᒧᑦ ᐊᒻᒪᓗ ᐊᔪᙱᓐᓂᕆᔭᐅᔪᓂᒃ ᐊᐅᓚᑦᑎᓗᑎᑦ; ᓇᐅᑦᓯᖅᑐᕐᓗᒋᑦ, ᓯᕗᓕᖅᑎᐅᓗᑎᑦ, ᐅᖃᐅᔾᔨᒋᐊᖃᑦᑕᕐᓗᑎᑦ ᐊᒻᒪᓗ ᑲᔪᖏᖅᓴᐃᓗᑎᑦ ᖃᓄᐃᓕᐅᖁᔨᓂᒃᑯᑦ ᑐᑭᒧᐊᑦᑎᑦᑎᔨᓂᒃ ᐃᖅᑲᓇᐃᔭᖅᑐᓕᕆᓂᕐᒨᖓᔪᓂᒃ; ᐃᖅᑲᓇᐃᔭᖅᑏᑦ ᐋᓐᓂᐊᖅᑕᐃᓕᒪᓂᖏᓐᓂᒃ ᐊᑦᑕᕐᓇᖅᑐᒦᑦᑕᐃᓕᒪᓂᖏᓐᓂᒃ ᑲᒪᖃᑦᑕᕐᓗᑎᑦ; ᐊᒻᒪᓗ ᐃᖅᑲᓇᐃᔭᖅᑐᓕᕆᓂᕐᒧᑦ ᐸᕐᓇᐅᓯᐅᖃᑦᑕᕐᓗᑎᑦ ᐊᐅᓚᑦᑎᓗᑎᓪᓗ. ᐃᖅᑲᓇᐃᔭᖅᑐᓕᕆᔨᒃᑯᑦ ᐃᖅᑲᓇᐃᔮᖃᓲᑦ ᓄᓇᕗᑦ ᑐᙵᕕᒃ ᑎᒥᖓᓂᒃ ᓱᑲᑦᑐᒃᑯᑦ ᐃᖅᑲᓇᐃᔮᖃᕆᐊᖃᓲᖑᓪᓗᑎᑦ, ᐊᐅᓚᓂᖃᑦᑎᐊᖅᑐᒃᑯᑦ ᑭᖑᕙᖅᑎᑦᑎᓗᐊᖃᑦᑕᙱᑦᑐᑎᑦ, ᐅᔾᔨᖅᓱᑦᑎᐊᓲᖑᔭᕆᐊᖃᓲᑦ ᓇᓗᓇᐃᔭᖅᓯᒪᔪᑯᓗᓐᓂᒃ, ᐅᔾᔨᖅᓱᕐᓗᑎᓪᓗ ᑲᑐᔾᔨᖃᑎᒌᑉ ᐃᓕᖅᑯᓯᖓᓂᒃ, ᑭᙴᒪᒋᔭᖏᓐᓂᒃ ᐱᓕᕆᕝᕕᐅᔪᑦ, ᑐᑭᒧᐊᑦᑎᑦᑎᔩᑦ ᐊᒻᒪᓗ ᐅᐊᑦᑎᔩᑦ, ᐃᖅᑲᓇᐃᔭᖅᑎᐅᔪᑦ ᐊᒻᒪᓗ ᐱᓕᕆᖃᑎᒌᓐᓂᕆᓲᖏᓐᓂᒃ ᖃᐅᔨᒪᓂᖃᕆᐊᓕᒃ.
ᐃᖅᑲᓇᐃᔮᖅᑖᕋᓱᐊᖅᑐᖅ ᓯᓚᑦᑐᖅᓴᕐᕕᕐᔪᐊᕐᒥ ᓇᓗᓇᐃᒃᑯᑕᖃᕆᐊᓕᒃ ᑐᕌᖓᓂᖃᖅᑐᒥᒃ ᐃᖅᑲᓇᐃᔭᖅᑐᓕᕆᓂᕐᒧᑦ ᐊᐅᓚᑦᑎᓂᕐᒥᒃ ᐅᕝᕙᓘᓐᓃᑦ; ᐱᔭᕇᖅᓯᒪᓗᓂ ᓇᒻᒥᓂᖁᑎᒋᔭᐅᔪᒥᒃ ᐊᐅᓚᑦᑎᓂᕐᒥᒃ ᐅᕝᕙᓘᓐᓃᑦ; ᐃᖅᑲᓇᐃᔮᕆᔭᐅᔪᑦ ᐃᓕᓐᓂᐊᕋᒃᓴᖏᑕ ᐱᓕᕆᐊᖓᓂᒃ ᐃᖅᑲᓇᐃᔭᖅᑏᑦ ᐊᐅᓚᑕᐅᓂᖏᓐᓂᒃ (ᐃᓄᓐᓂᒃ ᑭᒃᑯᑐᐃᓐᓇᕐᓂᒃ/ᐃᖅᑲᓇᐃᔭᖅᑐᓕᕆᓂᕐᒧᑦ ᐊᐅᓚᑦᑎᓂᕐᒥᒃ). ᐃᖅᑲᓇᐃᔮᖅᑖᕋᓱᐊᖅᑐᖅ ᐱᖓᓱᓂᕐᔪᐊᖅ (3) ᐊᕐᕌᒍᓂᑦ ᐊᖓᔪᖅᑳᖑᓯᒪᔭᕆᐊᓕᒃ; ᐊᒻᒪᓗ ᐅᑯᓂᖓ ᐊᔪᙱᓐᓂᖃᕐᓗᓂ ᐱᔪᓐᓇᕐᓂᖃᕐᓗᓂᓗ:
- ᐃᖅᑲᓇᐃᔭᖃᑎᒋᔭᐅᑦᑎᐊᕈᓐᓇᕐᓗᓂ, ᓇᒻᒥᓂᖅ ᐱᓕᕆᐊᖃᕆᐊᕐᔫᒥᓂᖃᕈᓐᓇᕐᓗᓂ, ᓇᒻᒥᓂᖅ ᑐᑭᒧᐊᑦᑎᒍᓐᓇᕐᓗᓂ ᐊᒻᒪᓗ ᐅᐸᓗᖓᐃᔭᐃᑦᑎᐊᕈᓐᓇᕐᓗᓂ ᐱᔭᒃᓴᒥᓂᒃ;
- ᑐᑭᒧᐊᑦᑎᑦᑎᓲᖑᔭᕆᐊᓕᒃ ᐱᐅᔪᒡᒍᑎᑎᒍᑦ ᐊᐅᓚᑦᑎᒍᓯᐅᓂᐊᖅᑐᓂᒃ ᐃᖅᑲᓇᐃᔭᖅᑐᓕᕆᓂᕐᒧᑦ ᐱᓕᕆᐊᕐᓄᑦ;
- ᖃᐅᔨᓴᕈᓐᓇᕆᐊᓕᒃ ᐊᒻᒪᓗ ᑐᑭᓯᓗᓂ ᐊᑐᐊᒐᕐᓂᒃ, ᐱᖁᔭᕐᓂᒃ ᐊᒻᒪᓗ ᐊᑐᐊᒐᕋᓛᕐᓂᒃ;
- ᐃᓄᒃᑐᑦ/ᐃᓄᓐᓇᖅᑐᓪᓗ ᐅᖃᓪᓚᓲᑦ ᑎᑎᕋᓲᓪᓗ ᐱᔭᐅᔪᒪᔪᒻᒪᕆᐅᕗᑦ ᐊᒻᒪᓗ ᐃᓕᓐᓂᐊᕈᒪᓂᖃᕆᐊᓕᒃ ᐅᖃᐅᓯᕐᒥᒃ;
- ᐅᖃᓪᓚᒍᓐᓇᑦᑎᐊᕐᓗᓂ ᑎᑎᕋᕈᓐᓇᑦᑎᐊᕐᓗᓂ;
- ᐅᓂᒃᑲᐅᓯᐅᑦᑎᐊᕆᐊᓕᒃ ᐊᔾᔨᒌᙱᑦᑐᓄᑦ ᓈᓚᒃᑲᔭᖅᑐᓄᑦ;
- ᐅᔾᔨᖅᓱᑦᑎᐊᕐᓗᓂ ᐊᒻᒪᓗ ᑐᑭᓯᐅᒪᓗᓂ ᑲᓇᑕᒥ ᐃᓄᐃᑦ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᑕ ᐱᖁᔭᖓᓂᒃ, ᒐᕙᒪᑐᖃᒃᑯᑦ ᓄᓇᕗᒻᒥᓗ ᓴᓇᕕᓕᕆᓂᕐᒧᑦ ᒪᓕᑦᑕᐅᔭᕆᐊᖃᓲᕐᓂᒃ ᐊᒻᒪᓗ ᐃᖅᑲᓇᐃᔭᖅᑎᐅᓂᕐᒧᑦ ᓇᓕᒧᑦᑎᑕᐅᔭᕆᐊᖃᕈᑎᖏᓐᓂᒃ ᐱᖁᔭᕐᓂᒃ ᖃᐅᔨᒪᓂᖃᕐᓗᓂ;
- ᖃᐅᔨᒪᓂᖃᑦᑎᐊᕐᓗᓂ ᐊᑐᐊᒐᓕᐅᕐᓂᕐᒥᒃ ᐊᒻᒪᓗ ᖃᐅᔨᓴᕐᓂᕐᒥᒃ;
- ᐅᔾᔨᕈᓱᑦᑎᐊᕐᓗᓂ ᐱᓕᕆᐊᕐᓂᒃ ᐱᔨᑦᑎᕋᕈᑎᓂᓪᓗ ᐊᒻᒪᓗᑦᑕᐅᖅ ᓴᖅᑭᖅᐸᓪᓕᐊᔪᓂᒃ ᐃᖅᑲᓇᐃᔭᖅᑐᓕᕆᓂᕐᒥᒃ ᐊᑐᖅᑕᐅᓲᓂᒃ ᐊᒻᒪᓗ ᑲᑐᔾᔨᖃᑎᒌᑉ ᐃᓕᖅᑯᓯᕆᕙᓪᓕᐊᓕᖅᑕᖏᓐᓂᒃ.
- ᖃᐅᔨᒪᓂᖃᑦᑎᐊᕐᓗᓂ ᑮᓇᐅᔭᓕᕆᓂᕐᒧᑦ ᐊᐅᓚᑦᑎᓂᕐᒥᒃ ᐊᐅᓚᔾᔪᓯᖏᓐᓂᒃ ᑲᒪᒋᔭᖃᖁᓪᓗᒍ ᐊᐅᓚᑦᑎᓗᓂ ᐱᓕᕆᕝᕕᐅᔪᒥᒃ ᐊᒻᒪᓗ ᐱᓕᕆᐊᕐᓂᒃ ᐊᐅᓚᑕᐅᓕᖅᑐᓂᑦ;
- ᐃᓅᖃᑎᖃᕈᓐᓇᑦᑎᐊᕐᓗᓂ, ᐃᖅᑲᓇᐃᔭᖅᑏᑦ ᐃᖅᑲᓇᐃᔭᖃᑎᒌᑦᑎᐊᖅᑎᔪᓐᓇᕐᓗᓂᒋᑦ ᐊᒻᒪᓗ ᑲᑐᔾᔨᖃᑎᒌᑉ ᐊᔪᙱᓐᓂᖏᑦ ᐱᓕᕆᔪᓐᓇᕆᐊᓕᒃ,
- ᐃᖅᑲᓇᐃᔭᖃᑎᖃᑦᑎᐊᕈᓐᓇᕐᓗᓂ, ᐃᖅᑲᓇᐃᔭᖃᑎᒌᒍᓐᓇᖅᓯᑎᑦᑎᒍᓐᓇᕐᓗᓂ ᐱᓕᕆᖃᑎᒌᓕᖅᑎᑦᑎᔪᓐᓇᕐᓗᓂᓗ ᐊᔾᔨᒌᙱᑦᑐᓂᒃ ᐃᓄᓐᓂᒃ ᐊᒻᒪᓗ ᑲᑐᔾᔨᔨᓂᒃ, ᑕᒪᒃᑮᒃ ᒐᕙᒪᒃᑯᓐᓂ ᐊᒻᒪᓗ ᓯᓚᑖᓃᑦᑐᓂᑦ ᑎᒥᐅᔪᓂᑦ,
- ᐅᔾᔨᖅᓱᑦᑎᐊᕐᓗᓂ ᐃᑉᐱᒋᑦᑎᐊᕐᓗᓂᒋᓪᓗ ᓄᓇᓕᓐᓂ ᐱᔪᒪᔭᖏᑦ, ᓂᕈᐊᖅᑕᐅᓯᒪᔪᓪᓗ ᐃᓕᖅᑯᓯᕆᔭᐅᔪᒪᔪᓂᓪᓗ ᐱᔪᒪᔭᖏᓐᓂᒃ;
- ᐊᓯᐊᒍᖔᕈᓐᓇᕐᓗᓂ ᐋᖅᑮᖁᓪᓗᒍ ᐊᒻᒪᓗ ᓱᖏᐅᑎᔪᓐᓇᖅᑐᑦ ᐱᐅᔫᓗᑎᑦ ᐃᓱᒪᒋᔭᐅᒐᔭᖅᑐᑦ;
- ᓇᓕᒧᓐᓂᓖᑦ ᑕᒪᒃᑯᓂᖓ ᖃᐅᔨᒪᓂᕆᒋᐊᓕᓐᓂᒃ ᐃᓕᓐᓂᐊᖅᓯᒪᔭᕆᐊᓕᖏᓐᓂᓪᓗ ᐃᓱᒪᒋᔭᐅᔫᒥᒐᔭᕐᒥᔪᑦ ᐃᖅᑲᓇᐃᔮᖅᑖᕋᓱᐊᖅᑐᑦ.
ᐃᖅᑲᓇᐃᔭᖅᑎᑖᕆᔭᐅᔪᒪᖔᕋᔭᕐᒥᔪᑦ ᐃᓄᒻᒪᕇᑦ ᐊᑎᓕᐅᖅᓯᒪᔪᑦ ᓄᓇᕗᑦ ᓄᓇᑖᕐᓂᕐᒧᑦ ᐊᖏᕈᑎᖓᓄᑦ.
ᑮᓇᐅᔾᔭᒃᓵᑦ ᐱᒋᐊᕈᑎᖏᑦ ᐅᑯᐊᖑᕗᑦ $139,879.00 ᐊᕐᕌᒍᒧᑦ (ᐊᒥᓲᓂᖃᕋᔭᖅᑐᑦ ᒪᓕᓪᓗᒋᑦ ᐃᖅᑲᓇᐃᔮᕆᖃᑦᑕᕐᓂᑯᒥᓂᖏᑦ) ᐃᑲᔫᓯᐊᖅᑖᕐᓂᕐᒧᑦ ᐃᖅᑲᓇᐃᔭᖅᑏᑦ ᐱᕙᑦᑕᖏᓐᓂᒃ ᐱᔪᓐᓇᕐᓗᑎᑦ ᐱᖃᓯᐅᑎᓪᓗᒋᑦ ᐃᖅᑲᓇᐃᔭᖅᑏᑦ ᓄᖅᑲᖅᑎᓪᓗᒋᑦ ᑮᓇᐅᔾᔭᒃᓵᕆᔭᐅᒐᔭᖅᑐᑦ, ᐃᖅᑲᓇᐃᔭᖅᑏᑦ ᓇᓪᓕᐅᒃᑯᒫᖏᑦ ᐊᒻᒪᓗ ᕿᑲᕆᐊᕐᓗᓂ ᐊᐅᓪᓚᕈᑎᓄᑦ ᐃᑲᔫᑎᓂᒃ ᐱᖃᑦᑕᕐᒥᓗᓂ.
ᓄᓇᕗᑦ ᑐᙵᕕᒃ ᑎᒥᖓ ᐃᒡᓗᖃᕐᓂᕐᒧᑦ ᐃᑲᔪᖅᑐᐃᓂᖃᓲᖅ ᐃᖅᑲᓇᐃᔭᖅᑎᓄᑦ ᐱᖃᓯᐅᑎᓪᓗᒋᑦ ᐃᒡᓗᑖᕐᓗᓂ ᐊᑭᓕᐅᑎᒋᔭᐅᒋᐊᙵᓲᑦ ᐃᑲᔫᑏᑦ ᐊᒻᒪᓗ ᐃᒡᓗᒨᖅᑲᐃᓂᕐᒧᑦ ᐃᑲᔫᑏᑦ ᐃᒪᓐᓇᓂᒃ $35,865.00
ᐃᖅᑲᓇᐃᔮᑦ ᓇᓗᓇᐃᔭᖅᓯᒪᓂᖏᑦ ᐱᔪᒪᓐᓂᕈᕕᒋᑦ, ᖃᐅᔨᒃᑲᕐᓗᒋᑦ:
ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᕗᑦ ᑐᙵᕕᒃ ᑎᒥᖓ
ᑲᖏᖅᖠᓂᖅ, ᓄᓇᕗᑦ X0C-0G0
ᐅᖄᓚᐅᑎᖓ: 867-645-5440
ᓱᑲᑦᑐᒃᑯᑦ 867-645-3872
ᒪᑐᕕᒃᓴᖓ: ᐊᒥᕋᐃᔭᕐᕕᒃ 5, 2025
ᐱᓇᓱᐊᒐᕗᑦ: ᐃᓄᐃᑦ ᐱᕙᓪᓕᐊᓂᖏᑦ, ᐃᓅᓯᖏᑦ, ᐊᒻᒪᓗ ᐃᓕᖅᑯᓯᖏᑦ ᖃᓄᐃᑦᑕᐃᓕᒪᑎᑕᐅᓗᑎᑦ ᐊᑐᓕᖅᑎᑕᐅᓂᖓᑎᒍᑦ ᓄᓇᕗᑦ ᓄᓇᑖᕐᓂᕐᒧᑦ ᐊᖏᕈᑎ.
LOCATION: (English) Rankin InletCLOSING DATE: September 5, 2025
