ᐃᖅᑲᓇᐃᔮᑦᓴᑦ

ᑲᒪᔨ-ᖃᕆᓴᐅᔭᒃᑯᑦ ᓄᓇᙳᐊᓕᕆᔾᔪᑎᓄᑦ

ᑲᒪᔨ-ᖃᕆᓴᐅᔭᒃᑯᑦ ᓄᓇᙳᐊᓕᕆᔾᔪᑎᓄᑦ
ᐊᐅᓚᑦᑎᔨᒻᒪᕆᒃ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᐃᖃᓗᒃᑑᑦᓯᐊᖅ, ᓄᓇᕗᑦ

ᑐᑭᒧᐊᒃᑎᑕᐅᕙᒡᓗᓂ ᐊᐅᓚᑦᑎᔨᒧᑦ-ᓄᓇᙳᐊᓕᕆᔨᒧᑦ, ᐊᐅᓚᑦᑎᔨ-ᓄᓇᙳᐊᓕᕆᔨ ᐃᑲᔪᖃᑦᑕᕐᓂᐊᖅᑐᖅ ᐱᕙᓪᓕᐊᑎᑦᑎᓂᕐᒥᒃ, ᐊᐅᓚᑦᑎᓂᕐᒥᒃ, ᐊᒻᒪ ᐋᖅᑭᐅᒪᑎᑦᑎᓂᕐᒥᒃ ᓄᓇᕗᑦ ᑐᙵᕕᒃᑯᑦ ᓄᓇᙳᐊᓕᕆᔾᔪᑎᖏᓐᓂᒃ ᓄᓇᕗᑦ ᑐᙵᕕᒃᑯᑦ ᐱᓕᕆᕝᕕᓕᒫᖏᓐᓂᒃ, ᐱᔾᔪᑎᖃᓪᓗᐊᑕᕐᓗᓂ ᐃᑲᔪᖅᑐᐃᓂᕐᒥᒃ ᓄᓇᓕᕆᔨᓂᒃ. ᑐᑭᒧᐊᒃᑎᑕᐅᕙᒡᓗᓂ ᐊᐅᓚᑦᑎᔨ-ᓄᓇᙳᐊᓕᕆᔨ ᓇᓗᓇᐃᔭᐅᑎᓄᑦ ᐊᑐᖃᑦᑕᖅᑐᓂ, ᑖᓐᓇ ᐃᓂᒋᔭᐅᔪᖅ ᐊᐅᓚᑦᑎᖃᑦᑕᕐᓂᐊᖅᐳᖅ ᖃᐅᑕᒫᑦ ᓄᓇᙳᐊᓕᕆᔾᔪᑎᓂᒃ, ᓄᓇᙳᐊᓕᕆᓂᕐᒥᒃ, ᐃᑭᐊᖅᑭᕕᒃᑯᑦ ᓄᓇᙳᐊᓕᕆᓂᕐᒥᒃ, ᓄᓇᙳᐊᓕᕆᔾᔪᑎᓂᒃ ᐊᐅᓚᑦᑎᓂᕐᒥᒃ, ᐊᒻᒪ ᖃᕆᓴᐅᔭᒃᑯᑦ ᑐᖅᑯᖅᑐᐃᕕᖕᒥ ᐱᓕᕆᐊᒃᓴᓂᒃ ᐃᑲᔪᖅᑐᐃᔪᓂᒃ ᓄᓇᒥᒃ ᐊᐅᓚᑦᑎᓂᕐᒥᒃ, ᐃᑲᔫᑎᒃᓴᓂᒃ ᖃᐅᔨᓴᖅᐸᓪᓕᐊᓂᕐᒥᒃ, ᐆᒪᔪᓂᒃ, ᐃᒪᕐᒥᐅᑕᓂᒃ ᐊᒻᒪ ᐊᕙᑎᓕᕆᓂᕐᒥᒃ ᖃᐅᔨᓴᕐᓂᕐᒥᒃ, ᐊᒻᒪ ᐱᓕᕆᕝᕕᖕᒥ ᑐᑭᓯᒋᐊᒐᒃᓴᓂᒃ ᐱᔭᐅᔭᕆᐊᓕᖕᓂᒃ.

ᑐᙵᓱᒃᑎᑕᐅᔪᒪᒍᕕᑦ ᐊᐱᖅᓱᖅᑕᐅᓂᕐᒧᑦ; ᓯᓚᑦᑐᖅᓴᕐᕕᖕᒥ ᓇᓗᓇᐃᒃᑯᑕᖅᑖᖅᓯᒪᓗᓂ ᐊᒃᑐᐊᓂᓕᖕᓂᒃ ᖃᕆᑕᐅᔭᓕᕆᓂᕐᒧᑦ ᖃᐅᔨᓴᖅᑐᓕᕆᓂᕐᒥᒃ ᓄᓇᙳᐊᓕᕆᓂᕐᒧᓪᓘᓐᓃᑦ ᑐᓴᖅᑕᐅᔪᒃᓴᓄᑦ ᐊᑐᖅᑕᐅᕙᒃᑐᓄᑦ ᐃᑭᐊᖅᑭᕕᖕᒧᓪᓘᓐᓃᑦ ᐱᕙᓪᓕᐊᑎᑦᑎᓂᕐᒧᑦ; ᐊᕐᕌᒎᖕᓄᑦ ᒪᕐᕉᖕᓄᑦ ᐱᓕᕆᖃᑦᑕᖅᓯᒪᓂᑰᓗᓂ ESRI ArcGIS ᖃᕋᓴᐅᔭᓕᕆᔾᔪᑎᓂᒃ ᐅᑯᓂᖓᓗ ArcGIS Pro, ArcGIS Online, ᓄᓇᙳᐊᓂᒃ ᑲᑎᖅᓱᐃᕝᕕᒃ, ᓄᓇᙳᐊᓕᕆᔾᔪᑎᑦ, ᓄᓇᙳᐊᓕᕆᔾᔪᑎᑦ, ᒫᓐᓇᓕᓴᕐᓗ ᓄᓇᙳᐊᓕᕆᔾᔪᑎᑦ ᓲᕐᓗ Python, Arcade, Model Builder, ᐊᒻᒪ JavaScript; ᐊᕐᕌᒍᒥᑦ ᐊᑕᐅᓯᕐᒥᑦ ᓴᓇᓯᒪᓂᑰᓗᓂ ᐊᒻᒪ ᐊᐅᓚᑦᑎᓂᕐᒥᑦ ᖃᕆᓴᐅᔭᒃᑯᑦ ᑐᖅᑯᖅᑐᐃᕕᓐᓂᑦ; ᐱᓕᕆᖃᑦᑕᖅᓯᒪᓂᑰᓗᓂ ᓄᓇᙳᐊᑎᒍᑦ ᓄᓇᙳᐊᓕᕆᔾᔪᑎᓂᒃ ᑎᑎᕋᖅᓯᒪᔪᓂᒃ, ᐃᒻᒥᓂᒃ ᐊᐅᓚᔪᓐᓇᖅᑐᓂᒃ, ᐊᒻᒪ ᐃᑭᐊᖅᑭᕕᒃᑯᑦ ᓄᓇᙳᐊᓕᕆᔾᔪᑎᓂᒃ ᓲᕐᓗ Python, Arcade, , ModelBuilder, JavaScript, ᐅᕝᕙᓘᓐᓃᑦ ᐊᒃᑐᐊᓂᓕᖕᓂᒃ ᓄᓇᙳᐊᓕᕆᔾᔪᑎᓂᒃ ᐱᔪᒥᓇᕋᔭᖅᑐᖅ; ᖃᐅᔨᒪᓂᖃᕐᓗᓂ ᓄᓇᓂᑦ, ᐆᒪᔪᕐᓂᑦ ᐊᑐᖅᑕᐅᔪᓐᓇᖅᑐᓂᓪᓗ ᐊᑐᐊᒐᓕᐅᕐᓂᕐᒥᑦ ᓄᓇᕗᒻᒥᑦ; ᖃᐅᔨᒪᓗᓂ ᓄᓇᕗᒻᒥ ᐊᖏᕈᑎᒥᒃ, ᐃᓄᐃᑦ ᐊᒻᒪ ᐅᑭᐅᖅᑕᖅᑐᒥ ᐃᓅᖃᑎᒌᖕᓂᕐᒧᑦ ᐃᓕᖅᑯᓯᕐᒧᓪᓗ ᐱᔭᕆᐊᖃᖅᑕᖏᓐᓂᒃ ᓂᕆᐅᒋᔭᖏᓐᓂᒡᓗ; ᐅᖃᓪᓚᒍᓐᓇᕐᓗᓂ, ᑎᑎᕋᕈᓐᓇᕐᓗᓂ, ᐅᓂᒃᑳᕈᓐᓇᕐᓗᓂ ᐊᒻᒪ ᐃᓅᖃᑎᖃᕈᓐᓇᕐᓗᓂ ᑐᓴᐅᒪᖃᑎᒌᒍᓐᓇᕐᓗᓂ; ᐱᓕᕆᖃᑎᖃᕈᓐᓇᕐᓗᓂ ᐊᔾᔨᒌᙱᑦᑑᑎᓂᑦ ᐃᓄᖕᓂᑦ ᑲᑎᙵᔪᓂᒡᓗ, ᑕᒪᐃᓐᓂᒃ ᒐᕙᒪᒃᑯᓐᓂᑦ ᐱᓇᔪᒃᑐᓂᒡᓗ; ᐃᓄᒃᑐᑦ ᐅᖃᓪᓚᒍᓐᓇᕐᓗᓂ ᑎᑎᕋᕈᓐᓇᕐᓗᓂᓗ ᐃᓕᓐᓂᐊᕈᒪᓂᖃᑦᑎᐊᕆᐊᓕᒃ.

ᓯᕗᓪᓕᖅᐸᐅᔾᔭᐅᓂᐊᖅᑐᑦ ᐃᓄᐃᑦ ᐊᑎᓕᐅᖅᑕᐅᓯᒪᔪᑦ ᓄᓇᕗᒻᒥ ᐊᖏᕈᑎᑎᒍᑦ.

ᑮᓇᐅᔾᔭᒃᓴᓯᒋᐊᕋᔭᖅᑐᖅ $88,800.00 ᐊᕐᕌᒍᒧᑦ (ᐃᖅᑲᓇᐃᔭᓕᒪᓂᖓ ᒪᓕᒡᓗᒍ) ᓈᒪᔪᓂᒃ ᐱᕚᓪᓕᕈᑎᒃᓴᓂᒃ ᑲᑎᖅᓱᖅᓯᒪᔪᓂᒃ ᐅᑯᓂᖓᓗ ᐃᖅᑲᓇᐃᔭᖅᑎᒧᑦ ᐃᓐᓇᖅᓯᐅᑎᒃᓴᓄᑦ ᐸᕐᓇᐅᑎᑦ, ᑲᑎᙵᔪᓄᑦ ᓇᓪᓕᐅᒃᑯᒫᑦ ᐊᒻᒪ ᕿᑲᕆᐊᕐᓂᕐᒧᑦ ᖃᖓᑦᑕᐅᑎᓄᑦ ᐃᑲᔫᑎᑦ.

ᐃᒡᓗᒧᑦ ᐃᑲᔫᓯᐊᑦ $35,865.00 

ᐃᖅᑲᓇᐃᔮᑉ ᓇᓗᓇᐃᔭᖅᓯᒪᓂᖓ ᑕᑯᔪᒪᒍᕕᐅᒃ, ᐅᕗᖓ ᖃᐅᔨᒋᐊᕈᓐᓇᖅᐳᑎᑦ:
ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᑲᖏᖅᖠᓂᖅ, ᓄᓇᕗᑦ X0C-0G0

ᐅᖄᓚᐅᑎᖓ: 867-645-5408
ᓱᒃᑲᔪᒃᑰᕈᑎᖓ: 867-645-3872

ᒪᑐᕝᕕᒃᓴᖓ: ᓯᑏᕝᕙ 18, 2026

ᐱᓕᕆᐊᒃᓴᕗᑦ: ᐃᓄᐃᑦ ᑮᓇᐅᔭᓕᐅᕋᓱᖕᓂᕐᒧᑦ ᐱᕙᓪᓕᐊᓂᕐᒧᓪᓗ, ᐃᓅᖃᑎᒌᒃᐸᖕᓂᕐᒧᑦ, ᐃᓕᖅᑯᓯᑐᖃᕐᓄᓪᓗ ᖃᓄᐃᙱᑦᑎᐊᕈᓐᓇᕐᓂᕐᒧᑦ ᐊᑐᓕᖅᑎᑦᑎᓂᒃᑯᑦ ᓄᓇᕗᒻᒥ ᐊᖏᖃᑎᒌᒍᑕᐅᓯᒪᔪᒥᒃ.

Download (PDF, 269KB)

LOCATION: (English) Cambridge Bay
CLOSING DATE: September 18, 2026