ᑐᓴᐅᒪᔾᔪᑎᓕᕆᔨ/ᑐᓵᔨ−ᑐᑭᓕᐅᕆᔨ ᐃᓕᓐᓂᐊᓯᓐᓈᑦ ᐃᖅᑲᓇᐃᔭᖅᑎ
ᓄᓇᕗᑦ ᑐᙵᕕᒃ ᑎᒥᖓ
ᑐᓴᐅᒪᔾᔪᑎᓕᕆᔨᒃᑯᑦ ᐱᓕᕆᕝᕕᖓ
ᐃᖃᓗᐃᑦ, ᓄᓇᕗᑦ
ᐊᖓᔪᖅᑳᖃᕐᓗᓂ ᑐᑭᒧᐊᒃᑎᑦᑎᔨᖓᓂᒃ ᑐᓴᐅᒪᔾᔪᑎᓕᕆᔨᒃᑯᑦ, ᑐᑦᑕᕐᕕᓪᓗᐊᑕᐅᓂᐊᖅᑐᑦ ᑐᒃᓯᕋᐅᑎᓄᑦ ᑐᑭᓯᒐᓱᐊᖅᑐᓄᑦ ᑭᓇᑐᐃᓐᓇᕐᒥᒃ, ᐊᒻᒪᓗ ᐊᑐᕆᐊᓕᖕᓂᒃ ᐃᑲᔪᖃᑦᑕᕐᓗᑎᒃ ᐊᒻᒪᓗ ᐸᕐᓇᒍᓐᓇᕐᓗᑎᑦ ᑲᑐᔾᔨᖃᑎᒌᑦ ᐃᓄᓕᒫᖅᑎᑦᓯᓂᖏᓐᓂ ᑲᑎᓐᓂᐅᔪᓂ ᐊᒻᒪᓗ ᑲᑎᒪᓂᕐᓂ. ᑕᕝᕙᓂ ᐱᓕᕆᐊᒃᓴᐅᖃᑕᐅᔪᑦ ᐱᓕᖕᒪᒃᓴᐅᑎᓄᑦ ᐸᕐᓇᐅᑏᑦ ᓯᕗᓂᕐᒥ ᐃᖅᑲᓇᐃᔮᖃᕈᓐᓇᓂᕐᒧᑦ ᑐᓵᔨᐅᓗᓂ ᑐᑭᓕᐅᕆᔨᐅᓗᓂᓗ ᑐᙵᕕᒃᑯᓐᓂ − ᐱᓕᖕᒪᒃᓴᐅᑎᓄᑦ ᐸᕐᓇᐅᑎᓃᓐᓂᐊᖅᑐᖅ ᑕᓪᓕᒪᓂᒃ ᐊᕐᕌᒍᓂᒃ ᐸᕐᓇᐅᑏᑦ ᓇᓗᓇᐃᒃᑯᑕᖅᑖᕋᓱᐊᕐᓂᕐᒧᑦ ᐃᓕᓐᓂᐊᓂᒃᑯᑦ ᐊᒻᒪᓗ ᐃᖅᑲᓇᐃᔮᒃᑯᑦ ᐱᓕᖕᒪᒃᓴᕐᓂᒃᑯᑦ. ᐱᓕᕆᐊᕆᓂᐊᕐᒥᔭᑎᑦ ᐊᐅᓚᑦᓯᒍᓐᓇᕐᓂᒃ ᐅᓄᖅᑐᓂᒃ−ᐊᑕᐅᑦᓯᒃᑯᑦ ᑲᒪᒋᔭᕆᐊᓕᖕᓂᒃ ᐱᓕᕆᐊᓂᒃ, ᐋᖅᑭᐅᒪᑦᓯᓂᖅ ᐊᑐᕆᐊᓕᖕᓂᒃ, ᑲᑎᓐᓂᐅᔪᓄᑦ ᐸᕐᓇᓐᓂᖅ, ᑎᑎᖅᑲᓂᒃ−ᑐᖅᑯᖅᑐᐃᓂᖅ, ᐃᓅᖃᑎᒌᓄᑦ ᑲᓲᒪᔾᔪᑕᐅᕙᑦᑐᑦ ᐊᒻᒪᓗ ᐃᑭᐊᖅᑭᕕᒃ ᐊᙳᑎᑎᓯᒪᑦᓯᐊᕐᓗᒋᑦ. ᐊᔪᙱᓪᓗᓂ ᑎᑎᕋᖅᓯᒪᔪᑦ ᑕᒻᒪᑕᖅᓯᒪᙱᒃᑲᓗᐊᕐᒪᖔᑕ ᖃᐅᔨᓴᖃᑦᑕᓂᕐᒥᒃ ᐃᓄᒃᑑᖅᑐᓂᒃ/ᖃᓪᓗᓈᑑᖅᑐᓂᓪᓗ, ᐊᑐᕈᓐᓇᓯᐊᕐᓂᖅ ᓇᕿᑦᑕᕈᓐᓇᓂᕐᓗ ᐃᓄᒃᑐᑦ/ᖃᓪᓗᓈᑎᑐᑦ ᑎᑎᖅᑲᓂᒃ.
ᐊᐱᖅᓱᖅᑕᐅᔪᓐᓇᖁᓪᓗᑎᑦ ᐱᓕᕆᖃᑎᖃᑦᓯᐊᕈᓐᓇᕆᐊᖃᖅᑐᑎᑦ ᐱᓕᕆᔨᐅᖃᑎᓐᓂᒃ, ᓇᖕᒥᓂᖅ− ᐱᓇᓱᐊᕈᓐᓇᕐᓗᑎᒃ ᐊᒻᒪᓗ ᑎᓕᔭᒃᓴᐅᓗᑎᑦ, ᐋᖅᑭᑦᓯᓯᒪᑦᓯᐊᕈᓐᓇᕐᓗᑎᑦ ᐋᖅᑭᑦᓯᒪᔭᕆᐊᓕᖕᓂᒃ; ᐱᓕᕆᐊᕆᔭᓐᓂ ᐊᐅᓚᑦᓯᔪᓐᓇᑦᓯᐊᕆᐊᖃᖅᑐᑎᑦ ᐊᒥᓱᓂᒃ ᐱᓕᕆᐊᖑᔪᓂᒃ ᐊᑕᐅᑦᓯᒃᑯᑦ, ᓴᖅᑮᓂᕐᒥᒃ, ᐊᒻᒪᓗ ᑲᑎᓐᓂᐅᔪᓂᒃ ᐊᑕᐅᑦᓯᒃᑰᖅᓯᒪᑎᓪᓗᒋᑦ, ᐋᖅᑭᐅᒪᑦᓯᓯᓐᓈᕐᓗᑎᑦ ᓴᖅᑭᕆᐊᓕᖕᓂᒃ, ᑐᓂᐅᖅᑲᕆᐊᓕᖕᓂᒃ, ᐊᒻᒪᓗ ᐋᖅᑭᑦᓯᒪᑦᓯᓂᕐᒥᒃ ᑲᑎᓐᓂᐅᒋᐊᓖᑦ. ᖃᐅᔨᒪᓂᖃᑦᓯᐊᕆᐊᓕᒃ ᖃᕆᓴᐅᔭᓕᕆᔾᔪᑎᒥᒃ ᑎᑎᖅᑭᕆᔾᔪᑎᒥᒃ, ᐃᓚᒋᔭᐅᓗᓂ ᐱᓕᕆᕝᕕᒻᒥ ᑲᑎᖅᓱᐃᕕᓕᕆᓂᕐᒥᒃ. ᐃᖅᑲᓇᐃᔮᖅᑖᖅᑐᖅ ᐅᖃᕈᓐᓇᑦᓯᐊᕆᐊᓕᒃ ᑎᑎᕋᕈᓐᓇᓯᐊᕐᓗᓂᓗ ᐃᓄᒃᑐᑦ ᖃᓪᓗᓈᑐᓪᓗ ᐅᖃᐅᓯᒃᑯᑦ ᑎᑎᖅᑲᑯᓪᓗ ᑐᓴᕈᑎᓕᕆᔪᓐᓇᓯᐊᕐᓗᓂ. ᖃᐅᔨᒪᓂᖃᕆᐊᓕᒃ ᐊᒻᒪᓗ ᐊᔪᙱᑦᓯᐊᕐᓗᓂ ᐊᔾᔨᒌᙱᑦᑐᓂᒃ ᐃᓄᓕᒫᓄᑦ ᑲᓲᒪᔾᔪᑎᓄᑦ ᐋᖅᑭᑦᓯᒪᔭᐅᔪᓂᒃ ᐊᒻᒪᓗ ᐊᖁᑦᑐᖅᓯᐅᑎᖃᕆᐊᓕᒃ ᓇᓗᓇᐃᒃᑯᑕᓕᒻᒥᒃ 5 ᓚᐃᓴᒥᒃ. ᖃᐅᔨᒪᔮᖑᒋᐊᓕᒃ ᐊᐅᓚᑦᓯᒍᓐᓇᕐᓂᖓᓂᒃ ᑭᒍᕙᕆᐊᖃᙱᑦᑐᓂᒃ ᐃᓱᓕᕝᕕᒃᓴᓕᐊᖑᓯᒪᔪᓂᒃ ᐅᓄᖅᑐᓂᒃ ᐱᓕᕆᐊᖃᕈᓐᓈᓯᓐᓈᕐᓗᓂ.
ᐱᔪᒐᕆᔭᐅᓂᖅᓴᐅᓂᐊᖅᑐᑦ ᐃᓄᐃᑦ ᐊᑎᖃᖃᑕᐅᔪᑦ ᓄᓇᕗᑦ ᐊᖏᕈᑎᖏᓐᓂ.
ᐱᒋᐊᕐᕕᖓ ᑮᓇᐅᔾᔭᒃᓴᐅᑎᐅᑉ $62,872.00 ᐊᕐᕌᒍ ᐊᑕᐅᓯᖅ (ᑮᓇᐅᔾᔭᓴᕐᓂᖅᓴᐅᒍᓐᓇᖅᑐᖅ ᐱᓇᓱᐊᖅᓯᒪᓂᖓᒍᑦ) ᐃᓚᖃᕐᓗᓂ $24,000 ᐅᑭᐅᖅᑕᖅᑐᒥᐅᑕᐅᓂᕐᒧᑦ ᐃᓪᓗᒧᓪᓗ ᐃᑲᔫᑏᑦ ᐊᒻᒪᓗ ᐊᑕᖏᖅᑐᖅ ᐃᑲᔫᑎᓃᖃᑕᐅᓂᐊᖅᑐᖅ ᐃᖅᑲᓇᐃᔭᖅᑎᓄᑦ ᐃᑦᑐᖅᓯᐅᑎᑖᕈᑎᒃᓴᓄᑦ ᐲᔭᐃᓂᖅ, ᑲᑐᔾᔨᖃᑎᒌᑦ ᓇᓪᓕᐅᒃᑯᒫᖏᑦ ᐊᒻᒪᓗ ᕿᑲᕐᓂᕐᒧᑦ ᐃᑲᔫᑏᑦ.
ᐊᑕᖏᖅᑐᒥᒃ ᓇᓪᓕᖅᑲᑖᕈᒪᒍᕕᑦ ᐃᖅᑲᓇᐃᔮᒧᑦ ᓇᓗᓇᐃᔭᐅᑎᒥᒃ ᖃᐅᔨᒃᑲᕐᓗᒍ;
ᐃᖅᑲᓇᐃᔭᖅᑐᓕᕆᔨᒃᑯᑦ ᐅᖄᓚᐅᑖ: (867) 645-5440
ᓄᓇᕗᑦ ᑐᙵᕕᒃ ᑎᒥᖓ ᓱᒃᑲᔪᒃᑰᕈᑖ: (867) 645-3872
ᑲᖏᕐᖠᓂᖅ, ᓄᓇᕗᑦ
ᒪᑐᕕᑦᓴᖓ ᐅᓪᓗᖅ: ᕕᕝᕗᐊᓕ 18, 2022
ᐃᓪᓗᖃᖅᑎᑕᐅᒍᓐᓇᖏᑦᑐᖅ
ᐱᓂᐊᕐᓂᕋᐅᑎᕗᑦ: ᐃᓄᖕᓄᑦ ᐱᕚᓪᓕᕈᑎᒃᓴᐅᔪᑦ ᐃᓅᓯᒃᑯᑦ, ᐱᖅᑯᓯᑐᖃᒃᑯᑦ, ᐱᕙᓪᓕᐊᔪᓕᕆᓂᒃᑯᑦ ᐊᖏᖃᑎᒌᒍᑦ ᐊᑐᕐᓗᒍ
LOCATION: (English) Iqaluit, NU
CLOSING DATE: February 18, 2022
