ᓄᓇᕗᒻᒥ ᐊᖑᓇᓱᒃᑎᓄᑦ ᐃᑲᔫᑎᒃᓴᑦ

ᐱᖁᑎᓂᒃ ᐃᑲᔫᑎᑦᓴᑦ ᑮᓇᐅᔭᑎᒍᑦ ᐃᑲᔪᖅᑕᐅᔾᔪᑎᒃᓴᐅᕗᑦ ᐱᖁᑎᓄᑦ ᐊᑐᕋᑦᓴᓄᑦ ᐊᖑᓇᓱᓐᓂᕐᒧᑦ, ᐃᖃᓪᓕᐊᓂᕐᒧᑦ, ᑲᑎᕐᓱᐃᓂᕐᒧᑦ ᐊᒻᒪᓗ/ᐅᕝᕙᓘᓐᓃᑦ ᒥᑭᒋᐊᕐᓂᐊᓂᕐᒧᑦ. ᐃᓚᒋᔭᐅᓪᓗᑎᒃ ᐅᑯᐊ:

a. ᐱᖁᑎᕋᓛᑦ: 50%−ᖏᑦ ᐱᖁᑏᑦ ᐊᑭᖓᓄᑦ (ᐃᓚᒋᔭᐅᓗᑎᒃ ᐅᓯᔭᐅᔾᔪᑎᓄᑦ ᐊᑭᖏᑦ) ᑎᑭᐅᑎᓯᒪᔪᓂᒃ $500−ᓄᑦ ᐊᑕᐅᓯᕐᒧᑦ ᑐᒃᓯᕋᐅᒻᒧᑦ ᐊᒻᒪᓗ $1,000 ᐃᓪᓗᒥᐅᖃᑎᒌᓄᑦ ᐊᕐᕌᒍᒥ ᐊᑕᐅᓯᕐᒥ ᐊᖑᓇᓲᑎᒃᓴᓂᒃ ᐱᖁᑎᕋᓛᓄᑦ/ᓱᓇᒃᑯᑖᓄᑦ (ᑕᑯᒋᐊᕐᓗᒋᑦ ᐱᖁᑎᕋᓛᓅᖓᔪᑦ ᑎᑎᕋᕐᓯᒪᔪᑦ ᐋᖅᑭᑦᑕᐅᓯᒪᓪᓗᑎᒃ ᑐᒃᓯᕋᐅᑎᓂ ᑕᑕᑎᕆᐊᓕᒻᒥ);

b. ᐊᑦᑕᓇᐃᕐᓯᒪᒍᑎᒃᓴᖅ ᐱᖁᑎ: 50%−ᖏᑦ ᐱᖁᑏᑦ ᐊᑭᖓᓄᑦ (ᐃᓚᒋᔭᐅᓗᑎᒃ ᐅᓯᔭᐅᔾᔪᑎᓄᑦ ᐊᑭᖏᑦ) ᑎᑭᐅᑎᓯᒪᔪᓂᒃ $500−ᓄᑦ ᐊᑕᐅᓯᕐᒧᑦ ᑐᒃᓯᕋᐅᒻᒧᑦ ᐊᒻᒪᓗ $1,000 ᐃᓪᓗᒥᐅᖃᑎᒌᓄᑦ ᐊᕐᕌᒍᒥ ᐊᑕᐅᓯᕐᒥ ᐊᖑᓇᓲᑎᒃᓴᓂᒃ ᐱᖁᑎᕋᓛᓄᑦ/ᓱᓇᒃᑯᑖᓄᑦ (ᑕᑯᒋᐊᕐᓗᒋᑦ ᐱᖁᑎᕋᓛᓅᖓᔪᑦ ᑎᑎᕋᕐᓯᒪᔪᑦ ᐋᖅᑭᑦᑕᐅᓯᒪᓪᓗᑎᒃ ᑐᒃᓯᕋᐅᑎᓂ ᑕᑕᑎᕆᐊᓕᒻᒥ);

c. ᐱᕐᕈᓗᓐᓂᕐᒧᑦ ᐃᑲᔫᑎ: 25% ᐃᓚᓐᖓᐅᑎᒋᐊᓖᑦ ᐲᖅᓯᒪᓕᖅᑎᓪᓗᒋᑦ ᑕᐅᕐᓯᖅᑕᐅᓂᖓᓄᑦ ᐊᑭᖓ, ᑎᑭᐅᑎᓯᒪᔪᓂᒃ ᐅᖓᑖᓅᓐᖏᑦᑐᖅ $2,000, ᐊᖏᔫᑎᓄᑦ ᐊᖑᓇᓲᑎᓄᑦ ᐱᖁᑎᓄᑦ ᔭᒐᐃᔭᐅᔪᓄᑦ ᐱᕐᕈᓗᐊᕿᓂᕐᒧᑦ ᐱᕐᕈᓗᓐᓂᒧᓪᓘᓐᓃᑦ ᓯᓚᒧᑦ ᓴᓇᔭᒃᓴᐅᒍᓐᓃᕐᓗᑎᒃ. ᐃᓚᓐᖓᐅᑎᒋᐊᓖᑦ ᐲᖅᓯᒪᓕᖅᑎᓪᓗᒋᑦ ᑕᐅᕐᓯᖅᑕᐅᒍᑎᖓᑕ ᐊᑭᖓ ᓇᓗᓇᐃᖅᑕᐅᓯᒪᔪᖅ ᓂᐅᕕᐊᖑᔫᑉ ᐊᑭᖓ (ᐃᓚᒋᔭᐅᓗᑎᒃ ᐅᓯᔭᐅᔾᔪᑎᖏᓐᓄᑦ ᐊᑭᖏᑦ) ᑕᐅᖅᓯᖅᑕᐅᒍᑕᐅᔪᒧᑦ ᐃᓚᓐᖓᕐᓗᓂ ᐊᑭᓕᖅᑕᐅᔾᔪᑎ ᓇᓪᓕᐅᒃᑯᒫᖓᒍᑦ ᐊᒻᒪᓗ ᒐᕙᒪᒃᑯᓐᓂᒃ ᐃᑲᔫᑎᓂᒃ ᑖᑦᓱᒧᖓᑦᓴᐃᓐᓇᖅ ᐱᖁᑎᒧᑦ.