ᐃᖅᑲᓇᐃᔭᖅᑐᓕᕆᔨᒃᑯᑦ ᐱᓕᕆᕝᕕᖓ
ᓄᓇᕗᑦ ᑐᙵᕕᒃ ᑎᒥᖓ
ᑲᖏᕐᖠᓂᖅ, ᓄᓇᕗᑦ
ᕿᓂᖅᑐᒍᑦ ᐊᔪᙱᓯᐊᖅᑐᒥᒃ ᑐᑭᒧᐊᒃᑎᑦᑎᔨᑦᓴᒥᒃ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ (HR) ᓄᓇᕗᑦ ᑐᙵᕕᒃ ᑎᒥᖓᓂ (ᑐᙵᕕᒃ) ᑐᑭᒧᐊᒍᑎᑦᓴᓕᐅᖃᑦᑕᓂᐊᖅᑐᒥᒃ ᑐᑭᒧᐊᒃᑎᑦᑎᒍᑎᑦᓴᓂᓪᓗ ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ ᓯᕗᓕᖅᑎᓄᑦ ᑐᙵᕕᒃᑯᓐᓂ. ᐱᓕᕆᖃᑎᖃᕐᓗᓂ ᑐᙵᕕᒃᑯᑦ ᐊᖓᔪᖅᑲᐅᑎᖏᓐᓂᒃ, ᓯᕗᓕᖃᑦᑕᓂᐊᖅᑐᑎᑦ ᐱᕙᓪᓕᐊᑎᑦᑎᓂᕐᒥᒃ ᑎᒥᐅᔪᒧᑦ ᐃᖅᑲᓇᐃᔭᖅᑐᓕᕆᓂᕐᒧᑦ ᑐᑭᒧᐊᒍᑎᑦᓴᓂᒃ ᐃᓚᓕᐅᔾᔨᖃᑦᑕᕐᓗᓂ ᐊᓯᔾᔨᑕᕐᓂᖏᓐᓂᒃ ᐊᑲᐅᓂᖅᐹᒃᑯᑦ ᑐᕌᖓᓗᐊᖅᑐᓂᒃ ᐃᓄᐃᑦ ᐱᓕᖕᒪᓴᐅᑎᖏᓐᓄᑦ ᐃᖅᑲᓇᐃᔮᖏᓐᓄᓪᓗ.
ᐃᖅᑲᓇᐃᔮᖅᑖᖅᑐᖅ ᓇᓗᓇᐃᒃᑯᑕᒻᒪᕆᑦᑖᖅᓯᒪᒋᐊᓕᒃ ᐃᖅᑲᓇᐃᔭᖅᑐᓕᕆᓂᕐᒧᑦ ᐅᕝᕙᓘᓐᓃᑦ; ᐃᓕᓐᓂᐊᕌᓂᑦᓯᓗᓂ ᐱᓕᕆᐊᑦᓴᓕᕆᓂᕐᒥᒃ ᐅᕝᕙᓘᓐᓃᑦ; ᐊᔪᕈᓐᓃᖅᓴᐅᑎᒃᑯᑦ ᐃᓕᓐᓂᐊᓂᕐᒥᒃ ᐃᖅᑲᓇᐃᔭᖅᑎᓕᕆᓂᕐᒧᑦ (ᑭᒃᑯᑐᐃᓐᓇᐃᑦ/ ᐃᖅᑲᓇᐃᔭᖅᑐᓕᕆᔨᒃᑯᓐᓂ ᐊᐅᓚᑦᓯᔨᐅᓂᖅ). ᐃᖅᑲᓇᐃᔮᖅᑖᖅᑐᖅ ᐱᖓᓱᓅᖓᔪᓂᒃ (3) ᐊᕐᕌᒍᓂᒃ ᐱᓕᕆᓯᒪᓗᓂ ᐊᖓᔪᖅᑳᖑᓂᕐᒥᒃ. ᐃᓕᓐᓂᐊᖅᓯᒪᓂᖓᓗ ᐱᓕᕆᓯᒪᓂᖓᓗ ᑕᒪᒃᑭᕐᓗᒋᒃ ᐃᓱᒪᑦᓴᖅᓯᐅᕈᑕᐅᒍᓐᓇᓂᐊᖅᑑᒃ.
ᐱᔪᒐᕆᔭᐅᓂᖅᓴᐅᓂᐊᖅᑐᑦ ᐃᓄᐃᑦ ᐊᑎᖃᖃᑕᐅᔪᑦ ᓄᓇᕗᑦ ᐊᖏᕈᑎᖏᓐᓂ
ᐱᒋᐊᕐᕕᖓ ᑮᓇᐅᔾᔭᒃᓴᐅᑎᐅᑉ $172,000.00 ᐊᕐᕌᒍ ᐊᑕᐅᓯᖅ (ᑮᓇᐅᔾᔭᓴᕐᓂᖅᓴᐅᒍᓐᓇᖅᑐᖅ ᐱᓇᓱᐊᖅᓯᒪᓂᖓᒍᑦ) ᐃᓚᖃᕐᓗᓂ ᐊᑕᖏᖅᑐᓂᒃ ᐃᑲᔫᑎᓂᒃ ᐃᓚᒋᔭᐅᓗᑎᒃ ᐃᖅᑲᓇᐃᔭᖅᑎᓄᑦ ᐃᑦᑐᖅᓯᐅᑎᑖᕈᑎᒃᓴᑦ, ᑲᑐᔾᔨᖃᑎᒌᑦ ᓇᓪᓕᐅᒃᑯᒫᖏᑦ ᐊᒻᒪᓗ ᕿᑲᕐᓂᕐᒧᑦ ᐃᑲᔫᑏᑦ.
ᑐᙵᕕᒃᑯᑦ ᐊᔾᔨᒌᙱᑦᑐᓂᒃ ᐃᓪᓗᒧᑦ ᐃᑲᔫᑎᑦᓴᓖᑦ ᐃᖅᑲᓇᐃᔭᖅᑎᓄᑦ ᐃᓚᒋᔭᐅᓪᓗᓂ ᓇᖕᒥᓂᖁᑎᑖᖅᐸᓪᓕᐊᓂᕐᒧᑦ ᐊᖏᕐᕋᒥᒃ ᑎᒍᓯᔾᔪᑎᒧᑦ ᐃᑲᔫᑎ ᐊᒻᒪᓗ ᐃᓪᓗᒧᑦ ᐃᑲᔪᖅᑕᐅᔾᔪᑎᑦ $35,865.00
ᐃᖅᑲᓇᐃᔮᖅ ᓇᓗᓇᐃᔭᖅᓯᒪᓂᖓᓂᒃ ᐱᔪᒪᔪᓐᓇᖅᑐᑎᑦ ᐅᕙᙵᑦ:
ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᕗᑦ ᑐᙵᕕᒃ ᑎᒥᖓ
ᖃᖏᕐᖠᓂᖅ, ᓄᓇᕗᑦ X0C-0G0
ᐅᖄᓚᐅᑖ: (867) 645-5408
ᓱᒃᑲᔪᒃᑰᕈᑖ: (867) 645-3872
ᒪᑐᕝᕕᑦᓴᖓ ᐅᓪᓗᖅ: ᔪᓚᐃ 31, 2026
ᐱᓂᐊᕐᓂᕋᐅᑎᕗᑦ: ᐃᓄᖕᓄᑦ ᐱᕚᓪᓕᕈᑎᒃᓴᐅᔪᑦ ᐃᓅᓯᒃᑯᑦ, ᐱᖅᑯᓯᑐᖃᒃᑯᑦ, ᐱᕙᓪᓕᐊᔪᓕᕆᓂᒃᑯᑦ ᐊᖏᖃᑎᒌᒍᑎ ᐊᑐᕐᓗᒍ
LOCATION: ᑲᖏᕐᖠᓂᖅ, ᓄᓇᕗᑦ
CLOSING DATE: July 31, 2026
