ᓄᓇᕗᑦ ᑐᙵᕕᒃᑯᑦ ᖁᕕᐊᓱᓪᓗᑎᒃ ᐊᒥᖅᑳᕈᒪᒻᒪᑕ ᐃᓅᓕᓴᐅᑎᓄᑦ ᑐᑭᓯᒋᐊᕈᑎᒃᓴᑦ ᐅᖃᓕᒫᒐᕋᓛᓂᑦ, ᑐᓂᓯᔪᖅ ᐱᒻᒪᕆᐅᔪᓂᒃ ᖃᐅᔨᒪᔭᐅᔭᕆᐊᓕᓐᓂᒃ ᓱᕐᕋᓇᖅᑐᓂᒃ ᐊᑐᕐᓂᕐᒥᒃ, ᐱᓗᐊᖅᑐᒥᒃ ᓴᙱᔪᑦ ᐋᙵᔮᕐᓇᖅᑐᖅ ᐊᐳᑎᐅᓂᕋᖃᖅᑕᖅ ᑰᑲᐃᓐ, ᐊᒻᒪᓗ ᐊᑦᑐᐃᓂᕆᔭᖏᑦ ᑎᒥᑦᑎᓐᓄᑦ ᐃᓅᓯᑦᑎᓐᓄᓪᓗ.
ᓄᓇᕗᑦ ᑐᙵᕕᒃ ᑎᒥᖓ ᐱᓕᕆᖃᑎᖃᖅᑐᑦ ᑲᓇᑕᒥ ᐱᓕᕆᒡᕕᐅᔪᒥᒃ ᐋᙵᔮᕐᓇᖅᑐᓂᒃ ᐊᑐᕐᓂᕐᒥᒃ ᐊᒻᒪᓗ ᐊᔪᓕᕈᑎᖃᕐᓂᕐᒧᑦ ᑖᑦᓱᒥᖓ ᓴᓇᖃᑕᐅᓚᐅᕐᒪᑕ ᐃᑲᔫᑎᒃᓴᒥᒃ ᓴᖅᑭᔮᖅᑎᑕᐅᖁᓪᓗᒍ ᐅᔾᔨᕆᔭᖃᕐᓂᕐᒧᑦ, ᒥᑭᓪᓕᕚᓪᓕᖁᓪᓗᒍ ᐋᓐᓂᖅᓯᔪᓐᓇᕐᓂᖓᑦ, ᐊᒻᒪᓗ ᐃᑲᔪᖅᑐᐃᓪᓗᓂ ᑐᓴᐅᒪᑦᑎᐊᕈᑎᒃᓴᐃᑦ ᓂᕈᐊᒐᐅᔪᑦ ᐊᑯᕐᖓᓐᓂ ᓄᓇᖅᑲᑎᒌᖑᔪᓂᑦ. ᑲᔪᖏᖅᓴᐃᕗᒍᑦ ᑕᑯᒃᓴᐅᑎᑦᑎᓂᐊᕋᕕᑦ ᐊᒥᖅᑳᕐᓗᒋᓪᓘᓐᓃᑦ ᑖᒃᑯᐊ ᐅᖃᓕᒫᒐᕋᓛᖑᔪᓂᑦ ᐃᒡᕕᒃ ᐱᓕᕆᒡᕕᖓᓂ ᑲᑐᔾᔨᖃᑎᒌᖑᔪᓂ, ᓄᓇᖅᑲᑎᒃᓯᓐᓄᑦ ᐊᒻᒪᓗ ᓄᓇᓕᓐᓂ ᐱᓕᕆᕕᐅᔪᓂᑦ ᐊᑐᐃᓐᓇᐅᑦᑎᐊᖁᓪᓗᒋᑦ ᑭᒃᑯᓕᒫᓄᑦ.
ᐅᕝᕙᓗ ᐅᖄᓚᐅᑎᒃᑯᑦ 867-975-4955.
