ᑮᓇᐅᔭᓕᑕᐅᔪᓐᓇᓂᐊᖅᑐᑦ ᑮᓇᐅᔭᖅᑑᑎᒃᓴᑖᖅᑎᑕᐅᔪᓐᓇᖅᑯᖔ?
ᐃᑲᔫᑎᒃᓴᓂᒃ ᑎᒥᓐᖑᖅᑎᑕᐅᓯᒪᔪᖅ ᐅᑯᑎᒎᓇ:
- ᓄᖅᑲᖓᒍᑎᒃᓴᖃᓐᖏᑉᐸᑦ ᒪᓕᒐᖅᑎᒍᑦ
ᐊᐅᓚᑦᓯᒍᓐᓇᓂᕐᒥᒃ ᓄᓇᕗᒻᒥ; - ᑐᓂᓯᒪᑦᓯᐊᓂᕐᒧᑦ ᐊᖏᕈᑎᖃᕐᓂᕐᒥᒃ ᑎᑎᖅᑲᒥᒃ ᑐᓂᓯᓗᓂ (ᐅᕝᕙᓘᓐᓃᑦ ᑲᑐᔾᔨᖃᑎᒌᑦ ᐱᖁᔨᕗᖔᕈᑎᖓᓂᒃ) ᐊᑎᓕᐅᕐᑕᐅᓯᒪᓗᓂ ᑲᑎᒪᔨᒧᑦ ᐊᐅᓚᑦᓯᔨᒻᒪᕆᒻᒧᓘᓐᓃᑦ ᓇᓗᓇᐃᕐᓯᒪᒍᑎᒥᒃ ᑲᑐᔾᔨᖃᑎᒌᑦ ᐃᑲᔪᕐᓱᕐᓂᖏᓐᓂᒃ ᐊᖑᓇᓱᓐᓂᐅᒍᒪᔪᒥᒃ ᐊᒻᒪᓗ ᓇᓗᓇᐃᕐᓯᒍᑕᐅᓪᓗᑎᒃ ᑐᒃᓯᕋᖅᑐᖅ ᑐᑭᓯᑦᓯᐊᕐᓂᖓᓂᒃ ᐃᓘᓐᓈᓂᒃ ᐅᕝᕙᓘᓐᓃᑦ ᐃᓘᓐᓇᑲᓴᖓᓂᒃ ᐊᖑᓇᓱᓐᓂᐅᒍᒪᔪᒥᒃ ᑐᒃᓯᕋᕈᑕᐅᔪᒥᒃ (ᑎᑭᐅᑎᓯᒪᒋᐊᓕᒃ 50%-ᒧᑦ) ᐊᖑᓇᓱᒍᒪᔾᔪᑕᐅᔪᖅ ᐊᓐᓂᕐᓲᑎᑦ
ᒥᓇᕆᔭᐅᓂᐊᕐᓂᖏᓐᓂᒃ ᓄᓇᓕᓐᓄᑦ; - ᐊᖑᓇᓱᒍᓐᓇᓂᕐᒧᑦ ᐱᔪᓐᓇᐅᑎᑖᕈᓐᓇᕐᓗᓂ, ᓂᕕᖓᑖᒥᒃ ᐅᕝᕙᓘᓐᓃᑦ ᑰᑕᖃᕆᐊᖃᕐᐸᑕ ᑰᑕᒥᒃ, ᐱᔭᕆᐊᖃᕐᐸᑦ, ᐊᓐᓂᕐᓲᑕᐅᒍᒪᔪᒧᑦ ᐊᖑᓇᓱᑦᑕᐅᓂᐊᖅᑐᒧᑦ.
ᑮᓇᐅᔭᑎᒍᑦ ᐃᑲᔪᖅᑕᐅᔪᓐᓇᖅᑐᑦ ᑎᒥᓐᖑᖅᑎᑕᐅᓯᒪᓐᖏᑦᑐᑦ ᑲᑐᔾᔨᖃᑎᒌᑦᑐᑦ:
- ᑕᓪᓕᒪᓂᒃ (5) ᐃᓄᖃᕆᐊᓕᒃ (“ᐸᕐᓇᑎᑦ”) ᐃᒪᐃᒃᑑᔪᓂᒃ:
- ᐅᑭᐅᓕᓐᓂᒃ 16-ᓂᒃ ᐅᖓᑖᓂᓘᓐᓃᑦ;
- ᐊᑎᖃᖃᑕᐅᓗᓂ ᓄᓇᕗᑦ ᐊᖏᕈᑎᖏᓐᓂ; ᐊᒻᒪᓗ
- ᐃᓚᐅᓂᐊᕐᐸᑦ ᐊᖑᓇᓱᓐᓂᐅᒍᒪᔪᒧᑦ;
- ᑐᓂᓯᒪᑦᓯᐊᓂᕐᒧᑦ ᐊᖏᕈᑎᖃᕐᓂᕐᒥᒃ ᑎᑎᖅᑲᒥᒃ ᑐᓂᓯᓗᓂ (ᑕᑯᒋᐊᕐᓗᒍ ᐊᑐᖅᑕᐅᔪᓐᓇᖅᑐᖅ) ᐊᑎᓕᐅᕐᑕᐅᓯᒪᓗᓂ ᐊᐅᓚᑦᓯᓂᐊᖅᑐᓕᒫᓄᑦ (ᐃᓚᐅᓂᐊᖅᑐᑦ ᐊᑎᓕᐅᕆᐊᑐᓐᖏᑦᑐᑦ ᑎᑎᖅᑲᒥ) ᐊᒻᒪᓗ ᓇᓗᓇᐃᕐᓯᒍᑕᐅᓪᓗᑎᒃ ᑐᒃᓯᕋᖅᑐᖅ ᑐᑭᓯᑦᓯᐊᕐᓂᖓᓂᒃ ᐊᑕᖏᕐᓗᓂ ᐅᕝᕙᓘᓐᓃᑦ ᐃᓘᓐᓇᑲᓴᖓ ᐊᓐᓂᕐᓲᑕᐅᔪᖅ (ᑎᑭᐅᑎᓯᒪᒋᐊᓕᒃ 50%-ᒧᑦ) ᐊᖑᓇᓱᒍᒪᔾᔪᑕᐅᔪᖅ ᒥᓇᕆᔭᐅᓂᐊᕐᓂᖓᓂᒃ ᓄᓇᓕᓐᓄᑦ;
- ᐊᖑᓇᓱᒍᓐᓇᓂᕐᒧᑦ ᐱᔪᓐᓇᐅᑎᑖᕈᓐᓇᕐᓗᓂ, ᓂᕕᖓᑖᒥᒃ ᐅᕝᕙᓘᓐᓃᑦ ᑰᑕᖃᕆᐊᖃᕐᐸᑕ ᑰᑕᒥᒃ, ᐱᔭᕆᐊᖃᕐᐸᑦ, ᐊᓐᓂᕐᓲᑕᐅᒍᒪᔪᒧᑦ ᐊᖑᓇᓱᑦᑕᐅᓂᐊᖅᑐᒧᑦ.
