ᑐᑦᓯᕋᐅᓯᐅᕐᕕᑦᓴᐅᓕᕐᒥᔪᑦ – ᐃᓕᖅᑯᓯᕐᒧᑦ ᒪᒥᓴᕐᓂᒧᓪᓗ ᐃᑲᔫᑎᒃᓴᑦ

(ᓄᕕᐱᕆ 24, 2021, ᑲᖏᕐᖠᓂᖅ, ᓄᓇᕗᑦ) ᓄᓇᕗᑦ ᑐᙵᕕᒃ ᑎᒥᖓ  (ᑐᙵᕕᒃ) ᑐᑦᓯᕋᐅᓯᐅᕐᕕᑦᓴᐅᓕᕐᒥᔪᑦ ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ (NTF) ᐃᓕᖅᑯᓯᕐᒧᑦ ᒪᒥᓴᕐᓂᒧᓪᓗ ᐃᑲᔫᑎᒃᓴᓄᑦ. ᐃᓄᐃᑦ ᑐᑦᓯᕋᐅᓯᐅᕈᓐᓇᖅᑐᑦ ᐱᓕᕆᔾᔪᑎᒃᓴᓂᒃ ᑮᓇᐅᔭᓂᒃ ᐅᑯᓄᖓ 1) ᐱᓕᕆᔾᔪᑎᒃᓴᑦ ᐋᓐᓂᖅᑕᐅᓯᒪᔪᓂᒃ ᐊᒻᒪᓗ ᑭᖑᕚᖏᓐᓂᒃ ᐊᒃᑐᖅᑕᐅᓯᒪᔪᓂᒃ ᐃᓕᓐᓂᐊᕆᐊᖅᑎᑕᐅᖃᑦᑕᖅᓯᒪᓂᕐᒧᑦ 2) ᐱᖅᑯᓯᒃᑯᑦ ᓄᓇᓕᐊᕈᔾᔨᓯᒪᖃᑦᑕᕐᓂᕐᒧᑦ ᐱᓕᕆᔾᔪᑎᒃᓴᓂᒃ ᐅᕝᕙᓘᓐᓃᑦ 3) ᐃᓕᓴᐃᓂᖅ ᐃᓄᐃᑦ ᐊᑐᖅᓯᒪᔭᖏᓐᓂᒃ, ᐃᓕᖅᑯᓯᖓᓂᒃ, ᐅᖃᐅᓯᖏᓐᓂᓪᓗ ᐊᒻᒪᓗ ᐱᖅᑯᓯᖏᓐᓂᒃ.

ᑭᓇᑐᐃᓐᓇᖅ ᑲᑐᔾᔨᖃᑎᒌᓪᓘᓐᓃᑦ ᐃᓄᐃᑦ ᐊᑎᖃᖃᑕᐅᔪᑦ ᓄᓇᕗᑦ ᐊᖏᕈᑎᖏᓐᓂ, ᑮᓇᐅᔭᓕᐅᕋᓱᐊᖅᑎᐅᖏᑦᑐᑦ ᑲᑐᔾᔨᖃᑎᒌᑦ, ᐃᓕᓐᓂᐊᕐᕕᐅᕙᑦᑐᑦ, ᖃᓪᓗᓈᓂ ᐊᒻᒪᓗ ᑲᑎᕝᕕᐅᕙᑦᑐᓂ ᐱᖃᓐᓇᕇᓄᑦ ᐊᒻᒪᓗ ᐃᓕᓐᓂᐊᕆᐅᕐᓴᕐᕖᑦ ᐱᕈᖅᓴᔪᓄᑦ ᑐᒃᓯᕋᕈᓐᓇᖅᑐᑦ ᑎᑭᐅᑎᓯᒪᔪᓂᒃ ᐊᖏᓂᖅᐹᖃᕈᓐᓇᖅᑐᓂᒃ $25,000 ᑐᕌᖓᔪᓂᒃ ᑖᒃᑯᓄᖓ ᖁᓛᓂ ᑎᑎᕋᖅᓯᒪᔪᓄᑦ ᐱᓕᕆᐊᒃᓴᓄᑦ. ᓄᓇᕗᒻᒥ ᓄᓇᖃᕆᐊᑐᙱᑦᑐᖅ; ᑭᓯᐊᓂ ᐊᖏᖅᑕᐅᔪᑦ ᐱᓕᕆᐊᒃᓴᒧᑦ ᑐᕌᖓᓂᖃᕆᐊᓖᑦ ᒥᑦᓯᑎᓐᓅᖏᑦᑐᖅ 75% ᐃᓄᓐᓂᒃ ᐊᑎᖃᖃᑕᐅᔪᓂᒃ ᓄᓇᕗᑦ ᐊᖏᕈᑎᖏᓐᓂ.

ᑐᒃᓯᕋᐅᓯᐅᕐᕕᒃᓴᖅ ᒪᑐᐃᖓᓂᐊᖅᑐᖅ ᓄᕕᐱᕆ 24, 2021-ᒥᓂᒃ ᔭᓐᓄᐊᕆ 3, 2022-ᒧᓄᑦ ᐱᕕᒃᓴᖃᖁᓪᓗᒋᑦ ᑐᒃᓯᕋᐅᓯᐅᕈᓐᓇᖅᑐᑦ ᐋᖅᑭᑦᓱᐃᓗᑎᒃ ᐸᕐᓇᓪᓗᑎᓪᓗ ᐱᓕᕆᐊᒃᓴᓂᒃ ᐊᐅᓚᓂᖃᕐᓂᐊᖅᑐᓂᒃ ᔭᓐᓄᐊᕆᒥᓂᒃ ᐄᐳᕈᒧᓄᑦ 2022.

ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ ᐃᓕᖅᑯᓯᕐᒧᑦ ᒪᒥᓴᕐᓂᒧᓪᓗ ᐃᑲᔫᑎᒃᓴᓂᖅ ᑮᓇᐅᔭᓕᑕᐅᓯᒪᔪᖅ ᐊᒥᐊᒃᑯᖏᓐᓂᒃ ᑮᓇᐅᔭᓕᑕᐅᒍᑕᐅᓚᐅᖅᑐᓂᒃ ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᖅᑐᓄᑦ ᐸᐸᑦᑕᐅᔪᓂᒃ ᑮᓇᐅᔭᓂᒃ ᑐᙵᕕᒃᑯᓐᓅᖅᑕᐅᓚᐅᖅᑐᓂᒃ ᑭᒡᒐᑐᖅᑕᐅᓪᓗᑎᒃ ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᖅᓯᒪᔪᑦ.

ᑐᑭᓯᒋᐊᒃᑲᓂᕐᕕᑦᓴᖅ, ᐊᑐᐊᒐᕐᓂᒃ, ᐱᓕᕆᐊᖑᖃᑦᑕᓂᐊᕐᓂᖏᓐᓄᑦ ᐋᖅᑭᑦᓯᒪᔭᐅᔪᓂᒃ ᐊᒻᒪᓗ ᑐᒃᓯᕋᐅᑎᓂᒃ ᑕᑕᑎᕋᑦᓴᓂᒃ ᐱᔭᑦᓴᐃᑦ ᐅᕙᙵᑦ: Culture and Healing Program

ᑐᑭᓯᒋᐊᒃᑲᓂᕐᕕᒃᓴᖅ:

-30-

ᓘᓯ ᒪᐃᓈᑦ

ᐱᓕᕆᐊᒃᓴᓕᕆᔨ, ᓄᓇᕗᑦ ᑐᙵᕕᒃ ᐃᑲᔫᑎᒃᓴᓕᕆᔨᒃᑯᑦ

ᐅᖄᓚᐅᑖ: (867) 645-5400/ᐊᑭᖃᙱᑦᑐᖅ: 1-888-236-5400

www.tunngavik.com

Download (PDF, 64KB)