ᑐᒃᓯᕋᐅᑏᑦ ᒪᑯᓄᖓ ᐱᔪᒪᔭᑦ ᑐᒃᓯᕋᐅᑎᑎᒍᑦ

ᑲᑎᑕᐅᓯᒪᔪᑦ ᐊᐅᓚᑦᑎᒡᐅᓕᕐᓄᑦ ᐱᔪᒪᔭᐅᔪᑦ ᐊᒻᒪᓗ ᐊᑐᓕᖁᔨᓂᑦ ᒪᑯᓄᖓ ᐃᓄᖕᓄᑦ ᖁᑦᑎᖕᓂᖅᓴᓄᑦ−ᐃᓕᓐᓂᐊᕐᓂᐅᔪᓄᑦ / Data Management Needs Assessment and Recommendations for Inuit Post-Secondary Education

ᑐᒃᓯᕋᐅᑏᑦ ᒪᑯᓄᖓ ᐱᔪᒪᔭᑦ ᑐᒃᓯᕋᐅᑎᑎᒍᑦ

ᑲᑎᑕᐅᓯᒪᔪᑦ ᐊᐅᓚᑦᑎᒡᐅᓕᕐᓄᑦ ᐱᔪᒪᔭᐅᔪᑦ ᐊᒻᒪᓗ ᐊᑐᓕᖁᔨᓂᑦ ᒪᑯᓄᖓ ᐃᓄᖕᓄᑦ ᖁᑦᑎᖕᓂᖅᓴᓄᑦ−ᐃᓕᓐᓂᐊᕐᓂᐅᔪᓄᑦ

ᓱᓇᐅᓂᖏᑦ ᐱᒋᐊᕐᓂᖏᓐᓂᒃ

ᓄᓇᕗᑦ ᑐᙵᕕᒃ ᑎᒥᖓᑦ ᑐᒃᓯᕋᖅᑐᑦ ᑐᑭᓯᕋᐅᑎᑎᒍᑦ ᐅᑯᓇᖓᑦ ᐊᔪᖏᑦᑎᐊᖅᑐᓂᒃ ᐊᑭᐊᓂ ᐱᓕᕆᔪᑦ ᐱᓇᓱᐊᖅᑐᓂᒃ ᐱᓕᕆᓗᑎᒃ ᐱᔪᒪᔭᐅᔪᑦ ᖃᐅᔨᓇᓱᖕᓂᕐᒥᑦ ᐊᒻᒪᓗ ᑭᖑᓂᐊᒍᒃ ᐊᑐᓕᖁᔨᔾᔪᑎᑦ ᐱᖁᔭᐅᔪᑦ ᐊᒻᒪᓗ ᐊᖏᓂᐊ ᐅᑯᐊ ᐱᓕᕆᐊᖑᔪᑦ ᑐᒃᓯᕋᕐᓂᕐᒥᑦ ᑐᒃᓯᕋᐅᑎᒃᑯᑦ ᐃᑲᔪᖅᑐᐃᓂᕐᒥᑦ ᓂᐅᕕᖃᑦᑕᕐᓂᕐᒧᑦ ᐃᓕᓯᕝᕕᖏᓐᓄᑦ ᐊᐅᓚᑎᔾᔪᑎᑦ ᖃᕆᑕᐅᔭᑎᒍᑦ ᐃᓕᖓᔪᓂᒃ. ᐅᑯᐊ ᐃᓕᓯᕝᕕᓄᑦ ᐊᐅᓚᑦᑎᔾᔪᑎᑦ ᖃᕆᑕᐅᔭᑎᒍᑦ ᐃᑲᔪᖅᑐᕈᑎᐅᓂᐊᖅᑐᑦ ᑲᑎᑕᐅᓯᒪᔪᓄᑦ ᑲᑎᑦᑎᓂᕐᒥᑦ ᐊᒻᒪᓗ ᐊᐅᓚᑦᑎᔾᔪᑎᓄᑦ ᐃᒪᓐᓇ ᓇᐅᑦᑎᖅᑐᕈᑎᐅᓗᑎᒃ ᐊᒻᒪᓗ ᖃᐅᔨᓴᖅᑕᐅᖃᑦᑕᕐᓗᑎᒃ ᐊᑐᓕᖅᑎᑦᑎᓪᓕᐊᓂᕐᒧᑦ ᐅᑯᓂᖓ ᑲᓇᑕᓕᒫᒥ ᐃᓄᐃᑦ ᐃᓕᓐᓂᐊᕐᓂᕆᕙᒃᑕᖏᓐᓄᑦ−ᖁᑦᑎᖕᓂᖅᓴᓄᑦ ᐅᐸᓗᖓᐃᔭᐅᑎᑎᒍᑦ.
ᐱᓕᕆᐊᖅ ᐊᐱᖅᓱᕐᓂᒃᑯᑦ ᐊᔭᐅᕈᑎᐅᓂᐊᖅᑐᑦ ᐱᔪᒪᓂᒃᑯᑦ ᒪᓕᒃᓗᒋᑦ ᑐᑭᓕᐅᖅᑕᐅᔪᒪᔪᓄᑦ ᐅᑯᓇᖓ ᐱᓕᕆᕕᐊᓐᓂᒃ ᐃᓄᓕᕆᔨᒃᑯᑦ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓂ ᐊᒻᒪᓗ ᐱᖅᑯᓯᓕᕆᕕᒃᑯᑦ ᐱᓕᕆᕕᐊᓐᓂ ᓄᓇᕗᑦ ᑐᙵᕕᒃ ᑎᒥᖓᑦᑕ ᐱᖅᑯᓯᓕᕆᕕᐊᓐᓂ.

A. ᑐᑭᓯᒍᑎᒃᑕᑦ ᐊᑭᐊᒥ ᐱᓂᕆᔪᓄᑦ

1. ᑐᒃᓯᕋᐅᑏᑦ ᐱᔭᕆᐊᖃᕐᓂᐊᖅᑕᖏᑦ ᐅᑯᐊ ᓄᓇᕗᑦ ᑐᙵᕕᒃ ᑎᒥᖓᑦᑕ ᖃᕆᑕᐅᔭᑎᒍᑦ ᑎᑭᑎᑕᐅᓗᑎᒃ 5−ᒨᐸᑦ ᑭᖑᕙᖏᓪᓗᒍ ᑲᓇᖕᓇᐅᑉ ᖃᐅᔨᓴᐅᑎᐊ ᒪᓕᒃᓗᒍ ᐊᒃᑑᑉᐱᕆ 29, 2021 ᐊᑖᓂ ᑐᕌᕈᑎᑦ ᐊᑐᕐᓗᒋᑦ:

Nunavut Tunngavik Inc.
Attention: Papatsi Kotierk
Education and Language Policy Analyst
Tel: (867) 975-7586

ᒪᓕᒃᓗᒋᑦ ᐅᑯᐊ ᐋᖅᑭᐅᒪᑎᑕᐅᔪᑦ:

• ᖃᕆᑕᐅᔭᑎᒍᑦ ᑐᒃᓯᕋᐅᑎᑦ ᐱᓯᒪᔭᐅᔭᕆᐊᖃᕐᓂᐊᖅᑐᑦ ᑭᖑᕙᖏᓪᓗᑎᒃ ᐅᕝᕙᓗ ᓯᕗᓂᐊᓂ ᐅᒃᑯᐊᕐᕕᒃᓴᐅᑉ ᐅᑉᓗᖓᑕ ᑕᐃᑲᓂ ᖃᕆᑕᐅᔭᑎᒍᑦ ᑐᖁᑎᒃᑯᑦ ᐊᑐᕐᓗᑎᒃ ᐅᑯᓇᓂ RFP, ᐃᓚᓕᐅᑎᓗᒋᑦ ᐅᖃᐅᓯᐅᔪᑦ ᐃᓂᒃᓴᖅ: ᓄᐊᑕᐅᓱᓯᒪᔪᑦ ᐊᐅᑦᓚᑎᓂᕐᒧᑦ ᐱᔪᒪᔭᐅᔪᓄᓪᓗ ᖃᐅᔨᓇᓱᐊᕐᓂᑦ ᐅᑯᓄᐊ ᐃᓄᖕᓄᑦ−ᖁᑦᑎᖕᓂᖅᓴᓄᑦ ᐃᓕᓐᓂᐊᕐᓂᖅ.

• ᓇᓗᓇᐃᑦᑎᐊᕐᓗᒋᑦ ᐅᑯᐊ ᑐᒃᓯᕋᐅᑎᑦ ᐱᔭᐅᔪᑦ ᓯᕗᓂᐊᓂ ᐅᒃᑯᐊᕐᕕᒃᓴᖓᑕ ᐅᑉᓗᐊ, ᐊᑐᓕᖁᔨᕗᑦ ᐊᐅᓪᓚᖅᑎᑕᐅᓗᑎᒃ ᖃᕆᑕᐅᔭᑎᒍᑦ ᐊᒻᒪᓗ ᓯᕗᓂᐊᓂ ᐅᒃᑯᐊᕐᕕᒃᓴᖓᑕ ᐅᑉᓗᐊᑕ, ᐊᒻᒪᓗ ᐊᑭᐊᓂ ᐱᓕᕆᔪᑦ ᓇᓗᓇᐃᕐᓗᑎᒃ ᐱᓚᐅᕐᓂᖏᐃᓐᓂᑦ ᐃᒪᓐᓇ ᐅᑎᑦᑎᓗᑎᒃ ᖃᕆᑕᐅᔭᑎᒍᑦ ᑭᐅᓂᕐᒥᑦ ᐅᕝᕙᓗ ᐅᖃᓘᑎᒃᑯᑦ ᖃᐅᔨᒋᐊᕐᓗᑎᒃ.

3. ᓄᓇᕗᑦ ᑐᙵᕕᒃ ᑎᒥᖓ ᐊᖏᖅᓯᓂᐊᖏᑦᑐᑦ ᐊᑭᓕᒃᓴᓂᒃ ᐅᑎᖅᑎᑦᑎᖁᔭᐅᒍᑎᒃ ᓇᓕᐊᓐᓂᑐᐃᓐᓇᖅ, ᐱᔪᒪᓪᓚᕆᒃᑐᑦ ᐅᕝᕙᓗ ᐊᓯᖏᑦ ᐱᔪᒪᔾᔪᑎᐅᔪᑦ ᓱᓇᑐᐃᓐᓇᒧᑦ ᓇᓪᓕᐊᑐᐃᓐᓇᒥᒃᓗ ᐱᔾᔪᑎᓕᒃ ᐊᐅᓪᓚᖅᑎᑦᑎᔭᕆᐊᖃᖅᑐᑦ ᖃᕆᑕᐅᑎᒍᑦ ᑭᓱᑐᐃᓐᓇᐃᑦ ᐊᔪᕐᓂᖅᐸᑕ ᓄᖅᑲᑎᑕᐅᓯᒪᔪᖃᖅᐸᓪᓘᓐᓃᑦ, ᐱᐅᖏᓐᓂᑦᐸᑕ ᐃᓗᐃᑦᑐᒥᑦ, ᐱᔭᐅᔪᑦ ᑭᖑᓂᐊᒍᑦ ᐅᒃᑯᐊᕐᕕᒃᓴᖅ ᖄᖏᖅᑎᓪᓗᒍ ᐊᒻᒪᓗ ᐅᑉᓗᐊ, ᐅᕝᕙᓗ ᓇᓪᓕᐊᓐᓄᑐᐃᓐᓇᖅ ᐊᓯᖏᓐᓂᒃ ᐱᔾᔪᑎᖃᖅᑐᖃᕐᓂᖅᐸᑦ.

4. ᓄᓇᕗᑦ ᑐᙵᕕᒃ ᑎᒥᖓᑦ ᐃᓱᒪᓂᐊᖏᑦᑐᑦ ᓇᓪᓕᐊᓐᓂᑐᓱᐃᓐᓇᖅ ᑐᒃᓯᕋᐅᑎᒥᑦ ᐃᒪᓐᓇᐃᓕᖓᓕᖅᑐᓂᒃ:

• ᑎᑭᑎᑕᐅᔪᖃᖅᐸᑦ ᐅᒃᑯᐊᖅᕕᒃᓴᑦ ᑭᖑᓂᐊᓂ ᐅᕝᕙᓗ ᐃᑲᕐᕋᖓᑕ.

• ᑎᑭᑎᑕᐅᒃᐸᑦ ᓇᓕᐊᓐᓄᑐᐃᓐᓇᑦ ᑐᕌᕈᑎᒧᑦ ᐊᓯᐊᓄᑦ ᖁᓛᓂ ᐊᑐᐃᓐᓇᐅᒐᓗᐊᖅᑎᓪᓗᒋᑦ ᑐᕌᕈᑎᑦ.

ᑭᖑᓂᐊᒍᑦ ᐅᒃᑯᐊᕐᕕᒃᓴᖅ ᒪᑐᔭᐅᑎᓪᓗᒍ, ᑭᓯᐊᓂᓗ ᓇᓗᓇᐃᕐᓗᑎᒃ ᐊᒻᒪᓗ ᑐᖁᑎᐊ ᐊᑭᐊᓂ ᐱᓕᕆᔪᒪᔪᑦ ᓴᖅᑭᑎᑕᐅᓂᐊᖅᑐᑦ ᑕᑯᔭᐅᓗᑎᒃᓗ ᑭᒃᑯᓕᒫᓄᑦ.

. ᐊᐱᖅᑯᑎᑦ ᐱᔭᐅᓂᐊᖅᑐᑦ ᑭᓯᐊᓂ ᐅᑉᓗᐊᓂ ᐊᒃᑑᑉᐱᕆ 15, 2021. ᑕᓪᓕᒪᓄᐊᖅᐸᑦ ᐅᓐᓄᒃᓴᒃᑯᑦ ᑲᓇᖕᓇᐅᑦ ᖃᐅᔨᓴᐅᑎᐊ ᒪᓕᒃᓗᒍ

6. ᓄᓇᕗᑦ ᑐᙵᕕᒃ ᑎᒥᖓ RFP: ᑳᓐᑐᕌᒃᑯᑦ ᐱᓇᓱᐊᖅᑕᐅᖏᑦᑐᖅ ᐅᕝᕙᓗ ᐱᔪᒪᔭᐅᑐᐃᓐᓇᕐᓗᓂᓗ ᐱᖏᑦᑐᖅ. ᓄᓇᕗᑦ ᑐᙵᕕᒃ ᑎᒥᖓ ᕿᓚᒃᓯᒪᖏᑦᑐᖅ ᐊᖏᖅᓯᓂᕐᒥᑦ ᓇᓪᓕᐊᓐᓂᑐᐃᓐᓇᖅ ᑐᒃᓯᕋᐅᑎᓂᒃ ᐅᕝᕙᓗ ᐅᑯᐊ ᑐᒃᓯᕋᐅᑎᑦ ᑐᓂᓯᔪᑦ ᐊᒃᑎᒃᓂᖅᐹᒥ ᐊᑭᒃᓴᒥᑦ ᐅᕝᕙᓗ ᐊᑭᐊᓂᒃ.

7. ᓄᓇᕗᑦ ᑐᙵᕕᒃ ᑎᒥᖓ ᐱᔪᓐᓇᐅᑎᓕᒃ ᓄᖅᑲᖅᑎᑦᑎᔪᓐᓇᕐᓂᕐᒥᑦ ᐅᑯᓂᖓ RFP ᖃᖓᑐᐃᓐᓇᖅ ᐊᒻᒪᓗ ᓴᖅᑭᑎᑦᑎᒃᑲᓐᓂᕈᓐᓇᖅᖢᓂ ᓇᓪᓕᐊᓐᓄᑐᐃᓐᓇᖅ ᐱᔾᔪᑎᖃᕐᓗᓂ ᖃᖓᑐᐃᓐᓇᖅᑐᑎᐊᖅ, ᐃᒪᓐᓇᓗ ᓴᖅᑭᑎᑦᑎᖏᑐᐊᖅᐸᑦ ᓇᓪᓕᐊᓐᓂᑐᐃᓐᓇᖅ ᐊᑭᓕᒃᓴᓂᒃ ᐊᒻᒪᓗ ᐊᑭᐊᓂ ᐱᓕᕆᔪᒪᔪᖅ ᐃᒪᓐᓇᐃᓐᓂᐊᖏᑦᑐᖅ ᐱᓇᓱᐊᕐᓂᕐᒥᑦ ᐊᑭᕋᖅᑐᕐᓗᒍ ᓄᓇᕗᑦ ᑐᙵᕕᒃ ᑎᒥᖓ ᖃᓄᐃᓕᐅᕈᑎᐅᓗᑎᒃ ᖃᓄᑐᐃᓐᓇᖅ ᓴᖅᑭᑦᑐᒃᑯᑦ.

8. ᑳᓐᑐᖅ ᑐᓂᕐᕈᑕᐅᒃᐸᑦ ᐱᓪᓗᒋᑦ ᓴᖅᑭᑦᑐᑦ ᐅᑯᑎᒎᓇᖅ RFP, ᐃᒪᓐᓇᐃᓐᓂᐊᖅᑐᑦ ᑐᓂᓯᓗᑎᒃ ᐊᑭᐊᓂ ᐱᓕᕆᔪᒪᔪᒧᑦ ᑕᐃᓐᓇ ᑭᐅᖃᑦᑕᕐᓂᑦᐹᖑᓯᒪᔪᒧᑦ ᑐᓂᓯᓪᓗᓂ ᐱᐅᓂᖅᐹᓂᒃ ᐊᑭᖃᑦᑎᐊᖅᑐᒃᑯᑦ ᑕᑯᔭᐅᔪᒪᔪᓂ ᐅᑯᓄᖓ ᓄᓇᕗᑦ ᑐᖓᕕᒃ ᑎᒥᖓᓐᓄᑦ. ᐊᑭᐊᓂ ᐱᓕᕆᔪᒪᔪᖅ ᑕᐃᓐᓇ “ᑭᐅᑦᑎᐊᖑᓂᖅᐹᖑᕙᒃᑐᖅ” ᑖᓐᓇᐅᕗᖅ ᐱᐅᓂᖅᐹᓂᒃ ᑎᑭᐅᑎᑦᑎᔪᖅ ᒪᓕᖁᔭᐅᔪᓂᒃ ᓇᓗᓇᐃᖅᓯᒪᓪᓗᓂᓗ ᐅᑯᓂᖓ RFP ᐊᒻᒪᓗ ᐱᓯᒪᓪᓗᓂ ᐱᔪᓐᓇᕐᓂᕐᒥᑦ ᐱᓕᕆᓂᕐᒥᑦ ᐃᓗᐃᑦᑐᒥᑦ ᒪᓕᖁᔭᑦ ᐱᓪᓗᒋᑦ ᐅᑯᓇᓂ RFP.

9. ᐅᑯᐊ ᐋᔩᖃᑎᒌᖑᑎᑦ ᐊᒻᒪᓗ ᑲᔪᓯᑎᑦᑎᓂᐅᔪᑦ ᐊᐅᓚᔾᔭᐃᓂᒃᑯᑦ ᑎᑎᕋᖅᓯᒪᔪᑦ ᐊᖏᕈᑎᑎᒍᑦ ᐃᒪᓐᓇᐃᓗᓂᓗ ᑐᙵᕕᐊ ᐋᖅᑭᒃᓯᒍᑕᐅᓪᓗᑎᒃ ᐅᑯᓄᖓ ᑳᓐᑐᕌᓄᑦ. ᓇᓪᓕᐊᑐᐃᓐᓇᖅ ᐊᑭᐊᓂ ᐱᓕᕆᔪᒪᔪᖅ ᐃᒪᓐᓇᐃᓐᓂᐊᖏᓚᖅ ᖃᐅᔨᓇᓱᒃᓗᓂ ᓇᓪᓕᐊᒃᑯᑐᐃᓐᓇᖅ ᒪᓕᒐᑎᒍᑦ ᐅᕝᕙᓗ ᐱᔪᓐᓇᐅᑎᖏᑦᑎᒍᑦ ᓇᓪᓕᐊᓐᓂᑐᐃᓐᓇᖅ ᐅᕝᕙᓗ ᐱᔪᓐᓇᐅᑎᑎᒃ ᐊᑐᕐᕋᓱᒃᓗᒋᑦ ᖃᓄᑐᐃᓐᓇᖅ ᒪᓕᒃᖢᒋᑦ ᐅᑯᐊ RFP ᑭᓯᐊᓂ ᑳᓐᑐᕌᖅ ᐊᑎᓕᐅᖃᖅᑕᐅᒃᐸᑦ.

10. ᐅᓇ ᑳᓐᑐᕌᖅ ᐃᓗᓕᖃᕐᓂᐊᖅᑐᖅ ᐊᑐᖅᑕᐅᒐᔪᒃᑐᑦ ᐊᑐᕐᓗᒋᑦ ᓇᓗᓇᖏᑦᑐᑦ ᐃᓕᖓᓂᖏᑦ ᐅᑯᓇᖓᑦ RFP, ᐅᑯᓇᖓᑦ ᓈᒻᒪᒋᔭᐅᓗᑎᒃ ᑐᒃᓯᕋᐅᑎᒃᑯᑦ, ᐊᒻᒪᓗᓱᓕ ᐊᓯᖏᑦ ᐃᓕᖓᔪᑦ ᒪᓕᒃᑕᐅᔪᒃᓴᑦ ᑕᒪᐃᓐᓄᑦ ᐊᑯᓐᓂᖏᓐᓂ ᐊᖏᕈᑎᑕᐅᓯᒪᓗᑎᒃ, ᓴᖅᑭᑦᑐᖃᕐᓂᖅᐹᓪᓘᓐᓃᑦ ᐅᑯᓇᖓ ᓈᒻᒪᒋᔭᐅᓯᒪᔪᓂᒃ ᑐᒃᓯᕋᐅᑎᓂᒃ ᐅᕝᕙᓗ ᓴᖅᑭᓯᒪᔪᓂᒃ ᓇᓪᓕᐊᓐᓂᑐᐃᓐᓇ ᐋᔩᖃᑎᒌᒍᑕᐅᓯᒪᔪᑎᒍᑦ. lᓄᓇᕗᑦ ᑐᙵᕕᒃ ᑎᒥᖓᑦ ᐊᔪᖏᑦᑐᑦ ᐱᔪᓐᓇᐅᑎᖓᒍᑦ ᐋᔩᖃᑎᒌᒍᑎᒋᓗᒋᑦ ᐊᖅᑭᒋᐊᖅᑕᐅᔪᑦ ᓇᓪᓕᐊᓐᓄᑐᐃᓐᓇᖅ ᐊᑭᐊᓂ ᐱᓕᕆᔪᒪᔪᒧᑦ ᑐᓂᓯᓯᒪᔪᖅ ᑐᒃᓯᕋᐅᑎᒃᑯᑦ.

11. ᐃᒪᓐᓇᐃᑐᖃᕐᓂᖅᐸᑦ ᓇᓪᓕᐊᑐᐃᓐᓇᑦ ᓇᓕᒧᑦᑎᐊᖏᑦᑐᔪᓂᒃ ᐊᑯᓐᓂᖏᓐᓂ ᐅᑯᐊ RFP ᐊᒻᒪᓗ ᑐᓂᓯᓂᖅ ᑳᓐᑐᕌᓂᒃ, ᑳᑐᕌᖅᑎ ᐃᒪᓐᓇᐃᓐᓂᐊᖅᑐᖅ ᐊᐅᓚᑦᑎᓗᓂ.

12. ᓇᓪᓕᐊᑐᐃᓐᓇᖅ ᐋᖅᑭᒋᐊᖅᑕᐅᔪᖅ ᐅᑯᓄᖓ ᓄᓇᕗᑦ ᑐᙵᕕᒃ ᑎᒥᖓᓐᓄᑦ ᐅᑯᓄᖓ ᐅᓇ RFP ᓴᖅᑭᑎᑕᐅᓂᐊᖅᑐᖅ ᑎᑎᕋᖅᓯᒪᔪᓂ ᑐᓂᔭᐅᓗᑎᒃ ᐊᒻᒪᓗ ᐊᐅᓪᓚᖅᑎᓪᓗᒋᑦ ᐅᑯᓄᖓ ᑕᒪᐃᓐᓇᓄᑦ ᐱᓯᒪᔪᓂᒃ ᐹᐃᑉᐹᓂᒃ.

13. ᓄᓇᕗᑦ ᑐᙵᕕᒃ ᑎᒥᖓ ᐸᓯᔭᒃᓴᐅᔾᔭᖏᑦᑐᖅ ᓇᓪᓕᐊᓐᓄᑐᐃᓐᓇᖅ ᐊᑭᓄᑦ ᐅᕝᕙᓗ ᐅᓂᒃᑲᐅᑕᐅᓯᒪᓂᐊᓄᑦ ᑐᒃᓯᕋᐅᑏᑦ.
ᒪᒃᐱᒐᕐᒃ 4 of 8

14. ᖃᐅᔨᓇᓱᐊᖅᑏᑦ ᑲᑎᒪᔨᕋᓛᑦ ᕿᒥᕐᕈᖃᑦᑕᕐᓗᑎᒃ ᐊᑐᓂᑦ ᑐᒃᓯᕋᐅᓯᐊᓂᒃ. ᓄᓇᕗᑦ ᑐᙵᕕᒃ ᑎᒥᖓ ᐃᓱᒪᖅᓲᑎᖃᖅᑐᑦ ᐃᓗᐃᑦᑐᒥᑦ ᐱᔪᓐᓇᐅᑎᒃᑯᑦ ᓇᓗᓇᐃᔭᐃᓂᐊᕐᓗᑎᒃ ᐱᐅᓂᖏᓐᓂᒃ ᑕᒪᐃᑕ ᑐᑭᓯᕋᐅᑏᑦ ᖃᐅᔨᓴᕐᓂᕐᒧᑦ ᐃᓕᖓᔪᑦ ᒪᓕᒃᓗᒋᑦ.

15. ᐱᓕᕆᔪᒪᔪᑦ ᐊᑭᐊᓂ ᐃᒪᓐᓇᐃᑐᐃᓐᓇᕆᐊᓕᑦ ᐊᖅᑭᒃᓯᒋᐊᕐᓂᕐᒥᑦ ᓇᖕᒥᓂᖅ ᑐᑭᓯᕋᐅᑎᖏᓐᓂᒃ ᑎᑭᐅᑎᓗᒍ ᐅᒃᑯᐊᕐᓂᕐᒧᑦ ᐅᑉᓗᐊ ᐊᒻᒪᓗ ᐃᖃᕐᕋᖓ ᐊᐅᓪᓚᑦᑎᓪᓗᒋᑦ ᖃᕆᑕᐅᔭᑎᒍᑦ. ᑐᑭᓯᕋᐅᑎ ᐃᒪᓐᓇᐃᑐᐃᓐᓇᕆᐊᓕᒃ ᐋᖅᑭᒋᐊᖅᑕᖑᖏᓪᓗᓂ ᑭᖑᓂᐊᒍᑦ ᐅᒃᑯᐊᖅᓯᓂᐅᑉ ᐅᑉᓗᐊᓂ ᐊᒻᒪᓗ ᐃᒪᓐᓇᐃᑐᐃᓐᓇᕆᐊᓕᒃ ᓴᑐᐃᓗᓂ ᐅᑯᐊ ᑐᒃᓯᕋᖅᑐᑦ ᐊᑭᐊᓂ ᐱᓕᕆᔪᒪᔪᑦ ᖃᖓᑐᐃᓐᓇᖅ ᓯᕗᓂᐊᓂ ᐊᖏᖅᑕᐅᓚᐅᖅᑎᓐᓇᒋᑦ.

16. ᓄᓇᕗᑦ ᑐᙵᕕᒃ ᑎᒥᖓᑦ ᐊᔭᐅᖅᑐᐃᔪᖅ ᐊᑐᕐᓂᕐᒥᑦ ᒪᑯᓂᖓ ᐊᑭᐅᓕᐅᑎᐅᕙᒃᑐᓂᒃ ᐱᔨᑦᑎᕋᕐᓂᒃᑯᑦ ᐊᑐᐃᓐᓇᐅᑎᑕᑦ ᐅᑯᓄᖓ ᐃᓄᐃᑦ ᑎᒥᖁᑎᖏᓐᓄᑦ, ᐱᓕᕆᓂᕐᒧᑦ ᐊᒻᒪᓗ ᐃᓕᓐᓂᐊᖅᑎᑦᑎᓂᕐᒥᑦ ᐃᓄᖕᓂᒃ, ᐊᒻᒪᓗ ᑐᓂᔭᐅᔪᒪᓂᖅᓴᐅᓗᑎᒃ ᐃᓱᒪᒃᓴᖅᓯᐅᕈᑎᒃᑯᑦ ᐅᑯᓄᖓ ᖁᓛᓂ ᓇᓪᓕᐊᓐᓄᑐᐃᓐᓇᖅ ᖃᐅᔨᓴᕐᓂᕐᒥᑦ ᑐᒃᓯᕋᐅᑎᓄᑦ.

17. ᓇᓗᓇᐃᖅᓯᒪᔪᑦ ᓱᓇᐅᓂᖏᑦ ᑭᒃᑰᓂᖏᑦ ᐅᑯᖓ ᐃᓄᐃᑦ ᑎᒥᖁᑎᖏᑦ ᐱᔭᐅᔪᓐᓇᖅᑐᑦ ᖃᕆᑕᐅᔭᑎᒍᑦ ᑕᑯᓐᓇᒃᕕᖏᓐᓂ: https://inuitfirm.tunngavik.com

18. ᑐᒃᓯᕋᐅᑏᑦ ᐊᒻᒪᓗ ᐃᓚᓕᐅᑎᓯᒪᔪᑦ ᐸᐃᑉᐹᓂ ᑐᓂᕐᕈᑕᐅᓯᒪᒧᑦ ᐅᑯᓄᖓ ᐊᑭᐊᓂ ᐱᓕᕆᔪᒪᔪᑦ ᑐᒃᓯᕋᖅᑎᑦ ᐱᖁᑎᒋᔭᐅᓕᖃᑦᑕᖅᑐᑦ ᐅᑯᓄᖓ ᓄᓇᕗᑦ ᑐᙵᕕᒃ ᑎᒥᖓᓐᓄᑦ ᐊᒻᒪᓗ ᐅᑎᖅᑎᑕᐅᔾᔮᖏᑦᑐᑦ. ᓂᕆᐅᒋᔭᖅ ᑕᐃᓐᓇ ᓵᓚᒃᓴᖅᑐᖅ ᑐᑭᒃᓯᕋᐅᑎᒃᑯᑦ ᐃᒪᓐᓇᐃᑐᐃᓐᓇᕆᐊᓕᑦ ᓇᓗᓇᐃᑦᑕᐅᓗᑎᓂ ᓄᕕᐱᕆ 12, 2021 ᑎᑭᐅᑎᓗ 5 ᐅᓐᓄᒃᓴᒃᑯᑦ. ᑲᓇᖕᓇᐅᑉ ᖃᐅᔨᓴᐅᑎᐊ ᒪᓕᒃᓗᒍ.

19. ᐊᑭᐊᓕ ᐱᓕᕆᔪᒪᔪᑦ ᑕᐃᒃᑯᐊ ᑐᓂᓯᓯᒪᔪᑦ ᑐᒃᓯᕋᐅᑎᒃᑯᑦ ᐊᒻᒪ ᐊᖏᖅᑕᐅᖏᓐᓂᖅᐸᑕ ᐱᑎᑕᐅᓇᔭᖅᑐᑦ ᑎᑎᕋᖅᓯᒪᔪᒃᑯᑦ ᖃᐅᔨᒃᑲᐅᑎᒥᑦ ᐃᒻᒪᖄ ᐅᑉᓗᐃᑦ ᖁᓕᑦ ᓈᑎᓪᓗᒋᑦ ᐱᓕᕆᓐᓇᐅᑎᓪᓗᒍ ᑕᐃᒃᑯᐊ ᓂᕈᐅᖅᑕᐅᓯᒪᔪᑦ.

B. ᐱᓕᕆᐊᒃᓴᖏᓐᓄᑦ ᓇᓗᓇᐃᔭᖅᓯᒪᔪᑦ

ᓄᓇᕗᑦ ᑐᙵᕕᒃ ᑎᒥᖓ ᓄᓇᑖᕈᑎᑎᒍᑦ ᑎᒥᐅᔪᖅ ᑭᒡᒐᖅᑐᐃᓪᓗᑎᒃ ᓄᓇᕗᒻᒥ ᐃᓄᖕᓄᒃ ᐃᓚᒋᓪᓗᒍ ᐃᓄᐃᑦ ᑕᐱᕇᑦ ᑲᓇᑕᒥ. ᐃᓄᐃᑦ ᑕᐱᕇᑦ ᑲᓇᑕᒥ ᐃᑲᔪᖅᑐᐃᕙᒃᑐᑦ ᐊᑕᐅᑦᑎᒃᑯᑦ ᐊᒻᒪᓗ ᐊᑐᓕᖅᑎᑦᑎᓂᕐᒥᑦ ᐅᑯᓂᖓ ᑲᓇᑕᓂᓕᒫᒥ IPSE ᐅᐸᓗᖓᐃᔭᐅᑎᑎᒍᑦ ᐃᓚᒋᓪᓗᒋᑦ ᐊᒻᒪᓗ ᐱᓕᕆᖃᑎᒋᓪᓗᒋᑦ ᐃᓚᒋᔭᐅᔪᑎᒍᑦ: ᐃᓄᕕᐊᓗᐃᑦ ᑯᐊᐱᕇᓴᓐ, ᒪᑭᕝᕕᒃ ᑯᐊᐱᕇᓴᓐ, ᐊᒻᒪᓗ ᓄᓇᑦᓯᐊᕗᑦ ᒐᕙᒪᒃᑯᖏᑦ.

ᐱᓗᐊᖅᑐᒥᑦ, ᓄᓇᕗᑦ ᑐᙵᕕᒃ ᑎᒥᖓ ᑕᖅᑭᑎᑦᑎᓯᒪᔪᑦ ᓄᓇᕗᒥ ᐅᑯᓂᖓ IPSE ᐃᓱᒪᓕᐅᕆᔨᑦ ᑲᑎᒪᔨᕋᖏᑦ ᑎᒥᐅᓪᓗᓂ ᐊᑕᐅᑦᑎᒃᑯᑦ ᐱᓕᕆᓂᒃᑯᑦ, ᐊᒥᖄᖃᑎᒌᒃᖢᑎᒃ, ᐃᓕᓐᓂᐊᖅᖢᑎᒃ ᐊᒻᒪᓗ ᐊᔪᕐᓇᖏᑦᑕᕌᖓ, ᐊᐅᑦᑎᒃᑯᓪᓗ ᐱᓕᕆᑎᑦᑎᓪᓗᑎᒃ ᐅᑯᓂᖓ IPSE ᑮᓇᐅᔭᖏᓐᓂᒃ ᓴᓂᕐᕙᖅᑕᐅᓯᒪᔪᑦ ᐊᑑᑎᒃᓴᖃᖅᖢᑎᒃ ᐅᑯᓄᖓ ᓄᓇᕗᑦ ᐅᑯᓇᖓᓪᓗ ᑲᓇᑕᓕᒫᒥ IPSE ᐅᐸᓗᖓᐃᔭᐅᑎᖏᓐᓂᒃ. ᐅᑯᐊ ᓄᓇᕗᑦ IPSE ᐃᓱᒪᓕᐅᕆᔨᑦ ᑲᑎᒪᔨᕋᓛᖏᑦ ᐃᓗᐊᖑᔪᑦ ᓄᓇᕗᑦ ᑐᓐᖓᑯᒃ ᑎᒥᖓᑦ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ, ᑲᑭᕙᒃ ᑲᑐᔾᔨᖃᑎᒌᑦ, ᑭᕙᓪᓕᖅ ᐃᓄᐃᑦ ᑲᑐᔾᔨᖃᑎᒌᑦ ᐊᒻᒪᓗ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᑦ.

ᐊᐅᓚᑦᑎᐊᓕᖅᑎᑕᐅᓗᑎᒃ ᑐᑭᓯᒍᑎᒃᓴᑦ ᐊᒥᖄᕈᑎᐅᔪᑦ, ᐅᓂᒃᑳᓕᐅᖃᑦᑕᕐᓗᑎᒃ, ᐊᒻᒪᓗ ᐱᓕᕆᐊᖑᔪᑦ ᖃᐅᔨᓇᒃᑕᐅᕙᒃᓗᑎᒃ ᕿᒥᕈᓂᒃᑯᑦ, ᐊᒥᖄᕈᑕᐅᓗᑎ ᓄᐊᑕᐅᓯᒪᔪᑦ ᐃᓗᓕᕆᔭᐅᔪᓪᓗ ᐊᐅᓚᑦᑎᓂᕐᒧᑦ ᐃᓕᖓᔪᓂ ᐊᑯᓐᓂᖏᓐᓂᒃ ᓄᓇᕗᑦ ᑐᙵᕕᒃ ᑎᒥᖓᑦᑕ ᐊᒻᒪᓗ ᐱᖓᓱᐃᑦ ᐃᓄᐃᑦ ᑲᑐᔾᔨᖃᑎᒌᑦ ᑲᔪᓯᑎᑦᑎᔪᑦ ᑎᒥᐅᔪᑦ ᓇᓗᓇᐃᖅᑕᐅᓚᐅᖅᑐᑦ ᓯᕗᓪᓕᐅᑎᑕᐅᓂᐊᖅᑐᓪᓗ ᐱᔪᒪᔭᐅᔪᑦ ᐅᑭᐅᖑᓂᐊᖅᑐᒥᑦ.

ᐅᓇ ᐊᖏᓂᐊᑕ ᑕᐅᑦᑐᐊ ᐱᓕᕆᐊᖑᔪᑦ ᒪᑯᐊᖑᕗᑦ ᒪᕐᕉᒃ ᐊᖏᓂᖅᐹᒃ ᐱᓕᕆᐊᖑᔪᑦ, ᓄᐊᑕᐅᓯᒪᔪᑦ ᐊᐅᓚᑦᑎᓂᕐᒧᑦ ᐱᔪᒪᔭᐅᔪᑦ ᖃᐅᔨᓇᑕᐅᓗᑎᒃ ᐊᒻᒪᓗ ᐊᑐᓕᖁᔨᔾᔪᑎᑎᒍᑦ ᐅᑯᓂᖓ RFP ᒪᓕᖁᔭᐅᔪᑦ ᐱᑕᖃᕐᓗᑎᒃ ᒪᑯᓄᖓ ᓴᖅᑭᑦᑎᕙᓪᓕᐊᓂᕐᒥᑦ ᓄᐊᑕᐅᓯᒪᔪᓂᒃ ᐊᐅᓚᑦᑎᓂᕐᒧᑦ ᐃᓗᓕᖏᓐᓂᒃ ᖃᕆᑕᐅᔭᑎᒍᑦ ᐊᑐᖅᑕᐅᓗᑎᒃᓗ ᐅᑯᓄᖓ ᓄᓇᕗᒥ IPSE ᐃᓱᒪᓕᐅᕆᓂᕐᒧᑦ ᑲᑎᒪᔨᕋᓛᑦ.

ᑲᑎᑕᐅᓯᒪᔪᑦ ᐃᓗᓕᖏᑦ ᐊᐅᓚᑦᑎᓂᕐᒧᑦ ᐱᔪᒪᔭᐅᔪᑦ ᖃᐅᔨᓴᐃᓗᑎᒃ

ᐊᕕᒃᑐᖅᓯᒪᔪᓂ ᓄᓇᕗᒥ ᑲᔪᓯᑎᑦᑎᓂᕐᒧᑦ ᑲᒪᔨ ᐃᒪᓐᓇᐃᑐᐃᓐᓇᕆᐊᓕᒃ ᐱᑕᖃᖅᑎᑦᑎᓗᓂ ᐊᔾᔨᐅᖏᑦᑐᒥᑦ ᐱᔭᕐᓂᖏᑦᑐᑦ ᐊᒻᒪᓗ ᐱᓕᕆᐊᖑᔪᑦ ᓇᓗᓇᐃᖅᓯᒪᑦᑎᐊᕐᓗᑎᒃ, ᐊᒪᓗᓱᓕ ᐊᔪᕐᓇᕋᔭᖏᒻᒥᔪᖃᐃ ᐊᓯᖏᑦ ᓯᕗᓪᓕᐅᑎᑕᐅᔪᑦ ᐊᒻᒪ ᐱᓕᕆᐊᖑᔪᑦ ᑲᑎᑕᐅᓗᑎᒃ ᓄᑖᒧᑦ ᐊᒥᖄᕐᕕᐅᖃᑦᑕᕐᓂᐊᖅᑐᒥ ᑲᑎᑕᐅᓯᒪᒧᑦ ᐊᐅᓚᑦᑎᓂᕐᒧᑦ ᐃᓕᖓᔪᓂ. ᐱᑕᖃᕆᐊᖃᖅᑐᑦ ᖃᐅᔨᓴᕐᓂᕐᒧᑦ ᕿᓂᕐᓂᐊᖅᑐᑦ ᑐᑭᓯᐊᓂᒃᑯᑦ, ᐊᒻᒪᓗ ᐃᓱᐊᓄᑦ ᐱᓗᑎᒃ:

• ᖃᓄᖅ ᑲᔪᓯᑎᑦᑎᔨᑦ ᐱᓕᕆᔨᑦ ᒫᓐᓇ ᑲᑎᑦᑎᓂᖏᑦ, ᖃᐅᔨᓴᕐᓂᖏᑦ, ᐊᒻᒪᓗ ᑐᖅᑯᐃᕙᖕᓂᖏᑦ ᐅᑉᓗᒥᒧᑦ ᑐᑭᓯᒍᑎᒃᓴᓂᒃ;

• ᑕᐃᓱᒪᓂᑕ ᓄᐊᑕᐅᓂᒃᑯᑦ ᐱᔪᒪᔭᐅᔪᑦ ᐃᓕᖓᓂᐊᖅᑐᑦ ᐊᒥᖄᕐᕕᐅᕙᒃᑐᒥᑦ ᖃᕆᑕᐅᔭᑎᒍᑦ ᑲᒪᔨᖏᑦᑎᒍᑦ ᐃᓂᖓᔪᐊᓂ;

• ᑕᑯᓇᒃᓯᓂᖅ ᖃᐅᔨᒋᐊᕐᓗᓂ ᒪᑯᓄᖓ ᐊᔪᕐᓇᕋᔭᖏᓐᓂᖏᑦ ᑲᑎᓪᓗᒋᑦ ᐅᑯᐊ ᑮᓇᐅᔭᓕᕆᔾᔪᑎᑦ ᖃᕆᑕᐅᑎᒍᑦ ᐊᒥᖄᕈᑎᒋᓗᒋᑦ ᐃᓗᓕᖏᑦ ᐃᓕᖓᔪᑦ ᐱᔭᕆᐊᖃᖅᑐᑦ. ᐊᑐᖅᑕᐅᔪᒪᓂᖅᓴᐅᔪᑦ ᐊᒥᖄᕈᑕᐅᒃᐸᑕ ᐃᓗᓕᖏᑦ ᐃᓕᖓᔪᑦ ᑕᒻᒪᖅᓯᒪᖏᓐᓂᖅᓴᐅᕙᒃᓗᑎᒃᓗ ᑮᓇᐅᔭᓕᕆᓂᕐᒧᑦ ᐃᓕᖓᔪᑦ ᐊᒻᒪᓗ ᐃᓐᖐᓐᓇᖅ ᖃᐅᔨᒃᑲᐃᕙᒃᓗᑎᒃ ᐊᐅᓚᑦᑎᔨᑦ ᐃᒪᓐᓇ ᓯᕗᓂᐊᓂ ᓇᓗᓇᐃᔭᖅᓯᒪᔪᑎᒍᑦ ᐱᔪᓂᒃᐅ ᐅᕝᕙᓗ ᐊᐅᓪᓚᖅᑎᑦᑎᖃᑦᑕᕐᓂᕐᒥᑦ ᖃᓄᐃᑐᖃᓕᕐᓂᖅᐸᑦ ᓯᕗᓂᐊᓂ ᖃᐅᔨᖁᔨᔾᔪᑎᒃ ᐱᕐᓗᐊᕿᔪᖃᓕᕐᓂᖅᐸᑦ ᐊᑐᖅᑕᐅᔪᓂ ᑕᒪᓐᓇ ᓴᖅᑭᓐᓂᖅᐸᑦ;

• ᓄᐊᑕᐅᓯᒪᔪᑦ ᓄᒃᑎᖅᑎᑦᑎᓂᕐᒧᑦ ᐊᔪᖏᓪᓗᑎᒃ ᐊᑯᓐᓂᖏᓐᓂᒃ ᐱᓕᕆᔪᑦ;

• ᐅᓂᒃᑳᖃᑦᑕᕐᓂᖅ ᒪᓕᖁᔭᐅᔪᑦ ᐱᖁᔭᐅᔪᑦ ᐅᑯᓄᖓ ᑲᓇᑕᐅᑉ ᒐᕙᒪᒃᑯᖏᓐᓄᑦ, ᓄᓇᕗᑦ ᑐᙵᕕᒃ ᑎᒥᖓᓐᓄᑦ, ᐊᒻᒪᓗ ᐊᓯᖏᓐᓄᑦ ᐃᓄᐃᑦ ᐃᓚᒋᔭᐅᔪᑦ ᑎᒥᑦ; ᐊᒻᒪᓗ

• ᒪᓕᖁᔭᐅᔪᑦ ᐅᓄᕆᐊᓇᖅᑕᐃᓕᒪᑎᑦᑎᓂᖅ ᓴᐳᒻᒥᔾᔪᑎᑦ, ᑲᖑᓇᖅᑐᑎᒍᑦ ᐃᓕᒐᔪᑦ ᐊᒻᒪᓗ ᒪᑭᒪᐅᑎᒃᓴᖏᑦ ᐃᓕᖓᔪᑦ.

ᐱᔪᒪᓯᒪᓂᖅ ᐱᑕᖃᕐᓗᓂ ᖃᐅᔨᓴᕐᓂᕐᒧᑦ ᑕᑯᓇᒍᑎᑎᒍᑦ ᐱᐊᓂᒃᓯᒪᓂᐊᖅᑐᑦ ᒪᐅᓇ ᐊᐱᖅᓱᐃᓂᒃᑯᑦ ᐊᒻᒪᓗ ᐅᖃᖃᑎᖃᕐᓂᒃᑯᑦ ᑕᐃᒃᑯᓂᖓ ᑭᒡᒐᖅᑐᐃᔨᒻᒪᕆᒋᔭᐅᔪᓂᒃ ᑕᐃᑲᓂ ᓄᓇᕗᑦ ᑐᙵᕕᒃ ᑎᒥᖓᓐᓂ, ᓄᓇᕗᑦ ᐊᕕᒃᑐᖅᓯᒪᔪᖏᓐᓂᒃ ᑲᔪᓯᑎᑦᑎᔨᑦ ᑎᒥᑦ, ᐊᒻᒪᓗ ᐊᓯᖏᑦ ᑐᑭᓯᐊᖅᑎᐊᐃᓗᑎᒃ ᐊᕕᒃᑐᖅᓯᒪᔪᓂ ᓄᓇᕗᒥ ᐱᔪᒪᔭᐅᔪᑦ, ᓯᕗᓪᓕᐅᑎᑕᐅᔪᒪᔪᓪᓗ, ᐊᒻᒪᓗ ᓇᓗᓇᐃᖅᓯᒪᑦᑎᐊᖅᑐᑦ ᐱᓪᓗᒋᑦ ᐊᒥᖄᕈᑕᐅᔪᑦ ᓄᐊᑕᐅᓯᒪᔪᑦ ᖃᕆᑕᐅᔭᓂ ᐊᐅᓚᑦᑎᓂᕐᒧᑦ ᐃᓕᖓᔪᑎᒍᑦ.

ᐅᑯᐊ ᖃᐅᔨᒪᔨᑕᕆᔭᑦ ᑎᓕᔭᐅᓯᒪᔪᑦ ᐃᒪᓐᓇᐃᓐᓂᐊᖅᑐᑦ ᑐᓂᓯᓗᑎᒃ ᓄᓇᕗᑦ ᑐᙵᕕᒃ ᑎᒥᖓᑕ ᓇᐃᓈᖅᓯᒪᔭᖏᓐᓂᒃ ᐅᓂᒃᑳᓂᒃ ᒪᑯᐊ ᐊᑐᖅᑕᐅᒐᔪᒃᑐᑦ ᐊᒻᒪᓗ ᐊᔾᔨᐅᖏᑦᑐᑦ ᐱᔪᒪᔭᐅᔪᑦ ᐊᒻᒪᓗ ᓯᕗᓪᓕᐅᑎᑕᐅᔪᒪᒧᑦ ᓄᓇᕗᑦ ᑐᙵᕕᒃ ᑎᒥᖓᓐᓄᑦ ᐊᒻᒪᓗ ᐊᕕᒃᑐᖅᓯᒪᔪᖏᓐᓂ ᓄᓇᕗᑦ ᑲᔪᓯᑎᑦᑎᔨᑦ ᑎᒥᑦ.

RFP ᓴᖅᑭᑎᑕᐅᓂᖏᑦ

ᑕᐃᒪᓕ ᐱᔪᒪᔭᓄᑦ ᖃᐅᔨᓇᖕᓂᖅ ᐱᐊᓂᒃᐸᑕ, ᖃᐅᔨᒪᔨᑕ ᑎᓕᔭᐅᓯᒪᔪᑦ ᓴᖅᑭᑦᑎᓂᐊᖅᑐᑦ ᐅᑯᓂᖓ RFP ᕿᓂᕐᓗᑎᒃ ᐊᑲᐅᔪᓂᒃ ᓈᒻᒪᑦᑎᐊᕐᓗᑎᒃ ᐃᓗᓕᖏᑦ ᖃᕆᑕᐅᔭᑦ ᐊᑐᖅᑕᐅᓂᐊᖅᑐᑦ ᐅᕝᕙᓗ ᓴᖅᑭᑦᑎᔨᑦ. ᐅᑯᐊ RFP ᑎᑭᐅᑎᓂᐊᖅᑐᑦ ᐱᔪᒪᔭᓄᑦ, ᕿᑎᐊᓂ, ᐱᔪᒪᑦ ᐅᑯᓄᖓ ᑲᓇᑕᓕᒫᒥ IPSE ᐅᐸᖓᐃᔭᐅᑎᑦ ᐊᒻᒪᓗ ᑮᓇᐅᔭᐃᑦ ᓇᓗᓇᐃᔭᖅᑕᐅᓗᑎᒃ ᐅᑯᓄᖓ ᐱᔪᒪᔭᐅᔪᓄᑦ ᖃᐅᔨᓴᕈᑎᑎᒍᑦ.
ᑭᖑᓪᓕᖅᐹᒥ ᓇᓗᓇᐃᔭᖅᓯᒪᑦᑎᐊᖅᑐᑦ ᐃᒪᓐᓇᐃᑐᐃᓐᓇᕆᐊᓕᑦ ᐊᔾᔨᒌᖏᓪᓗᑎᒃ. ᐅᓇ ᐱᓕᕆᐊᖅ ᐊᔾᔨᒌᖏᑉᐸᒍ ᓇᓗᓇᐃᔭᖅᓯᒪᔪᑦ ᖁᓛᓂ, ᑭᖑᓪᓕᖅᐹᖅᓯᐅᑎ ᐊᑭᐊ ᐋᔩᕈᑕᐅᑲᓐᓂᕈᓐᓇᖅᑐᑦ ᐊᑭᐊᓂ ᐱᓕᕆᔪᒪᔪᑦ ᐃᓚᒋᓗᒋᑦ ᖃᐅᔨᒃᑲᐃᓚᐅᕐᓗᑎᒃ ᓯᕗᓂᐊᓂ ᑕᒪᑦᓱᒧᖓ ᐊᓯᔩᔪᒪᓂᕐᒧᑦ.

C. ᒪ
ᐅᑉᓗᐊ ᓴᖅᑭᑎᑕᖅ:
ᓯᑎᐱᕆ 24, 2021

ᖃᐅᔨᑲᐅᑎ ᑐᑭᐊ:
ᐊᒃᑑᑉᐱᕆ 8, 2021 5:00 ᐅᓐᓄᒃᓴᒃᑯᑦ ᑲᓇᖕᓇᐅᑉ ᖃᐅᔨᓴᐅᑎᐊ ᒪᓕᒃᓗᒍ

ᐅᒃᑯᐊᕐᓂᐊ ᐅᑉᓗᖓᑕ ᐊᒻᒪᓗ ᐃᖃᕐᒐᖏᓐᓄᑦ ᖃᐅᔨᓇᓱᖕᓂᖅ:
ᐊᒃᑑᑉᐱᕆ 15, 2021 5:00 ᐅᓐᓄᒃᓴᒃᑯᑦ ᑲᓇᖕᓇᐅᑉ ᖃᐅᔨᓴᐅᑎᐊ ᒪᓕᒃᓗᒍ

ᑭᖑᓪᓕᖅᐸᒥ ᑭᐅᓂᖅ ᖃᐅᔨᓇᓱᖕᓂᕐᒧᑦ:
ᐊᒃᑑᑉᐱᕆ 22, 2021 5:00 ᐅᓐᓄᒃᓴᒃᑯᑦ ᑲᓇᖕᓇᐅᑉ ᖃᐅᔨᓴᐅᑎᐊ ᒪᓕᒃᓗᒍ

ᐅᑉᓗᐊ ᐊᒻᒪᓗ ᐃᑲᕐᕋᖓ ᑭᖑᓪᓕᖅᐹᒥ ᑐᓂᓯᓂᕐᒧᑦ:
ᐊᒃᑑᑉᐱᕆ 29, 2021 5:00 ᐅᓐᓄᒃᓴᒃᑯᑦ ᑲᓇᖕᓇᐅᑉ ᖃᐅᔨᓴᐅᑎᐊ ᒪᓕᒃᓗᒍ

ᑐᓂᓯᓂᖅ ᑳᓐᑐᕋᖅᑕᖅᑐᒧᑦ:
5:00 ᐅᓐᓄᒃᓴᒃᑯᑦ ᑲᓇᖕᓇᐅᑉ ᖃᐅᔨᓴᐅᑎᐊ ᒪᓕᒃᓗᒍ

ᐱᓕᕆᐊᒧᑦ ᐱᒋᐊᕐᓂᖅ (ᐊᑐᖅᑕᐅᔪᒪᓂᖅᓴᖅ):
ᓄᕕᐱᕆ 15, 2021

ᐃᓗᐊᓂ ᑲᔪᓯᓂᖏᑦ ᐅᓂᒃᑳᑦ:
ᒪᕐᕉᒃ ᐱᓇᓱᐊᕈᓰ ᐱᐊᓂᒃᑳᖓᑕ

ᐃᓂᖅᓯᒪᖏᑦᑐᑦ ᐅᓂᒃᑳᑦ:
TBC (ᒪᓕᒃᓗᒋᑦ ᐱᓕᕆᐊᓄᑦ ᐸᕐᓇᐅᑏᑦ)

ᐱᐊᒥᒃᓯᒪᔪᑦ ᐅᓂᒃᑳᑦ:
ᕕᕗᐃᕆ 1, 2022 ((ᒪᓕᒃᓗᒋᑦ ᐱᓕᕆᐊᓄᑦ ᐸᕐᓇᐅᑏᑦ)
ᐅᑯᐊ ᐱᔪᒪᔭᑦ ᖃᐅᔨᓴᕐᓂᕐᒧᑦ ᐊᒻᒪᓗ ᐃᓂᖅᓯᒪᖏᑦᑐᑦ ᐅᑯᐊ RFP ᕕᕗᐃᕆ 1, 2022 ᕿᒥᕐᕈᔭᐅᓂᕐᒧᑦ ᐊᒻᒪᓗ ᐊᖏᖅᑕᐅᓂᕐᒧᑦ.

D. ᑳᓐᑐᕌᓄᑦ ᐱᓇᓱᐊᖅᑐᓄᑦ ᖃᐅᔨᓴᕐᕈᑎᑦ ᐊᒻᒪᓗ ᐃᓄᐃᑦ ᑎᒥᖁᑎᖏᑦ ᐋᖅᑭᒋᐊᖅᑕᐅᔪᑦ

ᑐᑭᓯᕋᐅᑎᐅᔪᑦ ᖃᐅᔨᓴᖅᑕᐅᓂᐊᖅᑐᑦ ᒪᓕᒃᖢᒋᑦ ᐅᑯᐊ ᐊᑖᓂ ᑎᑎᖃᖅᓯᒪᔪᑦ ᐊᑐᖅᑕᐅᓗᑎᒃ ᒪᓕᒃᑕᐅᔪᑦ:

1. ᐱᑕᖃᕆᐊᓕᒃ ᖃᐅᔨᓇᖕᓂᕐᒧᑦ ᐊᒻᒪᓗ ᐅᑯᐊ RFP ᓴᖅᑭᑎᑕᐅᓂᖏᓐᓄᑦ ᐱᓇᓱᐊᕈᑎᑦ, ᐱᓕᕆᓂᕐᒧᑦ ᐸᕐᓇᐅᑎᑦ – 20%

2. ᐱᓕᕆᐊᓄᑦ ᐱᓕᕆᔪᑦ ᖃᐅᔨᒪᓂᖏᑦ ᐊᒻᒪᓗ ᐊᔪᖏᓐᓂᖏᑦ: 30%

3. ᐊᑭᖏᑦ ᖄᖓᒍᑦ ᐊᒻᒪᓗ ᐊᑐᑕᐅᔪᕕᓂᓄᑦ ᐊᑭᑦ: 20%

4. ᐊᑐᕐᓂᖅ ᐃᓄᐃᖕᓂᑦ ᐱᓕᕆᑎᑦᑎᓂᕐᒧᑦ: 20%

5. ᓱᓕᓂᑦ ᓴᖅᑯᒥᔪᑦ ᐊᔪᖏᓐᓂᖏᑦᑕ ᑎᑭᐅᑎᔪᓐᓴᕐᓗᑎᒃ ᐃᓱᓕᕝᕕᐅᔪᓄᑦ ᐆᒃᑐᕐᓂᕐᒧᑦ: 10%

ᑲᑎᓗᒋᑦ: 100% (100 ᐊᖏᓂᖏᑦ ᐊᑐᓂᑦ)

1. ᐱᔪᒪᔭᐅᔪᑦ ᖃᐅᔨᓇᕐᓂᕐᒧᑦ ᐊᒻᒪᓗ ᐅᑯᐊ RFP ᓴᖅᑭᑦᑎᓂᕐᒧᑦ ᐊᑐᖅᑕᐅᔪᑦ ᐱᓕᕆᓂᕐᒧᑦ ᐸᕐᓇᐅᑎᒃᑯᑦ ᐊᒻᒪᓗ ᐱᓕᕆᐊᒧᑦ ᐱᓕᕆᔪᑦ ᖃᐅᔨᒪᓂᖏᑦ ᐊᒻᒪᓗ ᐊᔪᖏᓐᓂᒃᑯᑦ

ᐊᑭᐊᓂ ᐱᓕᕆᔪᒪᔪᑦ ᑕᑯᒃᓴᐅᑎᑦᑎᔭᕆᐊᓕᑦ ᐱᐊᓂᒃᓯᔪᓐᓇᕐᓂᕐᒥᑦ ᓇᓗᓇᐃᖅᓯᒪᔪᒃᑯᑦ ᑕᑯᒃᓴᐅᑎᓪᓗᒋᑦ ᐱᓇᓱᐊᕐᓂᖏᑦ ᐱᐊᓂᒃᓯᔪᓐᓇᕐᓂᕐᒥᑦ ᐱᔪᒪᔭᐅᔪᓂᒃ ᖃᐅᔨᓇᒃᓗᑎᒃ ᐊᒻᒪᓗ ᐅᑯᐊ RFP ᓴᖅᑭᑎᑕᐅᓂᖏᓐᓄᑦ ᑕᑯᒃᓴᐅᑎᑦᑎᓗᑎᒃ ᐅᑯᓂᖓ ᐊᑖᓂ ᑎᑎᕋᖅᓯᒪᔪᑎᒍᑦ:

• ᒪᓕᒋᐊᓕᑦ ᐅᑯᓄᖓ ᒪᓕᖁᔭᐅᔪᓂᒃ ᓇᓗᓇᐃᖅᓯᒪᔪᒃᑯᑦ ᐊᒻᒪᓗ ᐃᓕᖓᓂᖏᑦ ᓱᓇᐅᓂᖏᓐᓄᑦ ᐊᖅᑭᐅᒪᔪᒃᑯᑦ ᐅᑯᓄᖓ RFP.

• ᑐᑭᓯᐅᒪᓗᑎᒃ ᐊᖏᓂᐊᓂᒃ ᐅᑯᐊ ᐱᔪᒪᔭᐅᔪᑦ ᖃᐅᔨᓇᒃᑕᐅᓂᕐᒧᑦ ᐊᒻᒪᓗ “ᓴᖅᑭᑦᑎᑦᔪᓐᓇᕐᓂᕐᒥᑦ ᐱᓕᕆᓂᒃᑯᑦ.”

• ᑐᕋᕐᓗᓂ ᐱᓇᓱᖕᓂᒃᑯᑦ ᐱᐊᓂᒃᓯᓂᕐᒥᑦ ᐱᔪᒪᐅᕗᑦ ᖃᐅᔨᓇᒃᑕᐅᓗᑎᒃ ᐊᒻᒪᓗ ᐅᑯᐊ RFP ᓴᖅᑭᑎᑕᐅᓂᖏᓐᓂᒃ ᑎᑭᐅᑎᓂᐊᕐᓗᑎᒃ ᐱᓕᕆᐊᒧᑦ ᐊᑐᕆᐊᓕᒃᑯᑦ.

• ᑎᒥᐅᔪᑦ ᐊᒻᒪᓗ ᐊᐅᓚᑦᑎᓂᕐᒧᑦ ᐊᔪᖏᑦᑎᐊᕐᓂᖅ.

• ᓇᓗᓇᐃᔭᖅᓯᒪᓗᑎᒃ ᐱᓪᓗᒋᑦ ᓯᕗᓂᐊᓂ ᐱᐊᓂᒃᓯᒪᔪᑦ ᑲᔪᓯᓯᒪᑦᑎᐊᖅᑐᑦ ᐅᓂᒃᑳᑎᒍᑦ ᐊᒻᒪᓗ ᐱᓕᕆᐊᖑᔪᑦ ᑎᒍᒻᒥᔭᐅᑦᑎᐊᕐᓗᓂ.

• ᓇᓗᓇᐃᖅᓯᒍᑎᐊ ᐱᓪᓗᒋᑦ ᓯᕗᓂᐊᓂ ᐱᐊᓂᒃᓯᒪᔪᑦ ᑲᔪᓯᓯᒪᑦᑎᐊᕐᓗᒃ ᐅᓂᒃᑳᓕᐊᖑᓯᒪᔪᑦ ᐊᔾᔨᕐᓚᖏᓪᓗ ᖃᓄᐃᓕᖓᓂᖏᑦᑕ ᐃᓚᓕᐅᑎᓯᒪᔭᕆᐊᓕᑦ, ᐅᖃᕐᕕᒃᓴᖅ ᑐᑭᓯᒃᑲᓐᓂᕈᑎᒃᓴᓄᑦ ᐊᑐᐃᓐᓇᐅᔪᑦ (ᐊᑎᑦ, ᑐᕈᑎᐊ, ᐊᒻᒪᓗ ᐅᖄᓚᐅᑎᐊᑕ ᓴᐅᑎᐊ).

ᐊᑭᐊᓂ ᐱᓕᕆᔪᒪᔪᑦ ᑲᒪᔭᕆᐊᖃᕐᒥᔪᖅ ᓇᖕᒥᓂᖅ ᑐᑭᓯᒍᑎᒃᓴᓂᒃ ᐊᔪᖏᓐᓂᖏᓐᓂᒃ ᐱᔪᓐᓇᕐᓂᕐᒧᑦ, ᖃᐅᔨᒪᓂᐊ, ᐊᒻᒪᓗ ᐊᑐᖅᓯᒪᔭᖏᑦ ᐱᓕᕆᐊᕆᓯᒪᔭᖏᓐᓂᒃ ᐅᒃᐱᕆᔭᖏᓪᓗ ᓈᒻᒪᒋᔭᐅᓂᐊ ᐱᔭᐅᓇᓱᖕᓂᕐᒧᑦ ᐱᓕᕆᓂᕐᒧᑦ ᐱᓕᕆᐊᒃᓴᒧᑦ ᑕᒪᑦᓱᒧᖓ. ᐊᑭᐊᓂ ᐱᓕᕆᔪᒪᔪᖅ ᐊᔭᐅᖅᑐᖅᑕᐅᔪᖅ ᐃᓚᐅᔾᔨᓗᓂ ᓇᓗᓇᐃᔭᖅᓯᒪᔪᑎᒍᑦ ᐊᔪᖏᓐᓂᖏᓐᓂᒃ ᐃᓕᓯᒪᔭᖏᓐᓂᒃ ᐊᑐᖅᓯᒪᔭᖏᓐᓂᒃ ᐊᑐᓂᑦ ᐱᓕᕆᖃᑎᖏᓪᓗ ᐱᓕᕆᖃᑎᒋᓂᐊᖅᑕᖏᓪᓗ ᑕᒪᑦᓱᒧᖓ ᐱᓕᕆᐊᖑᒧᑦ.

2. ᐊᑭᖏᑦ ᐊᒻᒪᓗ ᐊᑭᓕᒐᒃᓴᑦ ᐊᑐᖅᓯᒪᔭᖏᓐᓄᑦ

ᑐᒃᓯᕋᐅᑎ ᑐᓂᓯᓯᒪᔭᕆᐊᓕᒃ ᓇᓗᓇᐃᖅᓯᒪᔪᓂᒃ ᐅᑯᓇᓂ ᐊᑐᖅᑕᐅᔪᒪᓂᖅᓴᐅᔪᓂ ᐊᑭᓕᖅᑐᐃᓂᕐᒧᑦ ᐋᖅᑭᒃᓯᒪᔪᑦ ᐊᒻᒪᓗ ᐃᓚᒋᓗᒋᑦ ᐅᓂᒃᑳᖅᓯᒪᑦᑎᐊᖅᑐᑦ ᓇᓗᓇᐃᔭᖅᓯᒪᓪᓗᑎᒃ ᐊᑐᖅᑕᐅᒐᔪᒃᑐᑦ ᐊᑭᓕᖅᑐᖅᑕᐅᓂᐊᖅᑐᓄᑦ. ᑐᑭᓯᕋᐅᑎᑦ ᐃᓚᖃᕆᐊᖃᖅᑐᑦ ᓇᓗᓇᐃᔭᖅᓯᒪᔪᓂᒃ ᓇᓕᒧᖏᓐᓂᒃ ᐊᑭᓕᒃᓴᖅᑖᖑᓯᒪᔪᓄᑦ. ᐊᑭᖏᑦ ᐅᖃᖅᑐᓯᒪᔪᑦ ᑲᓇᑕᒥ ᐊᑐᖅᑕᐅᒐᔪᒃᑐᓂ ᑮᓇᐅᔭᑎᒍᑦ.

3. ᐊᑐᕐᓂᖅ ᐃᓄᖕᓂᒃ ᐱᓕᕆᔨᓂᒃ

ᑳᓐᑐᕌᒧᑦ ᑐᑭᓯᕋᐅᑎ ᑕᑯᒃᓴᐅᑎᑦᑎᓗᓂ ᐊᑐᕐᓂᕐᒥᑦ ᐱᓕᕆᑎᑦᑎᓂᕐᒥᑦ ᐃᓄᖕᓂᒃ (ᑕᐃᑲᓂ ᐅᕝᕙᓗ ᓴᓂᐊᒍᑦ ᑳᓐᑐᕋᖅᑐᓄᑦ) ᐱᓇᔭᖅᑐᑦ 20−ᐳᓴᓐᒥᑦ ᐅᑯᓇᖓ ᑕᐃᒪᐃᓐᓂᒃ ᐊᑐᐃᓐᓇᐅᔪᓂᑦ ᓈᓴᐅᑎᒃᑯᑦ. I ᐃᒪᓪᓇ ᐱᓕᐊᕈᑎᒃ ᐊᖅᒃᒋᐊᖅᓯᒪᔪᒃᑯᑦ ᐊᑐᕐᓂᕐᒥᑦ ᐃᓄᖕᓂᒃ ᐱᓕᕆᑎᑦᑎᓂᕐᒥᑦ, ᑳᓐᑐᕌᒧᑦ ᑐᒃᓯᕋᐅᑎᑦ ᐃᒪᓐᓇ ᐃᓚᖃᕆᐊᖃᖅᑐᑦ ᓇᓗᓇᐃᔭᖅᓯᒪᔪᑎᒍᑦ ᐱᓪᓗᒋᑦ ᑐᒃᓯᕋᐅᑎᑦ ᐊᑐᕐᓂᕐᒥᑦ ᐱᓕᕆᑎᑦᑎᓗᑎᒃ ᐃᓄᖕᓂᒃ ᐅᑯᐊ ᐊᑭᐊᓂ ᑐᒃᓯᕋᖅᑐᑦ ᐊᒻᒪᓗ ᓴᓂᒍᑦ ᑳᓐᑐᕌᖅᑐᑦ. ᓱᓕ ᖄᖓᒍᑦ ᐅᓂᒃᑳᖃᑦᑕᕐᓂᖅ ᐱᖁᔭᐅᔪᑦ ᐅᑯᓇᖓ ᑲᔪᓯᑦᑎᐊᖅᑐᓂᒃ ᐊᑭᐊᓂ ᐱᓕᕆᔪᒪᔪᑦ ᖃᓄᑎᒋᑦ ᐊᒥᓲᓂᖃᕐᓂᐊᕐᒪᖔᑕ ᐱᓕᕆᑎᑕᐅᔪᑦ ᐃᓄᐃᑦ ᑭᖑᓂᐊᒍᑦ ᑳᓐᑐᕌᖅ ᑐᓂᕐᔪᑕᐅᓚᐅᖅᑎᓪᓗᒍ ᐊᒻᒪᓗ ᑲᔪᓯᑦᑎᐊᖏᑦᑐᑦ ᐊᑐᓕᖅᑎᑦᑎᓂᕐᒥᑦ ᑐᒃᓯᕋᐅᑎᑎᒍᑦ ᐱᓕᕆᑎᑦᑎᓂᕐᒥᑦ ᐃᓄᖕᓂᒃ ᑐᕌᖅᑕᐅᔪᒪᔪᑦ ᓴᖅᑭᑐᐃᓐᓴᕆᐊᖃᖅᑐᑦ ᓱᕋᐃᓂᕐᒧᑦ ᓱᐊᒃᑕᐅᓂᕐᒥᑦ.

4. ᐊᔪᖏᑦᑎᐊᕐᓂᐊ ᑎᑭᐅᑎᓂᕐᒥᑦ ᐃᓱᓕᕝᕕᒃᓴᖏᓐᓄᑦ ᑎᑭᐅᑎᓗᓂ

ᐊᔪᖏᑦᑎᐊᕐᓂ ᐱᔪᓐᓇᑦᑎᐊᕐᓗᓂ ᑕᒪᐃᓐᓂᒃ ᑎᑭᐅᑎᓂᕐᒥᑦ ᐃᓱᓕᕝᕕᐅᔪᓄᑦ ᐱᒻᒪᕆᐅᔪᑦ ᐱᔭᕆᐊᖃᒻᒪᕆᒃᖢᑎᒃ. ᑐᒃᓯᕋᖅᑐᖅ ᑕᑯᒃᓴᐅᑎᑦᑎᔭᕆᐊᖃᖅᑐᖅ ᖃᓄᖅ ᑎᒥ ᑲᔪᓯᑦᑎᐊᕐᓂᐊᕐᒪᖔᑦ ᑕᑯᒃᓴᐅᑎᑦᑎᓗᓂ ᑎᒥ ᐊᒻᒪᓗ ᑲᔪᖏᑦᑎᐊᕐᓂᐊ ᑎᑭᐅᑎᓗᑎᒃ ᑕᒪᐃᓐᓄᑦ ᐃᓱᓕᕝᕕᐅᔪᓄᑦ ᓯᕗᓂᐊᓂ ᐊᒻᒪᓗ ᑐᓂᓯᔭᕆᐊᓕᒃ ᒪᕐᕉᖕᓂᒃ ᖃᐅᔨᒪᔨᒋᔭᖏᓐᓂᒃ ᐊᐱᕆᔭᐅᔪᓐᓇᕐᓗᑎᒃ ᖃᓄᐃᑦᑑᓂᐊᓂᒃ ᐅᖃᕈᓐᓇᖅᑐᓂᒃ.

E. ᐃᓄᐃᑦ ᑎᒥᖁᑎᖏᑦᑕ ᐋᖅᑭᒋᐊᖅᑕᓂᖏᑦ

1. ᐃᓄᐃᑦ ᑎᒥᖁᑎᖏᑦ ᓇᓗᓇᐃᖅᓯᒪᔪᑦ ᐅᑯᓇᓂ ᓄᓇᕗᑦ ᑐᙵᕕᒃ ᑎᒥᖓᑦᑕ ᐃᓄᐃᑦ ᑎᒥᖁᑎᖏᓐᓄᑦ ᓇᓗᓇᐃᔭᕐᕕᓂ, ᐱᓂᐊᖅᑐᑦ ᐋᖅᑭᒋᐊᖅᑕᐅᓂᕐᒧᑦ (ᐃᓄᐃᑦ ᑎᓂᖁᑎᐊ ᐋᖅᑭᒋᐊᖅᑕᐅᔪᖅ) of 20 ᐃᒪᓐᓇ 20−ᐳᓴᓐ−ᒥᑦ ᐊᖅᑭᐅᒪᓂᐊᓄᑦ ᐊᒻᒪᓗ ᓴᓇᓂᕆᓂᐊᖅᑕᖓᑕ ᐊᑭᖏᑦ ᐊᑭᐊᓂ ᐱᓕᕆᔪᒪᔪᑦ ᐅᑯᐊ ᑳᓐᑐᕌᒧᑦ ᑐᒃᓯᕋᖅᑐᑦ (ᐃᓚᒋᓇᒋᑦ ᔩᐊᔅᑏ ᐊᒻᒪᓗ ᐊᑭᖏᑦ ᐅᓯᔭᐅᓂᕐᒧᑦ).

2. ᐃᓄᐃᑦ ᑎᒥᖁᑎᖏᑦ ᑐᓂᓯᔭᕆᐊᖃᖅᑐᑦ ᓇᖕᒥᓂᖅᑦ ᐃᓄᐃᑦ ᑎᒥᖁᑎᒋᔭᐅᓂᐊᓂᒃ ᖃᓄᐃᓕᖓᓂᖏᓐᓂᒃ ᐃᒪᓐᓇ ᐱᓂᐊᕈᑎᒃ ᐃᓄᐃᑦ ᑎᒥᖁᑎᒋᔭᐅᓂᖏᓐᓄᑦ ᐋᖅᑭᒋᐊᖅᑕᐅᓂᕐᒥᑦ.

3. ᖃᓄᖅ−ᐊᑭᖃᕐᓂᖏᑦ ᐅᑯᐊ ᐃᓄᐃᑦ ᑎᒥᖁᑎᖏᓐᓄᑦ ᐋᖅᑭᒃᓯᒋᐊᕐᓂᕐᒥᑦ
ᑳᓐᑐᕌᑦ ᑐᒃᓯᕋᐅᑏᑦ ᐃᓚᖃᕆᐊᖃᓪᓚᕆᒃᑐᑦ ᓇᓗᓇᐃᔭᖅᓱᒪᔪᓂᒃ ᐱᓪᓗᒋᑦ ᑕᒪᐃᒥᑦ ᓴᓂᐊᒍᓪᓗ−ᑖᓐᑐᖅᑎᑕᑦ, ᐃᓚᒋᓪᓗᒋᑦ ᐊᑭᖏᑦ ᐊᒻᒪᓗ ᐊᑐᖅᑕᐅᔪᕕᓂᒃ ᑮᓇᐅᔭᐃᑦ ᐊᒃᑐᐊᔪᑦ ᓴᖅᑭᓗᐊᕈᑎᒋᓯᒪᔭᖏᑦ ᐅᑯᓄᖓ ᓴᓂᐊᒍ−ᑳᓐᑐᖅᑎᑕᐅᔪᓄᑦ. ᐃᓄᐃᑦ ᑎᒥᖁᑎᖏᑦᑕ ᐋᖅᑭᒋᐊᖅᑕᐅᓂᖏᑦ ᐃᒪᓐᓇᐃᓐᓂᐊᖅᑐᑦ ᐊᑭᓕᖅᑎᑕᐅᓂᐊᖏᑦᑐᑦ ᐅᑯᓄᖓ ᓇᓪᓕᐊᑕ ᐃᓚᖓᓂᒃ ᐅᑯᐊ ᑳᓐᑐᒧᑦ ᑐᒃᓯᕋᐅᑎᑦ ᐃᒪᓐᓴᓗ ᐱᓕᕆᐊᖅ ᓴᓂᐊᒍᑦ ᑳᓐᑐᕌᖅᑕᐅᓂᐊᖅᑎᓪᓗᒍ ᐅᑯᓄ ᖃᑉᓗᓈᓄᑦ ᑎᒥᖁᑎᐅᔪᓄᑦ ᐃᓄᖕᓅᖏᑦᑐᖅ. ᐃᓄᐃᑦ ᑎᒥᖁᑎᐊᓄ ᐋᖅᑭᒋᐊᕈᑎᑦ ᐃᒪᓐᓇᐃᑐᐃᓐᓇᕆᐊᓕᒃ ᐊᑐᖅᑕᐅᓗᑎᒃ ᑕᐃᒃᑯᓄᖓ ᑳᓐᑐᖅᑐᓄᑦ ᑐᒃᓯᕋᕈᑎᓄᑦ ᐃᒪᓐᓇᓗ ᐱᓕᕆᐊᑦ ᓴᓂᐊᒍᑦ ᑳᑐᖅᑕᐅᒃᐸᑦ ᐅᓄᖓ ᐃᓄᖕᓄᑦ ᑎᒥᐅᔪᒧᑦ.

Download (PDF, 206KB)