ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᑐᒃᓯᕋᐅᓯᐅᖁᔨᔾᔪᑎᖃᕐᒪᑕ ᐊᔪᙱᑦᑐᓂᒃ ᑐᑦᓯᕋᐅᓯᐅᕈᒪᔪᓂᒃ ᐋᖅᑭᑦᓱᐃᓂᕐᒧᑦ ᐱᐅᓂᖅᐹᒥᒃ, ᐃᓘᓐᓈᒍᑦ−ᑲᔪᓯᑎᒐᑦᓴᒥᒃ ᐊᑐᖅᑕᐅᖏᐊᓕᓐᓄᑦ ᑐᑭᒧᐊᒍᑎᒃᓴᒥᒃ ᐸᕐᓇᐅᑎᓂᓪᓗ ᐱᓕᕆᐊᒧᑦ, ᖃᓄᐃᓕᖅᐱᑖ? ᑲᓇᑕᒥ ᐃᓄᐃᑦ ᐃᓗᓯᖏᓐᓂᒃ ᖃᐅᔨᓴᕐᓂᖅ ᓄᓇᕗᒻᒧᑦ, ᑲᔪᓯᑎᑕᐅᒋᐊᓕᒻᒥᒃ ᑐᖔᓂ ᓂᕆᐅᒋᔭᐅᔪᖅ ᐊᐅᓚᑕᐅᓂᐊᕐᓂᖓᓂᒃ ᖃᐅᔨᓴᕐᓂᖅ ᐅᑭᐊᑦᓵᖓᓂ/ᐅᑭᐅᖓᓂ 2021.
ᑐᑦᓯᕌᕆᔭᐅᓯᒪᔪᖅ ᐱᕕᒃᓴᓕᐅᖅᑕᐅᓯᒪᓂᖓ ᐊᐅᓚᑦᓯᒍᑕᐅᒋᐊᓕᓐᓂᒃ ᐊᑐᖅᑕᐅᒋᐊᓕᓐᓄᑦ ᖃᐅᔨᓴᕈᑎᓂᒃ ᐅᓂᒃᑳᓂᒃ ᒪᐃ 21,2021, ᐊᒻᒪᓗ ᐊᑐᖅᑕᐅᒋᐊᓕᓐᓂᒃ ᐸᕐᓇᐅᑏᑦ ᔪᓚᐃ 2, 2021.
ᓇᓐᓂᑎᑦ
A. ᐊᑐᐊᕋᑦᓴᑦ ᑐᒃᓯᖃᐅᓯᐅᖅᑐᓄᑦ
B. ᐱᓕᕆᐊᒃᓴᓄᑦ ᓇᓗᓇᐃᔭᐅᑏᑦ
C. ᐊᑭᓕᕆᐊᓖᑦ ᐊᑭᓕᖅᓱᕆᐊᓖᓪᓗ
D. ᐃᓄᐃᑦ ᓇᖕᒥᓂᖁᑎᖏᓐᓄᑦ ᐊᑭᑦᑐᕋᐅᑎᔪᓄᑦ ᐋᖅᑭᒋᐊᕈᑏᑦ
A. ᐊᑐᐊᒐᑦᓴᑦ ᑐᒃᓯᕋᐅᓯᐅᖅᑐᓄᑦ
1. ᑐᒃᓯᕋᐅᑏᑦ ᐱᓯᒪᒋᐊᓕᖏᑦ ᑐᙵᕕᒃᑯᑦ ᐃᕐᖐᓐᓈᕈᑎᒃᑯᑦ ᑭᖑᓂᐊᓂᐅᙱᑦᑐᖅ ᖃᐅᔨᓴᐅᑦ 5-ᒥ ᐅᓐᓄᓴᒃᑯᑦ ᒫᑦᓯ 19, 2021−ᒥ ᐅᕙᓃᒋᐊᓖᑦ:
ᓄᓇᕗᑦ ᑐᙵᕕᒃ ᑎᒥᖓ
ᓄᓇᕗᒻᒥ ᐃᓗᓯᕐᒥᒃ ᖃᐅᔨᓴᕈᑎᓄᑦ ᐊᐅᓚᑦᓯᔨ
ᐱᖓᔪᐊᑦ ᓇᑎᖓ, ᐃᒡᓗᕗᑦ ᐃᒡᓗᖁᑕ, ᑎᑎᖅᑲᖃᐅᑖ 638
ᐃᖃᓗᐃᑦ, ᓄᓇᕗᑦ X0A 0H0
ᐅᖄᓚᐅᑖ: (867) 975-4962 ᓱᒃᑲᔪᒃᑰᕈᑖ: (867) 975-4943
• ᐃᕐᖐᓐᓈᕈᑎᒃᑯᑦ ᐊᐅᓪᓚᖅᑎᑕᐅᓯᒪᔪᖅ ᑐᑦᓯᕋᐅᑦ ᐱᔭᐅᓯᒪᒋᐊᓕᒃ ᐅᓪᓗᖓᓂ ᑐᖔᓂᓘᓐᓃᑦ ᒪᑐᕕᑦᓴᖓᑕ ᐅᓪᓘᑉ ᐃᕐᖐᓐᓈᕈᑎᒃᑯᑦ ᑐᕌᕈᑎᖓᓄ ᓇᓗᓇᐃᖅᑕᐅᓯᒪᔪᒧᑦ ᑖᒃᑯᓇᓂ RFP-ᓂ, ᐃᓚᒋᔭᐅᓗᑎᒃ ᓇᓗᓇᐃᖅᓯᕕᖓᓂ ᑎᑎᕋᖅᑕᐅᓯᒪᓗᓂ: ᐊᑐᖅᑕᐅᒋᐊᓕᓐᓄᑦ ᑐᑭᒧᒍᑎᒃᓴᑦ, QHS.
• ᑐᑦᓯᕋᐅᑦ ᐱᔭᐅᓯᒪᒐᓗᐊᕐᒪᖔᖅ ᑐᖔᓂ ᒪᑐᕕᑦᓴᖓᑕ, ᐊᐅᓪᓚᖅᑎᑕᐅᖁᔭᐅᔪᖅ ᐃᕐᖐᓐᓈᕈᑎᒃᑯᑦ ᐊᐅᓪᓚᖅᑎᑕᐅᓗᓂ ᓯᕗᓂᑐᖃᖓᓂ ᒪᑐᕕᑦᓴᖓᑕ, ᐊᒻᒪᓗ ᑐᑦᓯᕋᖅᑐᖅ ᓇᓗᓇᐃᕈᑎᒥᒃ ᐱᔭᐅᓂᖓᓂᒃ ᑭᐅᓗᓂ ᐃᕐᖐᓐᓈᕈᑎᒃᑯᑦ ᐅᖃᓚᐅᑎᒃᑯᓘᓐᓃᑦ ᖃᐅᔨᒋᐊᕈᑎᒋᓗᒍ.
3. ᑐᙵᕕᒃᑯᑦ ᐊᑭᓖᑎᑕᐅᔪᓐᓇᔾᔮᖏᓪᓚᑦ ᐊᑭᓖᑎᑕᐅᒐᓱᐊᕈᑎᒃ, ᐊᔪᐃᓐᓈᖑᓗᑎᒃ ᐅᕝᕙᓘᓐᓃᑦ ᐊᓯᖏᑎᒍᑦ ᐊᐅᓚᓂᐅᔪᑎᒍᑦ ᑭᓱᑐᐃᓐᓇᕐᒥᒃ ᐱᔾᔪᑎᖃᕐᓗᑎᒃ ᐃᕐᖐᓐᓈᕈᑎᒃᑰᑕᐅᓇᓱᐊᖅᑐᖅ ᐊᕝᕕᖅᑯᑕᖃᕐᓂᖅᐸᑦ, ᐱᔭᐅᓯᒪᙱᑉᐸᑦ ᐊᑕᖏᕐᓗᓂ, ᐱᔭᐅᓐᓂᖅᐸᑦ ᑭᖑᓂᐊᒍᑦ ᐅᖃᐅᓯᐅᔫᑉ ᒪᑐᕕᑦᓴᖓᑕ ᖃᐅᔨᓴᐅᑖᓂᒃ ᐅᓪᓗᖓᓂᓪᓗ, ᐅᕝᕙᓘᓐᓃᑦ ᖃᓄᑐᐃᓐᓇᖅ ᐱᔾᔪᑎᖃᕐᓗᓂ.
4. ᑐᙵᕕᒃᑯᑦ ᐃᓱᒪᒃᓴᖅᓯᐅᕈᑎᖃᔾᔮᖏᑦᑐᑦ ᑐᒃᓯᕋᐅᑎᓂᒃ ᐃᒪᐃᑉᐸᑕ:
• ᑐᓂᔭᐅᔪᓂᒃ ᑭᖑᓂᐊᓂ ᒪᑐᕕᑦᓴᖓᑕ ᐅᓪᓗᖓ ᖃᐅᔨᓴᐅᑖᓗ.
• ᑐᓂᔭᐅᔪᓂᒃ ᓇᓗᓇᐃᖅᑕᐅᓯᒪᔫᑉ ᖁᓛᓃᑦᑐᓂ ᐊᓯᐊᓄᑦ ᑐᕌᕈᒻᒧᑦ
ᑭᖑᓂᐊᓂ ᒪᑐᕕᑦᓴᖓᑕ ᐅᓪᓗᖅ, ᑕᐃᒃᑯᑐᐊᑦ ᑭᒃᑰᓂᖏᑦ ᑐᕌᕈᑎᖏᓪᓗ ᑐᒃᓯᕋᖅᑐᑦ ᓴᖅᑭᖅᑕᐅᓂᐊᖅᑐᑦ ᑭᒃᑯᑐᐃᓐᓇᕐᓄᑦ.
. ᐊᐱᕆᔭᐅᖃᑦᑕᕈᓐᓇᓂᐊᖅᑐᖅ ᒫᑦᓯ 12, 2021-ᒧᓄᑦ ᖃᐅᔨᓴᐅᑦ 5−ᒥ ᑲᓇᓐᓇᕐᒥ.6. ᐅᓇ RFP: ᐊᑭᑦᑐᕋᐅᑎᒍᑕᐅᙱᑦᑐᖅ ᐅᕝᕙᓘᓐᓃᑦ ᒪᓂᒪᑎᑦᓯᒍᑕᐅᙱᑦᑐᖅ. ᑐᙵᕕᒃᑯᑦ ᐊᖏᕈᑎᖃᖅᓯᒪᙱᑦᑐᑦ ᑐᒃᓯᕋᐅᑎᓂᒃ ᐅᕝᕙᓘᓐᓃᑦ ᑐᒃᓯᕋᐅᑎᓂᒃ ᑐᓂᓯᓯᒪᔪᓂᒃ ᐊᑦᓯᓂᖅᐹᒥᒃ ᐊᑭᒋᓇᔭᖅᑕᖓᓂᒃ ᐅᕝᕙᓘᓐᓃᑦ ᐊᑭᖓᓂᒃ.
7. ᑐᙵᕕᒃᑯᑦ ᐱᔪᓐᓇᐅᑎᓖᑦ ᓄᖅᑲᑎᑦᓯᓂᕐᒥᒃ ᑖᑦᓱᒥᖓ RFP−ᒥᒃ ᖃᖓᑐᐃᓐᓇᖅ ᐊᒻᒪᓗ ᑐᓂᓯᖔᓕᕐᓗᑎᒃ ᑭᓱᑐᐃᓐᓇᕐᒥᒃ ᐱᔾᔪᑎᖃᕐᓗᑎᒃ ᖃᓄᑐᐃᓐᓇᓕᒫᖅ, ᐊᑭᓖᑎᑕᐅᙱᓪᓗᑎᒃ ᐊᑭᓕᕆᐊᓕᓕᒫᓂᒃ ᐊᒻᒪᓗ ᑐᒃᓯᕋᖅᑐᖅ ᐊᑭᓖᑎᑦᓯᓇᓱᐊᖅᑐᒃᓴᐅᙱᓚᖅ ᑐᙵᕕᒃᑯᓐᓂᒃ ᓴᖅᑭᕈᑕᐅᔪᒥᒃ.
8. ᑳᓐᑐᓛᒃ ᑐᓂᔭᐅᑉᐸᑦ ᓴᖅᑭᖅᑐᒥᒃ ᑕᕝᕙᙵᑦ RFP−ᒥᒃ, ᑐᓂᔭᐅᒋᐊᖃᕐᓂᐊᖅᑐᖅ ᑐᒃᓯᕋᖅᑐᒧᑦ ᑭᐅᒍᓐᓇᑦᓯᐊᓂᖅᐹᒧᑦ ᐊᒻᒪᓗ ᑐᒃᓯᕋᐅᑎᖓᒍᑦ ᑐᓂᓯᓯᒪᑉᐸᑕ ᐱᐅᓂᖅᐹᒥᒃ ᐊᑭᖃᕋᔭᕐᓂᖓᓂᒃ ᑐᙵᕕᒃᑯᓐᓄᑦ. ᑐᒃᓯᕋᖅᑐᖅ “ᑭᐅᖃᑦᑕᕐᓂᖓ” ᑎᑭᐅᑎᓯᒪᓂᖅᐹᖅ ᐊᑐᖅᑕᐅᒋᐊᓕᓐᓄᑦ ᓇᓗᓇᐃᔭᖅᓯᒪᔪᓂ ᑖᒃᑯᓇᓂ RFQ ᐊᒻᒪᓗ ᐱᔪᓐᓇᑦᓯᐊᓂᖅᐹᖑᓗᓂ ᐊᐅᓚᑦᓯᓂᕐᒥᒃ ᐃᓘᓐᓈᒍᑦ ᐊᑐᖅᑕᐅᒋᐊᓕᓐᓂᒃ ᓇᓗᓇᐃᔭᖅᑕᐅᓯᒪᔪᓂ RFP−ᓂ.
9. ᐋᔩᕋᕈᑕᐅᓂᖓ ᑲᔪᓯᑎᑕᐅᓂᖓᓗ ᑎᑎᕋᖅᓯᒪᔪᒃᑯᑦ ᐊᖏᖃᑎᒌᒍᑎᓂ ᑐᙵᕕᒋᔭᐅᒋᐊᓕᒃ ᑳᓐᑐᓛᓕᐅᕈᑕᐅᓗᓂ. ᑐᒃᓯᕋᖅᑐᖅ ᐱᓇᓱᐊᕆᐊᖃᙱᑦᑐᖅ ᒪᓕᒐᖅᑎᒍᑦ ᐅᕝᕙᓘᓐᓃᑦ ᓇᖕᒥᓂᖅ ᐱᔪᓐᓇᐅᑎᓂᒃ ᐅᕝᕙᓘᓐᓃᑦ ᐱᔪᓐᓇᕈᑕᐅᔪᓂᒃ ᖃᓄᑐᐃᓐᓇᓕᒫᖅ ᑖᒃᑯᑎᒎᓇ RFP−ᑯᑦ ᑳᓐᑐᓛᒃ ᐊᑎᓕᐅᖅᑕᐅᓚᐅᙱᓐᓂᖓᓂ.
10. ᑳᓐᑐᓛᒃ ᐃᓗᓕᖃᕐᓂᐊᖅᑐᖅ ᐊᑦᑐᐊᔪᓂᒃ ᑎᑎᕋᖅᓯᒪᓂᖏᓐᓄᑦ ᑕᕝᕙᓂ RFP, ᐊᖏᖅᑕᐅᔪᒧᑦ ᐊᑭᖃᕋᔭᕐᓂᖓᓄᑦ, ᐊᒻᒪᓗ ᐊᓯᖏᓐᓄᑦ ᒪᓕᒐᑦᓴᕆᔭᐅᔪᓄᑦ ᑐᑭᓯᒪᖃᑎᒌᓐᓂᒃᑯᑦ ᐊᖏᕈᑕᐅᓯᒪᔪᒥᒃ, ᓴᖅᑭᕋᓗᐊᖅᐸᑕ ᐊᖏᖅᑕᐅᓯᒪᔪᒥᒃ ᐊᑭᖃᕋᔭᕐᓂᖓᓂᒃ ᐅᕝᕙᓘᓐᓃᑦ ᓴᖅᑭᖅᑐᒥᒃ ᐋᔩᕋᕈᑕᐅᔪᓂᒃ. ᑐᙵᕕᒃᑯᑦ ᐱᔪᓐᓇᐅᑎᖃᖅᐳᑦ ᐋᔩᕋᕈᑎᖃᕐᓂᕐᒥᒃ ᐋᖅᑭᒋᐊᕈᑎᓂᒃ ᓇᓕᑐᐃᓐᓇᖓᓂᒃ ᑐᒃᓯᕋᖅᑐᒥᒃ ᑐᓂᓯᓯᒪᔪᒥᒃ ᑐᑦᓯᕋᐅᑎᒥᓂᒃ.
11. ᓈᖕᒪᖏᓪᓕᐅᕈᑎᑕᖃᖅᐸᑦ ᑖᑦᓱᒧᖓ RFP−ᒧᑦ ᐊᒻᒪᓗ ᑐᓂᔭᐅᔪᒧᑦ ᑳᓐᑐᓛᒥᒃ, ᑳᓐᑐᓛᒃ ᓴᙱᓂᖅᓴᐅᖏᓐᓇᓂᐊᖅᐳᖅ.
12. ᐋᖅᑭᒋᐊᕈᑎᓕᐊᖑᔪᑦ ᑐᙵᕕᒃᑯᓐᒃᓂ ᑕᕝᕗᖓ RFP−ᒧᑦ ᑐᓂᔭᐅᓂᐊᖅᑐᖅ ᑎᑎᕋᖅᓯᒪᓗᓂ ᐊᒻᒪᓗ ᐊᐅᓪᓚᖅᑎᑕᐅᓗᓂ ᑐᓂᔭᐅᓯᒪᔪᓕᒫᓄᑦ ᑎᑎᕋᖅᓯᒪᔪᓂᒃ.
13. ᑐᙵᕕᒃᑯᑦ ᐊᑭᓖᑎᑕᐅᓂᐊᙱᓚᑦ ᐊᑭᓕᕆᐊᓕᖏᓐᓂᒃ ᐸᕐᓇᑕᐅᓂᖏᓐᓄᑦ ᓴᖅᑭᖅᑕᐅᓂᖏᓐᓄᓘᓐᓃᑦ ᑐᒃᓯᕋᐅᑏᑦ.
14. ᖃᐅᔨᓴᖅᑏᑦ ᑲᑎᒪᔨᕋᓛᑦ ᕿᒥᕐᕈᖃᑦᑕᓂᐊᖅᑕᖏᑦ ᐊᑐᓂᑦ ᐊᑭᖃᕋᔭᕐᓂᖏᓐᓄᑦ ᑐᓂᔭᐅᓯᒪᔪᓂᒃ. ᑐᙵᕕᒃᑯᑦ ᐊᑕᖏᖅᑐᒥᒃ ᐱᔪᓐᓇᐅᑎᖃᖅᐳᑦ ᓇᓗᓇᐃᕆᓂᕐᒥᒃ ᐱᐅᓈᖅᓯᒪᓂᖏᓐᓂᒃ ᑕᒪᐃᓐᓂᒃ ᐊᑭᒋᓇᔭᖅᑕᖏᓐᓂᒃ ᑐᓂᔭᐅᓯᒪᔪᓂᒃ ᐊᒃᑐᐊᔪᓂᒃ ᖃᐅᔨᓴᕐᓂᕐᒧᑦ ᒪᓕᒐᑦᓴᓕᐊᖑᓯᒪᔪᓄᑦ.
15. ᑐᒃᓯᕋᖅᑐᑦ ᐋᖅᑭᒋᐊᕆᒍᓐᓇᖅᑐᑦ ᐊᑭᒋᓇᔭᖅᑕᖏᓐᓂᒃ ᓇᓗᓇᐃᖅᓯᒪᔭᒥᓂᒃ ᑎᑭᓪᓗᒍ ᒪᑐᕕᑦᓴᖓᑕ ᐅᓪᓗᖓ ᐊᒻᒪᓗ ᖃᐅᔨᓴᐅᑖ ᐃᕐᖐᓐᓈᕈᑎᒃᑯᑦ ᓱᒃᑲᔪᒃᑯᓘᓐᓃᑦ. ᐊᑭᒋᓇᔭᖅᑕᖏᓐᓂᒃ ᓇᓗᓇᐃᕈᑏᑦ ᐋᖅᑭᒋᐊᖅᑕᐅᒍᓐᓇᖏᑦᑐᑦ ᒪᑐᕕᑦᓴᖓᑕ ᐅᓪᓗᓂ ᑭᓯᐊᓂ ᖁᔭᓈᖅᑕᐅᒍᓐᓇᖅᑐᑦ ᑐᒃᓯᕋᖅᑐᒧᑦ ᖃᖓᑐᐃᓐᓇᖅ ᑐᖔᓂ ᐊᖏᖅᑕᐅᓂᖓᑕ.
16. ᑐᙵᕕᒃᑯᑦ ᐊᑐᖁᔨᕗᑦ ᐱᖁᑎᓄᑦ, ᐱᔨᑦᓯᕈᑎᓄᓪᓗ ᒪᓂᒪᑎᑕᐅᔪᓂᒃ ᐃᓄᐃᑦ ᓇᖕᒥᓂᖁᑎᖏᓐᓂᒃ, ᐱᓕᕆᑎᑦᓯᓂᕐᒧᑦ ᐱᓕᖕᒪᒃᓴᐃᓂᕐᒧᓪᓗ ᐃᓄᓐᓂᒃ ᐃᖅᑲᓇᐃᔭᖅᑎᓂᒃ ᖃᐅᔨᓴᖅᑕᐅᓂᖏᓐᓂ ᑐᑦᓯᕋᐅᑏᑦ.
17. ᑎᑎᕋᖅᓯᒪᔪᑦ ᐃᓄᐃᑦ ᓇᖕᒥᓂᖁᑎᖏᑦ ᐱᔭᑦᓴᐃᑦ ᖃᕆᓴᐅᔭᒃᑯᑦ: https://inuitfirm.tunngavik.com.
18. ᑐᑦᓯᕋᐅᑦ ᐊᒻᒪᓗ ᐃᓚᓕᐅᑎᓯᒪᔪᑦ ᑎᑎᕋᖅᓯᒪᔪᑦ ᑐᓂᔭᐅᔪᑦ ᑐᒃᓯᕋᖅᑐᒧᑦ ᓇᖕᒥᓂᖁᑎᑖᖑᓂᐊᖅᐳᖅ ᑐᙵᕕᒃᑯᓐᓄᑦ ᐊᒻᒪᓗ ᐅᑎᖅᑎᑕᐅᔾᔮᖏᑦᑐᖅ. ᓂᕆᐅᒋᔭᐅᔪᖅ ᓵᓚᒃᓴᖅᑐᖅ ᐊᑭᒋᔭᐅᓇᔭᖅᑐᒧᑦ ᓇᓗᓇᐃᕈᑎ ᓇᓗᓇᐃᖅᑕᐅᒍᓐᓇᖅᑐᖅ ᐄᑉᕈ 2, 2021 ᖃᐅᔨᓴᐅᑦ 5-ᒥ ᑲᓇᓐᓇᕐᒥ.
19. ᑐᑦᓯᕋᐅᓯᐅᖅᑐᑦ ᒪᓂᒪᑎᑕᖏᑦ ᐊᖏᖅᑕᐅᓚᐅᙱᑦᑐᑦ ᑐᓂᔭᐅᓂᐊᖅᑐᑦ ᑎᑎᖅᑲᒃᑯᑦ ᖃᐅᔨᒃᑲᐃᔾᔪᑎᒥᒃ ᖁᓕᒐᓚᓐᓂᒃ ᐱᓕᕆᓐᓇᐃᑦ ᐅᓪᓗᖏᓐᓂᒃ ᓂᕈᐊᕐᕕᐅᓚᐅᖅᑎᓗᒋᑦ.
B. ᒪᓕᒐᑦᓴᑦ ᐊᑐᖅᑕᐅᒋᐊᓕᓐᓄᑦ
2018-ᒥ ᒐᕙᒪᑐᖃᒃᑯᑦ ᐊᖏᕈᑎᖃᓚᐅᖅᑐᑦ $82-ᒥᓕᔭᓂᒃ ᖁᓕᓄᑦ ᐊᕐᕌᒍᓄᑦ ᐊᒻᒪᓗ $6-ᒥᓕᔭᓂᒃ/ᐊᕐᕌᒎᒧᑦ ᐱᓕᕆᐊᒧᑦ ᖃᓄᐃᓕᖅᐱᑖ? ᑲᓇᑕᒥ ᐃᓄᐃᑦ ᐃᓗᓯᖏᓐᓂᒃ ᖃᐅᔨᓴᕐᓂᖅ (ᑖᓐᓇ ᖃᐅᔨᓴᕐᓂᖅ) ᐊᔪᙱᔾᔪᑎᒃᓴᖓᓂᒃ ᐃᓄᐃᑦ ᐊᕕᑦᑐᖅᓯᒪᓂᖏᓐᓄᑦ ᐃᓄᐃᑦ ᓄᓇᖓᓂ ᐋᖅᑭᑦᓱᐃᓗᑎᒃ ᐱᐅᓂᖅᐹᓂᒃ, ᐃᓄᓐᓄᑦ−ᓯᕗᓕᖅᑎᑕᐅᔪᒥᒃ ᐊᒪᓗ ᐃᓄᐃᑦ−ᓇᖕᒥᓂᖁᑎᖓᓂᒃ ᐃᓗᓯᕐᒥᒃ ᖃᐅᔨᓴᕐᓂᕐᒧᑦ ᒥᐊᓂᖅᓯᓂᕐᒥᒃ ᐊᓯᔾᔨᕐᓂᐅᔪᒥᒃ, ᓇᓗᓇᐃᖅᑐᐃᓂᕐᒥᒃ ᐊᐳᖅᑕᕕᓐᓂᒃ ᐊᒻᒪᓗ ᑐᓴᐅᒪᓗᑎᒃ ᐃᓱᒪᓕᐅᕈᓐᓇᕈᑎᒃᓴᖏᓐᓂᒃ, ᓇᓗᓇᐃᕈᑎᒃᓴᓄᑦ ᑎᑭᐅᑎᒍᑎᒃᓴᑦ ᐱᕚᓪᓕᕈᑎᒃᓴᒥᒃ ᐃᓗᓯᕐᒧᑦ ᐊᒻᒪᓗ ᖃᓄᐃᙱᑦᓯᐊᑲᓐᓂᕈᑎᒃᓴᖏᓐᓂᒃ ᐃᓄᐃᑦ ᑲᓇᑕᒥ.
ᖃᐅᔨᓴᕐᓂᖅ ᑲᔪᓯᑎᑕᐅᕙᓪᓕᐊᔪ
ᖃᐅᔨᓴᕐᓂᖅ ᑲᔪᓯᑎᑕᐅᕙᓪᓕᐊᔪᖅ ᑲᓇᑕᒥ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᑲᓇᑕᒥ ᐊᒻᒪᓗ ᐊᕕᑦᑐᖅᓯᒪᓂᖏᑎᒍᑦ, ᐃᓚᒋᔭᐅᓪᓗᓂ ᐊᐅᓚᔾᔪᑎᖏᑦ ᐊᒻᒪᓗ ᐊᕕᑦᑐᖅᓯᒪᓂᕐᒨᖓᓂᖏᑦ ᐱᕙᓪᓕᐊᑎᑦᓯᒍᑎᒃᓴᑦ ᖃᐅᔨᓴᕐᓂᕐᒧᑦ, ᑐᕌᒐᖃᖅᑐᓂ ᖃᐅᔨᓴᕆᐊᒃᑲᓐᓂᖅᑕᐅᖃᑦᑕᓂᐊᕐᓂᕐᒥᒃ ᑕᓪᓕᒪᑦ ᐊᕐᕌᒍᑦ ᓈᒐᐃᑉᐸᑕ ᐊᑯᓂᐅᔪᒧᑦ−ᐃᓕᖓᔪᒥᒃ ᒥᐊᓂᖅᓯᓂᕐᒧᑦ.
ᖃᐅᔨᓴᕐᓂᖅ ᐊᐅᓚᑕᐅᖃᑦᑕᓂᐊᖅᑐᖅ ᐃᓪᓗᒥᐅᖃᑎᒌᑦ ᐊᐱᖅᓱᖅᑕᐅᖃᑦᑕᕐᓂᖏᑎᒍᑦ ᐅᕝᕙᓘᓐᓃᑦ ᓄᓇᓕᓐᓂ, ᖃᐅᔨᒋᐊᕐᕕᐅᑐᐃᓐᓇᖃᑦᑕᕐᓗᑎᒃ ᐊᐱᖅᓱᕋᑦᓴᐅᒻᒪᖔᑕ ᐃᓄᐃᑦ, ᑐᑭᓯᓇᓱᐊᕐᕕᐅᓗᑎᒃ ᐃᓚᓕᐅᔾᔭᐅᓯᒪᖁᓪᓗᒋᑦ ᐃᓪᓗᒥᐅᖃᑎᒌᓕᒫᓂᒃ ᖃᐅᔨᓴᕋᑦᓴᑦ.
ᐊᐱᖅᓱᕐᓃᑦ ᓄᐊᑦᓯᓂᕐᒧᑦ ᑲᑎᓐᓂᖏᓐᓂᒃ ᖃᐅᔨᓴᕈᑎᓂᒃ ᖃᐅᔨᓇᓱᐊᕈᑎᒃᓴᓄᑦ ᐱᒋᐊᕐᓂᐊᖅᑐᑦ ᐅᑭᐊᑦᓵᖅ/ᐅᑭᐅᖅ 2021, ᐊᐱᖅᓱᖅᑎᖃᕐᓗᑎᒃ ᓄᓇᓕᓐᓅᖃᑦᑕᖅᑐᓂᒃ ᖃᖓᑕᔫᒃᑯᑦ.
ᐊᑐᖅᑕᐅᒋᐊᖃᕐᓂᐊᖅᑐᑦ
ᑐᒃᓯᕋᐅᓯᐅᖅᑐᖅ ᐃᒪᐃᒍᓐᓇᕆᐊᓕᒃ;
• ᐋᖅᑭᑦᓱᐃᓗᓂ ᓄᓇᕗᑦ QNIHS ᐊᑐᖅᑕᐅᒋᐊᓕᓐᓄᑦ ᐸᕐᓇᐅᑎᓂᒃ ᐃᓗᓕᓕᓐᓂᒃ ᑐᑭᒧᐊᒍᑎᒃᓴᓂᒃ ᐃᖅᑲᓇᐃᔭᖅᑎᓴᖅᓯᐅᓂᕐᒧᑦ, ᐃᖅᑲᓇᐃᔭᖅᑎᑖᕐᓂᕐᒧᑦ, ᐱᓕᖕᒪᒃᓴᖅᑕᐅᓂᖏᓐᓄᑦ ᐱᓕᕆᔨᐅᓂᐊᖅᑐᑦ ᐱᓇᓱᐊᕐᕕᐅᔪᒥ, ᐃᖏᕐᕋᔾᔪᑎᑦ, ᖃᐅᔨᓴᕐᓂᕐᒧᑦ ᐊᐅᓚᑦᓯᔩᑦ, ᑐᐊᕕᕐᓇᖅᑐᓂᒃ ᐸᕐᓇᐅᑎᓂᒃ, ᐊᒻᒪᓗ ᐃᓘᓐᓈᒍᑦ ᑲᔪᓯᑎᑕᐅᕙᓪᓕᐊᓂᖏᓐᓂᒃ ᐊᑐᖅᑕᐅᒋᐊᓕᓐᓄᑦ ᐸᕐᓇᐅᑏᑦ ᑐᖔᓂ ᖃᐅᔨᓴᕐᓂᐅᑉ.
• ᐊᐅᓚᑦᓯᓂᕐᒥᒃ ᖃᐅᔨᓇᓱᐊᕈᑎᒥᒃ ᓄᓇᕗᑦ ᓄᓇᓕᓕᒫᖏᓐᓂᒃ ᓴᖅᑭᐅᒫᓂᑦᑐᓂᒃ ᐊᑐᖅᑕᐅᔪᓂᒃ (ᐃᖅᑲᓇᐃᔭᖅᑏᑦ, ᐃᓂᒃᓴᖅ, ᐱᖁᑏᑦ, ᐊᓯᖏᓪᓗ) ᐊᒻᒪᓗ ᓇᓗᓇᐃᖅᑐᐃᓂᕐᒥᒃ ᐊᑐᖅᑕᐅᔪᓄᑦ ᐊᐳᖅᑕᕐᕕᐅᕙᑦᑐᓂᒃ ᖃᐅᔨᓴᕈᑎᓂᒃ ᓄᐊᑦᓯᓂᕐᒧᑦ ᑐᓴᐅᒪᔾᔪᑎᒃᓴᓂᒃ ᐊᑐᕆᐊᓕᓐᓂᒃ ᐸᕐᓇᐅᑎᓄᑦ.
• ᐃᖅᑲᓇᐃᔭᖃᑎᖃᕐᓂᖅ ᓄᓇᕗᑦ ᒐᕙᒪᒃᑯᖏᓐᓂᒃ, ᐃᖢᐊᖅᓴᐃᕕᑦᑖᕆᐊᓕᓐᓂᒃ ᖃᐅᔨᓴᕐᓂᕐᒥᒃ ᓴᖅᑭᐅᒫᓂᑦᑐᓂ ᐊᑐᕋᑦᓴᓂ ᓄᓇᓖᑦ ᐋᓐᓂᐊᕐᕕᖏᓐᓂ.
• ᑲᑎᖅᓱᐃᓂᖅ ᐊᑐᖅᑕᐅᒍᒪᔪᓂᒃ ᓄᓇᓖᑦ ᐃᓚᐅᑎᑕᐅᒍᑎᒃᓴᖏᓐᓄᑦ ᖃᐅᔨᓴᕈᑎᓂᒃ ᓄᐊᑦᓯᓂᕐᒧᑦ (ᓲᕐᓗ, ᓯᕗᓕᕐᓂᖅ, ᓯᕗᓕᖃᑎᒌᓐᓂᖅ, ᐋᖅᑭᐅᒪᑦᓯᓂᖅ, ᐃᑲᔪᕐᓂᖅ, ᐅᔾᔨᓱᕐᓂᖅ) ᑐᓴᐅᒪᑎᑦᓯᒍᑎᒃᓴᒥᒃ ᐱᓕᕆᔪᓄᑦ ᐱᓕᕆᕕᒋᔭᐅᔪᓂ ᐊᑐᖅᑕᐅᒋᐊᓕᓐᓂᒃ.
• ᐊᑐᓕᖅᑎᑦᓯᒍᒪᓗᑎᒃ ᖃᐅᔨᓴᕐᓂᕐᒧᑦ ᐱᓕᕆᔪᓄᑦ ᐱᓕᕆᕝᕕᒋᔭᐅᔪᒥ ᐊᑐᓂᑦ ᓄᓇᕗᑦ ᐊᕕᑦᑐᖅᓯᒪᓂᖏᓐᓂ ᐊᑐᖅᑕᐅᓗᑎᒃ ᓄᓇᓖᑦ ᐱᔭᕆᐊᓕᖏᓐᓂᒃ ᖃᐅᔨᓴᕐᓂᕐᒥᒃ.
• ᐊᑐᓕᖅᑎᑦᓯᒍᒪᓗᑎᒃ ᖃᐅᔨᓴᕐᓂᕐᒧᑦ ᐊᑐᖅᑕᐅᒋᐊᓕᓐᓄᑦ ᐋᖅᑭᑦᓯᒪᔪᓂᒃ ᐊᒻᒪᓗ ᐃᖏᕐᕋᔾᔪᑎᓄᑦ ᐸᕐᓇᐅᑎᓂᒃ ᖃᐅᔨᓴᕈᑕᐅᔪᒧᑦ ᐱᓕᕆᔪᓄᑦ ᐱᓕᕆᕕᓐᓂ, ᐊᑐᖅᑕᐅᓗᓂ ᓄᓇᓖᑦ ᐱᔭᕆᐊᓕᖏᓐᓂᒃ ᖃᐅᔨᓴᕐᓂᕐᒥᒃ ᐊᒻᒪᓗ ᐅᖃᐅᓯᒃᓴᖏᓐᓂᒃ ᑐᙵᕕᒃᑯᑦ ᐊᒻᒪᓗ ᐱᓇᓱᐊᖃᑕᐅᔪᑦ.
• ᓇᓖᕌᕈᑎᒃᓴᖃᖅᑎᑦᓯᓂᕐᒥᒃ ᐊᒻᒪᓗ ᖃᐅᔨᓇᓱᐊᕈᑎᓂᒃ ᑖᒃᑯᓂᖓ ᓇᓖᕌᕈᑎᓂᒃ ᓇᐅᒃᑯᑦ ᐱᐅᓂᖅᐸᐅᓂᐊᕐᒪᖔᖅ ᖃᐅᔨᓴᕐᓂᖅ ᓄᓇᕗᒻᒥ (2-3 ᓇᓖᕌᕈᑎᒃᓴᑦ ᓂᕆᐅᒋᔭᐅᔪᑦ).
ᑐᑦᓯᕋᐅᓯᐅᖅᑐᖅ ᓂᕆᐅᒋᔭᐅᔪᖅ ᑲᒪᒍᓐᓇᕐᓂᖓᓂᒃ ᐋᖅᑭᑦᓱᐃᓂᕐᒥᒃ ᐊᑕᖏᖅᑐᓂᒃ ᐊᒻᒪᓗ ᐋᖅᑭᑦᓯᒪᑦᓯᐊᖅᑐᓂᒃ ᐊᑐᕆᐊᓕᓐᓄᑦ ᐸᕐᓇᐅᑎᓂᒃ ᓇᓗᓇᐃᖅᑐᐃᓂᒃᑯᑦ ᐊᑐᕆᐊᓕᓐᓂᒃ ᐱᔭᕆᐊᓕᖏᓐᓂᒃ ᐱᓪᓚᑖᖅᑐᒥᒃ, ᐆᑦᑐᕋᑦᓴᒥᒃ ᐊᒻᒪᓗ ᓈᖕᒪᑦᑐᒥᒃ ᐊᐅᓚᑦᓯᒍᑕᐅᑉᐸᑦ ᖃᐅᔨᓴᕐᓂᕐᒥᒃ ᓄᓇᕗᒻᒥ.
C. ᑐᑦᓯᕋᐅᑎᓂᒃ ᖃᐅᔨᓴᕈᑏᑦ
ᑐᑦᓯᕋᐅᑏᑦ ᖃᐅᔨᓴᖅᑕᐅᓂᐊᖅᑐᑦ ᒪᓕᒐᑦᓴᓕᐊᖑᓯᒪᔪᑎᒍᑦ ᐅᑯᑎᒎᓇ:
1. ᐅᓂᒃᑳᓕᐅᕐᓂᕐᒧᑦ ᐸᕐᓇᑕᖓ, ᐱᓕᕆᐊᒃᓴᓄᑦ ᐸᕐᓇᐅᑏᑦ, ᐱᓕᕆᐊᒃᓴᓕᕆᔫᑉ ᖃᐅᔨᒪᓂᖓ ᐊᔪᙱᓐᓂᖓᓗ: 40%
2. ᐊᑭᖏᑦ ᐊᑭᓕᖅᓲᑏᓪᓗ: 30%
3. ᐊᑐᕐᓂᖅ ᐃᓄᓐᓂᒃ ᐃᖅᑲᓇᐃᔭᖅᑎᓂᒃ: 20%
4. ᖃᐅᔨᒪᔮᖑᓂᖓ ᓱᖅᑯᐃᖅᑕᐅᓯᒪᓪᓗᓂ ᐃᓱᓕᕝᕕᒃᓴᓂᒃ ᑲᔪᓯᑦᓯᐊᓲᖑᒋᐊᖓ: 10%
ᑲᑎᓪᓗᖏᑦ: 100% (100 ᓈᓴᐅᑎᖅᓱᐃᔾᔪᑏᑦ)
1. ᐅᓂᒃᑳᓕᐅᕐᓂᕐᒧᑦ ᐸᕐᓇᑕᖓ, ᐱᓕᕆᐊᒃᓴᓄᑦ ᐸᕐᓇᐅᑏᑦ, ᐱᓕᕆᐊᒃᓴᓕᕆᔫᑉ ᖃᐅᔨᒪᓂᖓ ᐊᔪᙱᓐᓂᖓᓗ
ᑐᑦᓯᕋᐅᓯᐅᖅᑐᖅ ᑐᓂᓯᒋᐊᓕᒃ ᐊᑕᖏᖅᑐᓂᒃ ᓇᓗᓇᐃᔭᐅᑎᓂᒃ ᓴᖅᑭᑎᑦᓯᓯᒪᒍᑎᓂᒃ ᐸᕐᓇᑕᒥᓂᒃ ᐅᓂᒃᑳᒥᒃ ᑎᑎᕋᕐᓂᐊᓂᕐᒧᑦ ᓴᖅᑭᔮᖅᑎᑦᓯᔪᓂᒃ ᐅᑯᑎᒎᓇ:
• ᒪᓕᑦᓯᒪᓗᑎᒃ ᒪᓕᒐᑦᓴᓂᒃ ᐊᐅᓚᑦᓯᔾᔪᑎᓂᓪᓗ RFP−ᓄᑦ.
• ᑐᑭᓯᒪᓂᖅ ᐅᓂᒃᑳᓂ ᐊᑐᖅᑕᐅᒋᐊᓕᓐᓂᒃ ᐊᒻᒪᓗ “ᐊᐅᓚᑕᐅᔾᔪᑕᐅᒍᓐᓇᖅᑐᓂᒃ.”
• ᐋᖅᑭᒍᑎᒃᓴᐅᔪᓐᓇᖅᑐᒥᒃ, ᐊᑕᖐᔪᒥᒃ ᑲᒪᒋᔭᖃᕐᓂᕐᒥᒃ ᐱᓕᕆᐊᒥᒃ ᑎᑭᐅᑎᒍᑕᐅᓂᐊᖅᑐᒥᒃ ᐱᓕᕆᐊᒧᑦ ᐊᑐᖅᑕᐅᒋᐊᓕᓐᓂᒃ.
• ᐋᖅᑭᑦᓱᐃᓯᒪᑦᓯᐊᕈᓐᓇᕐᓗᓂ ᐊᐅᓚᑦᓯᑦᓯᐊᕈᓐᓇᕐᓗᓂᓗ, ᐃᓚᒋᔭᐅᓗᑎᒃ ᐱᓕᕆᐊᖃᖅᓯᒪᓂᒃᑯᑦ ᐊᑐᕋᑦᓴᓂᒃ ᐸᕐᓇᓂᕐᒧᑦ ᐊᒻᒪᓗ ᐋᖅᑭᐅᒪᑦᓯᓂᕐᒥᒃ ᓄᓇᕗᒻᒥ.
• ᓇᓗᓇᐃᖅᑐᖅᓯᒪᓗᓂ ᐱᓕᕆᐊᒃᓴᓄᑦ ᐸᕐᓇᐅᑦ, ᐃᓚᒋᔭᐅᓗᑎᒃ ᑎᓕᓯᔾᔪᑕᐅᓯᒪᔪᓄᑦ ᐱᐊᓂᒃᑕᐅᒋᐊᓖᑦ ᑲᔪᓯᑎᑕᐅᒍᓐᓇᕐᓗᑎᒃ ᓇᓗᓇᐃᖅᑕᐅᓯᒪᔪᑦ, ᐊᒻᒪᓗ ᐱᓕᕆᐊᖅ ᐊᐅᓚᓂᖏᓐᓂᒃ, ᐃᓚᒋᔭᐅᓗᑎᒃ ᕿᒥᕐᕈᓂᕐᒧᑦ ᑲᑎᒪᖃᑎᖃᖃᑦᑕᕐᓃᑦ ᑐᙵᕕᒃᑯᓐᓂᒃ ᐱᓇᓱᐊᖃᑕᐅᔪᓂᓪᓗ ᐅᖃᐅᓯᕆᔭᐅᓪᓗᐅᑕᖅᑐᓂᒃ.
• ᑮᓇᐅᔭᖅᑑᑎᒃᓴᑦ ᐊᒻᒪᓗ ᑮᓇᐅᔭᖅᑑᑎᒃᓴᓄᑦ ᐋᖅᑭᒋᐊᕈᑏᑦ ᓇᓕᖅᑯᑦᓯᓯᒪᔪᑦ ᐱᓕᕆᐊᖅ ᓇᓗᓇᐃᔭᖅᓯᒪᓂᖓᓂᒃ ᐊᒻᒪᓗ ᓇᓗᓇᐃᖅᑕᐅᓯᒪᔪᓂᒃ.
• ᖃᐅᔨᒋᐊᕐᕕᒃᓴᑦ ᐱᐊᓂᖃᑦᑕᖅᓯᒪᔭᖏᓐᓂᒃ ᑲᔪᓯᑦᓯᐊᖅᓯᒪᔪᑦ ᐅᓂᒃᑳᑦ ᐊᔾᔨᐸᓗᖓᓅᖓᔪᑦ ᖃᓄᐃᓕᖓᓂ ᐃᓚᓕᐅᔾᔭᐅᓯᒪᒋᐊᓕᒃ, ᖃᐅᔨᒋᐊᕐᕕᒃᓴᑦ ᑕᕝᕙᓃᖃᑕᐅᓗᑎᒃ (ᐊᑎᖏᑦ, ᑐᕌᕈᑎᖏᑦ, ᐅᖄᓚᐅᑎᖏᓪᓗ).
2. ᐊᑭᖏᑦ ᐊᑭᓕᖅᓲᑏᓪᓗ
ᑐᑦᓯᕋᐅᑎᓃᒋᐊᓕᒃ ᓇᓗᓇᐃᔭᖅᓯᒪᔪᖅ ᐊᑐᕈᒪᔭᐅᔪᓂᒃ ᐊᑭᓕᑦᓴᓕᐅᕆᓂᕐᒧᑦ ᐋᖅᑭᑦᓯᒪᓂᖏᓐᓂᒃ ᐊᒻᒪᓗ ᐃᓚᒋᔭᐅᒋᐊᓕᒃ ᓇᓗᓇᐃᔭᖅᓯᒪᔪᖅ ᐊᑐᖅᑕᐅᖃᑦᑕᓲᖅ ᐊᑭᓕᑦᓴᓕᐅᕈᑎ. ᑐᑦᓯᕋᖅᑐᖅ ᐃᓚᓕᐅᔾᔨᓯᒪᒋᐊᓕᒃ ᓇᓗᓇᐃᔭᖅᓯᒪᔪᓂᒃ ᑎᑎᕋᖅᓯᒪᓂᖏᓐᓂᒃ ᐊᑭᓕᑦᓴᓕᐅᕈᑕᐅᖃᑦᑕᓂᐊᖅᑐᓂᒃ. ᐊᑭᓖᒍᑏᑦ ᓇᓗᓇᐃᖅᑕᐅᓯᒪᒋᐊᓖᑦ ᑲᓇᑕᒥ ᑮᓇᐅᔭᖁᑎᖏᑎᒍᑦ.
3. ᐊᑐᕐᓂᖅ ᐃᓄᓐᓂᒃ ᐃᖅᑲᓇᐃᔭᖅᑎᓂᒃ
ᑳᓐᑐᓛᒧᑦ ᑐᑦᓯᕋᐅᑦ ᓴᖅᑭᔮᖅᑎᑦᓯᔪᖅ ᐊᑐᕐᓂᐊᓂᕐᒥᒃ ᐃᓄᓐᓂᒃ ᐃᖅᑲᓇᐃᔭᖅᑎᓂᒃ (ᑐᕋᐃᓐᓇᖅᑐᒥᒃ ᐅᕝᕙᓘᓐᓃᑦ ᑳᓐᑐᓛᒃᑕᐅᓯᒪᔪᖅ−ᐃᑲᔪᖅᑎᖓᒍᑦ) ᑐᓂᔭᐅᓂᐊᖅᑐᖅ 20%-ᒨᖓᔪᒥᒃ ᐃᓘᓐᓈᒍᑦ ᐊᑐᐃᓐᓇᕐᓂᒃ ᓈᓴᐅᑎᖅᓱᐃᒍᑎᓂᒃ. ᑐᓂᔭᐅᒍᓇᖁᓪᓗᒍ ᐋᖅᑭᒋᐊᕈᑎᒥᒃ ᐊᑐᓂᕐᒧᑦ ᐃᓄᓐᓂᒃ ᐃᖅᑲᓇᐃᔭᖅᑎᓂᒃ, ᑳᓐᑐᓛᒃᑯᑦ ᑐᑦᓯᕋᐅᑎᓃᒋᐊᓖᑦ ᓇᓗᓇᐃᖅᑐᖅᓯᒪᔪᑦ ᑖᒃᑯᓄᙵᖓᔪᑦ ᑐᑦᓯᕋᐅᑎᓄᑦ ᐊᑐᕐᓂᐊᓂᕐᒥᒃ ᐃᓄᓐᓂᒃ ᐃᖅᑲᓇᐃᔭᖅᑎᓂᒃ ᑐᑦᓯᕋᐅᓯᐅᖅᑐᖅ ᐊᒻᒪᓗ ᑳᓐᑐᓛᒃᑕᐅᓯᒪᔪᓂᒃ−ᐃᑲᔪᖅᑏᑦ. ᐅᓂᒃᑳᓕᐅᒃᑲᓐᓂᕆᐊᖃᕐᓂᐊᖅᑐᑦ ᑐᓂᔭᐅᔪᒥᒃ ᑐᑦᓯᕋᖅᓯᒪᔪᒥᒃ ᐊᑐᓪᓚᑖᖅᑐᒥᓂᐅᓂᕐᒥᒃ ᐃᓄᓐᓂᒃ ᐃᖅᑲᓇᐃᔭᖅᑎᓂᒃ ᑳᓐᑐᓛᒃ ᑐᓂᔭᐅᓚᐅᖅᑎᓪᓗᒍ ᐊᒻᒪᓗ ᑲᔪᓯᑎᑦᓯᓂᙱᑉᐸᑦ ᑐᑦᓯᕋᐅᑕᐅᔪᒥᒃ ᐃᓄᓐᓂᒃ ᐃᖅᑲᓇᐃᔭᖅᑎᖃᕐᓂᐊᓂᕐᒥᒃ ᐊᑭᓖᑎᑕᐅᒍᓐᓇᖅᑐᖅ.
4. ᐃᓱᓕᕝᕕᑦᓴᓂᒃ ᑲᔪᓯᑎᑦᓯᑦᓯᐊᓲᖑᓂᖓ
ᐃᓱᓕᕝᕕᑦᓴᓂᒃ ᑲᔪᓯᑎᑦᓯᑦᓯᐊᓲᖑᓂᖓ ᑭᖑᓪᓕᖅᐹᖅᓯᐅᒻᒥ ᐅᓂᒃᑳᒥ ᐱᖕᒪᕆᐅᔪᖅ. ᑐᑦᓯᕋᐅᑎᖓᒍᑦ ᓴᖅᑭᔮᕆᐊᓕᒃ ᖃᓄᖅ ᑎᒥᐅᔪᖅ ᑎᑭᐅᑎᖃᑦᑕᖅᓯᒪᒻᒪᖔᖅ ᐃᓱᓕᕝᕕᑦᓴᓂᒃ ᐊᒻᒪᓗ ᒪᕐᕉᓐᓂᒃ ᖃᐅᔨᒋᐊᕐᕕᓵᓐᓂᒃ ᓇᓗᓇᐃᕆᓯᒪᓗᓂ.
D. ᐃᓄᐃᑦ ᓇᖕᒥᓂᖁᑎᖏᓐᓄᑦ ᐋᖅᑭᒋᐊᕈᑎ
1. ᐃᓄᐃᑦ ᓇᖕᒥᓂᖁᑎᖏᑦ, ᑎᑎᕋᖅᑕᐅᓯᒪᔪᑦ ᑐᙵᕕᒃᑯᑦ ᐃᓄᐃᑦ ᓇᖕᒥᓂᖁᑎᖏᓐᓄᑦ ᑎᑎᕋᖅᑕᐅᕕᖓᓂ, ᑐᓂᔭᐅᓂᐊᖅᑐᑦ ᐋᖅᑭᒋᐊᕈᑎᒥᒃ (ᐃᓄᐃᑦ ᓇᖕᒥᓂᖁᑎᖓᓄᑦ ᐋᖅᑭᒋᐊᕈᑎᒥᒃ) 10% ᐊᑭᖏᓐᓄᑦ ᐊᑭᓕᖅᓱᕆᐊᓖᑦ ᑳᓐᑐᓛᒧᑦ ᑐᑦᓯᕋᐅᑎᓂ.
2. ᐃᓄᐃᑦ ᓇᖕᒥᓂᖁᑎᖏᑦ ᑐᓂᓯᒋᐊᓖᑦ ᓇᓗᓇᐃᖅᑐᖅᓯᒪᔪᓂᒃ ᐃᓄᐃᑦ ᓇᖕᒥᓂᖁᑎᖏᓐᓄᑦ ᖃᓄᐃᓕᖓᓂᕐᒥᓂᒃ ᑐᓂᔭᐅᒍᓐᓇᖁᓪᓗᒋᑦ ᐃᓄᐃᑦ ᓇᖕᒥᓂᖁᑎᖏᓐᓄᑦ ᐋᖅᑭᒋᐊᕈᑎᒥᒃ.
3. ᖃᐅᔨᓴᕈᑕᐅᔪᖅ ᐃᓄᐃᑦ ᓇᖕᒥᓂᖁᑎᖏᓐᓄᑦ ᐊᑭᑦᑐᕋᐅᑎᒍᑎᖏᓐᓂᒃ ᐋᖅᑭᒋᐊᕈᑎᓄᑦ:
• ᑳᓐᑐᓛᓄᑦ ᑐᒃᓯᕋᐅᑎᓃᖃᑕᐅᒋᐊᓖᑦ ᓇᓗᓇᐃᔭᖅᓯᒪᓗᑎᒃ ᑕᒪᐃᓐᓄᑦ ᑳᓐᑐᓛᒥᒃ ᑐᓂᔭᐅᔪᒧᑦ ᐃᓚᐅᑎᑕᐅᔪᑦ, ᐃᓚᒋᔭᐅᓗᑎᒃ ᐊᑭᖏᑦ ᐊᑭᓕᖅᓲᑏᓪᓗ ᑐᓂᔭᐅᒋᐊᓖᑦ ᑳᓐᑐᓛᒥᒃ ᑐᓂᔭᐅᔪᒧᑦ ᐃᓚᐅᑎᑕᐅᔪᓄᑦ.
• ᐃᓄᐃᑦ ᓇᖕᒥᓂᖁᑎᖏᓐᓄᑦ ᐋᖅᑭᒋᐊᕈᑎ ᐃᓕᔭᐅᒋᐊᖃᙱᑦᑐᖅ ᐊᕕᑦᑐᖅᑕᐅᓯᒪᓂᖏᓐᓄᑦ ᑳᓐᑐᓛᓂᒃ ᑐᒃᓯᕋᐅᑎᓄᑦ ᐃᖅᑲᓇᐃᔮᖅ ᑳᓐᑐᓛᒥᒃ ᑐᓂᔭᐅᔪᒧᑦ ᐃᓚᐅᑎᑕᐅᔪᓅᖓᓂᐊᖅᐸᑦ ᐃᓄᒻᒧᑦ ᓇᖕᒥᓂᖁᑕᐅᙱᑉᐸᑦ.
• ᐃᓄᐃᑦ ᓇᖕᒥᓂᖁᑎᖏᓐᓄᑦ ᐋᖅᑭᒋᐊᕈᑏᑦ ᐃᓚᐅᑎᑕᐅᒍᓐᓇᖅᑐᑦ ᑕᐃᒃᑯᓄᖓ ᑳᓐᑐᓛᓄᑦ ᑐᒃᓯᕋᐅᑎᓄᑦ ᐃᓄᐃᑦ ᓇᖕᒥᓂᖁᑎᒋᙱᑕᖏᓐᓄᑦ ᐊᒃᑐᐊᔪᓄᑦ ᐃᓚᖓᒍᑦ ᑳᓐᑐᓛᒧᑦ ᑐᒃᓯᕋᐅᑎᓄᑦ ᐃᖅᑲᓇᐃᔮᖅ ᑐᓂᔭᐅᓂᐊᖅᐸᑦ ᑳᓐᑐᓛᒥᒃ ᐃᑲᔪᖅᑎᓕᒻᒧᑦ ᐃᓚᐅᑎᑦᓯᔪᒧᑦ ᐃᓄᐃᑦ ᓇᖕᒥᓂᖁᑎᖓᓂᒃ.
