ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ), ᑭᒡᒐᖅᑐᐃᔪᑦ ᑲᑐᔾᔨᖃᑎᒌᑦ ᓄᓇᕗᑦ ᐃᓄᓐᓂᒃ 1993 ᓄᓇᕗᑦ ᐊᖏᕈᑐᖓᒍᑦ, ᓴᖅᑮᕗᑦ ᑳᑐᓐᓛᕋᑦᓴᖅᓯᐅᕈᑎᒥᒃ (RFSO) ᐊᙳᑎᑎᑦᓯᒋᐊᕋᔭᖅᑐᓂᒃ ᑐᙵᕕᒃᑯᑦ ᑎᑎᕋᖅᓯᒪᔪᖁᑎᖏᓐᓂᒃ ᐊᔪᙱᔾᔪᑎᓕᓐᓂᒃ ᑳᓐᑐᓛᓄᑦ ᖃᐅᔨᒪᔨᑕᐅᒍᓐᓇᖅᑐᓂᒃ ᐊᒻᒪᓗ ᐊᔾᔨᐸᓗᖏᓐᓂᒃ ᐱᔨᑦᓯᕈᑎᓂᒃ ᑐᙵᕕᒃᑯᓐᓄᑦ ᑳᓐᑐᓛᒧᑦ ᐊᖏᕈᑎᒃᑯᑦ ᑐᙵᕕᒃᑯᑦ ᓂᐅᕕᕐᓂᕐᒧᑦ ᐊᑐᐊᒐᖓᒍᑦ. ᐊᑕᖏᖅᑐᖅ ᓇᓕᖅᑲᖓ RFSO ᐊᒻᒪᓗ ᑐᙵᕕᒃᑯᑦ ᓂᐅᕕᕐᓂᕐᒧᑦ ᐊᑐᐊᒐᖓ ᑕᑯᒋᐊᕋᑦᓴᖅ ᑐᙵᕕᒃᑯᑦ ᐃᑭᐊᖅᑭᔾᔪᑎᖓᓂ www.tunngavik.com ᐅᕝᕙᓘᓐᓃᑦ ᖃᐅᔨᒋᐊᕐᕕᒋᓗᒍ ᖃᐅᔨᒋᐊᕐᕕᒃᓴᖅ ᓇᓗᓇᐃᖅᓯᒪᔪᖅ ᑖᒃᑯᓇᓂ.
ᑐᙵᕕᒃᑯᑦ ᓇᓗᓇᐃᖅᓯᒪᔭᖏᑦ 7 ᓂᐅᕕᕈᓐᓇᕈᑕᐅᔪᑦ ᑖᑦᓱᒧᖓ RFSO-ᒧᑦ:
| ᐃᓚᖓ 1 (ᑎᑎᖅᑲᖅ 1) | ᐊᑐᖅᑕᐅᓲᒥᒃ ᑯᐊᐳᕇᓴᓄᑦ, ᑮᓇᐅᔭᓕᕆᓂᕐᒧᑦ ᐃᖅᑲᓇᐃᔭᖅᑐᓕᕆᓂᕐᒧᓪᓗ ᐊᐅᓚᑦᓯᔩᑦ ᐊᒻᒪᓗ ᐊᐅᓚᑦᓯᔾᔪᑏᑦ (ᐃᓚᒋᔭᐅᓗᓂ ᐱᓕᖕᒪᒃᓴᐃᓂᖅ) |
| ᐃᓚᖓ 2 (ᑎᑎᖅᑲᖅ 2) | ᓄᓇᕗᑦ ᐊᖏᕈᑎᖓᓂᒃ ᐊᑐᓕᖅᑎᑦᓯᕙᓪᓕᐊᓂᕐᒧᑦ (ᐱᙱᑕᑐᐊᕆᓗᒋᑦ 3, 4, 5 ᐊᒻᒪᓗ 6) |
| ᐃᓚᖓ 3 (ᑎᑎᖅᑲᖅ 3) | ᐆᒪᔪᓕᕆᓂᕐᒧᑦ ᐊᕙᑎᓕᕆᓂᕐᒧᓪᓗ ᐃᓚᒋᔭᐅᓗᑎᒃ ᐱᓕᕆᐊᒥᒃ ᖃᐅᔨᓴᕐᓂᖅ |
| ᐃᓚᖓ 4 (ᑎᑎᖅᑲᖅ 4) | ᓄᓇᓕᕆᔨᒃᑯᑦ ᐊᐅᓚᑦᓯᔨᖏᑦ ᐃᓚᒋᔭᐅᓗᑎᒃ ᑖᒃᑯᑑᙱᑦᑐᑦ ᐊᐅᓚᑕᐅᓂᖏᓐᓂᒃ ᐃᓄᐃᑦ ᓄᓇᖁᑎᖏᓐᓂᒃ ᐊᒻᒪᓗ ᐅᔭᕋᓐᓂᐊᕋᑦᓴᑦ |
| ᐃᓚᖓ 5 (ᑎᑎᖅᑲᖅ 5) | ᐃᓄᐃᑦ ᐃᖅᑲᓇᐃᔭᖅᑐᑦ ᐊᒻᒪᓗ ᐱᓕᖕᒪᒃᓴᐅᑎᑦ |
| ᐃᓚᖓ 6 (ᑎᑎᖅᑲᖅ 6) | ᐃᓅᓯᓕᕆᔨᒃᑯᑦ ᐃᓚᒋᔭᐅᓪᓗᑎᒃ ᐃᓄᒃᑐᑦ ᐱᕙᓪᓕᐊᑎᑦᓯᓂᖅ ᐱᕚᓪᓕᕈᑎᑦᓴᓪᓗ; ᐃᓗᓯᕐᒥᒃ ᐊᐅᓚᑦᓯᔾᔪᑎᑦ ᖃᐅᔨᓴᕐᓂᕐᓗ. |
| ᐃᓚᖓ 7 (ᑎᑎᖅᑲᖅ 7) | ᐃᓄᐃᑦ ᓂᕈᐊᖅᑕᐅᓯᒪᒧᑦ ᐱᕙᓪᓕᐊᓂᖏᑦ ᐊᐅᓚᑦᓯᓂᖏᑦ ᐃᓚᒋᔭᐅᓗᑎᒃ ᓇᖕᒥᓂᖅ− ᒐᕙᒪᖃᕐᓂᖅ, ᐃᓄᐃᑦ ᒐᕙᒪᒃᑯᑦ ᑲᑐᔾᔨᓂᖏᑦ, ᐱᖁᑎᕐᔪᐊᑦ ᐃᒡᓗᓕᕆᓂᕐᓗ |
ᐱᓇᓱᐊᕈᒪᔪᖅ ᑎᒥᐅᔪᖅ ᑭᒃᑯᑐᐃᓐᓇᐃᓘᓐᓃᑦ ᑐᓂᓯᒍᓐᓇᖅᑐᑦ ᐸᐃᑉᐹᒥᒃ ᐊᒻᒪᓗ/ᐅᕝᕙᓘᓐᓃᑦ ᖃᕆᓴᐅᔭᒃᑯᑦ ᐱᓇᓱᐊᕈᑎᒥᓂᒃ. ᑐᑦᓯᕋᐅᑏᑦ ᐱᔭᐅᓯᒪᔭᕆᐊᓖᑦ ᑐᙵᕕᒃᑯᓐᓄᑦ ᑭᖑᓂᐊᓂᐅᙱᑦᑐᖅ ᖃᐅᔨᓴᐅᑦ 5 ᑲᓇᓐᓇᕐᒥ ᒫᑦᓯ 2, 2026 ᐅᕗᙵᐅᑎᓗᒍ ᐅᕝᕙᓘᓐᓃᑦ ᐃᕐᖐᓐᓇᕈᑎᒃᑰᖅᑕᐅᓗᓂ:
ᓄᓇᕗᑦ ᑐᙵᕕᒃ ᑎᒥᖓ
ᐅᕗᖓ: ᒪᕇ ᕗᐃᓗ, ᒪᓕᒐᕐᓂᐊᖅᑎ
100-922 ᓯᕗᒧᒋᐊᖅ ᐊᖅᑯᑖ
ᐃᖃᓗᐃᑦ, ᓄᓇᕗᑦ X0A 3H0
ᑳᓐᑐᓛᒃᑕᐅᓯᒪᔪᑦ ᐊᖏᕈᑎᒃᑯᑦ ᑐᙵᕕᒃᑯᓐᓄᑦ ᒫᑦᓯ 31, 2026, ᐅᔾᔨᓇᖅᑐᒥᒃ ᐊᓯᔾᔨᖅᑐᖃᖅᓯᒪᑎᓐᓇᒍ ᑐᑦᓯᕋᐅᑎᖏᓐᓂ, ᓇᓗᓇᐃᕈᓐᓇᖅᑐᑦ, ᐃᕐᖐᓐᓈᕈᑎᒃᑯᑦ, ᓄᑖᙳᕆᐊᖅᓯᓇᔭᕐᓂᕐᒥᓂᒃ 2026-2027 ᑮᓇᐅᔭᓕᕆᓐᓇᐅᑉ ᐊᕐᕌᒍᐊᓄᑦ ᑐᓂᓯᙱᓪᓗᑎᒃ ᐊᑕᙱᑦᑐᒥᒃ ᐱᓇᓱᐊᕈᑎᒥᓂᒃ.
