ᒪᓕᒐᓕᕆᔨᒃᑯᑦ ᐊᓪᓚᕝᕕᖓᓂ
ᓄᓇᕗᑦ ᑐᙵᕕᒃᑯᑦ ᑎᒥᖁᑎᖓᑦ
ᐃᖃᓗᓐᓂ, ᓄᓇᕗᒥ
ᓄᓇᕗᑦ ᑐᙵᕕᒃᑯᑦ ᑎᒥᖁᑎᖓᑦ (ᑐᙵᕕᒃᑯᑦ) ᕿᓂᖅᐳᑦ ᐊᑯᓐᓂᖓᓃᑦᑐᒥᒃ ᖁᑦᑎᓐᓂᓕᖕᒥᒃ ᒪᓕᒐᓕᕆᔨᒥᒃ/ᓴᐳᓐᓂᐊᖅᑎᒥᒃ ᐃᖅᑲᓇᐃᔭᖃᑦᑕᖅᓯᒪᓗᓂ ᐅᑭᐅᓄᑦ ᑎᓴᒪᓄᑦ (4) ᑎᑭᓪᓕᒍ (7)-ᓄᑦ ᒪᓕᒐᓕᕆᔨᐅᓯᒪᓗᓂ ᐊᓪᓚᕝᕕᖓᓄᑦ ᐃᖃᓗᓐᓂ, ᓄᓇᕗᒥ ᐱᓕᕆᕝᕕᖓᓂ.
ᓄᓇᕗᑦ ᑐᙵᕕᒃᑯᑦ ᒪᓕᒐᓕᕆᔨᖏᑦ ᐱᓕᕆᔨᖃᓪᓗᐊᑕᖅᑐᖅ ᓄᓇᕗᑦ ᑐᙵᕕᒃᑯᑦ ᑲᑎᒪᔨᖏᓐᓂᒃ, ᓯᕗᓕᖅᑎᖏᓐᓂᒃ, ᓯᓚᑖᓃᑦᑐᓂᓪᓗ ᒪᓕᒐᓕᕆᔨᓂᑦ/ᑐᑦᑕᖅᕕᐅᔪᓂᑦ ᑖᒃᓱᒪᓂ ᒪᓕᒐᓕᕆᓂᐅᔪᓂ ᑐᙵᕕᒃᑯᓐᓄᑦ. ᐱᓕᕆᐊᒃᓴᖏᑦ ᐃᓚᖃᖅᐳᑦ ᐊᑐᐃᓐᓇᕈᖅᓴᐃᓗᓂ/ᑲᑎᒪᖃᑕᐅᕙᓪᓗᓂ ᓄᓇᕗᑦ ᑐᙵᕕᒃᑯᓐᓄᑦ ᐃᓚᒋᔭᐅᔪᓄᑦ ᑲᑎᒪᔨᖏᓐᓄᓪᓗ (ᐊᐅᓪᓚᖃᑦᑕᑐᐃᓐᓇᕆᐊᓕᒃ), ᐊᐅᓚᑦᓯᓗᓂ ᒪᓕᒐᓕᕆᓂᕐᒧᑦ ᖃᐅᔨᓴᖅᑐᓕᕆᓂᕐᒥᒃ ᑐᓂᓯᓗᓂᓗ ᒪᓕᒐᑎᒍᑦ ᐅᖃᐅᔾᔨᒋᐊᕐᓂᕐᒥᒃ ᐊᒥᓱᓂᒃ ᒪᓕᒐᑎᒍᑦ ᐱᖃᓯᐅᑎᓗᓂ ᓄᓇᕗᒥ ᐊᖏᕈᑎᖓᑦ ᑐᑭᓯᑎᑕᐅᓂᖓᑦ ᐊᑐᓕᖅᑎᑕᐅᓂᖓᓪᓗ, ᓄᓇᖃᖅᑳᖅᓯᒪᔪᑦ/ᐱᖁᔭᕐᔪᐊᓕᕆᓂᖅ, ᑎᑎᕋᖅᕕᓕᕆᓂᖅ, ᑯᐊᐳᕇᓴᑎᒍᑦ, ᐃᖅᑲᓇᐃᔭᖅᑐᓕᕆᓂᖅ, ᐆᒪᔪᓕᕆᓂᖅ ᓄᓇᒦᙶᖅᓯᒪᔪᓄᑦ ᒪᓕᒐᖅ, ᑳᓐᑐᓛᓄᑦ, ᕿᒥᕐᕈᓂᖅ ᐱᖁᔭᕐᓂᒃ ᐊᑐᐊᒐᕐᓂᓪᓗ ᐊᑐᐃᓐᓇᕈᖅᓴᐃᓂᕐᒥᓪᓗ ᑐᓂᔭᐅᔪᓂᑦ ᒪᓕᒐᓕᐊᖑᔪᒪᔪᓂᑦ, ᑭᒃᑯᑐᐃᓐᓇᕐᓄᑦ ᒐᕙᒪᒋᔭᐅᔪᓄᑦ/ᒐᕙᒪᒃᑯᑦ ᐱᓕᕆᕕᖏᓐᓂᑦ, ᑲᒪᒋᔭᖃᕐᓂᕐᒥᓪᓗ ᒪᓕᒐᑎᒍᑦ ᐊᑲᐅᙱᓕᐅᕈᑕᐅᔪᓂᒃ.
ᐃᖅᑲᓇᐃᔮᖅᑖᖅᑐᖅ ᐃᖅᑲᓇᐃᔭᓚᐅᖅᓯᒪᓗᓂ ᐅᑭᐅᓄᑦ ᓯᑕᒪᓄᑦ 7-ᓄᓪᓗ, ᒪᓕᒐᓕᕆᔨᙳᕐᓂᕋᖅᑕᐅᓯᒪᓗᓂ, ᐃᓚᒋᔭᐅᔪᖅ ᒪᓕᒐᓕᕆᓂᕐᒧᑦ ᑲᑐᔾᔨᖃᑎᒌᑦ ᓄᓇᕗᒥ ᐅᕝᕙᓘᓐᓃᑦ ᐃᓚᒋᔭᐅᔪᓐᓇᖅᓯᓯᒪᓗᓂ (ᐆᑦᑐᑎᒋᓗᒍ ᐱᔭᕇᕈᓯᐊᖅᓯᒪᓗᓂ ᓯᕗᓪᓕᕐᒥᒃ ᐃᓕᓴᕆᔭᐅᓯᒪᔪᒥᒃ ᑲᓇᑕᒥ ᒪᓕᒐᓕᕆᓂᕐᒧᑦ ᐃᓕᓐᓂᐊᕐᕕᖕᒥᑦ ᐃᓚᒋᔭᐅᓗᓂᓗ ᐊᓯᐊᓄᑦ ᐊᕕᒃᑐᖅᓯᒪᔪᒧᑦ ᑲᓇᑕᒥ).
ᑎᑎᕋᑦᑎᐊᒃᑲᒻᒪᕆᐅᓗᓂ, ᑐᑭᓯᓇᓱᐊᑦᓯᐊᒃᑲᐅᓗᓂ, ᑐᓴᐅᒪᖃᑎᒌᑦᑎᐊᕈᓐᓇᕐᓗᓂ. ᐅᖃᐅᓯᖅᑎᒍ ᑎᑎᕋᕐᓂᖏᓪᓗ ᐃᓄᑦᑎᑐᑦ ᑐᓴᐅᒪᖃᑎᒌᓐᓂᕐᒥᒃ ᓴᙱᔫᓗᑎᑦ, ᐃᓕᒍᒪᓂᖃᑦᓯᐊᕐᓗᓂᓗ. ᓄᓇᕘᒥ ᐃᖅᑲᓇᐃᔮᖃᖅᓯᒪᓂᑰᓗᓂ ᐱᒻᒪᕆᐅᔪᓪᓗ ᓄᓇᕗᒥ ᐊᖏᕈᑎᖓᓂᑦ ᐱᔭᕆᐊᖃᖅᐳᑦ. ᖃᐅᔨᒪᓂᖃᕐᓗᓂ ᐃᓄᐃᑦ ᑲᑐᔾᔨᖃᑎᒌᖏᑕ ᐊᐅᓚᑦᑎᕕᖃᕐᓂᖓᓂᑦ ᐃᓄᐃᑦ/ᓄᓇᖃᖅᑳᖅᓯᒪᔪᑦ ᒪᓕᒐᖓᑦ/ᐊᑐᐊᒐᕐᓄᑦ ᐊᑲᐅᙱᓕᐅᕈᑕᐅᔪᑦ ᓴᙱᔫᓗᑎᒃ ᐱᔪᓐᓇᕐᓂᕆᔭᐅᕗᑦ.
ᐱᓕᕆᔪᓐᓇᕐᓗᓂ ᐱᔭᕇᖅᕕᖃᖅᑐᓂᑦ, ᐊᑲᐅᙱᓕᐅᕈᑕᐅᔪᓂᒃ ᖃᓄᖅᑑᕈᓐᓇᑦᑎᐊᕐᓗᓂ ᐱᓕᕆᔪᓐᓇᕐᓗᓂ ᑲᑎᒪᕕᐅᔪᑦ ᐃᓗᐊᓂ ᐊᒃᓱᕈᕐᓇᖅᑐᒃᑰᕈᓐᓇᕐᓗᓂᓗ ᐱᖁᔭᐅᓯᒪᔪᑦ.
ᓯᕗᓪᓕᐅᑎᑕᐅᔪᑦ ᐃᓄᓐᓄᑦ ᐊᑎᖃᖃᑕᐅᔪᓄᑦ ᓄᓇᕗᒥ ᐊᖏᕈᑎᖓᒍᑦ.
ᑮᓇᐅᔾᔭᒃᓵᖓᑕ ᐱᒋᐊᕐᕕᖓᑦ ᒪᓕᑦᑐᖅ ᐃᖅᑲᓇᐃᔭᖃᑦᑕᖅᓯᒪᓂᖓᓄᑦ ᓄᓇᕗᑦ ᑐᙵᕕᒃᑯᓪᓗ ᑮᓇᐅᔾᔭᒃᓴᕕᖓᒍᑦ ᐋᖅᑭᓱᖅᓯᒪᔪᑎᒍᑦ. ᑐᙵᕕᒃᑯᑦ ᒪᓂᒪᑎᑦᑎᕙᒃᐳᑦ ᐊᑕᖐᑦᑎᐊᖅᑐᒥᒃ ᐱᕚᓪᓕᕈᑕᐅᕙᒃᑐᓄᑦ ᑲᑎᖅᓱᖅᓯᒪᔪᓂᒃ, ᐃᓚᒋᔭᐅᓪᓗᓂ ᐃᖅᑲᓇᐃᔭᖅᑏᑦ ᐃᓐᓇᖅᓯᐅᑎᑖᖅᐸᖕᓂᕐᒧᑦ, ᓇᓪᓕᐅᒃᑯᒫᓄᑦ ᕿᑲᕈᑎᓄᓪᓗ.
ᐃᓪᓗᖃᕐᓂᕐᒧᑦ ᐃᑲᔫᑎᖓᑦ $35,865.00
ᐊᑕᖐᔪᒥᒃ ᓇᓗᓇᐃᖅᓯᒪᔪᒥᒃ ᐃᖅᑲᓇᐃᔮᒃᓴᐅᑉ ᒥᒃᓵᓄᑦ, ᐅᖃᖅᕕᒋᒍᒃ:
ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᕗᑦ ᑐᙵᕕᒃᑯᑦ ᑎᒥᖁᑎᖓᑦ
ᑲᖏᖅᖠᓂᖅ, ᓄᓇᕗᒥ X0C-0G0
ᐅᖄᓚᐅᑎᖓᑦ: 867-645-5408
ᑐᐊᕕᕐᓇᖅᑐᒃᑰᕈᑎᖓᑦ: 867-645-3872
ᒪᑐᕕᒃᓴᓕᒃ: ᑏᓰᕝᕙ 12 ᐅᕝᕙᓘᓐᓃᑦ 26, 2025
ᐱᓕᕆᐊᒃᓴᕆᔭᕗᑦ: ᐃᓄᐃᑦ ᑮᓇᐅᔭᓕᐅᕈᑎᒃᓴᖏᑦ, ᐃᓅᖃᑎᒌᑦ, ᐃᓕᖅᑯᓯᑎᒍᑦ ᐃᓅᓯᖃᑦᓯᐊᕐᓂᖅ ᐊᑐᓕᖅᑎᑕᐅᓂᒃᑯᑦ ᓄᓇᕗᒥ ᐊᖏᖃᑎᒌᒍᑎᖓᒍᑦ.
LOCATION: (English) IqaluitCLOSING DATE: December 26, 2025
