ᑐᓴᒐᒃᓴᓕᕆᔨᒃᑯᑦ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᐃᓂᖃᖅᑐᖅ ᐃᖃᓗᐃᑦ, ᓄᓇᕗᑦ
ᑐᑭᒧᐊᒃᑎᑕᐅᕙᒡᓗᓂ ᑐᑭᒧᐊᒃᑎᑦᑎᔨᒧᑦ ᑐᓴᐅᒪᔪᓕᕆᔨᒃᑯᓐᓄᑦ ᐅᖃᕐᕕᖃᖅᐸᒡᓗᓂᓗ ᑐᑭᒧᐊᒃᑎᑦᑎᔨᐅᑉ ᐃᑲᔪᖅᑎᐊᓄᑦ; ᐊᐅᓚᑦᑎᔨ ᑐᓴᐅᒪᔪᓕᕆᔨᒃᑯᓐᓄᑦ ᓄᓇᕗᑦ ᑐᙵᕕᒃᑯᓐᓂ ᐱᓕᕆᐊᒃᓴᓪᓗᐊᑕᖃᖅᐳᖅ ᐱᐅᓯᒋᐊᖅᑎᑦᑎᓂᕐᒥᒃ ᓄᓇᕗᑦ ᑐᙵᕕᒃᑯᑦ ᐱᓕᕆᐊᒃᓴᖏᓐᓂᒃ ᑐᕌᒐᖏᓐᓂᒡᓗ ᐊᐅᓚᑦᑎᓂᒃᑯᑦ ᐊᑕᖐᑦᑎᐊᖅᑐᓂᒃ, ᐃᓚᓕᐅᔾᔭᐅᓯᒪᔪᓂᒃ ᑐᓴᐅᒪᔪᓕᕆᔾᔪᑎᓄᑦ ᖃᓄᐃᓕᐅᕈᑕᐅᔪᒪᔪᓂᒃ ᐱᐅᓯᒋᐊᖅᑎᑦᑎᔪᓂᒃ ᑲᑐᔾᔨᖃᑎᒌᖑᔫᑉ ᖃᐅᔨᒪᔭᐅᓂᖓᓂᒃ, ᐅᔾᔨᕐᓇᖅᓯᑎᑦᑎᔪᓂᒃ ᑐᓴᖅᑕᐅᔪᒃᓴᓪᓗᐊᑕᕐᓂᒃ, ᖁᕝᕙᕆᐊᖅᑎᑦᑎᔪᓂᒡᓗ ᓇᓗᓇᐃᒃᑯᑕᕆᔭᖏᓐᓂᒃ ᓴᖅᑭᔮᕐᓂᕆᔭᖏᓐᓂᒃ. ᑖᓐᓇ ᐃᖅᑲᓇᐃᔮᖅ ᑎᑎᕋᐅᔭᖅᑎᐅᕗᖅ ᖃᓄᖅᑑᕈᑎᒃᓴᓄᑦ ᑐᓴᐅᒪᔪᓕᕆᔾᔪᑎᓄᑦ ᐱᓕᕆᐊᖑᕙᓪᓕᐊᔪᒪᔪᓄᑦ, ᐱᓕᕆᖃᑎᖃᖅᐸᒡᓗᓂ ᐊᔾᔨᒌᙱᑦᑐᓂᒃ ᐱᓕᕆᔨᐅᖃᑎᒌᓂᒃ ᐊᒻᒪ ᓇᖕᒥᓂᖃᖃᑕᐅᔪᓂᒃ ᐊᒃᑐᐃᔾᔪᑕᐅᔪᓐᓇᖅᑐᓂᒃ ᐃᓚᐅᑎᑦᑎᓂᕐᒥᒃ, ᐱᓕᕆᖃᑎᒌᑦᑎᐊᓕᕐᓗᑎᒃ, ᐊᒻᒪ ᓄᓇᕗᑦ ᑐᙵᕕᒃᑯᑦ ᑕᐅᑐᖅᑰᖅᑕᖏᓐᓂᒃ ᒪᓕᑦᑎᐊᖁᓪᓗᒋᑦ.
ᑐᙵᓱᒃᑎᑕᐅᔪᒪᒍᕕᑦ ᐊᐱᖅᓱᖅᑕᐅᓂᕐᒧᑦ; ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᑐᓴᐅᒪᔪᓕᕆᓂᕐᒧᑦ, ᑭᒃᑯᑐᐃᓐᓇᓂᒃ ᑐᓴᐅᒪᑎᑦᑎᓂᕐᒧᑦ, ᐱᕙᓪᓕᐊᔪᓕᕆᓂᕐᒧᑦ, ᓂᐅᕐᕈᑎᖃᕐᓂᕐᒧᑦ, ᐊᒃᑐᐊᓂᓕᖕᒧᓪᓘᓐᓃᑦ ᐱᓕᕆᕝᕕᐅᕙᒃᑐᒧᑦ. ᑲᑎᓪᓗᒋᑦ ᐃᓕᓐᓂᐊᖅᓯᒪᔭᖏᑦ ᐊᒻᒪ ᐊᔾᔨᐸᓗᖏᓐᓂᒃ ᐱᓕᕆᖃᑦᑕᖅᓯᒪᓂᑰᓗᓂ ᐃᓱᒪᒋᔭᐅᓂᐊᕐᒥᔪᑦ. ᐅᖃᓪᓚᒍᓐᓇᕐᓗᓂ ᑎᑎᕋᕈᓐᓇᕐᓗᓂᓗ ᐃᓄᒃᑎᑐᑦ/ᐃᓄᐃᓐᓇᖅᑐᓐ ᐱᔪᒥᓇᖅᐳᖅ ᐃᓕᑦᑎᔪᒪᓂᖃᑦᑎᐊᕐᓗᓂᓗ. ᐱᓕᕆᖃᑦᑕᖅᓯᒪᓂᑰᓗᓂ (7+ ᐊᕐᕌᒍᓄᑦ) ᐱᕙᓪᓕᐊᑎᑦᑎᓂᕐᒥᒃ ᐊᑐᓕᖅᑎᑦᑎᓂᕐᒥᒡᓗ ᑲᔪᓯᓂᖃᑦᑎᐊᖅᑐᓂᒃ ᐃᓗᐊᓂ ᓯᓚᑖᓂᓗ ᑐᓴᐅᒪᔪᓕᕆᓂᕐᒧᑦ ᖃᓄᐃᓕᐅᕈᑕᐅᔪᒪᔪᓂᒃ, ᐱᔪᒥᓇᕋᔭᖅᖢᓂ ᑮᓇᐅᔭᓕᐅᕋᓱᐊᖅᑎᐅᙱᑦᑐᓂ, ᒐᕙᒪᒃᑯᓐᓂ, ᐅᕝᕙᓘᓐᓃᑦ ᓄᓇᖃᖅᑳᖅᓯᒪᔪᑦ ᑲᑐᔾᔨᖃᑎᒌᓂ. ᑎᑎᕋᕈᓐᓇᑦᑎᐊᕐᓗᓂ ᐅᖃᓪᓚᒍᓐᓇᑦᑎᐊᕐᓗᓂᓗ, ᑐᓴᖅᑎᑦᑎᔪᓐᓇᑦᑎᐊᕐᓗᓂᓗ ᐱᔭᕆᑐᔪᓂᒃ ᑐᓴᒐᒃᓴᓂᒃ ᑐᑭᓯᓇᑦᑎᐊᖅᑐᓂᒃ ᐊᑑᑎᖃᑦᑎᐊᖅᑐᓂᒡᓗ ᐊᔾᔨᒌᙱᕈᓘᔭᖅᑐᓄᑦ ᓈᓚᒃᑎᓄᑦ.
ᐱᓕᕆᖃᑎᖃᕐᓗᑎᒃ ᑖᒃᑯᓇᓂᑦᑕᐃᓐᓇᖅ ᓯᓚᑖᓂᓗ ᐱᖃᖃᑕᐅᔪᓂᒃ.
ᐱᓕᕆᖃᑦᑕᖅᓯᒪᓂᑰᓗᓂ ᐊᒃᓱᕈᕐᓇᖅᑐᓂᒃ ᑐᓴᐅᒪᑎᑦᑎᓂᕐᒥᒃ ᐃᓱᒪᒋᔭᒃᓴᓂᒡᓗ ᐊᐅᓚᑦᑎᕝᕕᖃᕐᓂᕐᒥᒃ ᐱᓇᔪᒃᑐᓄᑦ ᐱᕚᓪᓕᕈᑕᐅᓯᒪᓂᐊᖅᐳᖅ.
ᓯᕗᓪᓕᖅᐸᐅᔾᔭᐅᓂᐊᖅᑐᑦ ᐃᓄᐃᑦ ᐊᑎᓕᐅᖅᑕᐅᓯᒪᔪᑦ ᓄᓇᕗᒻᒥ ᐊᖏᕈᑎᑎᒍᑦ.
ᑮᓇᐅᔾᔭᒃᓴᓯᒋᐊᕋᔭᖅᑐᖅ $103,600.00 ᐊᕐᕌᒍᒧᑦ (ᐃᖅᑲᓇᐃᔭᓕᒪᓂᖓ ᒪᓕᒡᓗᒍ) ᓈᒪᔪᓂᒃ ᐱᕚᓪᓕᕈᑎᒃᓴᓂᒃ ᑲᑎᖅᓱᖅᓯᒪᔪᓂᒃ ᐅᑯᓂᖓᓗ ᐃᖅᑲᓇᐃᔭᖅᑎᑦ ᐃᓐᓇᖅᓯᐅᑎᒃᓴᓄᑦ ᐸᕐᓇᐅᑎᑦ, ᑲᑎᙵᔪᓄᑦ ᓇᓪᓕᐅᒃᑯᒫᑦ ᐊᒻᒪ ᕿᑲᕆᐊᕐᓂᕐᒧᑦ ᖃᖓᑦᑕᐅᑎᓄᑦ ᐃᑲᔫᑎᑦ.
ᐃᓪᓗᒧᑦ ᐃᑲᔪᖅᑕᐅᔾᔪᑎᑦ $35,865.00
ᐃᖅᑲᓇᐃᔮᖅ ᓇᓗᓇᐃᔭᖅᓯᒪᓂᖓᓂᒃ ᐱᔪᒪᔪᓐᓇᖅᑐᑎᑦ ᐅᕙᙵᑦ:
ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᕗᑦ ᑐᙵᕕᒃ ᑎᒥᖓ
ᖃᖏᕐᖠᓂᖅ, ᓄᓇᕗᑦ X0C-0G0
ᐅᖄᓚᐅᑖ: (867) 645-5408
ᓱᒃᑲᔪᒃᑰᕈᑖ: (867) 645-3872
ᒪᑐᕝᕕᒃᓴᖓ: ᐊᒃᑑᕝᕙ 2, 2026
ᐱᓂᐊᕐᓂᕋᐅᑎᕗᑦ: ᐃᓄᖕᓄᑦ ᐱᕚᓪᓕᕈᑎᒃᓴᐅᔪᑦ ᐃᓅᓯᒃᑯᑦ, ᐱᖅᑯᓯᑐᖃᒃᑯᑦ, ᐱᕙᓪᓕᐊᔪᓕᕆᓂᒃᑯᑦ ᐊᖏᖃᑎᒌᒍᑦ ᐊᑐᕐᓗᒍ
LOCATION: ᐃᖃᓗᓐᓂCLOSING DATE: October 3, 2026
