ᐱᓕᕆᕕᖓ ᐃᓄᐃᑦ ᐃᓕᓐᓂᐊᖅᑎᑕᐅᓂᖏᑦ (ᒪᑭᒋᐊᖅᑕ)
ᓄᓇᕗᑦ ᑐᓐᖓᕕᒃ ᑎᒥᖓᑦ
ᓇᒦᓐᓂᖓ ᐃᖃᓗᐃᑦ, ᓄᓇᕗᑦ
ᐊᖏᔪᖅᑳᖃᖅᑐᓂ ᐃᑲᔪᖅᑎᖓ ᑐᑭᒧᐊᖅᑎᑦᑎᔨ, ᐃᓄᐃᑦ ᐃᓕᓐᓂᐊᖅᑎᑕᐅᓂᖏᓐᓄᑦ ᐱᓕᕆᐊᒧᑦ, ᐱᓕᕆᐊᓄᑦ ᐃᖅᑲᓇᐃᔭᖅᑎ ᐃᖅᑲᓇᐃᔭᓂᐊᖅᑐᖅ ᕿᒥᕐᕈᓗᓂ ᑮᓇᐅᔭᖃᖅᑎᑕᐅᓂᕐᒧᑦ ᑐᔅᓯᕋᐅᑎᓂᑦ, ᖃᐅᔨᓴᖃᑦᑕᕐᓗᓂ, ᖃᐅᔨᓴᐃᓗᓂ ᐊᒻᒪ ᐊᐅᓚᑦᑎᓗᓂᐃᖅᑲᓇᐃᔮᖑᔪᑦ ᐊᑦᑐᐊᓂᓕᓐᓄᑦ ᒪᑭᒋᐊᖅᑕ ᐃᓄᐃᑦ ᐃᓕᓐᓂᐊᖅᑎᑕᐅᓂᖏᓐᓄᑦ ᑯᐊᐳᕇᓴᓐ. ᐊᒻᒪᓗᑦᑕᐅᖅ ᑲᑎᒪᖃᑎᖃᕐᓗᓂ ᐊᒻᒪ ᐃᖅᑲᓇᐃᔭᖃᑎᖃᕐᓗᓂ ᑎᒍᒥᐊᖅᑎᐅᖃᑕᐅᔪᓂᑦ, ᒐᕙᒪᓂᑦ, ᐃᓕᓐᓂᐊᓂᕐᒧᑦ ᑲᑐᔾᔨᖃᑎᒌᓂᑦ ᐊᒻᒪ ᐊᓯᖏᓐᓂ ᐱᓕᕆᖃᑦᑕᖅᑐᓂᑦ. ᐃᖅᑲᓇᐃᔮᖑᔪᖅ ᓴᖅᑭᑎᑦᑎᔪᖅ ᖃᓄᐃᓘᖃᑦᑕᕐᓂᖏᓐᓄᑦ ᓴᓇᓯᒪᓂᖓᓂ, ᐊᑐᖅᑕᐅᔪᓄᑦ ᓇᓗᓇᐃᖅᓯᒍᑏᑦ ᐊᒻᒪ ᖃᓄᐃᓐᓂᕆᔭᖏᓐᓂ, ᓴᖅᑭᑎᑦᑎᓗᓂ ᐱᐅᓂᖓᓂ ᓇᓗᓇᐃᖅᓯᓂᕐᒧᑦ ᐊᑐᖅᑕᐅᓂᐊᖅᑐᓂᑦ ᐊᒻᒪ ᐱᓕᕆᖃᑎᒌᖃᑎᖃᐃᓐᓇᖅᑐᓂ ᐱᓕᕆᐊᒧᑦ ᐱᓕᕆᖃᑎᖏᓐᓂ. ᑖᓐᓇ ᐃᖅᑲᓇᐃᔮᔅᓴᖅ ᐱᑕᖃᖅᑎᑦᑎᓂᐊᖅᑐᖅ ᖃᐅᔨᑎᑕᐅᓯᒪᔪᓂᑦ ᐊᒻᒪ ᐊᑕᖏᑦᖅᑐᓂ ᖃᐅᔨᔭᐅᓯᒪᔪᓂᑦ ᐃᑲᔪᓱᖅᑕᐅᔪᓂᑦ ᑐᓐᖓᕕᖏᓐᓄᑦ ᐃᓱᒪᓕᐅᓂᕐᒧᑦ ᐋᖅᑭᒋᐊᖅᑕᐅᔭᕆᐊᖃᖅᑐᓂᑦ ᐊᒻᒪ ᐱᐅᓯᑎᒋᐊᖅᑕᐅᔭᕆᐊᖃᖅᑐᓂᑦ ᐱᓕᕆᐊᓄᑦ ᐊᒻᒪ ᐃᑉᐱᒋᑦᑎᐊᕐᓗᒍ ᐱᓕᕆᐊᒧᑦ ᖃᓄᐃᑑᓂᖓᓄᑦ, ᓇᓗᓇᐃᖅᓯᓗᓂ ᑐᓂᐅᖅᑲᐃᑎᐊᓂᕐᒧᑦ ᑮᓇᐅᔭᖃᖅᑎᑕᐅᔪᓂᑦ ᓄᓇᓕᓐᓄᑦ/ᑲᑎᒪᔨᕋᓛᓄᑦ, ᐱᓕᕿᐊᓕᕆᔪᓐᓇᓕᐅᕐᓗᓂ ᐊᒻᒪ ᓇᓗᓇᐃᖅᓯᓗᓂ ᑲᔪᖏᖅᑕᐅᓯᒪᔪᓂᑦ ᐋᖅᑭᑦᑕᐅᓯᒪᔪᑦ ᑐᕌᒐᖏᓐᓂ ᑎᑭᑕᐅᓗᑎ.
ᖃᐃᖅᑯᔭᐅᓂᐊᕐᓗᓂ ᐊᐱᖅᓱᖅᑕᐅᓂᕐᒧᑦ, ᖁᕝᕙᓯᓐᓂᖃᕐᓗᓂ 12 ᐃᓕᓐᓂᐊᕐᕕᐊᓗᒻᒥ ᓇᓗᓇᐃᒃᑯᑕᒥᑦ ᐃᓚᒋᓗᒍ 1−3 ᐊᕐᕌᒍᓂᑦ ᐃᖅᑲᓇᐃᔭᖃᑦᑕᖅᓯᒪᓗᓂ ᐊᑦᑐᐊᓂᓕᓐᓄᑦ ᐃᖅᑲᓇᐃᔮᒧᑦ. ᐃᖅᑲᓇᐃᔮᖅᑖᕋᓱᐊᖅᑐᖅ ᐱᐅᔫᔭᕆᐊᓖᑦ ᐊᑲᐅᖏᓕᐅᕈᑎᓂᑦ ᐋᖅᑭᔅᓯᔪᓐᓇᓂᕐᒧᑦ. ᓇᒻᒥᓂᖅ ᐃᖅᑲᓇᐃᔭᕆᐊᓯᓲᖑᓗᓂ ᑲᔪᖏᖅᓯᒪᑦᑎᐊᖅᑐᒥᑦ ᐊᒻᒪ ᐃᖅᑲᓇᐃᔭᕈᓐᓇᕐᓗᓂ ᑕᖃᓇᖅᑐᒥᑦ ᐊᒻᒪ ᐊᔅᓱᕈᓐᓇᖅᑐᒥ ᐊᒻᒪᓗᑦᑕᐅᖅ ᐃᖅᑲᓇᐃᔭᕈᓐᓇᕐᓗᓂ ᐱᔭᐅᔪᒪᔪᓂᑦ ᐃᓱᓕᕝᕕᖏᓐᓂ. ᐃᖅᑲᓇᐃᔭᕈᓐᓇᕆᐊᓕᒃ ᓂᕈᐊᖅᑕᐅᓯᒪᔪᓄᑦ ᐊᑦᑐᖅᑕᐅᓴᕋᐃᑦᑐᓄᑦ ᐊᒻᒪ ᑕᑯᔅᓴᐅᑎᑦᑎᓯᒪᓗᓂ ᐊᑦᑐᖅᑕᐅᓴᕋᐃᑦᑐᓂᑦ ᐃᓄᓐᓄᑦ ᐱᔾᔪᑎᖃᖅᑐᓂᑦ. ᐃᖅᑲᓇᐃᔮᖅᑖᕋᓱᐊᖅᑐᖅ ᖃᐅᔨᒪᓂᖃᓂᐊᖅᑐᖅ ᓄᓇᕗᒻᒧᑦ ᐊᖏᕈᒻᒥᑦ ᓇᙱᖤ ᑐᕌᖅᑕᖏᓐᓂ, ᐊᒻᒪᓗᑦᑕᐅᖅ ᒐᕙᒪᑐᖃᒃᑯᑦ ᐊᒻᒪ ᓄᓇᕗᑦ ᒐᕙᒪᒃᑯᑦ ᐊᐅᓚᓂᕆᔭᖏᓐᓂ ᐊᒻᒪ ᓄᓇᕗᑦ ᑐᙵᕕᒃ ᑯᐊᐳᕇᓴᒧ ᐊᐅᓚᑦᑎᓂᕐᒧᑦ ᐊᑐᖅᑕᐅᔪᒥᒃ, ᐃᓄᑦᑎᑑᕈᓐᓇᕐᓂᖓ/ᐃᓄᐃᑦ ᓇᖅᑐᓐ ᐅᖃᐅᓯᕐᒥ ᐃᓱᒪᒋᔭᐅᔪᑦ ᐱᑕᖃᕆᐊᖃᖅᑐᑎᑦ.
ᓯᕗᓪᓕᐊᔾᔭᐅᓂᐊᖅᑐᑦ ᐃᓄᐃᑦ ᐊᑎᓕᐅᖃᑕᐅᓯᒪᔪᑦ ᐊᑖᓂ ᓄᓇᕗᒻᒧᑦ ᐊᖏᕈᒻᒥᑦ.
ᐱᒋᐊᕐᓂᖓ ᑮᓇᐅᔭᔅᓵᖓ $106,400.00 ᐊᑕᐅᓯᕐᒥᑦ ᐊᕐᕌᒍᒧᑦ (ᐱᒋᐊᕐᓂᖃᖅᑐᖅ ᐃᖅᑲᓇᐃᔭᖃᑦᑕᖅᓯᒪᓂᖓᓄᑦ) ᐊᑕᖐᔪᓂᑦ ᐃᑲᔫᓯᐊᑦ ᐱᖃᓯᐅᑎᓪᓗᑎ ᓄᖅᑲᕕᑦᑐᖅᓯᐅᑎᓄᑦ ᐸᕐᓇᐅᑎ, ᑲᑎᓐᖓᔪᓄᑦ ᓇᓪᓕᐅᒃᑯᒫᑦ ᐊᒻᒪ ᕿᑲᕆᐊᓂᕐᒧᑦ ᐃᑲᔫᓯᐊᑦ.
ᐃᓪᓗᖃᓂᕐᒧᑦ ᐃᑲᔫᓯᐊᑦ $35,865.00
ᐊᑕᖏᖅᑐᓄᑦ ᐃᖅᑲᓇᐅᐃᔮᒧᑦ ᓇᓗᓇᐃᔭᖅᓯᒪᓂᖏᓐᓄᑦ, ᖃᐅᔨᒋᐊᕐᕕᒋᓗᒍ:
ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᕗᑦ ᑐᓐᖓᕕᒃ ᑎᒥᖓᑦ
ᑲᖏᕐᖠᓂᖅ, ᓄᓇᕗ X0C-0G0
ᐅᖄᓚᐅᑎᖓ: 867-645-5408
ᓱᑲᔪᒃᑯᑦ 867-645-3872
ᒪᑐᕕᔅᓴᖓ ᐅᓪᓗᖓ: ᔪᓚᐃ 10, 2026
ᑐᕌᖅᑕᕗᑦ: ᐃᓄᐃᑦ ᑮᓇᐅᔭᓕᕆᓂᒧᑦ, ᐃᓅᖃᑎᒌᓐᓂᓂᕐᒧᑦ, ᐊᒻᒪ ᐱᖅᑯᓯᓄᑦ ᖃᓄᐃᖏᑎᐊᓂᕐᒧᑦ ᐊᑐᓕᖅᑎᑕᐅᓂᖓᒍᑦ ᓄᓇᕗᒻᒧᑦ ᐊᖏᕈᑦ.
LOCATION: ᐃᖃᓗᐃᑦ, ᓄᓇᕗᑦCLOSING DATE: July 10, 2026
