ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᐃᑲᔫᑎᒃᓴᓯᐅᖅᑐᑦ ᓄᓇᕗᑦ ᓄᓇᓕᖏᓐᓄᑦ ᑲᑐᔾᔨᖃᑎᒌᓄᓪᓗ ᐊᑐᐃᓐᓇᖃᕐᓂᖅᓴᐅᖁᓪᓗᒋᑦ ᐊᔾᔨᒌᙱᑦᑐᓂᒃ ᐃᓕᖅᑯᓯᒃᑯᑦ ᐊᑦᑕᓇᙱᑦᑐᓂᒃ ᓯᖓᐃᔪᓄᑦ, ᐃᕐᓂᓱᑦᓰᓂᕐᒧᑦ ᐊᒻᒪᓗ ᐱᐊᕋᖅᑖᕋᑖᓄᑦ ᐱᓕᕆᐊᓂᒃ, ᐱᓕᕆᐊᒃᓴᓂᒃ ᐱᔨᑦᓯᕈᑎᓂᓪᓗ ᐃᓄᓐᓄᑦ. ᐊᐅᒡᒍᓯ 2025-ᒥ ᑐᙵᕕᒃᑯᑦ ᑲᑎᒪᔨᖏᓐᓄᑦ ᐊᖏᖅᑕᐅᓚᐅᖅᑐᑦ $3−ᒥᓕᔭᓐ ᐃᕐᓂᓱᑦᓰᔨᓄᑦ ᑮᓇᐅᔭᓕᑕᐅᒍᑏᑦ ᓄᓇᓕᓐᓄᑦ ᐃᑲᔫᑎᑦᓴᑦ. ᑖᒃᑯᐊ ᑐᓂᐅᖅᑲᖅᑕᐅᔾᔪᑎᒃᓴᖏᓐᓄᑦ $3-ᒥᓕᔭᓐ ᑐᙵᕕᒃᑯᑦ ᓴᖅᑮᔪᑦ ᑐᑦᓯᕋᐅᓯᐅᖁᔨᔾᔪᑎᓂᒃ. ᐱᔾᔪᑎᓕᒃ ᑖᓐᓇ ᑐᑦᓯᕋᐅᓯᐅᖁᔨᔾᔪᑎ ᐱᕕᒃᓴᖃᖁᓪᓗᒋᑦ ᐱᕚᓪᓕᕈᑎᑦᓴᓂᓪᓗ ᐃᓄᓐᓄᑦ ᐃᑲᔫᑎᓂᒃ ᐃᓕᖅᑯᓯᕐᒥᒃ ᐅᑎᖅᑎᑦᓯᕙᓪᓕᐊᓂᖅ ᐊᕙᖕᒧᓕᖓᓂᖅᓴᓂᓪᓗ ᐃᑲᔫᑎᒃᓴᓂᒃ ᓯᖓᐃᔪᓄᑦ ᐃᑯᓪᓚᕈᑎᑦᓴᓂᒃ ᐃᓚᖏᓐᓄᑦ ᓈᖕᒪᖏᑦᑐᓄᑦ ᐊᒻᒪᓗ ᖁᐊᖅᓵᓇᖅᑐᒃᑰᖏᓐᓇᓂᕐᒧᑦ ᐊᒻᒪᓗ ᐊᑦᑐᐃᓯᒪᓂᖓᓄᑦ ᐃᓕᖅᑯᓯᕐᒥᓂᒃ ᓴᒃᑯᐃᑎᑕᐅᓯᒪᓂᖏᓐᓂᒃ, ᐃᓚᒋᔭᐅᓪᓗᑎᒃ ᐊᐅᓪᓚᖅᑎᑕᐅᖃᑦᑕᖅᓯᒪᓂᖏᑦ ᐃᕐᓂᔭᖅᑐᖅᑎᑕᐅᔪᑦ.
ᐊᔾᔨᐅᑎᓪᓗᒋᑦ ᐱᔪᓐᓇᖅᑎᑕᐅᓗᑎᒃ ᐱᓕᕆᐊᓂᒃ ᐱᔨᑦᓯᕈᑎᓂᓪᓗ ᓯᖓᐃᔪᓄᑦ, ᐃᕐᓂᓱᖅᓰᓂᕐᒧᑦ ᐊᒻᒪᓗ ᐱᐊᕋᖅᑖᕋᑖᖅᑐᓄᑦ ᐱᓕᕆᐊᒃᓴᓂᒃ ᐱᔨᑦᓯᕈᑎᓂᒃ ᑖᒃᑯᐊ ᓇᓗᓇᐃᔭᖅᓯᒪᔪᑦ:
• ᓄᓇᓕᓐᓄᑦ−ᓯᕗᓕᖅᑕᐅᔪᖅ ᑕᑯᓐᓇᒐᑦᓴᓕᐅᕐᓂᖅ/ᐸᕐᓇᓐᓂᖅ
• ᐃᓄᓐᓂᒃ ᐃᖅᑲᓇᐃᔭᖅᑎᑖᖅᐸᓪᓕᐊᓂᖅ (ᐃᓕᓐᓂᐊᕐᓂᖅ ᐱᓕᖕᒪᓴᕐᓂᕐᓗ)
• ᐱᓕᕆᐊᒃᓴᑦ ᐱᔨᑦᓯᕈᑏᓪᓗ ᐊᖏᓕᒋᐊᖅᑕᐅᓂᖏᑦ:
• ᒥᑭᔫᑎᓂᒃ ᐱᖁᑎᕐᔪᐊᖃᕈᑎᑦᓴᓂᒃ:
ᐱᔪᓐᓇᖅᑎᑕᐅᔪᑦ ᑐᓂᔭᐅᔾᔪᑎᓂᒃ
ᓯᕗᓪᓕᐅᔾᔭᐅᓂᐊᖅᑐᑦ:
• ᑮᓇᐅᔭᓕᐅᕋᓱᐊᖅᑎᐅᖏᑦᑐᑦ ᑲᑐᔾᔨᖃᑎᒌᑦ ᓄᓇᕗᒻᒥ
• ᓄᓇᓕᓐᓂ ᓄᓇᓖᑦ ᒐᕙᒪᖏᑦ
ᐊᓯᖏᑦ ᐱᔪᓐᓇᖅᑎᑕᐅᔪᑦ ᑐᓂᔭᐅᔾᔪᑎᓂᒃ ᐃᓚᒋᔭᐅᓗᑎᒃ:
• ᓄᓇᕗᒻᒥ ᐃᓄᐃᑦ ᑮᓇᐅᔭᓕᐅᕋᓱᐊᖅᑏᑦ ᑎᒥᐅᔪᑦ ᐅᓄᕐᓂᖅᓴᐅᓗᑎᒃ ᓇᖕᒥᓂᖁᑎᓖᑦ ᓄᓇᕗᒻᒥ ᐃᓄᐃᑦ ᐊᑎᖃᖃᑕᐅᔪᑦ ᓄᓇᕗᑦ ᐊᖏᕈᑎᖏᓐᓂ ᐱᓇᓱᐊᖅᑐᑦ ᑮᓇᐅᔭᓕᐅᕋᓱᐊᕈᑎᑦᓴᐅᖏᑦᑐᒥᒃ
• ᑮᓇᐅᔭᓕᐅᕋᓱᐊᖅᑎᐅᖏᑦᑐᑦ ᐃᓄᐃᑦ ᐅᕝᕙᓘᓐᓃᑦ ᓄᓇᖃᖅᑳᖅᓯᒪᔪᑦ ᑲᑐᔾᔨᖃᑎᒌᑦ ᓯᓚᑖᓃᑦᑐᑦ ᓄᓇᕗᑦ ᒪᕐᕈᐃᖏᑦ ᐃᑲᔪᖃᑦᑕᖅᑕᖏᑕ ᑖᒃᑯᓇᙶᖅᐸᑕ ᓄᓇᕗᒻᒥ ᐃᓄᐃᑦ ᓄᓇᕗᑦ ᐊᖏᕈᑎᖏᓐᓂ ᐊᑎᖃᖃᑕᐅᔪᓂᒃ.
• ᐃᓕᓴᕆᔭᐅᓯᒪᔪᑦ ᑲᓇᑕᒥ ᐃᓄᐃᑦ ᑲᑐᔾᔨᖃᑎᒌᑦ ᐱᓕᕆᖃᑎᓖᑦ ᑐᙵᕕᒃᑯᓐᓂᒃ ᐊᒻᒪᓗ/ ᐅᕝᕙᓘᓐᓃᑦ RIA ᐱᓕᕆᖃᑎᒌᑉᐸᓪᓕᐊᔪᑦ ᐱᓕᕆᐊᑦᓴᓄᑦ ᐃᑲᔫᑎᓕᓐᓂᒃ ᓄᓇᕗᒻᒥ ᐃᓄᓐᓂᒃ ᐊᑎᖃᖃᑕᐅᔪᓂᒃ ᓄᓇᕗᑦ ᐊᖏᕈᑎᖏᓐᓂ ᐃᓱᒪᑦᓴᖅᓯᐅᕈᑕᐅᒍᓐᓇᕐᒥᔪᑦ ᑮᓇᐅᔭᓕᑕᐅᓂᕐᒥᒃ.
ᐊᑕᖏᖅᑐᒥᒃ ᑐᑦᓯᕋᐅᑎᓂᒃ ᐱᓇᓱᐊᕐᕕᑦᓴᖅ ᐃᑭᐊᖅᑭᔾᔪᑎᒃᑯᑦ ᖃᕆᓴᐅᔭᒨᕐᓗᒍ ᐅᓇ.
ᑐᑦᓯᕋᐅᑏᑦ ᑐᓂᔭᐅᓯᒪᒋᐊᓖᑦ ᑕᓪᓕᕐᒥᖅ, ᔭᓐᓄᐊᓕ 30, 2026, ᑭᓯᐊᓂ ᑐᓂᔭᐅᓵᓕᓯᒪᒍᓐᓇᖅᑐᖅ ᓯᕗᕐᖓᓂ ᖃᖓᑐᐃᓐᓇᖅ:
ᑎᑎᖅᑲᓂᐊᕐᕕᒃᑯᑦ ᐅᕝᕙᓘᓐᓃᑦ ᑐᓂᔭᖅᑐᕐᓗᒍ:
ᓄᓇᕗᑦ ᑐᙵᕕᒃ ᑎᒥᖓ
ᐅᕗᖓ: ᐆᐳ ᒪᑭᓂᔅ
300-922 ᓯᕗᒧᒋᐊᖅ ᐊᖅᑯᑦ
ᐃᖃᓗᐃᑦ, ᓄᓇᕗᑦ X0A 3H0
ᐃᕐᖐᓐᓈᕈᑎᒃᑯᓘᓐᓃᑦ
