ᑐᒃᓯᕋᐅᓯᐅᖁᔨᔾᔪᑏᑦ
ᐅᓂᒃᑳᓂᒃ ᑎᑎᕋᕐᓂᖅ
ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃ) ᑐᒃᓯᕋᐅᓯᐅᖁᔨᔾᔪᑎᖃᕐᒪᑦ (RFP) ᐊᔪᙱᔾᔪᑎᓕᓐᓂᒃ ᑐᒃᓯᕋᕈᒪᔪᓂᒃ ᑲᑎᖅᓱᐃᓂᕐᒧᑦ ᑎᑎᕋᕐᓂᒧᓪᓗ ᐊᕐᕌᒎᑕᒫᖅᓯᐅᑎᓂᒃ ᐅᓂᒃᑳᓂᒃ ᖃᓄᐃᓕᕐᓂᖏᓐᓂᒃ ᐃᓄᐃᑦ ᐃᓕᖅᑯᓯᖓ ᐃᓄᓯᖓᓪᓗ 2018/2019, 25−ᓂᒃ ᐊᕐᕌᒍᓂᒃ ᑕᑯᒋᐊᕈᑎᒃᓴᓂᒃ ᐊᐅᓚᓂᐅᓯᒪᔪᓂᒃ 1993-2018 ᑐᕌᖓᔪᓂᒃ ᐃᓄᐃᑦ ᓇᖕᒥᓂᖅ−ᒪᑭᒪᒍᓐᓇᕐᒪᖔᑕ, ᐃᓅᓯᖓᑕ ᐃᓕᖅᑯᓯᖓᑕᓗ ᖃᓄᐃᙱᓐᓂᖏᓐᓄᑦ ᐱᕚᓪᓕᖅᓯᒪᒻᒪᖔᑕ ᑲᑕᑦᓯᒪᒻᒪᖔᑕᓘᓐᓃᑦ ᐊᑎᓕᐅᖅᑕᐅᓚᐅᖅᑎᓪᓗᒍ ᓄᓇᕗᑦ ᐊᖏᕈᑎᖓ.
ᐊᕐᕌᒍᑕᒫᖅᓯᐅᑦ ᐅᓂᒃᑳᖅ ᖃᓄᐃᓕᕐᓂᖏᓐᓂᒃ ᐃᓄᐃᑦ ᐃᓕᖅᑯᓯᖓ ᐃᓅᓯᖓᓗ ᓄᐊᑕᐅᓂᐊᖅᑐᑦ ᑎᓕᓯᔾᔪᑎᖓᓄᑦ ᐱᓕᕆᕝᕕᖓᓂᒃ ᐃᓄᓯᓕᕆᔨᒃᑯᑦ ᑐᙵᕕᒃᑯᓐᓂ.
ᓇᓐᓂᑎᑦ
A. ᐊᑐᐊᕋᑦᓴᑦ ᑐᒃᓯᕋᐅᓯᐅᖅᑐᓄᑦ
B. ᐱᓕᕆᐊᒃᓴᓄᑦ ᓇᓗᓇᐃᔭᐅᑏᑦ
C. ᐊᑭᓕᕆᐊᓖᑦ ᐊᑭᓕᖅᓱᕆᐊᓖᓪᓗ
D. ᐃᓄᐃᑦ ᓇᖕᒥᓂᖁᑎᖏᓐᓄᑦ ᐊᑭᑦᑐᕋᐅᑎᔪᓄᑦ ᐋᖅᑭᒋᐊᕈᑏᑦ
A. ᐊᑐᐊᒐᑦᓴᑦ ᑐᒃᓯᕋᐅᓯᐅᖅᑐᓄᑦ
1. ᑐᒃᓯᕋᐅᑏᑦ ᐱᓯᒪᒋᐊᓕᖏᑦ ᑐᙵᕕᒃᑯᑦ ᐃᕐᖐᓐᓈᕈᑎᒃᑯᑦ ᑭᖑᓂᐊᓂᐅᙱᑦᑐᖅ ᖃᐅᔨᓴᐅᑦ 5-ᒥ ᐅᓐᓄᓴᒃᑯᑦ ᒫᑦᓯ 19, 2021−ᒥ ᐅᕙᓃᒋᐊᓖᑦ:
ᓄᓇᕗᑦ ᑐᙵᕕᒃ ᑎᒥᖓ
ᐅᕗᖓ: ᑏᓇ ᑎᑰᑐ
ᑐᑭᒧᐊᒃᑎᑦᑎᔨ ᐃᓅᓯᓕᕆᔨᒃᑯᓐᓂ
ᐅᖄᓚᐅᑖ: (867) 975-7576
• ᐃᕐᖐᓐᓈᕈᑎᒃᑯᑦ ᐊᐅᓪᓚᖅᑎᑕᐅᓯᒪᔪᖅ ᑐᑦᓯᕋᐅᑦ ᐱᔭᐅᓯᒪᒋᐊᓕᒃ ᐅᓪᓗᖓᓂ ᑐᖔᓂᓘᓐᓃᑦ ᒪᑐᕕᑦᓴᖓᑕ ᐅᓪᓘᑉ ᐃᕐᖐᓐᓈᕈᑎᒃᑯᑦ ᑐᕌᕈᑎᖓᓄ ᓇᓗᓇᐃᖅᑕᐅᓯᒪᔪᒧᑦ ᑖᒃᑯᓇᓂ RFP-ᓂ, ᐃᓚᒋᔭᐅᓗᑎᒃ ᓇᓗᓇᐃᖅᓯᕕᖓᓂ ᑎᑎᕋᖅᑕᐅᓯᒪᓗᓂ: ᖃᓄᐃᓕᕐᓂᖏᓐᓂᒃ ᐃᓄᐃᑦ ᐃᓕᖅᑯᓯᖓ ᐃᓅᓯᖏᓪᓗ ᐅᓂᒃᑳᖅ.
• ᑐᑦᓯᕋᐅᑦ ᐱᔭᐅᓯᒪᒐᓗᐊᕐᒪᖔᖅ ᑐᖔᓂ ᒪᑐᕕᑦᓴᖓᑕ, ᐊᐅᓪᓚᖅᑎᑕᐅᖁᔭᐅᔪᖅ ᐃᕐᖐᓐᓈᕈᑎᒃᑯᑦ ᐊᐅᓪᓚᖅᑎᑕᐅᓗᓂ ᓯᕗᓂᑐᖃᖓᓂ ᒪᑐᕕᑦᓴᖓᑕ, ᐊᒻᒪᓗ ᑐᑦᓯᕋᖅᑐᖅ ᓇᓗᓇᐃᕈᑎᒥᒃ ᐱᔭᐅᓂᖓᓂᒃ ᑭᐅᓗᓂ ᐃᕐᖐᓐᓈᕈᑎᒃᑯᑦ ᐅᖃᓚᐅᑎᒃᑯᓘᓐᓃᑦ ᖃᐅᔨᒋᐊᕈᑎᒋᓗᒍ.
ᑐᙵᕕᒃᑯᑦ ᐊᑭᓖᑎᑕᐅᔪᓐᓇᔾᔮᖏᓪᓚᑦ ᐊᑭᓖᑎᑕᐅᒐᓱᐊᕈᑎᒃ, ᐊᔪᐃᓐᓈᖑᓗᑎᒃ ᐅᕝᕙᓘᓐᓃᑦ ᐊᓯᖏᑎᒍᑦ ᐊᐅᓚᓂᐅᔪᑎᒍᑦ ᑭᓱᑐᐃᓐᓇᕐᒥᒃ ᐱᔾᔪᑎᖃᕐᓗᑎᒃ ᐃᕐᖐᓐᓈᕈᑎᒃᑰᑕᐅᓇᓱᐊᖅᑐᖅ ᐊᕝᕕᖅᑯᑕᖃᕐᓂᖅᐸᑦ, ᐱᔭᐅᓯᒪᙱᑉᐸᑦ ᐊᑕᖏᕐᓗᓂ, ᐱᔭᐅᓐᓂᖅᐸᑦ ᑭᖑᓂᐊᒍᑦ ᐅᖃᐅᓯᐅᔫᑉ ᒪᑐᕕᑦᓴᖓᑕ ᖃᐅᔨᓴᐅᑖᓂᒃ ᐅᓪᓗᖓᓂᓪᓗ, ᐅᕝᕙᓘᓐᓃᑦ ᖃᓄᑐᐃᓐᓇᖅ ᐱᔾᔪᑎᖃᕐᓗᓂ.
4. ᑐᙵᕕᒃᑯᑦ ᐃᓱᒪᒃᓴᖅᓯᐅᕈᑎᖃᔾᔮᖏᑦᑐᑦ ᑐᒃᓯᕋᐅᑎᓂᒃ ᐃᒪᐃᑉᐸᑕ:
• ᑐᓂᔭᐅᔪᓂᒃ ᑭᖑᓂᐊᓂ ᒪᑐᕕᑦᓴᖓᑕ ᐅᓪᓗᖓ ᖃᐅᔨᓴᐅᑖᓗ.
• ᑐᓂᔭᐅᔪᓂᒃ ᓇᓗᓇᐃᖅᑕᐅᓯᒪᔫᑉ ᖁᓛᓃᑦᑐᓂ ᐊᓯᐊᓄᑦ ᑐᕌᕈᒻᒧᑦ
ᑭᖑᓂᐊᓂ ᒪᑐᕕᑦᓴᖓᑕ ᐅᓪᓗᖅ, ᑕᐃᒃᑯᑐᐊᑦ ᑭᒃᑰᓂᖏᑦ ᑐᕌᕈᑎᖏᓪᓗ ᑐᒃᓯᕋᖅᑐᑦ ᓴᖅᑭᖅᑕᐅᓂᐊᖅᑐᑦ ᑭᒃᑯᑐᐃᓐᓇᕐᓄᑦ.
. ᐊᐱᕆᔭᐅᖃᑦᑕᕈᓐᓇᓂᐊᖅᑐᖅ ᒫᑦᓯ 12, 2021-ᒧᓄᑦ ᖃᐅᔨᓴᐅᑦ 5−ᒥ ᑲᓇᓐᓇᕐᒥ.6. ᐅᓇ RFQ: ᐊᑭᑦᑐᕋᐅᑎᒍᑕᐅᙱᑦᑐᖅ ᐅᕝᕙᓘᓐᓃᑦ ᒪᓂᒪᑎᑦᓯᒍᑕᐅᙱᑦᑐᖅ. ᑐᙵᕕᒃᑯᑦ ᐊᖏᕈᑎᖃᖅᓯᒪᙱᑦᑐᑦ ᑐᒃᓯᕋᐅᑎᓂᒃ ᐅᕝᕙᓘᓐᓃᑦ ᑐᒃᓯᕋᐅᑎᓂᒃ ᑐᓂᓯᓯᒪᔪᓂᒃ ᐊᑦᓯᓂᖅᐹᒥᒃ ᐊᑭᒋᓇᔭᖅᑕᖓᓂᒃ ᐅᕝᕙᓘᓐᓃᑦ ᐊᑭᖓᓂᒃ.
7. ᑐᙵᕕᒃᑯᑦ ᐱᔪᓐᓇᐅᑎᓖᑦ ᓄᖅᑲᑎᑦᓯᓂᕐᒥᒃ ᑖᑦᓱᒥᖓ RFP−ᒥᒃ ᖃᖓᑐᐃᓐᓇᖅ ᐊᒻᒪᓗ ᑐᓂᓯᖔᓕᕐᓗᑎᒃ ᑭᓱᑐᐃᓐᓇᕐᒥᒃ ᐱᔾᔪᑎᖃᕐᓗᑎᒃ ᖃᓄᑐᐃᓐᓇᓕᒫᖅ, ᐊᑭᓖᑎᑕᐅᙱᓪᓗᑎᒃ ᐊᑭᓕᕆᐊᓕᓕᒫᓂᒃ ᐊᒻᒪᓗ ᑐᒃᓯᕋᖅᑐᖅ ᐊᑭᓖᑎᑦᓯᓇᓱᐊᖅᑐᒃᓴᐅᙱᓚᖅ ᑐᙵᕕᒃᑯᓐᓂᒃ ᓴᖅᑭᕈᑕᐅᔪᒥᒃ.
8. ᑳᓐᑐᓛᒃ ᑐᓂᔭᐅᑉᐸᑦ ᓴᖅᑭᖅᑐᒥᒃ ᑕᕝᕙᙵᑦ RFP−ᒥᒃ, ᑐᓂᔭᐅᒋᐊᖃᕐᓂᐊᖅᑐᖅ ᑐᒃᓯᕋᖅᑐᒧᑦ ᑭᐅᒍᓐᓇᑦᓯᐊᓂᖅᐹᒧᑦ ᐊᒻᒪᓗ ᑐᒃᓯᕋᐅᑎᖓᒍᑦ ᑐᓂᓯᓯᒪᑉᐸᑕ ᐱᐅᓂᖅᐹᒥᒃ ᐊᑭᖃᕋᔭᕐᓂᖓᓂᒃ ᑐᙵᕕᒃᑯᓐᓄᑦ. ᑐᒃᓯᕋᖅᑐᖅ “ᑭᐅᖃᑦᑕᕐᓂᖓ” ᑎᑭᐅᑎᓯᒪᓂᖅᐹᖅ ᐊᑐᖅᑕᐅᒋᐊᓕᓐᓄᑦ ᓇᓗᓇᐃᔭᖅᓯᒪᔪᓂ ᑖᒃᑯᓇᓂ RFQ ᐊᒻᒪᓗ ᐱᔪᓐᓇᑦᓯᐊᓂᖅᐹᖑᓗᓂ ᐊᐅᓚᑦᓯᓂᕐᒥᒃ ᐃᓘᓐᓈᒍᑦ ᐊᑐᖅᑕᐅᒋᐊᓕᓐᓂᒃ ᓇᓗᓇᐃᔭᖅᑕᐅᓯᒪᔪᓂ RFP−ᓂ.
9. ᐋᔩᕋᕈᑕᐅᓂᖓ ᑲᔪᓯᑎᑕᐅᓂᖓᓗ ᑎᑎᕋᖅᓯᒪᔪᒃᑯᑦ ᐊᖏᖃᑎᒌᒍᑎᓂ ᑐᙵᕕᒋᔭᐅᒋᐊᓕᒃ ᑳᓐᑐᓛᓕᐅᕈᑕᐅᓗᓂ. ᑐᒃᓯᕋᖅᑐᖅ ᐱᓇᓱᐊᕆᐊᖃᙱᑦᑐᖅ ᒪᓕᒐᖅᑎᒍᑦ ᐅᕝᕙᓘᓐᓃᑦ ᓇᖕᒥᓂᖅ ᐱᔪᓐᓇᐅᑎᓂᒃ ᐅᕝᕙᓘᓐᓃᑦ ᐱᔪᓐᓇᕈᑕᐅᔪᓂᒃ ᖃᓄᑐᐃᓐᓇᓕᒫᖅ ᑖᒃᑯᑎᒎᓇ RFP−ᑯᑦ ᑳᓐᑐᓛᒃ ᐊᑎᓕᐅᖅᑕᐅᓚᐅᙱᓐᓂᖓᓂ.
10. ᑳᓐᑐᓛᒃ ᐃᓗᓕᖃᕐᓂᐊᖅᑐᖅ ᐊᑦᑐᐊᔪᓂᒃ ᑎᑎᕋᖅᓯᒪᓂᖏᓐᓄᑦ ᑕᕝᕙᓂ RFP, ᐊᖏᖅᑕᐅᔪᒧᑦ ᐊᑭᖃᕋᔭᕐᓂᖓᓄᑦ, ᐊᒻᒪᓗ ᐊᓯᖏᓐᓄᑦ ᒪᓕᒐᑦᓴᕆᔭᐅᔪᓄᑦ ᑐᑭᓯᒪᖃᑎᒌᓐᓂᒃᑯᑦ ᐊᖏᕈᑕᐅᓯᒪᔪᒥᒃ, ᓴᖅᑭᕋᓗᐊᖅᐸᑕ ᐊᖏᖅᑕᐅᓯᒪᔪᒥᒃ ᐊᑭᖃᕋᔭᕐᓂᖓᓂᒃ ᐅᕝᕙᓘᓐᓃᑦ ᓴᖅᑭᖅᑐᒥᒃ ᐋᔩᕋᕈᑕᐅᔪᓂᒃ. ᑐᙵᕕᒃᑯᑦ ᐱᔪᓐᓇᐅᑎᖃᖅᐳᑦ ᐋᔩᕋᕈᑎᖃᕐᓂᕐᒥᒃ ᐋᖅᑭᒋᐊᕈᑎᓂᒃ ᓇᓕᑐᐃᓐᓇᖓᓂᒃ ᑐᒃᓯᕋᖅᑐᒥᒃ ᑐᓂᓯᓯᒪᔪᒥᒃ ᐊᑭᖃᕋᔭᕐᓂᖓᓂᒃ.
11. ᓈᖕᒪᖏᓪᓕᐅᕈᑎᑕᖃᖅᐸᑦ ᑖᑦᓱᒧᖓ RFQ−ᒧᑦ ᐊᒻᒪᓗ ᑐᓂᔭᐅᔪᒧᑦ ᑳᓐᑐᓛᒥᒃ, ᑳᓐᑐᓛᒃ ᓴᙱᓂᖅᓴᐅᖏᓐᓇᓂᐊᖅᐳᖅ.
12. ᐋᖅᑭᒋᐊᕈᑎᓕᐊᖑᔪᑦ ᑐᙵᕕᒃᑯᓐᒃᓂ ᑕᕝᕗᖓ RFP−ᒧᑦ ᑐᓂᔭᐅᓂᐊᖅᑐᖅ ᑎᑎᕋᖅᓯᒪᓗᓂ ᐊᒻᒪᓗ ᐊᐅᓪᓚᖅᑎᑕᐅᓗᓂ ᑐᓂᔭᐅᓯᒪᔪᓕᒫᓄᑦ ᑎᑎᕋᖅᓯᒪᔪᓂᒃ.
13. ᑐᙵᕕᒃᑯᑦ ᐊᑭᓖᑎᑕᐅᓂᐊᙱᓚᑦ ᐊᑭᓕᕆᐊᓕᖏᓐᓂᒃ ᐸᕐᓇᑕᐅᓂᖏᓐᓄᑦ ᓴᖅᑭᖅᑕᐅᓂᖏᓐᓄᓘᓐᓃᑦ ᐊᑭᒋᔭᐅᓇᔭᖅᑐᑦ.
14. ᖃᐅᔨᓴᖅᑏᑦ ᑲᑎᒪᔨᕋᓛᑦ ᕿᒥᕐᕈᖃᑦᑕᓂᐊᖅᑕᖏᑦ ᐊᑐᓂᑦ ᐊᑭᖃᕋᔭᕐᓂᖏᓐᓄᑦ ᑐᓂᔭᐅᓯᒪᔪᓂᒃ. ᑐᙵᕕᒃᑯᑦ ᐊᑕᖏᖅᑐᒥᒃ ᐱᔪᓐᓇᐅᑎᖃᖅᐳᑦ ᓇᓗᓇᐃᕆᓂᕐᒥᒃ ᐱᐅᓈᖅᓯᒪᓂᖏᓐᓂᒃ ᑕᒪᐃᓐᓂᒃ ᐊᑭᒋᓇᔭᖅᑕᖏᓐᓂᒃ ᑐᓂᔭᐅᓯᒪᔪᓂᒃ ᐊᒃᑐᐊᔪᓂᒃ ᖃᐅᔨᓴᕐᓂᕐᒧᑦ ᒪᓕᒐᑦᓴᓕᐊᖑᓯᒪᔪᓄᑦ.
15. ᑐᒃᓯᕋᖅᑐᑦ ᐋᖅᑭᒋᐊᕆᒍᓐᓇᖅᑐᑦ ᐊᑭᒋᓇᔭᖅᑕᖏᓐᓂᒃ ᓇᓗᓇᐃᖅᓯᒪᔭᒥᓂᒃ ᑎᑭᓪᓗᒍ ᒪᑐᕕᑦᓴᖓᑕ ᐅᓪᓗᖓ ᐊᒻᒪᓗ ᖃᐅᔨᓴᐅᑖ ᐃᕐᖐᓐᓈᕈᑎᒃᑯᑦ ᓱᒃᑲᔪᒃᑯᓘᓐᓃᑦ. ᐊᑭᒋᓇᔭᖅᑕᖏᓐᓂᒃ ᓇᓗᓇᐃᕈᑏᑦ ᐋᖅᑭᒋᐊᖅᑕᐅᒍᓐᓇᖏᑦᑐᑦ ᒪᑐᕕᑦᓴᖓᑕ ᐅᓪᓗᓂ ᑭᓯᐊᓂ ᖁᔭᓈᖅᑕᐅᒍᓐᓇᖅᑐᑦ ᑐᒃᓯᕋᖅᑐᒧᑦ ᖃᖓᑐᐃᓐᓇᖅ ᑐᖔᓂ ᐊᖏᖅᑕᐅᓂᖓᑕ.
16. ᑐᙵᕕᒃᑯᑦ ᐊᑐᖁᔨᕗᑦ ᐱᖁᑎᓄᑦ, ᐱᔨᑦᓯᕈᑎᓄᓪᓗ ᒪᓂᒪᑎᑕᐅᔪᓂᒃ ᐃᓄᐃᑦ ᓇᖕᒥᓂᖁᑎᖏᓐᓂᒃ, ᐱᓕᕆᑎᑦᓯᓂᕐᒧᑦ ᐱᓕᖕᒪᒃᓴᐃᓂᕐᒧᓪᓗ ᐃᓄᓐᓂᒃ ᐃᖅᑲᓇᐃᔭᖅᑎᓂᒃ, ᐊᒻᒪᓗ ᓯᕗᓪᓕᐅᔾᔭᐅᓂᐊᖅᐳᑦ ᐃᓱᒪᒃᓴᖅᓯᐅᕈᑕᐅᓗᑎᒃ ᖁᓛᓃᑦᑐᓂ ᖃᐅᔨᓴᖅᑕᐅᓂᖓᓂ ᑐᑦᓯᕋᐅᑦ.
17. ᑎᑎᕋᖅᓯᒪᔪᑦ ᐃᓄᐃᑦ ᓇᖕᒥᓂᖁᑎᖏᑦ ᐱᔭᑦᓴᐃᑦ ᖃᕆᓴᐅᔭᒃᑯᑦ:
https://inuitfirm.tunngavik.com
18. ᐊᑭᒋᔭᐅᓇᔭᖅᑐᖅ ᐊᒻᒪᓗ ᐃᓚᓕᐅᑎᓯᒪᔪᑦ ᑎᑎᕋᖅᓯᒪᔪᑦ ᑐᓂᔭᐅᔪᑦ ᑐᒃᓯᕋᖅᑐᒧᑦ ᓇᖕᒥᓂᖁᑎᑖᖑᓂᐊᖅᐳᖅ ᑐᙵᕕᒃᑯᓐᓄᑦ ᐊᒻᒪᓗ ᐅᑎᖅᑎᑕᐅᔾᔮᖏᑦᑐᖅ. ᓂᕆᐅᒋᔭᐅᔪᖅ ᓵᓚᒃᓴᖅᑐᖅ ᐊᑭᒋᔭᐅᓇᔭᖅᑐᒧᑦ ᓇᓗᓇᐃᕈᑎ ᓇᓗᓇᐃᖅᑕᐅᒍᓐᓇᖅᑐᖅ ᐄᑉᕈ 2, 2021 ᖃᐅᔨᓴᐅᑦ 5-ᒥ ᑲᓇᓐᓇᕐᒥ.
19. ᑐᑦᓯᕋᐅᓯᐅᖅᑐᑦ ᒪᓂᒪᑎᑕᖏᑦ ᐊᖏᖅᑕᐅᓚᐅᙱᑦᑐᑦ ᑐᓂᔭᐅᓂᐊᖅᑐᑦ ᑎᑎᖅᑲᒃᑯᑦ ᖃᐅᔨᒃᑲᐃᔾᔪᑎᒥᒃ ᖁᓕᒐᓚᓐᓂᒃ ᐱᓕᕆᓐᓇᐃᑦ ᐅᓪᓗᖏᓐᓂᒃ ᓂᕈᐊᕐᕕᐅᓚᐅᖅᑎᓗᒋᑦ.
B. ᒪᓕᒐᑦᓴᑦ ᐊᑐᖅᑕᐅᒋᐊᓕᓐᓄᑦ
ᓄᓇᕗᑦ ᑐᙵᕕᒃ ᑎᒥᖓᑕ ᑎᓕᔭᐅᓯᒪᔾᔪᑎᖓ, ᑲᔪᓯᑎᑦᓯᓂᕐᒥᒃ ᓄᓇᕗᒻᒥ ᐃᓅᓯᓕᕆᔨᒃᑯᑦ ᑲᑎᒪᔩᑦ ᑲᒪᒋᓂᐊᖅᑕᖏᓐᓂᒃ, ᐸᕐᓇᓂᕐᒥᒃ ᑐᓂᓯᓂᕐᒥᓪᓗ ᐊᕐᕌᒍᑕᒫᖅᓯᐅᒻᒥᒃ ᐅᓂᒃᑲᒥᒃ ᖃᓄᐃᓕᕐᓂᖏᓐᓂᒃ ᐃᓄᐃᑦ ᐃᓕᖅᑯᓯᖓ ᐃᓅᓯᖓᓗ ᐊᕐᕌᒍᖏᓐᓄᑦ 2018/2019 (ᐃᓛᒃᑯᑦ 32.3.4).
ᑖᓐᓇ RFP ᓂᕈᐊᖅᓯᒍᑎᒃᓴᖅ ᑐᑦᓯᕋᖅᑐᒥᒃ ᐃᑲᔪᕐᓂᐊᖅᑐᒥᒃ ᑐᙵᕕᒃᑯᑦ ᑲᔪᓯᑎᑦᓯᓂᖓᓄᑦ ᐱᓇᓱᐊᒐᑦᓴᒥᓂᒃ ᓴᖅᑮᓂᕐᒥᒃ ᐊᕐᕌᒍᑕᒪᖅᓯᐅᒻᒥᒃ ᐅᓂᒃᑳᒥᒃ ᖃᓄᐃᓕᕐᓂᖏᓐᓂᒃ ᐃᓄᐃᑦ ᐃᓕᖅᑯᓯᖓ ᐃᓅᓯᖓᓗ (SICS ᐅᓂᒃᑳᖅ), 25-ᓂᒃ ᐊᕐᒍᓂᒃ ᑕᑯᒋᐊᕈᑎᑕᖃᕐᓗᓂ ᐊᑯᓐᓂᖏᓐᓂ 1993-2018 ᑐᕌᖓᔪᒥᒃ ᐃᓚᖏᓐᓂᒃ ᐱᓗᐊᖅᑐᓂᒃ ᐃᓄᐃᑦ ᓇᖕᒥᓂᖅ−ᒪᑭᒪᒍᓐᓇᓯᒻᒪᖔᑕ, ᐃᓅᓯᕐᒧᑦ ᐃᓕᖅᑯᓯᕐᒧᓪᓗ ᖃᓄᐃᙱᑦᓯᐊᑲᓐᓂᕈᑎᒃᓴᑦ ᐱᕚᓪᓕᖅᓯᒪᒻᒪᖔᑕ ᑲᑕᑦᓯᒪᒻᒪᖔᑕᓗ, ᐅᑯᑎᒎᓇ;
• ᐃᓄᒃᑐᑦ ᐅᖃᐅᓯᖅ,
• ᐃᓄᐃᑦ ᑲᒪᖃᑕᐅᓂᖏᑦ ᐃᓅᓯᓕᕆᓂᕐᒧᑦ ᐃᓕᖅᑯᓯᓕᕆᓂᕐᒧᓪᓗ ᐊᑐᐊᒐᓕᐊᖑᔪᒧᑦ, ᐊᒻᒪᓗ ᓴᓇᒻᒪᖓᓄᑦ ᐃᓄᓯᓕᕆᓂᕐᒧᑦ ᐃᓕᖅᑯᓯᓕᕿᓂᕐᒧᓪᓗ ᐱᓕᕆᐊᑦᓴ ᐱᔨᑦᓯᕈᑏᓪᓗ,
• ᐃᓄᐃᑦ ᐃᓕᓐᓂᐊᕐᓂᖓᓂᒃ ᑲᔪᓯᑎᑦᓯᓂᖅ, ᐱᓕᖕᒪᒃᓴᐅᑏᑦ ᐃᖅᑲᓇᐃᔮᓪᓗ,
• ᐃᓅᓯᓕᕆᓂᕐᒧᑦ ᐃᓕᖅᑯᓯᓕᕆᓂᕐᒧᓪᓗ ᖃᐅᔨᒪᔾᔪᑏᑦ ᐃᓕᓐᓂᐊᓂᕐᒧᑦ, ᐃᓗᓯᕐᒧᑦ, ᐃᖅᑲᖅᑐᐃᕕᐅᑉ ᐊᐅᓚᓂᖓᓄᑦ, ᓄᑕᖅᑲᑦ ᐸᖅᑭᔭᐅᑦᓯᐊᕆᐊᖃᕐᓂᖏᓐᓄᑦ, ᐃᓪᓗᓕᕆᓂᕐᒧᑦ ᐊᒻᒪᓗ ᒪᑭᒪᔾᔪᑎᒃᓴᑦ ᖃᓄᐃᓕᕐᓂᕆᔭᖏᓐᓂᒃ
ᐊᕐᕌᒍᑕᒫᖅᓯᐅᑎᓂ ᐅᓂᒃᑳᓃᒋᐊᖃᕐᒥᔪᑦ ᖃᐅᔨᓴᕈᑏᑦ ᒫᓐᓇ ᐊᐅᓚᔾᔪᑕᐅᔪᒧᑦ ᐋᖅᑭᑦᓯᒪᓂᖏᑦ ᐃᑲᔫᑎᒻᒪᖔᑕ ᐱᔨᑦᓯᕈᑎᓄᑦ ᐃᓄᓐᓂᒃ, ᐊᒻᒪᓗ ᐱᔭᓪᓕᐊᓂᖓ ᐱᕚᓪᓕᕈᑕᐅᓯᒪᒻᒪᖔᖅ ᐃᓄᐃᑦ ᐃᓅᓯᖏᓐᓄᑦ ᐃᓅᖃᑎᒌᓐᓂᕐᒧᑦ, ᐃᓕᖅᑯᓯᖓᓄᑦ ᒪᑭᒪᔾᔪᑎᓄᓪᓗ ᑕᑯᓐᓇᒐᐅᓯᒪᓂᖓᒍᑦ ᓄᓇᕗᑦ ᐊᖏᕈᑎᖏᓐᓂ, ᐊᒻᒪᓗ ᒪᓕᓪᓗᒋᑦ ᐱᔪᓐᓇᐅᑎᖏᑦ ᓂᕆᐅᒋᔭᖏᓪᓗ, ᐃᓚᒋᔭᐅᓗᑎᒃ ᖃᐅᔨᓇᓱᐊᕐᓂᖅ ᐊᓯᐊᒎᕐᕕᒃᓴᓂᒃ ᐋᖅᑭᑦᓯᒪᓂᐅᔪᓂᒃ ᓲᕐᓗ ᓇᖕᒥᓂᖅ−ᐱᓇᓱᐊᕐᓂᕐᒧᑦ ᐊᒻᒪᓗ ᓇᖕᒥᓂᖅ ᐊᐅᓚᑦᓯᓂᕐᒧᑦ.
ᑭᖑᓪᓕᖅᐹᒥ ᐸᕐᓴᐅᑏᑦ ᐊᔾᔨᒌᙱᑐᐃᓐᓇᕆᐊᓕᑦ. ᐱᓕᕆᐊᒃᓴᑦ ᐊᔾᔨᐅᖏᑉᐸᑕ ᓇᓗᓇᐃᔭᖅᓯᒪᓂᕐᓄᑦ ᖁᓛᓂ, ᑭᖑᓪᓕᖅᐹᒥ ᐊᑭᓖᒍᑎᒃᓴᖅ ᐋᔩᕋᕈᑕᐅᒃᑲᓂᕐᓂᐊᖅᑐᖅ ᑐᑦᓯᕋᖅᑐᒧᑦ ᖃᐅᔨᒃᑲᖅᑕᐅᓚᐅᕐᓗᓂ ᐊᓯᔾᔨᕈᑕᐅᔪᓂᒃ.
C. ᐱᓕᕆᐊᒃᓴᒧᑦ ᐋᖅᑭᑦᓯᒪᒍᑕᐅᓚᐅᐱᓪᓚᑦᑐᖅ
ᑎᑎᕋᕆᐊᙵᐅᑏᑦ ᐅᓂᒃᑳᑦ ᐱᐊᓂᒃᑕᐅᓯᒪᒋᐊᓖᑦ ᔫᓂ 4, 2021 ᑐᙵᕕᒃᑯᑦ ᕿᒥᕐᕈᓇᒐᑦᓴᖏᑦ ᐊᒻᒪᓗ ᑐᓂᓯᓗᑎᒃ ᐅᖃᐅᓯᒃᓴᒥᓂᒃ ᐊᒻᒪᓗ ᑐᓂᓯᔭᐅᓯᒪᕆᐊᓕᒃ ᑭᖑᓪᓕᐹᖅᓯᐅᑦ ᐅᓂᒃᑳᖅ ᓯᑉᑎᒻᐱᕆ 30, 2021.
D. ᐊᑭᑦᑐᕋᐅᑎᓂᕐᒧᑦ ᖃᐅᔨᓴᕈᑎ ᐊᒻᒪᓗ ᐃᓄᐃᑦ ᓇᖕᒥᓂᖁᑎᖏᓐᓄᑦ ᐊᖅᑭᒋᐊᕈᑎ
ᑐᑦᓯᕋᐅᑏᑦ ᖃᐅᔨᓴᖅᑕᐅᓂᐊᖅᑐᑦ ᐅᑯᑎᒎᓇ:
1. ᐅᓂᒃᑳᓕᐅᕐᓂᕐᒧᑦ ᐸᕐᓇᑕᖓ, ᐱᓕᕆᐊᒃᓴᓄᑦ ᐸᕐᓇᐅᑏᑦ, ᐱᓕᕆᐊᒃᓴᓕᕆᔫᑉ ᖃᐅᔨᒪᓂᖓ ᐊᔪᙱᓐᓂᖓᓗ: 40%
2. ᐊᑭᖏᑦ ᐊᑭᓕᖅᓲᑏᓪᓗ: 30%
3. ᐊᑐᕐᓂᖅ ᐃᓄᓐᓂᒃ ᐃᖅᑲᓇᐃᔭᖅᑎᓂᒃ: 20%
4. ᖃᐅᔨᒪᔮᖑᓂᖓ ᓱᖅᑯᐃᖅᑕᐅᓯᒪᓪᓗᓂ ᐃᓱᓕᕝᕕᒃᓴᓂᒃ ᑲᔪᓯᑦᓯᐊᓲᖑᒋᐊᖓ: 10%
ᑲᑎᓪᓗᖏᑦ: 100% (100 ᓈᓴᐅᑎᖅᓱᐃᔾᔪᑏᑦ)
1. ᐅᓂᒃᑳᓕᐅᕐᓂᕐᒧᑦ ᐸᕐᓇᑕᖓ, ᐱᓕᕆᐊᒃᓴᓄᑦ ᐸᕐᓇᐅᑏᑦ, ᐱᓕᕆᐊᒃᓴᓕᕆᔫᑉ ᖃᐅᔨᒪᓂᖓ ᐊᔪᙱᓐᓂᖓᓗ
ᑐᑦᓯᕋᐅᓯᐅᖅᑐᖅ ᑐᓂᓯᒋᐊᓕᒃ ᐊᑕᖏᖅᑐᓂᒃ ᓇᓗᓇᐃᔭᐅᑎᓂᒃ ᓴᖅᑭᑎᑦᓯᓯᒪᒍᑎᓂᒃ ᐸᕐᓇᑕᒥᓂᒃ ᐅᓂᒃᑳᒥᒃ ᑎᑎᕋᕐᓂᐊᓂᕐᒧᑦ ᓴᖅᑭᔮᖅᑎᑦᓯᔪᓂᒃ ᐅᑯᑎᒎᓇ:
• ᒪᓕᑦᓯᒪᓗᑎᒃ ᒪᓕᒐᑦᓴᓂᒃ ᐊᐅᓚᑦᓯᔾᔪᑎᓂᓪᓗ RFP−ᓄᑦ.
• ᑐᑭᓯᒪᓂᖅ ᐅᓂᒃᑳᓂ ᐊᑐᖅᑕᐅᒋᐊᓕᓐᓂᒃ ᐊᒻᒪᓗ “ᐊᐅᓚᑕᐅᔾᔪᑕᐅᒍᓐᓇᖅᑐᓂᒃ.”
• ᐸᕐᓇᓯᒪᓂᖅ ᐅᓂᒃᑳᓂᒃ ᑎᑎᕋᕐᓂᕐᒥᒃ ᑎᑭᐅᑎᓯᒪᓂᐊᖅᑐᓂᒃ ᐅᓂᒃᑳᓂ ᐊᑐᖅᑕᐅᒋᐊᓕᓐᓂᒃ.
• ᐋᖅᑭᑦᓱᐃᓯᒪᑦᓯᐊᕈᓐᓇᕐᓗᓂ ᐊᐅᓚᑦᓯᑦᓯᐊᕈᓐᓇᕐᓗᓂᓗ.
• ᓇᓗᓇᐃᖅᑐᖅᓯᒪᓗᓂ ᐱᓕᕆᐊᒃᓴᓄᑦ ᐸᕐᓇᐅᑦ, ᐃᓚᒋᔭᐅᓗᑎᒃ ᑎᓕᓯᔾᔪᑕᐅᓯᒪᔪᓄᑦ ᐱᐊᓂᒃᑕᐅᒋᐊᓖᑦ, ᐊᒻᒪᓗ ᐱᓕᕆᐊᒃᓴᒥᒃ ᐊᐅᓚᑦᓯᓂᖅ.
• ᖃᐅᔨᒋᐊᕐᕕᒃᓴᑦ ᐱᐊᓂᖃᑦᑕᖅᓯᒪᔭᖏᓐᓂᒃ ᑲᔪᓯᑦᓯᐊᖅᓯᒪᔪᑦ ᐅᓂᒃᑳᑦ ᐊᔾᔨᐸᓗᖓᓅᖓᔪᑦ ᖃᓄᐃᓕᖓᓂ ᐃᓚᓕᐅᔾᔭᐅᓯᒪᒋᐊᓕᒃ, ᖃᐅᔨᒋᐊᕐᕕᒃᓴᑦ ᑕᕝᕙᓃᖃᑕᐅᓗᑎᒃ (ᐊᑎᖏᑦ, ᑐᕌᕈᑎᖏᑦ, ᐅᖄᓚᐅᑎᖏᓪᓗ).
ᑐᑦᓯᕋᐅᓯᐅᖅᑐᖅ ᓇᓗᓇᐃᖅᑐᐃᓯᒪᒋᐊᓕᒃ ᑕᕝᕗᙵᖓᔪᓂᒃ ᐊᔪᙱᔾᔪᑎᒋᔭᒥᓂᒃ, ᖃᐅᔨᒪᓂᕐᒥᒃ ᐊᒻᒪᓗ ᐊᑐᖅᓯᒪᓂᕐᒥᒃ ᐅᑉᐱᕈᓲᑎᒋᔭᒥᓂᒃ ᐱᓕᕆᐊᖃᕈᓐᓇᓂᕐᒥᓄᑦ ᐱᓕᕆᐊᖅᑖᖅᑎᑕᐅᒍᒪᔾᔪᑎᒥᓄᑦ ᐅᓂᒃᑳᓕᕐᓂᕐᒥᒃ. ᑐᑦᓯᕋᐅᓯᐅᖅᑐᖅ ᐃᓚᓕᐅᔾᔨᑲᓐᓂᖁᔭᐅᕗᖅ ᓇᓗᓇᐃᖅᑐᖅᓯᒪᔪᓂᒃ ᐊᔪᙱᔾᔪᑎᒋᔭᖏᓐᓂᒃ ᐱᓕᕆᖃᑎᒋᓂᐊᖅᑕᒥᓂᒃ ᐱᓕᕆᐊᖃᖃᑕᐅᓂᐊᖅᑐᒥᒃ ᑖᑦᓱᒥᖓ ᐱᓕᕆᐊᒃᓴᒥᒃ.
2. ᐊᑭᖏᑦ ᐊᑭᓕᖅᓲᑏᓪᓗ
ᑐᑦᓯᕋᐅᑎᓃᒋᐊᓕᒃ ᓇᓗᓇᐃᔭᖅᓯᒪᔪᖅ ᐊᑐᕈᒪᔭᐅᔪᓂᒃ ᐊᑭᓕᑦᓴᓕᐅᕆᓂᕐᒧᑦ ᐋᖅᑭᑦᓯᒪᓂᖏᓐᓂᒃ ᐊᒻᒪᓗ ᐃᓚᒋᔭᐅᒋᐊᓕᒃ ᓇᓗᓇᐃᔭᖅᓯᒪᔪᖅ ᐊᑐᖅᑕᐅᖃᑦᑕᓲᖅ ᐊᑭᓕᑦᓴᓕᐅᕈᑎ. ᑐᑦᓯᕋᖅᑐᖅ ᐃᓚᓕᐅᔾᔨᓯᒪᒋᐊᓕᒃ ᓇᓗᓇᐃᔭᖅᓯᒪᔪᓂᒃ ᑎᑎᕋᖅᓯᒪᓂᖏᓐᓂᒃ ᐊᑭᓕᑦᓴᓕᐅᕈᑕᐅᖃᑦᑕᓂᐊᖅᑐᓂᒃ. ᐊᑭᓖᒍᑏᑦ ᓇᓗᓇᐃᖅᑕᐅᓯᒪᒋᐊᓖᑦ ᑲᓇᑕᒥ ᑮᓇᐅᔭᖁᑎᖏᑎᒍᑦ.
3. ᐊᑐᕐᓂᖅ ᐃᓄᓐᓂᒃ ᐃᖅᑲᓇᐃᔭᖅᑎᓂᒃ
ᑳᓐᑐᓛᒧᑦ ᑐᑦᓯᕋᐅᑦ ᓴᖅᑭᔮᖅᑎᑦᓯᔪᖅ ᐊᑐᕐᓂᐊᓂᕐᒥᒃ ᐃᓄᓐᓂᒃ ᐃᖅᑲᓇᐃᔭᖅᑎᓂᒃ (ᑐᕋᐃᓐᓇᖅᑐᒥᒃ ᐅᕝᕙᓘᓐᓃᑦ ᑳᓐᑐᓛᒃᑕᐅᓯᒪᔪᖅ−ᐃᑲᔪᖅᑎᖓᒍᑦ) ᑐᓂᔭᐅᓂᐊᖅᑐᖅ 20%-ᒨᖓᔪᒥᒃ ᐃᓘᓐᓈᒍᑦ ᐊᑐᐃᓐᓇᕐᓂᒃ ᓈᓴᐅᑎᖅᓱᐃᒍᑎᓂᒃ. ᑐᓂᔭᐅᒍᓇᖁᓪᓗᒍ ᐋᖅᑭᒋᐊᕈᑎᒥᒃ ᐊᑐᓂᕐᒧᑦ ᐃᓄᓐᓂᒃ ᐃᖅᑲᓇᐃᔭᖅᑎᓂᒃ, ᑳᓐᑐᓛᒃᑯᑦ ᑐᑦᓯᕋᐅᑎᓃᒋᐊᓖᑦ ᓇᓗᓇᐃᖅᑐᖅᓯᒪᔪᑦ ᑖᒃᑯᓄᙵᖓᔪᑦ ᑐᑦᓯᕋᐅᑎᓄᑦ ᐊᑐᕐᓂᐊᓂᕐᒥᒃ ᐃᓄᓐᓂᒃ ᐃᖅᑲᓇᐃᔭᖅᑎᓂᒃ ᑐᑦᓯᕋᐅᓯᐅᖅᑐᖅ ᐊᒻᒪᓗ ᑳᓐᑐᓛᒃᑕᐅᓯᒪᔪᓂᒃ−ᐃᑲᔪᖅᑏᑦ. ᐅᓂᒃᑳᓕᐅᒃᑲᓐᓂᕆᐊᖃᕐᓂᐊᖅᑐᑦ ᑐᓂᔭᐅᔪᒥᒃ ᑐᑦᓯᕋᖅᓯᒪᔪᒥᒃ ᐊᑐᓪᓚᑖᖅᑐᒥᓂᐅᓂᕐᒥᒃ ᐃᓄᓐᓂᒃ ᐃᖅᑲᓇᐃᔭᖅᑎᓂᒃ ᑳᓐᑐᓛᒃ ᑐᓂᔭᐅᓚᐅᖅᑎᓪᓗᒍ ᐊᒻᒪᓗ ᑲᔪᓯᑎᑦᓯᓂᙱᑉᐸᑦ ᑐᑦᓯᕋᐅᑕᐅᔪᒥᒃ ᐃᓄᓐᓂᒃ ᐃᖅᑲᓇᐃᔭᖅᑎᖃᕐᓂᐊᓂᕐᒥᒃ ᐊᑭᓖᑎᑕᐅᒍᓐᓇᖅᑐᖅ.
4. ᐃᓱᓕᕝᕕᑦᓴᓂᒃ ᑲᔪᓯᑎᑦᓯᑦᓯᐊᓲᖑᓂᖓ
ᐃᓱᓕᕝᕕᑦᓴᓂᒃ ᑲᔪᓯᑎᑦᓯᑦᓯᐊᓲᖑᓂᖓ ᑭᖑᓪᓕᖅᐹᖅᓯᐅᒻᒥ ᐅᓂᒃᑳᒥ ᐱᖕᒪᕆᐅᔪᖅ. ᑐᑦᓯᕋᐅᑎᖓᒍᑦ ᓴᖅᑭᔮᕆᐊᓕᒃ ᖃᓄᖅ ᑎᒥᐅᔪᖅ ᑎᑭᐅᑎᖃᑦᑕᖅᓯᒪᒻᒪᖔᖅ ᐃᓱᓕᕝᕕᑦᓴᓂᒃ ᐊᒻᒪᓗ ᒪᕐᕉᓐᓂᒃ ᖃᐅᔨᒋᐊᕐᕕᓵᓐᓂᒃ ᓇᓗᓇᐃᕆᓯᒪᓗᓂ.
E. ᐃᓄᐃᑦ ᓇᖕᒥᓂᖁᑎᖏᓐᓄᑦ ᐋᖅᑭᒋᐊᕈᑎ
1. ᐃᓄᐃᑦ ᓇᖕᒥᓂᖁᑎᖏᑦ, ᑎᑎᕋᖅᑕᐅᓯᒪᔪᑦ ᑐᙵᕕᒃᑯᑦ ᐃᓄᐃᑦ ᓇᖕᒥᓂᖁᑎᖏᓐᓄᑦ ᑎᑎᕋᖅᑕᐅᕕᖓᓂ, ᑐᓂᔭᐅᓂᐊᖅᑐᑦ ᐋᖅᑭᒋᐊᕈᑎᒥᒃ (ᐃᓄᐃᑦ ᓇᖕᒥᓂᖁᑎᖓᓄᑦ ᐋᖅᑭᒋᐊᕈᑎᒥᒃ) 15 ᐳᓴᓐ ᓴᓇᒻᒪᖓᓄᑦ ᐊᒻᒪᓗ ᓴᓇᔭᐅᓂᖓᓄᑦ ᐊᑭᖏᓐᓄᑦ ᐃᓚᐅᓗᓂ ᑳᓐᑐᓛᒧᑦ ᑐᒃᓯᕋᐅᑦ (ᐃᓚᒋᔭᐅᙱᓪᓗᓂ GST ᐊᒻᒪᓗ ᐊᐅᓪᓚᑎᑦᓯᒍᑏᑦ).
2. ᐃᓄᐃᑦ ᓇᖕᒥᓂᖁᑎᖏᑦ ᑐᓂᓯᒋᐊᓖᑦ ᓇᓗᓇᐃᖅᑐᖅᓯᒪᔪᓂᒃ ᐃᓄᐃᑦ ᓇᖕᒥᓂᖁᑎᖏᓐᓄᑦ ᖃᓄᐃᓕᖓᓂᕐᒥᓂᒃ ᑐᓂᔭᐅᒍᓐᓇᖁᓪᓗᒋᑦ ᐃᓄᐃᑦ ᓇᖕᒥᓂᖁᑎᖏᓐᓄᑦ ᐋᖅᑭᒋᐊᕈᑎᒥᒃ.
3. ᖃᐅᔨᓴᕈᑕᐅᔪᖅ ᐃᓄᐃᑦ ᓇᖕᒥᓂᖁᑎᖏᓐᓄᑦ ᐋᖅᑭᒋᐊᕈᑎᓄᑦ
ᑳᓐᑐᓛᓄᑦ ᑐᒃᓯᕋᐅᑎᓃᖃᑕᐅᒋᐊᓖᑦ ᓇᓗᓇᐃᔭᖅᓯᒪᓗᑎᒃ ᑕᒪᐃᓐᓄᑦ ᑳᓐᑐᓛᒥᒃ ᑐᓂᔭᐅᔪᒧᑦ ᐃᓚᐅᑎᑕᐅᔪᑦ, ᐃᓚᒋᔭᐅᓗᑎᒃ ᐊᑭᖏᑦ ᐊᑭᓕᖅᓲᑏᓪᓗ ᑐᓂᔭᐅᒋᐊᓖᑦ ᑳᓐᑐᓛᒥᒃ ᑐᓂᔭᐅᔪᒧᑦ ᐃᓚᐅᑎᑕᐅᔪᓄᑦ. ᐃᓄᐃᑦ ᓇᖕᒥᓂᖁᑎᖏᓐᓄᑦ ᐋᖅᑭᒋᐊᕈᑎ ᐃᓕᔭᐅᒋᐊᖃᙱᑦᑐᖅ ᐊᕕᑦᑐᖅᑕᐅᓯᒪᓂᖏᓐᓄᑦ ᑳᓐᑐᓛᓂᒃ ᑐᒃᓯᕋᐅᑎᓄᑦ ᐃᖅᑲᓇᐃᔮᖅ ᑳᓐᑐᓛᒥᒃ ᑐᓂᔭᐅᔪᒧᑦ ᐃᓚᐅᑎᑕᐅᔪᓅᖓᓂᐊᖅᐸᑦ ᐃᓄᒻᒧᑦ ᓇᖕᒥᓂᖁᑕᐅᙱᑉᐸᑦ. ᐃᓄᐃᑦ ᓇᖕᒥᓂᖁᑎᖏᓐᓄᑦ ᐋᖅᑭᒋᐊᕈᑏᑦ ᐃᓚᐅᑎᑕᐅᒍᓐᓇᖅᑐᑦ ᑕᐃᒃᑯᓄᖓ ᑳᓐᑐᓛᓄᑦ ᑐᒃᓯᕋᐅᑎᓄᑦ ᐃᓄᐃᑦ ᓇᖕᒥᓂᖁᑎᒋᙱᑕᖏᓐᓄᑦ ᐊᒃᑐᐊᔪᓄᑦ ᐃᓚᖓᒍᑦ ᑳᓐᑐᓛᒧᑦ ᑐᒃᓯᕋᐅᑎᓄᑦ ᐃᖅᑲᓇᐃᔮᖅ ᑐᓂᔭᐅᓂᐊᖅᐸᑦ ᑳᓐᑐᓛᒥᒃ ᐃᑲᔪᖅᑎᓕᒻᒧᑦ ᐃᓚᐅᑎᑦᓯᔪᒧᑦ ᐃᓄᐃᑦ ᓇᖕᒥᓂᖁᑎᖓᓂᒃ.
