ᐃᖅᑲᓇᐃᔮᑦᓴᑦ

ᑐᑭᒧᐊᒃᑎᑦᑎᔨ, ᑐᓴᐅᒪᔪᓕᕆᔨ

ᐃᖅᑲᓇᐃᔮᕆᔭᐅᑲᐃᓐᓇᕋᒃᓴᖅ ᒪᔾᔨ 23, 2027−ᒧᑦ

ᑐᓴᐅᒪᔪᓕᕆᔨᒃᑯᑦ ᐱᓕᕆᕝᕕᐊᑦ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᐃᖃᓗᐃᑦ, ᓄᓇᕗᑦ

ᐊᖓᔪᖅᑳᖃᕐᓗᓂ ᐊᐅᓚᑦᑎᔨᒻᒪᕆᖕᒥᒃ (CEO), ᑲᒪᒋᔭᖃᕐᓂᐊᖅᑐᑎᑦ ᓴᖅᑭᑎᑦᑎᓂᕐᒥᒃ ᐱᓕᕆᐊᖑᔪᒪᔪᒥᑦ ᑐᕌᒐᒃᓴᒥᑦ ᓄᓇᕗᑦ ᑐᙵᕕᒃᑯᑦ ᑐᓴᐅᒪᔪᓕᕆᔨᖏᓐᓄ ᓴᖅᑭᑎᑦᑎᓗᑎ ᓯᕗᓪᓕᐊᑎᒋᔭᐅᔪᑦ, ᑐᕌᕆᔭᐅᔪᑦ, ᐊᒻᒪ ᑎᑭᑕᐅᔪᒪᔪᑦ ᓄᓇᕗᑦ ᑐᙵᕕᒃᑯᓐᓂ ᐊᒻᒪ ᓄᓇᕗᑦ ᐊᖏᕈᑎᒥ. ᑲᒪᒋᔭᖃᕐᓂᐊᖅᑐᑎᑦ ᑐᓴᐅᒪᔪᓕᕆᓂᕐᒧᑦ−ᐊᒃᑐᐊᓂᓖᒃ ᐊᐅᓚᓂᕆᔭᖏᓐᓂᒃ, ᑲᔪᓯᓂᕆᔭᖏᓐᓂᒃ, ᐊᑐᑦᑕᐅᕙᒃᑕᖏᓐᓂᒃ ᐊᒻᒪ ᐊᑐᐊᒐᖏᓐᓂᒃ ᓄᓇᕗᑦ ᑐᙵᕕᒃᑯᓐᓂ ᑲᔪᓯᓂᖃᑦᑎᐊᖁᒧᑦ ᐱᓕᕆᕝᕕᖕᒥ ᓯᓚᑖᓂᓗ ᑐᓴᒐᒃᓴᓂᑦ ᓄᓇᕗᑦ ᑐᙵᕕᒃᑯᓐᓂᑦ ᑐᕌᕐᕕᖏᑦ ᓈᓚᒃᑎᓄᑦ. ᐃᕝᕕ, ᐃᖅᑲᓇᐃᔮᖅᑖᕆᔭᑦ ᑲᒪᒋᔭᖃᕐᓂᐊᖅᑐᑎᑦ ᓴᖅᑭᑎᑦᑎᓂᕐᒥᒃ ᐅᕝᕙᓘᓐᓃᑦ ᐊᐅᓚᑦᑎᓂᕐᒥᑦ ᑎᑎᕋᖅᑕᐅᓯᒪᔪᓕᒫᓂᑦ, ᓴᖅᑭᑕᐅᓯᒪᔪᑦ, ᐅᖃᐅᓯᐅᓂᑯᑦ, ᐱᖃᓯᐅᑎᓗᒋ ᑲᒪᒋᔭᖃᕐᓂᖅ ᑐᓵᔩᑦ/ᑐᑭᓕᐅᕆᔩᑦ, ᑎᑎᖅᑲᑦ, ᐊᒻᒪᓗ ᑐᑭᓯᒋᐊᕈᑎᓄᑦ ᐊᐅᓚᑦᑎᓂᖅ.

ᖃᐃᖁᔭᐅᓂᐊᕐᓗᓂᑦ ᐊᐱᖅᓱᖅᑕᐅᓂᕐᒧᑦ; ᓯᓚᑦᑐᖅᓴᕐᕕᒡᔪᐊᕐᒥ ᐃᓕᑕᕆᔭᐅᔾᔪᑎᑖᖅᓯᒪᔭᕆᐊᖃᖅᑐᖅ ᐅᕝᕙᓘᓐᓃᑦ ᐃᓕᑕᕆᔭᐅᔾᔪᑎᑖᖅᓯᒪᔭᕆᐊᖃᖅᑐᖅ ᑐᓴᐅᒪᔪᓕᕆᓂᕐᒧᑦ ᐊᒃᑐᐊᔪᓂᒃ ᐃᓕᓐᓂᐊᖅᓯᒪᔭᕐᓂᒃ, ᐊᔾᔨᐸᓗᐊᓂᒡᓘᓐᓃᑦ. ᐅᓄᙱᓐᓂᖅᐹᖃᕐᓗᓂ 5−ᓂᒃ ᐊᕐᕌᒍᓂᒃ ᐱᓕᕆᖃᑦᑕᖅᓯᒪᓂᑰᓗᓂ ᑐᓴᐅᒪᑎᑦᑎᓂᕐᒥᒃ 5−ᓄᓪᓗ ᐊᕐᕌᒍᓄᑦ ᐱᓕᕆᖃᑦᑕᖅᓯᒪᓂᑰᓗᓂ ᐊᐅᓚᑦᑎᕙᖕᓂᕐᒥᒃ ᐃᖅᑲᓇᐃᔭᖅᑎᒋᔭᐅᔪᓂᒃ.  ᖃᐅᔨᒪᓂᖃᑦᑎᐊᕐᓗᓂ ᓄᓇᕗᒻᒥ ᐊᖏᕈᑎᒥᑦ, ᐃᑉᐱᒋᔭᖃᕐᓗᓂᓗ ᓄᓇᓕᓐᓂᑦ, ᒐᕙᒪᓕᕆᓂᕐᒥᑦ ᐃᓕᖅᑯᓯᕐᒥᓪᓗ ᐱᔾᔪᑕᐅᔪᓂᑦ ᐱᔪᒪᔭᖏᓐᓂᓪᓗ. ᐅᔾᔨᖅᓱᑦᑎᐊᕈᓐᓇᕐᓗᓂ ᐃᓗᓕᓂᒃ ᐊᒻᒪ ᖃᐅᔨᓴᕈᓐᓇᕐᓗᓂ ᐱᔭᕆᑐᔪᓂᒃ ᑐᑭᓯᒋᐊᒐᒃᓴᓂᒃ ᓴᖅᑭᑦᑎᑕᐅᓂᐊᖅᑐᓂ ᐱᕙᓪᓕᐊᔪᓂᒃ ᐊᒻᒪ ᖃᐅᔨᒃᑲᐃᔾᔪᑎᓂᒃ ᐃᓄᖕᓄᑦ ᑐᓂᐅᖅᑲᐅᑕᐅᔪᒃᓴᓄᑦ ᑐᑭᓯᓇᖅᑐᒥ ᐅᖃᐅᓯᖅᑕᓂᒃ ᐊᑐᕐᓗᑎᒃ. ᐋᖅᑭᑦᑎᐊᖅᓯᒪᔪᓐᓇᕐᓗᓂ ᐊᒻᒪ ᖃᐅᔨᓴᕈᓐᓇᑦᑎᐊᕐᓗᓂ, ᑐᓴᒐᒃᓴᓕᕆᖃᑦᑕᖅᓯᒪᓗᓂ, ᓂᐅᕕᖃᑦᑕᖅᓯᒪᓗ ᓂᐅᕕᖃᑦᑕᖅᓯᒪᓂᑰᓗᓂᓗ. ᐊᑑᑎᓕᖕᒥ ᐅᓂᒃᑳᕈᓐᓇᕐᓗᓂ ᐊᔾᔨᒌᖏᑦᑐᓂ ᐊᒻᒪ ᓈᓚᒋᐊᖅᑐᕐᓯᒪᔪᓂ; ᐃᒃᐱᖕᓂᖃᕈᓐᓇᑦᑎᐊᕐᓗᓂ ᐅᔾᔨᖅᓱᕈᓐᓇᑦᑎᐊᕐᓗᓂᓗ, ᐊᒻᒪᓗ ᐱᓕᕆᖃᑎᖃᕈᓐᓇᕐᓗᓂ, ᓇᖕᒥᓂ−ᐱᔪᓐᓇᕐᓂᖃᕐᓗᑎ ᐊᒻᒪ ᓇᖕᒥᓂ−ᑐᑭᒧᐊᕈᓐᓇᕐᓗᓂ. ᐅᔾᔨᖅᓱᑦᑎᐊᕐᓗᓂ ᓇᓗᓇᐃᔭᑦᑎᐊᕐᓯᒪᔪᓂᑦ ᐊᒥᓱᓂᒡᓗ ᐱᓕᕆᐊᖃᕈᓐᓇᕐᓗᓂ ᐅᖃᕈᓐᓇᕐᓗᓂ ᑎᑎᕋᕈᓐᓇᕐᓗᓂ ᐃᓄᒃᑐᑦ/ᐃᓄᐃᓐᓇᖅᑐᑦ ᐅᖃᐅᓯᖕᓂᑦ ᐱᔪᒥᓇᖅᐳᖅ ᐊᒻᒪ ᐃᓕᑦᑎᔪᒪᓂᖃᕆᐊᖃᖅᑐᖅ. ᐊᔾᔨᐸᓗᖏᑦ ᑖᔅᓱᒧᖓ ᐃᖅᑲᓇᐃᔮᒧᑦ ᐱᔭᕇᕈᓯᐊᖅᓯᒪᔪᑦ ᐊᑐᐊᒐᓕᕆᓂᕐᒧᑦ ᐊᐅᓚᑦᑎᓂᕐᒧᓪᓗ ᐃᓕᓐᓂᐊᕐᓂᕐᒥᑦ ᐊᕐᕌᒍᓐᓄᓪᓗ ᒪᕐᕈᒃᑲᓐᓃᖕᓄᑦ ᑐᓴᐅᒪᖃᑦᑕᐅᑎᓂᕐᒥᑦ, ᐊᑐᐊᒐᕐᓂᑦ ᐱᕙᓪᓕᐊᑎᑦᓯᓂᕐᒥᑦ, ᖃᐅᔨᓴᕐᓂᕐᒥᑦ ᐱᓕᕆᐊᓂᓪᓘᓐᓃᑦ ᐊᐅᓚᑦᓯᓂᕐᒥᑦ ᐊᒻᒪ ᐃᓘᓐᓇᖏᓐᓂᑦ ᖁᓛᓂᑦ ᐱᓕᕆᓯᒪᓂᑰᓗᓂ, ᐊᔪᙱᑕᖃᕐᓂᕐᒥᑦ, ᖃᐅᔨᒪᓂᕐᒥᑦ ᐊᔪᙱᑕᖃᕐᓂᕐᒥᓪᓗ.

ᓯᕗᓪᓕᖅᐸᐅᔾᔭᐅᓂᐊᖅᑐᑦ ᐃᓄᐃᑦ ᐊᑎᓕᐅᖅᑕᐅᓯᒪᔪᑦ ᓄᓇᕗᒻᒥ ᐊᖏᕈᑎᒥᑦ.

ᑮᓇᐅᔾᔭᒃᓴᓇᔭᖅᑐᖅ $139,879.00 ᐊᕐᕌᒍᒧᑦ (ᒪᓕᒡᓗᒍ ᐱᓕᕆᓂᑰᓂᖓ) ᐃᑲᔫᓯᐊᖅᑖᖅᓯᒪᑦᑎᐊᖅᑐᓂᑦ ᐃᓚᒋᓪᓗᒍ ᐃᖅᑲᓇᐃᔭᖅᑎᐅᑉ ᐃᓐᓇᖅᓯᐅᑎᒃᓴᓄᑦ ᐸᕐᓇᐅᑎ, ᑲᑎᙵᔪᓄᑦ ᓇᓪᓕᐅᒃᑯᒫᑦ ᐊᒻᒪ ᕿᑲᕆᐊᕐᓂᕐᒧᑦ ᖃᖓᑦᑕᐅᑎᓄᑦ ᐃᑲᔫᑎᑦ.

ᐃᖅᑲᓇᐃᔭᖅᑎᒧᑦ ᐃᒡᓗᖃᖅᑎᑕᐅᔪᓐᓇᑐᐃᓐᓇᕆᐊᓕᒃ ᑖᔅᓱᒧᖓ ᐃᖅᑲᓇᐃᔮᒧᑦ.

ᓄᓇᕗᑦ ᑐᙵᕕᒃᑯᑦ ᐊᔾᔨᒌᙱᑦᑐᓂᒃ ᐃᒡᓗᓕᕆᓂᕐᒧᑦ ᐃᑲᔪᖅᓱᐃᓲᖑᕗᑦ ᐃᖅᑲᓇᐃᔭᖅᑎᓄᑦ ᐃᓚᓕᐅᔾᔭᐅᓪᓗᑎᒃ ᐊᑭᓖᕙᒌᕐᓂᕐᒧᑦ ᐃᑲᔫᑎᑦ ᐊᒻᒪ ᐃᒡᓗᒧᑦ ᐃᑲᔫᑎᑦ ᐃᒫᑎᒋ $35,865.00. 

ᐃᖅᑲᓇᐃᔮᑉ ᓇᓗᓇᐃᔭᖅᓯᒪᓂᓕᒫᖓᓂᒃ ᐱᔪᒪᒍᕕᑦ, ᖃᐅᔨᒋᐊᕐᕕᒋᒍᒃ:
ᐃᖅᑲᓇᐃᔭᖅᑐᓕᕆᔨᒃᑯᑦ
ᓄᓇᕗᑦ ᑐᙵᕕᒃᑯᑦ ᑎᒥᖓᑦ
ᑲᖏᖅᖠᓂᖅ, ᓄᓇᕗᑦ X0C-0G0

ᐅᖄᓚᐅᑦ: 867-645-5411
ᓱᒃᑲᔪᒃᑯᑦ ᓈᓴᐅᑖ 867-645-3872

ᒪᑐᕝᕕᒃᓴᖓ: ᑕᕿᓐᓇᕐᔪᐊᖅ 12, 2026

ᑐᕌᒐᕆᔭᕗᑦ: ᐃᓄᐃᑦ ᒪᑭᒪᓇᓱᐊᕈᑎᖏᑦ, ᐃᓅᓯᖏᑦ, ᐃᓕᖅᑯᓯᖏᓪᓗ ᖃᓄᐃᙱᑦᑎᐊᕐᓂᖏᑦ ᐊᑐᓕᖅᑎᑦᑎᓂᒃᑯᑦ ᓄᓇᕗᒻᒥ ᐊᖏᕈᑎᒥᒃ.

Download (PDF, 247KB)

LOCATION: (English) Iqaluit
CLOSING DATE: January 12, 2026