Ukpigohuktoga sikuktitiyagani atuteaktok. Aknaguheovloga, hinaktumagiyuyaginaktaga sikuktitiyeoyamni. Kungeakhogin sikuktitiyigaloatka havaakaktun ayoetotiklo, ihomagilikhimayaga talvuna. Kuveagiteaktaga. Ihomalikhimayoga kanogitomik havaakaligeamni, iniktiklogo kiheani sikugutitka. Iniktatka pigahun ukeon hamani Regina-mi. Ataohikmiklo huli piyageakaktoga iniktinagu sikugutiga. Sikugaloaktiloga hamani Regina-mi, agilgaoyomanaktok sikuktitiyamni. Ihomagiyakaktoga uploani utikvikhajma
nunagiyamnun inuhimaligaloakhoga Regina-mi pigahuni ukeoni.
Inuhimayoga pamiktaohimayogalo Ikalokni. Amamaga Inoenak aapagalo Jamaica-migakhimayok. Okoatiyaohimayoga amigaetonin kanogituniga Inoenaktun ituginman. Kiheani pamiktaohimayoga Inoenaen nunagiyaani. Kaoyimayoga Inoenaoyoga kuveagiyagalo. Aalaganiguma inuhikagumalo Kavlonatun, koveagiyaga okageamni Inoenaoni giyamnik. Amamagma ayoekhatiyaga Inoenaktun okageamni ilagilo sikuktitiyitka ayokiktoktangalo, tamna koveahutigiyaga.
Inugaloaktiloga kavlunaan nunaani, ayokiktoktaohimayoga Inoen ilitkohenik. Kaoyimaliktagalo Kavlonaan ilitkohen. Ayokiktoktaohimagama malgukni aalagayoni ilitkoheoyonik pivaaligutigigapku sikuktitiyin ayoekhayotaenik havaami. Amigaetun aalatken ilitkuheoyun. Ihomagiyaga ikayoktaolagapta ukunanga aalatkenin ilitkoheoyonin.
Ayoektatka ilagiyamnin Inoenaknilo atuteagumayatka sikuktitiliguma. Ilagitkoyaga Inoenaktun sikugutin sikuktitiliguma. Sikuktitiyomayoga ilagenik inukatigeniklo, nukakheoyoniklo anikatinik, agayokheoyoniklo, akaloamiklo, agakmiklo, atakmiklo. Ukoa Inoen ihomagiyaen. Sikuktun uplomi ihoamagiyakakloaktun hilakyoami okaotaoyonik. Sikuktitilaktogun hilakyoami okaotaoyonik, kiheani sikuktitilaktogun Inoen ihomagiyaenik.
Koyagiyaga amamaga ayokiktoekmaga Inoenaktun okageamni, ihoakogiyagani, ikayogeaganilo ahenik inuknik. Okagumayoga Inoenaktun, aheniklo inuknik okakatikageakaktoga. Avaletageakaginapta ila; okaohigiyageakaktakun kaoyimayavun.
Sikuktitiyeoliguma, itkaomayageakaktoga atogeagani Inoen pitkohen ihomagiyaelo nutalo ilitkuheoliktun. Amigaetun sikuktun kaoyimaginmata kinaonigiyamiknik. Atokpaktun Kavlonaan ilitkohenik. Taemaetkaloaktilogo, sikugutikakhimagina laktok Inoen ilitkohenik. Inoen Kaoyimayatokagin kahakhi valeaginakman kagitaoyakun. Amigaetolo hivonikhiyutikhan pilaktun katitikhimayonin.
Sikuktitiyeoliguma, atogumayoga sikugutinik Inoen kaoyimayaenik. Inoen ihomagiyaen ihomanakpeaktun. Uplomi, Inoen hivomuvaleaginakmata kuveahu taoyoklo Sikuktitatka inmiknik kuveagi -teakoyatka kinaonigiyamiknik humigakmagalo. Tamapta aalagayogun ilihakniklo atokhimaginakman inuhikmi. Hivomun
aolaenalaktogun atoklogin aalagani giyavun. Koyakpeaktoga kagugu sikuktitiyigukne akoga anigukhiguma hamanga.
Koveahuktoga takoayagani aalatkenik sikuktitiyin sikuktitiyu -henik. Pikakman aalatkenik sikuktun ayoegeagani, uvagali ayoegea -kaktoga atugeaganilo aalatkenik sikuktitiyotinik ikayogeamni aalanik inukni.
Inoen ilitkohen akhuknaktun, kiheani taemaktilaetaga atogeagani, uktogeaganilo aalatkenik sikugutinik piyomayamnik. Naho giyoga amigaetun huli kahakneaktun hivunikhami. Aalatkenik ayoenikaktogun nakuneaktolo kigoagun kanoginigin. Atogumaya vun ayikotakagitun ayoenigiyavun ihoaktomik. Ayoekpaleaginaktoga.
Inoen aalatkenik ayikiktutikaktun. Ayoekhayoga sikuktitiyik ilihaotaenik Kavlonatun okaohik atokhogo. Atogumaenaktoga Inoen pitkohenik. Maligoaktaga Kavlonan pitkohen, kiheani
Inoenaoni giyaga haku giktok. Kaoyiyoga kina oni gi -yaga ikayutaoneakman sikuktiti yigoguma. Uplomi, takoyoga amigaetonik Inoenaknik okagiktonik Inoenaktun
Kavlonatulo. Kaoyimayaka tamaknik okaoheoyuk akhugutigineaktagalo ikayutigiyagani kaoyimaniga. Kaetkoneaktatka sikuktun, agayokalo, havaktolo, Iniknigilo kaeyagani sikuktitiyaganilo sikukvikmi. Tamna opalogaeyaotiga.
Havaaga sikuktitiyeovloga atuteagumayaga. Kuveagiyaga Nunavut Inoenaelo. Aetuktaohimayogun aalatkenik ayoeni giyaptiknik akhugutinin anigukhihimayogulo nakuyomik. Tamna koveahuta oyukhak. Koyahuktoga sikuktun ikayoktaovakmata. Nunavut takupkaktitaeyok atoknigagnik ilihateakhimayagani. Tavumiga koyahuktoga kuveagiyagalo.
